kina

hong-kong-protest-us-human-rights-democracy-bill-american-flags-2-.jpg
nev ila10:46 | 20/11/2019

Miratimi në Senatin Amerikan i një pakete normash në mbrojtje të protestuesve pro demokracisë në Hong Kong ka shkaktuar zemërimin e Pekinit, i cili e konsideron një shkelje të rëndë të ligjeve për marrëdhëniet ndërkombëtare.

Kina ka reaguar ashpër ndaj miratimit unanim në senatin amerikan për “Të drejtat e njeriut në Hong Kong dhe Akti i Demokracisë “, një paketë normash në mbështetje të manifestuesve pro demokracisë që prej pothuajse gjashtë muajsh protestojnë në ish koloninë britanike.

Zëdhënësi i ministrisë së jashtme kineze u shpreh se Pekini e dënon me forcë dhe kundërshton me këmbëngulje lëvizjen e Shteteve të Bashkuara të AMerikës, që cilësohet si ndërhyrje në cështjet e brendshme të Kinës.

Teksti i miratuar në senat do të dërgohet në dhomën e përfaqësuesve, e cila ka miratuar tashmë një iniciativë të sajën për të njëjtën cështje: dy degët e kongresit amerikan duhet të punojnë së bashku dhe të sheshojnë ndryshimet para se norma t’i dorëzohet për firmë presidentit Donald Trump.

Zëdhënësi i ministrisë së jashtme kineze i kërkoi Shteteve të Bashkuara të Amerikës që të marrë masat për të shmangur kthimin në ligj të kësaj norme; si dhe të mos ndërhyjë më në cështjet e brendshme të Hong Kong.

Kjo pasi do të ndizte një zjarr që do të digjte vetë ata. Nëse Uashingtoni do të vazhdojë në këtë rrugë, Pekini do të ndërmarrë masa të ashpra për ta kundërshtuar deri në fund.

Pekini këmbëngul se prioritet në hong Kong aktualisht është ndalimi i akteve të dhunës dhe rivendosja e rendti, meqënëse është në rrezik modeli i “një vend dy sisteme” i cili rregulllon marrëdhëniet mes Hong Kong dhe Pekinit që nga viti 1997.

Senati amerikan miratoi dhe ‘Protect Hong Kong Act’, që ndalon shitjen dhe eksportin në Hong Kong të mjeteve të kontrollit të turmës dhe mbrojtjes./abcnews.al

Lippi.png
Igli Nikolli18:44 | 14/11/2019

Humbja e sotme nuk është kapërdirë nga Marcello Lippi. Kina e tij u mund 2-1 nga Siria dhe kualifikimi në Botërorin Katar 2022 është komplikuar. Goli i Wung Lei nuk mjaftoi për kombëtaren aziatike, që tani renditet e dyta me 7 pikë në grupin A të eliminatoreve të kupës së botës. Suksesi i sotëm e konfirmon Sirinë në vend të parë me 12 pikë pas katër ndeshjeve të para.

Nëse paraqes një skuadër të tillë në fushën e lojës… Fitoj shumë para dhe nuk dua të vazhdoj ‘vjedhjen’ e tyre, prandaj jap dorëheqjen në mënyrë të parevokueshme“, u shpreh trajneri italian pas disfatës së sotme.

Lippi drejtoi Kinën gjatë viteve 2016-2019. Në janar u largua nga ky post, por vendosi të rikthehet në maj. Tani vjen ndarja përfundimtare dhe trajneri që shpalli Italinë kampione bote në vitin 2006 është gati të nisë pushimet. /abcnews.al

lippi.jpg
Vladimir Prenga16:58 | 01/11/2019

Marcello Lippi, ish-trajneri i kombëtares italiane të futbollit dhe aktualisht në drejtim të Kinçs, është akuzuar nga mediat se nuk po bën aspak punën e tij edhe pse paguhet 23 milionë euro në vit.

Kohë të vështira në Kinë për Fabio Kannavaro dhe Marcello Lippi. Guangzhou Evergrande ka dërguar të parin në një kurs të detyruar kulture, duke ia besuar ekipin kapitenit të skuadrës dhe duke hapur dyert e një përjashtimi të pritshëm.

Ndërsa ish-trajneri i kombëtares italiane akuzohet nga mediat kineze se nuk po bën punën e tij dhe se qëndron pjesën më të madhe të kohës në Itali, pavarësisht se paguhet 23 milionë euro në vit. Në qendër të akuzave është vendimi i Lippit, trajner i kombëtares, që të mos drejtojë ekipin në kampionatet në Azinë Lindore që do të luhen muajin e ardhshëm në Korenë e Jugut.

Federata Kineze e Futbollit deklaroi se në vendin e tij në stol do të jetë ish-mesfushori i Everton, Li Tie, ndërsa trajneri 71-vjeçar do të jetë në Itali. Reagimi i mediave kineze ka qenë shumë i ashpër, sidomos  Oriental Sports Daily, që shkruan se Lipi po lë pas dore detyrimet e tij, në momentin që detyra e tij është trajnimi i kombëtares së futbollit.

Media kineze e akuzon se nuk ka aspak interes për zhvillimin afatgjatë të futbollit kinez. Lipi do të kthehet në Itali për Krishtlindje pas ndeshjes me Sirinë në mes të muajit nëntor: “një pushim – shkruan Tencent Sports – që mund të zgjasë katër muaj”. /ABC NEWS ALBANIA 24/7

SERBIA-FLIRTI-ABC-M3-T2.mpg_snapshot_00.03-1280x720.jpg
ent ela15:52 | 30/10/2019

Kryeministrja e Serbisë Ana Brnabic e konsideroi të ekzagjeruar tezën se në mungesë të Bashkimit Europian, Serbia po flirton me Kinën dhe Rusinë. Ajo theksoi se investimet më të rëndësishme kineze janë bërë në Europën Perëndimore.

Është një lojë që luhet në një fushë neutrale në Athinë. Edhe gjatë forumit dy ditor ndërkombëtar për bashkëpunimin mes Europës dhe Ligës Arabe në Greqi, vëmendja u përqendruar tek integrimi europian i Ballkanit Perëndimor. Një lojë, e cila nëse nuk konsiderohet e humbur, të paktën është e kompromentuar. Në dalje të Maksimos Mansion, selisë zyrtare të qeverisë greke, kryeministrja serbe Ana Brnabic, shprehu shqetësimin e saj për sa i përket negociatave me Bashkimin Europian.

“Duhet të them se procesi shpesh është shumë i dhimbshëm dhe i lodhshëm. Cdo gjë varet nga sfidat e brendshme të Bashkimit Europian. Të thuash se nuk mund të hapen negociatat me Maqedoninë e Veriut dhe Shqipërinë, për fat të keq, sipas meje përkthehet, në faktin se kur Bashkimi Europian të vendosë se sa kapituj do hapen për Serbinë, do të jetë shumë konservatore për këtë çështje, pavarësisht reformave që po ndodhin në Serbi”.

Ekuilibrat gjeopolitikë po spostohen pra në lindje, ashtu si lë të kuptohet dhe marrëveshje për tregtinë e lirë mes Beogradit dhe Bashkimit Ekonomik Euroaziatik, e firmosur nga kryeministrja serbe në Mpskë. Boshllëku në perëndim mund të mbushet nga Rusia dhe Kina dhe pse Brnabic nuk e konsideron si një zgjedhje eksluzive.

“Ajo që ëshët e rëndësishme për ne është që të kemi partner në të gjithë botën. Për këtë arsye dëshiroj të marr në konsideratë dhe marrëveshjen për tregti të lirë që firmosëm të premten e kaluar me Bashkimin Ekonomik Euroaziatik në Moskë. Nuk e konsideroj si një faktr në kundërshtim me anëtarësimin në Bashkimin Europian apo me rrugën tonë drejt Bashkimit Europian. E konsideroj plotësues. Edhe një herë e përsëris, për sa i përket influencës së Kinës apo Rusisë, mendoj se po ekzagjerohet”.

Horizonti i 2025-ës, i fiksuar nga Komisioni Europian, për integrimin e Serbisë, duket se një rrugë e mbushur me pengesa. /ABC news Albania 24/7

 

edi-rama-6.jpg
ad min14:41 | 25/10/2019

Asnjëherë më parë se tani, sipas kryeministrit Edi Rama nuk ka dalë në pah nevoja për bashkëpunim mes vendeve të rajonit. Shefi i qeverisë e bëri deklaratën në Forumin e kryebashkiakëve të vendeve 17+1, ku foli për kthimin e rajonit tonë nga një zonë konflikti, në një hapësirë bashkëpunimi.

Nëse për të tjerët bashkëpunimi me Kinën është një mundësi për financime kryeministri shqiptar Edi Rama fillimisht ka një tjetër synim.

“Unë besoj shumë fort që në radhë të parë, urat e bashkëpunimit me Kinën janë ura që sjellin dije dhe përmes të cilave mund të këmbehen eksperienca dhe të transferohen dije, të cilat më pas kthehen edhe në përfitim për vendet, për qytetet, për komunitetet”, tha Rama.

Me Kinën në fjalën përshëndetëse në forumin e kryetarëve të bashkive të kryeqyteteve të vendeve të nismës 17+1  kryeministri Rama përparësi i dha dhe zhvillimit të turizmit.

Ndërkohë pa me rëndësi praninë në takim të kryebashkiakëve nga Ballkani Perëndimor.

 “Është një periudhe kohe në historinë tonë të përbashkët, ku ka dalë më shumë se asnjëherë në pah, qoftë nevoja, por qoftë edhe potenciali i jashtëzakonshëm i bashkëpunimit mes vendeve të rajonit. Përpara disa javësh, ne bëmë një deklaratë të përbashkët me Presidentin e Republikës së Serbisë dhe Kryeministrin e Republikës së Maqedonisë së Veriut në funksion hapjes e së një faqeje të re në historinë e rajonit, bazuar në katër liritë e Bashkimit Europian; lirinë e lëvizjes së njerëzve, mallrave, shërbimeve dhe kapitaleve. Një nismë gjithëpërfshirëse, që do të shkojë më tutje me takimin e Ohrit në datën 10 nëntor, ku janë të ftuar të gjithë liderët e rajonit dhe jo vetëm kaq, por edhe protagonistë të tjerë, partnerë ndërkombëtarë në procesin e transformimit të kësaj hapësire ku jetojnë nga një zonë konflikti në një hapësirë bashkëpunimi”, tha Rama.

Në të njëjtën linjë me kryeministrin Edi Rama ishte dhe kryetari i Bashkisë së Tiranës Erion Veliaj.

“Shoh këtë si një mundësi fantastike jo vetëm për  rritur bashkëpunimin me Kinën, por edhe për të rritur bashkëpunimin me  njëri-tjetrin, Tiranës me Shkupin, Tiranës me Podgoricën, me Beogradin, Sarajevën, të Tiranës me qytete të tjera që ndoshta na mësojnë që nuk ia vlen të shpikim rrotën nëse diçka po funksionon perfekt në ato vende”, tha Veliaj.

Forumi “17 + 1” në nivel kryetarë bashkish është një nismë e Kinës e cila synon të rrisë dhe zgjerojë bashkëpunimin me vendet e Evropës Qendrore dhe Lindore në fushën e investimeve, transportit, financave, shkencës, arsimit dhe kulturës./ABC News Albania

kina-serbi.jpeg
ad min13:50 | 19/10/2019

Në Serbi janë ndezur polemika për vendimin e qeverisë për të instaluar rreth një mijë telekamera sigurie në 800 pika të ndryshme të Beogradit. Kompania kineze e cila ofron sistemin e vëzhgimit “qytete të sigurta” akuzohet se cënon privatësinë e njerëzve. Ndërsa presidenti Vuçiç akuzohet se po përdor sistemin për të frikësuar protestuesit anti-qeveritarë.

Kur qindra videokamera me aftësinë për të identifikuar dhe lokalizuar personat, u shfaqën në rrugët e Beogradit si pjesë e një projekti të gjerë vëzhgimi, disa manifestues filluan të mendoheshin dy herë para se të merrnin pjesë në protestat anti-qeveritare në kryeqytetin serb. Autoritetet vendore pohojnë se sistemi, krijuar nga shoqëria kineze e telekomunikacionit, Huawei, ndihmon në reduktimin e kriminalitetit në një qytet që numëron 2 milionë banorë. Por kritikët janë të bindur se sistemi prek liritë personale, i bën të dobët kundërshtarët politikë por dhe ekspozon qytetarët e vendit ballkanik ndaj ndërhyrjeve të qeverisë kineze.

Telekamerat, të pajisura me teknologjinë e identifikimit të fytyrave, janë instaluar në qindra qytete në të gjithë botën, në mënyrë të veçantë në vende të varfra ku ka pak respekt për të drejtat e njeriut; shtet ku Pekini ka shtuar ndikimin e tij me anë të ekonomisë. Shtetet e Bashkuara të Amerikës deklarojnë se autoritetet shtetërore kineze mund të kenë akses në të dhënat e Huawei. Implementimi agresiv i këtij projekti vëzhgimi shkakton shqetësim për privatësinë e miliona personave në vende që kanë një pushtet të dobët kundërshtimi ndaj Kinës.

Ish-komisari serb për të dhënat personale, Sabiç, u shpreh se sistemi mund të përdoret për të gjurmuar anëtarë të opozitës politike në vend, të monitorojë në çdo moment njerëzit që kundërshtojnë regjimin, dhe kjo është diçka totalisht kundër ligjit. Grupe kritike ndaj presidentit serb Vuçiç pohojnë se policia dërgon video të protestave tek mediat pranë qeverisë, të cilat më pas publikojnë pamjet dhe identitetin e pjesëmarrësve.

Vetë presidenti Vuçiç deklaronte pak kohë më parë se policia ishte e aftë të numëronte çdo kokë në manifestimet anti-qeveritare. Gjatë protestave të fundit në vend, manifestuesit u ngjitën në një shtyllë dhe mbuluan një prej kamerave me një shirit ku lexohej “censure”. Policia serbe mohon çdo abuzim të sistemit Huawei, i cili përfshin një mijë telekamera në 800 zona të Beogradit. Vetë kompania kineze deklaroi se sistemi është më se i ligjshëm dhe respekton të gjitha rregullat e aplikimit, në Serbi dhe në çdo vend tjetër ku aplikohet.

Teknologjia për identifikimin e fytyrës është aplikuar në shumë vende, duke shkaktuar debate për ekuilibrin mes privatësisë dhe sigurisë. Sistemi ka tërhequr vëmendjen dhe për sa i përket akuzave sipas të cilave ligjet kineze u imponojnë sipërmarrjeve që të jenë të pranishme në punën e shërbimeve kombëtare të inteligjencës, duke u dhënë autoriteteve akses tek të dhënat. Si pasojë disa vende po shqyrtojnë dhe një herë përdorimin e kësaj teknologjie.

Kompania kineze hedh poshtë akuzat për kontrollin e qeverisë kineze dhe nuk ka pasur asnjë problem për të gjetur klientë të cilët duan të implementojnë teknologjinë “qytete të sigurta”, në mënyrë të veçantë mes vendeve që Kina ka tërhequr në orbitën e saj diplomatike dhe ekonomike. Përveç Serbisë në listë janë dhe Turqia, Rusia, Ukraina, Azerbajxhan, Angola, Laos, Kazakistan, Kenia dhe Uganda. Por dhe vende me demokraci liberale si Gjermania, Franca dhe Italia. Sistemi përdoret në rreth 230 qytete, duke ekspozuar dhjetëra milionë persona ndaj kontrollit të tij./ABC News Albania

Donals-trump-1.jpg
nev ila21:10 | 03/10/2019

Nisja e proçedurave të inkriminimit nuk e ka trembur presidentin Donald Trump, i cili në përpjekjet e tij për të dëmtuar figurën e Xho Bajden i ka kërkuar ndihmë Kinës.

Duke i bërë publikisht apel Pekinit, Trump ka thënë se mund t’i kërkojë personalisht presidentit Xi që ta hetojë rivalin e tij politik.

Presidenti Donald Trump kërkoi sërish të enjten ndërhyrje të huaj për të dëmtuar figurën e kundërshtarit të tij politik, Xho Bajden.

Këtë herë Trump iu drejtua Kinës, duke i kërkuar publikisht që të hetojë ish-zëvendës presidentin amerikan dhe të birin, njësoj siç ia kishte kërkuar Ukrainës në bisedën telefonike me homologun Volodimir Zelenskij.

Pavarësisht se telefonata në fjalë bëri që ndaj Trump të nisnin proçedurat e inkriminimit në Kongres, shefi i Shtëpisë së Bardhë ngriti ndaj atij që pritet të jetë rivali i tij në zgjedhjet e 2020-s të njëjtat akuza për korrupsion edhe në Kinë.

“Njësoj si Ukraina, edhe Kina duhet të nisë një hetim për familjen Bajden. Pasi ajo që ka ndodhur në Kinë është po aq e keqe sa ajo që ka ndodhur në Ukrainë”, tha Trump, duke iu referuar biznesit që Bajden Xhunior ka në vendin aziatik.

Megjithatë, deri më sot Trump dhe avokati i tij personal Rudi Xhuliani nuk kanë paraqitur asnjë provë për pretendimet e tyre në dëm të Bajden.

I pyetur nga mediat nëse i kishte kërkuar presidentit kinez Xi Jinping të hetonte, Trump u përgjigj:

“Jo, nuk i kam kërkuar. Por është diçka që po mendoj ta bëj”, tha Trump.

E kontaktuar nga agjencia e lajmeve “Reuters”, ambasada kineze në Uashington refuzoi të bënte një koment lidhur me çështjen.

Apeli i Trump drejtuar Pekinit tingëllon çuditshëm në një kohë kur Amerika dhe Kina janë të përfshira në luftën tregtare, që përveç se dy vendet ka dëmtuar edhe ekonominë globale.

Palët pritet të zhvillojnë një tjetër raund bisedimesh javën e ardhshme në Shtetet e Bashkuara./ABC News Albania 24/7

economistii.jpg
ad min17:22 | 01/10/2019

Kryeministri i Maqedonisë së Veriut Zoran Zaev në hapjen e konferencës së “Economist” që mbahet në Shkup u shpreh se rajoni ka ndryshuar dhe po synon krijimin e kushteve për zhvillim të mëtejshëm dhe integrim.

Politikanë e ekspertë nga vendi dhe jashtë sot në Shkup bashkarisht u përpoqën ta analizojnë situatën rreth Ballkanit dhe Europës, në kontekst të një ballafaqimi të ripërtrirë global mes forcave të mëdha, ku në mesin e pikave neuralgjike kryqëzohet edhe Ballkani.

30 vite pas rënies së Murit të Berlinit dhe afro dy dekada nga zgjerimi I BE-së drejt lindjes, është shtruar çështja se ku gjenden tani vendet e Ballkanit Perëndimor dhe nëse procesi do t`i përfshijë edhe këto vende në një të ardhme të afërt. Aktorët kryesor, liderët e Maqedonisë së Veriut dhe Greqisë, nënshkruesit e Marrëveshjes së Prespës, janë optimistë.

“Duam që nëpër botë të jehojë lajmi i mirë se ky rajon ka ndryshuar. Ky rajon nuk do të ngec në konflikte dhe ardhmëri pa ide. Epoka e retorikave nacionaliste i takon të së kaluarës. Procesi i Berlinit rriti interesin për Ballkanin Perëndimor dhe na vendosi në hartën për bashkëpunim me vendet anëtare të BE-së”.

“Kjo marrëveshje tregon se shteti është një partner kredibil për BE-në dhe BE-ja duhet të miratojë datë për negociata në takimin e ardhshëm të Këshillit të Evropës. BE-ja duhet ta ndalojë introvencën e saj kombëtare. Duhet të vazhdojë të promovojë paqe dhe stabilitet me fqinjësinë e saj që të përmbyllen mundësitë për luftëra të reja në Jugosllavi”. 

Por, paralelisht sinjaleve optimiste që Maqedonia e Veriut dëshiron t’i dëgjojë për datën e negociatave, duket se ende ekzistojnë rezerva.

“Nuk mund t’ju garantoj nëse do të ketë një datë. Shpresoj. Do të bëjë çmos me ndikimin tim në politikën gjermane. Por, nuk jemi të sigurt se çka do të thotë Parlamenti holandez, parlamentet tjera, pas zgjedhjeve në Austri. Nuk e di. Përvoja ime me BE-në është se të gjithë e dinë se duhet progres, sikurse mes Shkupit dhe Athinës, por nga ana tjetër edhe institucionet në Bruksel nuk janë të sigurtë për ardhmërinë e BE-së”

Por, nëse Evropa edhe më tej le hapësirë të zbrazët në Ballkan, atëherë mundësohet infiltrimi i Rusisë dhe Kinës me taktikat e tyre ushtarako-ekonomike e ekspansioniste.

“Rusia asnjëherë nuk e ka braktisur këtë rajon. Këtu është edhe Kina që ka qëllimet e saja. Një lojtar shumë i sofistikuar strategjik. E shihni se sa është rritur buxheti i armatës kineze. Kjo shihet edhe në investimet nga Kina, në infrastrukturë dhe projekte tjera në rajon”.

Kryeministri Zoran Zaev shprehu kënaqësi që edhe Shqipëria është në rrugë të mirë për të marrë miratimin për fillimin e negociatave aderuese me BE-në dhe se kjo rrugë e transformimit të shoqërive është mirë të kalohet me bashkëpunim të ndërsjelltë. Por, mesazhi që Aleksis Tsipras ia dërgoi Kryeministrit shqiptar Edi Rama është që “të mos fshihet pas shpinës së Zaevit, por vetë të fokusohet në reformat e domosdoshme”./ABC News Albania 24/7

hong-kong.jpg
ad min17:25 | 22/09/2019

Aktivistët në Hong Kong kanë përshkallëzuar protestën e tyre duke përdhosur flamurin kinez dhe duke gjuajtur me gurë dhe tulla ndaj policisë. Pas tërheqjes së ligjit të ekstradimit, tashmë të rinjtë kërkojnë të drejtën e votës, hetimin e dhunës së policisë dhe atë të bandave të përdorura nga qeveria kundër tyre.

Aktivistët në Hong Kong përdhosën të dielën flamurin kinez dhe kryen një seri aktesh vandale në një qendër tregtare, në javën e 16-të të protestave anti-qeveritare. Shkallët elektrike dhe panelet prej xhami ishin objekt i sulmeve të protestuesve në qendrën tregtare, e ndodhur në një nga sheshet kryesore të qytetit, që më pas u izolua nga policia.

Nga ana e tyre, forcat e rendit qëlluan gaz lotësjellës ndaj manifestuesve, që gjuanin me gurë dhe tulla. Më herët, policia parandaloi një mobilizim të qytetarëve që do të bllokonin sistemin e metrosë që të çon në aeroportin e Hong Kongut, ndër më të ngarkuarit në botë.

Protestat u shkaktuan nga ligji tashmë i tërhequr i ekstradimit, i kërkuar nga qeveria kineze, por shumë shpejt u kthyen në një fushatë pro-demokracisë. Çështje si e drejta e votës, kërkesa për një hetim ndërkombëtar të dhunës së policisë dhe përdorimi i bandave për t’u bërë kontrast protestuesve janë kthyer në thelbin e manifestimeve.

Fushata, e udhëhequr kryesisht nga të rinjtë, ishte paqësore në fillimet e saj, por me kalimin e javëve degradoi në dhunë. Ajo është kthyer në sfidën më të madhe për regjimin kinez që kur sovraniteti i Hong Kongut iu kthye Pekinit nga Britania në vitin 1997.

Hong Kongu është pjesë e Kinës por gëzon një shkallë të gjerë autonomie dhe lirish. Ato pritet të shfuqizohen në vitin 2047 dhe shumë banorë të Hong Kongut nuk duan që ai të kthehet në një tjetër qytet kinez./ABC News Albania 24/7

Hiddink-1280x640.jpg
Igli Nikolli12:16 | 20/09/2019

Kina po hedh miliona pafund në futboll, por nevojitet kohë, durim dhe një brez i talentuar për të tentuar rezultate pozitive. Kampionati po rritet dhe emra të rëndësishëm zgjedhin ofertat e “parefuzueshme” të vendit aziatik.

Ndryshe është situata në kombëtare, aty ku problemet janë të mëdha. Federata Kineze e Futbollit ka vendosur të shkarkojë trajnerin Guus Hiddink nga drejtimi i kombëtares olimpike. 72-vjeçari holandez, i cili ka një eksperiencë të jashtëzakonshme, u ul në këtë post shtatorin e kaluar.

Ecuria aspak pozitive dhe humbja 2-0 në miqësoren përballë Vietnamit bindën drejtuesit që të bënin këtë ndryshim. Në vend të Hiddink do të ulet Hao Wei, i cili ka drejtuar më parë kombëtaren e femrave kineze. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono