kerkese

meta-sekretari-osbe-1280x696.jpg
nev ila17:45 | 25/07/2019

Presidenti i Republikës Ilir Meta ka kërkuar ndihmën e OSBE për zgjidhjen e krizës politike dhe institucionale në vend.

Gjatë një takimi që ka zhvilluar me Sekretarin e Përgjithshëm të OSBE-së Thomas Greminger, kreu i shtetit e ftoi të ndërmjetësojë sa më parë të jetë e mundur  dialogun midis palëve politike në vend.

“Ky angazhim do të shërbejë si mundësi tepër e rëndësishme për rikthimin e vendit në shinat e demokracisë dhe sundimit të ligjit, por dhe konsolidimit të lidershipit të Shqipërisë si faktor stabiliteti në rajon, gjatë marrjes së Kryesisë së Rradhës së OSBE, por edhe së ardhmes europiane të Shqipërisë, për më tepër kur presim që në 17-18 tetor Këshilli i Bashkimit Europian të vendosë për çeljen e negociatave të anëtarësimit”, – theksoi Presidenti Meta gjatë këtij takimi./ABC News Albania 24/7

komisioni-i-venecias-1280x709.jpg
ent ela16:52 | 24/07/2019

Kuvendi i Shqipërisë i ka nisur  8 pyetje Komisionit të Venecias, mbi sjelljen e Ilir Metës me 30 qershorin. Në asnjë prej pyetjeve, nuk kërkohet mendim nëse presidenti duhet shkarkuar, por kërkohet ekspertizë nëse Presidenti në një Republikë Parlamentare, ka apo jo të drejtë të anulojë zgjedhjet.

Kuvendi i Shqipërisë i ka dërguar një letër të gjatë Komisionit të Venecias, ku i bën 8 pyetje mbi sjelljen e Ilir Metës në raport me 30 qershorin.

Letra e firmosur nga Ruci për llogari të komisionit hetimor për shkarkimin e Presidentit, në pyetjet drejtuar Venecias, nuk kërkon drejtpërdrejt në asnjë rast mendim, nëse Presidenti duhet shkarkuar apo jo.

Pas parashtrimit të të gjithë situatës zgjedhore në Shqipëri, nga djegia e mandateve të opozitës tek bojkoti i zgjedhjeve, Venecia pyetet nëse Presidenti ka ose jo të drejtë të anulojë datën e zgjedhjeve.

Kompetenca e Presidentit për caktimin e datës së zgjedhjeve, është një e drejtë e tij për të vendosur ushtrimin e sovranitetit të popullit, apo një detyrimin i tij për të garantuar cilësisht ushtrimin e sovranitetit popullor?”,-thuhet në një prej pyetjeve.

Me tej kërkohet ekspertizë “Nëse Presidenti i Republikës, pasi e ka caktuar datën e zgjedhjeve dhe organet e administrimit të zgjedhjeve janë duke kryer veprimet sipas ligjit, e anulon dhe cakton një datë tjetër, a kemi cenim të sigurisë kushtetuese dhe të drejtës për të zgjedhur?”

Një pyetje tjetër, është nëse “Nxjerrja e Dekretit të Presidentit që anulon datën 30 qershor 2019 si datë e mbajtjes së zgjedhjeve vendore, dhe që zgjat qëndrimin në detyrë të përfaqësuesve në këshilla bashkiakë dhe kryetarëve të bashkive, a e respekton parimin e periodicitetit të zgjedhjeve?”

Letra i është dërguar Venecias përmes Ministrisë së Jashtme dhe komisioni do të marrë kohën e tij për të dhënë një përgjigje.

Mbledhja e rregullt e Asamblesë është në tetor, por nuk përjashtohen mbledhjet jashtë radhe. Vetë Komisionit Hetimor për Metën, mandati i punës i skadon në 8 tetor.

Vetë Ruçi në mbyllje të letrës, i kërkon kreut të Komisionit, një përgjigje sa më të shpejtë, referuar ndjeshmërisë së lartë publike për këtë çështje në Shqipëri./ABC News Albania 24/7

(Kliko këtu)

 

 

 

gjykata.jpg
ad min16:19 | 09/07/2019

Gjykata e Krimeve të Rënda ka pranuar kërkesën për gjykim të shkurtuar për 3 gjyqtarët e Apelit të Durrësit, të akuzuar për korrupsion. Petrit Çeno, Klinton Saphiu dhe Petraq Dhimitri, e kishin bërë këtë kërkesë në seancën paraprake, por pa e pranuar fajësinë.

Të tre akuzohen për veprën penale “Korrupsion pasiv i gjyqtarëve, prokurorëve apo punonjësve të tjerë të drejtësisë”. Organi i akuzës ka dyshime së 3 gjyqtarët, për të dhënë një vendim në favor të biznesmenit Namik Sadik, kanë përfituar një udhëtim të paguar prej tij, për të parë një ndeshje futbolli në Spanjë. Seanca e radhës do të zhvillohet më 24 Korrik, kur prokuroria do të japë konkluzionet përfundimtare./ABC News Albania 24/7

kqz-3.jpg
ad min13:04 | 06/07/2019

Komisioni Qendror i Zgjedhjeve i ka lënë 24 orë afat partisë Bindja Demokratike të plotësojë kërkesat për anulimin dhe përsëritjen e zgjedhjeve të 30 Qershorit me arsyetimin se pretendimet e tyre nuk bazohen në fakte. Në mbledhjen e fundit, ky komision ka certifikuar zgjedhjen e kryebashkiakëve socialistë në Korçë dhe Kamzë.

Me këtë vendim, Komisioni Qendror i Zgjedhjeve kthen për plotësim ankimimin e partisë Bindja Demokratike për 41 bashkitë në vend. Sipas arsyetimit të katër anëtarëve të Komisionit Qendror të Zgjedhjeve nuk mund të kërkohet anulimi dhe përsëritja e zgjedhjeve të 30 Qershorit në 41 bashki të vendit me një kërkesë të pa plotësuar dhe të paplotësuar me fakte e indicia që vërtetojnë pretendimin e Bindjes Demokratike se ka pasur shtim fiktiv të numrit të përgjithshëm të votuesve, si dhe ndryshim të votave në tavolinat e numërimit në favor të Partisë Socialiste dhe të aleatëve të saj.

I vetmi që e argumentoi ndryshe është ai që votoi kundër Klement Zguri. Partisë Bindja Demokratike iu la afat 24 orë për të plotësuar kërkesat hapjen e kutive, anulimin dhe përsëritjen e zgjedhjeve në 41 bashki të vendit. Në këtë mbledhje Komisioni Qendror i Zgjedhjeve shpalli Rakip Sulin fitues të Bashkisë Kamëz dhe Sotiraq Filon për Bashkinë Korçë si dhe miratoi rezultatet për zgjedhjet ne këshillat e këtyre dy bashkive./ABC News Albania 24/7

presidenca.jpg
ad min15:17 | 29/04/2019

Me nismëtarë partitë aleate të demokratëve, takimi në selinë presidenciale vjen pas atij me kreun e misionit të OSBE/ODIHR, Berndt Borchardt ambasadorit të BE-së Luigi Soreca dhe të ngarkuarës me punë Leyla Moses-Ones, pas skadimit të afatit të përcaktuar në Kodin Zgjedhor si vija e kuqe për regjistrimin e partive politike në garën elektorale të 30 Qershorit.

Presidenti Ilir Meta do të përfshihet kështu për herë të parë zyrtarisht në situatën politike të krijuar pas djegies së mandateve të opozitës më 21 Shkurt.

Kërkesa e partive opozitare aleate të demokratëve ndaj kreut të shtetit, është pikërisht ulja në tryezën e dialogut të mazhorancës dhe opozitës, për të arritur një marrëveshje politike për zgjidhjen e krizës.

Rasti i fundit kur partitë kundërshtare politike, drejtuar nga kryetarët e tyre kanë kaluar bashkarisht pragun e godinës presidenciale ishte viti 2017, kur presidenti i kohës Bujar Nishani, dështoi në arritjen e një marrëveshjeje politike mes opozitës dhe mazhorancës, ngërç i cili u zgjidh përmes marrëveshjes Rama – Basha të 17 Majit 2017./abcnews.al

BALLA-PADI-BASHES-TOYOTA-YARIS_ABC-M1-T1.mpg_snapshot_00.03-1280x720.jpg
ad min13:58 | 17/04/2019

Numri dy i socialistëve Taulant Balla i ka kërkuar kreut të Kuvendit Gramoz Ruçi, ndryshimin e vendimit të parlamentit për shtyrjen e afatit të punimeve në komisionin e posaçëm të reformës zgjedhore.

Gjithashtu, përmes një shkrese, Balla i kërkon edhe përfshirjen e diskutimit të çështjes së sistemit zgjedhor në Shqipëri, si pjesë të punës së këtij komisioni.

Afati i propozuar nga Balla si skadencë e këtij komisioni është 28 Nëntori i këtij viti, ndërsa çështja e sistemit zgjedhor, e ngre stekën e diskutimit politik një nivel më lartë, nisur nga fakti se kjo do të kërkonte një ndryshim kushtetues, përpos atij të Kodit Zgjedhor./abcnews.al

Murrizi-1280x694.jpg
ent ela12:38 | 21/03/2019

Deputeti Muslim Murrizi, i cili nuk pranoi të dorëhiqej bashkë me kolegët e tjerë të Partisë Demokratike kërkoi ndryshimin e reformës zgjedhore. Mënyra se si u hartua në vitin 2008 nga të dy forcat e mëdha politike në vend janë edhe një arsye më shumë thotë ai që nuk pranoi të digjte mandatin e deputetit.

Myslym Murrizi gjatë fjalës së tij gjithashtu u kërkoi deputetëve të rinj të cilët vijnë nga radhët e PD dhe LSI, që të votojnë reformën zgjedhore dhe ndryshimet në Kodin Zgjedhor.

“Kryetari i grupit Parlamentar Taulant Balla foli për Kodin Zgjedhor. Për mua duhet prishur sistemi politik që në Prill 2008, largoi të zgjedhurit nga zgjedhjet. Atje jashtë në protestë flasin në emër të popullit. Këtu brenda flasim në emër të popullit. Pse i fshihemi me kaq frikë popullit. Tre palë zgjedhje që i fshihemi votës së këtij populli. Hyjmë në lista si struci dhe rrisim servilizmin, edhe kur jemi në pushtet, jemi në opozitë”, tha Murrizi.

Ndërsa deputeti më o ri i LSI-së në Kuvedn  Enver Roshi theksoi se misioni i deputetëve të rinj është ta çojnë Shqipërinë në Evropë.

 “Jemi qytetarë të lirë. Kemi të drejtë të shprehemi dhe mendimi ynë nuk është në aspektin personal që kemi ardhur në këtë parlament.Ne duam të shkojmë në Evropë, populli do të shkojë në Evropë dhe politikanët duhet ta bëjnë këtë, ta çojnë Shqipërinë në Europë dhe kjo është thirrja pse ne kemi ardhur në Kuvend”, shtoi ai.

Po ashtu, deputeti Roshi ka shprehur dakortësinë në lidhje me marrëveshjen mes qeverisë gjermane dhe qeverisë shqiptare për t’i dhënë një impuls zhvillimit rural./abcnews.al

mataj.jpg
ad min14:24 | 14/03/2019

Biznesmeni Ervin Mata, i cili ka qenë njëri prej personave të shpallur në kërkim për vrasjen e 4 Tetorit në zonën e ish-Bllokut, aktualisht i lënë nga gjykata me masën e sigurisë “detyrim paraqitje”, kërkon nga prokuroria që të merret në pyetje në lidhje me ngjarjen e pak muajve më parë.  

Biznesmeni Ervin Mata, i përfshirë në ngjarjen e 4 tetorin në ish-Bllok, i ka dërguar një kërkesë Prokurorisë së Tiranës. Mata i kërkon organit të akuzës që të ketë mundësinë të japë shpjegime për ngjarjen, ku një person mbeti i vrarë dhe dy të tjerë u plagosën.

Avokati i biznesmenit, Alban Brengasi, u qaka dorëzuar memon dy prokurorëve të çështjes, për shkak se Ervin Mata, ndaj të cilit rëndon akuza e vrasjes kryer në bashkëpunim, nuk ka dhënë deri më tani shpjegime për ngjarjen.

Burime nga organi i akuzës bëjë me dije se e kanë administruar kërkesën e biznesmenit Mata dhe javën e ardhshme ai do të thirret për të dhënë versionin e tij për krimin, ku viktimë mbeti Fabian Gaxha, ndërsa u plagos biznesmeni Ervis Martinaj dhe miku i tij, Elio Hato.

Gjykata e Tiranës në seancën paraprak ka caktuar për Ervin Matën masën e sigurisë “detyrim paraqitje”, vendim i cili është ankimuar nga organ i akuzës, e cila kërkon kthimin ne burg të biznesmenit.

Prokuroria pretendon se gjykata nuk i ka vlerësuar drejtë provat dhe faktet e paraqitura nga ana e tyre dhe duke caktuar një masë sigurie që nuk korrespondon me rëndësinë e ngjarjes.

I fejuari i këngëtares Elvana Gjata u vetëdorëzua pas gati 5 muajsh në arrati. Në burg për këtë ngjarje qëndron vetëm Ervis Martinaj, pasi të gjithë të dyshuarit e tjerë janë liruar. Ndërsa, në arrati vazhdon që të jetë, komandoja Meviol Bilo, i cili dyshohet se qëlloi në drejtim të Fabian Gaxhës./abcnews.al

THANZA-MBYLLET-HETIMI-1280x720.jpg
ad min13:32 | 13/03/2019

Ish-gjyqtari i Gjykatës së Lartë, Admir Thanza, është marrë i pandehur nga Gjykata e Tiranës. Thanza akuzohet për falsifikim të formularit të dekriminalizimit, pasi ka fshehur dënimin dhe arrestimi për vjedhje nga autoritetet italiane në 1999-n. Ish–gjyqtari Thanza ka kërkuar pushimin e çështjes ndaj tij.

Gjykata e Tiranës ka pranuar kërkesën e Prokurorisë për të marrë të pandehur ish-anëtarin e Gjykatës së Lartë, Admir Thanza. Gjyqtari i hetimeve paraprake Arben Micko vendosi që të kalojë për gjykim dosjen ndaj Thanzës. Prokuroria e Tiranës akuzon ish-gjyqtarin e Gjykatës së Lartë për falsifikim të formularit të dekriminalzimit. Në Korrik të vitit të kaluar, Thanza u shkarkua nga detyra prej Komisionit të Pavarur të Kualifikimit, pasi fshehu dënimin dhe arrestimin nga drejtësia italiane.

Ish-gjyqtari Thanza në seancë ka kërkuar pushimin e çështjes me argumentin se ai nuk ka qenë kurrë i dënuar, por ka pranuar dënimin e kunatës. Mosdeklarimi i dënimit në formularët e dekriminalizimit përbën vepër penale sipas ligjit aktual që është në fuqi. Në fund të Janarit të këtij vitit, Prokuroria e Tiranës mbylli hetimin për Admir Thanzën, të akuzuar për falsifikim të formularit të dekriminalizimit. Hetimi për ish-gjyqtarin Thanza nisi pas paraqitjes së tij para Komisionit të Pavarur të Kualifikimit.

Në këtë proces doli në dritë një gjetje e Operacionit Ndërkombëtar të Monitorimin se Thanza rezultonte i dënuar në vitin 1999 nga Gjykata e Pizës në Itali. Dënimi me 40 ditë burg dhe 100 mijë lireta gjobë për vjedhje në një supermarket. Sendet e vjedhura janë rroba dhe produkte kozmetike. Vuajtja e dënimit ishte pezulluar, por asgjë nuk ishte deklaruar rreth tij në formularët e dekriminalizimit. Në dosjen ndaj Thanzës, prokurorët e Tiranës kanë edhe një letërporosi të mbërritur nga Italia, e cila konfirmon se ish-gjyqtari ka qenë i dënuar nga drejtësia italiane për vjedhje.

Në seancën dëgjimore para Komisionit të Pavarur të Kualifikimit, ish-gjyqtari Thanza është shprehur se ka tentuar që ta sqarojë situatën si në përgjigjet e kthyera në e-mail, po ashtu edhe në materialet që ka paraqitur para KPK-së. Thanza ka sqaruar se çdo gjë e ka marrë përsipër për të mbrojtur një fëmijë të mitur, duke qenë se ai është gjaku i tij, djali i vëllait./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono