klan maqedonia

gocevski.jpg
G. P.17:25 | 14/07/2019

Ish-ministri i Mbrojtjes së Maqedonisë, Trajan Gocevski ka deklaruar se vendi rrezikon të bjerë pre e akteve armiqësore për shkak të ambicieve për t’u anëtarësuar në NATO. Në një intervistë për “Klan Maqedonia”, Gocevski ka theksuar gjithashtu se shkëmbimi eventual i territoreve mes Serbisë dhe Kosovës do të ishte i dëmshëm për rajonin.

Sfidat rreth zgjerimit të NATO-s duhet të merren parasysh për shkak se jemi cak i disa destabilizimeve që të defokusohen ndryshimet kyçe dhe të pengohet ky proces. Kështu vlerëson Ministri i parë i Mbrojtjes dhe ish-Dekani i Fakultetit Filozofik në Shkup Trajan Gocevski. Sipas tij, Rusia po mbrohet nga NATO-ja, kurse Maqedonia e Veriut duhet t’i përforcojë mekanizmat e mbrojtjes. Lidhur me bisedat me komedianët rus, Gocevski thekson se kjo gjë nuk është naive.

Trajan Gocevski, ish-ministër i Mbrojtjes: Do të ketë kërcënime hibride dhe speciale që po zhvillohen në mënyrë permanente, por ndaj nesh tani do të përforcohen. Kjo me komedianët nuk është aspak naive. Nuk duhet kuptuar si argëtim. Kjo nuk mund të trajtohet në këtë mënyrë dhe se informacionet nuk dëshirojnë të shfrytëzohen nga shërbimet.

Ish-Ministri Gocevski e vlerëson të rrezikshme për stabilitetin e rajonit idenë e këmbimit eventual të territoreve mes Prishtinës dhe Beogradit. Gjithashtu sipas tij, shqetësuese paraqitet edhe gara e armatimit në rajon.

Trajan Gocevski, ish-ministër i Mbrojtjes: E dini çka më shqetëson tani? Të gjithë filluan të armatosen. Ja shihni Kroacia dëshiron të furnizohet me aviacion ushtarak, Serbia furnizohet me aviacion, Bullgaria mori vendim për 12 avionë ushtarak. Kjo do të thotë se vendet e rajonit fillojnë t`I tregojnë muskujt. Kosova është fqinji ynë, kurse indikacionet për ndryshim kufijsh janë gjithmonë të rrezikshme, sidomos në Ballkan. Duhet që të gjithë ta përkrahim Kosovën që të stabilizohet dhe është në interes të rajonit që Kosova të jetë një shtet stabël i së drejtës dhe me prosperitet ekonomik.

Ish-Ministri Gocevski vlerëson se tashmë gjasat janë shumë reale që në samitin e Londrës në Dhjetor Maqedonia e Veriut do të bëhet vendi i 30-të I NATO-s. Sipas tij, vazhdimësia dhe gatishmëria e vendit që të bëhet pjesë e Aleancës veriatlantike u konfirmua edhe me manovrën e paradokohshme ushtarake në poligonin Krivollak ku morën pjesë rreth 3000 ushtarë nga gjashtë vende të NATO-s./ABC News Albania 24/7

ZAEV-PER-PERGJIMET-_ABC-M1-T1.mpg_snapshot_00.17-1280x720.jpg
ent ela15:20 | 12/07/2019

I ftuar në emisionin Klan Debat Kryeministri Zoran Zaev është ka folur për aktualitetin politik në vend, sidomos rreth integrimeve Euroatlantike dhe Marrëdhënieve me fqinjët. Zaev u pyet rreth skandalit të fundit ku u mashtrua nga dy komedianë rus. Ndjenja nuk është e mirë – pranoi ai.

Kryeministri Zoran Zaev në Klan Debat fillimisht theksoi se ka qenë viktimë e transparencës së tij ndaj të gjithëve. Ai pranon se duhej të kishte kontrolle më të mëdha të bisedave të zhvilluara telefonike, por siguron se nuk ka ndarë sekrete shtetërore. Duke komentuar bisedën telefonike me dy komedianët rusë për çështjen e Kosovës ai thotë se është sqaruar me autoritetet e Kosovës dhe Serbisë. Por, për Maqedoninë e Veriut – siç tha me interes është dialogu dhe zgjidhja paqësore e dialogut Prishtinë-Beograd.

Zoran Zaev, Kryeminister, RMV: “Duhet të gjendet një zgjidhje që do të jetë e mirë për shqiptarët, serbët dhe të tjerët që jetojnë në Kosovë, por zgjidhja duhet të sigurojë paqë të përhershme drejt integrimeve evropiane të Kosovës dhe gjithë Ballkanit Perëndimor që të përforcohet bashkëpunimi rajonal. Këto janë dëshirat tona”.

Kryeministri është shprehur optimist se do të zgjidhet cështja e PSP-së. Siç tha, opozita duhet të ketë më shumë guxim për kompromise. Ai tha se i di qëndrimet e partive politike shqiptare rreth kësaj çështjeje, por se vijat e kuqe nga ana e VMRO-DPMNE-së nuk do të jenë pengesë që më në fund të arrihet një marrëveshje.

“Nuk do të presim deri në “5 deri në 12″, mandati i PSP-së skadon më 15 shtator. Çështja e vetme që jemi bllokuar është Katica Janeva dhe emri i saj. Ne duhet ta zgjidhim këtë, jo për Bashkimin Evropian, sepse ne duhet ta zgjidhim atë në shtëpi. Kompromiset nuk do të bëhen në kurriz të drejtësisë. Grupet e punës do të punojnë, ka vullnet në të dyja palët, duhet që të ulet dhe të gjendet një kompromis një orë e më parë. Sistemi i drejtësisë në Maqedoninë e Veriut nuk funksionon me kapacitete të plota për shkak të kësaj çështjeje të pazgjidhur. Jo me kapacitet të plotë dhe të ardhme të pasigurt”.

Duke folur për marrëdhëniet me Shqipërinë Kryeministri Zoran Zaev se Kryeministri Rama ka pranuar sqarimin e Pendarovskit rreth deklaratës për të vecuar dy vendet drejt datës së negociatave. Interesi i vendit tonë është që të shkojmë bashkë me Shqipërinë – tha Zaev.

Nëse hyjmë bashkë do të ndihmohemi me njëri-tjetrin. Mund ta konfirmoj se ekziston një miqësi e fortë mes Ramës dhe kancelares gjermane Merkel. Ajo është përkrahëse e fuqishme e integrimeve të RMV-së dhe Shqipërisë.

Duke folur për marrëdhëniet me fqinjët Kryeministri Zaev  tha se pas fitores në zgjedhjet në Greqi ka kontaktuar me Kryeministrin Micotakis dhe se është vendosur së shpejti të realizojnë një takim. Zaev nuk saktësoi se kur do të ndodh ky takim, por se punohet në këtë drejtim. Sa i përket çështjes që ngriti shqetësime në Shkup dhe Sofje rreth asaj se kujt i takon personaliteti historik Goce Dellcevi  Zaev njoftoi se komisionet përkatëse në bashkëpunim me politikën shumë shpejt do të gjejnë zgjidhje për cështjen Goce Dellcev. “Do të thirremi në dokumentet dhe do të gjejmë zgjidhje. Ne shikojmë drejt të nesërmes” – tha Zaev. /ABC News Albania 24/7

klan-maqedoni-1280x713.jpg
G. P.23:29 | 11/07/2019

Kryeministri i Maqedonisë së Veriut ka folur për komunikimin me dy komedianët rusë, që i sollën një situatë të sikletshme në raport me fqinjët. Në një intervistë për Klan Maqedonia, Zaev tha se është ndjerë i mashtruar, ndërsa mbështet zgjidhjen më të mirë mes Kosovës e Serbisë përmes dialogut.

Do të vijë për herë të parë në ambientet e Klan Maqedonia dhe do të mirëpritet nga drejtuesit e televizionit. Padyshim se Kryeministri nuk mundej t’i shmanget pyetjes rreth skandalit të fundit ku u mashtrua nga dy komedianë rus. Ndjenja nuk është e mirë, pranoi ai.

Definitivisht është një ndjenjë e hidhur, për shkak se ndjeheni të mashtruar dhe këtë e ndava me opinionin dhe shpreha keqardhje”, tha Zaev.

Në “Klan Debat”, ai thotë se është sqaruar me autoritetet e Kosovës dhe Serbisë lidhur me bisedën e zhvilluar. Por për Maqedoninë e Veriut, siç tha, me interes është dialogu dhe zgjidhja paqësore e dialogut Prishtinë-Beograd.

“Duhet të gjendet një zgjidhje që do të jetë e mirë për shqiptarët, serbët dhe të tjerët që jetojnë në Kosovë, por zgjidhja duhet të sigurojë paqe të përhershme drejt integrimeve evropiane të Kosovës dhe gjithë Ballkanit Perëndimor që të përforcohet bashkëpunimi rajonal. Këto janë dëshirat tona”, tha Zaev.

Në Klan Debat Kryeministri Zaev është prononcuar edhe rreth shumë çështjeve të tjera aktuale, sidomos rreth integrimeve euroatlantike dhe marrëdhënieve me fqinjët.  /ABC News Albania 24/7

INTERVISTE-TALAT-XHAFERRI-KLAN-MAQEDONI-1280x720.jpg
ent ela17:33 | 06/05/2019

Në një intervistë eskluzive për Klan Maqedonia, kryetari i Kuvendit Talat Xhaferri, ka bërë analizën e tij për zgjedhjet presidenciale në Maqedoninë e veriut, si dhe për fitoren e Pendarovskit.

Kryetari i Kuvendit në Maqedoninë e Veriut ka uruar qytetarët për pjesëmarrjen në votime dhe mbarëvajtjen e procesit zgjedhor në balotazhin e së dielës. Talat Xhaferi ka uruar dhe fituesin, kreun e ri të shtetit Pendarovskin.

Ai gjithashtu ka hedhur poshtë akuzat e opozitës në vend sipas të cilës i gjithë procesi i votimit ka qenë i manipuluar.

“Me rëndësi është vlerësimi i gjithë autoriteteve mbikëqyrëse që kanë patur kompetenca për mbikëqyrjen e procesit dhe vlerësimi paraprak i tyre është që procesi zgjedhor nuk ka parregullsi të theksuara në proces, përjashtuar disa raste individuale të tentimit për fotografim apo për ndikim në vendvotime dhe për këtë arsye nuk besoj se i gjithë procesi korrespondon me konstatimin e opozitës”, tha Xhaferi.

Xhaferi komentoi gjithashtu dhe pjesëmarrjen e tij në fushatën elektorale para balotazhit të së dielës.

“Kyçja ime ka të bëjë me ndjesinë e përgjegjësisë me procesin në përgjegjësi, për faktin se përfolej se po bëhe lojë të dyfishtë, gjoja ma justifikimin se do jem mbartës i dy funksioneve. Mendoj që procesit i nevojitej paraqitja ime publike dhe apeli im publik”, tha ai.

Votat e shqiptarëve në Maqedoninë e Veriut ishin shumë të rëndësishme si për rezultatin, por dhe për arritjen e përqindjes së domsodoshmë së pjesëmarrjes në votime.

“Gatishmëria e shqiptarëve në vendvotimet e tyre ka qenë vendosëse edhe në përmbushje të censusit, por edhe për caktimin e fituesit”, tha Xhaferi.

Pyetjes se si e sheh situatën në parlament në lidhje me një opozitë tashmë të fortë në vend dhe synimit të vendit për integrim në Bashkimin Europian, Xhaferi theksoi se si kryetar i parlamentit të vendit e ka dëshmuar se është I gatshëm me këdo palë që të jenë në opozitë.

“Parimi i bashkëpunimit të mazhorancës, me opozitën, është parim kryesor në demokracitë parlamentare. Unë si kryetar parlamenti dhe parlamentin në këtë përbërje ka vërtetuar faktin që bashkëpunbimi me opozitën, cilido qoftë nuk ka munguar dhe nuk do mungojë për faktin se obligim të përgjithshëm kemi procesin integrues të vendit”, tha Xhaferi.

Tashmë që Ivanov nuk do të jetë më në krye të shtetit, a do të jetë më e lehtë detyra në të ardhmen për kryetarin e parlamentit? Si do të sigurohen 2/3 e votave që aktualisht kërkojnë dhe mbështetjen e opozitës.

“Çështja e bashkëpunimit nuk ka të bëjë me problemet e mia, për faktin që unë si kryetar parlamenti nuk kam pasur problem komunikimi me kryetarin e shtetit. Problem ka qenë mos respektimi i Kushtetutës nga ana e kryetarit në ikje, i cili nuk dekretonte ligjet e parlamentit. Besoj që kjo praktikë nuk do vazhdojë me presidentin e ri, për faktin që ka qenë edhe i mbështetur nga mazhoranca në përgjithësi. Besoj se presidenti i ri ka koncept tjetër aderues”, tha Xhaferi./ABC News Albania 24/7

agimi.jpg
ent ela17:47 | 15/11/2018

Institucionet në Maqedoni po hetojnë lidhur me arratisjen e ish-kryeministrit Gruevski. Dy forcat më të mëdha të politikës kanë akuzuar njëra-tjetrën. Ndërkohë gazeta serbe “Politika” shkruan se ish-Kryeministri Gruevski është arratisur përmes Shqipërisë.

Për momentin janë duke u zhvilluar dy hetime në Ministrinë e Brendshme të Maqedonisë për t’u vërtetuar organizimi i arratisjes së ish-Kryeministrit Nikola Gruevski dhe kush i ka ndihmuar. Mbrëmë në “Klan Debat” rreth përgjegjësive institucionale, Zv/Ministri i Brendshëm, Agim Nuhiu, thotë se ky dikaster nuk ka përgjegjësi, duke hedhur fajin tek gjykatat e vendit.

Agim Nuhiu, zv/ministër i Brendshëm, Maqedoni: “Ministria e Brendshmë prej momentit që ka marrë në tavolinën e vet aktin e referimit nga gjykata për të siguruar zotin Gruevski për të vuajtur dënimin me burg, edhe ne kemi marrë masa e caktuara operative”.

Partia në pushtet LSDM-ja ka kërkuar përgjigje nga lideri I opozitës Mickovski rreth rolit të tij në arratisjen e ish-Kryeministrit.

Kostadin Kostadinov, LSDM: “Cili ka qenë qëllimi i vizitës së Mickovskit në Budapest dhe Beograd në gjysmën e dytë të tetorit të këtij viti? A kanë lidhje këto vizita me përgatitjen për arratisje të Nikola Gruevskit”?

Nga opozita përgjegjësinë e hedhin tek qeveria, duke kërkuar dorëheqje të Kryeministrit Zaev dhe ministrit të Brendshëm Spasovski.

Naum Stoilkovski, VMRO-DPMNE: “Përgjegjësia për lëvzijen, për metodat dhe për mënyrën e arratisjes së Nikola Gruevskit është tek qeveria. Zaev dhe Spasovski duhet të japin dorëheqje të parevokueshme për shkak të mosfunksionimit të institucioneve në Maqedoni”.

Ndërkaq, Gazeta e Beogradit “Politika” ka njoftuar se ish-Kryeministri Nikola Gruevski është arratisur në Hungari përmes Shqipërisë. Gazeta thotë se Gruevski me pasaportë të rrejshme, gjatë natës ka kaluar kufirin maqedono-shqiptar ku ka qenë i pranuar në ambasadën hungareze në Tiranë.

Të nesërmen në mëngjes, siç pohon gazeta, me fluturimin e parë të kompanisë ajrore Malev, Gruevski nga Tirana ka arritur në Budapest. Ndërkaq Radio Evropa e Lirë duke iu referuar kësaj gazete saktëson se agjencia Malev nuk funksionon që nga viti 2012./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono