kapitenia

kapitenia.jpg
G. P.23:45 | 11/07/2019

Kapitenia e anijes me emigrantë, Karola Rakete ka vendosur t’i shpallë luftë ministrit të Brendshëm italian, Mateo Salvini. Përmes një padie drejtuar gjykatës, 31-vjeçarja kërkon që numrit dy të qeverisë italiane t’i bllokohen profilet në rrjetet sociale, për shkak se përhap urrejtjen.

Kapitenia gjermane e anijes me emigrantë u ka kërkuar prokurorëve italianë që të bllokojnë profilet e ministrit të Brendshëm Mateo Salvini në rrjetet sociale, për shkak se sipas saj, ai i përdor ato për të përhapur urrejtjen.

Karola Rakete, 31 vjeç, ndodhet nën hetim për ankorimin e anijes “Sea Watch 3” në portin e Lampeduzës pa lejen e autoriteteve italiane dhe është përballur me një valë kritikash nga Salvini, që në profilet e tij në Facebook e Tëitter e ka quajtur atë “pirate” dhe “shkelëse të ligjit”.

Në përpjekje për të kundërsulmuar, avokati i saj Alesandro Gamberini tha për agjencinë “Reuters” se 31-vjeçarja do të depozitojë një padi për shpifje ndaj Salvinit ditën e premte.

“Kur vjen fjala tek fyerjet, shpifjet dhe deklaratat që ndjellin urrejtje, si ato të ministrit, mënyra më e mirë për t’i ndalur ato është duke bllokuar profilet në rrjetet sociale”, deklaroi Gamberini.

Aktualisht Rakete mbahet në një vend të fshehtë në Siçili për shkak të mesazheve kërcënuese që ka marrë pikërisht në rrjetet sociale pasi futi anijen me emigrantë në port muajin e kaluar.

Salvini, që është betuar se do ta dëbojë Rakete nga Italia, deklaroi se nuk ndihet i kërcënuar nga bllokimi i profileve të tij. “Komunistja gjermane, ajo që sulmoi patrullat detare të policisë, i paska kërkuar prokurorëve të bllokojnë faqen time në Facebook dhe Twitter.

Absurditeti nuk ka limit”, tha Salvini. “E çfarë pastaj, do të përdor vetëm Instagramin”, shtoi ai në reagimin e tij. Anija e kapitenes gjermane goditi një varkë policie teksa hynte në portin e Lampeduzës. Ajo më vonë kërkoi falje për episodin duke thënë se ishte vetëm një aksident./ABC News Albania 24/7

Salvini-1280x700.jpg
Sej rie23:15 | 05/07/2019

Kapitenia e anijes me emigrantë që ankoroi pa leje në portin e Lampeduzës ka paditur zëvendës kryeministrin e Italisë, Mateo Salvini. Karola Rakete e akuzon për shpifje numrin 2 të qeverisë italiane, që nga ana e tij tha se nuk e tremb mafia e jo më një vajzë e llastuar gjermane.

Kapitenia gjermane e anijes me emigrantë do të padisë ministrin e Brendshëm italian, Matteo Salvini për shpifje. Lajmin e kanë bërë të ditur ditën e premte avokatët e saj, duke intensifikuar betejën mes punonjëses së bamirësisë dhe liderit të së djathtës ekstreme. Karola Rakete, 31 vjeç, u lirua nga arresti i shtëpisë ditën e martë, pasi një gjyqtare hodhi poshtë akuzat se ajo kishte vënë në rrezik jetët e disa policëve italianë dhe se kishte shkelur urdhërin për të mos ankoruar në portin e Lampeduzës.

Ministri Salvini, njëkohësisht zëvendës kryeministër i Italisë, e ka quajtur kapitenen një “pirate” dhe “shkelëse të ligjit” dhe ka premtuar se do ta dëbojë nga Italia. Por avokati i Rakete, Alesandro Gamberini ka deklaruar se ndaj numrit dy të qeverisë është depozituar tashmë një padi.

Rakete, e cila drejtonte anijen me emigrantë “Sea Watch 3”, është sulmuar ndërkohë në internet dhe rrjete sociale me kërcënime me vdekje dhe përdhunim dhe aktualisht mbahet në një lokalitet të fshehtë. “Padia për shpifje synon të japë një sinjal. Kur njerëzit preken tek kuleta e tyre, atëherë e kuptojnë se nuk mund të shajnë e ofendojnë njerëzit falas”, ka thënë avokati Gamberini lidhur me çështjen.

Nga ana e tij, Salvini ka deklaruar se nuk i trembet padisë. “Ajo shkel ligjet, sulmon policinë italiane dhe më pas më padit mua. Por mua nuk më tremb as mafia e jo më një vajzë e pasur dhe e llastuar gjermane”, ka thënë Salvini./ABC News Albania 24/7

Carola-Rakete-e-la-Sea-watch.jpg
Sej rie20:00 | 29/06/2019

Autoritetet italiane kanë arrestuar kapitenen e anijes me emigrantë që lundronte prej dy javësh në ujërat e Mesdheut. Ministri i Brendshëm Mateo Salvini e akuzoi atë se kreu një akt lufte, pasi  sipas tij tentoi të sulmonte policinë.

Kapitenia e anijes me emigrantë “Sea Watch 3”, Karola Rakete u arrestua në portin italian të Lampeduzës pas thuajse dy javë përballje me policinë. Ministri i Brendshëm italian, Mateo Salvini e akuzoi atë se me anijen e saj ishte përpjekur të fundoste një varkë policie. Anija e Rakete e kishte të ndaluar ankorimin, por megjithatë ajo hyri sërish në portin e ishullit të vogël natën e së premtes. Të shtunën, ministri Salvini e quajti kapitenen një “grua gjermane të bardhë e të pasur”, që ka kryer sipas tij një “akt lufte”.

“Ajo u përpoq të fundoste një varkë me oficerë policie gjatë orëve të natës.Thonë që janë aty për të shpëtuar jetë, por rrezikuan të vrisnin këto qënie njerëzore që po bënin vetëm detyrën e tyre. Kjo është e qartë nga pamjet”, deklaroi Salvini. Sipas tij, ky është një akt kriminal i barabartë me një akt lufte. Tani, kapitenia Karola Rakete rrezikon të përballet me 10 vjet burg nëse shpallet fajtore për sulmin ndaj varkës së policisë. Ajo kishte shpëtuar 53 emigrantë në brigjet e Libisë më 12 Qershor, të cilët po lundronin me një varkë në detin Mesdhe.

Pasi ankoroi në portin italian, 31-vjeçarja gjermane u filmua teksa merrej në dorëzim nga policia. Ndërkohë, 13 emigrantë janë marrë nën kontroll nga autoritetet për shkaqe shëndetësore. Kryeministri italian Xhuzepe Konte tha në samitin e G20-s se vende të ndryshme kishin rënë dakord të pranonin 40 emigrantët e mbetur./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono