Kënga Magjike
Ish-futbollisti i Arsenalit, Martin Keown

NATA-E-DYTE-KENGA-MAGJIKE-1280x720.jpg
ent ela09:15 | 07/12/2018

Në Pallatin e Koncerteve është zhvilluar sonte nata e dytë e festivalit “Kënga Magjike”, që këtë vit ka edicionin e tij të 20-të. Sërish pati surpriza dhe emocione nga interpretuesit pjesëmarrës dhe nga spektakli i ofruar nga producenti dhe prezantuesi Ardit Gjebrea dhe dy partnerët e tij, Bora Zemani dhe Klaudia Pepa.

Gara e kësaj nate është hapur me Kelly-n, me këngën e tij “Fajin ma ka zemra”, për të vijuar me të tjerë këngëtarë të njohur si Rovena Dilo dhe Onati, grupi Alar Band, Klajdi Haruni, Fifi dhe MC Kresha, Robert Aliaj, Flor Mumajesi, Aurela Gace dhe Eli Fara etj.

Pas balerinës së njohur Klaudia Pepa, që performoi në natën e parë të Këngës Magjike, në natën e dytë ishte radha e prezantueses tjetër të festivalit, Bora Zemani për të kërcyer në skenën e këtij evenimenti të rëndësishëm muzikor, së bashku me trupën e Albi Nako Dance, nën ritme latine.

Në natën e dytë të Këngës Magjike u interpretuan 12 këngë nga këngëtarë Big dhe 13 të tjera nga këngëtarë të kategorisë New Artist.

Të shtunën, në natën finale të festivalit, në skenë do të ngjiten 20 këngë, të përzgjedhura nga dy netët e para. /abcnews.al

PRAPA-SKENAT-E-KENGES-MAGJIKE.mpg_snapshot_06.22-1280x720.jpg
ad min18:15 | 06/12/2018

Përveç anës vezëllitëse dhe spektaklit të Këngës Magjike 2018, ju ftojmë të shihni anën tjetër atë të prapaskenës. Emocionet, ankthet dhe rrëfimet e artistëve rreth konkurrencës dhe garës. Flori Mumajesi rrëfen për herë të parë se kujt ia dedikon këngën.

Ankthi, emocioni, stresi, dëshira për të vezëlluar, apo për të shkëlqyer live janë më se të natyrshme për çdo pjesmarrës në një festival kaq të rëndësishëm si Kënga Magjike. Ka nga ata të cilët janë edhe sëmurë.

Era Rusi: “Më shumë ethe të skenës se sa të garës. Para se të hipi në skenë bëj vokalica, marr frymë thellë dhe dal.”

Klaudia Pepa: “Shumë e emocionuar jam në ankth.”

Ronela Hajati: “Mos vini re asgjë se çfarë them në këto momente. Kështu e kam gjithmonë para se të dal në skenë, kam shumë stres.”

Flori Mumajesi: “Nuk po plas, mirë jam. Kam ftohtë dhe jam me ilaçe.”

Aurela Gaçe: “Jemi veshur vetë.”

Anxhela Peristeri: “Ndjehem shumë mirë, i uroj të gjithëve suksese, shpresoj që ketë fatin tim.”

Klajdi Haruni: “Dua të këndojmë tani direkt, ja se s’jemi ngrohur tani akoma.”

-Si jeni ndjerë së bashku më kolegen tënde Bora?

Klaudia Pepa: “Ne jemi ndjerë shumë mirë me njëra-tjetrën.”

Bora Zemanie: “Jemi shumë të lumtura që jemi bashkë si fillim.”

Klaudia Pepa: “Dua të them edhe që Bora ka qenë shumë shumë e mirë me mua. Më ka dhënë shumë këshilla dhe ka qenë shumë e drejtë.”

Bora Zemani: “Të gjithë më pyesnin se si ndjehesh tani që Arditi nuk do të ketë vetëm ty në krah, por do të ketë edhe Klaudjan. I thashë që nuk e shoh Klaudjan si partneren e Arditit e shoh edhe si partneren time në këtë rast. Kështu që jemi bashkë të dyja.”

Klaudia Pepa: “Natën e dytë Lady Gaga dhe natën e tretë një këngë shumë të ndjerë italiane.”

Por çfarë ndodh pas kuintave, këngëtarët e natës së parë rrëfejnë emocionet dhe dedikimet e këngëve.

Ardit Cuni: “Nuk ka gjë më të bukur se sa të këndosh live, gjithashtu publiku e ka pritur shumë mirë këngën.”

-Vërtet një garë e fortë sivjet.

Ronela Hajati: “Po por unë jam më e mira.”

Anxhela Peristeri: “Mendoj që ka shumë këngë të bukura dhe sivjet dhe do të jetë një konkurrencë e fortë.”

-Mendon se do të fitojë baladë?

“Nuk e di, ka disa këngë që më pëlqejnë, kështu që nuk e di kujt t’ja ve gishtin.”

Por edhe këngëtarët që do të ngjiten natën e dytë janë prezentë, pasi ata do të vendosin me votën e tyre se kush do të kalojë në natën finale.

-Si u gjetën bashkë në këtë duet. Na pëlqen shumë fakti që dy këngëtare të njohura bashkojnë forcat dhe shpërthejnë skenën.

Aurela Gaçe: “Nuk jemi thjesht të gjetura tani, ne e kemi gjetur njëra-tjetrën.”

Eli Fara: “E kishim në mendje gjithmonë që të bënim një duet dhe qëlloi që ramë dakord dhe menduam që ta sjellim tek Kënga Magjike.”

Aurela Gaçe: “Dhe pikërisht në këtë lloj rryme, që njerëzit t’i mbyllin butonat e mërzisë nja 3 minuta. Imagjino po të kishim vendosur një për të qarë, do merrnin peshqirat në sallë.”

Klajdi Haruni: “Kam një ndjesi shumë shumë të mirë. Kam këngë të preferuar por ato do ti shpreh me votime.”

-Deri tani të kan thënë shumë miq për kë do të votosh?

“Jo jo nuk merrem me atë pjesë hiç. Do votoj me shpirt dhe atë që e meriton vërtet.”

Kantautori Flori Mumajesi sqaron polemikat rreth kujt ia dedikon këngën.

Flori Mumajesi: “I kam kënduar dashurisë, kështu do ti këndoj me mall me dashuri, me shpirt në duar.”

-Kënga jote ka zgjuar shumë kureshtje dhe polemika të pafundme, si do i zgjidhësh këto?

“Ditën e prezantimit të këngës e thashë shumë pastër, shumë sinqerisht që asgjë nga këto polemika që fatkeqësisht janë fake news që dalin lart e poshtë, nuk kanë të bëjnë fare me këngën, nuk kanë të bëjnë fare me mua, nuk kanë të bëjnë fare me shpirtin tim, me atë që unë ndjej, me atë që unë bëj.”

-Megjithatë ti vuan shumë, jo vetëm për vetë, por edhe për të tjerët në krijimet e tua muzikore.

“Jo, përkundrazi, unë mendoj që një copë nga shpirti im buron dhe shkon në dëgjimin e shumë njerëzve që bashkohen me atë shpirt dhe nuk lexojnë vuajtjen, por lexojnë dashurinë kam përshtypjen dhe unë mendoj që jap një pjesë të dashurisë, ndaj një pjesë të dashurisë timen me ta. Madje kam marrë dhe komente të tilla që njerëz që janë të dashururar e kanë ndjerë nevojën që bashkë me këtë këngën të kenë një dashuri dhe kanë vuajtur pa pasur nevojë që të kenë një rast ekstrem, në një ndarje apo një tragjedi në jetën e tyre. Kështu që mendoj se nuk është çështje vuan apo nuk vuan Flori.”

Juria e të rinjve është vënë në vështirësi nga konkurrenca e fortë.

-Ndjehesh i lumtur që ka kaq prurje të mira të zërave të rinj.

Armend Rexhepagiqi: “Pajtohem me konstatimin tënd. Ka prurje të mira ka zëra të mirë.”

Orinda Huta: “Emocioni i skenës së madhe i jep akoma dhe më shumë energji. Presim që të ketë akoma më shumë shpirt në këtë skenë dhe jam e lumtur që ka kaq shumë këngëtarë të rinj që i afrohen skenës së madhe. I uroj të gjithëve shumë suksese.”

Arben Skënderi: “20 vjetori i Këngës Magjike është vërtetë mishërimi i kësaj tribune. Është kthyer vërtetë tribunë të jo vetëm risive në muzikën e lehtë shqiptare, por dhe të promovimit të artistëve.”

Armend Rexhepagiqi kërkon që ata të guxojnë më shumë.

Armend Rexhepagiqi: “Unë do të doja edhe më shumë ta kishin. Unë do të doja të ishin edhe më radikalë edhe më të guximshëm edhe më të eksperimentojnë. Unë gjithmonë dua më shumë”

Por ata na rrëfejnë edhe preferencat.

Armend Rexhepagiqi: “Këtë vit më duket se ka këngë jashtëzakonisht të mira. Fituesi është i pasigurtë dhe kjo mua më kënaq. Me duket se kjo suspancë është gjithmonë e bukur në çdo festival kur ka rivalitete të forta. Por gjithmonë personalitetet e forta krijojnë këngë të mëdha dhe bëjnë festivale të mëdha. Kam përshtypjen se këtë vit kemi disa perla muzikore që do garojnë me njëri-tjetrin.”

-A ke një të preferuar?

Armend Rexhepagiqi: “Po, e kam thënë gjithnjë haptaz, Fifi dhe McKresha. Ndoshta sepse dhe vetë psikopat.”

Arben Skënderi: “Nga këngët e big-ëve më ka befasuar dje në prova, nuk e kisha dëgjuar dje në prova, kënga e Florit. M’u duk sikur ai ka arritur moshën e pjekurisë në krijimtari dhe të të kënduarit si kantautor.”

Armend Rexhepagiqi: “Ishte një interpretim brilant.”

Orinda Huta: “Ja dhanë dhe këta çmimin e parë.”

Armend Rexhepagiqi: “Unë mbes tek Fifi, vetëm lavdërova që ishte një interpretim brilant.”/abcnews.al

NATA-E-PARE-KENGA-MAGJIKE-1280x709.jpg
ent ela14:41 | 06/12/2018

Në një skenë madhështore dhe një formë të veçantë nisi mbrëmjen e së mërkurë nata e parë e edicionit të 20 të kënges magjike.  11 këngëtarë big dhe 13 new artist performuan Live në Pallatin e Koncerteve.  Ardit Gjebrea në këtë edicion u shoqërua në prezantim nga  Bora Zemani dhe Klaudia Pepa.

Edicioni i 20-të, i festivalit “Kënga Magjike” 2018 ngre siparin me një gjetje mjaft interesante . Pa një sigël hyrëse Ardit Gjebrea në gjysëm errësirë pyeti një vajzë për emrin dhe ditëlindjen që përkonte saktësisht me edicionin e parë të “Këngës Magjike dhe kështu përmes 20 personazheve u rrëfye 2 dekada të festivalit më të rëndësishëm të muzikës moderne shqiptare.

Ardit Gjebrea u shfaq me dy prezantueset Bora Zemani dhe Kaludia Pepa secila me shoqëruesit specifik të tyre .

Anxhela Peristeri fituesja e një viti me parë këndoi e para. Gjatë mbrëmjes së gjatë plot surpriza në skenë interpretuan  11 këngëtarë të kategorisë Neë Artists dhe 13 artistë të kategorisë Big.

Klaudia Pepa ndezi skenen me interpretimin e saj shoqëruar nga 12, balerinët e Media Set.

Në natën e dytë do të interpretojnë plot 12 këngëtarë big dhe 13 neë artist. Ndërkohë që në finalen e madhe do të performojnë vetëm 20 këngëtarë. Finalja e madhe do të jete e mbushur me surpriza dhe të ftuar specialë.

Festivali “Kënga Magjike 2018” u transmetua drejtprdrejt në Televizionin Kombëtar  Klan, në Klan Maqedonia, si dhe në Kosovë.

Por për herë të parë përmes një platforme dixhitale Livestrem, çdo shikues mund ta shikonte live  Këngën Magjike si në sallë. Për herë të parë edhe publiku në salle votoi për kategorinë New Artist. /abcnews.al

 

 

femijet.jpg
ad min22:49 | 05/12/2018

Nata e parë e edicionit të 20-të të “Këngës Magjike” startoi ndryshe nga herët e tjera. Pa një sigël hyrëse Ardit Gjebrea në gjysëm errësirë pyeti një vajzë për emrin dhe ditëlindjen që përkonte saktësisht me edicionin e parë të “Këngës Magjike”.

19 fëmijë dhe të rinj të lindur përkatësisht në datat dhe vitet kur është zhvilluar “Kënga Magjike” 1999- 2017 ishin të pranishëm në hapjen e edicionit të 20-të të festivalit.

Ardit Gjebrea në prezantimin që bëri për secilin prej tyre tregoi detaje apo risi që do të mbahen mend gjatë për 19 edicionet e kaluara.

“Do ju tregoj një histori. Kam këtu disa dëshmitarë që kombinimi i kodeve jetike të botës që ne e quajmë fat, bëjnë që ata të jenë dëshmitarë të kësaj historie”.

14 Tetor 1999 Në këtë ditë ka ardhur në jetë dhe “Kënga Magjike”. Në atë kohë nuk ekzistonte asnjë kompeticion tjetër veç Festivalit të Radio Televizionit Shqiptar dhe çfarë të krijonim, një garë këngësh apo një garë interpretimi artistësh? Si do ta kishte emrin? U mblodhëm 30 artistë dhe vendosëm të krijonim një festival alternativ në formë show. Emri, “Kënga Magjike”. Në vitin e parë dolëm Live, donim të tregonim “dhëmbët” që në fillim.

20 Shtator 2000 Kur lindi festivali i dytë i “Kënga Magjike” dhe viti i dytë ishte me gjysmat e këngëve Live, kush të donte do këndonte Live, kush nuk dëshironte, ishte me playback. E pranishme si kryetare e jurisë ka qenë Nexhmije Pagarusha.

 11 Tetor të vitit 2001, ishte dita e parë e vitit të tretë të “Kënga Magjike”, vlonin performancat ku lindi epoka e play back.

21 Nëntor 2002 “Kënga Magjike” mbushi 4 vjeç. Për herë të parë ishte një prezantuese e huaj dhe ajo ishte Natalia Estrada, e cila ishte prezantuese për 2 vite rresht.

22 Nëntor 2003 Një dashuri e re televizive lindi atë vit, dhe ishte Televizioni Klan dhe vijon dhe sot të jetë 15 vjeç.

21 Janar 2004 Për herë të parë “Kënga Magjike” u spostua në Prishtinë. Në natën finale vjen një telefonatë anonime, alarm për bombë. Binte borë dhe policia na ka nxjerrë të gjithëve dhe artistët jashtë, madje dhe me forcë. Artistët me rrobat e perfomancës u thanë se ftohti, 1 orë e gjysmë jashtë në borë dhe të gjithë thoshin se duhej anuluar festivali, por vendosëm për ta bërë.

11 Tetor 2005 Në natën e parë të “Këngës magjike” të gjithë u surprizuan nga skenografia e Bashkim Zait. Një ujëvarë binte gjatë gjithë kohës së festivalit 9 metra e lartë dhe 6 metra e gjërë.

17 Dhjetor 2006 Në natën finale këputa mish dhe pas skene kur dilja prej këtu ulërija nga dhimbjet, dhe kur dilja në skenë bëja sikur nuk kishte ndodhur asnjë gjë. Dhe tani nuk ka më pesha.

23 Nëntor 2007 Atë vit “Kënga Magjike” u transmetua për herë të parë në 6 televizione, e morën vesh të gjithë shqiptarët.

20 Nëntor 2008 Festivali ndryshoi tërësisht skenografinë, pasi e mori në dorë Gaetano Castelli dhe është edhe sot skenografi i “Këngës Magjike”.

19 Nëntor 2009 Votimet në “Kënga Magjike” kanë qenë të mbyllura dhe ishte viti i fundit.

18 Nëntor 2010 Në këtë vit “Kënga Magjike” filluan të deklaroheshin votat dhe nuk kishte më aleanca.

17 Nëntor 2011 Shqiptarët atë vit marroseshin pas “Gymyshit”, Songul Oden, e cila ishte prezantuese e atij viti dhe u përball me turmat.

8 Nëntor 2012 Atë vit “Kënga Magjike” u modernizua dhe mbushte 14 vjeç dhe atë vit dekori ndryshonte vazhdimisht.

22 Nëntor 2013 Atë vit prezantueset e festivalit “Kënga Magjike”, zgjidheshin në mënyrë të rastësishme.

11 Nëntor 2014 Në atë vit “Këngën Magjike” e “pushtuan” italianët. Ishte Anna Oxa,Pippo Baudo, Gaetano Castelli, etj.

3 Dhjetor 2015  Në atë vit “Kënga Magjike” mori kthesën e madhe, të gjithë artistët këndonin live.

7 Dhjetor 2016 Në atë vit u shtua kategoria “New Artist” dhe për këtë kategori duhet pune dhe mund.

6 Dhjetor 2017 Në këtë vit ishte nata e parë e festivalit të 19- të të “Kënga Magjike” dhe e veçanta ishte pjesëmarrja e këngëtarëve të huaj nga Italia dhe fituesi i New Artist ishte një shqiptar që erdhi nga Australi.

I fundit ishte një zotëri, i cili u bë baba për herë të dytë pikërisht sot (5 Dhjetor 2018). Vajza e tij quhet Ebi.

/tvklan.al

KENGA-MAGJIKE.mpg_snapshot_00.24-1280x720.jpg
ad min17:41 | 04/12/2018

Edicioni i 20-të i “Këngës Magjike” 2018, nis mbrëmjen e së mërkurës në Pallatin e Koncerteve. Një garë e fortë dhe plot surpriza do të jetë mes 23 këngëtarëve “big” dhe 26 artistëve në transmetim të drejtpërdrejtë në datat 5 e 6 Dhjetor dhe finales së madhe me 8 Dhjetor. Në krah të Ardit Gjebresë në prezantim do jenë moderatoja Bora Zemani dhe balerina Klaudia Pepa.

Skena e Pallatit të Koncerteve është kthyer në një magji të vërtetë. Këto janë momentet e fundit të provave, për edicionin e 20 të festivalit të muzikës moderne shqiptare Kënga Magjike 2018. Pa dyshim se ky përvjetor do të jetë unik dhe i veçantë thekson Ardit Gjebrea.

Ardit Gjebrea, showman: “Të gjithë artistët po e jetojnë vërtetë si një festë të madhe dhe fakti që ne nuk e themi se çfarë do të ndodhi është sepse thjesht kjo është Kënga Magjike. Ku është Kënga Magjika, pa diskutim që do të ketë gjëra të bukura.”

Tashmë ethet e garës dhe këndimi live kanë ngërthyer konkurentët ato të kategorisë big dhe new artist. Gara është e fortë, emrat më të njohur të skenës me zhanre të ndryshme janë në konkurim, e kjo i bën mirë garës.

Venera Lumani, këngëtare: “Unë uroj dhe i kryqëzoj gishtat vetëm që të dal mirë, të dal vokalisht shumë mirë dhe çdo gjë tjetër pastaj le të ngelet festë. Është 20 vjetori, është festë le ta shijojmë në maksimum edhe le të bëjmë gjëra të bukura.”

Baladat vazhdojnë të jenë të preferuara nga këngëtarët, pasi shumë prej tyre e shohin si mundësinë më të mirë për t’u shprehur vokalisht dhe emocionalisht.

Mentor Haziri, këngëtar: “E ka vrarë e dashura shpirtërisht, emocionalisht, kështu që shpresoj që këtë ndjenjë do e paraqes edhe në netët në vijim. Në jetë jam shumë i lumtur jam më karagjoz, por kënga është kështu, është një baladë e ndjerë. Jam natën e dytë me datë 6 Dhjetor dhe mezi po pres.”

Era Rusi, këngëtare: “Kjo është një nga këngët e mia të preferuara. E kam ruajtur 1 vit në arkivë, mendoj se ishte ideale për Këngën Magjike dhe e meritonte një këngë potente. Është edhe 20 vjetori im në Këngën Magjike.”

Por nuk mungojnë edhe etnofolk, RnB dhe këngët ritmike. Dashuria e humbur dhe dhimbjet e saj përshkojnë shumë këngë.

Rozana Radi, këngëtare: “E kam shkruar edhe në faqen time të Instagramit se nëse të gjitha tekstet e mia do të kishin diçka personale i bie që të jetoja 700 jetë. Personale dramë jo, por dashuri të humbur secila vajzë dhe grua ka përjetuar në jetë. Unë e kam thënë dhe në vende të tjera që nsonjëherë në dashuri nuk kujtohet puthja e parë, por e fundit. E vështirë të dalësh nga një histori , e rëndësishme është që të kujtojmë gjërat e mira jo të këqija në jetë.”

Venera Lumani, këngëtare: “Lindi ndjek nga shtëpia, është thjesht mbështetja ime këtë vit.”

Protagonistët që janë këngëtarët, janë ata që nxjerrin edhe triumfuesin e kësaj gare të këngës, ata thonë se me kalimin e viteve janë më të drejtë në votë.

Rozana Radi, këngëtare: “Ti bëjmë thirrje, në radhë të parë vetes sonë, ndërgjegjes sonë që të votojmë sikur jemi publik dhe jo sikur garojmë. Të gjithë kemi miq e shokë, kemi votuar me miqësira dikur, por mbajm mend se kur unë kam fituar Këngën Magjike mua më kanë votuar dhe këngëtarë që nuk më flisnin.kjo më ka bërë të reflektoj shumë. Duhet të jemi njerëzorë pastaj të jemi artistë.”

Mentor Haziri, këngëtar: “E shoh si festë, për shkak se është 20 vjetori dhe duhet të festojmë të gjithë. Kënga Magjike është një Sanremo shqiptare, prandaj edhe ne duhet ta ofrojmë mundin tonë.”

Era Rusi, këngëtare: “Ka këngë shumë të bukura, ka artistë shumë të mirë. Është shumë e bukur që jemi të gjithë në këtë 20 vjetor në Këngën Magjike edhe nuk e shikoj këtë vit si luftë. E shikoj si festë pasi ka vërtet një harmoni mes artistëve me njëri-tjetrin.”

Ka nga ata që e kanë për herë të parë prekjen e kësaj skene magjike.

Lorenc Hasrama, këngëtar: “Për mua është hera e parë që performoj në skenën e Këngës Magjike. Jo vetëm për 20 vjetor por për mua ka qenë gjithmonë e madhe dhe madhështore. Me emocionet nuk jam keq jam mirë, do ta mbaj veten.”

Krahas këngëtarëve nga hapësira mbarëshqipëtare, këtë vit në garë janë edhe 3 këngëtarë italianë. Surprizat janë të shumta në 3 netët, sipas showman-it Ardit Gjebrea.

Ardit Gjebrea, showman: “Konkurenca është shumë e fortë dhe kjo i bën mirë muzikës shqiptare. Ky festival vjen në më të mirin e tij në edicionin e 20 dhe surpriza pa diskutim që do të ketë në çdo natë. Më vjen keq që nuk mund t’jua zbuloj, por erdhi edhe pak. Kështu që vetëm një ditë e gjysëm ka mbeturka surpriza në prezantim, ka surpriuza me numra të ftuar, ka surpriza me publikun.”

Ai nuk preferon të zbulojë shumë. Por ne mësuam se krah showman-it Ardit Gjebrea do të prezantojnë moderatorja Bora Zemani dhe balerina, Klaudia Pepa, kjo e fundit edhe do të performojë me 12 balerinë meshkuj profesionistë nga Mediaset.

Countdowni i Këngës Magjike ka nisur, nata e parë do të jetë me datë 5, nata e 2 me datë 6 dhe finalja me datë 8 Dhjetor. Për të gjithë ata të cilët kanë siguruar biletata, por edhe për gjithë teleshikuesit gjithçka do të vijë live në televizionin kombëtar Klan dhe këtë 20 vjetor festivali “Kënga Magjike”, sjell një risi teknologjike. Për herë të parë në Shqipëri Livestream. Mund të përjetoni emocionet e skenës edhe nga shtëpia nëpërmjet realitetit virtual./abcnews.al

KONCERTI-I-MENTOR-HAZIRIT-_ABC-M1-T1.mpg_snapshot_01.13-1280x720.jpg
ad min20:40 | 29/10/2018

Publiku kryeqytetas mirëpriti koncertin recital të kantautorit Mentor Haziri. Koncerti u shoqërua me surpriza të shumta, ndërsa kantautori risolli për të pranishmit hitet e tij ndër vite.

Këngëtari i muzikës pop – rock, Mentor Haziri, recitalin e tij në Tiranë e nis me kengën e Michael Bolton “When a Man Loves a Woman”.
Miqtë artistë dhe publiku patën mundësi të shijonin një mbrëmje të dedikuar muzikës së mirë.

Në këtë koncert nuk mund të mungonin këngët dedikuar dashurisë, të cilat mbizotërojnë në repertorin kantautorit të muzikes Pop Rock. Mentor Haziri është vlerësuar me shumë çmime të ndryshme në festivale të ndryshme edhe këtë vit është pjesmarrës në festivalin “Kënga Magjike” që ka edhe përvjetorin e 20-të. Si një paradë u risollën në mbrëmjen speciale, hitet e tij ndër vite si: “Engjëll”, “Kujtoje” dhe “Plagë në zemër”./abcnews.al

vlcsnap-error234-1280x720.jpg
ad min10:21 | 10/12/2017

Anxhela Peristeri dhe kënga e saj me titull “E çmendur” fitoi mbrëmë edicionin e 19 të “Këngës Magjike”, e cila mori edhe çmimin si vokali më i mirë femëror i këtij festivali.

Në vendin e dytë u rendit këngëtarja Elhaida Dani me këngën e titulluar “E ngrirë”. Dani fitoi edhe çmimin e kritikës. Për këngëtaren fituese të “Voice of Italy”, vleu mbrëmë shprehja “i mbyturi te mbyt”. Ajo deri në fund të votimit nga këngetaret renditej e para, por votat e kengetarit Franc Koruni, i renditur ndër vendet e fundit dhe që i dha zero pikë Elhaida Danit, bëri të mundur peërmbysjen e rezultatit dhe shpalljen fituese të këtij edicioni të Anxhela Peristerit, e cila denjësisht deri në ato momente renditej pas Danit.

Në vendin e tretë u rendit një tjetër zë i veçantë femëror. “Zhurme”, kënga e kënduar nga këngëtarja e re e talentuar Fifi, mori vlerësimet e jurisë dhe votat e vetë këngëtarëve. Fifi me këtë këngë rrëmbeu edhe çmimin e këngës hit. Mes çmimeve të tjera të rëndësishme ishte ai për vokalin më të mirë mashkullor fituar nga Mentor Haziri, best dance nga Alar Band, ndërsa çmimi i artistit më të pëlqyer i shkoi Valon Shehut. Ai i duetit më të mirë i shkoi vëllezërve Endri dhe Stefi Prifti, ndërsa çmimi TV Klan i shkoi këngëtares Xhesika Polo, e cila në këtë festival garoi me këngën “Jetën ma fal”. Çmimi “Çesk Zadeja” iu dha blerina Brakës me këngën “Lamtumirë dashuri”, ndërsa ai i produksionit “Jon music” iu dha Klinti Çollakut me këngën “Mua s’më gjen”./abcnews.al

vlcsnap-error481-1280x720.jpg
ad min16:18 | 08/12/2017

Mes emocionesh, notash humori dha batutash u përmbyll edhe nata e dytë e Këngës Mgjike edicioni i 19. Ju ftojmë të ndiqni një material të zgjeruar ku këngëtarët pas kuintash rrëfejnë emocionet para dhe pas interpretimit. Tashmë 20 finalistët do të performojnë në natën finale, e cila do të mbahet mbrëmjen e së shtunës në 20:15 në Pallatin e Koncerteve./abcnews.al

vlcsnap-error420-1280x720.jpg
ad min10:46 | 07/12/2017

Edicioni i 19-të i Këngës Magjike  startoi mbrëmjen e së mërkurës në Pallatin e Koncerteve nën një skenografi shumë ngjyrëshe e ku performuan live 25 artistët e natës së parë gjysmëfinaliste . Ardit  Gjebrea gjithnjë surprizon , kësaj here së bashku me shoëmenin në bashkëprezantim u shfaqën plot hijeshi edhe Arjola Shehu dhe Nevina Shtylla. Por krahas prezantimit të këngëtarëve live , nuk munguan edhe notat e humorit nga Bes Kallaku dhe Erion Isai.  Në mbrëmjen e parë u prezantuan  Lind Islami – Problemi, Mishela Rrapo  – E doja s’e doja, Alar Band – Leni ojnat, Rovena Stefa – Veç një jetë, Xhesika Polo – Jetën ma fal, Çiljeta Xhilaga – Hajmali, Gjergj Leka – Ndryshojmë, Mentor Haziri – Plagë në zemër, Anxhela Peristeri – E çmendur. Ndërkohë që mbrëmjen e sotme do të performojnë edhe 25 këngëtarë të tjerë .19 këngëtar  vip dhe 9 artiste të rinj./abcnews.al

 

 

 

vlcsnap-error365-1280x720.jpg
ad min16:43 | 05/12/2017

Mbrëmjen e së mërkurës, në Pallatin e Koncerteve starton edicioni i 19 i festivalit Kënga Magjike. Për 3 netë, këngëtarë big dhe talente të reja do të përformojnë në skenë. Producenti Ardit Gjebrea thotë se do të ketë shumë surpriza, në dy netët gjysëmfinale dhe në finalen e madhe./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono