karburantet

karburantet-1280x722.jpg
nev ila10:33 | 20/07/2019

Konfindustria i kërkon qeverisë të tërhiqet nga dhënia me koncesion e shërbimit të kontrollit të aparateve matës të karburanteve.

Administratori i Përgjithshëm Gjergj Buxhuku përmes një njoftimi për shtyp vlerëson se procesi është i paligjshëm dhe në kundërshtim të plotë me interesin publik.

Me këtë koncesion sipas Konfindustrias në treg krijohet një kompani private monopol. Ajo do ti marrë buxhetit të shtetit rreth 70 milion euro ndërkohë që investimi që do të kryhej arrin 500 mijë euro.

Koncesionari privat thotë Buxhuku mund të lidhë marrëveshje të fshehta me operatorë të caktuar për të abuzuar me volumet e shitjes në dëm të konsumatorëve. Këto volume përllogarit Konfindustria, aktualisht shkojnë në vlerat 20-25 milion euro/vit./ABC News Albania 24/7

MBULIM-KONFINDUSTRIA-PER-KARBURANTET.mpg_snapshot_00.04-1280x695.jpg
ent ela13:02 | 10/02/2019

Konfindustria i kërkon ekzekutivit të ndërhyjë sa më shpejt për të ulur çmimet e karburanteve dhe energjisë elektrike në nivele të krahasueshme me vendet e Rajonit. 

Shqipëria renditet nder 25 vendet e para në botë për çmimin e lartë dhe  cilësinë e ulët të karburanteve në qarkullim. Konstatimi vjen nga Konfindustria, e cila i kërkon qeverisë të ndërhyjë sa më shpejt e të reduktojë koston të paktën në nivelet e rajonit.

Administratori Gjergj Buxhuku thotë se kjo kërkesë merr shkas nga shqetësimet e vazhdueshme të industrisë vendase.

“Konfindustria vlerëson se çmimet e larta dhe cilësia e dobët e karburanteve dhe energjisë elektrike janë pengesë kryesore për zhvillimin ekonomik, biznesin dhe mirëqënien e qytetarëve shqiptarë.

Mjaft shqetësuese është edhe prania e zgjeruar e kompanive “guackë” të regjistruar në parajsa fiskale të pranishëm sidomos në sektorin strategjik të karburanteve”-shkruan Administratori Buxhuku në  njoftimin e shpërndarë për mediat.

Situatën në tregun e karburanteve Konfinduastria e lidh me mungesën e markave ndërkombëtare ndërkohë që thekson se;

“Mosveprimi i agjencive shtetërore për zbatimin e standarteve ligjore të funksionimit të tregjeve të karburanteve dhe energjisë kanë shenja të qarta të paaftësisë, subjektivizmit dhe korrupsionit.”

Tregjet e karburanteve dhe energjisë elektrike sebashku qarkullojne sipas Konfindustrias afro 15% Prodhimit të Brendshëm Bruto të ekonomisë në vit.

/abcnews.al

KONFINDUSTRIA-PER-KARBURANTET-2-1280x694.jpg
ent ela13:25 | 18/11/2018

Të ngrihet dhe të funksionojë Enti Regullator i Karburanteve, përgjegjës për çmimin tavan dhe cilësinë si dhe të ulet 50% e taksës së qarkullimit, që sot arrin në 120 milion euro/vit. Është kjo kërkesa e konfindustrisë me qëllim rritjen e cilësisë dhe uljen e çmimeve për karburantet në Shqipëri.

Çmime të larta dhe cilësi e dobët. Është ky shqetësimi i Konfindustrisë për tregëtimin e karburanteve në tregun shqiptar. Sipas një analize të kryer nga Qendra e Studimeve të Konfindustrisë , gjatë muajit tetor në të gjitha tregjet ndërkombëtare çmimi i naftës ka rënë me 10$ për ton, ndërkohë, që në Shqipëri ndodhi e kundërta. Çmimi i karburanteve në pikat e pakicës gjatë muajit tetor është rritur në të paktën 10 Lek për litër. Edhe gjatë muajit nëntor  vazhdon e njëjta kahje rënëse e çmimeve të karburantit në tregjet ndërkombëtare dhe dukuria e mospasqyrimit  në tregun vendor- thuhet në njoftimin për shtyp të Konfindustrisë sipas të cilës, Shqipëria radhitet në 25 vendet e para në botë dhe nga më të lartët në Europë për çmimin e karburanteve. Rritja e çmimit të karburanteve kryhet nga të gjithë operatorët e tregut në të njëjtën ditë. Rënia e çmimeve në tregjet e huaja shfaqet e vonuar në tregun shqiptar.

Analiza e Konfindustrisë cilësia e karburanteve, sidomos kur është në qarkullim prodhimi i vendit, është në shumicë dërrmuese jashtë çdo standardi minimal ndërkombëtar të lejuar.

Me rastin e Paketës Fiskale 2019, me qëllim përmirësimin e gjendjes së papranueshme në tregun e karburanteve në Shqipëri Konfindustria kërkoi zyrtarisht: – ngritjen dhe funksionimin e Entit Regullator të Karburanteve përgjegjës për çmimin tavan dhe cilësinë si dhe – ulja më 50% e taksës së qarkullimit, që sot arrin në 120 milionë euro/vit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono