Kastriot Ismailaj

MBULIM-KASTRIOT-ISMAILI.mpg_snapshot_00.27-1280x720.jpg
ent ela15:18 | 10/10/2019

Prokuroria e Tiranës ka kërkua pushimin e çështjes së ndarë për Kastriot Ismailajn, administrator i kompanisë DIA, për mbledhjen e borxheve të CEZ-it.

Prokurori Sajmir Hysi kërkon pushim të çështjes për akuzën e falsifikimit të dokumenteve, me pretendimin se kanë kaluar afatet e parashtrimit të ndjekjes penale dhe e nuk ka prova të mjaftueshme, për të faktuar akuzën.

Gjykata penale vendosi që të shtynet procesin e sotëm pasi  mungonte prokurori Sajmir Hysi. Biznesmeni Ismailaj po vuan dënimin me 11 vite burg për akuzën  “pastrim i produkteve të veprës penale ose veprimtarisë kriminale dhe mashtrim me pasoja të rënda”.

Kjo çështje është ankimuar në Gjykatën e Lartë, nga avokati i Ismailajt ,Arbër Hoxha. Gjatë kohës kur ishte nën hetim Kastriot Ismailaj u akuzua së në 6 muaj, 9 kompani private përfituan nga CEZ-i 12 milionë USD nga kontratat për mbledhjen e borxheve të papaguara.

Pjesën më të madhe të fondeve e ka marrë “Debt International Management”, me administrator Kastriot Ismailaj, gati 6.5 milionë dollarë. /ABC News Albania 24/7

ismailaj.jpg
ad min19:46 | 25/10/2017

Gjykata e Tiranës dënoi me 11 vjet burg ish-administratorin e DIA-s, Kastriot Ismailaj. Biznesmeni u shpall fajtor për “mashtrim me pasoja të rënda” dhe “pastrim parash”. Gjykata vendosi gjithashtu të kalojë në favor të shtetit disa llogari bankare të Ismailajt me një shumë totale prej rreth 4,5 milionë dollarë.
“Jam i pafajshëm”. Nga kafazi i xhamtë i sallës nr.8 të Gjykatës së Tiranës, biznesmeni Kastriot Ismailaj, iu përgjigj në këtë formë kërkesës së trupit gjykues për të thënë fjalën e tij të fundit.
15 minuta më vonë, tre gjyqtarët Vjollca Spahiu, Bedri Qori dhe Martin Deda dolën nga dhoma e këshillimit me një vendim përfundimtar.
Ish-administratori i DIA-s u shpall fajtor për akuzën e “mashtrimit me pasoja të rënda” e “pastrimit të produkteve të veprës penale”. Ai u dënua me 11 vjet burg, nga 15 që kërkoi prokuroria në pretencë.
Verdikti final për një dekatë pas hekurave u prit me qetësi nga i pandehuri.
Në të njëjtin vendim, gjykata vendosi konfiskimin e disa llogarive të Ismailajt në banka të nivelit të dytë. Sipas gjykatës, në llogari të shtetit do të kalojnë shumat prej 3 milionë dollarë, 980 mijë dollarë, 451 mijë euro dhe 12 milionë lekë.
Seanca e së mërkurës, e 45-ta në radhë e procesit, nisi me tension për shkak të mungesës së dy avokatëve të zgjedhur nga Ismailaj. Biznesmeni u revoltua, kur gjykata i dha të drejtën e fjalën avokates së caktuar kryesisht për të, Elona Llorja. Pas një konsulte në kufinjtë e debatit, ai lejoi avokaten të lexonte një mbrojtje prej 34 faqesh, përmes të cilave kërkohej pafajësia e biznesmenit. Duke kërkuar pafajësi vetë i pandehuri theksoi para gjykatës se ishte i padënuar më parë, se ishte i arsimuar dhe një njeri familjar.
Sipas prokurorisë për Krimet e Rënda, Ismailaj ka përvetësuar 5 milionë euro gjatë marrëveshjes CEZ-DIA për mbledhjen e borxheve të CEZ. Organi i akuzës, pretendon se ai ka krijuar një mekanizën të tërë fiktiv duke prodhuar vetëm dokumente shkresore, pa bërë punë në terren. Të martën ai kërkoi rihapje të shqyrtimit gjyqësor, për shqyrtimin e 132 provave të reja, kërkesë që u refuzua nga gjykata.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono