kërcënime

Kante.jpg
Vladimir Prenga08:21 | 28/11/2019

N’Golo Kante mund të ketë përjetuar një moment tmerri në mars të vitit 2017, edhe pse vetë mesfushori i Chelsea ka mohuar gjithçka. Një sajt francez investigimesh, Mediapart, e ka raportuar një lajm të mirë. Thuhet, se para transferimit nga Leichester te Chelsea ka pasur mosmarrëveshje të mëdha mes këshilltarëve të tij.

Për këtë Mediapart thekson se ka edhe një regjistrim, ku menaxheri i Kante pranon se është kërcënuar. Në lajm thuhet se në mars të vitit 2017 është zhvilluar një takim dhe mesfushori ka marrë një mesazh të qartë: “Hiqe Abdelkarim Douis, ose do e vrasim”.

E gjithë përplasja është bërë për një komision që kapte shifrën e 4.8 milionë eurove. Mediapart zbardh edhe fjalët e këshilltarit të tij, Rachid Saadna: “Ndoshta vëllai im kishte një armë, por ai erdhi me zgjuarsi dhe jo të ushtrojë dhunë ndaj një më të vogli. Ai i dha atij zgjidhjen”.

Sa i takon zgjidhjes, thuhet se Houari Saadna i është drejtuar me këto fjalë kampionit të botës: “Unë ju jap juve zgjedhjen: punoni me avokat dhe lëreni tjetrin. Më dëgjo, nuk po tallem. Ose ti zgjedhe problemin, ose unë e vras Karim Douis”.

Përmes avokatit të tij, Kante ka bërë këtë reagim: “Mendoj se pyetja juaj është tendencioze. Jam futbollist profesionist, nuk jetoj në një botë bandash. Mund të më merrni si një person të papjekur, por ta dini që jam person i përgjegjshëm dhe i bëj zgjidhjet e mia i lirë dhe më ndërgjegje të plotë”.

Palët kanë gjetur gjuhën e përbashkët kur Kante rinovoi, në vitin 2018. Rachid Saadna ka marrë një pjesë të komisionit nga Abdelkarim Douis. Asnjë prej menaxherëve nuk ka pranuar të flasë mbi ngjarjen e ndodhur më parë. /abcnews.al

conte.png
Vladimir Prenga13:03 | 16/11/2019

Antonio Conte, trajneri i Interit është kërcënuar përmes një letre. Mediat italiane e raportuan diçka të tillë, madje thuhej edhe për një plumb të dërguar në zarf. Në lidhje me këtë situatë, vetë klubi i Interit ka sqaruar gjithçka dhe thekson se asgjë letër nuk ka shkuar në drejtim të trajnerit të tyre. Kërcënimet kanë shkuar në klub dhe më pas është njoftuar policia.

“Në lidhje me historinë e publikuar ditën e sotme, Inter kërkon të sqarojë se Antonio Conte nuk ka marrë personalisht asnjë letër kërcënuese dhe rrjedhimisht nuk ka shkuar vetë në polici.

Ishte klubi që mori një letër kërcënuese dhe sipas protokollit në këto situatat, ua kaloi atë autoriteteve përkatëse”, shkruhet në reagimin e bërë nga klubi zikaltër, ndërkohë që momentalisht për Conten është nënshkruar një urdhër mbrojtje dhe po ruhet nga forcat e rendit. /abcnews.al

Conte-1280x854.jpg
Vladimir Prenga10:52 | 16/11/2019

Antonio Conte, trajneri i Interit, është marrë në mbrojtje nga policia italiane. Teknikut të njohur i është dërguar një zarf me një plumb dhe një letër me kërcënime. Tekniku zikaltër do të jetë nën vëzhgimin e policisë dhe gjatë seancave të trajnimit.

Një ngjarje e shëmtuar ajo që i ka ndodhur Antonio Contes. Tekniku i Interit është marrë në mbrojtje nga policia, pasi i kanë dërguar një zarf me një plumb brenda tij, por dhe një letër me kërcënime. Sipas raportimit të :Corriere della Sera”, ka qenë pikërisht trajneri zikaltër që denoncoi ngjarjen në polici.

Pas analizimit të situatës u vendos të merrej në mbrojtje.  Teknikisht është niveli më i ulët i marrjes në mbrojtje për një person publik. Materiali që i është dërguar trajnerit të Interit, i cili ka vënë në dijeni dhe shoqërinë për atë që ka ndodhur, do të analizohet dhe më tej për të zbuluar se kush ia ka dërguar.

Niveli i rrezikut gjithsesi konsiderohet shumë i ulët, por pavarësisht kësaj patrulla policie dhe karabinierë do të kalojnë më shpesh pranë banesës së Contes dhe në selinë e Inter. /abcnews.al

rudina-1.jpg
ad min14:00 | 31/10/2019

Pas deklarimeve në parlament se ishte kërcënuar me jetë brenda në Kuvend, Rudina Hajdari merret në mbrojtje. Ministria e Brendshme i ka caktuar truprojë një oficer të policisë parlamentare.

Gazetarja Esiona Konomi raporton për abcnews.al se Hajdari qarkullon në korridoret e Kryesisë së Kuvendit e shoqëruar nga gardisti i posaçëm, ndërsa ka siguruar edhe një foto të momentit kur deputetja hyn në godinë.

Deputetja demokrate Rudina Hajdari bëri një deklaratë të fortë në nisje të seancës së 28 Tetorit ku tha se është kërcënuar fizikisht nga deputetë të tjerë në zyrën e saj tek selia e Kuvendit.

Madje ajo foli për viktima duke kërkuar që të marren masa pasi mund të ndodhin gjëra të rënda.

“Eshtë e papranueshme që një femër të kërcënohet. Kam raste që në zyrën time të vijnë persona që të më kërcënojnë”, tha Hajdari./abcnews.al

abila.jpg
Vladimir Prenga13:57 | 09/10/2019

Momente tmerri për sulmuesin e Boca Juniors, Ramos Abila. Sulmuesi nuk shënoi dot në sfidën e humbur në derbi me River Plate dhe tanimë ai dhe familja e tij po marrin telefonata anonime dhe kërcënohem me vdekje. Hetimet kanë nisur dhe po tentohet të zbulohet kush fshihet pas gjithë kësaj historie.

Nga ajo që raportohet në Argjentinë, ai që e ka telefonuar lojtarin Abila i ka bërë me dije atij se e njeh mirë, di çdo lëvizje dhe gjithçka për jetën e tij. Jo vetëm kaq, por dinte edhe adresën e familjes dhe fëmijëve të tij. Futbollisti i Boca Juniors u ka thënë policëve se kanë dashur ta rrëmbejnë.

Jo vetëm kaq, por kërcënime ka marrë edhe nëna e tij, të cilës i është thënë se i është rrëmbyer një i afërm. Abila mori kërcënimet e para pas ndeshjes me River Plate dhe tashmë është nën mbrojtjen e policisë. Në Argjentinë ngjarje të tilla ndodhin shpesh, pasi organizata të ndryshme kriminale janë të përfshira në grupet e tifozëve. /abcnews.al

vllaznia.jpg
ad min14:26 | 04/04/2019

Dy ditë pas kërcënimit të trajnerit Agim Canaj, klubi i Vllaznisë, doli me deklaratë për shtyp lidhur me ngjarjen. Në deklaratën e shkurtër, botuar në faqen zyrtare online, klubi informoi se është njohur nga stafi teknik për veprime antisportive në skuadër.

“Po e shqyrtojmë ngjarjen me përgjegjësinë e duhur, – shkruhet në deklaratë, – në interesin më të lartë të klubit dhe të tifozëve, do të informoheni kur të ketë vendimmarrje”.

Vllaznia bën me dijë se trajneri Agim Canaj dhe ndihmësit e tij do të vazhdojnë detyrën normalisht.

Dy ditë më parë, lajmet janë që Canaj u kërcënua nga disa lojtarë të cilët kishin pretendime për të luajtur në formacion, dhe u detyrua të ndërpriste stërvitjen. Edhe në të kaluarën, trajnerë të Vllaznisë kanë pasur probleme të tilla, madje edhe janë kërcënuar dhe tentuar për t’u goditur./abcnews.al

canaj.png
ad min15:00 | 03/04/2019

Sërish presione dhe kërcënime për trajnerin tek Vllaznia. Situata është e tensionuar, ndërsa Agim Canaj nuk është tekniku i parë që provon një problem të tillë.

Duket e pamundur që këtu të ketë qetësi. Agim Canaj u bë trajneri i radhës tek Vllaznia, që ndjen presionin, edhe pse ka vetëm pak ditë në detyrë. Lajmet nga Shkodra janë që seanca stërvitore është braktisur pas debateve të Canajt me disa lojtarë, që kishin pretendime për të luajtur.

Gjithsesi, informacionet janë kontradiktore. Burime në klub pohuan për Abc News-in se ngjarja ndodhi që të martën, ndërsa shtuan se nuk pati kërcënime, dhe se nuk pati ndërprerje të seancës, që përfundoi normalisht.

Po ashtu, burimi i mësipërm deklaroi se për të mërkurën nuk ishte planifikuar seancë stërvitore. Klubi i Vllaznisë nuk ka bërë asnjë koment, por pritet që të ketë një mbledhje mes drejtuesve, stafit teknik dhe lojtarëve për të diskutuar problemet.

Nuk është hera e parë që skuadra shkodrane, më e vjetra në Shqipëri, bëhet lajm për ngjarje të tilla.

Ish-trajneri Ernest Gjoka u kërcënua sezonin e kaluar, po ashtu besohet se presione të forta pati ish-trajnerit tjetër, Cungu, ndërsa një nga drejtuesit e sotëm, Suad Lici, është shprehur se janë kërcënuar me armë.

Vetë kryetarja e Bashkisë, Ademi, i pohoi problemet, në emisionin “Presing” në Abc Neës”. Po ashtu, ish-lojtari dhe trajneri shkodran, Edi Martini./abcnews.al

zoran-zaev.jpg
ad min15:32 | 30/03/2019

Policia e Tetovës  ka arrestuar, Zharko Grozdanovski “liderin” e organizatës “Vëllezëria krishterë”, i  cili përmes rrjetit social Facebook kërcënoi publikisht me jetë kryeministrin Zoran Zaev.

 “Në asnjë rast mos luani me Vëllazërinë krishtere. Ju them dhe I qëndroj fjalës së thënë. Zaev, dy herë të kisha në dorë, dy herë me qëllim të lëshova. Mos m’i prek vëllezërit e mi të fesë….”

Për shkak të këtij prononcimi përmes rrjeteve sociale, Sektori për Punë të Brendshme Tetovë ka arrestuar liderin e organizatës ‘Vëllazëria krishtere” Zharko Grozdanovskin për shkak se ka kërcënuar Kryeministrin Zaev dhe anëtarë tjerë të qeverisë – ka njoftuar MPB-ja.

“Më 28.03.2019 në orën 19.50  në Tetovë është arrestuar 46-vjeçari ZH.G nga fshati Bërvenicë, i cili rreth orës 15:00 në rrjetet sociale publikoi një video me përmbajtje kërcënuese. Pas zbardhjes së plotë të rastit, kundër tij do të dorëzohet padi”.

Siç thuhet në videon e postuar, arsyeja për këto kërcënime është arrestimi i njërit prej anëtarëve të kësaj organizate, Toni Mitrevski – Severot, për shkak se ka sulmuar personin zyrtar në detyrë zyrtare, i cili, sipas Grozdanovskit, vetëm ka mbrojtur Kushtetutën.

Në këtë video, organizata qytetare “CIVIL” ka konstatuar gjuhë të urrejtjes dhe kërcënime për jetën e Kryeministrit Zaev, por edhe ndaj përfaqësuesve të tjerë të paemëruar të pushtetit dhe të gjithë liderët politikë.

“Mbetet e hapur çështja, nëse në DSK me të vërtetë kanë pasur njohuri për planet e likuidimit të Kryeministrit Zoran Zaev dhe liderëve tjerë politik. Përpos  se duhet të pritet epilog policoro-juridik për këtë rast, institucionet duhet t`i përgjigjen edhe pyetjes se sa janë serioze këto kërcënime dhe përse deri më tani nuk janë marrë masa përkatëse të sigurisë”.

“Vëllazëria Krishtere” është një nga organizatat e afërta me grupacionet radikale që protestuan kundër Marrëveshjes së Prespës dhe Ligjit të Gjuhëve, kurse një pjesë e tyre janë edhe anëtarë të partive të bllokut të djathtë që udhëhiqnin protestat që kulmuan me sulmin në Kuvend më 27 Prill të vitit 2017./abcnews.al

shampanje-e1526641948876.jpg
ad min20:04 | 20/02/2019

Moska paralajmëron Shtetet e Bashkuara të Amerikës se do të përballen me reagimin e saj nëse vendosin raketat e tyre në Europë. Ishte presidenti rus Putin që bëri këtë paralajmërim gjatë fjalës së tij në parlament.

Vladimir Putin paralajmëron Shtetet e Bashkuara të Amerikës se në momentin që do të vendosin raketa me rreze të shkurtër dhe të mesme në Europë, Moska do të do të reagojë menjëherë duke vendosur në objektiv armatimet amerikane jo vetëm ndaj atyre në vendet europiane, por dhe në qendra të rëndësishme. Deklarata është bërë nga presidenti rus në fjalën e tij në parlamentin e vendit. Putin u shpreh se vendosja e raketave amerikane në Europë është një kërcënim shumë serioz për sigurinë e Rusisë dhe paqen në përgjithësi. Ai theksoi se nuk besonte aspak se situata aktuale ndërkombëtare ishte e tillë, sa të duhet një përshkallëzim i mëtejshëm dhe i papërgjegjshëm, pasi askush nuk e do këtë.

Putin shtoi se Shtetet e Bashkuara të Amerikës duhet të numërojnë fillimisht forcat ruse dhe më pas të marrin një vendim. Presidenti rus me këtë rast deklaroi se në pranverën e këtij viti do të lëshohet vektori i parë nënujor i kompleksit Poseidon, dhe se çdo gjë po ecën siç duhet. Në përfundim të fjalës së tij, Putin paralajmëroi dhe njëherë më shumë Shtetet e Bashkuara të Amerikës duke i kërkuar të heqin dorë nga iluzionet për mbrojtjen raketore botërore në një kohë që puna për krijimin e armëve të reja ruse vazhdon./abcnews.al

edi-rama-4.png
ad min23:52 | 14/02/2019

Kryeministri Edi Rama deklaron se opozita kërkon që të marrë pushtetin me dhunë, referuar protestës së 16 Shkurtit. Në studion e emisionit “Real Story” të gazetarit Sokol Balla, shefi i qeverisë e quajti këtë grupim politik, njëe opozitë që nuk artikulon asnjë alternativë, nuk zgjon shpresë dhe interes të njerëzit dhe nuk bën asnjë hap për të reflektuar për veten.

Kryeministri u shpreh se nuk i bëjnë asnjë përshtypje kërcënimet dhe deklaratat përpara tubimit. I pyetur lidhur me reagimin e qeverisë dhe policisë nëse protesta degradon kryeministri tha se Policia e Shtetit duhet të zbatojë ligjin, sikundër edhe protestuesit duhet të zbatojnë detyrimin për një protestë paqësore. Siç tha Rama, ditën e shtunë proteston kasta që përfaqëson një pakicë, por që nuk ka asnjë të drejtë më shumë se atë që i ka dhënë populli, të jetë opozitë dhe që sipas kryeministrit nuk po e bën.

“Opozita ka mbetur në dy palë duar, totalisht të paafta”, deklaroi Rama duke iu referuar dy drejtuesve të PD-së dhe LSI-së, Basha dhe Kryemadhi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono