kërkim

pranga-irainain1.jpg
Sej rie09:00 | 16/05/2019

Një 44-vjeçar i shpallur në kërkim ndërkombëtar është ndalur nga policia në Kurbin. Ai është arrestuar në bazë të një urdhri kërkimi ndërkombëtar, për veprat penale”Vjedhje në rrethana rënduese”.

Vijon puna për kapjen e personave të shpallur në kërkim ndërkombëtar. Arrestohet një tjetër shtetas shqiptar me qëllim ekstradimi drejt Italisë. Shërbimet policore të Komisariatit Kurbin, pas informacioneve të marra dhe një pune të mirë organizuar në bashkëpunim me Interpol Tirana dhe me Zyrën e Interforcës të Policisë italiane,arrestuan përkohësisht me qëllim ekstradimi drejt Italisë shtetasin shqiptar të shpallur në kërkim ndërkombëtar:

  • H.I.,44 vjeç, banues në Kurbin

Ky shtetas ishte i shpallur në kërkim ndërkombëtar nga autoritetet italiane, pasi Gjykata në Padova/ Itali ka lëshuar Urdhërin e kërkimit ndërkombetar nr.6731, për veprat penale”Vjedhje në rrethana rënduese” dhe “Mbajtja e sendeve të vjedhura” parashikuar nga nenet 61,5,7,110,648 dhe 624 të Kodit Penal Italian. Materialet hetimore i kaluan Prokurorisë Pranë Gjykatës së Shkallës së Parë Kurbin për veprime të mëtejshme”, thuhet në njoftimin e policisë./abcnews.al

 

Untitled-1-1.jpg
G. P.15:38 | 01/05/2019

Alfred dhe Elvis Vladi, dy personat e dyshuar si porositësit e makinave “Toyota Yaris”, ku rreth 1 vit më parë u kapën 3.4 milionë euro rezultojnë të pastër penalisht në Belgjikë dhe Gjermani. ABC News ka siguruar përgjigjet e letërporosive e të ardhura nga këto dy vende pas kërkesave të drejtuara nga prokuroria shqiptare për informacion.

Prokuroria e Krimeve të Rënda ka në dorë informacionet e ardhura nga autoritetet belge dhe gjermane për dy kushërinjtë Elvis dhe Alfred Vladi, të dyshuar për aferën e 3.4 milionë eurove që u gjetën në makinat “Toyota Yaris” e sekuestruara rreth një vit më parë në portin e Durrësit.

Nga përgjigjet e kthyera nga drejtësitë e dy shteteve europiane rezulton se Elvis dhe Alfred Vladi janë të pastër dhe pa precedentë të mëparshëm penalë në këto dy shtete.

Burime për ABC News theksojnë se në letërporosinë e kthyer nga autoritetet belge është e zbardhur edhe dëshmia e shitësve të makinave që janë marrë në  pyetje për këtë ngjarje. Në deklarimet e tyre thuhet se ata kanë bërë një kontratë shitje të rregullt dhe se nuk disponojnë asnjë informacion në lidhje me paratë e gjetura brenda makinave.

Po ashtu, organi i akuzës shqiptare, nëpërmjet letërporosive i ka kërkuar informacion autoriteteve britanike në lidhje më këta dy persona.

Nga verifikimi i dokumentacionit rezulton se “Toyota Yaris”, ku ndodheshin paratë ishte porositur nga Alban Mollaymeri, që është i arrestuar. Mollaymeri, në deklarimet para grupit të hetimit, ka pohuar se ka një servis privat me makina dhe se “Toyotat” i ka porositur nëpërmjet të njohurit të tij, Alfred Vladit.

Nisur nga dëshmia e tij, prokuroria ka dyshime se “Toyota Yaris” është blerë nga Alfred Vladi dhe në rrethana ende të pazbardhura prej tyre, në dyert e makinës është fshehur edhe shuma e parave.

Për 3.4 milionë eurot që vinin në Shqipëri përmes portit të Durrësit janë arrestuar babë e bir Edi dhe Klevis Lika, Agim Caka, Alban Mollaymeri. Ndërsa kushërinjtë Alfred dhe Elvis Vladi janë të shpalllur në kërkim./ABC News Albania 24/7

tani-1280x743.jpg
Sej rie14:10 | 27/04/2019

Personi i gjashtë i arrestuar nga policia si i dyshuar për grabitjen e 9 prillit në Rinas u mor në pyetje nga oficer të policisë gjyqësore. Ragip Hajdini ka mohuar të ketë dijeni se kush është personi tjetër i shpallur në kërkim. Prokuroria e Krimeve të Rënda, dyshon se i kërkuari me nofkën “Tani”, është larguar në drejtim të Kosovës, bashkë me vëllezërit Klement dhe Eldi Çala nga Fushë- Kruja.

Pas prangosjes së Ragip Hajdinit, i njohur me pseudonimin “Daja”, Policia e Shtetit është vënë në ndjekje të personazhit misterioz me emrin “Tani”. Emri këtij të fundit doli në skenë nga dëshmitari i drejtësisë Alkond Bengasi Qevani.

Oficerë të policisë gjyqësorë kanë marrë në pyetje 50-vjeçarin Hajdini në ambientet e drejtorisë vendore të policisë së Tiranës, me origjinë nga Peja e Kosovës. Ai ka mohuar të ketë dijeni për grabitjen e 9 prillit në Rinasi si edhe me personin tjetër të quajtur “Tani” nga Fushë-Kruja. Policia ushtroi përsëri kontroll mëngjesin e së shtunës në banesën e Ragip Haxhiajdini ose Hajdini me mbiemrin e ndryshuar, në zonë e Shkëmbit të Kavajës, ndërsa avokati i 50-vjeçari ka vënë dispozicion të grupit hetimor disa prova si pamje filmike për të përjashtuar atë nga të dyshuarit e tjerë si pjesëmarrës në supergrabitjen e Rinasit. Ndërkohë prokuroria e Krimeve të Rënda ka kërkuar të njihet me tabulatet telefonike të prangosurit të gjashtë.

Sipas organit të akuzës, këqyrja e aparateve telefonike të Ragip Hajdinit si edhe të pesë personave të tjerë të prangosur më herët, bëhet me qëllim për të vërtetuar nëse kanë biseda ndërmjet njëri-tjetrit në aplikacionet “Ëhats app”, “Facebook” dhe rrjete të tjera komunikimi elektronik.

Për dëshminë e dhënë të Alkond Bengasi Qevani, Prokuroria e Krimeve të Rënda do të kërkojë ballafaqim viziv me shtetasin nga Kosova “Daja”. Misteri më i madh për grupin hetimor mbetet “Tani”. Sipas dëshmitarit Bengasi, ai ishte i gjatë rreth 180-185 cm me origjinë nga Fushë-Kruja me pak mjekër si edhe besimtar i fesë islame. Nisur nga karakteristikat e përcaktuara nga Bengasi, dyshohet se “Tani” të jetë edhe Komandoja që shihet në këtë foto pas krahëve të të ndjerit Admir Murataj, gjatë aksionit për grabitjen e disa miliona eurove, pikërisht brenda pistës së avionit në Rinas.

Për këtë arsye, prokuroria ka kërkuar ndihmën e ministrisë së Mbrojtjes për të krahasuar në databazën e saj nëse personi i cili duket nga ana vizive me veshje kamuflazhi ushtarake ka qenë ndonjëherë në radhët e ushtrisë. Për prangosjen e “Tanit”, FNSH dhe RENEA, zhvilloi një operacion të gjërë ditën e enjte në qytetet e Krujës, Fushë-Krujës dhe Elbasanit por pa rezultat. Dyshohet se personi i shpallur në kërkim të jetë larguar në drejtim të Kosovës, bashkë me vëllezërit Klement dhe Eldi Çala. Këta të fundit dhe i ndjeri Admir Muratj dyshohen se kanë qenë organizatorët kryesorë të grabitjes së Rinisit.    /abcnews.al

 

 

 

policia-rinas.jpg
nev ila15:27 | 18/04/2019

5 persona janë shpallur në kërkim nga policia e shtetit të dyshuar si të përfshirë në grabitjen e parave ne Rinas.

Burimet nga hetimi i thane ABC news se ka dyshime qe 2 nga 3 mjetet e perdorura nga grabitesit mund te kene hyre nga kosova.

Policia  e shtetit ka shpallur në kërkim 5 persona që dyshohen si të përfshirë në grabitjen e bujshme në Rinas në 9 prill.

Numri i personave që po hetohen është edhe më i madh. Hetuesit kanë në administrim 3 furgonë, që dyshohet se janë përdorur nga grabitësit, dy prej të cilëve u gjetën të djegur nga policia pas grabitjes. Mjeteve ju janë fshirë numrat e shasisë për të penguar identifikimin e tyre.

Burime nga Policia e Shtetit konfirmojnë për ABC News se, 2 mjetet e djegur  tip Mercedez- Benz dhe Vito nuk janë denoncuar të vjedhur në polici.

Nisur nga kjo hetuesit kanë dyshime se furgonët janë importuar nga shteti i Kosovës, ndërsa koha ku dyshohet se kanë hyrë në vendin tonë është e papërcaktuar.

Ndërsa furgoni me mbishkrimin Hetimi Tatimor që u përdor nga grabitësit për të hyrë në aeroport, ka qenë i modifikuar me pjesë nga makina të tipeve të ndryshme.

Departamenti i Drejtorisë Kriminale në policinë e Shtetit ka kërkuar ndihmën e homologëve të tyre kosovarë, pasi dyshohet se në atë shtet është porositur një pjesë e mirë e bazës materiale, nga grabitësit e Rinasit. Veshja e kamuflazhit dhe uniformat e ngjashme me ato të punonjësve të sigurisë së aeroportit të Rinasit “ICTS”, dyshohet se janë porositur jashtë vendit.

Deri tani kërkimet policore dhe pamjet e sekuestruara nga kamerat e sigurisë të disa prej bizneseve në Tiranë  e Durrës, ku dyshohet se grabitësit mund të kenë loguar furgonin e modifikuar me mbishkrimin “Hetimi Tatimor”, nuk kanë dhënë rezultat.

Prokuroria e krimeve të rënda ka kërkuar informacion nga autoritetet kosovare në lidhje me familjen e Admir Murataj. Lidhur me këtë kërkesë ngrihen dyshime të forta se Admir Murataj i vrarë më 9 prill ka jetuar në Kosovë gjatë kohës që ka qenë në arrati, ndërsa u mor në pyetje, bashkëshortja e të ndjerit Albana Alimemeti. Ajo mohoi të ketë dijeni për grabitjen e Rinasit si edhe për personat që shoqërohesh në arrati vikima.

Dëshmi kanë dhënë edhe disa zyrtarë të “ICTS”, teksa u sekuestrua nga organi i akuzës edhe praktika e ndjekur nga kompania e cila është kontraktuar nga TIA për sigurinë e brendshme të aeroportit të vetëm kombëtar që ka Shqipëria./abcnews.al

 

 

 

 

OK-HETIME-PER-EDISON-HARIZAJ-M3-T1.mpg_snapshot_00.42-1280x720.jpg
G. P.16:04 | 07/11/2018

Policia po kërkon se kush e nxorri në pritë Edison Harizajn bashkë me shokun e tij Genci Caca, që u nisën me urgjencë nga Tirana në drejtim të Vlorës. Po analizohen qelizat telofonike dhe e shkuara kriminale të viktimës.

Ekzekutimi i tipit mafioz i Edison Harizajt me origjinë nga qyteti i Vlorës mbrëmjen e së martës ka ngritur shumë pikëpyetje për policinë e shtetit, pasi 39-vjeçari ishte skeduar si kontigjent kriminal në krimet kundër jetës e po kështu edhe trafikun e lëndëve narkotike.

39-vjeçari i cili u qëllua me 15 plumba në ndenjësen e pasagjerit në automjetin luksoz tip “Audi A8”, ka qenë i përfshirë edhe në trafikun e drogës në Belgjikë. Burime kofidenciale pohojnë se në policinë e shtetit kishte një mbërritur një dosje voluminoze nga shtetit belg, ku i implikuar ka qenë edhe viktima Edison Haziraj. Ky i fundit ishte nën hetim për disa ngjarje të rënda kriminale të ndodhura në kryesisht në tre qyetete, si Vlorë, Tiranë dhe Durrës. Në momentin e ekzekutimit, Harizaj po udhëtonte nga Tirana në drejtim të Vlorës, bashkë me mikun e tij që mbeti i plagosur Genci Caca, ndërsa hetuesit po analizojnë, se përse viktima kishte zgjedhur të udhëtonte në rrugën dytësore të autostradës, Tiranë-Durrës.

Gjithashtu, po analizohet edhe qelizat telefonike të Hazirajt si edhe personat që dyshohet se i kanë nxjerrë në pritë të fortin e Vlorës. Edisoni i shtatë pallateve, siç njihet ndryshe në qytetin bregdetar të Vlorës, nuk është një emër i panjohur për autoritetet ligjzbatuese. Në vitin 2000, Harizaj u akuzua në bashkëpunim me Skerdijald Pashajn se kishin vrarë me armë zjarri më 22 Korrik 1999, Erion Ahmetin si dhe plagosën dy perosna të tjerë.

10 vite më vonë doli nga burgu dhe njihej gjerësisht si mik i ngushtë i Emiljano Shullazit. Por problemet me drejtësinë nuk kishin mbaruar. Ai prangos bashkë me Shullazin në Shëngjin të Lezhës, pasi në automjetin e tyre u gjetën dy armë zjarri pistolet. Për atë ngjarje, viktima Harizaj mori përsipër autorësinë dhe Emiljano Shullazi i shpëtoi burgimit./abcnews.al

960full-elvana-gjata-770x433.jpg
G. P.15:26 | 09/10/2018

Elvana Gjata, ashtu si i dashuri i saj Ervin Mata, janë shpallur në kërkim Policor për ngjarjen e rëndë të ndodhur pak ditë më parë në zonën e ish Bllokut në Tiranë.

 

 

Grupi hetimor, pas shumë tentativash për të marrë dëshminë e këngëtares nuk ia ka dalë. Ndërkohë në kërkim janë edhe dy persona të tjerë, komandoja Meviol Bilo dhe Fabiol Alushi. Këngëtarja e mirënjohur Elvana Gjata, shpallet në kërkim policor, pas ngjarjes së rëndë të ndodhur mbrëmjen e 4 tetorit në zonë e ish Bllokut në kryeqytet, ku një person humbi jetën dhe 2 të tjerë mbetën të plagosur me armë zjarri.

Së bashku me Gjatën, në kërkim janë edhe i dashuri i saj, Ervin Mata, dhe dy miqtë e tij, Fabio Alushi dhe Komandoja Mevjol Bilo. Ky i fund dyshohet se ka qëlluar me për vdekje Fabian Gaxhën me katër plumba si edhe më pas ka gjuajtur në drejtim të Eljon Hato-s dhe Ervis Martinaj-t. Në dokumentin e përpiluar nga oficeri i policisë gjyqësore dhe materialet që janë dërguar në prokurorinë e Tiranës janë administruar edhe disa dëshmi. E para është ajo e dhënë nga administratori i lokalit Redi Popës ku thuhet se, Ervin Mata kishte mbërritur në lokalin e tij rreth orës 18:00. Më pas u takua për disa çashte të dashurën e tij Elavana Gjata dhe ku u fut përsëri në ambientet e lokalit “Monopol” ishte shumë i acaruar.

Grupi hetomor ka administruar edhe dëshminë e dhënë nga taksisti, i cili dërgoi të palgosur në spital Ervis Martinaj-n, teksa pagesa për këtë shërbim nuk ishte kryer nga lënduar apo të afërm të tij.

“Është shkuar në Spitalin e Traumës në Tiranë dhe i është marrë deklarimi në cilësinë e personit që tregon rrethanat shtetasit Ervis Martinaj, i cili ka deklaruar se për shkak të gjendje shëndetësore nuk mund të jepte shpjegim dhe se do ti jepte ato në një moment të dytë. I është marrë deklarimi në cilësinë e personit që tregon rrethant e hetimit, taksistit. Rreth orës 23:00, ai ka qenë i parkuar, në afërsi të lokalit ku ka ndodhur ngjarja, dhe aty e ka kërkuar një klient duke i kërkuar të shkonin në “Spitalin e Ushtarak”. Pasi kanë mbërritur aty, klienti ka dalë nga automjeti dhe nuk ka bërë pagesën. Gjatë rrugës nuk kanë shkëmbyer asnjë fjalë njëri me tjetrin, dhe në momentin që klienti është larguar, ai ka vënë re se sedilja ku ishte ulur, ishte e njollosur me gjak”.

Mesditën e së henës Gjykata e Tiranës caktoi masën e sigurisë “arrest në burg” me afat 45 ditor për Geldo Hotin Liçin, i arrestuar për të njëjtën ngjarje. Ndërkohë e njëjta gjykatë kishte caktuar më herët “arrest në burg” me afat 30 ditor për Ervisi Martinaj dhe burg pa afat për të palgosurin tjetër, Eljon Hato. Personat nën hetim, akuzohen për “vrasje e mbetur në tentativë” dhe “armëmpajtje pa leje”. Për konfliktin datës katër tetor janë shpallur në kërkim, tre persona; biznesmeni Ervin Mata, miku i tij Fabiol Alushi dhe komandoja, Meviol Bilo./abcnews.al

 

reduan-faid.png
G. P.23:45 | 03/10/2018

Pak muaj pas arratisjes spektakolare nga një burg i sigurisë së lartë, personi më i kërkuar në Francë është arrestuar nga policia. Bosi franko-arab njihet edhe për simpatinë e shprehur për filmat me gangsterë ku interpretojnë aktorë si Al Pacino dhe Robert de Niro.

Reduan Faid, gangsteri francez që pak muaj më parë u arratis nga burgu me helikopter, ka rënë sërish në prangat e policisë. Personi më i kërkuar i Francës është arrestuar në veri të Parisit, në një banesë ku ndodhej bashkë me të vëllain dhe dy nipërit, që gjithashtu janë shoqëruar nga policia.

Lindur në vitin 1972, karriera kriminale e Faid filloi në vitet e para ‘90, kur nisi të drejtonte një bandë që merrej me grabitje dhe gjobëvënie. Në disa raste ai ka shprehur simpatinë për filmat me gangsterë, mes të cilëve “Scarface” dhe “Heat” me Al Pacino dhe Robert de Niro, të cilin e imitoi gjatë grabitjes së një furgoni banke në vitin 1997.

Më 1 Korrik, ai u arratis nga burgu i sigurisë së lartë në jug-lindje të Parisit ku po vuante dënimin me 25 vjet për vrasjen e një policeje gjatë grabitjes së radhës. Persona të armatosur u ulën me helikopter në tarracën e burgut dhe nën kërcënimin e armëve mbajtën larg rojet derisa Faid hipi në bord.

Arrestimi i fundit i tij ndodhi në orët e para të së mërkurës, disa orë pasi ministri i Brendshëm, Zherard Kolomb kishte dhënë dorëheqjen për të kandiduar për kryetar bashkie në Lion, qyteti i dytë më i madh i Francës.

Lëvizja shihet si një përpjekje për të rritur mbështetjen ndaj presidentit Emanuel Macron, popullariteti i të cilit ka rënë ndjeshëm në javët e fundit./abcnews.al

ARRESTIME-NE-FIER-MBULIM_ABC-M1-T1.mpg_snapshot_00.22-1280x583.jpg
G. P.10:10 | 13/09/2018

Policia e Fierit ka nisur një aksion të mbështetur nga Forcat Speciale. Deri në orët e para të mëngjeait gjatë kontrolleve u kapën dhe u arrestuan në flagrancë dy persona kurse një i tretë u shpall në kërkim. Sipas policisë u sekestruan 33 doza kokainë, të cilat u gjetën në çantën e shpinës së Edi Subashit i cili u vendos në pranga. Në pranga përfundoi edhe Fatmir Hoxha 48 vjeç, i cili lëvizte i armatosur./abcnews.al

atacama-snailfish.jpg
G. P.21:20 | 11/09/2018

Tre specie peshqish të panjohura më parë janë gjetur në hendekun e Atakamas më kontinentin e Amerikës se Jugut. Ata janë gjetur në eksplorimet e bëra ndërmjet Kilit dhe Perusë, në hapësirat e terrta të ujërave oqeanikë në këtë zonë. Një skuadër ndërkombëtare kërkuesish përdori kamerat si karreme, për të eksploruar misteret e kësaj pjese të pa zbuluar të juglindjes së Oqeanit Paqësor.

Pavarësisht temperaturave shumë të ftohta dhe rrymave ekstreme në 7500 metra nën sipërfaqe, u vu re se kjo llogore ujore ishte e tejmbushur me jetë.
Midis krijesave që u vëzhguan nëpër tufat e hasura, u vunë re dhe tre specie të reja të peshkut kërmill, gjallesave me trup të butë dhe gjysmëtransparente, të cilët i ishin adaptuar më se miri kushteve jetësore të gjendura. Dr Thomas Linley, një nga kërkuesit nga Universiteti i Newcastle në Britani, u shpreh se këta gjallesa e kanë të mundur që të jetojnë qetësisht në këto kushte për shkak se janë larg nga grabitqarët. Ata duket se janë shumë aktivë dhe të mirëushqyer.

“Struktura e tyre xhelatinoze tregon se ata janë adaptuar më se miri në rrymat ekstreme dhe në fakt, pjesët më të forta të trupave të tyre janë dhëmbët, kockat dhe pjesa e brendshme e veshëve, të cilat i ndihmojnë të ruajnë balancën. Pa dendësinë e këtyre rrymave dhe temperaturave të ftohta ata janë tmerrësisht delikatë dhe mund të shkrijnë kur nxirren në sipërfaqe.”

Kërkuesit në fjalë e kanë përshkruar peshkun kërmill si një gjallesë që gjendet vetëm pranë ishujve Mariana në Oqeani dhe janë të aftë që të jetojnë më në thellësi se çdo krijesë tjetër me 8200 metra nën nivelin e detit. I vënë nofka “peshqit kërmij blu, rozë dhe vjollcë të Atakamës”, këto specie të reja u identifikuan pas analizës prej 100 orëshe të regjistrimeve dhe 11468 fotove të bëra. Një nga karremet madje arriti që të zinte pre një nga këta peshq, i cili u soll në sipërfaqe dhe mbetjet e tij po mirëmbahen dhe analizohen. Këto lloj kërkimesh në thellësi të detrave nga ekipi i Newcastle, kanë 5 vite që praktikojnë këtë lloj eksplorimi.

Ekspedita në fjalë po realizohet në Gjirin e Atakamës, e cila ka një shtrirje prej 6000 kilometrash. Paisjeve të përdorura u duhet rreth 4 orë për të zbritur në dyshemenë e oqeanit dhe me anë të kamerave HD dhe të një gremçi ata bëjnë nga sipërfaqja kërkime, zënie pre dhe foto të jetës në hendek. Gjithashtu kërkuesit arritën të filmonin dhe një gjallesë të familjes së gaforreve të quajtur crustacean e cila ka madhësinë e një grushti dore të njeriut. Këto kërkime do të prezantohen tek java e rëndësishme e kërkimeve shkencore në Newcastle, në të cilën shkencëtarët e marinës mblidhen për te publikuar zbulimet e tyre./abcnews.al

 

MBULIM-CELA-KOHILA.mpg_snapshot_00.08-1280x720.jpg
G. P.15:27 | 06/09/2018

Prokuroria për Krimet e Rënda ka zgjatur me tre muaj afatin e hetimit për ish-kreun e Policisë së Vlorës Jaeld Çela dhe ish-shefin e hetimit të narkotikëve, Gjergji Kohila. Ata janë shpallur në kërkim në bazë të një mase sigurie “arrest në burg” dhënë në mungesë ndaj tyre.

Sipas Prokurorisë, Çela e Kohila kanë ndihmuar dhe garantuar paprekshmërinë e grupit kriminal të “Hablilajve” në trafikun e drogës drejt Italisë.

Me kërkesë të prokurorisë, për shkak të nevojës së kryerjes së disa veprimeve hetimore shtesë, gjykata pranoi shtyrjen e afatit të hetimit të tyre deri në 20 nëntor 2018. Përveç tyre në kërkim është edhe ish-zyrtari tjetër i Policisë së Vlorës, Sokol Bode.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono