Kënga Magjike

OK-KENGA-MAGJIKE-2018.mpg_snapshot_01.39-1280x720.jpg
G. P.17:34 | 09/12/2018

Kantautori Flor Mumajesi ngre trofeun e 20 të Këngës Magjike. Këngëatri mori votuat e kolegëve. Ky edicion rezultoi një spektakël i vërtetë gjatë 3 netëve në ekranin e Televizionit Kombëtar Klan.

Në vend të dytë u rendit dueti i Aurela Gaçes dhe Eli Farës dhe në vend të tretë Fifi dhe MC Kresha. Çmimi i “Televizionit Klan” iu dha këngëtarit Klajdi Haruni. “Grupi më i mirë” shkoi për “Revolt Klan” ndërsa Venera Lumani u shpall “Zëri femëror më i mirë” dhe trofeun për “Zërin më të mirë mashkull” e mori Mentor Haziri. “Magjia e Parë” iu dha këngëtarëve Lorenc Hasrama dhe Olsi Bylyku ndërsa me “Çmimin e Kritikës” u vlerësua Rozana Radi. “Çmimi i Produksionit” iu dha këngëtares Kejsi Tola./abcnews.al

flori-mumajesi-933x445.jpg
G. P.00:58 | 09/12/2018

Finales së spektaklit më të madh të muzikës në Shqipëri, “Këngës Magjike” i ka ardhur fundi.

Këngëtari Flori Mumajesi është shpallur fitues i edicionit të 20-të me këngën “Plas”. Ai u votua nga vetë artistët pjesëmarrës si më i miri i këtij jubileu të “Këngës Magjike”.

“Tani është ai momenti kur vërtetë të plas shpirti, fillon dridhesh. Çfarë do thuash një gjë të mençur? Unë do them atë që ndjej, dedikuar muzikës, me ju përkrah që keni qenë mbështetje shumë e madhe. Përfshirja juaj në këtë këngë ma ka bërë jetën edhe më të lumtur, si në ëndërr. Dhe po iu them edhe një gjë, nëse nesër nuk merrem më me muzikë, nuk kam peng asgjë. E kam shijuar shumë. Faleminderit nga zemra dhe ua dedikoj ju këtë këngë”, tha këngëtari pasi fitoi çmimin e madh.

Mbrëmja ka qenë tejet emocionuese në “Pallatin e Kongreseve”, ndërkohë që gara mes artistëve big dhe atyre të rinj ka qenë shumë e vështirë.

“Kënga Magjike” për tre ditë në transmetim live dhuroi tek publiku emocione, surpriza dhe humor.

Në vend të dytë u shpall Aurela Gaçe dhe Eli Fara me këngën “Zemra Rratatata”. Ndërkohë Fifi dhe Mc Kresha fitues të çmimit të tretë me këngën “Psikopatja ime”./tvklan.al

EMISIONI-THUMB-08-DHJETOR.mpg_snapshot_00.06.49-1280x720.jpg
G. P.18:48 | 08/12/2018

Për herë të parë Aulona dhe Fatma dolën nga kosherja e zakonshme për të sjellë këtë puntatë një Thumb Magjik. Bëhet fjalë për prapaskentat e edicionit të 20 të Këngës Magjike dhe të gjitha të pa thënat të nxjerra vetëm nga Thumb.

Të gjitha këto vijnë vetëm nga një festival si Kënga Magjike që ndër vite na ka dhurar një muzikë që na ka kënaqur jo vetëm veshët, por edhe shpirtin. Për mikrofonin e emisionit realizuesi i këtij festivali Ardit Gjebrea, tregoi se si ia del që ta mbajë të suskesshëm Këngën Magjike edhe pas 20 vitesh.

“Nëse unë nuk i prek të gjitha gjërat vetë, kur dal në skenë kam pasiguri. Në një nga sektorët që nuk e kisha prekur, kur erdha pashë që kishte pak rrëmujë dhe e gjithë nata e parë më shkoi jo mirë. Ndoshta publiku nuk e kuptoi, por unë nuk isha Arditi që isha në natën e dytë.”

Gjebrea tregon dhe çelësin e sekretit se si pas 20 vitesh është i vetmi që arrin të përthithë këngëtarët më të suksesshëm në treg.

“Unë nuk jam menaxher, unë jam artist. Unë artistët i trajtoj ashtu siç do të doja që ata të më trajtonin mua. Çdo këngëtar që ka ardhur ka rritur nivelin e tij.”

Gjithashtu ai tregoi dhe për performancën e tij në natën finale më një këngë të shumëpritur nga publiku në duet me artistin Saimir Pirgu.

“Isha tek studio e Florit dhe dëgjoja këngën dhe më pëlqeu. I them Florit ma jep mua këtë këngën, sepse unë do të këndoj një duet me Saimir Pirgun në natën finale. I them Florit të vjen keq ta bëj me një tekst tjetër timin dhe kështu krijova tekstin “Kur them ajo”. E gjithë ideja që një ditë një njeri i shtrenjtë largohet nga jeta jote, ikën gjithçka, por a mund ta fshish emrin dhe të thuash “ajo”? Është e pamundur.”

A do jetë ky rikthim i Gjebreas në muzikë?

“Unë besoj se po, sepse teksa regjistroja në atë studio me kapi nostaligjia dhe aty e vendosa që do filloj dhe do krijoj e këndoj.”/abcnews.al

kenga-magjike.jpg
G. P.20:06 | 07/12/2018

Prapaskenat e natës së dytë të skenës magjike, përveç emocioneve, këngëtarët rrëfejnë edhe këngët e preferuara. Ju ftojmë t’i ndiqni në materialin më poshtë.

Këngëtarët e kanë vendosur ta jetojnë si festë këtë jubile të Këngës Magjike. Ajo çfarë të ofron prapaskena ëhtë gjithnjë e bukur spontane dhe argëtuese.

Kush është më psikopat nga ju të dy?

MC Kresha: Kjo se është pak e vonuar.

Fifi: Jo e vonuar kështu, por thjesht e vonume me kohën. Unë kam ardhur me vonesë këtu, por nuk jam e vonuar prej truve.

Cilat janë pritshmëritë tuaja për Këngën Magjike?

MC Kresha: Duartrokitjet e forta të publikut, ajo më kënaq më së shumti.

Garë e fortë?

Kelly: Po shumë garë e fortë dhe shpresoj të dalim të gjithë pak a shumë të fituar.

Ka patur raste që të kanë hyrë miq për votë?

Kelly: Ka sa të duash, por mundohem të mbaj bindjet e mia përsa i përket muzikës.

Mund të na thuash cila është e preferuara jote?

Kelly: Kejsi më pëlqen.

Ia paske dhënë votën?

Kelly: E meriton.

Si të duket gara?

Kejsi Tola: E fortë gjithmonë.

Një baladë që gjithkënd e ke prekur me atë tekst, atë muzikë?

Kejsi Tola: Unë e kam thënë që është këngë e jetës kështu që të gjithë e gjejnë veten aty dhe është pozitive.

Ku ka garë ka ethe, pasiguri, dëshirë për të dalë sa më mirë jo vetëm së kënduari, por edhe pamja është mjaft e rëndësishme, pasi shihet si paketë artistike.

Manjola Nallbani: Duhet të ndihesh shumë mirë, por edhe në evente të tilla mirë është që të zgjedhësh bashkëpunëtorin që bën më të mirën e mundshme. Ja ku erdhi! Përmend mikun bëj gati petanikun.

Këngëtarët big dhe ata të rinj janë të kënaqur që ia kanë arritur qëllimeve të tyre edhe pse dëshira e trofeut të 20-të prej shumë prej tyre në këtë garë të fortë është e madhe.

Ka klikime të mëdha, cilat janë pritshmëritë tuaja?

Fifi: Çfarë kam dashur unë e kam arritur. Ajo ishte pritshmëria ime. Për t’u dëgjuar kënga nga publiku. Si me u prit me MC Kreshën edhe e arritëm atë që deshëm.

Dy prej anëtarëve të jurisë Manjola Nallbani dhe Orgesa Zaimi janë të mendimit se gara është fortë.

Manjola Nallbani: Unë besoj se është nga festivalet më të bukur që unë kam dëgjuar deri më sot. Big-ët kanë këngë dhe interpretime të shkëlqyera. New Artiste na kanë lënë pa mend 3-4 prej tyre, talente të vërtetë. Kjo është magjia e këtij festivali.

Orgesa Zaimi: Një profesionist arrin ta dallojë ndryshimin që ka, por gjithsesi ka shumë prurje të reja që mund t’i krahasosh me big-ët.

Nallbani e çon më tej mendimin.

Manjola Nallbani: Ndoshta është në natyrën time të kënaqem kur vërej se ka talente kaq të vërtetë në këtë vend, se mjaft është abuzuar ndër vite. Tani të jetë vendi dhe skena e talenteve të vërtetë.

Trofeun e Këngës Magjike e dëshirojnë shumë artistë dhe për vetë faktin se ky festival i ka kapërcyer kufijtë tanë.

Ardit Gjebrea: Unë shpresoj shumë dhe Kënga Magjike ndiqet në vendet e rajonit. Ndiqet në Turqi, kam mësuar së fundmi. Në Itali ka një jehonë dhe mediat kishin shkruar shumë duke ndikuar nga përshëndetja që i bëmë Maria De Filipit dhe grupit të Canale 5. Pastaj në Greqi e njohin mirë. Nuk po flas për Maqedoni, Bosnje, Serbi, Kroaci, kam marrë telefonata. Në vendin e rajonit njihet mjaft.

Vetë artistët e mbyllin mbrëmjen me këtë mesazh.

Manjola Nallbani: Fitoftë më i miri!

Orgesa Zaimi: Fitoftë më i miri!

Kejsi Tola: Të fitojë më i miri./abcnews.al

 

ardit-gjebrea.jpg
G. P.17:24 | 07/12/2018

Nata e dytë e Edicionit të 20-të të festivalit Kënga Magjike u përmbyll suksesshëm. 12 këngëtarë big dhe 13 artistë të rinj përcollën ngjyra dhe emocione me performancat e tyre. 20 këngëtarët më të votuar nga nga 47 konkurrentët e dy gjysmëfinaleve do mund të prekin finale e së shtunës.

Edhe nata e dytë e Këngës Magjike u shoqërua me emocione të forta nga protagonistët e skenës.

Bora Zemani: Shumë Bukur, por mendoja se duke hequr emocionet në natën e parë, natën e dytë nuk do kisha emocione. Por jo kam shumë emocione sot. Unë nuk e di, njerëzit më pyesnin hë daljet e para ishin me siklet, tani e ke marrë veten? Nuk e di çfarë po ndodh.

Klaudia Pepa: Besoj edhe akoma më shumë emocione do jetë problem!

Jemi mësuar të të shohim të sigurt, por edhe ti paske shumë emocione?

Ardit Gjebrea: Nuk kam emocione.Është mesazh nga goca ime e cila shkruan, “Ba notice me please. Jam tek rreshti i dytë tek platea A”, kështu që sapo të dal në skenë buzëqeshjen e parë dua t’ia jap gocës. Familja janë dashuria e jetës. Në fund të ditës është ajo që lemë pas. Gjithçka bëjmë ne u trashëgohet atyre. Po dal në skenë!

I pari i cili çeli garën ishte Kelly.

Ke performuar dhe herë të tjera i pari?

Kelly: Po ka qenë parvjet. Ia kam marrë dorë. Dhe parvjet kam qenë i pari që kam hapur pikërisht natën e dytë. Besoj se Arditi ka besim tek unë që hap mbrëmje.

Më pas 11 këngëtarë big performuan suksesshëm, në skenë dhe ku rrëmbyen duartrokitjet e publikut. Baladat  dhe duetet ishin mjaft interesante, por nuk munguanm edhe ngjyrat festive në këngë. Mjaft interesante ishte gara edhe në kategorinë “New Artiste”. Bukuritë e Shqipërisë përmes klipeve të artisteve ishin një vlere e shtuar e promovimit të vendit tonë të mreklullueshëm nga Kënga Magjike.

Ardit Gjebra: Në fakt këtë ide e kemi patur prej kohësh por duhet të fillonim xhirimet shumë herët, ndërkohë që këngëtarët kanë programet e tyre dhe është shumë e vështirë që të gjesh një shumicë këngëtarësh disponibël me axhendat e tyre për t’i çuar kudo në Shqipëri. Na u desh të organizoheshim mirë, por për fat edhe këngëtarët na u treguan shumë disponibël.

Nuk mungoi edhe një sfilatë mjaft interesante nga stilisti Joni Peçi. Ndërsa performanca e Klaudia Pepës me balerinët e Madiaset ishte  forma e duhur për të përmbyllur gjysëmfinalen e dytë të Këngës Magjike. Tashmë spektatori në sallë dhe ai në shtëpi do mund të shijojë surpriza të mëdha në finale e madhe të edicionit të 20-të të Këngës Magjike mbrëmjen e së shtunës. Surpriza e parë u zbulua, do jenë edhe 4 prezantuese të tjera të edicioneve të kaluara krah Ardit Gjebreas. 20 finalistët që do të performojnë në skenën magjike  janë të zgjedhur nga  votat e 20 këngëtarëve./abcnews.al

NATA-E-DYTE-KENGA-MAGJIKE-1280x720.jpg
ent ela09:15 | 07/12/2018

Në Pallatin e Koncerteve është zhvilluar sonte nata e dytë e festivalit “Kënga Magjike”, që këtë vit ka edicionin e tij të 20-të. Sërish pati surpriza dhe emocione nga interpretuesit pjesëmarrës dhe nga spektakli i ofruar nga producenti dhe prezantuesi Ardit Gjebrea dhe dy partnerët e tij, Bora Zemani dhe Klaudia Pepa.

Gara e kësaj nate është hapur me Kelly-n, me këngën e tij “Fajin ma ka zemra”, për të vijuar me të tjerë këngëtarë të njohur si Rovena Dilo dhe Onati, grupi Alar Band, Klajdi Haruni, Fifi dhe MC Kresha, Robert Aliaj, Flor Mumajesi, Aurela Gace dhe Eli Fara etj.

Pas balerinës së njohur Klaudia Pepa, që performoi në natën e parë të Këngës Magjike, në natën e dytë ishte radha e prezantueses tjetër të festivalit, Bora Zemani për të kërcyer në skenën e këtij evenimenti të rëndësishëm muzikor, së bashku me trupën e Albi Nako Dance, nën ritme latine.

Në natën e dytë të Këngës Magjike u interpretuan 12 këngë nga këngëtarë Big dhe 13 të tjera nga këngëtarë të kategorisë New Artist.

Të shtunën, në natën finale të festivalit, në skenë do të ngjiten 20 këngë, të përzgjedhura nga dy netët e para. /abcnews.al

PRAPA-SKENAT-E-KENGES-MAGJIKE.mpg_snapshot_06.22-1280x720.jpg
G. P.18:15 | 06/12/2018

Përveç anës vezëllitëse dhe spektaklit të Këngës Magjike 2018, ju ftojmë të shihni anën tjetër atë të prapaskenës. Emocionet, ankthet dhe rrëfimet e artistëve rreth konkurrencës dhe garës. Flori Mumajesi rrëfen për herë të parë se kujt ia dedikon këngën.

Ankthi, emocioni, stresi, dëshira për të vezëlluar, apo për të shkëlqyer live janë më se të natyrshme për çdo pjesmarrës në një festival kaq të rëndësishëm si Kënga Magjike. Ka nga ata të cilët janë edhe sëmurë.

Era Rusi: “Më shumë ethe të skenës se sa të garës. Para se të hipi në skenë bëj vokalica, marr frymë thellë dhe dal.”

Klaudia Pepa: “Shumë e emocionuar jam në ankth.”

Ronela Hajati: “Mos vini re asgjë se çfarë them në këto momente. Kështu e kam gjithmonë para se të dal në skenë, kam shumë stres.”

Flori Mumajesi: “Nuk po plas, mirë jam. Kam ftohtë dhe jam me ilaçe.”

Aurela Gaçe: “Jemi veshur vetë.”

Anxhela Peristeri: “Ndjehem shumë mirë, i uroj të gjithëve suksese, shpresoj që ketë fatin tim.”

Klajdi Haruni: “Dua të këndojmë tani direkt, ja se s’jemi ngrohur tani akoma.”

-Si jeni ndjerë së bashku më kolegen tënde Bora?

Klaudia Pepa: “Ne jemi ndjerë shumë mirë me njëra-tjetrën.”

Bora Zemanie: “Jemi shumë të lumtura që jemi bashkë si fillim.”

Klaudia Pepa: “Dua të them edhe që Bora ka qenë shumë shumë e mirë me mua. Më ka dhënë shumë këshilla dhe ka qenë shumë e drejtë.”

Bora Zemani: “Të gjithë më pyesnin se si ndjehesh tani që Arditi nuk do të ketë vetëm ty në krah, por do të ketë edhe Klaudjan. I thashë që nuk e shoh Klaudjan si partneren e Arditit e shoh edhe si partneren time në këtë rast. Kështu që jemi bashkë të dyja.”

Klaudia Pepa: “Natën e dytë Lady Gaga dhe natën e tretë një këngë shumë të ndjerë italiane.”

Por çfarë ndodh pas kuintave, këngëtarët e natës së parë rrëfejnë emocionet dhe dedikimet e këngëve.

Ardit Cuni: “Nuk ka gjë më të bukur se sa të këndosh live, gjithashtu publiku e ka pritur shumë mirë këngën.”

-Vërtet një garë e fortë sivjet.

Ronela Hajati: “Po por unë jam më e mira.”

Anxhela Peristeri: “Mendoj që ka shumë këngë të bukura dhe sivjet dhe do të jetë një konkurrencë e fortë.”

-Mendon se do të fitojë baladë?

“Nuk e di, ka disa këngë që më pëlqejnë, kështu që nuk e di kujt t’ja ve gishtin.”

Por edhe këngëtarët që do të ngjiten natën e dytë janë prezentë, pasi ata do të vendosin me votën e tyre se kush do të kalojë në natën finale.

-Si u gjetën bashkë në këtë duet. Na pëlqen shumë fakti që dy këngëtare të njohura bashkojnë forcat dhe shpërthejnë skenën.

Aurela Gaçe: “Nuk jemi thjesht të gjetura tani, ne e kemi gjetur njëra-tjetrën.”

Eli Fara: “E kishim në mendje gjithmonë që të bënim një duet dhe qëlloi që ramë dakord dhe menduam që ta sjellim tek Kënga Magjike.”

Aurela Gaçe: “Dhe pikërisht në këtë lloj rryme, që njerëzit t’i mbyllin butonat e mërzisë nja 3 minuta. Imagjino po të kishim vendosur një për të qarë, do merrnin peshqirat në sallë.”

Klajdi Haruni: “Kam një ndjesi shumë shumë të mirë. Kam këngë të preferuar por ato do ti shpreh me votime.”

-Deri tani të kan thënë shumë miq për kë do të votosh?

“Jo jo nuk merrem me atë pjesë hiç. Do votoj me shpirt dhe atë që e meriton vërtet.”

Kantautori Flori Mumajesi sqaron polemikat rreth kujt ia dedikon këngën.

Flori Mumajesi: “I kam kënduar dashurisë, kështu do ti këndoj me mall me dashuri, me shpirt në duar.”

-Kënga jote ka zgjuar shumë kureshtje dhe polemika të pafundme, si do i zgjidhësh këto?

“Ditën e prezantimit të këngës e thashë shumë pastër, shumë sinqerisht që asgjë nga këto polemika që fatkeqësisht janë fake news që dalin lart e poshtë, nuk kanë të bëjnë fare me këngën, nuk kanë të bëjnë fare me mua, nuk kanë të bëjnë fare me shpirtin tim, me atë që unë ndjej, me atë që unë bëj.”

-Megjithatë ti vuan shumë, jo vetëm për vetë, por edhe për të tjerët në krijimet e tua muzikore.

“Jo, përkundrazi, unë mendoj që një copë nga shpirti im buron dhe shkon në dëgjimin e shumë njerëzve që bashkohen me atë shpirt dhe nuk lexojnë vuajtjen, por lexojnë dashurinë kam përshtypjen dhe unë mendoj që jap një pjesë të dashurisë, ndaj një pjesë të dashurisë timen me ta. Madje kam marrë dhe komente të tilla që njerëz që janë të dashururar e kanë ndjerë nevojën që bashkë me këtë këngën të kenë një dashuri dhe kanë vuajtur pa pasur nevojë që të kenë një rast ekstrem, në një ndarje apo një tragjedi në jetën e tyre. Kështu që mendoj se nuk është çështje vuan apo nuk vuan Flori.”

Juria e të rinjve është vënë në vështirësi nga konkurrenca e fortë.

-Ndjehesh i lumtur që ka kaq prurje të mira të zërave të rinj.

Armend Rexhepagiqi: “Pajtohem me konstatimin tënd. Ka prurje të mira ka zëra të mirë.”

Orinda Huta: “Emocioni i skenës së madhe i jep akoma dhe më shumë energji. Presim që të ketë akoma më shumë shpirt në këtë skenë dhe jam e lumtur që ka kaq shumë këngëtarë të rinj që i afrohen skenës së madhe. I uroj të gjithëve shumë suksese.”

Arben Skënderi: “20 vjetori i Këngës Magjike është vërtetë mishërimi i kësaj tribune. Është kthyer vërtetë tribunë të jo vetëm risive në muzikën e lehtë shqiptare, por dhe të promovimit të artistëve.”

Armend Rexhepagiqi kërkon që ata të guxojnë më shumë.

Armend Rexhepagiqi: “Unë do të doja edhe më shumë ta kishin. Unë do të doja të ishin edhe më radikalë edhe më të guximshëm edhe më të eksperimentojnë. Unë gjithmonë dua më shumë”

Por ata na rrëfejnë edhe preferencat.

Armend Rexhepagiqi: “Këtë vit më duket se ka këngë jashtëzakonisht të mira. Fituesi është i pasigurtë dhe kjo mua më kënaq. Me duket se kjo suspancë është gjithmonë e bukur në çdo festival kur ka rivalitete të forta. Por gjithmonë personalitetet e forta krijojnë këngë të mëdha dhe bëjnë festivale të mëdha. Kam përshtypjen se këtë vit kemi disa perla muzikore që do garojnë me njëri-tjetrin.”

-A ke një të preferuar?

Armend Rexhepagiqi: “Po, e kam thënë gjithnjë haptaz, Fifi dhe McKresha. Ndoshta sepse dhe vetë psikopat.”

Arben Skënderi: “Nga këngët e big-ëve më ka befasuar dje në prova, nuk e kisha dëgjuar dje në prova, kënga e Florit. M’u duk sikur ai ka arritur moshën e pjekurisë në krijimtari dhe të të kënduarit si kantautor.”

Armend Rexhepagiqi: “Ishte një interpretim brilant.”

Orinda Huta: “Ja dhanë dhe këta çmimin e parë.”

Armend Rexhepagiqi: “Unë mbes tek Fifi, vetëm lavdërova që ishte një interpretim brilant.”/abcnews.al

NATA-E-PARE-KENGA-MAGJIKE-1280x709.jpg
ent ela14:41 | 06/12/2018

Në një skenë madhështore dhe një formë të veçantë nisi mbrëmjen e së mërkurë nata e parë e edicionit të 20 të kënges magjike.  11 këngëtarë big dhe 13 new artist performuan Live në Pallatin e Koncerteve.  Ardit Gjebrea në këtë edicion u shoqërua në prezantim nga  Bora Zemani dhe Klaudia Pepa.

Edicioni i 20-të, i festivalit “Kënga Magjike” 2018 ngre siparin me një gjetje mjaft interesante . Pa një sigël hyrëse Ardit Gjebrea në gjysëm errësirë pyeti një vajzë për emrin dhe ditëlindjen që përkonte saktësisht me edicionin e parë të “Këngës Magjike dhe kështu përmes 20 personazheve u rrëfye 2 dekada të festivalit më të rëndësishëm të muzikës moderne shqiptare.

Ardit Gjebrea u shfaq me dy prezantueset Bora Zemani dhe Kaludia Pepa secila me shoqëruesit specifik të tyre .

Anxhela Peristeri fituesja e një viti me parë këndoi e para. Gjatë mbrëmjes së gjatë plot surpriza në skenë interpretuan  11 këngëtarë të kategorisë Neë Artists dhe 13 artistë të kategorisë Big.

Klaudia Pepa ndezi skenen me interpretimin e saj shoqëruar nga 12, balerinët e Media Set.

Në natën e dytë do të interpretojnë plot 12 këngëtarë big dhe 13 neë artist. Ndërkohë që në finalen e madhe do të performojnë vetëm 20 këngëtarë. Finalja e madhe do të jete e mbushur me surpriza dhe të ftuar specialë.

Festivali “Kënga Magjike 2018” u transmetua drejtprdrejt në Televizionin Kombëtar  Klan, në Klan Maqedonia, si dhe në Kosovë.

Por për herë të parë përmes një platforme dixhitale Livestrem, çdo shikues mund ta shikonte live  Këngën Magjike si në sallë. Për herë të parë edhe publiku në salle votoi për kategorinë New Artist. /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono