kerkese

vlcsnap-error731-1280x720.jpg
gra moz15:41 | 16/02/2018

Një ditë pas kërkesës së katër dekanëve të fakulteteve të Universitetit të Tiranës për shkarkimin e rektorit ka reaguar Mynyr Koni.

Koni i cilësoi të pavërteta deklaratat e tyre, ndërkohe që akuzon deri zëvendësministrin e Arsimit për bllokimin dhe rezultatet e akredimit të këtij institucioni të arsimit të lartë.

Rektori i Universitetit të Tiranës, Mynyr Koni, vijon ti kërkojë Prokurorisë të hetojë veprimtarinë e universitetit dhjetë vitet e fundit, ndërsa thotë se do ta çojë mandatin deri në fund. Për këtë situatë të krijuar mes dekaneve dhe rektorit të Universitetit të Tiranës nuk ka ende një reagim nga Ministria e Arsimit./abcnews.al

vlcsnap-error356-1280x720.jpg
ent ela10:16 | 16/02/2018

Opozita ka kërkuar të thirret në një seancë dëgjimore publike Ministri për Evropën dhe Punët e jashtme Ditmir Bushati në lidhje me negociatat me Greqinë dhe për marrëveshjen e detit. Në një kërkesë drejtuar kryetares së komisionit të Jashtëm Mimi Kodheli, anëtarët e Partisë Demokratike dhe Lëvizjes Socialiste për Integrim kanë parashtruar disa nga shqetësimet që lidhen me deklarata e bëra nga ministri jashtëm grek sipas të cilit një marrëveshje në parim është arritur ndërkohë që pala shqiptare nuk jep detaje mbi bisedimet- shkruhet në kërkesën e dorëzuar në kuvend.Opozita kërkon që mbledhja e komisionit për punët e jashtme të zhvillohet ditën e mërkurë e hapur për publikun./abcnews.al

vlcsnap-error461-1280x720.jpg
gra moz17:09 | 14/02/2018

Ministri i Punëve të Jashtme, Ditmir Bushati, i ka dërguar një letër presidentit të Republikës, Ilir Meta, ku i kërkon plotfuqishmërinë për nisjen e negociatave të Shqipërisë me Greqinë. Këtë e konfirmon për ABC News zyra e shtypit e Ministrisë së Punëve të Jashtme. Edhe zyra e shtypit të presidentit të Republikës pranon që kjo letër të ndodhet në tryezën e kreut të shtetit. Gjatë paradites burime për ABC News bëjnë të ditur se presidenti Ilir Meta ka zhvilluar një takim me ish-presidentin Bujar Nishani, por nuk jepen detaje për çfarë është diskutuar. Disa ditë më parë ish-presidenti i Republikës ka deklaruar se deri më 24 Korrik të vitit 2017 në institucionin e presidentit nuk është paraqitur asnjë kërkesë nga qeveria për plotfuqishmërinë ndonëse negociatat janë zhvilluar edhe përpara kësaj date.
Në media, pala greke ka deklaruar se marrëveshja do të finalizohet në takimin Rama-Tsipras, që do të zhvillohet në muajin Prill të këtij viti./abcnews.al

vlcsnap-error573-1-1280x720.jpg
ent ela16:32 | 13/02/2018

Këshilli i Legjislacionit u mblodh rreth raporteve të ekspertëve të palëve lidhur me nevojën e adresimit të ligjeve të prekura nga vendimet e Gjykatës Kushtetuese. Me propozim të kryetarit të këshillit, Enkelejd Alibej, u vendos që për këtë çështje t’i kërkohet opinion organeve të Vettingut.
Kjo u vendos pas dorëheqjeve nga funksionarë të lartë të drejtësisë, gjë që bazuar në Kushtetutë çon në ndërprerjen e procesit të Vettingut. Do të jetë Komisioni i Pavarur i Kualifikimit që do shprehet nëse ka nevojë që ligjvënësi të harmonizojë Kushtetutën dhe ligjin, të cilat për çështjen e dorëheqjes para mbarimit të procesit të Vettingut, thonë dy gjëra të ndryshme./abcnews.al

partia-demokratike.jpg
gra moz12:29 | 11/02/2018

Pas deklaratave publike, demokratët kërkojnë zhvendosjen e çështjes së inceneratorëve në Kuvend.

Përmes një kërkese drejtuar kryetarit të Kuvendit, deputetët e PD kërkojnë zhvillimin e një interpelance urgjente me Ministrin e Infrastrukturës dhe Energjisë, Damian Gjiknuri, për të raportuar në lidhje me informacionet zyrtare të koncesioneve të inceneratorëve Elbasan, Fier dhe Tiranë.

Sipas ligjvënësve demokratë, mënyra se si janë zhvilluar proceset e tenderimit dhe dhënies së koncesioneve si dhe lidhjet e kompanive fituese, ngrenë hije dyshimi për ligjshmërinë dhe menaxhimin e tyre dhe lidhjen me politikën e qeverinë.

PD ngre shqetësim dhe për një tjetër moment që saktëson kontrata e bërë publike mbi këtë koncension.

“Nga të dhënat e kontratës të bëra publike rezulton se qeveria do të detyrojë OSHEE që të blejë me një çmim të përcaktuar energjinë nga ky ent. Rrjedhimisht, shoqëria koncesionare do të përfitojë edhe nga shitja e energjisë elektrike, përpos përfitimeve të tjera, duke rënduar edhe me rritjen e cmimit të energjisë për publikun”.

Në argumentet që demokratët listojnë për thirrjen e kësaj interpelance nënvizohen dhe të dhenat mbi njërën nga kompanitë fituese të koncensionit, e cila rezulton të jetë e regjistruar në Parajsat Fiskale të Vendeve të Ulëta.

Ndaj PD kërkon nga Kuvendi që të përfshijë në rend ditë këtë interpelancë, me qëllim marrjen e një informacioni të plotë mbi procedurat e koncesionit të inceneratorëve./abcnews.al

kina.jpg
gra moz18:21 | 19/01/2018

Rënia e konsumit dhe kërkesës së brendshme në Kinë kanë bërë që ekonomia vendase të varet nga kërkesa e huaj. Sipas analistëve, kjo situatë tregon qartë se është fuqia aziatike ajo që ka më shumë nevojë për botën se sa bota për Kinën.

Nëse ka diçka që bota mund të përfitojë nga ekonomia e Kinës është fakti se superfuqia aziatike ka nevojë për botën më shumë se kurrë. Kështu thotë agjencia e lajmeve “Business Insider”, që i referohet shifrave të tremujorit të fundit të vitit 2017 për ekonominë kineze. Të dhënat tregojnë se në këtë periudhë, prodhimi i brendshëm në Kinë u ndal në kuotën 6.8 për qind.

Duke marrë në konsideratë faktin se shifrat jo gjithmonë tregojnë gjendjen reale, gjasat janë që ekonomia kineze të ketë ngadalësuar ritmet e saj nën presionin e kushteve të reja të imponuara nga qeveria. Grupi “Societe Generale” e ka vlerësuar situatën si një tregues të rritjes së fortë të kërkesës së jashtme dhe një dobësim të asaj të brendshme.
Sipas kompanisë franceze, kanë qenë pikërisht eksportet neto që kontribuan në rritjen e GDP-së së vendit gjatë vitit të kaluar, ndërkohë që konsumi dhe investimet e brendshme janë në rënie që prej 2016-s.

Autoritetet kineze kanë marrë një sërë masah me qëllim që të shkëpusin sektorin financiar dhe korporatat vendase nga financimi i borxheve.
“Business Insider” sqaron se kjo nuk do të thotë se ligjvënësit i kanë “vënë shkelmin” ekonomisë, por ajo që kanë bërë, sado e vogël, tani po jep efektet e saj negative. Kjo e kthen shëndetin ekonomik të pjesës tjetër të botës në një faktor shumë të rëndësishëm për Pekinin, sepse teksa ekonomia e brendshme po dobësohet, “dragoi” do të varet nga kërkesa e jashtme për të ruajtur financat e tij. Gjithashtu, kjo do të thotë se planet e presidentit amerikan, Donald Trump, për të kontrolluar importet nga Kina në Shtetet e Bashkuara mund të rezultojnë të dhimbshme nëse realizohen./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono