kastrati

RAMA-TE-KASTRATI.mpg_snapshot_01.03-1280x720.jpg
ent ela15:44 | 06/12/2018

“Kastrati Group” ka sjellë në Tiranë të gjithë eksperiencën dhe menaxhimin në fushën e hotelerisë, të kompanisë gjigante amerikane “Hyatt Hotels Corporation”, me seli në Chicago. Në ceremoninë e nënshkrimit të marrëveshjes ishte i pranishëm edhe kryeministri Edi Rama.

Është Kastrati Group që i jep Shqipërisë të parin hotel me 5 yje.

Standardet më të larta të hotelerisë vijnë në Shqipëri falë bashkëpunimit të këtij “brand”-i të famshëm amerikan me “Kastrati Group”, për të menaxhuar pikërisht ambientet e ish-Hotel Sheratonit, pasi bleu “Mak Albania”-n.

Në kujdesin e Kastrati Group është organizuar një ceremoni ekskluzive me rastin e nënshkrimit të marrëveshjes së menaxhimit me Hyatt Hotels Corporation.

Hoteli “Hyatt Regency and Residences Tirana” do t’i japë kryeqytetit shqiptar një tjetër pol atraksioni, kombinuar me stadiumin e ri dhe gjithë zonën rreth e rrotull tha kryeministri Edi Rama.

Rama: “Duke i uruar sukses në këtë bashkëpunim kompanisë së njohur shqiptare me kompaninë e njohur globale, nuk më mbetet gjë tjetër veçse të falënderoj ata që e bënë të mundur këtë marrëveshje. Uroj që shumë shpejt të jeni të pranishëm në nënshkrimin e marrëveshjes së radhës me një tjetër brand global në funksion të fuqizimit të industrisë dhe rritjes së besueshmërisë së vendit tonë, i cili i ka të gjitha ato që i duhen për t’u kthyer në një aktor të rëndësishëm në këtë pellg të turizmit”.

Tashmë Shqipëria ka edhe një pasaportë të artë për turizmin elitar në Shqipëri.

Rama: “Jemi i vetmi vend në rajon që nuk kemi ende një hotel me 5 yje, që janë elita e industrisë së turizmit. Tashmë jemi në nisje të një projekti gjigant për sjelljen e Hyatt, që do të lërë në harresë njëherë e mirë edhe lotët e atyre që u pikëlluan kur u largua Sheratoni. Në fakt, as ai nuk ishte një hotel i mirëfilltë me 5 yje, pavarësisht pretendimeve”.

Ministri i Turizmit dhe Mjedisit Blendi Klosi vuri në dukje se këto brande udhëheqin rritjen e cilësisë në të gjithë atmosferën e turizmit shqiptar.

Klosi: “Ne jemi këtu në këtë ceremoni në Sheraton, ku ky hotel ikonë e zhvillimit të turizmit shqiptar në periudhën e transformimit vjen në Shqipëri me një menaxhim të ri, me një investim te ri falë vizionit dhe urtësisë, largpamësisë së “Kastrati Group”, ne kemi mundësinë të nënshkruajmë me një nga emrat më të mëdhenj të politikave të turizmit në të gjithë rajonin tonë”.

Ndërthurja e eksperiencave të suksesshme të Katrati Group me gjigandin Hajat janë garancia më e mirë për hotelin e parë parë me 5 yje që hapet në Shqipëri. /abcbnews.al

Areoporti-i-Kukesit.jpg
ent ela20:59 | 11/07/2018

Në mbledhjen e fundit të qeverisë është miratuar bonusi për dhënien e aeroportit të Kukësit me koncesion. Sipas vendimit të publikuar në faqen e Kryeministrisë, thuhet se qeveria ka marrë një ofertë të pa kërkuar për ndërtimin e Aeroportit të Kukësit. Në vendimin e së mërkurës të Këshillit të ministrave u vendos që qeveria t’i japë 8 pikë bonus bashkimit të shoqërive “Kastrati”, sh.a. & “T.M.D Systems LTD”, që kanë bërë ofertën e pa kërkuar. Aeroporti i Kukësit nuk është vënë në funksionim që prej vitit 2006  kur përfundoi ndërtimi i tij.

benzi.jpg
G. P.11:16 | 14/05/2018

Auto Star Albania ka prezantuar modelin më të fundit të Mercedes-Benz, A-Class i ri, në një ceremoni me personalitete nga fusha e biznesit e spektaklit.  Ndërkohe zëvendëspresideni i Kastrati Group, Leonard Kastrati, ka premtuar të tjera risi në tregun shqiptar.

A-Class i ri i prezantuar vetëm pak muaj më parë nga Mercedes-Benz, tashmë vjen edhe në tregun shqiptar. Modeli i ri u zbulua në prani të personazheve të njohur nga bota e biznesit dhe spektaklit në showroomin e Auto Star Albania.

A-Class i ri vjen me një rikonceptim të luksit dhe modernes. Me një dizajn rinor e dinamik, ai është më i madh e më komod se modelet e mëparshme.

CLS e re ishte një tjetër model që u prezantua në showroomin e Auto Star Albania. Vjen me një dizajn më elegant, me forma më sportive dhe komoditet mbreslënës. Modelet e reja janë të pajisura me gjeneratën më të fundit të sistemit të asistencës në drejtimin e mjetit e kabinë tërësisht digjitale.

Zv/Presidenti i Kastrati Group i pranishëm në ceremoni, ndërsa përmblodhi arritjet kryesore theksin e vuri  tek investimet në të ardhmen.
Auto Star Albania zë vendin e parë për shitjet e automjeteve premium në Shqipëri./abcnews.al

KASTRATI-PREZANTON-MAKINAT-E-REJA-1280x720.jpg
ent ela10:24 | 12/05/2018

Auto Star Albania ka prezantuar modelin më të fundit të Mercedes-Benz, A-Class-in e ri, në një ceremoni me personalitete nga fusha e biznesit e spektaklit. Ndërkohë zëvendëspresideni i “Kastrati Group” Leonard Kastrati ka premtuar të tjera risi në tregun shqiptar.

A-Class i ri i prezantuar vetëm pak muaj më parë nga Mercedes Benz, tashmë vjen edhe në tregun shqiptar.

Modeli i ri u zbulua në prani të personazheve të njohur nga bota e biznesit dhe spektaklit në showroomin e Auto Star Albania.

A-Class i ri vjen me një rikonceptim të luksit dhe modernes.

Me një dizajn rinor e dinamik ai është më i madh e me komod se modelet e mëparshme.

CLS e re ishte një tjetër model që u prezantua në showroomin e Auto Star Albania. Vjen me një dizajn më elegant, me forma më sportive dhe komoditet mbreslënës.

Modelet e reja janë të pajisura me gjeneratën më të fundit të sistemit të asistencës në drejtimin e mjetit e kabinë tërësisht digjitale.

Zv/ Presidenti i Kastrati Group i pranishëm në ceremoni, ndërsa përmblodhi arritjet kryesore theksin e vuri tek investimet në të ardhmen.

Auto Star Albania zë vendin e parë për shitjet e automjeteve premium në Shqipëri. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono