kine

Guangzhou.png
Igli Nikolli12:22 | 01/12/2019

Guangzhou Evergrande triumfoi 3-0 në ndeshjen e fundit dhe ia doli të shpallej kampion në Kinë. Ekipi që drejtohet nga Fabio Cannavaro mposhti Shanghai Shenhua dhe e mbylli sezonin në krye me 72 pikë, dy më shumë se rivalët kryesorë të Beijing Guouan.

Ky është titulli i tetë në historinë e klubit. Guangzhou Evergrande u shpall për herë të parë kampion në vitin 2011 dhe vetëm sezonin e kaluar e mbylli në vend të dytë.

Fabio Cannavaro

Dominim total i ekipit të Cannavaros, i cili feston titullin e parë në rolin e trajnerit. Festa ishte e madhe pas fitores, teksa lojtarët, stafi teknik dhe të gjithë pjesëtarët e klubit festuan gjatë me tifozët e tyre. /abcnews.al

5d9c4787ae5ac9776602e2d6.png
nev ila11:01 | 18/11/2019

New York Times publikoi një sërë dokumentesh të brendshme të shtetit kinez, ku dëshmohet trajtimi i pamëshirshëm nga ana e Pekinit për minoritetet myslimane në vend. Kjo rrjedhje informacioni konsiderohet si më e madhja prej dekadash.

Bëhet fjalë për rrjedhjen më të madhe të informacioneve nga Pekini, prej vitesh. New York Times publikoi më shumë se 400 faqe dokumentesh të brendshme, të cilat përshkruajnë dhunën e Kinës kundë minoriteteve etnike muslimane në Xinjiang, duke pasur si objektiv ujgurët dhe kazakët të mbyllur prej kohësh në kampet burg.

Mes letrave, janë dhe fjalime të presidentit Xi Jinping i cili në vitin 2014 bëri apel që të mos kishte asnjë mëshirë për ujgurët.

Nga dokumentet del gjithë ashtu dhe qëllimi i Pekinit për të zgjeruar kushtet ndaj fesë islame, në zona të tjera të Kinës. Por dhe një manual të shpërndarë për forcat e rendit, për t’u shpjeguar studentëve që vizitonin familjet e tyre, se pse të afërmit e tyre ishin zhdukur nga shtëpia.

Që në stacion pas përfundimit të semestrit, studentëve u shpjegohej se prindërit e tyre ndodheshin në shkolla trajnimi të qeverisë dhe për këtë arsye nuk mund t’i shihnin. Në rast se të rinjtë do të këmbëngulnin, agjentët ishin të autorizuar që t’i kërcënonin, duke iu thënë se në varësi se si do të silleshin, ashtu do të trajtoheshin dhe prindërit e tyre.

New York Times i përshkruan dokumentet si rrjedhjen më të madhe të informacioneve nga partia lomuniste kineze dekadat e fundit. Një rrjedhje që do të ndikojë në negociatat tregtare mes Shteteve të Bashkuara të Amerikës dhe Kinës, të cilat po përpiqen të arrijnë një marrëveshje të vogël për sa i përket betejës së tarifave.

New York Times shkruan se dokumentet tregojnë qartë se si makineria shtetërore kineze po kryen një fushatë burgosjeje, e cilësuar si më e egra që nga koha e Maos.

Dokumentet tregojnë se presidentit kinez, në vitin 2014, pasi disa militant ujgurë kishin qëlluar me thikë 150 persona, mbështeti përdorimin e organeve të diktaturës kundër terrorizmit, infiltrimit dhe separatizmit, pa treguar asnjë mëshirë. Kampet burgje, janë shtuar që nga viti 2016, sipas asaj që shkruhet në këto dokumente./abcnews.al

rama-70-vjetori-kine-1280x707.jpg
nev ila22:20 | 11/11/2019

Në ambientet e kryeministrisë u përkujtua 70 vjetori i marrëdhënies Shqipëri- Kinë. Kryeministri Rama foli për nevojën e një marrëdhënieje që sheh disa realitete, ndërsa ambasadori kinez shprehu urimin që marrëdhënia mes dy vendeve të mos prishet nga askush e asnjë lloj force.

7 dekada marrëdhënie Shqipëri-Kinë u shënjuan përmes një ekspozite në ambientet e qendrës për dialog në kryeministri. I pranishëm shefi i qeverisë për të përkujtuar rrugëtimin e marrëdhënies mes dy vendeve, i nisur në vitin 1949

“Ishte koha kur dashuria sillte të ardhura e tani është koha kur të ardhurat duhet të sjellin dashurinë e në këtë pikë jemi në disavantazh më të madh por do bëjmë tonën”, tha Rama.

Duke vlerësuar marrëdhënien ndër vite, Ambasadori kinez në Tiranë e pati një mesazh gjeopolitik.

“16 pulla të ekspozuara këtu sot, me temë Kinën, të ekspozuara e të emetuara nga Shqipëria në periudha të ndryshme historike, ne shohim një vend 10 mijë milje larg Kinës që gjithmonë e ka parë Kinën në një këndvështrim mjaft t ë pasionuar. Shpresoj që lidhja miqësore midis nesh të mos prishet nga askush dhe nga asnjë forcë”.

Kujdesshëm kryeministri kujtoi detyrimet ndërkombëtare të Shqipërisë si anëtare e NATO-s, por shpjegoi interesin turistik të vendit, e ilustruar me idenë e schengen-it ballkanik, i iniciuar bashkë me presidentin Vuçiç e Kryeministrin Zaev.

“Kina nuk resht së kultivuari veçori dhe  politika që tejkalojnë koncepte të dakordësuara e mbetet një realitet shtet..gjigand. Nuk është aspak çudi që Kina është sot partneri më i madh strategjik pas BE e potencialisht portofoli i kësaj marrëdhënie  s’ka asnjë mundësi tjetër që të njohë rritje btrë vazhdueshme. Vetëm këtë vit rritja e turistëve kinezë ishte 65% më shumë me një vit më parë. me çuarjen përpara të marrëveshjes së Ë 6 të shengenit ne besojmë se vitin e ardhshëm  do kemi bum turistësh kinezë. Në muajt në vijim për turistët kinezë nuk do jetë e nevojshme të kenë më shumë se sa një pikë hyrëse, në sensin e dokumentacionit. Praktikisht në gjithë zonën ku do funksionojë marrëveshja do bëhet e mundur që ata të lëvizin pa viza”.

Nuk mund të mungonin as batutat e kujtimeve nga takimet në Kinë, të lidhura me miqësinë e para viteve 90.

Mua më ka bërë përshtypje kur kam qenë në Kinë se doja të qepja një xhaketë MAO me përmasat e mia se s’kishte në dyqane, dhe më çuan në një rrobaqepësi, direkt në rrobaqepësi, që të bëja vizatimin e të bëja xhaketën. Aty ishin rreth 60 rrobaqepëse, dhe mbasi morën vesh kush isha unë, filluan të këndojnë këngën “Ara, fabrika, kantiere”. Në takimin që pata në darkë me kryetarin e bashkisë së Pekinit, i thashe së çmë kishte ndodhur, ai më pa dhe filloi të këndonte këngën “Malet me blerinë mbuluar”. /abcnews.al

KINE-E-PREMTJA-E-ZEZE-1280x720.jpg
ent ela12:27 | 11/11/2019

E “premtja e zezë” kineze ka shënuar rekordin e më shumë se 28 miliardë dollarë të shpenzuara për blerje brenda 24 orëve. Vetëm në 68 sekondat e para, dollarët e shpenzuar për blerje online, ishin 14.3 miliardë.

“Alibaba” mbyll edicionin e 11 të festivalit për blerjet në ditët teke, një ditë dedikuar blerjeve të shfrenuara në faqet online në Kinë. Të ngjashme me të premten e zezë amerikane.

Në fakt janë shënuar shitje rekord në platformën online të kolosit kinez. Pasditen e të hënës  me orën lokale të Kinës u shënuan 28.6 miliardë dollarë të shpenzuara.

E hapur mesnatën mes të dielës dhe të hënës, me bekimin e yllit amerikan Tejlor Suift, në një mbrëmje gala të mbajtur në Shangai për këtë vit, blerjet për 68 sekondat e para shënuan një shifër prej 14.3 miliard dollarë.

Në këtë mënyrë është lënë prapa dhe e premtja e zezë amerikanë, në nëtor, që i dedikohet shpenzimeve. Iniciativa e Ali Babës shtyu dhe pjesëmarrjen e platformave të tjera si Xhej Di dhe Saning. /abcnews.al

34.jpg
in a22:34 | 08/11/2019

Pamje të pazakonta janë regjistruar në një fshat në jug të Kinës. Një vizitore ka mbetur i habitur teksa është gjendur përballë  një peshku i cili sipas tij ngjan me një fytyrë njerëzore. Gruaja e cila ishte filmuar në momentin që ka parë peshkun është trembur dhe ka thirrur e hutuar: “Peshku është shndërruar në zanë”.

Fotot tregojnë krapin që ngjan me një fytyrë njerëzore.

Sipas blogerit Feidian Videos, kjo specie është zbuluar në fshatin Miao, një vend turirstik në qytetin e Kunming.

Pas publikimit në rrjete sociale ka pasur reagime të shumta nga ndjekësit, të cilët janë shprehur se “kush do të guxonte ta hajë atë, e ndërsa disa të tjerë e kanë cilësuar si “krijesë të shpifur”.

/abcnews.al

antarktide.jpg
nev ila13:06 | 04/11/2019

Dështon sërish përpjekja e mbështetur nga Australia, Franca dhe Bashkimi Europuian për të deklaruar një park ujor të mbrojtur një million kilometra katrorë në lindje të Antarktidës.

Në mbledhjen e komisionit për ruajtjen e burimeve të gjallesave ujore në Antarktidë, ku bëjnë pjesë 25 vende, përvec Bashkimit Europian, mungoi sërish vota unanime që kërkohet me kushtetutë. Shpresohej që në mbledhjen e përvitshme, e cila u mbajt në Tazmani, të miratohej më në fund deklarata për ruajtjen e biodiversitetit dhe për kufizimin e pasojave të ndryshimeve klimatike.

Parku Lindor Ujor i Antarktidës, do të kishte mbrojtur tri zona, duke përfshirë habitate shumë të rëndësishme sidomos terrenet e përshtatshme për pinguinët, fokat dhe balenat. Por për herë të tetë kërkesa është refuzuar, me Rusinë dhe Kinën që drejtojnë peshkimin industrial në oqeanin jugor, të cilat votuan kundër sërish. Në mbledhje gjithësesi u arritën marrëveshje të rëndësishme, si dhe u vendos që peshkarexhat të mos hedhin plastikë dhe karburant në zonën prej 35.7 milion katrorë të mbuluar nga konventa, thënë ndryshe 10 për qind e oqeaneve të botës.

Ujërat që rrethojnë Antarktidën janë më të ndoturat në botë, në një kohë që në oqeanin antaktik jetojnë më shumë se 10 mijë lloje gjallesash, mes të cilëve dhe pjesa më e madhe e pinguinëve në bortë. Oqeani jugor gjithashtu konsiderohet një zonë thelbësore për kërkimin shkencor si për studimine funksionimit të ekosistemeve ujore të paprekura, ashtu dhe për të vendosur pasoja e ndryshimeve klimatike në planetin tonë./abcnews.al

alla.png
Vladimir Prenga15:05 | 03/11/2019

Albi Alla ka mbyllur bashkëpunimin me Shaanxi Chang’an. Qendërmbrojtësi zhvilloi një sezon të mirë, teksa u aktivizua në 21 ndeshje si titullar dhe shënoi dy gola. Skuadra që garoi në ligën e dytë kineze e arriti objektivin, duke siguruar qëndrimin në kategori.

Duke qenë se u ndërtua vetëm në fund si ekip, pasi u ngjit në ligën e dytë pas falimentimit të Yanbian Funde (ekipi ku Alla kishte firmosur fillimisht), misioni i tyre nuk ishte i lehtë. Alla dha kontributin e tij dhe pas largimit i ka falënderuar të gjithë.

“Dua të falënderoj të gjithë tifozët e Shaanxi, drejtuesit e kubit, trajnerët dhe shokët e skuadrës për këtë sezon fantastik që kemi përjetuar së bashku. Faleminderit Kina për këtë eksperiencë të mrekullueshme. Të tjera gjëra si këto do vijnë”, shkruan Alla në llogarinë e tij në “Twitter”. /abcnews.al

Postimi i Albi Allës në profilin e tij në Instagram
ss.jpg
nev ila20:17 | 02/11/2019

Historia trishtë e një vajze kineze ka prekur këdo. Vajza e quajtur Vu Huajan, bënte dy punë dhe studionte në universitet.

Ajo pothuajse humbi jetën pasi sakrifikoi për vëllain e sëmurë duke kursyer edhe ushqimin e vet. Kjo i rrezikoi asaj rëndë shëndetin, dhe gati vdiq nga uria.

Që pas vdekjes së prindërve, ajo kisthe qenë kujdestarja e vetme për të vëllain, i cili vuan nga një sëmundje mendore.

Tani ajo vetë ka shkuar 21 kg, dhe është 1.40 metra e gjatë. Kequshqyerja i ka shkaktuar probleme në zemër, me ecjen, rënie flokësh, pagjumësi dhe një tingull të vazhdueshëm në vesh.

Ndërkohë, pasi lajmi i saj u bë publik, qeveria ofroi një fond për vëllain, ndërsa mediat hapën një llogari dhe mblodhën gati 65 mijë dollarë./abcnews.al

MBULIM-KINE-5G.mpg_snapshot_00.03-1280x720.jpg
ent ela16:15 | 01/11/2019

Shërbimet tregtare të 5G-së tashmë janë të disponueshme në Kinë me çmimin e 16 deri në 77 euro në muaj. Mbulimi është i garantuar për një grup të parë prej 50 qytetesh, mes të cilëve Pekini, Shangai, Guangzhou dhe Shenzhen.

Një ngjarje e rëndësishme kjo në mes të betejës tregtare me Shtetet e Bashkuara të Amerikës dhe ambicieve të Pekinit si fuqi teknologjike globale. Në radhë janë tre operatorë shtetërorë kinezë: China Mobile, China Telecom e China Unicom. /abcnews.al

cARRASCO.gif
Igli Nikolli20:36 | 12/10/2019

Yannick Carrasco la Atletico Madrid shkurtin e vitit 2018 dhe u transferua në Kinë. Sulmuesi i krahut firmosi deri në vitin 2022 me Dalian Yifang, por e ka marrë shumë malli për futbollin dhe jetën evropiane.

Milani dhe Interi u interesuan për shërbimet e tij janarin dhe verën e kaluar, por marrëveshje nuk pati. Carrasco ka përsëritur për HLN dëshirën për t’u rikthyer. Situata ka ndryshuar dhe belgu mund të ndërrojë skuadër në janar, por më parë duhet të vijë një ofertë konkrete në drejtim të tij dhe klubit kinez.

“Evropa më mungon çdo ditë. Klubi nuk më lejoi të largohesha në orët e fundit të merkatos. Tani është ndryshe, mund të largohem. Shpresoj të ndodhë rikthimi dhe të vijë një ofertë konkrete”, thekson 26-vjeçari belg. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono