kine

GAZETARET-ROBOTE-1280x720.jpg
ent ela13:24 | 10/11/2018

Agjencia shtetërore kineze e lajmeve Xinhua, ka punësuar dy robotë – gazetarë të cilët mund të punojnë 24 orë në ditë. Ata do të japin lajmet duke zëvendësuar kolegët e tyre njerëz gjatë ditës.

Inteligjenca artificiale dhe Kina janë një binom i pandashëm. Në Pekin është krijuar një robot me pamje njerëzore, në gjendje për të dhënë lajmet. Në agjencinë shtetërore të lajmeve Xinhua, janë punësuar, një robot në gjuhën angleze dhe një në gjuhën kineze, të cilët do të alternohen me kolegët e tyre – njerëz për të dhënë lajmet e ditës.

Në këtë mënyrë të dy robotët do të mund të punojnë 24 orë në 24 dhe të drejtojnë edicione të ndryshme lajmesh duke reduktuar ndjeshëm shpenzimet për përgatitjet e llajmeve dhe duke përmirësuar efikasitetin. Por sidoqoftë lëvizjet natyrale të dy robotëve kanë ende nevojë për përmirësim, pos do të duhen pak vjet punë për ti bërë ata praktikisht njësoj dhe të padallueshëm nga njerëzit. /abcnews.al

KINA-TARIFAT-1280x720.jpg
ent ela15:58 | 05/11/2018

Presidenti i Kinës, Xi Jinping ka sulmuar homologun e tij amerikan Donald Trump lidhur me çështjen e tregtisë së lirë. Ky i fundit njoftoi se Pekini do të reduktojë tarifat për importimet. Megjithatë nuk tregoi nëse në këto lehtësime tregtare do të përfshishen dhe SHBA-të.

Kina ka premtuar të ulë më tej tarifat e importit dhe të hapë ekonominë e saj ndërsa përpiqet të trajtojë kritikat se praktikat e saj tregtare janë “të padrejta”. Në një fjalim në një panair tregtar të Shangait, presidenti Xi Jinping bëri gjithashtu një mbrojtje të fuqishme të sistemit global të tregtisë së lirë, të cilën ai tha se ishte “nën sulm”. Komentet janë duke u parë si një referencë ndaj SHBA-së, me të cilën Kina po përballet në një luftë të hidhur tregtie. Uashingtoni dhe Pekini kanë goditur njëri-tjetrin me tarifa të mëdha të importit këtë vit.

Deri më tani asnjëra palë nuk duket se kërkon kompromis, pasi Shtetet e Bashkuara kanë kërcënuar me përshkallëzim të mëtejshëm të situatës. Duke folur në hapjen e panairit, Xi Jinping tha se “në një botë të thellimit të globalizimit ekonomik, praktikat e ligjit të xhunglës dhe fituesi merr gjithçka vetëm që përfaqësojnë një fund të vdekur”. “Një rritje gjithëpërfshirëse për të gjithë është sigurisht mënyra e drejtë përpara”, nënvizoi ai.

SHBA ka imponuar tarifa për gjysmën e importeve kineze në SHBA këtë vit – duke i bërë produktet më të shtrenjtë për konsumatorët amerikanë për t’i blerë ato – dhe ka kërcënuar të tarifojë të gjitha importet. Shtëpia e Bardhë thotë se tarifat janë një përgjigje ndaj politikave tregtare “të padrejta” të Kinës, të cilat Trump i konsideron fajtore për krijimin e një deficiti të madh tregtar. Ai gjithashtu dëshiron që Kina tu japë kompanive amerikane më shumë qasje në tregjet e saj. Xi Jinping premtoi të ndërmarrë hapa për të rritur importet, duke ulur tarifat, duke lehtësuar zhdoganimin dhe duke ulur “kostot institucionale”. Megjithatë nuk sqaroi se cilat shtete përfshihen në listë. /abcnews.al

autobusii.png
G. P.14:13 | 02/11/2018

13 viktima dhe dy persona të zhdukur është bilanci tragjik i një grindeje mes shoferit të nëj autobusi dhe një pasagjereje që ankohej për faktin se ai nuk ndaloi në stacionin e duhur. Ngjarja tragjike ka ndodhur në Kinë.

Një grindje mes shoferit dhe pasagjeres në një autobus është shkaku i një aksidenti rrugor në Kinë, ku autobusi u përplas me një automjet, dhe më pas ra lumë, duke shkaktuar 13 viktima dhe dy të zhdukur.

Policia vendore, sipas raportimeve të mediave kineze, ka vendosur të publikojë të premten tetë sekondat më dramatike të videos

Shkak për situatën e tensionuar u bë fakti që shoferi nuk ndaloi në stacionin që kërkonte gruaja. Video është filmuar nga kamerat e sigurisë dhe tregon fillimisht përplasjen fizile mes shoferit dhe gruas, e më pas dinamikën e gjithë ngjarjes deri në momentin e rënies së autobusit në lumë.

Kërkimet kanë bërë të mundur gjetjen e 13 trupabe të pajetë ndërkohë që dy persona rezultojnë të zhdukur. Policia është e sigurtë se nuk ka të mbijetuar./abcnews.al

babai-vajze.png
G. P.13:03 | 30/10/2018

Një burrë i pakënaqur që bashkëshortja e tij kishte lindur vajzë, vendosi të shiste të porsalindurën për pesë mijë euro, online. Pas denoncimit të gjyshes së fëmijës, policia ka gjetur vogëlushen duke e rikthyer tek nëna e saj, ndërsa babi u arrestua.

Vetëm 10 ditë pasi lindi iu shit online për pesë mijë euro një cifti që jetonte 1200 kilometra larg nënës së saj e cila përpiqej prej 10 vjetësh të bënte fëmijë. Është kjo ajo që i ka ndodhur një të porsalindure kineze. Faji i saj i vetëm ishte që kishte lindur vajzë, ndërsa babai i saj, ai që e shiti, dëshironte një djalë. Ka qenë pikërisht gjyshja e fëmijës që ka dhënë alarmin pasi nuk e gjente më fëmijën në shtëpi.

Policia pasi gjeti të porsalindurën arrestoi babain e saj  të papunë si dhe dy prindërit që e kishin blerë. Tashmë vajza e vogël është me nënën dhe gjyshen e saj. Sipas ligjit kinez trafikimi dhe shitja e grave dhe fëmijëve dënohet deri në 10 vjet. Por në raste të veçanta mund të ketë dhe dënime me burg të përjetshëm apo dënim me vdekje./abcnews.al

Knife-Wielding-Woman-Injures-14-Children-In-China-School-Attack-1280x670.jpeg
ent ela15:44 | 26/10/2018

Të paktën 14 fëmijë mbetën të plagosur në një sulm me thikë në një kopësht në jug të Kinës. Policia bëri me dije se një grua 39-vjeçare, e cila mbante një thikë në dorë, hyri në objektin shkollor ndërsa fëmijët po luanin në parkun e kopështit. Motivi i sulmit është i paqartë. Por disa media raportojnë se ajo ishte e zemëruar ndaj qeverisë. Autorja e cila është identifikuar vetëm me mbiemrin “Liu” është arrestuar në vendngjarje nga policia. Krimet e dhunshme janë shumë të ralla në Kinë, por kohëve të fundit është përballur me sulme të ndryshme me thikë në shkolla dhe kopështe fëmijësh. Këto sulme janë kryer zakonisht nga persona që kërkonin hakmarrje ndaj qeverisë apo që kishin probleme mendore. /abcnews.al

166416BD-67CC-44CE-8674-75F5BF74DD40_cx0_cy10_cw0_w1597_n_r1_s-1280x720.jpg
ent ela12:13 | 23/10/2018

Ura më e gjatë në botë, mbi det, është inauguruar në Kinë. Ajo është 55 kilometra e gjatë dhe ka kushtuar 17.5 miliardë euro. Por në vend ka shumë polemika përsa i përket sigurisë së saj.

Është inaguruar në Kinë ura që lidh Hong Kongun me Makaon, ura më e madhe në botë mbi det. Përfshirë dhe rrugët hyrëse, ajo është 55 kilometra e gjatë dhe për ndërtimin e saj janë shpenzuar 17.5 miliardë euro. Ura do të lejojë reduktimin e kohës mes tre qyteteve të rëndësishme bregdetare, por vonesat në ndërtimin e saj, kostoja e lartët e mirëmbajtjes dhe impakti ambiental tek krijesat e detit kanë shkaktuar shumë polemika dhe dyshime për vlefshmërinë e këtij projekti.

Ura lidh mes tyre tre qytete bregdetare të Kinës Jugore, Hong Kongut, Makaos dhe Zhuhai. Për rreth 30 kilometra kalon mbi lumin e perlave, dhe në pjesën drejt Hong Kong, futet nën ujë për rreth 7 kilometra për të lejuar kalimin e anijeve tregtare. Tuneli nënujor është ndërtuar për disa vite.

Ndërtimi i shërben sidomos një zone ku jetojnë 68 milion banorë dhe është pjesë e një projekti që synon të përforcojë ekonominë e zonës. Para ndërtimit një udhëtim me automjet nga ZHuhai në Hong Kong mund të bëhej për 4 orë, nduërsa tani duhen vetëm 30 minuta.

Ura ka një vlerë të rëndësishme simbolike për Kinën, nga njëra anë dëshmohet aftësia ndërtuese dhe ekonomike e vendit, dhe nga ana tjetër përforcohet kontrolli mbi Hong Kong-un. Në ceremoninë e inaugurimit ishin të pranishëm presidenti kinez Xi Jinping, dhe guvernatorët e Hong Kong dhe Makao.

Dhe pse nuk është konfirmuar zyrtarisht, mendohet se të paktën 20 persona kanë humbur jetën gjatë ndërtimit të kësaj ure. /abcnews.al

e968145deaf14fbaa5efe968c3c4e948.jpg
G. P.09:50 | 20/10/2018

Tarifat e vendosura nga presidenti amerikan Donald Trump kanë ngadalësuar rritjen ekonomike të Kinës. Kështu qeveria e Pekinit ka regjistruar rritjen më të ngadaltë që prej kohës së krizës së madhe në 2009.

Kina nuk kishte rritje ekonomike kaq të ngadaltë që prej vitit 2009, momenti më i errët i Krizës së Madhe. Në tremujorin e tretë të vitit, Enti i Statistikës zbuloi, se Produkti i Brendshëm Bruto u rrit me 6.5%, kundrejt 6.7% në tremujorin e mëparshëm dhe 6.6% që pritej nga analistët. Numrat që ende mbajnë vendin në përputhje me objektivin e zhvillimit të vendosur për të gjithë 2018 (+ 6.5%), por që konfirmojnë se ngadalësimi ekonomik rrezikon të jetë shumë më i paparashikueshëm se sa pritej. Pak para publikimit të të dhënave, për të shmangur rënien e mëtejshme të bursave, që ndodhet në minimum prej të paktën katër vitesh, autoritetet kryesore financiare të vendit, banka qendrore, rregullatori bankar dhe rregullatori i tregut, ndërhynë me deklarata sigurie qartësisht të koordinuara. Objektivi është arritur, duke marrë parasysh se Shanghai ka kufizuar dhe pastaj ka anuluar humbjet.

Përtej shifrave në bursë dhe Produktit të Brendshëm Bruto, indikatori flet për një Kinë shumë të paqëndrueshme dhe shumë politike. Kjo është ajo që Byroja e Statistikave thotë në deklaratën e saj për të treguar vështirësinë e kësaj faze. Mjedisi i jashtëm është “shumë kompleks”, duke iu referuar tarifave të vendosura nga SHBA-të që ende duhet të prodhojnë efektet e tyre dhe që do të “rrisin presionin dhe rënien” e ekonomisë.

Javët e fundit, qeveria dhe banka qendrore kanë nisur një sërë masash për të stimuluar investimet e kreditit dhe të infrastrukturës së bankave nga autoritetet lokale, të dyja ngadalësuar për shkak të fushatës së reduktimit të borxhit të Xi Jinping. Guvernatori i bankës qendrore ka siguruar që ai ende ka margjina të mëdha për veprim, por me borxhin e përgjithshëm prej mbi 250% të Prodhimit të Brendshëm Bruto, rreziku është që të fryjë edhe më shumë një flluskë financiare që tashmë konsiderohet e paqëndrueshme./abcnews.al

kina.png
G. P.22:59 | 05/10/2018

Shefi i agjencisë policore ndërkombëtare, Interpol, është zhdukur pa lënë gjurmë gjatë një vizite në Kinë. Autoritetet në Francë kanë nisur një hetim mbi episodin, ndërkohë që një gazetë aziatike shkruan se drejtori mund të jetë rrëmbyer nga autoritetet kineze.

Autoritetet franceze kanë hapur një hetim në lidhje me zhdukjen e Meng Honguei, shefi kinez i agjencisë ndërkombëtare policore Interpol. Hetimi ka nisur pasi familja e zyrtarit të lartë bëri me dije se kishte humbur kontaktet me të që kur ishte larguar nga selia e Interpol në Lion për një udhëtim në Kinë, një javë më parë.

Agjencia e lajmeve “AFP”, që citon burime të afërta me hetimin, bën me dije se Honguei nuk është zhdukur në territorin francez. Ndërsa një e përditshme kineze raporton se drejtori 64-vjeçar është rrëmbyer në Kinë për t’u marrë në pyetje.

Gazeta me seli në Hong Kong ka shkruar se shefi i Interpol po hetohet nga autoritetet disiplinore kineze, por nuk ka qenë në gjendje të saktësojë se për çfarë dhe se ku po mbahet. Nga ana e tyre, autoritetet kineze kanë refuzuar të bëjnë komente.

I zgjedhur si president i Interpol-it në Nëntor 2016, Meng Honguei pritet ta drejtojë agjencinë policore deri në vitin 2020. Ai është një anëtar i hershëm i Partisë Komuniste në Kinë dhe ka shërbyer edhe si zëvendës ministër për rendin publik.

Ai ka në kurrikulumin e tij edhe një eksperiencë 40-vjeçarë në polici dhe drejtësinë penale. Kur bëri denoncimin në polici, bashkëshortja e tij deklaroi se kishte humbur çdo kontakt që prej 29 Shtatorit, kur ishte nisur për në Kinë. Burime policore, të cituara nga mediat franceze, e kanë cilësuar episodin si shumë shqetësues dhe kanë kërkuar nga autoritetet kineze të marrin përgjegjësi./abcnews.al

kina.jpg
G. P.22:18 | 18/09/2018

Një stjuardesë e një kompania ajrore kineze është pushuar nga puna pasi pranoi propozimin për martesë nga i fejuari i saj në bordin e avionit. Sipas kompanisë ajrore, në momentin e propozimit stjuardesa kishte lënë pas dore sigurinë e pasagjerëve.

Nga ëndrra në makth brenda pak muajsh. Nuk ka pasur një fund të lumtur historia e stjuardesës së kompanisë ajrore “East China Airlines”, e cila në muajin Maj mori propozimin për martesë nga i fejuari i saj në bordin e avionit.

Surpriza e bukur u prish nga vendimi për pushim nga puna që ajo mori një javë më parë. Arsyetimi ishte se ajo kishte lënë pas dore sigurinë e pasagjerëve në momentin që pranonte propozimin për t’u martuar.

Lajmi është pasqyruar nga media të shumta ndërkombëtare, duke marrë një vëmendje dhe më të madhe në rrjetet sociale. E në fakt njerëzit janë ndarë në dy palë. Ka që e mbrojnë, por janë të shumtë dhe ata që i japin të drejtë kompanisë ajrore për vendimin për ta pushuar nga puna. Kjo sepse çështjet personale nuk duhen sjellë në vendet e punës./abcnews.al

KINE-MASAKRA-1280x720.jpg
G. P.23:45 | 13/09/2018

Një 54 vjeçar me precedent penalë ka shkaktuar 11 viktima dhe 40 të plagosur në një provincë në lindje të Kinës. Fillimisht ai përplasi turmën e njerëzve me automjetine tij e më pas doli duke i qëlluar me thikë. Autori i masakrës u shpreh se kjo ishte një hakmarrje ndaj shoqërisë.

Të paktën 11 persona kanë mbetur të vrarë dhe 40 të tjerë janë plagosur pasi një automjet i tipit fuoristradë përplasi një trumë me njerëz në një shesh në lindje të Kinës. Shoferi ia utomjetit një 54 vjeçar me precedent penalë u arrestua nga policia në vendngjarje. Ngjarja ndodhi ndërsa banorët e provicës ishin mbledhur për të festuar dhe po kërcenin në shesh. Nga hetimet e deritanishme të policisë nuk rezulon se akti mund të jetë i natyrës terroriste. 54 vjeçari rezulton i dënuar më parë për trafik droge, grabitje dhe agresion. Sipas deklaratave të para të bëra para agjentëve, ai tha se e kishte bërë për tu hakmarrë ndaj shoqërisë. Dëshmitarët okularë u shprehën se ai filloi të qëllonte me thikë pa pasur parasysh nëse godiste fëmijë, gra apo të moshuar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono