Kavajë

KRONIKE-PROTESTA-SHKODER-KAVAJE-ABC-M-4-T-2-HD.mpg_snapshot_00.07-1280x720.jpg
G. P.16:41 | 10/12/2018

Qytetarë të Shkodrës dhe Kavajës u ngritën në protesta për çmimin e naftës dhe rritjen e taksave. Protestuesit bllokuan për disa minuta rrugët hyrëse të qyteteve dhe kërkuan dorëheqjen e kryeministrit Rama.

Shkodranët bllokuan rreth orës 16:00 rrugën kryesore në hyrje të qytetit. Protestuan kundër çmimit të naftës, taksave dhe papunësinë. Disa kërkuan edhe dorëheqjen e kryeministrit Edi Rama.

Protestuesi 1: “Të gjithë po protestojnë për të rrëzuar qeverinë dhe i bëj thirrje të gjithë popullitshqiptar që të bëjnë protestë pas proteste deri sa të bjerë kjo qeveri.”

Protestuesi 2: “Ne mos ta ndalim këtë, por të solidarizohemi me të gjithë popullin.”

Protestuesi 3: “Sot jemi mbledhur për shumë halle dhe tellashe që ka ky popull. Jemi mbledhur për taksat e larta, për papunësinë.”

Protestuesi 4: “Nuk kemi pagat, nuk kemi dinjitet. Gjithçka do të bjerë tek fëmijët tuaj.”

Ata u shprehën në mbështetje të protestës së studentëve në Tiranë.

Protestuesi 5: “I bëj thirrje të gjithë qytetarëve të bashkohen në këtë kauzë që kërkon të drejtat tona dhe të përballojmë jetesën minimale që nuk po e kemi në këtë moment.”

Protestuesi 6: “Do i mbështesim studentët për të gjitha kërkesat e tyre. Poshtë Edi Rama.”

Për të shmangur ndonjë incident të mundshëm u angazhuan edhe forcat e policisë. Më pas qytetarët marshuan në drejtim të prefekturës së Qarkut Shkodër. Për rritjen e çmimit të naftës dhe të taksave u ngritën në protestë në të njëjtën orë edhe qytetarët e Kavajës. Fillimisht u mblodhën në sheshin kryesor të qytetit. Më pas me pankarta në duar iu drejtuan aksit nacional Kavajë-Durrës. Aty bllokuan rrugën për disa minuta.

Protestuesi 7: “Kemi naftën më të shtrenjtë në rajon dhe në Europë. I bëj thirrje këtu nga Kavaja të gjithë biznesit shqiptar që të dalin në protestë, të mbështesin studentët, fëmijët tanë, të cilët kanë dalë për të drejtat e tyre dhe për hallet tona.”

Në protestë krahas qytetarëve dolën edhe përfaqësues të biznesit të madh e të vogël./abcnews.al

pranga.jpg
ent ela09:07 | 23/10/2018

Një 54 vjeçar i shpallur në kërkim ndërkombëtar është arrestuar në Kavajë. Ai është Liman Beu, i cili do të ekstradohet drejt Italisë.

Gjykata e Breshias Itali ka lëshuar ndaj tij urdhër arresti ndërkombëtar për veprat penale “Vjedhje me armë”, “Pjesëmarrje në organizatë kriminale” dhe “Shfrytëzim prostitucioni”, të parashikuara nga nenet 600, 648, 628, 629, 582, 585 dhe 576  të Kodit Penal Italian dhe të Ligjit Italian nr.75 datë 20.02.1958.

Veprimet e mëtejshme do të kryhen nga Zyra e Interpolit në Tiranë.

Njoftimi i Policisë Kavajë

Arrestohet përkohësisht një shtetas i shpallur në kërkim ndërkombëtar me qëllim ekstradimi drejt Italisë.

Specialistët e Hetimit të Krimeve pranë Komisariatit të Policisë Kavajë, bën arrestimin provizor të shtetasit :

– Liman Beu, 54 vjeç, banues në Kavajë.

Beu është person i shpallur në kërkim ndërkombëtar, pasi Gjykata e Breshias Itali ka lëshuar ndaj tij urdhër arresti ndërkombëtar për veprat penale “Vjedhje me armë”, “Pjesëmarrje në organizatë kriminale” dhe “Shfrytëzim prostitucioni”, të parashikuara nga nenet 600, 648, 628, 629, 582, 585 dhe 576  të Kodit Penal Italian dhe të Ligjit Italian nr.75 datë 20.02.1958.

Veprimet e mëtejshme do të kryhen nga Zyra e Interpolit në Tiranë. /abcnews.al

PESHQIT-E-NGORDHUR-1280x720.jpg
ent ela14:29 | 05/10/2018

Prej tri ditësh bregu i detit në Karpen të Kavajës është mbushur me peshq të ngordhur. Por nuk dihet shkaku i kësaj situate.

Në mënyrë të mistershme dhjetëra-qindra peshq të ngordhur kanë mbushur bregun e detit në Karpen të Kavajës.

Shkaku i ngordhjes mbetet ende i panjohur, pasi askush nuk di të thotë arsyen, apo shkaqet e këtij fenomeni aspak normal.

Kjo është hera e parë që në këtë vijë bregdetare dallgët sjellin peshq të ngordhur në breg të detit.

Pavarëisht situatës, tejet problematike autoritet përkatëse ende nuk kanë nisur apo dhënë ndodnjë informacion zyrtarë mbi këtë fenomen,  po aq të rëndë dhe të rrallë për ujërat e Adriatikut.

Paraprakisht dyshimet lidhen me  ndotjen që shkaktohet  nga shkarkimet  e Hidrovorit të Karpenit dhe Qerretit.

Por, nuk përjashtohet dhe mundësia që peshkatarët e zonës kanë përdorur lëndë plasëse gjatë peshkimit, duke sjellë pasoja të rënda tek gjallesat  detare. /abcnews.al

kanal.jpg
ent ela10:21 | 10/09/2018

Një trup i pajetë i seksit mashkull është gjetur në fshatin Gjoc të Kavajës në një kanal. Nga këqyrjet paraprake dyshohet se trupi i përket një personi të moshës 60-70 vjeç dhe nuk rezulton të ketë shenja dhune në trup apo dëmtime të tjera. Trupi i pajetë është rreth 1.70 m i gjatë, me flokë të thinjura dhe në momentin e konstatimit kishte të veshur një këmishë me mëngë të shkurtra ngjyrë e bardhë me vija blu dhe të kuqe, pantallona ngjyrë blu e errët, si dhe në dorë mbante një orë me fushë të bardhë me mbishkrimin “Quartz-Ëoke”.

Drejtoria Vendore e Policisë Tiranë kërkon ndihmën dhe bashkëpunimin e qytetarëve për identifikimin e trupit të pajetë. Kushdo që disponon informacion të nevojshëm është i lutur të telefonojë në numrin pa pagesë 112 ose në numrin e Sallës Operative 0694110202.

Njoftimi i Policisë Kavajë

Më datë 09.09.2018, rreth orës 14:20, në fshatin Gjoc në Kavajë, në një kanal, është gjetur një trup i pajetë i gjinisë mashkull, rreth moshës 60-70 vjeç, i cili nga këqyrjet paraprake nuk rezulton të ketë shenja dhune në trup apo dëmtime të tjera.

Drejtoria Vendore e Policisë Tiranë kërkon ndihmën dhe bashkëpunimin e qytetarëve për identifikimin e trupit të pajetë.

Trupi i pajetë ka këto karakteristika fizike, është rreth 1.70 m i gjatë, me flokë të thinjura dhe në momentin e konstatimit kishte të veshur një këmishë me mëngë të shkurtra ngjyrë e bardhë me vija blu dhe të kuqe, pantallona ngjyrë blu e errët, si dhe në dorë mbante një orë me fushë të bardhë me mbishkrimin “Quartz-Woke”.

Çdo qytetar që disponon informacion të nevojshëm është i lutur të telefonoj në numrin pa pagesë 112 ose në numrin e Sallës Operative 0694110202. /abcnews.al

aksident-me-motorr-640x374-e1539881950468.jpg
ent ela21:40 | 31/08/2018

Një aksident me pasojë vdekjen ka ndodhur mbrëmjen e sotme rreth orës 21:00 në Kavajë. Shtetasi A. M., rreth 56 vjeç, duke drejtuar mjetin tip motorr, pa targë është përplasur me një tabelë në anë të rrugës dhe për pasojë ka ndërruar jetë.
Po kryhen veprimet e mëtejshme hetimore dhe proceduriale./abcnews.al

39393979_228021597872475_1904178496620462080_n.jpg
G. P.09:17 | 17/08/2018

Një familje shpëtoi për mrekulli ndërsa makina me të cilën po udhëtonin u përplas me trenin në Golem. Dy prindërit dhe katër fëmijët u dërguan në spitalin e Durrësit me plagë të lehta dhe janë jashtë rrezikut për jetën.

Një automjet në të cilin po udhëtonin gjashtë persona, ka tentuar të kalojë shinat e hekurudhës dhe është përplasur me trenin. Ngjarja ka ndodhur në vendin e quajtur “Përroi i Agait”, në afërsi të Golemit. Treni i linjës Elbasan-Durrës po udhëtonte në drejtim të Rrogozhinës, kur një automjet që po lëvizte nga Golemi në drejtim të Plepave, i ka prerë rrugën.

Makina, një mjet tip Volvo me targa angleze, u godit në pjesën fundore nga treni, i cili e ka marrë zvarrë për disa metra. Drejtuesi, 40 vjeçari me inicialet B.C, udhëtonte me bashkëshorten e katër fëmijët e tyre. Të gjashtë janë dërguar me lëndime në spital, e janë jashtë rrezikut për jetën.

Fatkeqësisht veprime të tilla vijojnë të përsëriten, ku në mënyrë të papërgjegjshme drejtues mjetesh, por edhe këmbësorë, tentojnë të kalojnë pa kujdes, në shinat e hekurudhës./abcnews.al

motori-1.jpg
G. P.13:42 | 02/08/2018

Një aksident me vdekje ndodhi mesditën e së mërkurës, në zonën e Spilles së Kavajës.

Dy persona janë aksidentuar teksa po udhëtonin me motorr.

Mjeti ka dalë nga rruga, ndërsa Donald Agolli, 20 vjeç, ka humbur jetën, ndërsa pasagjerja që ishte në motorr me të është plagosur dhe ndodhet në spital në gjendje të rëndë për jetën.

Paraprakisht dyshohet se shkak për aksidentin është bërë shpejtësia me të cilën po udhëtonin të rinjtë./abcnews.al

pranga.jpg
G. P.10:48 | 12/07/2018

Një pronar i një pikeje llotoje ka rënë në prangat e Policisë së Kavajës për prodhim dhe shitje të lëndëve narkotike si dhe organizim i llotarive të palejuara.

Ai është Erti Kadiu, 31 vjeç. Policia ishte vënë në ndekje të tij prej disa kohësh pasi dyshohej se në pikën e tij të llotos shpërndante drogë.

Gjatë kontrollit aty, u sekuestruan 4 kompjuterë lojërash fati, 21 doza lënde narkotike e dyshuar kokainë, 45 fishekë model 56, 9 fishekë model 54, një sasi në lekë dhe dollarë, peshore elektronike, 6 aparate celularë si dhe një makinë “Ford”.

Gjithashtu policia kontrolloi edhe në shtëpinë e Kadiut, ku iu gjetën disa dokumente shtëtërore që dyshohet se janë të falsifikuara./abcnews.al

droga-1-2-649x365.jpg
G. P.18:06 | 09/07/2018

Prokuroria për Krime të Rënda Tiranë mbyll hetimet dhe dërgon për gjykim dosjen në ngarkim të 5 të rinjve, të cilët akuzohen për tentativë trafikimi të 1.3 ton kanabis. Sipas një njoftimi për shtyp të dalë nga organi i akuzës, mësohet se janë mbyllur hetimet ndaj Joni Sadikajt, Kejvi Hajdarit, Nertil Shehut, Roland Hysenbelliut dhe Skerdi Sinës.

Këta pesë persona akuzohen se në 14 Korrik të vitit të kaluar, rreth orës 02:20, në fshatin Bago te Kavajë, kanë kryer të gjitha veprimet për trafikimin drejt Italisë, nëpërmjet detit të gati 1360 kilogramë kanabis.

Kjo tentativë trafiku ka dështuar si rezultat i ndërhyrjes të shërbimeve të Policisë Kavajë. Mbi pesë personat bie akuza e trafikimit të narkotikëve kryer në bashkëpunim, mbetur në tentative dhe tashmë ndaj tyre pritet të fillojë procesi gjyqësor pranë Gjykatës së Krimeve të Rënda./abcnews.al

aksidenti.jpg
ent ela15:02 | 23/06/2018

Një 12 vjeçare humbi jetën pasi u përplas nga një makinë që drejtohej nga një grua. Aksidenti u shënua mesiditën e së shtunës tek mbikalimi në Kavajë. Sipas policisë, e mitura ishte duke kaluar rrugën nga njëra anë në  tjetër, duke i prerë rrugën automjetit,  cili dyshohet se lëvizte me shpejtësi.  Dëshmitarët në vendngjarje pohuan se, 12-vjeçarja nuk ishte e shoqëruar nga ndonjë person madhor në momentin që tentoi të kalante rrugën. Edhe pse u dërgua me ugjencë në spitalin rajona të durrësit, përsëri e reja nuk mundi të shpëtojë.

Për ngjarjen u shoqëruan në komisariatin e policisë së Kavajës edhe drejtuesja e automjetit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono