karburante

karburante.jpg
ad min15:08 | 01/08/2019

Karburantet do të jenë në kontroll të rreptë nga administrata tatimore. Drejtorja e Përgjithshme e Tatimeve, Delina Brahimaj, tha se aksioni kundër informalitetit do të ndalet në sektorin e hidrokarbureve dhe se pa kupon tatimor nuk do të ketë furnizim me karburant.

Pa kupon tatimor nuk ka karburant!  Në lupën e tatimeve përgjatë të gjithë muajit Gusht do të jetë sektori i hidrokarbureve. Aksioni, bën të ditur drejtoresha e Përgjithshme e Tatimeve Delina Brahimaj, merr shkas nga abuzimet e konstatuara kohët e fundit.

Përgjate Korrikut, tatimet janë ndalur në 1933 biznese të mëdha, në fushën e hidrokarbureve, ndërtimit dhe hotelerisë. 803 prej tyre kanë rezultuar me shkelje. Drejtoresha e Përgjithshme tregon se mbi 30 raste janë referuar në prokurori.

Ndërsa ministrja e Financave dhe Ekonomisë në kuadër të luftës kundër informalitetit vijoi inspektimet në terren. Denaj i shprehu mbështetjen bizneseve të rregullta dhe luftë të përditshme paligjshmërisë./ABC News Albania 24/7

aho-1280x853.jpg
ad min13:58 | 14/07/2019

Partia Demokratike thotë se çmimi i karburanteve do të rritet dhe kjo është pranuar edhe nga ministrja Belinda Balluku. Sipas Edmond Spahos, agjencia e re shtetërore për menaxhimin e rezervave të naftës është një skemë tjetër korruptive.

“Edi Rama po rrit sërish çmimin e karburantit, duke zhvatur miliona euro të tjera nga xhepat e qytetarëve më të varfër të Europës. Ministrja e Energjisë Belinda Balluku, e nxjerr në shesh këtë gënjeshtër të Edi Ramës me shpjegimet ligjore që ka çuar në Kuvend. Në fund të shpjegimit të ligjit që rrit çmimin e karburanteve për të mbajtur me para Agjencinë e Edi Ramës, thuhet qartë se “kostot mund të ndikojnë në çmimin e konsumatorit fundor”.

Aktualisht, Shqipëria e ka të rregulluar shumë mirë rezervën e sigurisë së karburanteve, pa kosto të tjera shtesë mbi qytetarët. Këtë gjë e bëjnë kompanitë private prej 20 vjetësh me një praktikë të konsoliduar ligjore. Kjo e bën krijimin e agjencisë së propozuar prej Edi Ramës një vendim puro hajdutëror, që rrit çmimin e karburantit dhe hap rrugën për një tjetër koncesion për klientët e Edi Ramës”, tha Spaho./ABC News Albania 24/7

bullgari.jpg
ad min12:34 | 19/11/2018

Në të gjithë Bullgarinë janë zhvilluar protesta kundër rritjes së çmimit të karburantit, rritjes së kostos së jetesës, kundër vrafërisë dhe korrupsionit të vazhdueshëm. Në Sofje, manifestuesit u mblodhën në qendër të qytetit pavarësisht motit të keq. Me flamuj të Bullgarisë në duar, protestuesit bënë thirrje për dorëheqje të qeverisë dhe për zhvillimin e një referendumi për çmimin e karburantit.

Manifestimi nën moton “Ndrysho sistemin” është organizuar nga një organizatë civile. Protesta u mbajtën në 18 qytete të tjera bullgare dhe demonstruesit bllokuan disa rrugë dhe pika kufitare. Për mbarëvajtjen e këtyre manifestimeve u angazhuan 2 mijë policë./abcnews.al

protesta-1.jpg
ad min12:09 | 19/11/2018

Protestuesit në Francë kundër rritjes së çmimit të karburanteve vijojnë në rrugën e tyre, teksa në lëvizjen më të fundit kanë bllokuar me dhjetëra depozita karburantesh, duke premtuar se do të bllokojnë vendin. Zëdhënësi i tyre konfirmoi kërkesën për t’u takuar me presidentin Makron, por deri tani Elize’, nuk ka reaguar.

Vazhdojnë protestat në Francë kundër rritjes së çmimit të karburanteve. Ndërsa disa nga rrugët janë ende të bllokuara, gjatë mëngjesit të së hënës protestuesit kanë bllokuar me dhjetëra depozita me karburant duke premtuar se do të bllokojnë vendin. Organizatorët e protestave u shprehën për mediat vendase se presin ende një reagim të qeverisë e sidomos një takim në Elize’ me presidentin francez Emanuel Makron.

Zëdhënësi i manifestuesve shpjegoi për gazetarët se kanë ndërmend të bllokojnë rafineritë dhe depozitat industriale për të shkaktuar në këtë mënyrë një impakt ekonomik në mënyrë që qeveria të reagojë sa më shpejtë të jetë e mundur. Manifestuesit pretendojnë se përfaqësojnë shtresa të ndryshme të popullsisë dhe mbrojnë arsyet e tyre për bllokimin e rrugëve.

Nuk kanë munguar as incidentet ku në Kale një kamionist australian ka thyer bllokadën e vendosur duke plagosur disa manifestues, më pas ai u shoqërua nga policia. Organizatorët këmbëngulin se do të vazhdojnë protestat në të gjithë vendin e nëse nuk do të ketë asnjë reagim nga presidenti atëherë të shtunën revolta do të përqendrohet në Paris./abcnews.al

konfindustria.jpg
ad min14:07 | 23/09/2018

Shqetësimin për dhënien me koncesion të shërbimit të kontrollit të sistemit të aparateve matës të shitjes së karburanteve e shpreh edhe Konfindustria. Administratori Gjergj Buxhuku thotë se në mungesë të mjeteve të qarta ligjore dhe kontrolluese, shërbimi rrezikon kthimin në monopol.

Aktualisht, sipas Konfindustria-s, abuzimi ndaj qytetarëve dhe bizneseve me volumet në shitje të karburanteve shkon 20 deri në 25 milionë euro/vit.  Me dëmtimin e konkurrencës në treg pasojat mund të jenë më të rënda për qytetarët, bizneset dhe buxhetin e shtetit.

“Pavarësisht zotimit të qeverisë për të ndaluar në muajin Shtator 2018 të praktikave të dhënies së koncesioneve të pakërkuara, përsëri vazhdohet në të njëjtën mënyrë”, deklaron Administratori i Përgjithshëm i Konfindustrias, Gjergj Buxhuku.

Buxhuku kujton se kjo është një kerkese e përsërituar edhe e institucioneve ndërkombëtare si FMN dhe BE./abcnews.al

annaaaa.jpg
ad min10:59 | 25/07/2018

Gjykata e Fierit ka vendosur masën e sigurisë arrest me burg për 31-vjeçaren Anna Malaj dhe bashkëpunëtorin e saj, Emiljano Grembi, të cilët akuzohen për grabitjet me armë të karburanteve në Fier. Gjatë seancës, Malaj dhe Grembi kanë shprehur pendesë për krimet që kanë kryer.

https://youtu.be/WS115QIGZKw

Anna Malaj, që grabiste me armë karburantet bashkë me kushëririn Emiljano Grembi në Fier u paraqitën në gjykatë për masën e sigurisë. Nëna e dy fëmijëve të mitur tha në seancën gjyqësore se ndihet e penduar për krimet që ka kryer.

31-vjeçarja ka pranuar se vjedhjet i ka bërë nga nevoja për para pasi ishte në gjendje të vështirë ekonomike. Ndërsa Emiljano Grembi ka pohuar se të dy në bashkëpunim kanë realizuar grabitjet me armë. Sipas tij, Ana dehej, kështu ishte më e çliruar për të vepruar.

Pasi dëgjoi dy të akuzuarit, trupi gjykues i kryesuar nga gjyqtari Piro Sota vendosi t’i lërë në qeli kusherinjtë. Nëna e Emiljano Grembit, e cila priste vendimin jashtë gjykatës fajëson për gjithçka mbesën e saj.

“Çunin ma mori kjo mua. Ka ardhur te shtëpia më ka thënë që halle dua çunin se kam frikë se jam vetëm”, tha ajo.

Pas daljes nga seanca, 31-vjeçarja nuk dukej e shqetësuar madje ajo bën një gjest fyes para mediave. Anna Malaj  dhe Emiljano Grembi dyshohen si autorët e grabitjes me armë të një karburanti në Levan të Fierit më datë 2 Korrik të këtij vitit dhe të dy tentativave të tjera në Ballsh e Fier. Të dy rrezikojnë të vuajnë dënimin nga 3 deri në 10 vjet burg./abcnews.al

hajdutja.jpg
ad min10:06 | 22/07/2018

Një 31-vjeçare nga Fieri e arrestuar nga policia dyshohet si autore e grabitjes me armë të një karburanti në Levan dhe ka tentuar të vjedhë edhe dy të tjerë. Në kërkim është shpallur kushëriri i saj, i cili dyshohet si bashkëpunëtor në krim.

Kjo që shihni në foto është Anna Malaj, e ndaluar nga policia. 31-vjeçarja dyshohet se është autorja e grabitjes me armë të një karburanti në Levan dhe ka tentuar të vjedhë edhe dy të tjerë në Mallakastër dhe Fier.

E reja, sipas policisë, nuk ka vepruar e vetme. Ajo është ndihmuar nga kushëriri i saj, një 22-vjeçar i shpallur në kërkim. Grabitja është kryer më 2 Korrik të këtij viti në Levan nga ku Malaj, në bashkëpunim me kushëririn morën 30 mije lekë të reja.

Kurse në tentativat e tjera dështuan. Policia po heton nëse 31-vjeçarja është e pëefshirë në grabitje të tjera në Fier. Anna Malaj është nga fshati Visoke i Fierit, e martuar dhe me një fëmijë.

Në cilësinë e provës materiale, policia ka sekuestruar automjetin me të cilën shkonin për të kryer vjedhjetm, 1 armë gjahu, 6 fishekë, 1 palë doreza dhe 4 targa mjeti të falsifikuara./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono