ke

BE-LETER-PER-TEATRIN-1280x720.jpg
ent ela15:14 | 10/09/2018

Komisioni Europian i kërkon qeverisë shqiptare të rihapë garën për ndërtimin e teatrit të ri kombëtar. Në një letër për sekretarin e përgjithshëm të kryeministrisë, Engjëll Agaçi, Komisioni sugjeron rishikimin e ligjit të posaçëm dhe garantimin e një gare të barabartë mes atyre që shprehin interes për projektin.

Përgjigja e shumëpritur për ligjin për teatrin mbërriti.

Komisioni Europian nuk ka asnjë kompetencë për të vlerësuar përputhshmërinë e Ligjit Special me kuadrin ligjor aktual të Shqipërisë, por nuk konstatohet as shkelje e Marrëveshjes së Stabilizim Asoociimit.

Letra mban firmën e Shefes së Njësisë për Shqipërinë dhe Bosnje-Hercegovinën në Drejtorinë e Përgjithshme për Politikat Evropiane të Fqinjësisë dhe Negociatat e Zgjerimit, Mikela Matuela, dhe i drejtohet Sekretarit të Përgjithshëm të Këshillit të Ministrave, Engjëll Agaçi.

 “Ligji Special, sikurse u adoptua, parashikon paracaktimin e një kontraktori pa tender të hapur, duke ngritur shqetësime sa i përket respektimin të parimit të mos-diskriminimit dhe parimeve të tjera të prokurimit publik të BE-së, trajtimit të barabartë dhe konkurencës së hapur. Prandaj, edhe pse deri në këtë fazë nuk është konstatuar asnjë shkelje ndaj Marrëveshjes së Stabilizim Asociimit, Komisioni vijon të inkurajojë autoritetet shqitpare që të vazhdojnë më tej bazuar në parimet e prokurimit publik të BE-së si dhe të sigurojnë një akses jo-diskriminues për tregun”.

Në letrën e Matuelas sqarohet se: Artikulli 74(3) i MSA-së i referohet dhënies së aksesit të barabartë kompanive private që duan të lidhin kontrata, duke u bazuar në Ligjin Shqiptar mbi Prokurimet Publike. Komisioni Europian mirëpret vullnetin e autoriteteve Shqiptare për ta amenduar Ligjin Special, me qëllim hapjen e garës për projektin e Teatrit Kombëtar, në mënyrë që çdo kompani private të mund të aplikojë një propozim për projektin.

Tashmë mazhoranca i ka më të qarta idetë për miratimin ose jo të dekretit të Presidentit të Republikës, Ilir Meta që kthente për rishqyrtim ligjin për teatrin e ri Kombëtar. Një prej arsyeve të shtyrjes së dekretit në 20 shtator ishte edhe letra që pritej nga Komisioni Europian. /abcnews.al

juncker.jpg
G. P.14:52 | 13/07/2018

Numri një i Komisionit Europian ecën me shumë vështirësi dhe i ndihmuar nga dy persona të tjerë teksa ngjitet në podium për fotografinë e grupit në samitin e NATO-s e ndërsa shumë u shprehën se ai ka qenë i dehur, kolegët e mbrojnë duke thnë se vuan nga nervi shiatik.

Është kthyer në një fenomen, videoja në të cilën Jean-Claude Juncker ecën me vështirësi dhe i mbajtur nga dy persona të tjerë në samitin e NATO-s.

Presidenti i Komisionit Europian është prezantuar në Bruksel në një gjendje shumë të keqe, duke u lëkundur teksa zbret skallë. Aq sa kanë qenë të shumtë ata që u shprehën se ka qenë i dehur.

Kështu video ku Juncker, 63 vjeç, mezi mbahet në këmbë dhe pse i ndihmuar nga të tjerë, ka bërë xhiron e botës së bashku me akuza shumë të rënda. Por në Belgjikë ka dalë një e vërtetë ndryshe për presidentin e Komisionit Europian, i cili ka marrë pjesë në samit dhe pse i sëmurë.

Juncker vuan nga nervi shiatik, sipas asaj, që thonë kolegët e tij, të cilët ishin të pranishim në takim. Euronews ka kërkuar një koment nga Komisioni Europian, i cili u përgjigj se nuk dëshironte të komentonte për problemet shëndetësore të presidentit të tij./abcnews.al

Juncker-Brexit-wont-be-the-death-of-the-EU.png
G. P.11:20 | 19/04/2018

“Është qesharake dhe absurde të pretendosh se dy ushtarët grekë, të cilët ndodhen aktualisht të burgosur në Turqi, përbëjnë rrezik për këtë vend”.

Kështu u shpreh Presidenti i Komisionit Europian, Jean Claude-Juncker. Ai ripërsëriti kërkesën për lirim të menjëhershëm të dy ushtarëve grekë, duke theksuar se “ata nuk kanë kryer asnjë krim dhe thjesht kishin humbur në territor turk”.

Fjalimi i Juncker në lidhje me dy ushtarët grekë u përshëndet edhe nga presidenti i Parlamentit Europian, Antonio Tajani. Edhe ky i fundit shprehu mbështetjen e tij për Athinën dhe kërkoi lirimin e dy ushtarëve grekë.

Megjithatë Turqia refuzon një gjë të tillë dhe thotë se një vendim për këtë çështje do të merret vetëm pas një procesi gjyqësor që po zhvillohet në Stamboll./abcnews.al

rekomandimi-1280x720.jpg
ent ela19:28 | 17/04/2018

Komisioni Europian i rekomandon Këshillit Europian hapjen e negociatave të anëtarësimit të Shqipërisë. Duke prezantuar këtë vendim të Komisionit, përfaqësuesja për politikë të jashtme Mogerini dhe eurokomisioneri Hahn, vlerësuan reformat e bëra së fundi në vendin tonë. Kryesisht komisioneri Hahn veçoi reformën në drejtësi dhe vetingun. Ai theksoi se Shqipëria dhe Maqedonia nuk kanë kohë për vetëkënaqësi, pasi duhet të çojnë reformat përpara.

Zyrtarisht Komisioni Europian rekomandon hapjen e negociatave të anëtarësimit pa kushte të Shqipërisë dhe Maqedonisë në Bashkimin Europian.

“Komisioni rekomandon që Këshilli të vendosë që të hapen negociatat për anëtarësim të Shqipërisë dhe Maqedonisë”.

Pasi dy vendet i bënë detyrat e tyre të shtëpisë është radha e Bashkimit Evropian të bëntë të vetat.

“Në qoftë se ata realizojnë ne duhet të realizojmë, tani i takon Këshillit të vlerësojë dokumentet tona”

Të gjitha këto nuk duhet të lexohen nga Shqipëria e Mqedonia si përfundim të punës së tyre tha shefja për politiken e jashtme  në Bashkimin Evropian, përkundrazi.

“Kjo nuk është koha për të pranuar që çdo gjë ka përfunduar dhe të gjitha kutitë janë plotësuar, jo është koha për të vazhduar me vendosmëri në shtegun e reformave kurajoze”.

Në të njëjtën linjë qëndron edhe Johanes Hahn. Nga njëra anë pranon progresin e bërë nga Shqipëria dhe Maqedonia dhe nga ana tjetër thotë se nuk ka kohë për vetëkënaqësi.

“Jam i kënaqur që Komisioni e pranoi rëndësinë e reformave që janë bërë nga Maqedonia dhe Shqipëria duke dhënë rekomandimin për hapjen e negociatave, dhe në të njëjtën kohë dhe çfarë duhet bërë për ta mbështetur këtë progres. Kur bëhet fjalë për Shqipërinë në fushat kryesore si 5 përparësitë,  administrata publike, lufta kundër krimit e korrupsionit, reforma në gjyqësor e drejtësi dhe mbrojtjen e pakicave. Në drejtësi kemi parë rezultate të prekshme për gjyqtarë e prokurorë nga vettingu. Është fillimi, por është premtues dhe rekomandimi gjen zbatim. Është me rëndësi që të përmirësohet klima e biznesit e investimeve, dhe norma e lartë e papunësisë ësthë burim shqetësimi, sidomos i të rinjve. Siguria është një tjetër element”.

Rekomandimi për Shqipërinë është kundërshtuar nga Franca dhe Gjermania. Gazetarja e  “Financial Times”kërkoi të dinte se si do të bindet Këshilli Europian, në një kohë kur Shqipëria ka nivel të lartë korrupsioni dhe krimi të organizuar.

Mogherini: “Së pari nuk ka shtet të mëdha e të vogla anëtare, jemi 28, së dyti nuk i takon komisonit të bindë Këshillin, ne pranojmë që rekomandimet janë ndjekur, kemi rezultatet e para, më pas u takon të gjitha shteteve anëtare për të vlerësuar progresin dhe për të marrë vendimin”.

Hahn: “Kjo është një punë në vazhdim. Jemi këtu për t’i ndihmuar, për t’i dhënë onformacione, dhe për të mbështetur për marrjen e një opinioni përfundimtar për këtë çështje”

Ndryshe nga vitet e tjera, këtë herë, zyrtarët e KE nuk u ndalën në pikat e forta e të dobëta të secilit vend, por prezantimii rekomandimeve të tyre kishte karakter të përgjithshëm për vendet e rajonit në process afrimi me BE. /abcnews.al

 

 

PROGRES-RAPORTI-1280x720.jpg
ent ela19:25 | 17/04/2018

Rreth orës 18:30, Komisioni Europian publikoi progres raportin për Shqipërinë, në të cilën rekomandohet hapja e negociatave të anëtarësimit.

Në raport evidentohen si progres, rezultatet e para të reformës në drejtësi, me nxjerrjen jashtë sistemit të disa prokurorëve e gjyqtarëve nga nisja e zbatimit të vettingut. Në progres-raport vërehet se mjedisi politik në vend mbeti i polarizuar, veçanërisht në gjysmën e parë të 2017-ës, e c’tensionimi i situatës pas marrëveshjes Rama-Basha e mbatjes së zgjedhjeve të qeta parlamentare. 7 deputetevë iu hoq mandati dhe një i tetë, u konstatua në konflikt interesi, thuhet në raport.

 

Mes tyre përmendet shkurtimisht edhe rasti i ish-ministrit të Brendshëm Saimir Tahiri. “Me kërkesë të Prokurorisë, Kuvendi i hoqi pjesërisht imunitetin ish-Ministrit të Brendshëm”, thuhet në raport.

Në këtë drejtim, evidentohet se priten rezultate të mëtejshme nga procesi i vettingut si dhe finalizimi i ngritjes së institucioneve të reja të drejtësisë, si këshilli i lartë i gjyqësorit dhe ai i Prokurorisë.

/abcnews.al

rekomandimi-1280x720.jpg
G. P.15:49 | 17/04/2018

Komisioni Europian i rekomandon Këshillit Europian hapjen e negociatave të anëtarësimit të Shqipërisë. Duke prezantuar këtë vendim të Komisionit, përfaqësuesja për politike të jashtme Mogerini dhe eurokomisoneri Hahn, vlerësuan reformat e bëra së fundi në vendin tonë. Kryesisht komisioneri Hahn veçoi reformën në drejtësi dhe vetingun. Ai theksoi se Shqipëria dhe Maqedonia nuk kanë kohë për vetëkënaqesi, pasi duhet të çojnë reformat përpara.

Mogherini: “Bashkimi Europian ka vendosur që të hapen negociatat për anëtarësim për Shqipërinë. Ballkani Perëndimor është pjesë e Europës”, tha Mogherini.

Hahn: “Jam i kënaqur që Komisioni e pranoi rëndësinë e reformave që janë bërë nga Maqedonia dhe Shqipëria duke dhënë rekomandimin për hapjen e negociatave, dhe në të njëjtën kohë dhe çfarë duhet bërë për ta mbështetur këtë progres. Kur bëhet fjalë për Shqipërinë në fushat kryesore si 5 përparësitë,  administrata publike, lufta kundër krimit e korrupsionit, reforma në gjyqësor e drejtësi dhe mbrojtjen e pakicave. Në drejtësi kemi parë rezultate të prekshme për gjyqtarë e prokurorë nga vettingu. Është fillimi, por është premtues dhe rekomandimi gjen zbatim. Është me rëndësi që të përmirësohet klima e biznesit e investimeve, dhe norma e lartë e papunësisë ësthë burim shqetësimi, sidomos i të rinjve. Siguria është një tjetër element”. abcnews.al

beha.jpg
G. P.10:10 | 17/04/2018

Komisioni Europian rekomandon hapjen e negociatave të anëtarësimit pa kushte të Shqipërisë në Bashkimin Europian, duke konsideruar se është bërë progres në përmbushjen e pesë prioritetet kryesore. Për Komisionin Europian, ajo që ka bërë diferencën për këtë rekomandim është ecuria e reformës në drejtësi.

Duke qenë, se konsiderohet si sfida kryesore për transformimin e vendit, kjo reformë është vendosur në fokusin kryesor të raportit të progresit të ekzekutivit europian. Ashtu siç e kishte artikuluar edhe më parë Komisioni Europian, fillimit i procesit të Vettingut konsiderohet i një rëndësie të veçantë.

Kjo reflektohet qartazi në raport, i cili ndalet në çdo etapë të këtij procesi duke ju referuar rasteve konkrete të Vettingut të gjyqtarëve dhe prokurorëve, si dhe dorëheqjes se 15 gjyqtarëve dhe prokurorëve të profilit të lartë.

“Duke marrë parasysh progresin e bërë, Komisioni rekomandon hapjen e negociatave me Shqipërinë për të ruajtur dhe thelluar ritmin e reformave në fushën e sundimit të ligjit, sidomos rreth pesë prioriteteve kyçe dhe rezultateve konkrete gjatë Vettingut të gjyqtarëve dhe prokurorëve, që do të jetë vendimtare për progresin e mëtejshëm”, thuhet në raport.

Lidhur me luftën kundër korrupsionit, Komisioni Europian vlerëson hapat legjislativë të ndërmarrë nga qeveria shqiptare, ndërkohë që evidentohet qartë që në praktikë nuk ka progres. Kjo mungesë e konkretizimit të objektivave të fiksuara shprehet qarte në raport. Kështu ekzekutivi europian mbështet krijimin e një zinxhiri organizmasah antikorrupsion, ku përfshihet edhe ngritja e postit  të një Prokurori të Posaçëm përmes amendimeve të Kodit të Procedurës Penale.

Por në raport evidentohen qartë dy probleme kryesore në këtë drejtim. Shqipëria regjistron një numër mjaft të ulët të ndëshkimit të zyrtarëve të lartë për korrupsion dhe korrupsioni vazhdon të jetë një problem serioz. Megjithatë, në raport thuhet, se numri i të dënuarve mes zyrtarëve të nivelit të ulët dhe të mesëm është rritur.

Përsa i përket trafikut të drogës, Komisioni vëren, se gjatë vitit të shkuar janë bërë përpjekje, por kërkohen më shumë rezultate në çmontimin e grupeve kriminale, ndëshkimin e krerëve të këtyre grupeve dhe pastrimin e parave.

“Përgjithësisht ka patur një progres gjatë kësaj periudhe, sidomos në luftën kundër kultivimit të kanabisit. Shqipëria duhet të përshkallëzojë punën në konfiskimin e pasurive kriminale dhe të vazhdojë me sekuestrimin dhe shkatërrimin e të gjithë hashashit të mbetur stok në vend”, thuhet në raport.

Për Komisionin Europian, në kuadrin e luftës kundër drogës mbetet problematik bashkëpunimi mes policisë dhe prokurorisë, i cili ka rezultuar në çmontimin e një numri të vogël të grupeve kriminale.

“Numri i të dënuarve si koka të grupeve kriminale vazhdon të jetë shumë i ulët”, thuhet në raport.

Kërkohet goditja e aseteve kriminale dhe e pasurive të pajustifikuara.

Në raportin e progresit thuhet gjithashtu, se Shqipëria ka shënuar progres në prioritetin lidhur me reformën e administratës publike, si edhe prioritetin lidhur me të drejtat e njeriut./abcnews.al

28946901_1601772239876607_388591664_o.jpg
ent ela17:08 | 21/03/2018

Në një intervistë ekskluzive për ABC News, raportuesi për Shqipërinë në Parlamentin Europian, Knut Fleckenstein deklaron, se  Komisioni Europian duhet t’a bazojë rekomandimin  për Shqipërinë vetëm në vëzhgimin e tij dhe jo në qëndrimin e shteteve anëtare.  Fleckenstein pranon, se aktualisht Gjermania, Holanda dhe Franca nuk janë në favor në hapjes së negociatave. Eurodeputetët duhet t’u shpjegojnë qeverive të tyre përgjigjjet për pyetjet e ngritura për Shqipërinë, për të krijuar një qasje më pozitive edhe në kryeqytetet e shteteve anëtare .

Gjatë ndërhyrjes suaj në eventin e miqve të Shqipërisë në Parlamentin Europian, ju prekët pikën më të ndjeshme që lidhet me qëndrimin e shteteve anëtare për hapjen e negociatave të anëtarësimit të Shqipërisë në BE. Ju kërkuat nga Komisioni që të japë një rekomandim të qartë pa parë nëse ky rekomandim kënaq ose nuk kënaq shtetet anëtare. A ekziston shqetësimi se rekomandimi i Komisionit mund të influencohet nga shtetet anëtare?

Knut Fleckenstein, raportues për Shqipërinë: «Nuk besoj se ka ende vend për këtë shqetësim, sepse këtë gjë e shpjegoi përfaqëuesja e lartë e BE-së, Mogherini dhe kjo më bën të kem shumë besim. Por është shumë e rëndësishme që Komisioni Europian të thotë vetëm atë që vëzhgon dhe mbi këtë bazë të japë rekomandimin e tij. Ne në Parlamentin Europian do japim rekomandimin tonë dhe në fund shtetet anëtare do të vendosin në Këshillin e ministrave. Por këtë radhë kam një parandjenjë të mirë, që ka një shans të vërtet që vendimi të merret».

Ne dëgjuam shumë optimizëm gjatë eventit të miqve të Shqipërisë që vinte nga përfaqësuesja e lartë Mogherini, nga presidenti i Parlamentit Europian Tajani. Ndihet që tani që Komisioni Europian mund të publikojë një rekomandim pa kushte në 17 prill. Por ju thatë gjatë ndërhyrjes tuaj, se kemi ende punë për të bërë. Momentalisht, Gjermania, Holanda, po dhe Franca, keni të drejtë që e nënvizoni këtë, nuk janë pro hapjes së negociatave të anëtarësimit të Shqipërisë në BE Si mund të binden qytetarët gjermanë apo qeveria gjermane që Shqipëria e meriton hapjen e negociatave?

Knut Fleckenstein, raportues për Shqipërinë: « Puna ime tani nuk ka të bëjë me bindjen e qyterarëve gjermanë, sepse ne flasim për hapjen e negociatave të anëtraësimit, që është një proçes që do marrë vite. Besoj, se asnjë në Gjemrani nuk mendon që të çelësh negociatat e anëtarësimit është diçka e rrezikshme. Por mund të ketë disa pyetje që janë ngritur nga qeveria apo parlamenti gjerman, që kërkojnë përgjigjje. Ne që punojmë ditë për ditë mbi këtë dosje kemi detyrën të shkojmë në shtetet tona anëtare dhe t’ju përgjigjemi pyetjeve që ngrihen, në mënyrë që të kemi një qasje pozitive për Shqipërinë jo vetëm në Bruksel, por edhe në  kryeqytetet e shteteve anëtare ».

A mendoni se qëndrimi i tyre do të ndryshojë deri në qershor ? Tre shtete të mëdha anëtare nuk janë pak. 

Knut Fleckenstein, raportues për Shqipërinë: “Po, sepse unë do shkoj atje. Kjo ishte për shaka. Tani seriozisht. Nuk ka kundërshtim në parim për hapjen e negociatave të anëtarësimit të Shqipërisë në BE. Ka disa pyetje lidhur me atë se si po vijohet me krimin e organizuar, si po shkon procesi i Vettingut . Mendoj, se balanca e Shqipërisë është goxha pozitive dhe ne mund t’ia paraqesim këtë tablo shteteve anëtare që kërkojnë më shumë shpjegime”.

Holanda ka si parim të thotë jo herën e parë për shtetetet kandidate që kërkojnë hapjen e negociatave. A mendoni se do jetë ndryshe këtë rradhë ?

Knut Fleckenstein, raportues për Shqipërinë: « Por në fund,Holanda dhe Gjermania kanë pasur përgjithësisht të njëjtin qëndrim. Le të shohim rezultatin. Unë jam vërtet shumë optimist dhe jo thjesht për të bërë zhurmë. Nëse nuk do bëhej realitet vërtetë, zhgënjimi do të jetë i madh. Le të presim qëndrimin e çdo institucioni. Komisioni Europian dhe Parlamenti Europian e japin dritën jeshile pa diskutim, ndërkohë që për Këshillillin do shohim. Kemi kohë që të diskutojmë me ta dhe t’i bindim ata nëse është e nevojshme ». /abcnews.al

RAMA-PER-CELJEN-E-NEGOCIATAVE-1280x720.jpg
ent ela18:01 | 20/03/2018

Komisioni Evropian dhe Parlamenti Evropian janë shprehur pro hapjes së negociatave të Shqipërisë me Bashkimin Evropian pa kushte. Këtë e meriton Shqipëria sipas kryeministrit Edi Rama i cili nënvizoi se reforma në drejtësi dhe lufta kundër procesit është një process që vazhdon.

Zyrtarë të lartë të Komisionit dhe Parlamentit Europian kanë qenë në harmoni të plotë në mbështetje të hapjes së negociatave të anëtarësimit të Shqipërisë në BE, përmes një rekomandim pa kushte të Komisionit Europian në pritje të shpallet në 17 prill. Ky qëndrim i unifikuar është reflektuar qartë nga presidenti i Parlamentit Europian, Antonio Tajani dhe zëvendsëpresidentja e Komisionit Europian, Federica Mogherini në eventin «Shqipëria e përkushtuar ndaj reformave» të zhvilluar në Parlamentin Europian me pjesëmarrjen e kryeministrit të Shqipërisë Edi Rama dhe ministrit të punëve të jashtme Ditmir Bushati.

Antonio Tajani, president i PE-së: « Shqipëria sot më shumë se kurrë është afër hapjes së negociatave të anëtaësimit në BE. Sigruisht që bëhet fjalë për një proçes kërkues që kërkon mobilizimin e të gjitha forcave politike në Shqipëri. Shteti ligjor duhet të jetë një pripritet. Dua të nënvizoj angazhimin e qeverisë për procesin e Vettingut. Shteti ligjor nuk është një opsion, por një parim i rëndësishëm edhe për shtetet anëtare tê Bashkimit Europian; »

Federica Mogherini, zv/presidente e KE-së: « Problemi që kemi aktualisht në anën institucionale të Bashkimit Europian mund të krahasohet me të dhënit biçikletës. Nuk mund të rrish në vend. Ose shkon përpara, ose rrëzohesh. A duam të shkojmë përpara, a jemi të përgatitur të shkojmë përpara ?. Mendoj, se rreziku i mos ecjes përpara është rrëzimi dhe rrëzimi i Shqipërisë apo i Ballkanit Perëndimor nuk është në interesin e vetë rajonit, por nuk është as në interesin e Bashkimit Europian. Unë besoj, se do të jepet një rekomandim pozitiv pa kushte  nga Komisioni Europian për Shqipërinë dhe më pas vendet anëtare të vendosin në qershor. Pastaj mund të fillojmë»

Kryeministri Edi Rama pranoi se  Shqipëria nuk është gati për anëtarësimpasi ka ende problem me korrupsionin, krimin e organizuar dhe trafikun e drogës, por Shqipëria po punon fort në këtë drejtim.

“E dimë që nuk jemi gati për anëtarësim. Kemi ende probleme me korrupsionin, krimin e organizuar, trafikun e drogës. Por ne po vijojmë të punojmë në këtë drejtim”.

“Shqipëria nuk po kërkon një dhuratë, as një lloj favori që nuk e meritojmë, por kërkojmë thjesht çeljen e negociatave, pasi e meritojmë. Çelja e negociatave me Shqipërinë nuk është krijimi i një problemi të ri potencial, por çelja e një procesi që do ta bëjë Europën më të fortë, pasi Ballkani ka nevojë dëshpërimisht për Europën, por edhe Europa ka nevojë për Ballkanin strategjikisht”.

Raportuesi për Shqipërinë në Parlamentin Evropian, Knut Fleckenstein ka kërkuar veçanërisht që Komisioni Europian të mos ndikohet nga qëndrimi i shteteve anëtare për rekomandimin për Shqipërinë,. Aktualisht, tre shtete anëtare të Bashkimit Europian, Gjermania, Holanda dhe Franca  janë ende në favor të hapjes së negociatave të anëtarësimit me Shqipërinë në qershor. Z/presidentja e delegacionit parlamentar të MSA-së Shqipëri-BE, Elly Shclein ka nënvizuar se hapja e negocictave është një detyrim ndaj qytetarëve shqiptarë dhe të rinjve shqiptarë./abcnews.al

 

KE-PER-GJUHEN-DHE-ZAEV-1280x720.jpg
ent ela15:48 | 15/03/2018

Komisioni Europian kërkon që ligji për përdorimin e gjuhëve në Maqedoni, të dërgohet në Komisionin e Venecias. Ndërsa kryeministri Zoran Zaev përsëriti dhe njëherë, se ligji në fjalë nuk shkel kushtetutën e vendit.

Komisioni Europian pret që Ligji për Përdorimin e Gjuhëve, i miratuar në kuvendin e Maqedonisë, të dërgohet në Komisionin e Venecias.

Kjo është bërë e ditur nga zëdhënësja e këtij institucioni të Brukselit, Maja Kocijançiç. “Implementimi i ligjit duhet të jetë në përputhje me standardet europiane. E vlerësojmë votimin e ligjit”, thotë ajo. Zëdhënsja shton se pritjet e Komisionit Europian janë që Kuvendi tani të fokusohet në reforma të tjera dhe të ketë progres në agjendën për rrugën drejt BE-së. Ndërsa kryeministri i Maqedonisë, Zoran Zaev, njoftoi se Ligji për Përdorimin e Gjuhëve është kontribut për ndërtimin e konceptit “Një shoqëri për gjithë qytetarët”. Ky ligj, sipas tij, është tërësisht në përputhje me Kushtetutën dhe askush nuk është dhe nuk mund të jetë mbi Kushtetutën.

Zoran Zaev, Kryeministër i Maqedonisë: “Me avancimin e të drejtave për përdorimin e gjuhëve nuk humbë askush, por mundësohen kushte për komunikim më të mirë mes qytetarëve dhe institucioneve. Komunikimi pa pengese i qytetarëve është përfitim civilizues. Njëkohësisht, ky ligj garanton tërësisht përdorimin adekuat të gjuhës maqedone. Tani është koha që t’i hedhim poshtë politikat e ndarjes, mosmarrëveshjes dhe konfliktit, të cilat janë në kundërshtim me vlerat tona dhe ato europiane”.

Ndërkohë, presidenti i vendit Gjorge Ivanov është shprehur përsëri kundër ligjit për përdorimin e gjuhëve. Kreu i Shtetit tha se nuk do ta dekretorjë ligjin në fjalë, pasi thotë se shkel kushtetutën e Maqedonisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono