ke

kocijancic.jpg
ad min22:36 | 10/06/2019

Brukseli zyrtar ka reaguar të hënën në lidhje me zhvillimet e fundit politike në Shqipëri, duke u bërë thirrje institucioneve që ta zgjidhin situatën në bazë të ligjit dhe t’u garantojnë qytetarëve të drejtën e votës.

Zëdhënësja e shefes së Politikës së Jashtme të BE, Maja Koçijançiç në një reagim lidhur me situatën në Shqipëri ka deklaruar se është e nevojshme që qytetarëve shqiptarë t’u garantohet e drejta e votës. Duke iu përgjigjur interesit të ABC News, Koçijançiç është shprehur se vendimet e partive të opozitës, fillimisht për të djegur mandatet dhe më pas për të mos hyrë në zgjedhje dëmtojnë Shqipërinë.

“Kjo ka qenë një zgjedhje e qëllimshme e partive opozitare, përfaqësuesit e të cilave janë zëvendësuar në Parlament, institucion që funksionon plotësisht. Tani është thelbësore që të ruhet e drejta kushtetuese e qytetarëve shqiptarë për të votuar në zgjedhjet lokale dhe për të siguruar vazhdimësinë e qeverisjes lokale”, ka thënë Koçijançiç.

Duke theksuar se Brukseli po i ndjek me vëmendje zhvillimet në vendin tonë, zëdhënësja e Federica Mogherinit ka shtuar se, institucionet shqiptare duhet t’i trajtojnë problemet e krijuara në përputhje me ligjet dhe normat juridike, si dhe në respekt të plotë të parimeve kushtetuese e demokratike.

“Ne përsërisim thirrjen tonë për të gjitha palët që të angazhohen urgjentisht në një dialog konstruktiv për të kapërcyer situatën aktuale politike”, ka shtuar Koçijançiç./ABC News Albania 24/7

bee.jpg
ad min15:17 | 03/06/2019

Është konfirmuar zyrtarisht nga Komisioni Evropian kërkesa që i ka drejtuar Holanda për pezullimin e vizave me Shqipërinë. Kjo është hera e parë që Komisioni Evropian merr njoftim nga një shtet anëtar i Bashkimit Evropian lidhur me nevojën e aktivizimit të këtij mekanizmi.

Komisioni Evropian konfirmon marrjen e njoftimit zyrtar nga Holanda lidhur me kërkesën për të aktivizuar pezullimin e lëvizjes së lirë afatshkurtër për qytetarët shqiptarë në zonën Shengen, i njohur ndryshe si mekanizmi pezullues i vizave. Kjo është konfirmuar në konferencën e përditshme për shtyp të Komisionit Evropian në përgjigje të pyetjes së ABC News.

“Ne konfirmojmë që kemi marrë njoftimin e Holandës për Shqipërinë lidhur me aktivizimin e mekanizmit të pezullimit së vizave. Komisioni tani do të shqyrtojë me kujdes brendësinë e njoftimit bazuar në të dhënat e paraqitura dhe rrethanat specifike. Hapi i ardhshëm i yni është të informojë Parlamentin Europian dhe Këshillin Evropian për këtë njoftim dhe të shqyrtojmë njoftimin. Sigurisht që vendimi për pezullimin e lëvizjes së lirë nuk mund të merret lehtësisht dhe çdo hap drejt aktivizimit të këtij mekanizmi do t’i nënshtrohet një analize dhe shqyrtimi shumë të kujdesshëm, kryesisht lidhur me marrjen në konsideratë të kritereve të përfshira në këtë procedurë”, tha Natasha Bertaud, zëdhënëse e KE-së.

Komisioni Evropian ka një muaj për shqyrtimin e njoftimit dhe pastaj do të njoftojë Parlamentin Evropian dhe Këshillin e Ministrave, nëse do të ketë aksione specifike që duhet të ndërmerren nga autoritetet shqiptare,

“Sipas procedurës dhe rregullave, nëse rrethanat kërkojë marrjen e masave specifike dhe pa paragjykuar nëse do të ketë të tilla, Komisioni duhet tê adoptojë një akt zbatimi brenda një muaji dhe ky akt zbatimi duhet tê aprovohet nga Këshilli i Ministrave të BE-së”, tha Bertaud.

Kjo është hera e parë që Komisioni Evropian merr njoftim nga një shtet anëtar i Bashkimit Europian lidhur me nevojën e aktivizimit të mekanizmit të pezullimit të lëvizjes së lirë afatshkurtër. /ABC News Albania 24/7

SORECAA-PLANE-XHEVI.mpg_snapshot_01.04-1280x720.jpg
ent ela11:50 | 30/05/2019

Një ditë pas prezantimit nga Komisioni Europian të progres – raportit për Shqipërinë për vitin 2018, ambasadori i BE në Tiranë Luigi Soreca ia dorëzoi sot këtë dokument të rëndësishëm kreut të Kuvendit të Shqipërisë Gramoz Ruçi.

“Vendi ka bërë ecuri domethënëse dhe ne besojmë se në këtë raport njihen e vlerësohen të gjitha këto arritje”-u shpreh Ambasadori Soreca. Sipas tij, reforma në drejtësi dhe rezultatet e saj janë arsyeja kryesore e rekomandimit pozitiv dhe pa kushte për Shqipërinë.

Po ashtu zyrtari i Brukselit i dorëzoi edhe Komisionit Parlamentar të Integrimit raportin e progresit që i rekomandon Këshillit Europian hapjen e negociatave pa kushte për Shqipërinë. Para kryetares së këtij komisioni, deputetes demokrate Rudina Hajdari dhe deputetëve të tjerë në komisionin e Integrimit, ambasadori Soreca përseriti apelin për bashkëpunim mes palëve.

“Duhet të tejkalohen ndasitë dhe të mendohet për një drejtim të përbashkët për integrimin”- u shpreh ambasadori i BE gjatë fjalës së shkurtër në Komision.

“Ndërkohë duhet punë me shtetet anëtare të BE për të shpjeguar progresin e bërë, por edhe të bindim shtetet skeptike për perspektivën evropiane të Shqipërisë”– tha ambasadori Soreca.

“Duhet të tejkalohen ndasitë dhe të mendohet për një drejtim të përbashkët për integrimin” u shpreh ambasadori i BE-së gjatë fjalës së shkurtër në komision.

“Ndërkohë duhet punë me shtetet anëtare të BE për të shpjeguar progresin e bërë, por edhe të bindim shtetet skeptike për perspektivën evropiane të Shqipërisë”– tha ambasadori Soreka. /ABC News Albania 24/7

1559202465_cakaj.jpg
ad min10:15 | 30/05/2019

Pas rekomandimit pozitiv të Komisionit Evropian  për çeljen e negociatave, ministri i Jashtëm në detyrë, Gent Cakaj ka dalë në një konferencë për mediat. Ai u ka bërë thirrje grupeve politike në vend që të mos merren me polemika shterpe, por të bëhen të gjithë bashkë për integrimin e Shqipërisë në BE.

“Interesi i integrimit evropian duhet të tejkalojë çdo dallim partiak dhe çdo marrëdhënie pozitë opozitë. Prandaj në vend të polemikave shterpe që nxisin luftë interpretimesh pa përmbajtje, ka ardhur koha e dialogut të brendshëm e komunikim aktiv me vendet anëtare. Jo vetëm që bashkërisht jemi më bindës sepse jemi më të fortë, por jemi edhe më evropianë brenda sepse jemi ën vendin që asnjëherë nuk ka prodhuar euro- skepticizëm masiv dhe po jemi edhe më shqiptarë jashtë sepse flasim me një zë për vendin që duam dhe për të cilën angazhohemi përulësisht. Raporti i KE nuk është vetëm një moment i ri ndërkombëtar për Shqipërinë sepse krijon kushte teknike për hapjen e negociatave, por është edhe një shans për grupet politike në Shqipëri për të reflektuar për rrugëtimin Evropian të saj. Sfida jonë është shndërrimi i vlerësimit teknik të komisionit në vullnet politik të Këshillit. Kjo kërkon punë e pakursyer të qeverisë dhe të gjithsecilit”, tha ministri. 

Më tej ministri i Jashtëm në detyre Cakaj, theksoi se Shqipëria është një rast shembullor dhe këtë e ka dëshmuar falë reformës së bërë në radhë të gjyqtarëve dhe prokurorëve.

“Për të merituar çeljen pa kushte të negociatave, nuk është thjesht përsëritje të vitit të kaluar. Raporti i ri është dëshmi e sukseseve të reja, dëshmia e përmbushjes së të gjithë rekomandimeve të KE. Në mënyrë kompetente aq sa voluminoze në një vlerësim milimetrit, KE ka vlerësuar evoluimin në kohë të Shqipërisë. Cilësi dhe entuziazëm shtesë të institucioneve në rrugën e BE. Nuk është thjeshtë “po” çështja kryesore, por edhe vetë mënyra se si janë paraqitur argumentet. Shqipëria rast shembullor i transformimit të sistemit te drejtësisë dhe vlerësimin e gjyqtarëve dhe prokurorëve. Duke konsideruar numrin e konsiderueshëm të prokurorëve, raporti vlerëson lartë faktin se gjithë kjo punë është kryer nën monitorimin e OMN. Ka një vlerësim ndërkombëtar se si është bërë Reforma në Drejtësi, për shkak të pastrimit të tij, vendi ka ngritur dhe institucionet gjyqësore. Raporti konfirmon përpjekjen e qeverisë për të luftuar krimin e organizuar”./abcnews.al

edi-rama-soreca.jpg
ad min18:27 | 29/05/2019

Shqipëria dhe Bashkimi Evropian duken të bashkuar në këtë ditë. Kjo shihet nga mesazhet përtej ekranit, por edhe nga komunikimi jo publik i ambasadorit Luigi Soreca dhe kryeministrit Edi Rama.

Kanë një takim së bashku. Ambasadori i delegacionit evropian në Tiranë e përshkon rrugën drejt kryeministrisë për t’i dorëzuar të njëjtën përgjigje që i dhanë edhe një vit më parë, rekomandojnë çeljen e negociatave të Shqipërisë me Bashkimin Evropian.

Siç e kërkon protokolli, ambasadori i delegacionit Evropian të Shqipërisë Luigi Soreca ia jep në duar kryeministrit Edi Rama progres-raportin e bërë publik nga Komisioni Evropian. Në fillim të fjalës folën me optimizëm për gjysmën plotë të gotës.

“Vettingu ka ecur përpara, ka avancuar duke nxjerrë në më shumë se 140 vendime”, tha Soreca.

“E pres me kuriozitet vendimin ku do i kërkohet vendeve të tjera të rajonit edhe atyre që po negociojnbë që të bëjnë po të njëjtën gjë. Që të bëjnë Vettingun e të gjithë gjykatësve dhe prokurorëve ama me monitorim ndërkombëtar kushtetuese ditën kur një vend tjetër do ta fusë në Kushteutë ONM më lajmëroni që do jetë një ditë e bukur për mua”, tha Rama.

Pa harruar se ka edhe një gjysmë bosh që duhet mbushur me progresin që i kërkohet Shqipërisë të arrijë.

“Nevoja për një konsensus kombëtar për prioritetin madhor të integrimit evropian duke tejkaluar kështu polarizimin dhe duke treguar vullnet politik të fortë për të kaluar përtej ndasive partiake”, tha Soreca.

“Por unë mendoj që me ndihmën e opozitës rrugore ne mund t’ia dalim plotësisht”, tha kryeministri.

Kryeministri Rama është i vetëdijshëm se hapi i radhës drejt çeljes së negociatave nuk është i lehtë, pasi vlerësimi nuk është më teknik, por politik. Dhe këtu i duhet të thyejë rregullin e tij që të flasë në gjuhë të huaj për opozitën.

“Përkthyesi të mos përkthejë nga unë në gjuhë të huaj për opozitën, ama një gjë është e sigurtë nga raporti dhe këtë e kam apel për Lulzim Bashën dhe për atë pjesë të opozitës që është rrugëve deri në momentin e vendimmarrjes nga KiE është mirë që të mendojmë për Shqipërinë jo për partinë”, tha Rama.

E ka ftuar 6 herë për të dialoguar nëpërmjet letrave publike, nuk mohon se do ta vazhdojë këtë mënyrë komunikimi virtual.

“Thonë nuk ka 6 pa 7 dhe nuk e di por mbase do të ketë dhe një të shtatë”, tha Rama.

Një falenderim i dërgon presidentit Ilir Meta për dëshirën e shprehur për t’i ulur në tryezë palët kundërshtare, por i kërkon të mos sakrifikojë veten për shtyrje të zgjedhjeve sepse nuk do të ketë.

“Ne nuk kemi datë për të negociuar dhe nuk kemi Kushtetutë për të anashkaluar”, tha Rama.

E për t’u rikthyer tek tema e ditës, kryeministri Rama ka nxjerrë disa konkluzione mbi shkaqet që kanë vonuar çeljen e negociatave.

“Nëse opozita rrugore do të ndalonte dhe të mrrte frymë dthellë dhe t’i jepte një shans Shqipërisë, 1005 Shqipëria do të hapte negociatat. I vetmi element i panjohur në këtë ekuacion është opozita në rrugë”, tha Rama.

I druhet opozitës jashtë parlamentit se do të bëjë çmos që disa vendeve të Bashkimit Evropian të mos i lejojë të ngrenë dorën në qershor për t’i thënë po çeljes së negociatave me Shqipërinë./ABC News Albania 24/7

cakaj-1280x716.jpg
ad min15:10 | 29/05/2019

Raporti i Komisionit Evropian është i qartë si kristali- shkruan ministri në detyrë për Evropën dhe punët e jashtme Gent Cakaj. Shqipëria ka shënuar progresin e nevojshëm për hapjen e negociatave për anëtarësim në Bashkimin Evropian. Tani është koha e bashkëpunimit ndërpartiak në shërbim të integrimit dhe angazhimit maksimal politik për ti shpalosur domosdoshmërinë hapjes së negociatave Evropës.- shkeuna në tëitter ministri në detyrë Cakaj sipas të cilit -Vlerësimi teknik i Komisionit duhet të shndrrohet në vullnet politik të Këshillit dhe Shqipërisë duhet ti hapen negociatat menjëherë./ABC News Albania 24/7

Rama-1280x739.jpg
ent ela12:41 | 29/05/2019

Kryeministri Edi Rama ka reaguar në rrjetet sociale pas publikimit të raportit të Komisionit Evropian.

“Rekomandimi pozitiv pa kushte i Komisionit Europian për çeljen zyrtare të negociatave për anëtarësim të Shqipërisë me Bashkimin Europian, konfirmon se Shqipëria i ka kryer me sukses detyrat e shtëpisë në këtë proces”– shkruan kreu i qeverisë, i cili njofton se në orën 15.00 do të ketë një komunikim të përbashkët publik me ambasadorin e Bashkimit Evropian Luixhi Soreka. /ABC News Albania 24/7

president-i-ri-1280x809.jpg
ad min13:30 | 28/05/2019

Pas frenimit të valës populiste, të mërkurën nisin negociatat për emrin e presidentit të ri të komisionit evropian. Një rol të rëndësishëm në këtë proces do të kenë liberalët.

Pas numërimit të votave, është momenti i bilancit për të matur marrëdhëniet e forcës që do të jenë vendimtarë për të përcaktuar se kush do të drejtojë ekzekutivin evropian, por sidomos me çfarë programi. Një dhënë është e sigurt: vala populiste nuk ndodhi. Suksesi i parë i Evropës ishte pjesëmarrja rekord në votime, për herë të parë numri i votuesve shënoi rritje që nga 1979. Kutive të votimit iu drejtuan 50.94% e zgjedhësve – rezultati më i mirë në 20 vjet. Një sinjal I madh për besimin në Bashkimin Europian, komentoi holandezi Frans Timmermans, kandidat  i socialistëve në drejtimin e Komisionit Europian. Margrete Vestager, kandidate e liberalëve për ekzekutivin bëri apel për frenim të entuziazmit sepse në pjesëmarrje u regjistruan ndryshime të mëdha: u kalua nga 60 për qind të Gjermanisë në 28 për qind të Sllovenisë. Kjo sipas saj tregon se sa punë duhet bërë ende, dhe se njerëzve u duhet shpjeguar se cfarë bën Bashkimi evropian në mënyrë të veçantë në ato vende ku pjesëmarrja në zgjedhje ishte sërish e vogël.

Qytetarët evropianë votuan kryesisht në favor të partive që mbështesin projektin evropian por jo domosdoshmërish në favor të politikave evropiane të shprehura vitet e fundit.

Një gjë e tillë ishte e dukshme në Greqi, ku pas viteve të tëra shkurtimesh në shpenzimet publike të vendosura nga Bashkimi Evropian e të implementuara nga ALeksis Tsipras, partia e tij Syriza u la prapa me dhjetë pikë nga qendra e djathtë e demokracisë së re e cila mori 33% të votave. Suksesi i papritur i të gjelbërve në Gjermani – ku ekologjistët tashmë janë forca e dytë politike në vend dhe në Francë – ku janë të tretat, tregon një kujdes të veçantë të opinionit publik për politikat e zhvillimit më të qëndrueshme. Të gjithë kandidatët për presidencën e komisionit evropian nga Timmermans tek Ueber dhe Vestager, kanë premtuar politika kundër ndryshimeve klimaterike

Por nga cila mazhorancë do të mbështetet komisioni i ri evropian? Vota e të dielës së kaluar penalizmi familjet mëdha politike me qendrën e djathtë e cila mori 180 vende, rreth 25 për qind më pak, sidomos për shkak të rënies së partisë CDU të Merkel, dhe socialistët që humbasin terren po arrijnë të mbajnë 146 vende sidomos falë suksesit të Pedro Sanchez në Spanjë dhe Timmermans në Holandë. Për të zgjedhur presidentin e Komisionit Evropian duhet vota e të paktën 376 deputetëve. Kandidati i qendrës së djathtë, Manfred Ueber, i bëri apel socialistëve, liberalëve dhe të gjelbërve që të formojnë një mazhoracë të gjerë për të bllokuar të djathtën nacionaliste.

Sovranistët nuk dominuan ashtu si mund të mendohej para zgjedhjeve, por kanë fituar në Itali, Francë dhe Hungari. Në Britaninë e Madhe suksesi ishte për Brexit Parti i Faraxh me 31 për qind të votave. Në Poloni partia euroskeptike dhe konservatore në qeveri: e Drejtë dhe Drejtësi mori 45% të votave. Ekstremi i djathtë humbi  terren në Danimarkë dhe Austri por fitoi në Belgjikë. Vala e madhe nuk është por grupi i Evropës së Kombeve mban 58 vende në parlamentin evropian, 22 më shumë se herën e fundit.

Por një element vendimtar do të jetë sidomos liberalët, falë “Republikës në Marshim” në Francë. Makron nuk fitoi por çon në Parlamentin Evropian 21 deputetë që së bashku me 16 britanikët liberal demokratë përforcojnë ndjeshëm bllokun liberal i cili numëron 109 deputetë. Liberalët e dinë që do të kenë më shumë zë, dhe nuk përjashtohet mundësia që në Këshillin Evropian të vendoset një kandidat liberal si president i ri i komisionit të BE. Negociatat nisin të mërkurën në samitin evropian mes krerëve të shteteve dhe qeverive të vendeve anëtare./ABC News Albania 24/7

dedja.jpg
ad min19:52 | 27/05/2019

Zv/ministri i Jashtëm, Sokol Dedja, u shpreh besimplotë këtë të hënë se në raportin e KE-së do të pasqyrohet progresi i Shqipërisë. Ai ishte i ftuar në rubrikën “Mbrëmje ABC” nga Mirela Milori, ku tha se bindja për një vlerësim pozitiv vjen nga arritjet që ka bërë Shqipëria në plotësimin e detyrave të saj.

Sokol Dedja: Bindja mbi një vlerësim pozitiv vjen nga një dialog i vazhdueshëm që kemi me KE, vjen nga arritjet që ka bërë Shqipëria me plotësimin e detyrimeve që kanë të bëjnë me hapjen e negociatave të anëtarësimit. KE e ka bërë vjet një vlerësim mbi arritjet e Shqipërisë në plotësimin e 5 prioriteteve kyçe. Këshilli i Ministrave të Evropës, Këshilli Evropian e mirëpritën atë që edhe ata e quajtën progres të vazhdueshëm të Shqipërisë dhe mbi bazën e këtij vlerësimi përcaktuan rrugën për hapjen e negociatave në Qershorin e këtij viti. Nënvizohet gjithnjë nevoja për progres.

Mirela Milori: Ju jeni besimplotë që është bërë ky progres dhe do të pasqyrohet në raportin e dy ditëve më pas?

Sokol Dedja: Po! Përgjigja e shkurtër është po. Besimplotë që është bërë progresi dhe besimplotë që kjo do çojë në rekomandimin përkatës.

Për sa i përket situatës aktuale politike dhe nëse ajo do pasqyrohet në raportin e KE-së, Dedja tha se Komisioni do të japë vlerësimin e saj pasi funksionimi i dialogut politik është i rëndësishëm në ecurinë e procesit të integrimit.

“Kushtet që lidhen me hapjen e negociatave janë 5 prioritetet për të cilat që vjet u tha që është bërë progres i qëndrueshëm. Vëmendja vjet u veçua te Reforma në Drejtësi. Patjetër komisioni do japë vlerësimin e vet dhe mbi situatën politike dhe mbi dialogun politik, mbi funksionimin e parlamentit.. Funksionimi i dialogut politik është shumë i rëndësishëm në ecurinë e mëtejshme të procesit e integrimit”, tha Dedja.

Mirëpo Evropa i është nënshtruar zgjedhjeve dhe për pasojë pritet të rikonfigurohet Parlamenti Evropian. Dedja e konsideroi këtë atmosferës si të vështirë dhe sfiduese për marrjen e vendimit në lidhje me çeljen e negociatave. Megjithatë sipas tij këto janë faktorë që nuk varen nga Shqipëria./abcnews.al

polonia-1280x631.jpg
ent ela20:15 | 03/04/2019

Komisioni Europian ka marrë masa të reja ndaj vendeve lindore të bllokut që kanë rritur autoritarizmin politik ndaj gjyqësorit. Në shënjestër të masave janë Polonia dhe Rumania, që sipas Brukselit kanë bërë hapa prapa në reformat për sundimin e ligjit.

Komisioni Europian njoftoi të mërkurën marrjen e masave të reja ndaj Polonisë dhe Rumanisë, për të mbrojtur pavarësinë e gjyqësorit dhe sundimin e ligjit në këto vende. Konkretisht, Komisioni ka marrë masa ligjore ndaj Polonisë, ndërsa Rumanisë i ka bërë thirrje që të mos i falë politikanët e korruptuar.

KE po përpiqet kështu t’i përgjigjet atij fenomeni që në Perëndim shihet si rritje e autoritarizmit në krahun lindor të bllokut europian, kryesisht në Poloni, Hungari dhe Rumani. Zëvendës presidenti i parë i Komisionit, Frans Timermans ka deklaruar se më shumë duhet bërë për të përforcuar sundimin e ligjit në mbarë BE-në.

“Kapacitetet e Unionit për të ruajtur sundimin e ligjit janë jetike tani më shumë se kurrë”, ka deklaruar Timermans në një konferencë shtypi. Ai ka saktësuar se ndaj Polonisë është ndërmarrë një procedurë për shkak të regjimit të rreptë ndaj gjyqtarëve të sjellë nga qeveria e krahut të djathtë në Varshavë.

Ndërsa Rumanisë i është bërë vetëm një apel që të mos bëjë hapa prapa në reformat e gjyqësorit. Partia në pushtet në Poloni, që mban dhe emrin Ligj dhe Drejtësi, ka bërë një seri ndryshimesh në gjyqësor që kur mori pushtetin në fund të vitit 2015. Ato parashikojnë që gjyqtarët t’i nënshtrohen një hetimi disiplinor nëse autoritetet politike i konsiderojnë vendimet e tyre të papërshtatshme. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono