kastrioti

burreli-erzeni.jpg
Vladimir Prenga15:05 | 25/01/2020

Kastrioti vijon të fitojë dhe kryeson i qetë në grupin A të Kategorisë së Parë. Krutanët mposhtën me rezultatin e ngushtë 0-1 Tërbunin në stadiumin “Ismail Xhemali”. Ndeshjen e vendosi një pukjan, Taulant Marku, i cili luan me Kastriotin dhe i dha një fitore me vlera skuadrës së tij.

Besëlidhja i është kundërpërgjigjur krutanëve, pas edhe ata kanë fituar në trasnfertë. Lezhjanët ia dolën të merrnin pikët e plota në Shkodër kundër Veleçikut. Që në 30 minutat e para të lojës shënoi mbrojtësi Klejdi Dibra dhe deri në fund skuadra e Elvis Plorit e ruajti epërsinë.

Stavri Nica nuk e ka nisur mirë në krye të Erzenit, që u mposht në një fushë të vështirë si ajo e Burrelit. Matjanët e nisën me dy gola të shpejte, teksa fillimisht shënoi Gëzim Hyska dhe më pas Ditmir Beci. Lajthia hapi takimin në pjesën e dytë, por shijakasit nuk mundën dot ta shmangnin humbjen. /abcnews.al

KATEGORIA E PARË – JAVA E 13

GRUPI A
Tërbuni-Kastrioti 0-1
Shënues
: Marku 13′

Veleçiku-Besëlidhja 0-1
Shënues:
Dibra 30′

Burreli-Erzeni 2-1
SHënues:
Hyska 12′, Beci 30′ / Lajthia 60′

terbuni-kastrioti.jpg
Vladimir Prenga13:56 | 25/01/2020

Mbyllen pjesët e para në tetë takime të Kategorisë së Parë. Në grupin A skuadrat kryesuese bëjnë detyrën, teksa Kastrioti është në epërsi me Tërbunin falë një goli të shënuar nga Taulant Marku. Edhe Besëlidhja po fiton, pasi me Dibrën ka ndëshkuar Veleçikun.

Erzeni i Stavri Nicës nuk e ka nisur mirë në Burrel, pasi ka pësuar dy gola në pak minuta. Fillimisht ka shënuar sulmuesi Hyska dhe më pas mbrojtësi Beci.

Kategoria e Parë – Java e 13

GRUPI A
Tërbuni-Kastrioti 0-1
Shënues
: Marku 13′

Veleçiku-Besëlidhja 0-1
Shënues:
Dibra 30′

Burreli-Erzeni 2-0
SHënues:
Hyska 12′, Beci 30′

Lushnja është në rrugën e duhur, pasi e ka zhbllokuar ndeshjen me Devollin. Pepa fillimisht nuk e ka kthyer dot një gol në penallti, por më pas Mezini është treguar i saktë. Në avantazh e ka mbyllur pjesën e parë edhe Elbasani i vendit të fundit, që ka realizuar me Peposhin në shtesë.

Apolonia dhe Pogradeci, që luajnë jashtë fushe respektivisht me Ilirinë dhe Shënkollin, ende nuk kanë shënuar. Të dyja këta takime janë mbyllur 0-0, sikurse edhe përballja tjetër mes Turbinës dhe Besës.

GRUPI B
Lushnja-Devolli 1-0
Shënues:
Mezini 35′

Shënkolli-Pogradeci 0-0

Iliria-Apolonia 0-0

Turbina-Besa 0-0

Elbasani-Oriku 1-0
Shënues:
Peposhi 45+1′

/abcnews.al

Skenderbeu.jpg
Vladimir Prenga20:03 | 24/01/2020

Kastrioti ka bërë një tjetër përforcim dhe bëhet fjalë për mesfushorin Rei Nuriu, i cili është larguar nga Skënderbeu dhe do të luajë sërish në Kategorinë e Parë. Futbollisti 21-vjeçar në Korçë nuk mori asnjë minutë në kampionat.

Në 16 takime ai ishte në stol dhe duke parë që hapësirat do i mungonin sërish, ai ka vendosur të mbyllë bashkëpunimin me Skënderbeut dhe të vihet nën urdhrat e trajnerit Ramadan Ndreu te Kastrioti.

“Rei Nuriu është afrimi i radhës te Kastrioti. Mesfushori, pjesën e parë të sezonit ka qenë pjesë e Skënderbeut, ndërsa më parë ka luajtur edhe me Dinamon. Ky afrim është një vlerë e shtuar për skuadrën”, njofton klubi korçar. /abcnews.al

Dinamo-Kastrioti-Merkato.jpg
Veronik Istrefaj20:55 | 21/01/2020

Dita e sotme ka qenë e ngarkuar për Kastriotin dhe Dinamon. Dy klubet e Kategorisë së Parë kanë zyrtarizuar brenda pak minutash plot 4 futbollistë. Kastrioti zyrtarizoi firmat e Indrit Prodanit dhe Franci Lenës, ndërsa Dinamo nënshkroi me Turhanin dhe Camara.

Njoftimi i Dinamos:

Zyrtare/ Xhuljan Turhani vishet Blu!

Mbrojtësi 23-vjeçar i lindur në Elbasan, ka firmosur pasditen e sotme në prani të zyrtarit të klubit, Ermal Barushi, kontratën që do ta mbajë të lidhur me klubin blu në vazhdim.

Turhani vjen nga ekipi i Turbinës, ndërsa më parë ka qenë pjesë e Kamzës, Shkumbinit, Llapit dhe Vorës.

Zyrtare/ Issiaga Camara është përforcimi i radhës për Dinamon!

Mesfushori 26-vjeçar me kombësi nga Guinea, ka gjetur akordin me drejtuesit dhe ka firmosur kontratën që e bën pjesë të 18 herë kampionëve të vendit në vazhdim.

Më herët ai ka qenë pjesë e Besës së Kavajës dhe Besëlidhjes së Lezhës

Njoftimi i Kastriotit:

“Indrit Prodani dhe Franci Lena janë dy afrimet e radhës të Kastriotit.

Prodani i është bashkuar Kastriotit pas një aventure 6 mujore në Kroaci, ndërsa më parë ka qenë edhe pjesë e grup-moshave të Laçit dhe Partizanit. Ndërsa Lena, është produkt i Shkëndisë së Tiranës.

Të dy lojtarët shihen si përforcime me mjaft vlera për skuadrën”./abcnews.al

FB_IMG_1579195654861.jpg
Vladimir Prenga18:28 | 16/01/2020

Kastrioti dhe Veleçiku janë përballur ditën e sotme në një ndeshje miqësore, që u mbyll me rezultatin e barabartë 1-1. Ky takim u zhvillua në Qendrën Stërvitore të Kombëtareve në Kamëz.

Krutanët e zhbllokuan shumë shpejt ndeshjen, pasi sulmuesi Patrik Bardhi shënoi në portën e skuadrës nga Kopliku. Veleçiku pa u bërë gjysmë ore lojë i barazoi shifrat me golin e realizuar nga Ditmir Ujkaj. Zëvendësimet në këtë lloj ndeshje nuk munguan, por gola nuk pati deri në fund. /abcnews.al

Kastrioti 1-1 Veleçiku
Golat: 3′ Patrik Bardhi / Ditmir Ujkaj 29′

daci-1280x853.jpg
Vladimir Prenga14:04 | 08/01/2020

Kastrioti njoftoi ditën e sotme ndërprerjen e bashkëpunimit me mbrojtësin Florian Daci, ndërkohë që nuk ka vonuar zyrtarizimi në skuadrën e re. Rikthim në Kosovë, ku më parë është aktivizuar me Lirinë e Prizrenit. Qendërmbrojtësi tani do të veshë fanellën e Llapit.

“Florian Daci është futbollisti më i ri i Llapit. Daci në praninë e kryetrajnerit, Tahir Batatina ka nënshkruar kontratë me kohëzgjatje të 1 viti e gjysmë. Së fundmi, ai ishte pjesë e Kastriotit të Krujës.

Florian Daci, 28 vjeç, i lindur më 02.04.1991, qendërmbrojtës me përvojë të madhe. Vjen nga Kastrioti i Krujës, teksa ka qenë edhe pjesë e Tomorit, Turbinës dhe në Kosovë pjesë e Lirisë”, njofton klubi nga Podujeva përmes faqes zyrtare në “Facebook”. /abcnews.al

kastrioti-egantia.jpg
Vladimir Prenga12:21 | 08/01/2020

Kastrioti ka zyrtarizuar dy lëvizje në dalje. Në fakt njëra dihej prej kohësh, pasi klubi krutan ka dalë me njoftim për largimin e sulmuesit Brunild Pepa. Lushnjari është rikthyer në ekipin e vendlindjes dhe do e vijojë aty karrierën.

Largimi tjetër është në repartin e mbrojtjes. Florian Daci, i cili u largua nga Liria e Prizrenit vjet dhe iu bashkua Kastriotit në verë, e ka mbyllur bashkëpunimin me krutanët para kohe.

Palët e kanë parë të arsyeshme të shtrëngojnë duart dhe qendërmbrojtësi Daci do kërkojë të tregojë aftësitë e tij në një tjetër ekip, me shumë mundësi në kampionatin shqiptar. /abcnews.al

korabi.jpg
Vladimir Prenga15:06 | 21/12/2019

Kastrioti ka gëzuar dy herë. Krutanët mposhtën me rezultatin 3-0 Veleçikun, ndërkohë që ju gëzuan edhe barazimit pa gola të Besëlidhjes në Rrogozhinë kundër Egnatias. Skuadra e drejtuar nga Ramadan Ndreu kryeson e qetë pas 12 javësh kampionat.

Në takimin e sotëm, kundër koplikasve, ishte qendërmbrojtësi Emiljano Çela që zhbllokoi ndeshjen, kurse më pas Ajazi dhe Daci i mbyllën llogaritë. Tre pikë të rëndësishme ka marrë Korabi sot, që iu fal golit të Xhebrahimit në sfidën me Tërbunin.

Erzeni ishte pushim sot, pasi shijakasit kishin në program ndeshjen me Shkumbinin e përjashtuar nga Komisioni i Disiplinës. Ndërkohë Dinamo vijon të tregojë dobësi, pasi është mundur në shtëpi nga Burreli. Matjanët realizuan me anë të Mallunxës dhe morën pikët e plota. /abcnews.al

kastrioti-veleciku.jpg
Vladimir Prenga13:55 | 21/12/2019

Tetë ndeshje të Kategorisë së Parë kanë nisur ditën e sotme, prej orës 13:00. Deri më tani janë shënuar shtatë gola, por vetëm dy skuadra janë në epërsi. Kastrioti, kryesues në grupin A, i është gëzuar golit të Emiljano Çelës dhe është në fitore kundër Veleçikut në 45 minuta e para. Edhe Korabi ka realizuar me Skukën, kurse sfidat e tjera të grupit A janë në barazim pa gola.

Në grupin B, kryesuesit e Pogradecit akoma nuk ia kanë dalë ta ndëshkojnë Orikun. Gjithsesi i gëzohen faktit që Apolonia pas pjesës së parë nuk është në epërsi me Turbinën. Gjata (nuk shënoi me penallti në minutën e 25-të) realizoi për fierakët që në minutën e katërt, por Shanaj vendosi baraspeshën shumë shpejt.

Dy gola edhe në sfidën Shënkolli-Iliria. Miqtë realizuan me Xhymertin të parët, por lezhjanët u kundërpërgjigjen me Grudën. Sulmuesi shënoi me penallti katër minuta para fundit të pjesës së parë. Po fiton Elbasani në Bilisht, pasi Çema në fund ka realizuar për verdheblutë në portën e Devollit. /abcnews.al

kastrioti-egantia.jpg
Vladimir Prenga09:21 | 21/12/2019

Kastrioti mund të thellojë sërish diferencën me Besëlidhjen ndjekëse ditën e sotme, pasi pret në shtëpi skuadrën e Veleçikut dhe fitorja është detyrim për krutanët. Nga ana tjetër lezhjanët kanë në program një sfidë delikate, në transfertë.

Ekipi i drejtuar nga Elvis Plori do të duhet të kalojë testin e vështirë me Egnatian, ekip që synon të renditet në katërshen e parë dhe të mos luftojë më pas në zonën e ftohtë. Betejë e vështirtë për Dinamon, që duhet të mundë Burrelin.

Interesante është sfida mes Korabit dhe Tërbunit në Peshkopi, ndërsa Erzeni do të jetë pushim për shkak se Shkumbini është përjashtuar nga gara për shkak të dhunës së ushtruar ndaj arbitrit në sfidën e fundjavës së shkuar me Dinamon.

Sfidat e grupit A, java e 12-të

GRUPI B – Gara për vendin e parë është mjaft interesante dhe Pogradeci ka mundësinë që ta mbyllë vitin siç duhet, me një fitore kundër Oriku në stadiumin “Gjorgji Kyçuku”. Apolonia, duke parë që Lushnja luan nesër një ndeshje të mirë me Besën, me një fitore sot mund të rimarrë vendin e dytë.

Fierakët luajnë në shtëpi dhe përballë do të kenë ekipin e Turbinës. Ka edhe një derbi mes dy ekipeve fqinje, Shënkollit dhe Ilirisë së Fushë-Krujës. Takim tjetër që zhvillohet sot, është Devolli-Elbasani dhe në Bilisht duhet të bëjnë detyrën ndaj ekipit të vendit të fundit.

Sfidat e Grupit B, java e 12-të


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono