Kelmend Xhaferri

elbasani.jpg
ad min22:25 | 23/01/2019

Një vit e gjysmë pas ngjarjes së ndodhur në Elbasan, ku një makinë tentoi të godiste një grup efektivësh të policisë lokale ndërsa ishin në aksion, Prokuroria e Krimeve të Rënda mbyll hetimet dhe çon para drejtësisë tre persona të akuzuar për “vrasje së punonjësve të Policisë së Shtetit” mbetur në tentativë. 

Prokuroria për Krime të Rënda mbylli hetimet lidhur me sulmin e kryer ndaj një grupi efektivësh të Policisë së Shtetit në Shtator të 2017, në hyrje të tregut Agroushqimor në Elbasan. Në përfundim të këtyre hetimeve tre persona janë dërguar në gjyq me akuzën e “vrasjes së punonjësve të Policisë së Shtetit” mbetur në tentativë e kryer në bashkëpunim.

Para drejtësisë do dalin Enea Bekteshi, Kelmend Xhaferri dhe Suel Çela, i cili vijon të jetë person në kërkim. Ngjarja për të cilën do të dalin para drejtësisë Bekteshi, Xhaferri dhe Çela ndodhi në 18 Shtator të 2017, kur pas një sinjalizimi të marrë nga një qytetar i frikësuar nga dy automjete në tunelin e rrugës Tiranë-Elbasan, policia lokale ka dalë në një aksion.

Pikërisht në rrugën para tregut Agroushqimor, punonjësit e policisë konstatuan në lëvizje në kah të kundërt me ata, një automjet Range Rover të cilit i bënë shenjë të ndalonte. Sipas prokurorisë pikërisht në atëmoment nga krahu i pasagjerit zbriti një person me një radiomarrëse në dorë, të cilën tentoi t’ja linte rojës së tregut.

Më pas, makina hyri brenda tregut dhe dera e jashtme u mbyll me shpejtësi. Nga verifikimet rezultoi se automjeti ndodhej në pronësi të biznesmenit Petrit Çela dhe personat që udhëtonin në të u identifikuan si Ledio Zabeli dhe Endri Çopja.

Pikërisht kur policia po tentonte shoqërimin në polici të personave që ishin me fuoristradë, një mjet tjetër ka mbërritur me shpejtësi mes makinave të policisë, duke goditur njërën prej tyre. Nga hetimet e prokurorisë, rezulton se në drejtim të këtij mjeti ishte Suel Çela. Këto veprime, sipas prokurorisë, vunë në rrezik jetën e oficerëve të policisë, mes të cilëve dhe të nëndrejtorit të policisë asaj kohe Gjergj Oshafit./abcnews.al

makina-e-policise-elbasan.jpg
ad min15:05 | 22/09/2017

Gjykata për Krimet e Rënda caktoi masat e sigurisë për tre personat e arrestuar të martën në Elbasan. Ata u prangosën nga operacioni policor për verifikimin e mjeteve luksoze, për shkak të episodit ku mjeti i zv.drejtorit të Policisë së Elbasanit, u godit nga një “Audi” e blinduar. Gjykata vendosi lënien në burg për dy prej tyre, ndërsa liroi të tretin.
Dy persona do të qëndrojnë në qeli, ndërsa një i tretë do hetohet në masën “arrest shtëpie” për llogari të episodit të të martës në Elbasan, ku automjeti i nëndrejtorit të Policisë së këtij qarku u godit nga një “Audi” e blinduar. Goditja ndodhi kur policia po shoqëronte një mjet “Range Rover” për verifikim.

Masat e sigurisë ndaj tyre u shpallën paraditen e së premtes në Gjykatën për Krimet e Rënda. Procedimi i tyrë është i lidhur me hetimin e nisur për vrasje të punonjësit të policisë, , mbetur në tentativë.

Me kërkesë të prokurorisë, togat e zeza të krimeve vendosën masën “arrest në burg” për Ledio Zabelin, i dyshuar për “prodhim e shitje të narkotikëve”. E njëjta masë sigurie u dha për Valmir Dedjen. Ai akuzohet për kundërshtimin e urdhrit të policisë për hapjen e portave të një ambienti ku u fut “Audi” i blinduar pasi goditi policinë.
Për Kelmend Xhaferrin, drejtuesin e mjetiti “Range Rover”, gjykata vlerësoi të paligjshëm arrestin e tij në flagrancës dhe caktoi për masën “arrest në shtëpi”.
Burime të “ABCneës” pohuan se i vetmi pohim i tyre ka qenë “jam dakord me avokatin”. Me herët përfaqësuesi i mbrojtjes i ka kërkuar gjykatës lirimin e tyre. Avokati ka pretenduar se prokuroria nuk ka prova të mjaftueshme për mbajtjen e tyre në qeli.
Përplasje e mjetit të nëndrejtorit të Policisë së Elbasanit, Gjergji Oshafi, ndodhi në lagjen “Dyli Haxhire”, gjatë një operacioni policor për verifikimin e mjeteve luksoze apo të dyshuara të trafikuara.
Në lidhje me ngjaren policia ka shpallur në kërkim pronarin e Tregut Ushqimor të Elbasanit, biznesmenin Petrit Çela.

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono