Kavajë

aksidenti-kavaje.jpg
nev ila14:50 | 16/05/2019

Policia e Kavajës ka dërguar në prokurori dosjen hetimore për aksidentin tragjik me tre të vdekur. Nga provat e saj, të dy palët  kanë shkelur rregullat e qarkullimit rrugor.

Në vendin ku tre jetë u shuan janë shtuar policët. Dy grupe të task-forcë po monitorojnë me radar shpejtësinë e mjeteve në qarkullim në hyrje të Kavajës dhe në autostradën Kavajë- Rrogozhinë.

Por për të zbardhur shkaqet e aksidentit tragjik  do të duhen afro 2 muaj. Policia ka referuar në prokurori të dhëna dhe provat e vendit të ngjarjes. Bazuar nga pamjet filmike të kamerave të sigurisë së objektit ku ndodhi aksidenti, policia ka gjetur fajtor drejtuesin e mjetit Benz si dhe gratë këmbësore.

Makina ishte me shpejtësi mbi 100 km në orë në një zonë të banuar, ku kufiri maximal i lejuar është 40 km në orë. Kurse viktima femër bashkë me dy vajzat e saj ka lëvizur  në një pikë që nuk lejohet për këmbësore.

46  vjeçarja Lumturie Demrozi është futur e para për të kaluar rrugën, tregohet në kamerat e sigurisë. Vajzat e saj janë nisur disa sekonda pas nënës.  Pasi kalon korsinë e parë  në të dytën  ajo përplaset  fatalisht nga mjeti që drejtonte  24 vjeçari Vilson Cara.

Trupit i gruas është hedhur disa metra në ajër duke u përplasur fort në tokë  ku dhe mbeti e vdekur në vend. Fatmirësisht dy vajzat e saj 21 dhe 13 vjeçe u lënduan lehtë nga ky aksident.

Kurse makina e dy të rinjve,  Gentian Belba dhe Vilson Cara  pasi goditi 46 vjeçaren doli jashtë kontrollit dhe u përplas me tabelën e karburantit buzë rrugës.

Pasagjeri vdiq në vend dhe drejtuesi ndërroi jetë në spitalin e traumës, në ditëlindjen e 24 të tij./ABC News Albania 24/7

 

 

aksidenti-kavaje.jpg
Sej rie13:10 | 15/05/2019

Policia ende nuk ka nxjerrë shkakun e aksidentit tragjik me tre viktima në Kavajë. Por ekspertiza e vendngjarjes ka saktësuar se gruaja që mbeti viktimë bashkë me dy vajzat, po ecnin në mes të rrugës, ku nuk lejohen këmbësorët.

Gruaja me dy vajzat e saj ishin në korsinë e dytë të rrugës hyrëse të Kavajës kur Benzi i dy të rinjve erdhi me shpejtësi.

Ato po kalonin nga njëra anë në anën tjetër dhe këtu nuk ka viza të bardha, apo sinjalistikë tjetër për të lejuar këmbësoret.

Disa metra para tyre  23 vjeçari që e drejtonte makinën, tentoi devijimin por pa shmangur përplasjen me tabelën e një karburanti.  Pamjet që po shikoni tregojnë momentin fatal. 

Të vdekur në vend mbetën 46 vjeçarja Lumturie Demrozi dhe pasagjeri i makinës Gentian Belba. Orëve të para të kësaj të mërkure ndërroi jetë në spital edhe i riu tjetër Vilson Cara.

Kurse njëra nga vajzat e viktimës Xhesika Demrozi 21 vjeçe ndodhet në spitalin e Durrësit. Fatmirësisht vajza e dytë nuk pësoi dëmtime.

Dy djemtë do të shkonin në një festë e cila niste në mesnatë. Cara i cili punonte kamarier në Golem kishte organizuar 23 vjetorin e tij. Por nuk arriti.

Rruga hyrëse e qytetit të Kavajës kalon përmes qendrave të banuara. Në të dy anët e saj ka shtëpi  dhe biznese.

Këtu, 100 metra më larg nga vendi ku ndodhi tragjedia me tre të vdekur, ka viza të bardha për këmbësore. Por banoret tregojnë se nuk respektojnë rregullat e qarkullimit.

Policia ka ngritur një grup hetimor për të zbardhur ngjarjen dhe rrethanat e saj. Por paraprakisht është saktësuar që gruaja me dy vajzat ndodheshin në mes të rrugës, aty ku ndalohet kalimi i këmbësoreve./ABC News Albania 24/7 

makina-kavaje.jpg
G. P.22:52 | 14/05/2019

Një aksident tragjik, ku kanë humbur jetën dy persona dhe kanë mbetur të plagosur rëndë tre të tjerë ka ndodhur mbrëmjen e së martës në Kavajë.

Viktimat janë Lumturie Demrozi, e cila u përplas nga një automjet ndërsa po kalonte rrugën me dy vajzat e saj, si dhe pasagjeri i makinës që u përfshi në aksident, një autoveture tip ‘Benz’. Të plagosur rëndë janë dy vajzat e familjes Demrozi si dhe drejtuesi i makinës.

 

Makina me të cilën po udhëtonin të rinjtë ka goditur gruan dhe vajzat e saj dhe më pas një tabelë reklamimi të një pike karburanti. Gruaja ka humbur jetën në vend, pasi makina e ka hedhur disa metra larg nga vendi i aksidentit.

Po aq fatale përplasja e dyfishtë ka qenë edhe për të riun që ishte pasagjer në automjet.

Ndërkohë tre të plagosurit janë dërguar me urgjencë në spitalin e Durrësit dhe atë të Traumës për të marrë ndihmë të specializuar mjekësore. Gjendja e tyre mësohet se është mjaft kritike.

Policia ka nisur hetimet për zbardhjen e plotë të ngjarjes, por dyshimet paraprake janë se aksidenti mund të ketë ardhur për shkak të shpejtësisë dhe lagështirës në rrugë.

/ABC News Albania 24/7

MBULIM-DROGE-POLICIA-NE-KAVAJE.mpg_snapshot_00.00-1280x720.jpg
ent ela13:01 | 08/05/2019

Policia e Kavajës ka prangosur një 51-vjeçar, pasi u kap në flagrancë me kokainë, dhe me vlera monetare, të cilat dyshohet se janë përfituar nga shitja e lëndës narkotike. Operacioni i uniformave blu u kodua te “Pedonalja”, pasi i arrestuari e ushtronte aktivitetin e tij kriminal në një kriminal në qendër të qyetetit bregdetar. Nga hetimet proaktive, ka  rezultuar se 51-vjeçari, pasi i siguronte klientelë nëpërmjet komunikimeve në rrjetet sociale iu siguronte drogën e fortë e llojit kokainë si edhe kanabis sativa. Gjatë kontrollit, fizik, policia pohoi se u sekuestuan 27 doza kokainë dhe 1000 mijë euro. Por të arrestuarit në makinë iu gjetën edhe një shumë e konsiderueshme parash prej 740 mijë lekësh, të cilat u sekuestrian si prove materiale.  /ABC News Albania 24/7

sakja.jpg
G. P.15:14 | 15/04/2019

Në një reagim, kryetari i Bashkisë së Kavajës Isa Sakja e cilëson këtë kallëzim si konkretizim të sulmit verbal të ndërmarrë ndaj tij pak javë më parë nga kryeministri Rama.

“Në hall, pasi nga sondazhet që bëri në Kavajë, me disa kandidatë të tij, i dalin që të gjithë humbës përballë meje, zgjodhi rrugën e përdhosjes së emrit tim dhe kërcënimin për burg”, shkruan Sakja në një mesazh në Facebook.

“Unë besoj se në këtë vend ka ende gra e burra që nuk janë vegla qorre të tij edhe pse që të gjithë jemi nën presion dhe kërcënim”, shprehet Sakja.

“Unë do të vazhdoj të përmbush misionin tim të drejtimit të Bashkisë Kavajë me të njëjtën dashuri, pasion e përkushtim, siç kam bërë deri tani”, përfundon kryebashkiaku./abcnews.al

dhuna-e-ndeshjes.jpg
nev ila22:49 | 13/04/2019

Ndeshja Besa-Bylis e Kategorisë së Parë nuk u arrit të përfundohej pasi tifozët vendas sulmuan arbitrat. Ata hodhën sende të forta ndaj gjyqtarëve, ndërsa as forcat e Policisë së Shtetit nuk mjaftuan për të normalizuar gjendjen

Dhuna nuk pret që qeveria dhe Federata të mbushin 100-ditëshin e tyre.

Në Kavajë, autoritetit të shtetit dhe të institucioneve të futbollit iu bë një tjetër sfidë, duke rrezikuar jetën e arbitrave, por edhe të forcave të policisë.

Ndeshja e Kategorisë së Parë, Besa-Bylis, u ndërpre në minutën e 75-të, pas sulmit të tifozëve ndaj arbitrit anësor, dhe u braktis për të mos u përfunduar.

Skuadra nga Ballshi po kryesonte 1-0 me gol të shënuar që në pjesën e parë, ndërsa në minutën e 75-të u dha karton i kuq për një lojtar kavajas.

Ky ishte edhe momenti që solli reagimin e një pjese të tifozëve në tribunën kryesore, ndërsa tribunat e tjera ishin bosh.

Arbitri anësor Rexha u godit me copë betoni në shpinë, dhe shpëtoi mirë pa iu rrezikuar jeta, gjë që do të kishte ndodhur nëse do të ishte goditur në kokë.

Më pas, sendet e forta u lëshuan edhe ndaj forcave të Policisë së Shtetit që hynë në fushën e lojës, të cilat u zunë krejtësisht të papërgatitura.

Sjellja më fisnike ishte ajo e lojtarëve vendas, që morën në mbrojtje arbitrat, madje sulmuesi Albi Çekiçi shoqëroi anësorin Rexha për ta shpëtuar nga goditja e gurëve dhe sendeve të tjera të forta.

Pritet që ndeshja të jepet 3-0 në tavolinë për Bylisin, që Besës t’i hiqen tri pikë nga renditja dhe që të ketë ndëshkim të fushës kavajase./abcnews.al

INSPEKTIMET-E-RAMES-NE-DURRES-E-KAVAJE.mpg_snapshot_00.00-1280x720.jpg
ent ela13:17 | 31/03/2019

Kryeministri Edi Rama ka kryer disa inspektime këtë fundjavë. Në Kavajë është njohur me një investim privat të mbështetur me financim nga Fondi i Programit për Bujqësinë dhe Zhvillimin Rural. Ndërsa në Durrës ka parë rehabilitimin e një prej qendrave shëndetësore që u vjen në ndihmë 20 mijë banorëve.

Fundjavën e ka shndrruar në ditë inpektimesh kryeministri Edi Rama. Këtë herë jo shumë larg kryeqytetit, në Kavajë ka parë se si katë vëllezër emigrantë janë rikthyer në në Shqipëri për të ngritur një fabrikë moderne për përpunimin e hudhrave, me eksporte në tregjet e standardeve më të larta në Europë dhe në botë, nga Holanda, Anglia e deri në Zelandën e Re.

“Fakti që këta kanë çarë tregun holandez, që është me siklete të jashtëzakonshme nga pikëpamja e standardeve, është niveli më i lartë”.

Kjo fabrikë ka përfituar së fundmi një financim nga Fondi i Programit për Bujqësinë dhe Zhvillimin Rural.

Është e mbështetur nga AZHBR-ja, me një investim të linjës së përpunimit të tharjes dhe kompresorin e zhveshjes, prej 10 milion lekësh të reja. E gjithë fabrika është e çertifikuar me standardet europiane

“Falë jush dhe Ministrisë që na ka ndihmuar kemi arritur që të rrisim kapacitetin e prodhimit nga 200 kg, që kam pas me këtë makineri që e kisha blerë në Kinë, të shkoj në 2 ton në vit,”

Kryeministri Edi Rama konfirmoi edhe njëherë se do të mbështeten nga qeveria në drejtim të shtimit të kapaciteteve prodhuese dhe agropërpunuese.

“Fuqizimi juaj është shtim i kapaciteteve prodhuese të atyre që kanë nga 2 dynym dhe nuk është nevoja me bashku tokat në mënyrë mekanike, por me i bashku me interes, që, shkoni, bëni kontratat, secili bën punën te pjesa vet, me të njëjtën farë, me të njëjtën teknologji, me të njëjtat kushte, etj., etj.. Kjo është bujqësia që duam ne, se ajo bujqësia tjetër me shpërnda lekë kot, hidh lekë gjithandej dhe kur vinte puna në fund asnjë s’ishte i kënaqur e të gjithë vetëm mbijetojnë, nuk funksionon. Kështu që ne do ju mbështesim shumë fort. E kemi objektiv, jo vetëm eksportin e prodhimeve të freskëta, apo të përpunuara në këtë nivel, por edhe agropërpunimin këtu” .

Një tjetër ndalesë kryeministri Edi Rama e bëri në Qendrën shëndetësore Nr. 6 në Durrës, e rehabilituar tërësisht, zgjeruar dhe e pajisur me aparatura të reja si pjesë e programit të 300 qendrave shëndetësore që do të rikonstruktohen dhe rindërtohen në të gjithë vendin.

“Kushtet janë dukshëm më të mira. Nuk kanë qenë asnjëherë në këtë nivel”.

“Kam 35 vjet punë dhe nuk ka pasur asnjëherë ndërhyrje të tillë. Jemi shumë të kënaqur. Kemi kushte dhe mundësi për të punuar”.

Sipas mjekëve të qendrës shëndetësore kontrolli bazë mjekësor ofrohet falas për të gjithë qytetarët e për të gjithë moshat. Po ashtu, të gjithë pacientët e diagnostikuar me sëmundje kronike, barnat mund t’i marrin me rimbursim të plotë. Qendra i shërben rreth 20 mijë qytetarëve të kësaj zone. /abcnews.al

Gjonaj-17-masa.jpg
ent ela14:12 | 27/03/2019

Pas shkarkimit nga detyra të kryeregjistrueses në Hipotekën e Kavajës Task Forca Antikorrupsion rekomandoi edhe 17 masa të tjera disiplinore. Për 11 specialistë u mor vendimi për largim nga puna. Të dhënat u bënë publike nga Ministrja e Drejtësisë Etilda Gjonaj pas një denoncimi të kryer në platformën e bashkëqeverisjes.

 

 “Pas një denoncimi të kryer në platformën “Shqipëria që duam”, Task Forca Antikorrupsion, ka kryer kontroll në Zyrën Vendore të Regjistrimit të Pasurive të Paluajtshme Kavajë, me objekt verifikimin e zbatimit të urdhrit të ministrit të drejtësisë të prillit të vitit 2018, për evidentimin, shqyrtimin dhe trajtimin e të gjitha praktikave të prapambetura ose jashtë afatit nga ana e ZVRPP-ve, njëkohësisht verifikimin e cilësisë e transparencën.

Sistemi online i menaxhimit të aplikimeve nuk ka pasqyruar situatën reale të praktikave të trajtuara ose atyre jashtë afatit për faktin se sistemi nuk është administruar, apo përdorur nga administrata e kësaj zyre në mënyrë të vazhdueshme.

Duke mbajtur në konsideratë shkarkimin nga detyra më herët të regjistrueses së ZVRPP Kavajë, në përfundim të kontrollit janë rekomanduar dhe 17 masa disiplinore ku për 11 specialiste të ZRVPP Kavajë është rekomanduar “vërejtje me paralajmërim për largim nga detyra”, 6 specialistë të tjerë është rekomanduar “vërejtje me shkrim”.

Gjithashtu janë rekomanduar edhe masa administrative  për rregullimin e veprimtarisë s brendshme të ZRVPP Kavajë për përmirësimin e cilësisë”, theksoi Gjonaj/abcnews.al

 

policia-e-durresit.jpg
G. P.08:33 | 15/03/2019

Prona u bë shkaku për plagosjen e një 60-vjeçari në Kavajë, në orët e para të mëngjesit të së premtes. Pas një konflikti të ashpër, autori, një 26- vjeçar, qëlloi me armë gjahu 60-vjeçarin Esat Kotorri.

Ngjarja ndodhi në vendin e quajtur “Kafja e Romës”. Policia mbërriti menjëherë në vendngjarje dhe ka arrestoi të riun, ndërsa i plagosuri ndodhet nën kujdesin e mjekëve, jashtë rrezikut për jetën./abcnews.al

apeli-1280x722.jpg
ent ela17:29 | 19/02/2019

Gjykata e Apelit Durrës ka lënë në burg të miturit e akuzuar për skandalin seksual në qytetin e Kavajës. Vendimi i gjykatës shkallës se parë Durrës ishte apeluar nga mbrojtja e 8 të miturëve, njëri prej tyre ende në kërkim duke kërkuar një masë më të lehtë.

Por, apeli ka vendosur të lërë në fuqi vendimin e mëparshëm, atë të arrestit me burg për të gjithë adoleshentët e ndaluar. Ata akuzohen për abuzim seksual me anë të shantazhit, të një 14-vjeçarje në Kavajë. Gjithçka nisi në ditën kur shoku i së miturës mbushte 14 vjeç, kohë në të cilën kërkoi të kryenin marrëdhënie seksuale si dhuratë për ditëlindjen e tij. Që prej asaj ditë ka patur abuzime të vazhdueshme të 14 vjeçares nga bashkëmoshatarët e saj të cilët e shantazhonin me anë të një video seksi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono