Kavajë

67691212_10156893712111523_8010982599751106560_n.jpg
Sej rie15:30 | 08/08/2019

Kryeministri Rama ka thumbuar sot ish kryebashkiakun demokrat të Kavajës, Isa Sakja, për mbeturinat e pa pastruara në plazh.

“Duke u marrë me mbrojtjen e kështjellës së revolucionit imagjinar që s’do ta dorëzonte i gjallë, kryebashkiaku kreshnik i Kavajës ka harruar me muaj të tërë, të mbledhë plehrat në zonën turistike të Golemit”,-shkruan Rama.

Kryeministri publikon ankesën që i ka ardhur në telefon nga një pushues, si dhe fotot e veprimit të kryebashkiakut të ri, pas interesimit të kryeministrit.

Vazhdon edhe me ndihmën e pushuesve, evakuimi i kodrave me plehra nga kryebashkiaku i ri, që ende s’ka bërë javën në detyrë. Ndjesë pushuesve të Golemit për këtë mysybet”,-shkruan Kryeministri./ABC News Albania 24/7

plazh-1280x751.jpg
Sej rie09:30 | 08/08/2019

Policia njoftoi se janë liruar rreth 1500 m2 ne plazhin e Golemit si edhe nisën hetimet për 3 zyrtarë te Bashkisë Kavajë për “shpërdorim detyre”.

Uniformat blu, në kuadër të operacionit anti-iformalitet, sekuestruan 200 shezlongë dhe 140 çadra plazhi, të vendosura në mënyrë të paligjshme në hapësirat publike.

Nga ky kontroll rezultoi se 3 subjekte tregtare ushtronin aktivitet të kundërligjshëm duke shfrytëzuar hapësirën e plazhit pa paguar detyrimet financiare dhe pa u pajisur me  kontratë qiraje për përdorimin, nga Bashkia Kavajë.

Tre  pronarët e subjekteve po procedohen për veprat penale “Fshehja e të ardhurave” “Mospagim i taksave” dhe “Pushtimi i tokës”.

 

 

kavaje-2.jpg
G. P.13:02 | 30/07/2019

Ashtu si në rastin e Devollit  pas mbylljes së orarit zyrtar të punës kryetari i ri i Bashkisë së Kavajës ka hyrë forcërisht në godinë me ndihmën e policisë. Ndërsa ish-kryetari Isa Sakja është larguar se bashku me protestuesit në orën 16:00, pasi bllokuan bashkinë përgjatë 8 orëve.

Kryetari i ri i Bashkisë së Kavajës Redjan Krali  priti orën 16:00 që të largohej ish kryetari Isa Sakja dhe më pas i është drejtuar institucionit.

Bashkë me të ishin simpatizantët të cilët hodhën edhe fishekzjarre.

Godina ishte kyçur nga punonjësit e bashkisë, por me ndihmën e policisë është thyer brava e derës hyrëse të ndërtesës.

Kryebashkiaku arriti të hynte në zyrë. Ligji ka vepruar dhe bashkia u përket tani fituesve tha Krali.

Pas përfundimit të orarit zyrtar të punës ish-kryetari Sakja është larguar se bashku me protestuesit duke mbyllur dyert, të cilët nuk u lejuan të hapeshin përgjatë 8 orëve. Në këto kushte kryetari i ri i Bashkisë së Kavajës Redjan Krali bëri betimin e tij në ambjentet e Prefekturës i shoqëruar nga deputete të PS dhe Prefektja e Tiranës.

/ABC News Albania 24/7

KAVAJE-MASAKRA-MBULIM_ABC-M2-T1.mpg_snapshot_00.11-1280x720.jpg
ent ela13:20 | 08/07/2019

Gjykata e Kavajës ka lënë në burg pesë të arrestuarit për masakrën me një të vrarë dhe pesë të plagosur në 4 Korrik, ngjarje e cila ndodhi pranë Teqesë së Kavajës. Në masën e sigurisë arrest me burg u vendos, Marjus Aliu, 31 vjeç ,Ardian Dedej, 43 vjeç, Eraldo Hyka, 22 vjeç, Qazim Merkja, 25 vjeç, të akuzuar për vrasje. Në burg u la dhe Agron Kollçaku, 39 vjeç i cili nuk kallëzoi për krimin. Ndërkohë në kërkim është Denis Aliu, 33 vjeç.

Nga hetimet ka dalë që Eraldo Hyka, Ardian Dedej dhe Qazim Merkja janë konfliktuar me vëllezërit Marjus Aliu dhe Denis Aliu, konflikt, i cili është përshkallëzuar deri në përdorim të armëve dhe për pasojë ka gjetur vdekjen e menjëhershme një kalimtar i rastit Ramazan Hasalliu, 52 vjeç si dhe u plagosen Ardian Dedej, Eraldo Hyka, A.A., S. M. dhe Marjus Aliu, të cilët kanë marrë ndihmën mjekësore në Spitalin e Durrësit dhe ndodhen jashtë rrezikut për jetën.

Një ditë para ngjarjes këta persona ishin zënë me njëri tjetrin për çështje banale dhe ditën tjetër ishin takuar për të vendosur paqe. Takimi nuk funksionoi dhe palët përdorën armët. Grupi hetimor ka sekuestruar në cilësinë e provave materiale tre automjete, te cilat janë përdorur nga autorët e dyshuar, aparate celularë, fishekë luftarakë si dhe një sërë provash të tjera, të cilat janë dërguar për ekzaminim të mëtejshëm laboratorik. /ABC News Albania 24/7

83b4b0e6-4a6f-4b8a-a07d-478cf9446f8a.jpg
ent ela21:12 | 06/07/2019

Dy ditë para protestës kombëtare të 8 Korrikut, lideri i opozitës Lulzim Basha ka shkuar pasdite në Kavajë për t’u takuar me drejtuesit e Partisë Demokratike atje në funksion të organizimit të protestës së 8 Korrikut.

Kreu i opozitës ka ka kryer takimin informal me drejtuesit e degës, ndërsa shoqërohej nga Sekretari i Përgjithshëm Gazment Bardhi dhe kryetari i Bashkisë se Kavajës. Zoti Basha tha se beteja e opozitës është për zgjedhje te lira e të ndershme dhe se nuk ka për të njohur kthim pas, derisa kjo betejë të fitohet.

Lideri i opozitës shprehu mirënjohjen për këdo që i është bashkuar kësaj beteje dhe tha se është shumë e rëndësishme që protestës së 8 Korrikut t’i bashkohen sa më shumë shqiptarë nga ata që refuzuan Edi Ramën. /abcnews.al

policia-e-kavajes.jpg
G. P.09:03 | 05/07/2019

Pesë persona janë arrestuar për përplasjen me armë zjarri në Kavajë ku mbeti vrarë një kalimtar dhe u plagosën pesë persona të tjerë. I arrestuari i parë ishte Marjus Aliu, i cili shkoi në spital për mjekim dhe u prangos. Ai akuzohet si i dyshuar për vrasjen e 53-vjeçarit Ramazan Hasanlliu, i cili ishte një kalimtar i rastit duke shkuar në shtëpi.

Shkuan për paqe me armë në brez. Një mbeti i vdekur, pesë u plagosën. Me ndërmjetësimin e vëllezërve Rustem dhe Elton Dedej, vëllezërit Eraldo dhe Elio Hyka u ulen në një tavolinë me Marjus dhe Denis Aliu.

Ata i ftuan në lokalin e tyre për të sqaruar konfliktin e nisur një nate më parë mes vëllezërve Eraldo Hyka dhe Denis Alisë, por situata u doli jashtë kontrolli. Ndryshe nga çfarë kishin menduar vëllezërit Dedej, palët në konflikt kishin mbërritur të armatosur në takim e planifikuar për të ulur gjakrat.

Ata nuk mundën të gjejnë gjuhën e përbashkët duke ndezur edhe më shumë sherrin. Fillimisht ata u përplasën me grushte dhe më pas kanë nxjerrë armët, dy nga njëra palë e dy nga pala tjetër duke qëlluar kundrejt njëri-tjetrit.

Breshëria e plumbave e derdhur në mes të qytetit shkaktoi një viktimë rastësorë si dhe pesë të plagosur, mes tyre edhe personat e përfshirë në konflikt. Eraldo Hyka, Rustem Berberi, Sali Mekja, Arben Hajdinin dhe Marjus Aliu mbetën të plagosur. Sali Mekja dhe Arben Hajdini sipas policisë u plagosën rastësisht, pasi kishin dalë nga lokali për të parë se çfarë kishte ndodhur.

Policia dyshon se konflikti i nisur ka të bëjë me çështje territoresh për shpërndarje droge, por personat e pyetur e kanë mohuar. Ata kanë thënë se konflikti mes tyre ka nisur pas një sherri banal dhe se situata u doli jashtë kontrolli. Për ngjarjen në Kavajë, ku mbeti i vrarë një kalimtar dhe u plagosën pesë persona të tjerë, policia arrestoi pesë persona.

I arrestuari i parë ishte Marjus Aliu, i cili shkoi në spital për mjekim dhe u prangos. Ai dyshohet të jetë autori i vrasjes së 52-vjeçarit Ramazan Hasanlliu, i cili ishte një kalimtar i rastit duke shkuar në shtëpi. Në kërkim është vëllai i Marjus Aliut, Denis Aliu, 33 vjeç. Të tjerë persona të arrestuar janë Eraldo Hyka, Ardian Dedej, Qazim Merkja dhe Agron Kollçaku. /ABC News Albania 24/7

policia-e-kavajes.jpg
G. P.14:28 | 04/07/2019

Policia ka kapur njërin nga autorët e dyshuar të ngjarjes në Kavajë dhe ka shpallur në kërkim vëllain e tij. Nga përplasja me armë zjarri midis disa të rinjve, një kalimtar vdiq në vend kurse pesë persona të tjerë u plagosën.

Pesë të plagosur dhe një kalimtar vdiq në vend, njoftoi policia. Ngjarja ndodhi mesditën e kësaj të enjteje pranë stacionit të trenit në hyrje të Kavajës.

Përplasja midis disa të rinjve që sipas të dhënave policore ishin në konflikt të mëparshëm për pazare të pista, u kthye në betejë. Fillimisht ata ishin ulur në një lokal për t’u sqaruar rreth një debati të një nate me pare. Por e gjitha shkoi keq dhe nxorrën armët.

Banorët u tronditën dhe shumë nga ata u shtrinë në rruge. Dikush vrapoi të futej në shtëpi. Breshëria e plumbave vërshoi nga të gjitha anët. Viktima e rastësishme ishte Ramazan Hasalliu 50 vjeç.

Për zbardhjen e asaj çfarë ndodhi u ngrit një grup i posaçëm hetimor nën drejtimin e prokurorit të rrethit. Nga veprimet paraprake dyshohet se autorët e ngjarjes janë dy vëllezër, Marius Aliu dhe Denis Aliu.

Marius Aliu, autori i dyshuar, mbahet në ruajtje nga shërbimet e policisë në spitalin e Durrësit, pasi është i plagosur. Policia është vënë në ndjekje të autorit tjetër, Denis Aliu dhe vijon krehja e zonës për kapjen e tij.

Policia ka bllokuar dy automjete që u përkasin pjesëtarëve të palëve që janë konfliktuar. Kurse në komisariatin e policisë Kavajë janë shoqëruar disa persona dhe vijon puna për shoqërimin e personave të tjerë./ABC News Albania 24/7

kavaje.jpg
G. P.15:39 | 03/07/2019

Tre persona u arrestuan nga Policia e Kavajës pasi u kapën me 11.7 kilogramë kanabis. Të prangosurit u ndaluan në kuadër të operacionit ‘Porosia e Fundit’ . Si fillim u kap në flagrancë një 23-vjeçar, të cilit iu gjetën në mjetin e tij rreth 1 kilogram kanabis, si dhe një sasi lekësh që dyshohet se janë përfituar nga shitja e drogës në doza të vogla.

Pas marrjes në pyetje nga policia e Kavajës, i riu tregoi edhe vendin se ku e kishte siguruar lëndën narkotike. Në bashkëpunim me kolegët e tyre të Divjakës, uniformat blu prangosën edhe dy persona të tjerë, përkatësisht një 40-vjeçar dhe një 25-vjeçar.

Në magazinën e këtij të fundit në Zharnec-Divjakë polici gjeti edhe 10.7 kilogramë të tjera kanabisi e paketuar dhe e gatshme për t’u hedhur në treg./ABC News Albania 24/7

kavaje.jpg
Sej rie18:15 | 23/06/2019

Gjykata e Kavajës la në burg Arben Xhihanin dhe Ervin Baklli, të cilët u arrestuan nga policia pas incidentit të ndodhur në KZAZ nr.42 të qytetit bregdetar. Ndërkohë për Daut Elmazin u dha masa “Arrest shtpie” dhe detyrim paraqitjeje për Demir Bukovën.

Punonjës së bashkisë Kavajë por edhe mbështetës së shumtë të opozitës u përplasën pak ditë më parë me policinë pasi kërkonin lirimin e ambienteve të KZAZ. Gjatë përplasjeve policia hodhi gaz lotsjellës dhe spraj me qëllim që të shpërndante turmën./ABC News Albania 24/7

kzaz-ne-kavaje.jpg
G. P.10:52 | 19/06/2019

Edhe në njësine vendore të Kavajës, zyrtarë të bashkisë dhe simpatizantë të kryebashkiakut demokrat, Isa Sakja, kanë kërkuar lirimin e ambienteve që po përdoren nga Komisionet Zonale të Administrimit Zgjedhor.

Ata kërkuan lirimin e mjediseve të palestrës së Shkollës 9-Vjeçare “3 Dëshmoret”, deri në orën 16:00 të mesditës se sotme. Kjo në zbatim të vendimit të presidentit të Republikës, Ilir Meta, për çdekretimin e 30 Qershorit si datë të paracaktuar për mbajtjen e zgjedhjeve lokale. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono