kembesoret

KEMBESORET-NUK-RESPEKTOJN-SINJALISTIKEN.mpg_snapshot_00.02-1280x720.jpg
ent ela14:15 | 01/06/2019

Mosrespektimi i sinjalistikës rrugore nga ana e këmbësorëve siç janë semaforët apo vizat e bardha, sipas ekspertëve janë bërë shpesh shkak për aksidente të rënda. Më tej ekspertët rrugorë theksojnë se ndërgjegjësimi dhe disiplina e këmbësorëve është shumë e rëndësishme për të shmangur çdo aksident të mundshëm.

Nëse deri më tani kemi kritikuar sjelljen e drejtuesve të automjeteve, sipas ekspertëve edhe ajo e këmbësorëve lë shumë për të dëshiruar, madje shpesh bëhet shkak edhe për aksidente.

Siç shihet dhe nga pamjet edhe sipas ekspertëve rrugorë në shumë raste këmbësorët nuk respektojnë sinjalistikën përkatëse siç janë semaforët apo vizat e bardha, ç’ka përbën rrezik serioz për aksidente

Sipas ekspertit Hasho, problem shumë i madh është edhe kalimi i këmbësorëve vend e pavend nëpër qytet apo edhe në rrugët interurbane siç është ajo Tiranë-Durrës.

Ekspertët theksojnë se për të shmangur aksidentët e mundshme dhe fatale, këmbësorët duhet të jenë më të përgjegjshëm, të respektojnë semaforët dhe vizat e bardha nëpër qytet, po ashtu duhet të përdorin mbikalimet përkatëse në rrugët interurbane. /ABC News Albania 24/7

 

gjoba-kembesoreve.jpg
nev ila13:40 | 18/05/2019

Në New York do të gjobiten këmbësoret që kalojnë rrugën duke përdorur celularin.

New Jork përgatitet të gjobisë këmbësorët që kalojnë rrugën duke shkruar në celular apo duke kontrolluar e-mailin. Masa është prezantuar në senatin e shtetit të New Yorkut dhe nëse do të miratohet rrezikohen gjoba nga 25 deri në 250 dollarë për shkelje rregullash.

Parashikohen vetëm përjashtime të rralla, si për shembull për mjekët. Vetëm në shtetin e New Jorkut mbeten të vrarë në aksidente të ndryshme të paktën 300 këmbësorë./ABC News Albania 24/7

VELIAJ-KALAJA-E-TIRANES.mpg_snapshot_00.04-1280x720.jpg
ad min16:39 | 22/12/2018

Kalaja e Tiranës është kthyer në një tjetër hapësirë për turizëm. Kryetari i Bashkisë Erion Veliaj e cilësoi këtë një histori sukesi, ndërsa deklaroi se ata që luftuan projektin duhet të vijnë ta shohin.

Kalaja e Tiranës ka rihapur dyert për qytetarët dhe turistët. Në këtë hapësirë ku e vjetra ndërthuret me modernen tashmë mund të gjesh mozaike, restorante tradicionale dhe dyqane suveniresh. Kryetari i Bashkisë Erion Veliaj dhe Ministrja e Kulturës Mirela Kumbaro, vizituan mjediset e rehabilituara të Kalasë.

Erion Veliaj, kryetar i Bashkisë së Tiranës: “Jam i sigurt se do të kthehet në një destinacion, do të jetë ndoshta një nga vendet më të vizituara. Nëse vazhdojmë me këtë frymë, ku përtej ndasive themi – a ka disa gjëra që biem dakord, se si mund të ecim përpara – jam i bindur se edhe skeptikët, edhe ata që e luftuan këtë projekt e çfarë nuk sajuan, duhet të vijnë ta shohin. Duhet të kuptojnë se si ne shqiptarët, sa zihemi e grindemi, aq edhe bëjmë gjëra të mrekullueshme kur vendosim të bashkëpunojmë dhe kur vendosim të ecim përpara për ta zhvilluar këtë qytet”.

Rehabilitimi i zonës së Kalasë së Tiranës sipas kryebashkiakut Veliaj do të sjellë një impakt pozitiv në ekonominë e qytetit, duke hapur vende të reja pune. Për ta bërë më të aksesueshme këtë zonë Veliaj tregoi se do të ndërtohet edhe një rrugë e re per këmbësorët që do të lidhë këtë zonë me Unazën dhe rrugën e “Elbasanit”.

“Në fakt, edhe nga pedonalja “Murat Toptani”, por edhe nga Unaza, midis BKT-së dhe SHQUP-it, do të ketë një rrugicë; pra, do të thotë që njerëzit mund ta përshkojnë këtë hapësirë, edhe në një farë mënyrë për të gjithë ata që janë pedonale, dhe që ecin në këmbë do të lidhim dy cepa të qytetit, nuk ka më nevojë të dilni në bulevard ose rrugën “Xhorxh Bush”. Është edhe pak moment për të reflektuar për çfarë zihemi ne shqiptarët, për çfarë harxhojmë kohë, debate, për çfarë i hedhim duart në fyt njeri-tjetrit, për çfarë u vëmë njerëzve stërkëmbësha, për parti. Në vitin 2018 zihemi për ideal të partisë – ky i kuq, Toptanët blu, këta kështu, ata ashtu. A ia vlen që të sillemi si tifozë histerikë për parti, që njëherë në katër vjet votojmë kush e bën më mirë këtë punë dhe a është sot koha që të bashkohemi si tirons, si shqiptarë, si europianë për të thënë: Po bën një gjë të mirë, o burra ta ndihmojmë të gjithë sepse duke siguruar një hapësirë këtu ku ka ekonomi, ku lëvizin paratë, ku punësohen njerëz, ku paguhen taksa, ku merr vlerë prona, i gjithë qyteti bëhet më i mirë”.

Me përfundimin e rehabilitimit të Kalasë do të nisë puna për rregullimin e pedonales “Murat Toptani”. Këtë investim Bashkia e Tiranës e ka parashikuar në buxhetin e vitit të ardhshëm./abcnews.al

ZAPTOHEN-TROTUARET-NE-LEZHE_ABC-M2-T1.mpg_snapshot_00.52-1280x707.jpg
ad min15:22 | 11/11/2018

Në Lezhë këmbësorët nuk kanë asnjë shans të lëvizin në trotuare apo në hapësirat e përcaktuara për ta. Automjetet parkojnë ku të munden dhe për këtë Policia Bashkiake njofton se po ndërmerr një aksion që do mund të normalizojë situatën.

Me karrocën e fëmijës ecën në mes të rrugës. Në trotuar nuk ka vend për të. Këmbësorët dhe makinat kanë këmbyer pozicionet në Lezhë. Trotuarët janë zaptuar nga automjetet. Ky është problem që identifikohet kryesisht në qender të qytetit. Të moshuar e fëmijë lëvizin aty ku të gjejnë hapësirë.

Qytetari 1: “Nga të gjejmë shtigje për të kaluar.”

Qytetari 2: “Unë me fëmijën në trotuar, por edhe në trotuar ke frikë nga makinat.”

Policia bashkiake thotë se ka nisur një aksion për të çliruar çdo hapësirë publike. Prioritet duket se kanë abuzimet me ambjentet e këmbësore.

Leonard Pali, Drejtor i Policisë Bashkiake Lezhë: “Ky aksion do të vazhdojë çdo ditë, do të ketë monitorime çdo ditë nga policia bashkiake.”

Makinat mbi trotuar nuk është problem i ri në Lezhë. Në vite kjo praktikë ndiqet pa kokëçarje nga drejtuesit./abcnews.al

korsite.png
ad min19:55 | 01/10/2018

Nëse deri më dje ankoheshim se nuk ka korsi të mjaftueshme për biçikletat në kryeqytet, sot i kemi por nuk respektojmë hapsirën për përdoruesit e tyre. Kamera e ABC News bëri një vëzhgim lidhur me problematikën nga ku vumë re se korsitë e biçikletave në rrugën e Kavajës dhe në bulevardin Zogu i parë janë të zaptuara nga këmbësorët, të cilët ecin qetësisht, ç’ka e bën më të komplikuar udhëtimin me biçikletë nëpër Tiranë.

Shpesh trafiku i rënduar i makinave në kryeqytet detyron shumë qytetarë ta shmangin atë duke përdorur biçikletat. Edhe pse korsitë e dedikuara për ata që duan të pedalojnë po shtohen në Tiranë, duket se në shumë raste kemi të bëjmë me një mision të vështirë pasi këmbësorët kthehen në pengesë të madhe duke zaptuar korsinë e biçikletave.

Kjo problematikë haset më shumë në korsitë pranë rrugës së Kavajës dhe bulevardit Zogu i parë. Pavarësisht sinjalistikës e cila tregon mjaft qartë se nuk lejohet kalimi i këmbësorëve, por vetëm i biçikletave, qytetarët duket se vazhdojnë ta shpërfillin sinjalistikën përkatëse dhe të ecin të qetë në korsinë që nuk u përket atyre.

Jashtë kameras një pjesë e atyre që përdorin biçikletën në Tiranë shprehen mjaft të indinjuar dhe theksojnë se ka pasur edhe raste ku janë gjendur pranë incidenteve të ndryshme e për pasojë për t’i shmangur ato janë detyruar të kalojnë në korsitë e automjeteve duke rrezikuar edhe jetën e tyre.

Nga ana tjetër një pjesë e qytetarëve janë të ndërgjegjshëm se ata nuk duhet të kalojnë në korsitë e dedikuara për biçikletat, por shprehen jashtë kameras se u duket diçka më praktike se sa ecja në trotuar./abcnews.al

policia-e-shtetit.jpg
ad min22:01 | 24/08/2018

Policia e Shtetit, përmes një njoftimi për media deklaron se kontrollet e trafikut në kryeqytet, të fokusuara tek sjellja e drejtuesve të mjeteve, kane rezultuar në shumë masa administrative të dhëna për shkak të mos respektimit të përparësisë së këmbësorëve aty ku sinjalistika e detyron.

Policia e shtetit përmes një njoftimi për media njofton se kontrollet në funksion të Planit Operacional të quajtur “Tispol Gusht 2018” po vijojnë në kryeqytet të përqendruara në mënyrën e sjelljes së drejtuesve të mjeteve në rrethrrotullim dhe përparësitë ndaj këmbësorëve.
Këto kontrolle janë përqëndruar në rrugët dhe rrethrrotullimet që evidentohen si zona me trafik të rënduar.

Nga verifikimet identifikohen një numër i lartë drejtuesish të automjeteve të cilët neglizhojnë detyrimin për të dhënë përparësi në rrethrrotullim apo vendkalim këmbësorësh, duke u bërë shkak për trafik të rënduar dhe rrezik për aksidente rrugore. Pamjet nga vëzhgimi i policisë rrugore, ilustrojnë 78 masat administrative të vendosura në dy orë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono