kine

SHBA-KINE-TARIFA.mpg_snapshot_00.06-1280x720.jpg
ent ela14:30 | 14/02/2019

Në Shtetet e Bashkuara të Amerikës në 1 mars hyn në fuqi vendimi për vendosjen e tarifave të reja, deri në 200 miliardë dollarë ndaj produkteve që vijnë nga Kina. Por Kreu i Shtëpisë së Bardhë Tramp pritet ta shtyjë dhe për 60 ditë këtë afat.

Presidenti amerikan Donald Tramp po vlerëson hipotezën për të zgjatur dhe për 60 ditë afatin e vendosjes së tarifave të reja prej 200 miliard dollarësh për produktet që vijnë nga Kina. Objektivi është ai i lejimit të negociatave me Pekinin për të arritur rezultatet e pritura. Afati aktual, i vendosur në takimin e atëhershëm mes Tramp dhe homologut kinez Xi Jinping, është fiksuar për në 1 mars

Sekretari Amerikan i Thesarit Stiven Mnuhin, dhe përfaqësuesi për tregtinë Robert Lajtizes, ndodhen në Pekin për raundin e fundit të bisedimeve të nivelit të lartë me delegacionin kinez të drejtuar nga zëvendëskryeministri Liu He.

Qëllimi i takimeve është ai I hartimit të një projekti fillesar marrëveshjeje që do i prezantohet dy presidentëve Trump e Xi. Gjithashtu është parashikuar një takim mes dy liderëve, të cilin Presidenti amerikan dëshiron që të ndodhë sa më shpejt të jetë e mundur. /abcnews.al

KINE-MINIERA.mpg_snapshot_00.00-1280x720.jpg
ent ela13:50 | 13/01/2019

Të paktën 21 minatorë kanë humbur jetën në veri të Kinës, për shkak të një shembjeje në minierën ku po punonin. Ngjarja ndodhi në provincën Shanxi, ku 66 minatorë të tjerë u shpëtuan nga ekipet e emergjencës. Shkaqet e shembjes së pjesës së sipërme të minierës po hetohen, ka bërë të ditur agjencia e lajmeve “Xinhua”, që citon zyrtarë të policisë. Aksidentet në miniera janë të shpeshta në Kinë, pavarësisht përpjekjeve të qeverisë për të përmirësuar standardet e sigurië. Tetorin e kaluar, 21 minatorë mbetën të vrarë kur një masiv shkëmbor u shemb në një minierë në provincën Shandong, duke bllokuar rrugën e daljes. Sipas të dhënave të fundit të institucioneve kineze, në vitin 2017 në miniera u regjistruan 375 vdekje, 28 për qind më pak se në vitin parardhës. Në një deklaratë të bërë janarin e kaluar, institucioni përgjegjës për mbikëqyrjen e minierave deklaroi se situata mbetet ende e rëndë, pavarësisht përmirësimit. /abcnews.al

DJALOSHI-I-AKULLIT_ABC-M1-T1.mpg_snapshot_00.11-1280x720.jpg
ent ela14:18 | 09/01/2019

10 vjeçari kinez, i njohur si djaloshi i “akullit”, u bë i njohur në të gjithë botën në janar të 2018-ës, pasi ecte për 5 kilometra në borë për të shkuar në shkollë. E tashmë një vit më pas gjërat kanë ndryshuar për mirë.

Në janar të vitit 2018 historia e tij kishte bërë xhiron e rrjeteve sociale duke tronditur botën. Djaloshi Uang, 10 vjeç çdo ditë i duhej  të ecte për pesë kilometra në këmbë, mes të ftohtit dhe dëborës për të shkuar në shkollë. Dhe fotografia e tij me flokët e mbuluar me akull, u bë virale. Një vit më pas shumë gjëra kanë ndryshuar për Uang, autoritetet kineze i dhanë familjes së tij një shtëpi të re pranë shkollës, e tashmë atij i duhen vetëm 10 minuta për të shkuar atje.

Por jo vetëm Uang dhe familja e tij kanë përfituar nga publikimi i historisë. Autoritetet kineze kanë rregulluar shkollën në rajon duke e pajisur me sistem ngrohjeje si dhe me një konvikt për nxënësit që i kanë shtëpitë shumë larg. /abcnews.al

seriali.jpg
G. P.13:43 | 03/01/2019

Është ekzekutuar në Kinë vrasësi serial i cili vrau 11 gra në periudhën 1988 – 2002. Ai vriste vajza të reja të veshura me të kuqe dhe më pas copëtonte trupat e tyre.

Një vrasës serial në Kinë, i etiketuar si Xhek vrasësi, për shkak të plagëve qëi shkaktonte 11 viktimave të tij, është ekzekutuar 30 vjet pas vrasjes së tij të parë. Ekzekutimi i tij është vendosur nga gjykata që e dënoi në muajin Mars të një viti më parë. 54-vjeçari pranoi se kishte grabitur, përdhunuar dhe vrarë 11 vajza të reja në periudhën 1988–2002.

Gao shënjestronte vajza të reja, viktima e tij më e vogël ishte vetëm 8 vjeç, shpesh të veshura me të kuqe, në provincën veri-perëndimore të Gansu, pranë rajonit autonom të Mongolisë. Pasi vendoste për viktimën e radhës, ai e ndiqte deri në banesë dhe më pas e sulmonte duke e therur me thikë. Sipas mediave kineze, ai ka copëtuar disa nga viktimat e tij.

Policia kineze, në vitin 2004 kur dhe u zbulua lidhja mes 11 vrasjeve u shpreh se vrasësi serial urrente gjininë femërore, duke ofruar një shpërblim prej 27 mijë eurosh për këdo që jepte ndonjë informacion të saktë. Por Gao u arrestua vetëm në vitin 2016 pasi u identifikua rastësisht me anë të testit të ADN-së, pasi një familjar i tij u arrestua për një grabitje./abcnews.al

KINE-SULMI-1280x720.jpg
ent ela18:38 | 26/12/2018

Të paktën pesë viktima dhe 21 të plagosur është bilanci i një atentati në Longian në Kinën Lindore. Një  person i armatosur ka marrë peng një autobus duke e përplasur me një turmë kalimtarësh.

Nuk është ende e qartë nëse në bordin e autobusit ka viktima apo të plagosur. Policia kineze bëri të ditur se ka arrestuar terroristin, por pa dhënë detaje për identitetin e tij apo arsyet e sulmit. /abcnews.al

KANADEZI-KINE-1280x645.jpg
ent ela16:16 | 11/12/2018

Një diplomat kanadez është arrestuar në Kinë, duke ngjallur frikën se e gjitha mund të jetë një hakmarrje e qeverisë së Pekinit ndaj arrestimit të menaxheres së gjigandit kinez të komunikimit “HUA UEI”. Lajmi është bërë i ditur nga agjencia “REUTERS”, e cila citon burime të rezervuara, ndërkohë që në rrugë zyrtare nuk është konfirmuar ende. E sigurt është se arrestimi i Meng Uanzhou më herët gjatë muajit në aeroportin e Vankuverit acaroi pa masë Kinën. Sipas “REUTERS”, diplomati i arrestuar është Majkëll Kovrig, ekspert për Azinë veri-lindore pranë Grupit Ndërkombëtar të Krizave. Përmes një komunikate, GNK ka deklaruar se është në dijeni të ndalimit të funksionarit të tij dhe se është në kontat me autoritetet kineze për të siguruar lirimin. Aktualisht vendndodhja e Kovrig nuk dihet dhe thirrjet në adresë të numrit të tij të telefonit nuk marrin përgjigje. Edhe motivet e arrestimit janë të paqarta. Ambasada kanadeze në Pekin refuzoi të bënte komente dhe po ashtu Ministria e Jashtme dhe ajo e Brendshme kineze nuk iu përgjigjën interesit të mediave. /abcnews.al

JAPONIA-KINEZET-ABC-M4-T1.mpg_snapshot_00.10-1280x720.jpg
G. P.08:51 | 11/12/2018

Frika nga lidhja me qeverinë kineze dhe spiunazhi kibernetik ka detyruar qeveritë e Japonisë, Australisë dhe Zelandës së Re të përjashtojnë kolosët kinezë të teknologjisë, mes të cilëve markën e njohur “Huawei”, nga kontratat për ngritjen e rreteve 5G.

Qeveri të shumë vendeve të botës po izolojnë gjigandët kinezë të telekomunikacionit, “ZTE” dhe “Huawei”, ky i fundit i tronditur pas arrestimit të shefes së financave Mang Uanzhou javën e kaluar në Kanada. Qeveria japoneze ka njoftuar të hënën atë që shumë media e kishin paralajmëruar, përjashtimin e kolosëve kinezë të elektronikës nga tenderat për kontrollin e linjave të internetit për shkak të lidhjeve me qeverinë e Pekinit. Vendimi i Tokios pason atë të miratuar në muajin gusht nga Shtetet e Bashkuara, që përmes Aktit Kombëtar të Mbrojtjes ndaluan produktet e kompanive kineze në aparatet shtetërore për shkak të lidhjeve të dyshuara me qeverinë e vendit aziatik.

Duke publikuar vendimin, ekzekutivi japonez nuk ka cituar asnjë nga dy grupet e telekomunikacionit për të mos dëmtuar marrëdhëniet tregtare me Kinën, por u mjaftua vetëm duke thënë se largimi i tyre nga procedura delikate e kontratave është lidhet me sigurinë kombëtare. “Huawei” është bllokuar ndërkohë edhe në Australi dhe Zelandën e Re, ku i është mohuar mundësia për të ngritur rrjetet 5G nga frika e lidhjeve me qeverinë kineze. Vetë kompania ka deklaruar se Pekini nuk ka asnjë ndikim tek ajo, por fjalët e saj zor se janë dëgjuar. Ndërkohë, tregjet financiare vazhdojnë të luhaten pas arrrestimit të menaxheres Mang Uanzhou, pasi kjo lëvizje mund të acarojë luftën tregtare mes Shteteve të Bashkuara dhe Kinës, që së fundmi kishte treguar shenja zbutjeje./abcnews.al

KINE-SHPERTHIMI-ABCM3T1.mpg_snapshot_00.08.jpg
G. P.13:56 | 28/11/2018

Si pasojë e shpërthimit në një impiant kimik në Kinë kanë mbetur të vrarë 22 persona dhe janë plagosur dhjetëra të tjerë. Sipas mediave kineze, nga shpërthimi janë shkatërruar plotësisht 32 kamionë dhe 12 automjete. 22 persona kanë humbur jetën dhe dhjetëra të tjerë janë plagosur si pasojë e një shpërthimi në një impiant kimik në Kinë. Shpërthimi ndodhi pak pas mesnatës së të martës.

Sipas mediave kineze nga shpërthimi janë shkatërruar 38 kamionë dhe 12 automjete, ndërsa të plagosurit janë shtruar në spital. Flakët janë shuar vetëm mëngjesin e të mërkurës. Operacionet e kërkim shpëtimit kanë vazhduar me orë të tëra dhe tashmë po hetohet për shkaqet e shpërthimit. Nga të dhënat zyrtare shpjegohet se shpërthimi ndodhi në platformën e impiantit që ndodhet në qytetin e Zhangjiakou, ku do të zhvillohen lojërat olimpike dimërore të vitit 2022./abcnews.al

droniii.jpg
G. P.14:00 | 20/11/2018

Disa studentë në Kinë kanë realizuar projektin e një droni, që mund të shpëtojë jetë njerëzish, në rast të ndonjë zjarri në qiellgërvishtëse. Droni në fjalë mund të ndahet në katër pjesë, duke hapur një rrjetë në mes, e cila mund të mbajë një person në ajër.

Projekti vjen nga Kina dhe i ka të gjitha karakteristikat për të qenë me të vërtetë revolucionar: “NetGuard” është një dron që ndahet në katër pjesë dhe hapë një rrjetë të aftë për të shpëtuar persona që duan të hidhen nga një qiellgërvishtëse të kapluar nga flakët.

Sapo të merret kërkesa për shpëtim, droni përdor sistemin GPS për të zbuluar vendndodhjen e saktë ku duhet të shkojë dhe udhëtimin e bën në kuotë të lartë për të shmangur trafikun dhe për të arritur atje sa më shpejt të jetë e mundur.

Pasi mbërrin në vendngjarje, droni ndahet në katër pjesë dhe hapë një rrjetë sigurie në qendër. Falë katër motorëve me helika arrin të qëndrojë në fluturim dhe është në gjendje të mbajë një person në ajër. Rrjeta është e ndërtuar nga një shtresë e katërfishtë e poliuretanit, mjaft e fortë për të mbajtur peshën e një të rrituri mesatar: ndërsa sensorët e vendosur kapin trajektoren e personit që hidhet në rrjetë, duke pozicionuar dronin në mënyrë që ta mbajë atë në ajër.

I projektuar nga një grup prej 6 studentësh në Quangzhou të Kinës, ky dron është kandidat për të fituar 13 mijë dollarë në një panair tenkologjie në Tajvan./abcnews.al

SHBA-AUSTRALI-ABC-M5-T2.mpg_snapshot_00.01-1280x720.jpg
G. P.18:48 | 18/11/2018

Uashingtoni ka vendosur të bëhet pjesë e nismës së qeverisë australiane, për ngritjen e një baze ushtarake në jug të Paqësorit. Baza do të ngrihet në ishullin Manus, që ka një pozicion strategjik për mbikëqyrjen e rrugëve tregtare, që në vitet e fundit kanë kaluar nën influencën e Kinës.

Shtetet e Bashkuara kanë deklaruar se do të bashkojnë forcat me Australinë për ngritjen e një baze ushtarake në jug të Paqësorit, në përpjekje për t’i bërë ballë influencës në rritje të Kinës. Të dyja vendet disa herë kanë shprehur shqetësimin për ambicjet e Pekinit, që më herët gjatë vitit njoftoi ngritjen e një baze ushtarake të përhershme. Australia dhe Shtetet e Bashkuara synojnë të rikthejnë në jetë bazën e Lombrumit, në ishullin Manus, në Guinean e Re. Dy vendet kanë rënë dakord me shtetin në fjalë për të dërguar disa anije në atë që gjatë Luftës së Dytë Botërore ishte bazë e marinës amerikane.

Pala australiane e bëri publik vendimin e saj muajin e kaluar, ndërsa zëvendës presidenti amerikan Majk Pens të shtunën, në kuadër të samitit të APEK. “Synimi ynë është që të bashkojmë forcat me vendet e këtij rajoni për të garantuar sovranitetin e këtyre ishujve dhe rrugë të lira detare”, tha Pens. Megjithatë, numri dy i Shtëpisë së Bardhë nuk dha detaje nëse anijet e marinës amerikane do të vendosen në Manus në mënyrë të përhershme. Lombrum ka një pozicion strategjik për mbikëqyrjen e rrugëve tregtare në jug të Paqësorit dhe ndryshe nga Shtetet e Bashkuara, Australia ka konfirmuar se anijet e saj do të dërgohen atje për misione afatgjata./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono