kili

vlcsnap-error517-1280x720.jpg
gra moz20:55 | 16/01/2018

Në Kili, Papa Françesku u ka kërkuar falje viktimave të abuzimeve seksuale nga përfaqësuesit e kishës. Por ai ka hasur në reagimin e kritikëve, të cilët kanë deklaruar se është koha që Ati i Shenjtë të kalojë nga fjalët tek veprimet.

Në fjalimin e tij të parë zyrtar në Kili, Papa Françesku ka deklaruar se ndjen “dhimbje dhe turp” për skandalin seksual që ka tronditur Kishën Katolike në këtë vend. Gjithashtu, gjatë fjalimit të tij, ati i shenjtë u ka kërkuar falje viktimave të abuzimeve.

“Më vjen keq për dëmin e pariparueshëm që u është shkaktuar viktimave të abuzimeve seksuale nga përfaqësuesit e kishës”, ka thënë Jorge Bergoglio.

Por në Kili, Papa është kritikuar gjerësisht për vendimin e tij për të emëruar një peshkop të akuzuar se ka mbuluar abuzimet e kryera nga një prift.

Dhe për aktivistët e të drejtave të viktimave të abuzimeve, fjalët e tij nuk mjaftojnë.

“Kjo nuk mjafton. Ajo që ne kërkojmë nga Papa është që ai të veprojë”, ka thënë Juan Carlos Cruz.

Rasti i at’ Karadima, një prift influent që u shpall fajtor nga Vatikani për abuzim të fëmijëve të vegjël, tronditi Kishën Katolike në Kili. Kritikët pretendojnë se peshkopi i emëruar nga ati i shenjtë, Juan Barros përdori postin e tij për të penguar hetimet ndaj priftit.

Ata e akuzojnë Papën se shpërfilli kërkesat e tyre për të rishikuar vendimin e tij.

“Ka gjëra konkrete që ai mund të bëjë, si për shembull të largojë priftërinj që janë akuzuar dhe dënuar nga sistemi kilien i drejtësisë, ose ligji kanunor se kanë kryer apo se kanë fshehur abuzimet seksuale”, ka thënë Cruz./abcnews.al

vlcsnap-error449-1-1280x720.jpg
gra moz20:08 | 12/01/2018

Vizita e Papa Françeskos në kryeqytetin e Kilit është pritur me trazira të shumta. Të paktën 3 kisha janë sulmuar vetëm ditët e fundit. Vizita do të zhvillohet me 15 Janar, ndërsa qytetarët kundërshtojnë shpenzimet e shtetit për përgatitjet.

Të paktën 3 atentate kundër disa kishave katolike janë regjistruar ne qytetin Santiago. Këto sulme lidhen me vizitën e Papa Françesko në Kili, që do të zhvillohet me 15 Janar. Këtë e shkruan gazeta vendase “La Nacion”. Sulmi i parë, i kryer me flakadan vuri në shënjestër famullinë e “Santa Isabel de Hungría”.

Në vendngjarje, autorët kanë lënë pamflete me slogane anti-qeveritare, dhe një nga kërcënimet ndaj Papës, në të cilin thuhet se “bombat e ardhshme do të vendosen nën veshjen tënde”.
Sulmi i dytë ndodhi në kishën Emmanuel dhe atentati tjetër në kapelën e “Krishtit Vencedor”. Në të dyja rastet janë përdorur pajisje shpërthyese që shkaktuan dëmtime. Një sulm i katërt është kryer në famullinë “Santuario de Cristo Pobre”, në periferi të kryeqytetit kilian, por hetuesit ende duhet të konstatojnë nëse ishte një sulm i qëllimshëm.

Presidentja e vendit, Mishel Bakelet, i ka cilësuar këto ngjarje si shumë të çuditshme. Ajo nënvizoi se qytetarët kanë të drejtën e tyre të protestojnë kundër vizitës së Papës, por kjo duhet të bëhet në mënyrë paqësore. Ndërkohë, mediat në Kili shkruajnë se arsyeja e sulmeve ndaj kishave janë milionat që po zhpenzohen nga shteti rreth përgatitjeve për vizitën e Papa Françeskut./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono