ke

mcallister.jpg
ad min16:43 | 23/10/2019

Kreu i Komisionit të Punëve të Jashtme në Parlamentin Europian David McAllister është shprehur i zhgënjyer me mos hapjen e negociatave për Maqedoninë e Veriut dhe Shqipërinë.

Në një intervistë për “Euractiv’’, anëtari i kristiandemokratëve gjermanë në PE beson se përçarja mes vendeve të BE-së ka cënuar besueshmërinë e këtij organizmi. Ndërkohë, vendimin e KE-së në 17 tetor e quan “gabim historik”.

“Unë jam shumë kritik ndaj efektit përfundimtar të bisedimeve në Samitin e Këshillit Europian dhe mendoj se ky është një gabim historik. Ky nuk është vetëm një sinjal elokuent për Ballkanin Perëndimor në përgjithësi, por edhe për minimin e besueshmërisë së Bashkimit Europian. Sa kushtojnë premtimet tona nëse veprojmë në këtë mënyrë?!”, thekson McAllister./ABC News Albania

didier-reynders-1280x711.jpg
nev ila17:15 | 15/09/2019

Njeriu që synon të mbajë postin e komisionerit të ardhshëm europian të Drejtësisë është nën hetim për pastrim parash. Bëhet fjalë për ministrin e Jashtëm belg, Didier Reinders, mbi të cilin prokuroria e Brukselit ka hapur një hetim.

Policia dhe prokuroria belge po hetojnë dyshimet për korrupsion dhe pastrim parash që rëndojnë mbi ministrin e Jashtëm Didier Reinders, që synon të bëhet komisioneri i ardhshëm europian i Drejtësisë.

Reinders i ka mohuar akuzat të cilat, sipas mediave belge, lidhen me ndërtimin e ambasadës belge në Kinshasa të Kongos, me dhënien me qera të zyrave të policisë dhe mënyra të tjera.

Hetimet paraprake u shtohen atyre mbi emërat e tjerë për postet e komisionerëve, të cilët u publikuan më herët gjatë javës nga presidentja e KE-së, Ursula fon der Lejen.

Nga hetimet e kryera rezulton se paratë janë marrë ose pastruar prej tij përmes blerjes së veprave antike dhe pronave të patundshme, si dhe transaksioneve në parajsat fiskale.

Reinders, një frankofon liberal që shërben gjithashtu si zëvendës kryeministër i Belgjikës u tha gazetarëve se nuk ishte në dijeni të hetimit. Ai shtoi se i ka kërkuar avokatit të tij të kontaktojë prokurorët për të mbrojtur të drejtat e tij dhe për të mohuar dyshimet e ngritura në adresë të tij.

Hetimet mbi figurën e zyrtarit të lartë u nxitën nga deklarata e një ish-oficeri të shërbimeve sekrete belge që hetonte krimin ekonomik.

Një zëdhënës i Reinders tha se akuzat janë pjesë e një fushate dashakeqe që synon diskretitimin e figurës së ministrit./ABC News Albania 24/7

bullgari.jpg
ad min09:47 | 14/09/2019

Dhjetëra gazetarë të Radios Kombëtare Bullgare (BNR) që drejtohet nga shteti, organizuan një protestë të premten në mbështetje të lirisë së medias pasi një kolege e tyre, e cila njihet për mbulimin që i ka bërë korrupsionit në sistemit gjyqësor, u pezullua nga detyra për një kohë të shkurtër.

Çështja shkaktoi kritika nga grupet që mbrojnë të drejtat e njeriut dhe dega bullgare e Shoqatës së Gazetarëve Evropianë, e cila foli për një “grusht shteti kundër profesionalizmit në gazetari” në një vend me renditjen më të ulët në Evropë për sa i takon lirisë së shtypit.

Drejtori i ri i informacionit të BNR-së Nikolay Krastev, pezulloi të enjten Silvia Velikova-n, spikere dhe gazetare e njohur e radios, duke thënë se ajo kishte shkelur kontratën duke nxitur dëgjuesit gjatë transmetimit të drejpërdrejtë për t’iu bashkuar një protestë që lidhej me emërimin e kryeprokurorit të ardhshëm të Bullgarisë.

Shumë gazetarë e panë masën si të motivuar politikisht. Përballë një reagimi të fortë zoti Krastev dha dorëheqjen ndërsa gazetarja Velikova u rikthye në detyrë.

Kjo çështje e ka bërë edhe më të qartë zhgënjimin e shumë bullgarëve me atë që ata e shohin si një elitë politike të korruptuar dhe një gjyqësor joefektiv, të kritikuar shpesh nga Komisioni Evropian.

Këtë vit Bullgaria u renditet në vendin e 111-të nga 180 vende në Indeksin për Lirinë Botërore të organizatës Reporterë pa Kufij, më poshtë se edhe disa vende të Ballkanit Perëndimor që nuk janë anëtare të BE-së.

Në tetor 2017-s qindra gazetarë protestuan në Sofje ndaj kërcënimeve që zëvendës kryeministri Valeri Simeonov u bënte disa prej transmetuesve më të mëdhenj mediak në vend. Ai i akuzonte ata se po zhvillonin një “fushatë masive për njollosjen e tij”./VOA

Ursula-von-der-leyen-1280x711.jpg
nev ila21:59 | 20/07/2019

Ursula von der Lejen është presidentja e re e Komisionit Europian, pasardhësja e Zhan Klod Junker. Ajo është gruaja e parë në historinë e Gjermanisë që ka mbajtur postin e ministres së mbrojtjes.

Në fund ia doli Ursula von der Lejen, me parlamentin e drejtuar nga italiani David Sassoli i cili e zgjodhi zyrtarisht presidenten e re të komisionit europian duke marrë vendin e Zhan Klod Junker.

Pasi emri i saj u propozua nga këshilli evropian, në përfundim të mbledhjeve të panumërta dhe marrëveshjeve që nuk u mbyllën dot, në fund gjermania arriti të merrte dritën jeshile me mazhorancë absolute.

Me 383 vota pro, u tejkalua pragu prej 374, që duheshin, Von der Lejen ia doli  të merrte mazhorancën e saj, e cila në fillim dukej e pamundur me një pjesë të socialistëve, të cilët ishin të pakënaqur nga kandidatët e vendosur nga Këshilli, vendosi të mos votojë pro.

Presidentja e re e komisionit evropian është femra e parë në historinë e Gjermanisë që mbajti postin e ministres së mbrojtjes.

Profesioni i saj është mjeke, dhe pse shënon një rekord tjetër. Është e vetmja ministre që ka mbetur e tillë nën qeveritë e Anxhela Merkel që kur ka m orë postin në vitin 2005. Ajo ka qenë ministër për çështjet e familjes dhe të rinisë në periudhën 2005 – 2009 dhe ministër i punës dhe çështjeve sociale nga viti 2009 – 2013 para se të bëhej ministre e mbrojtjes në vitin 2013.

E martuar në vitin 1986 ajo ka shtatë fëmijë, nga të cilët më i vogli është aktualisht 20 vjeç.

Si ministre për familjen ajo rriti financimet për programit për fëmijët duke shtuar polemikat në krahun më konservator të partisë së saj. Ndërsa si ministre e punës ajo monitoroi përforcimin e programit të reformës së epokës së Shrëder.

Por sfida më e madhe ishte roli i ministres së mbrojtjes: riorganizimi dhe rindërtimi i ushtrisë pas vitesh investimesh të pakta dhe mos qartësisë për rolin e saj në atdhe dhe jashtë. Një detyrë komplekse, shpesh mosmirënjohëse, dhe për shkak të përshkallëzimit të presioneve ndaj Gjermanisë nga ana e Shteteve të Bashkuara të Amerikës që vendi të rrisë shpenzimet ushtarake në linjë me NATO.

Ajo ka marrë disa vendime që i kanë dhënë respektin nga rangje të ndryshme, si për shembull: blerja e droneve pa pilotë, dorëzimi i armëve mbështetëse militantëve që luftojnë kundër ISIS, rritja e sigurisë informatike në ushtri dhe në marinë. Aktualisht në vitin e saj të gjashtë si ministre e mbrojtjes ajo është gjithnjë e më pak popullore për shkak të një serie shpenzimesh të tepërta për avionë ushtarakë dhe për këshilltarë të jashtëm.

Ajo nuk ka qenë asnjëherë një aleate e ngushtë politike e Merkel, Ursula von der Lejen zakonisht konsiderohej një kancelare e mundshme rezervë.

E lindur në Bruksel ku babai I saj Ernst Albrecht punonte si një nga funksionarët e parë të institucionit, në vitin 1958, në komisionin evropian. Fillimisht babai i saj ishte kreu i kabinetit së komisionerit evropian për konkurrencën. Ajo ka jetuar në Bruksel deri në moshën 13 vjeç ndërsa në vitin 1971 familja u transferua në Hannover. Gjithashtu ajo është një pasardhëse e baronit Ludvig Knop, një tregtari pambuku një prej sipërmarrësve më të suksesshëm në perandorinë ruse në shekullin 19.

Ajo është martuar me një profesor mjekësie i cili vjen nga një familje aristokrate, e njohur për tregtinë e mëndafshit dhe disa aktivitete industriale. Ndërkohë që flet rrjedhshëm gjermanisht, frëngjisht dhe anglisht.

Për sa i përket karrierës së saj politike, ngjitja e saj në skenë nisi me anëtarësimin në CDU në vitin 1990. Nisi të merrte pjesë aktivisht në politikë në vitin 1999, duke u bërë më pas pjesë e politikës vendore në vitin 2001 në Hanover.

U zgjodh në parlament në zgjedhjet e vitit 2003, po në këtë vit ajo bëhet pjesë e një grupi  të ngarkuar nga liderja e opozitës dhe presidente e CDU-së, Anxhela Merkel, që të punonte për një projektligj me propozime alternative për reformën e asistencës sociale si reagim ndaj axhendës të kancelarit Gerard Shrëder.

Për zgjedhjet federale të vitit 2005 Merkel zgjodhi pikërisht atë për ministrinë e familjes dhe të sigurisë sociale.

Në 60 vjetorin e themelimit të Izraelit, Von der Lejen merr pjesë në takimin e përbashkët të qeverisë së Gjermanisë dhe Izraelit në Jeruzalem në mars të vitit 2008. Ndërsa një vit më pas do të zgjidhet në Bundestag si përfaqësuese e distriktit të 42 të Hanover.

Në një intervistë për Der Shpigel në vitin 2011 ajo shprehej pro për Shtetet e Bashkuara të Evropës – përgjatë linjave të shteteve federale të Zvicrës, Gjermanisë apo Shteteve të Bashkuara të Amerikës, me marrëveshje për çështje të rëndësishme financiare, fiskale dhe politikën ekonomike. Merkel nuk hezitoi për të përdorur të njëjtën deklaratë, të njëjtin vit të kulmit të krizës ekonomike greke.

Ndërsa në vitin 2015 ajo deklaroi se krijimi I një ushtrie të Bashkimit Evropian duhet të jetë një objektiv afatgjatë. Ajo shprehet e bindur për këtë objektiv duke thënë se ndoshta jo fëmijët e saj por nipërit dhe mbesat do të jetojnë në Shtetet e Bashkuara të Amerikës.

Një tjetër moment i rëndësishëm i javës që lamë pas është dhe vizita e presidentit francez në Serbi, sidomos pas deklaratave kundër një zgjerimi të mëtejshëm të Bashkimit evropian me vendet e Ballkanit perëndimor.

Ai u prit me një ceremoni solemne në aeroportin “Nikolla Teslla” të Beogradit. I gjithë kryeqyteti u blindua. Mijëra policë, snajperë dhe masa të shumta sigurie nga ajri. Mbërritja e tij u shoqërua me të shtëna topi, në të njëjtën mënyrë me të cilën u prit dhe presidenti rus Vladimir Putin. Makron u prit nga homologu i tij serb, Aleksandër Vucic, i cili nuk fshehu gëzimin e tij.

Vizita ishte e rëndësishme për të konfirmuar çështje si Kosova dhe integrimi në Bashkimin Evropian. Franca është rikthyer në Ballkan konsiderohet në Serbi. Takimi kokë më kokë mes dy krerëve të shtetit konfirmoi mbështetjen politike të Parisit. Në konferencën për presidenti Macron, foli i qetë duke falënderuar dhe kujtuar historinë.

Por, komentet e tij ishin të qarta, Franca është kundër zgjerimit pa reforma në Bashkimin evropian, e sidomos në Ballkanin Perëndimor. Kosova dhe Serbia duhet të arrijnë kompromis, theksoi ai duke shtuar se Franca do të angazhohet për një takim të ri.

Nuk kemi asnjë zgjidhje magjike në xhepin e Gjermanisë, SHBA apo Francës. Zgjidhja është në zemrat tuaja. Besoj tek stabiliteti i këtij rajoni dhe Evropa duhet t’ju mbështesë. Do të angazhohem pasi besoj tek e ardhmja e këtij rajoni dhe tek Evropa. Kemi folur hapur dhe guximshëm pasi kjo është një çështje e vështirë për vendin tuaj, historinë dhe të ardhmen. Ne nuk mund ta kthejmë historinë, por duhet gjetur kompromis. Do të gabonim nëse nuk kemi dialog. Franca është angazhuar për të gjetur një zgjidhje globale dhe të qëndrueshme”.

Vuçiç nga ana e tij u shpreh se e ka të qartë që janë dy procese paralele dhe se për Serbinë është e rëndësishme të arrijë pavarësisht BE-së.

E di që kemi dallime në qëndrime, por ky është takimi më i gjatë që kam patur unë dhe presidenti francez është ndër të pakëtit, që ndoshta krahas kancelares Merkel, dëgjon edhe qëndrimin tonë”.

Presidenti francez ishte i shoqëruar nga disa biznesmenë dhe investitorë francezë. Në kuadër të bashkëpunimit ekonomik mes dy vendeve u firmosën 20 marrëveshje, nga ekonomia e deri tek furnizimi i ushtrisë. Miqësia franceze dhe serbe është ruajtur që prej Luftës së Parë Botërore. Në këtë frymë Macron vizitoi dhe obeliskun e miqësisë serbo-franceze, varrezat e heronjve dhe vende të tjera. Duke iu drejtuar qytetarëve serbë ai u foli dhe në gjuhën serbe duke thënë se edhe Franca e di borxhin që ka ndaj Serbisë./ABC News Albania 24/7

4928.jpg
ad min23:15 | 16/07/2019

Zgjedhja e Ursula von der Leyen është përshëndetur edhe nga ambasadori i BE-së në Shqipëri, Luixhi Soreka. Përveç se e ka uruar përmes një postimi në Twitter, Soreka ka vlerësuar deklaratën e presidentes së re të Komisionit Evropian se, “besimi ndaj meje është besim për Evropën”.

ursula-1-1280x720.jpg
ent ela21:00 | 16/07/2019

Ursula fon der Lejen është presidentja e parë grua e Komisionit Europian. Ajo u zgjodh pasditen e së martës përmes votimit të fshehtë, ndonëse me një diferencë të ngushtë votash. Në fjalën e saj pas votimit, Fon der Lejen ftoi aktorët politikë për bashkëpunim konstruktiv.

Gjermania Ursula fon der Lejen është zgjedhur me një diferencë të ngushtë votash presidentja e re e Komisionit Europian, pas votimit të fshehtë të mbajtur pasditen e së martës në selinë e Parlamentit Europian, në Strazburg. Aktualisht ministre e Mbrojtjes së Gjermanisë, Fon der Lejen do të zëvendësojë në këtë post duke filluar nga 1 nëntori presidentin në ikje Zhan Klod Junker. “Puna ime nis tani dhe është një përgjegjësi e madhe. Le të punojmë të gjithë së bashku në mënyrë konstruktive”, deklaroi Fon der Lejen pak momente pas votimit. Emërimi i saj u konfirmua me 383 vota pro ndaj 327 kundër dhe nga 374 që ishte kuorumi i nevojshëm.

Ajo siguroi mbështetjen e më shumë se gjysmës së anëtarëve të Parlamentit Europian pak përpara se të mbahej votimi. Komisioni projekton ligjet e BE-së, përforcon rregulloret e Unionit dhe ka autoritetin për t’u vendosur gjoba shteteve anëtare në rast nevoje. E lindur në Bruksel, zonja Fon der Lejen ka 7 fëmijë dhe është gruaja e parë që zgjidhet në krye të këtij organizmi. Në fjalimin që i parapriu votimit, ajo premtoi se do të punojë që BE të luajë një rol më të madh për mirëqënien sociale, për të frenuar varfërinë dhe për të ngritur zërin për të drejtat e grave. Sa i takon emigracionit, ajo tha se do të punojë që trupat e agjencisë Fronteks të arrijnë deri në 10 mijë njësi brenda vitit 2024, por shtoi se paralelisht duhet ruajtur e drejta për azil përmes korridoreve humanitare. /ABC News Albania 24/7

download.jpg
ent ela22:45 | 02/07/2019

Në përfundim të samitit maratonë, liderët e BE-së kanë nominuar personat që do të mbajnë postet kyçe në hierarkinë e Komisionit Europian. Mes tyre spikat aleatja e kancelares Angela Merkel, Ursula Fon der Lejen, që nëse votohet do të jetë e para grua presidente e KE-së.

Liderët e BE-së kanë zgjedhur ministren gjermane të Mbrojtjes, Ursula fon der Lejen për postin e presidentit të Komisionit Europian, pas një samiti maratonë 3-ditor. Nominimi i zonjës Fon der Lejen, një aleate e ngushtë e kancelares Angela Merkel, erdhi në formë surprize pasi emrat e konkurrentëve kryesorë për atë që konsiderohet si posti më i lartë në hierarkinë e BE-së u hodhën poshtë. Nëse miratohet nga Parlamenti Europian, atëherë Fon der Lejen do të jetë e para grua që bëhet presidente e Komisionit. Ndërkohë, kryeministri liberal i Belgjikës, Sharls Mishel është emëruar për të zëvendësuar Donald Tusk si kryetar i Këshillit Europian, ndërsa spanjolli Hozep Borell është propozuar si shefi i ri i Politikës së Jashtme.

Ndërkohë, shefja e FMN-së Kristinë Lagard është emëruar për të drejtuar Bankën Qendrore Europiane, post që aktualisht mbahet nga Mario Dragi, të cilit i janë atribuuar meritat për shpëtimin e euros gjatë krizës së borxhit që përfshiu Eurozonën. “Kemi rënë dakord për gjithçka përpara se të zhvillohet sesioni i parë i Parlamentit Europian”, deklaroi kreu në ikje i Këshillit Europian, Donald Tusk. Ai vlerësoi “balancimin perfekt gjinor” dhe saktësoi se Gjermania kishte abstenuar në votimin për nominimin e zonjës Fon der Lejen. Vetë kancelarja Angela Merkel u tha gazetarëve se abstenimi i saj kishte qenë në kuadër të një marrëveshjeje të arritur në radhët e koalicionit qeverisës në Berlin. Por pavarësisht optimizmit, ajo çfarë ka ngritur shqetësime është fakti se roli i liderëve të BE-së ka bërë që të anashkalohet ai i Parlamentit Europian, që voton për presidentin të mërkurën. /ABC News Albania 24/7

ke-780x439.jpg
nev ila23:52 | 17/06/2019

Italia dhe Komisioni Europian duket se e kanë lënë pas luftën për defiçitin buxhetor të vitit 2019. Por Brukseli kërkon nga Roma që defiçiti për vitin 2020 të mos shkojë mbi 2 për qind të XHI DI PI-së.

Italia beson se mund të plotësojë kërkesat e Komisionit Europian në lidhje me shpenzimet publike për këtë vit, por pika kyçe e negociatave mes palëve tashmë është viti i ardhshëm 2020. Brukseli ka kërcënuar Italinë me masa disiplinore që parashikojnë një mbikëqyrje më të rreptë të politikave fiskale të saj e që mund të çojnë drejt vendosjes së gjobave.

Komisioni ankohet se Roma zyrtare nuk e shkurtoi borxhin e saj publik në vitin 2018 sikurse kishte premtuar dhe konstaton se ai do të vazhdojë të rritët këtë vit dhe atë të ardhshëm nëse qeveria aktuale nuk merr masa shtrënguese. Ndërkohë, qeveria në Romë beson se defiçiti buxhetor për pjesën e mbetur të vitit 2019 do të jetë 2 për qind të prodhimit të brendshëm, një nivel i pranuar nga KE në dhjetor, por Brukseli dëshiron që i njëjti zotim të bëhet edhe për 2020-n.

Kjo ka detyruar ministrin e ekonomisë Xhovani Tria të përfshihet në një negociatë të vështirë në radhët e koalicionit qeverisës, me partinë anti-sistem Lëvizja 5 Yjet dhe atë të ekstremit të djathtë Liga e Veriut, që nuk dëshiron të firmosë shkurtimin e defiçitit për vitin e ardhshëm.

“Palët janë të hapura për të diskutuar mbi 2019-n, por nuk duan të përfshihen në debat për buxhetin e vitit të ardhshëm”, ka deklaruar një burim për agjencinë e lajmeve “Reuters”.

Liga e Veriut, që la pas partnerët e 5 Yjeve në zgjedhjet euro-parlamentare, e ka kthyer reduktimin e taksave në kalë beteje në prag të hartimit të buxhetit për vitin 2020. “Vota e italianëve do të thotë se ne duhet të reduktojmë taksat”, ritheksoi të hënën kryetari Mateo Salvini gjatë një vizite në Shtetet e Bashkuara./ABC News Albania 24/7

negociata-1280x874.jpg
ad min23:30 | 17/06/2019

Italia dhe Komisioni Europian duket se e kanë lënë pas luftën për defiçitin buxhetor të vitit 2019. Prioriteti i radhës tashmë është viti i ardhshëm, për të cilin Brukseli kërkon nga Roma që defiçiti të mos shkojë mbi 2 për qind të XHI DI PI-së. Ndërkohë, zëvendës kryeministri Mateo Salvini vijon të insistojë për shkurtimin e taksave.

Italia beson se mund të plotësojë kërkesat e Komisionit Europian në lidhje me shpenzimet publike për këtë vit, por pika kyçe e negociatave mes palëve tashmë është viti i ardhshëm 2020. Brukseli ka kërcënuar Italinë me masa disiplinore që parashikojnë një mbikëqyrje më të rreptë të politikave fiskale të saj e që mund të çojnë drejt vendosjes së gjobave. Komisioni ankohet se Roma zyrtare nuk e shkurtoi borxhin e saj publik në vitin 2018 sikurse kishte premtuar dhe konstaton se ai do të vazhdojë të rritët këtë vit dhe atë të ardhshëm nëse qeveria aktuale nuk merr masa shtrënguese.

Ndërkohë, qeveria në Romë beson se defiçiti buxhetor për pjesën e mbetur të vitit 2019 do të jetë 2 për qind të prodhimit të brendshëm, një nivel i pranuar nga KE në dhjetor, por Brukseli dëshiron që i njëjti zotim të bëhet edhe për 2020-n. Kjo ka detyruar ministrin e ekonomisë Xhovani Tria të përfshihet në një negociatë të vështirë në radhët e koalicionit qeverisës, me partinë anti-sistem Lëvizja 5 Yjet dhe atë të ekstremit të djathtë Liga e Veriut, që nuk dëshiron të firmosë shkurtimin e defiçitit për vitin e ardhshëm.

“Palët janë të hapura për të diskutuar mbi 2019-n, por nuk duan të përfshihen në debat për buxhetin e vitit të ardhshëm”, ka deklaruar një burim për agjencinë e lajmeve “Reuters”. Liga e Veriut, që la pas partnerët e 5 Yjeve në zgjedhjet euro-parlamentare, e ka kthyer reduktimin e taksave në kalë beteje në prag të hartimit të buxhetit për vitin 2020. “Vota e italianëve do të thotë se ne duhet të reduktojmë taksat”, ritheksoi të hënën kryetari Mateo Salvini gjatë një vizite në Shtetet e Bashkuara./ABC News Albania 24/7

 

kocijancic.jpg
ad min22:36 | 10/06/2019

Brukseli zyrtar ka reaguar të hënën në lidhje me zhvillimet e fundit politike në Shqipëri, duke u bërë thirrje institucioneve që ta zgjidhin situatën në bazë të ligjit dhe t’u garantojnë qytetarëve të drejtën e votës.

Zëdhënësja e shefes së Politikës së Jashtme të BE, Maja Koçijançiç në një reagim lidhur me situatën në Shqipëri ka deklaruar se është e nevojshme që qytetarëve shqiptarë t’u garantohet e drejta e votës. Duke iu përgjigjur interesit të ABC News, Koçijançiç është shprehur se vendimet e partive të opozitës, fillimisht për të djegur mandatet dhe më pas për të mos hyrë në zgjedhje dëmtojnë Shqipërinë.

“Kjo ka qenë një zgjedhje e qëllimshme e partive opozitare, përfaqësuesit e të cilave janë zëvendësuar në Parlament, institucion që funksionon plotësisht. Tani është thelbësore që të ruhet e drejta kushtetuese e qytetarëve shqiptarë për të votuar në zgjedhjet lokale dhe për të siguruar vazhdimësinë e qeverisjes lokale”, ka thënë Koçijançiç.

Duke theksuar se Brukseli po i ndjek me vëmendje zhvillimet në vendin tonë, zëdhënësja e Federica Mogherinit ka shtuar se, institucionet shqiptare duhet t’i trajtojnë problemet e krijuara në përputhje me ligjet dhe normat juridike, si dhe në respekt të plotë të parimeve kushtetuese e demokratike.

“Ne përsërisim thirrjen tonë për të gjitha palët që të angazhohen urgjentisht në një dialog konstruktiv për të kapërcyer situatën aktuale politike”, ka shtuar Koçijançiç./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono