keshilli i sigurimit

citaku.jpg
ad min10:53 | 08/02/2019

Dje në mbledhjen e Këshillit të Sigurimit të OKB-së, Kosova dhe Serbia përballen qëndrime të ashpra dhe krejt të kundërta lidhur me taksën e vendosur nga qeveria kosovare për mallrat serbe. SHBA, por edhe të gjithë anëtarët e tjerë të Këshillit të Sigurimit i kërkuan Kosovës heqjen e kësaj takse. Ata kërkuan që dy vendet të vazhdojnë negociatat për arritjen sa më parë të një marrëveshjeje.

Vendimi i qeverisë së Kosovës për vendosjen e taksës prej 100 për qind në mallrat e Serbisë dhe Bosnje Hercegovinës në Nëntor të vitit të kaluar dominoi diskutimet në takimin e Këshillit të Sigurisë së OKB-së. Qëndrimi amerikan në OKB ishte i qartë dhe i prerë për heqjen e kësaj takse nga qeveria e Prishtinës. Përfaqësuesi amerikan, Jonathan Cohen, ka thënë Shtetet e Bashkuara besojnë që marrëveshja mes të Kosovës dhe Serbisë mund të arrihet këtë vit. Megjithatë, ai tha se para se të ndodhë një gjë e tillë, autoritetet e Kosovës duhet të heqin taksën ndaj produkteve serbe.

Qëndrimi i Uashingtonit kundër taksës 100% u mbështet edhe nga Gjermania. Por përfaqësuesit e dy vendeve u shprehën të ndarë sa i takon rrugës së arritjes së marrëveshjes Kosovë-Serbi. Ndërsa SHBA e lë të hapur mundësine e ndryshimit të kufijve, Berlini e ka kundërshtuar me forcë këtë opsion. Ambasadori i Gjermanisë në Këshillin e Sigurimit, tha se e vetmja rrugë për integrimin e Serbisë në Bashkimin Evropian është njohja e Kosovës, ndërsa kritikoi fushatën e ministrit serb Daçiç për tërheqjen e njohjeve të pavarësisë së Kosovës.

Ministri i jashtëm serb, Ivica Daçiç, tha se vendimi për vendosje të taksës nga autoritetet e Kosovës është dënuar nga faktorët ndërkombëtarë, përfshirë aleatët e Prishtinës. Sipas tij, masa ndaj produkteve serbe, të cilën e ka quajtur drakonike, ka pasur për qëllim të vështirësojë jetën e komunitetit serb në Kosovë. Daçiç u shpreh se thirrjet për bashkim të Mitrovicës kanë për qëllim dëbimin e serbëve nga ky qytet. Ai  ka përmendur edhe fillimin e punës së Gjykatës Speciale për Krime të Luftës në Kosovë, duke thënë se Serbia pret që aktakuzat e para të bëhen publike shumë shpejt, për të gjykuar ato që ai i ka quajtur si “krime ndaj serbëve dhe personave tjerë që nuk kanë qenë shqiptarë”.

Por ambasadorja e Kosovës në Shtetet e Bashkuara, Vlora Çitaku tha se ky Këshill është kthyer në teatër nga Serbia dhe është bërë vend ku autoritetet serbe tregojnë përralla që nuk besojnë as ata vetë. Ajo theksoi se UNMIK-u nuk ka rol dhe as mandat për ta ushtruar në Kosovë, ndërsa i bëri thirrje Serbisë që të “çlirohet nga Kosova” dhe ta njohë realitetin.

Vendosjen e takses 100%,  Çitaku e quajti vendim jo të lehtë, por të detyruar, si përgjigje ndaj fushatës së ashpër të Serbisë kundër Kosovës. Sa i përket miratimit të ligjit për transformimin e Forcës së Sigurisë së Kosovës në ushtri, ambasadorja Çitaku e quajti vendimin ligjor dhe kushtetues, në mënyrë që të krijohen mekanizma të sigurisë dhe që Kosova të kontribuojë në organizata ndërkombëtare. Sipas saj, ky vendim ka treguar maturinë e Kosovës si shtet./abcnews.al

keshilli.jpg
ad min12:30 | 07/02/2019

Këshilli i Sigurimit i Kombeve të Bashkuara do të mbajë të enjten mbledhje për Kosovën. Lajmi është konfirmuar nga publikimi i axhendës në faqen zyrtare të Organizatës së Kombeve të Bashkuara.

Sipas programit të punës së Këshillit të Sigurimit të OKB-së në Nju Jork, mbledhja parashikon diskutime për raportin tremujor të punës së UNMIK-ut në Kosovë.

Deri në momentet e fundit nuk dihej nëse do të diskutohej për Kosovën pasi katër shtete, SHBA, Britania e Madhe, Gjermania dhe Polonia kundërshtuan që raporti i Sekretarit të Përgjithshëm të Kombeve të Bashkuara për Kosovën të jetë në rend të ditës./abcnews.al

kosova-ushtri.jpg
ad min23:39 | 17/12/2018

Rezoluta 12-44 e OKB-së ka qenë në fokus të debatit mes presidentëve Hashim Thaçi dhe Aleksandër Vuçiç, të enjten në Këshillin e Sigurimit. Duke marrë fjalën i pari në seancën e zhvilluar në Pallatin e Qelqtë, Vuçiç citoi një nen të rezolutës që parashikon çarmatosjen e të gjitha grupeve të tipit ushtarak në Kosovë. Vuçiç theksoi se, krijimi i ushtrisë nuk lejohet në asnjë dokument të OKB-së dhe u shpreh i habitur për mbështetjen që Prishtina ka marrë në këtë aspekt.

“Rezoluta parashikon çarmatosjen jo vetëm të UÇK-së, por të të gjitha grupeve të armatosura shqiptare të Kosovës. Por ata themelojnë ushtrinë dhe çuditërisht mbështeten nga shumë vende. Në cilin dokument e gjetën këtë të drejtë? Nuk ka”, tha Vuçiç.

Presidenti serb shtoi se dështimi i Kosovës për t’u anëtarësuar në INTERPOL nuk ndodhi për faj të Serbisë. Nga ana e tij, Thaçi deklaroi se klasa politike kosovare i është referuar pakos së Ahtisarit në vendimin për formimin e ushtrisë dhe ka shtuar se rezoluta 12-44 nuk e pengon krijimin e saj.

“Rezoluta 12-44, pika 15 i referohet vetëm dëmilitarizimit të UÇK-së, që u mbyll në kohë rekord. Pakoja e Ahtisarit, që ishte i dërguari i posaçëm i Këshillit të Sigurimit, në nenin 52 nënvizon të drejtën e Kosovës për të pasur ushtri. Pastaj, vendimi i Gjykatës Ndërkombëtare të Drejtësisë, i marrë me iniciativë të shtetit serb, nënvizon qartë se Kosova nuk ka shkelur të drejtën ndërkombëtare me shpalljen e pavarësisë, ndaj është e drejtë e saj të themelojë ushtrinë”, deklaroi Thaçi.

Sikurse pritej, Rusia doli në mbështetje të Serbisë, me ambasadorin e saj që foli për rrezikun që sipas tij vjen nga elementët radikalë në Kosovë. Ndërsa ambasadorja britanike Karen Pirs dhe përfaqësuesi i Shteteve të Bashkuara mbështetën Kosovën duke nënvizuar se një vend i pavarur dhe sovran ka të drejtë të krijojë ushtrinë e tij. Diplomati amerikan theksoi se, rezoluta 12-44, që kërkon çarmatosjen e fraksioneve kosovare, nuk vlen në rastin e FSK-së.

“Rezoluta 12-44 nuk aplikohet për FSK-në. FSK-ja nuk është UÇK-ja dhe as ndonjë grup tjetër i armatosur”, deklaroi zyrtari amerikan./abcnews.al

KOOSVE-KESHILLI-I-SIGURIMIT-1280x720.jpg
ent ela18:44 | 24/10/2018

Sipas mediave serbe, janë katër shtetet e fuqishme të cilat duan të ndalojnë që të diskutohet për Kosovën në mbledhjen e 8 nëntorit të këshillit të sigurimit të OKB-së.

E përditshmja serbe “Novosti” shkruan se katër shtete të fuqishme po mundohen të ndalojnë që në rend të ditës në mbledhjen e 8 nëntorit të diksutohet mbi gjendjen në Kosovë. Tre antëraret e përhershme Britania e Madhe, Shtetet e Bashkuara të Amerikës, Franca, dhe Suedia si anëtare e përkohshme, mund të sabotojnë mbledhjen e radhës në Këshillin e Sigurimit në OKB.

Raporti i Sekretarit të përgjithshëm Antonio Guterres rreth gjendjes në Kosovë ishte parashikuar të ishte temë diskutimi edhe në mbledhjen e gushtit. Por, Britania e Madhe si kryesuese, në atë kohë, e Këshillit të Sigurimit, refuzoi propozimin e tij. E njëjta gjë ndodhi dhe në muajin shtator kur kryesues ishin Shtetet e Bashkuara të Amerikës. Por, rotacioni i kryesuesve ka kaluar tek Kina e cila në mbledhjen e radhës ka futur në rend të ditës raportin e Guterres për Kosovën.

Edhe pse rendi i ditës nuk është konfirmuar zyrtarisht, Britania e Madhe, Shtetet e Bashkuara të Amerikës, Franca dhe Suedia po mundohen që të anashkalojnë diskutimin për Kosovën.

“Novosti” shkruan se Serbia është në kontakt të vazhdueshëm me Kinën duke kërkuar caktimin e rendit të ditës në mënyrë teknike dhe jo mbi bazën politike, pasi kjo mund të arrihet vetëm me votat e shumicës.

Kjo pasi Kina bashkë me Rusinë janë dy anëtaret e tjera të përhershme të Këshillit të sigurimit, të cilat kanë të drejtën e vetos. Nga 15 vendet anëtare të perhershme dhe të përkohshme të Këshillit të Sigurimit,  Kosovën si shtet e kanë njohur nëntë prej tyre. /abcnews.al

kim-jon-un-1-1280x683.jpg
ad min13:16 | 04/08/2018

Koreja e Veriut po sfidon komunitetin ndërkombëtar duke vijuar me programin e armatimeve, pavarësisht premtimeve të bëra nga lideri Kim Jong-un në takimin me Donald Trump. Aktiviteti ushtarak i Penianit është denoncuar në një raport të Këshillit të Sigurimit të OKB-së.

Koreja e Veriut nuk e ka ndalur programin e saj bërthamor, duke shkelur kështu sanksionet e Kombeve të Bashkuara. Kështu thuhet në një raport të Këshillit të Sigurimit të OKB-së, ku mes të tjerash vihet në dukje se Peniani ka rifilluar tregtinë ilegale të derivateve të naftës dhe është përpjekur të shesë armë jashtë vendit.

Javën e kaluar, zyrtarë amerikanë deklaruan se regjimi i vendit aziatik kishte nisur ndërtimin e raketave të reja balistike, pavarësisht shkrirjes së akujve me administratën e presidentit Donald Trump dhe zotimit për çarmatim bërthamor.

Burimet zyrtare deklaruan për “Washington Post” se satelitët spiunë kishin konstatuar vazhdim të aktivitetetit në bazën ku prodhoheshin raketat. Presidenti Trump u takua me liderin Kim Jong un qershorin e kaluar në Singapor dhe të dy liderët u angazhuan për të bashkëpunuar për çarmatimin bërthamor, edhe pse pa dhënë detaje mbi mënyrën e funksionimit të procesit.

Aktualisht Peniani ndodhet nën një gamë të gjerë sanksionesh ndërkombëtare dhe amerikane, pikërisht për shkak të programit të armatimit. Raporti, i hartuar nga një grup ekspertësh të pavarur, vlerëson se në këtë mënyrë Korea e Veriut po sfidon Këshillin e Sigurimit. Gjithashtu, publikimi i tij vjen pak pasi sekretari amerikan i Shtetit, Mike Pompeo u shpreh optimist se objektivi i çarmatimit bërthamor mund të arrihet./abcnews.al

dacic.jpg
ad min14:35 | 03/05/2018

Ministri i Jashtëm serb, Ivica Daçiç dhe ish-ambasadori i Serbisë në OKB, Jovanoviç këmbëngulin s emBretëria e Bashkuar synon të organizojë mbledhje me dyer të mbyllura për Kosovën në Këshillin e Sigurisë të OKB-së. Kjo për të shmangur veton ruse.

Mbretëria e Bashkuar synon të organizojë takimet e Këshillit të Sigurisë së OKB-së për Kosovën “duke shmangur veton ruse”. Sipas ministrit të Jashtëm serb, Britania e Madhe mund të kërkojë që seancat e Këshillit të Sigurimit të OKB për Kosovën të anulohen ose të jenë të mbyllura për publikun.

Thelbi i kësaj kërkese është që të ushtrohet presion ndaj Serbisë dhe komunitetit ndërkombëtar për të pranuar se çështja e Kosovës është zgjidhur, sipas ish-diplomatit serb Zoran Milivojeviç. Në gusht, Britania do të marrë presidencën e radhës njëmujore të Këshillit të Sigurimit së Kombeve të Bashkuara.

Me Rezolutën 1244 të miratuar në vitin 1999, Këshilli i Sigurimit i Kombeve të Bashkuara vendosi Kosovën nën patronazhin e Kombeve të Bashkuara. Për këtë arsye organizohen rregullisht raporte tremujore mbi punën e misionit të OKB-së në Kosovë. Por Britania e Madhe kërkon që të ketë më pak raporte të tilla pasi Kosova prej kohësh nuk konsiderohet më si një vend në rrezik.

Ministri i Jashtëm serb Daçiç këmbëngul se nëse organizohen takime me dyer të mbylllura për Kosovën, atëherë Kina dhe Rusia nuk do të kenë mundësinë të përdorin veton. Londra e njohu Kosovën vetëm një ditë pas shpalljes së pavarësisë në vitin 2008, ndërsa disa vjet më parë, ajo sponsorizoi një rezolutë të dështuar për Srebrenicën dhe kohët e fundit është angazhuar në një precedent diplomatik, ku kritikoi Suriname pas vendimit për të tërhequr njohjen e Kosovës./abcnews.al

vlcsnap-error025-1-1280x720.jpg
ad min21:29 | 22/12/2017

Këshilli i Sigurisë në Kombet e bashkuara ka miratuar në mënyrë unanime sanksionet e reja kundër Koresë së Veriut. Këto masa erdhën për shkak të testit të fundit raketor të kryer nga Peniani. Rezoluta e OKB-së planifikon të ndalojë rreth 90% të eksporteve të naftës të rafinuar në Penian. Gjithashtu kërkon kthimin e punëtorëve të Koresë së Veriut që janë jashtë vendit. “Peniani ka zgjedhur rrugën e izolimit”, theksoi ambasadorja amerikane në OKB, Nikki Haley, duke nënvizuar se këto janë sanksionet më të ashpëra të vendosura ndonjëherë. “Regjimi i Penianit është shembulli më tragjik i së keqes në botë. Sa më shumë do të na sfidojë, aq më shumë do ta ndëshkojmë”, u shpreh përfaqësuesja amerikane në OKB./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono