kercenimi

perndjekja-550x364.jpg
ent ela21:00 | 28/08/2019

Një 26-vjeçar ka rënë në prangat e  policisë së Beratit për përndjekje ndaj një vajze dhe për armëmbajtje pa leje.

I riu me iniciale F.M. përndiqte prej disa kohësh në mënyrë të vazhdueshme një vajzë me iniciale L.T. Kjo e fundit denoncoi në polici 26-vjeçarin, duke e thënë se i riu e përndiqte sistematikisht dhe e kërcënonte me armë.

Grupi hetimor i krimeve të rënda të Policisë së Beratit nisi menjëherë verifikimet dhe arrestoi 26-vjeçarin.

Gjatë kontrollit në banesën e këtij të fundit, uniformat blu gjetën dhe sekuestruan një automatik model 56. I riu akuzohet për përndjekje dhe armëmbajtje pa leje. /abcnews.al

KINA-KERCENIMI-1280x720.jpg
ent ela19:15 | 01/08/2019

Përmes një videoje që tregon stërvitjen e trupave të saj në situata protestash, ushtria kineze u ka dërguar një mesazh aktivistëve që prej 8 javësh protestojnë në Hong Kong kundër ligjeve që do ta bënin rajonin autonom më të varur nga Kina mëmë.

Ushtria kineze në Hong Kong ka publikuar një video 3-minutëshe që tregon trupat e saj teksa kryejnë stërvitje për të vënë nën kontroll protestat, një lëvizje kjo që shihet si një paralajmërim ndaj protestuesve që kërkojnë ruajtjen e pavarësisë nga Kina. Videoja e postuar në rrjetet sociale nis me një ushtar që thotë: “Pasojat e veprimeve të tua bien mbi ty”, një deklaratë kjo që sipas aktivistëve nuk lë vend për interpretime. Tensionet në Hong Kong mbeten të larta pas disa javë protestash anti-qeveritare. Të mërkurën mbi 40 aktivistë dolën në gjykatë për t’u përballur me akuzën e kryengritjes, pasi protesta e së dielës u bë e dhunshme. Nëse dënohen, aktivistët mund të përballen deri në 10 vjet burg secili. Ushtria kineze deri më sot ka qëndruar larg protestave, duke ia lënë kontrollin e territorit policisë. Por në një ceremoni të mbajtur të mërkurën në kuadër të 92-vjetorit të themelimit, komandanti i ushtrisë kineze në Hong Kong tha se protestat kanë kërcënuar seriozisht jetën e banorëve dhe kanë shkelur thelbin e politikës “një vend, dy sisteme”. “Kjo nuk mund të tolerohet dhe ne dënojmë ashpër”, deklaroi oficeri i lartë. Videoja e postuar në rrjetin social kinez Ueibo tregon trupat e pajisura me mburojë dhe shkopinj të performojnë stërvitje anti-protestë. Gjithashtu, në të shfaqen tanke, raketahedhëse dhe tela me gjëmba e më pas trupa të armatosura që zbresin nga helikopterët dhe pushtojnë rrugët dhe hyjnë në shtëpitë e banorëve. /ABC News Albania 24/7

cel.jpg
ent ela13:34 | 13/07/2019

Dy persona kanë rënë në prangat e Polcisë së Fierit pasi kërcënonin dhe shantazhonin një shtetase duke i kërkuar para dhe favore seksuale me qëllim mos publikimin në rrjetet sociale të disa fotove personale të saj.

Operacioni policor “Koshovica” çoi në pranga G.M, 44 vjeç dhe J.Sh, 46 vjeç, të dy banues në Cakran të Fierit.

Njoftimi i Policisë

Seksioni për Hetimin e Krimeve të Rënda në Drejtorinë  Vendore të Policisë Fier në  bashkëpunim me Drejtorinë Kundër Krimeve ndaj Personit dhe Pronës në Departamentin e Policisë Kriminale, nën drejtimin e Prokurorisë për Krimet e Rënda Tiranë, pas një hetimi disa javor me metoda speciale të hetimit,  zhvilluan operacionin policor “Koshovica”, duke  e finalizuar me arrestimin në  flagrancë të shtetasve:

G.M, 44 vjeç, banues në Cakran.

J.Sh, 46 vjeç, banues në Cakran.

Arrestimi në flagrancë i këtyre shtetasve u bë pasi në bashkëpunim me njëri tjetrin, dyshohet se kanë shantazhuar  dhe kërcënuar një shtetase,  duke i kërkuar para dhe favore seksuale me qëllim mos publikimin në rrjetet sociale të disa fotove personale të saj.

Nga tërësia e veprimeve të kryera, shtetasit e sipërpërmendur kanë konsumuar elementët e veprës penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim.

Materialet për veprime të mëtejshme do i kalojnë Prokurorisë pranë Gjykatës së Shkallës së Parë për Krimet e Rënda Tiranë. /abcnews.al

SALVINI-KERCENIMI.mpg_snapshot_00.02-1280x720.jpg
ent ela11:50 | 11/07/2019

Një zarf me një plumb i drejtuar Ministrit të Brendshëm Mateo Salvini, është sinjalizuar të mërkurën në zyrën e postave italiane në Sesto Fiorentino. Në vendngjarje kanë shkuar menjëherë forcat xheniere dhe karabinierët, të cilët inspektuan zonën. Plumbi i kalibrit 22 ishte mbështjellë në një letër alumin. Ndërsa në zarf shkruhej se i drejtohej: Ministrit Duce, Matteo Salvini, Romë.

Me anë të një postimi në profilin e tij Facebool Salvini komentoi ngjarjen duke thënë se kishte marrë më shumë 100 kërcënime dhune dhe për vdekje që kur kishte marrë postin e ministrit. Zv/kryeministri Italian shtoi se fjalët e urrejtjes së përdorur nga përfaqësues të së majtës kanë bindur mendje të sëmura, por ai nuk frikësohet: përkundrazi i japin më shumë forcë dhe dëshirë për të luftuar kriminelët e çdo lloji,” përfundon postimi i tij. /ABC news Albania 24/7

AC384BBC-C959-4B3B-8D73-5269177EA0F6_w1023_r1_s-933x445.jpg
ent ela08:54 | 11/07/2019

Presidenti i Shteteve të Bashkuara, Donald Trump, kërcënoi se do të shtojë sanksionet kundër Iranit, ndërsa kritikoi sërish marrëveshjen bërthamore të vitit 2015, midis Iranit dhe fuqive botërore.

“Sanksionet do të shtohen së shpejti”, tha Trump në një postim në Twitter.

Vitin e kaluar, Trump e ka tërhequr SHBA-në nga marrëveshja bërthamore, me të cilën Irani ka kufizuar programin bërthamor në këmëbim të lehtësimit të sanksioneve ndërkombëtare.

Irani ka vepruar në përputhje me marrëveshjen, por, gjatë fundjavës së kaluar, ai ka rritur pasurimin e uraniumit përtej kufijve që parasheh marrëveshja, në përpjekje për t’iu bërë presion vendeve evropiane që të gjejnë zgjidhje për sanksionet amerikane.

Trump po ashtu tha se Irani, fshehurazi, ka pasuruar uranium, por nuk solli ndonjë provë për këtë.

“Irani, për kohë të gjatë, ka pasuaruar fshehurazi (uranium), në shkelje të plotë të marrëveshjes 150 miliardë Dollarëshe”, tha mes tjerash Trump.

Me uranium të pasuruar, Irani potencialisht mund të krijojë armën bërthamore.

Trump vazhdimisht ka thënë se kushtet e marrëveshjes bërthamore nuk kanë qenë mjaftueshëm të ashpra për ta penguar Iranin nga krijimi i armës bërthamore. /REL

paloka-1280x688.jpg
ent ela17:00 | 05/07/2019

Për kërcënimin e kryetarit te Komisionit Qendror të Zgjedhjeve Klement Zguri ka reaguar dhe Partia Demokratike. Ish deputeti i selisë blu Edi Paloka tha se kërcënimi i Zgurit erdhi pas kërkesës për hetim të procesit zgjedhor, ndërkohë kërkoi të vihet para drejtësisë autori. Sipas tij  i njëjti person që ka kërcënuar Zgurin ka kërcënuar dhe Profesor Aurel Plasarin.

Deklaratë e Partisë Demokratike, Nënkryetari Edi Paloka

Mediat  në vend kanë raportuara se menjëherë pasi Kryetari i Komisionit Qendror të Zgjedhjeve kërkoi hetim administrativ të manipulimit dhe mbushjes së kutive në votimet moniste dhe antikushtetuese të 30 Qershorit, ai ka marrë kërcënime serioze, për jetën e tij dhe të familjes së tij.

Në Shqipërinë e Edi Ramës ku krimi i organizuar qeverisë bashkë me të, kushdo që guxon të zbatojë ligjin, kërcënohet nga bandat e Edi Ramës.

Bandat prekin zgjedhjet, bandat mbushin kutitë, bandat blejnë vota dhe shantazhojnë votues, sot kanë kaluar çdo limit duke kërcënuar me jetë Kryetarin e Komisionit Qendror të Zgjedhjeve z. Klement Zguri dhe familjen e tij.

Partia Demokratike kërkon menjëherë arrestimin dhe vënien përpara përgjegjësisë të banditit që, për pushtetin e Edi Ramës, kërcënon kreun e KQZ-së, për shkak të kërkesë së tij për të hedhur dritë mbi mbushjen e kutive dhe manipulimin e numrit të votuesve.

Ky është i njëjti bandit që ka kërcënuar edhe profesor Aurel Plasarin, i cili e ka denoncuar faktin pas bërjes publik të kërcënimit të kreut të KQZ, duke vënë në dukje se kjo është fryma me të cilën Rama ka organizuar 30 Qershorin.

Nuk ka bandë që mbulon krimin kushtetues dhe elektoral që ka kryer Edi Rama më 30 Qershor.

Sado të fshihet, sado të përdorë kriminelët e tij në KQZ, sado të përdor bandat, shqiptarët e kanë thënë fjalën e tyre. 85% e qytetarëve refuzojnë Edi Ramën.

Duke e konsideruar Edi Ramën të vetmin përgjegjës për situatën e krijuar në vend ndaj kundërshtarëve politikë, Partia Demokratike paralajmëron kryeministrin gangster të tërheqë banditët që ka lëshuar rrugëve për të kërcënuar këdo që nuk i bindet. Në të kundërt, ai do të mbajë vetë përgjegjësi për gjithçka! /abcnews.al

lleshaj-vlore.jpg
nev ila11:04 | 18/06/2019

Një ditë pasi Partia Demokratike e cilësoi shantazh faktin që sipas saj, ministri i Brendshëm Sandër Lleshaj, në një takim me truproja të kreut të opozitës, Basha, ka deklaruar se siguria e tij është në rrezik, reagoi ministri. Nga Vlora, Lleshaj tha se nuk kam asnjë informacion që Basha është kërcënuar.

Ministri i Brendshëm Sandër Lleshaj deklaroi nga Vlora se nuk ka dijeni që kryetari i PD-së të jetë kërcënuar. Kurse  takimet me truprojët e Gardës që ruajnë Bashën i quan pjesë të punës se tij të përditshme.

“Puna ime është të takoj oficerët e Gardës, oficerët e Policisë, me këtë punë merrem gjithë ditën, takoj oficerë të Gardës edhe të Policisë sepse këtë punë kam”, tha ai.

Lleshaj e pranoi se i ka shkuar shkresa e firmosur nga Gazment Bardhi që e informon në lidhje me një kërcënim ndaj kreut të PD, Lulzim Basha.

“Po letra është bërë publike, atë e keni në gazetë. Eshtë e vërtetë që ka patur një letër, të cilën ende nuk e kam lexuar. Siguria e Bashës, nuk kam ndonjë informacion që rrezikohet. Sigurisht jam vënë në dijeni dje të një letre që janë shtruar dhe disa pyetje, por nuk kam informacion që siguria e Bashës të jetë e kërcënuar në mënyrë specifike”, tha Lleshaj.

Deklarata u nga qyteti i Vlorës ku Lleshaj ndodhej në një takim me autoritetet portuale dhe ato të policisë, lidhur me masat e sigurisë për sezonin turistik.

“Ne po bëjmë përpjekje, por megjithatë them që këtu nevoja për përmirësim është shumë e madhe. Dhe këtu gjej rastin për të bërë një thirrje publike për të rinjtë e këtij vendi, të cilët duhet të afrohen për t’u bashkuar me Policinë e Shtetit”, tha ai.

Kurse për kultivimin e kanabisit, ai rikujtoi që pas 15 Qershorit do të ndëshkohen të gjitha autoritetet vendore që nuk kanë njoftuar më parë për bimët e mbjellura./ABC News Albania 24/7

balluku-1-1280x753.jpg
ent ela21:03 | 09/04/2019

Pas grabitjes së eurove në Rinas, ka reaguar ministrja e Infrastrukturës, Belinda Balluku, e cila e konsideron ngjarje të rëndë duke theksuar se elementët e sigurisë kanë rënë dhe se grabitësit kanë arritur deri në pistën e aeroportit.

Nga Berlini ku ndodhet për një vizitë zyrtare, Balluku thekson se aeroporti është i kërcënuar lehtësisht deri edhe në akte më të rënda se sa ky që ndodhi gjatë së martës. Ministrja Balluku deklaron se shteti nuk duhet të qëndrojë duarlidhur për rastin, pavarësisht se aeroporti ruhet nga një kompani sigurie private.

Shteti do të flasë qartë dhe do të veprojë me të gjithë fuqinë e detyrimit për të garantuar sigurinë dhe funksionimin normal të aeroportit të vetëm ndërkombëtar të vendit, përfundon Belinda Balluku. /abcnews.al

TRUMP-KERCENIMI-ABC-M4-T2.mpg_snapshot_00.02-1280x720.jpg
ent ela22:03 | 29/03/2019

Presidenti Donald Tramp ka kërcënuar të premten me mbylljen e kufirit me Meksikën nëse fqinji jugor nuk ndalon emigracionin ilegal. Deklarata vjen pas kërcënimeve të emigrantëve se mund të sulmojnë rojet kufitare amerikane.

Presidenti Donald Trump ka kërcënuar se javën e ardhshme do të mbyllë kufirin me Meksikën, ose segmente të tij, nëse vendi latin nuk e ndalon menjëherë fluksin e emigracionit drejt Shteteve të Bashkuara. Trump ka deklaruar disa herë në të kaluarën se do ta mbyllë kufirin me fqinjin jugor, por këtë herë qeveria amerikane mund të veprojë për shkak të rritjes së numrit të azilkërkuesve që nisen nga Amerika Qendrore. Trump e ka përcjellë mesazhin e tij të fundit përmes një seri postimesh në Twitter, pas lajmeve se një grup emigrantësh në El Paso të Teksasit kërcënuan se do të sulmonin rojet kufitare atje.

“Kongresi duhet të ndryshojë urgjentisht ligjet tona të emigracionit dhe Meksika duhet të ndalë emigrantët ilegalë që duan të hyjnë në Shtetet e Bashkuara përmes vendit të tyre dhe kufirit tonë jugor”, ka deklaruar Trump. Shefi i Shtëpisë së Bardhë ka akuzuar vendin latin se për vite me radhë është pasuruar nga trafiku i emigrantëve në kurriz të Shteteve të Bashkuara.

“Nëse Meksika nuk e ndalon emigracionin e drejtuar për në Amerikë, atëherë javën tjetër unë do të mbyll kufirin, ose segmentet kryesore të tij”, ka thënë Trump. Emigrantët që kalojnë ilegalisht kufirin kanë shkaktuar tension të vazhdueshëm mes dy vendeve që kur Trump nisi fushatën presidenciale rreth 4 vjet më parë, duke zgjedhur linjën e ashpër ndaj emigracionit dhe akuzuar Meksikën se dërgon përdhunues dhe trafikantë në Shtetet e Bashkuara. /abcnews.al

KRONIKE-KERCENOHET-KARAMELO-ABC-M5-T2.mpg_snapshot_00.05-1280x720.jpg
ent ela20:18 | 19/03/2019

Deputeti Ligoraq Karamelo denoncon se është fyer dhe kanosur nga tre persona në Korçë. Pasi bëri kallëzimin në polici ai deklaroi për mediat se është kërcënuar nga autorët, të cilët kanë tentuar ta godasin. Për këtë rast policia e Korçës ka shoqëruar në komisariat disa persona.

Tre persona kanë kërcënuar deputetin Ligoraq Karamelo kur ishte duke dalë nga një lokal. Ngjarja ka ndodhur mesditën e së martës në qytetin e Korçës .

Pasi beri kallëzimin në Polici ai deklaroi për mediat se autorët tentuan ta godasin pasi e quajtën tradhëtar.

Pavarësisht fyerjeve dhe kanosjes Karamelo deklaroi se nuk tërhiqet nga mandati  i deputetit.

Policia e Korçës në lidhje me ngjarjen shoqëroi  disa persona në komisariat. Te mërkurën e kaluar Ligoraq Karamelo bëri betimin në Kuvend duke marrë mandatin e deputetit. Karamelo ishte kandidat vijues në listat e PD-së për zgjedhjet parlamentare të 2017-ës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono