kandidatura

de-blasio-1280x720.jpg
G. P.22:40 | 20/09/2019

Kuotat e ulëta në sondazhe i kanë kushtuar shtrenjtë kryebashkiakut të Nju Jorkut, Bill de Blasio. Ai është detyruar të tërheqë kandidaturën për zgjedhjet presidenciale të vitit 2020, në të cilat synonte të rrëzonte Donald Trump. Ky i fundit ka reaguar me ironi ndaj lajmit të largimit.

Kryetari i Bashkisë së Nju Jorkut, Bill de Blasio është tërhequr nga gara presidenciale, duke i dhënë fund fushatës së nisur për të sfiduar Trump në 2020-n. De Blasio, 58 vjeç, e shpalli kandidaturën e tij në maj me parullën “Punëtorët të parët” dhe e gjeti veten në një hapësirë të mbushur me kandidatë që synojnë të rrëzojnë presidentin Trump në zgjedhjet e vitit të ardhshëm.

Me daljen e tij nga skena mbeten 19 demokratët që do të përpiqen të fitojnë nominimin e partisë për të garuar më pas në procesin elektoral. Kryebashkiaku, të cilit i ndalohet të kërkojë një mandat të tretë në krye të Nju Jorkut, u përpoq të formonte një profil kombëtar dhe të binte në sy në një fushë ku bëjnë pjesë edhe ish-zëvendës presidenti Joe Biden, si dhe një numër politikanësh me eksperiencë.

De Blasio kishte regjistruar një mbështetje të ulët në sondazhe dhe figura e tij ishte errësuar nga prania e senatorëve progresistë si Bernie Sanders dhe Elizabeth Warren.

Presidenti amerikan Donald Trump reagoi me sarkazëm ndaj lajmit. “Mos! Ky është një lajm i madh politik! Ndoshta më i madhi në histori!”, u shpreh Trump në Twitter. Ai e vazhdoi ironinë e tij duke thënë se qytetarët e Nju Jorkut ndihen të shkatërruar nga ky vendim.

Në një program televiziv, ku njoftoi tërheqjen e tij, De Blasio tha se shkak për këtë vendim janë bërë rregullat e partisë që kërkojnë një kandidat të kualifikuar për debatet televizive. Dhe në fakt, ai dështoi të kualifikohej për debatin e 12 Shtatorit ku morën pjesë 10 kandidatët kryesues për nominimin partiak./ABC News Albania 24/7

KOMISIONI-I-EKONOMISE-MILO-MBULIM.mpg_snapshot_00.22-1280x720.jpg
ent ela12:19 | 04/09/2019

Socialistët nuk e pranuan as Petraq Milon për kryetar të Kontrollit të Lartë të Shtetit. Propozimi i tretë i Presidentit u rrëzua nga Komisioni i Ekonomisë, pasi kishte qenë pjesë e organeve drejtuese të partisë demokratike. Tashmë pritet një propozim tjetër nga Ilir Meta, teksa KLSH drejtohet ende nga Bujar Leskaj, të cilit i ka mbaruar mandati në 22 dhjetor 2018.

Me 9 vota kundër dhe 4 vota pro, Komisioni parlamentar i Ekonomisë rrëzoi kandidaturën e Presidentit Ilir Meta për kreun e Kontrollit të Lartë të Shtetit, Petraq Milo. Ai ishte thirrur në një seancë dëgjimore në këtë komision.

Deputetja e PS, Evis Kushi tha se në CV e Milos mungojnë te dhënat për detyrën që ka mbajtur, gjatë kohës që ai ka kryer studimet. Ai ka qenë edhe kandidat për anëtar të Këshillit Kombëtar të PD-së. Në këto rrethana, sipas deputetes socialiste, kandidati është në konflikt interesi për këtë detyrë.

Por Milo tha se në CV, ai ka pasqyruar informacionet lidhur me detyrat që ka mbajtur gjatë 10 viteve të fundit, e ndërsa theksoi se nuk ka mbajtur asnjëherë qëndrim politik. Në krye të KLSH vijon të jetë ende Bujar Leskaj. /ABC News Albania 24/7

ps.jpg
G. P.13:47 | 28/08/2019

Kryeministri Rama do të mbledhë sot kryesinë e Partisë Socialiste në orën 18:00, për t’i dhënë një zgjidhje situatës së krijuar në Shkodër pas dorëheqjes së Valdrin Pjetrit nga posti i kryebashkiakut.

Pas mbledhjes së zhvilluar një ditë më parë në Lezhë me drejtuesit e rajonit të veriut, Edi Rama dhe PS duket se ka gati emrat e mundshëm me të cilët do tentojë për të marrë drejtimin e Bashkisë së Shkodrës.

Deputetja e Shkodrës dhe ish-zv/kryeministrja Senida Mesi shihet si kandidatura më potenciale për të marrë besimin e socialistëve, duke marrë parasysh edhe kërkesën e Ramës, që në të gjitha postet drejtuese në bashki të vendosen femra. Një tjetër emër i mundshëm është ai i Zef Çunit, ndërkohë që si kandidaturë potenciale shihet edhe mjeku Astrit Beci.

Strukturat e PS kanë propozuar edhe emrin e  ish-kryetares së Forumit Rinor Socialist, Megi Ajtyresa. Por, njësoj si edhe për përzgjedhjen e kandidaturave të mëparshme për rajonin e veriut, PS do të konsultohet edhe me aleatin Tom Doshi.  Aktualisht postin e kryetarit të Bashkisë së Shkodrës, vijon ta mbajë demokratja Voltana Ademi./ABC News Albania 24/7

MBULIM-TRUMP-KANDIDATURA_ABC-M1-T1.mpg_snapshot_01.19-1280x720.jpg
ent ela13:10 | 01/06/2019

Presidenti amerikan Donald Tramp do të formalizojë kandidaturën e tij për mandatin e dytë presidencial në Shtëpinë e Bardhë, në datën 18 qershor. Me anë të një postimi në profilin e tij në Tuiter, Trump sktëson se do të shpallë kanidaturën në Orlando, Florida  gjatë një takimi electoral. Ai shtoi se do të zyrtarizojë garën presidenciale për mandatin e dytë se bashku me Zonjën e Parë Melania, zv/presidentin Majk Pens dhe bashkëshorten e tij Karen Pens, në 18 qershor para 20 mijë të pranishmëve. “Bashkohu me ne për këtë garë historike” përfundon mesazhin e tij kreu i Shtëpisë së Bardhë. /ABC News Albania 24/7

cekici.jpg
G. P.14:21 | 23/05/2019

Endri Çekiçi vazhdon të luajë një sezon të madh në Ligën e Parë të Sllovenisë. Mesfushori shqiptar ka shënuar plot 6 gola, edhe pse u bashkua me skuadrën e tij vetëm në muajin Janar.

Mund të thuhet pa frikë se është i papërmbajtshëm. Endri Çekiçi vlerësohet si një nga lojtarët më të mirë të Ligës së Parë të Sllovenisë, diçka që e ka fituar falë lojës së tij, por sidomos me anë të golave.

Mesfushori ofensiv shqiptar ka shënuar plot 6 gola në 6 javët e fundit të kampionatit slloven, dhe ishte pikërisht ai që i dha fitoren Olimpijas së Ljubljanës me golin e vetëm në portën e Murës.

I transferuar në Janar, pasi u largua nga Dinamo e Zagrebit, 23-vjeçari tregoi aftësi të madhe përshtatjeje me skuadrën e tij të re. Pas një fillimi disi të vështirë, ai u bë shpejt protagonist dhe futbollist i formacionit bazë, duke luajtur shumicën dërrmuese të minutave në dispozicion.

Paraqitjet e pogradecarit dhe rrjetat e shënuara prej tij e ndihmuan Olimpijan që të mbante pa probleme vendin e dytë në kampionat, edhe pse me distancë nga Maribori që e fitoi titullin.

Çekiçi, madje, ishte i shkëlqyer në ndeshjen direkte në fushën e Mariborit, duke shënuar gol në fitoren 3-0 të skuadrës nga kryeqyteti. Në mënyrë logjike, mesfushori sulmues është kthyer në një kandidaturë serioze për t’u thirrur në ekipin kombëtar, nga trajneri Edoardo Reja./ABC News Albania 24/7

biden.jpg
ent ela19:43 | 25/04/2019

Pas zërave të shumtë që qarkullonin prej muajsh, Xho Bajdën zyrtarizoi kandidaturën e tij për zgjedhjet presidenciale amerikane të 3 nëntorit 2020. Kreu i Shtëpisë së Bardhë Tramp ka uruar me ironinë e tij ish- zv/presidentin amerikan me anë të një mesazhi në profilin e tij në Tuiter.

Xho Bajden, ish zv/Presidenti i Shteteve të Bashkuara të Amerikës dhe krahu i djathtë i Barak Obamës deri në vitin 2017, shpalli kandidaturën e tij në zgjedhjet paraprake  të demokratëve në kuadër të zgjedhjeve presidenciale të 3 nëntorit 2020.

Në publikimin e video – prezantimit të tij në Tuiter, Bajden shkruan se vlerat thelbësore të kombit amerikan, pozicioni i tij në botë, demokracia dhe gjithçka që e ka bërë Amerikën – ajo që është, janë në rrezil. Është kjo arsyeja sipas tij se pse po kandidon për në shtëpinë e Bardhë.

Video prezantimi zgjat 3 minuta e gjysëm, dhe konfirmon zërat të cilat qarkullonin prej muajsh. 76 vjecari deklaroi se do të hapë fushatën elektorale javën e ardhshme në Pittsburgh.

Ndërkohë presidenti amerikan Donald Tramp. Nuk e ka kursyer reagimin, ku me anë të një postimi në profilin e tij në Tuiter ironizoi për kandidaturën e Bajden:

“Mirë se erdhe në garë i përgjumuri Xho. Shpresoj vetëm që ti të kesh inteligjencën, e vënë në dyshim për shumë kohë, për të ndërmarrë një fushatë të suksesshme. Do të jetë eksperiencë e shëmtuar, do të përballesh me persona që kanë disa ide shumë të sëmura dhe të këqija. Por do ia dalësh, do të të shoh në vijën e fillimit.”

I favorizuar në sondazhet e para të demokratëve, Bajden do të ketë shumë kandidatë përballë. Plot 19.

Edhe pse Tramp e ka pagëzuar me pseudonimin “I përgjumuri Xho” dhe Republikanët mendojnë se ai bën hapa prapa dhe jo para, në të vërtetë ish zv/presidenti amerikan është në avantazh ndaj Tramp me tetë pikë.

Nëse zgjedhjet presidenciale do të zhvilloheshin sot ai do të merrte 42 për qind të votave, Tramp 34 për qind, ndërsa të pavendosurit do të ishin 19 përqind. Por në fillim ai duhet të bindë elektoratin demokrat.

Analistët shprehen se eksperienca e tij politike dhe ndërkombëtare është një plus shumë i madh, në krahasim me kandidatët e tjerë. Dhe është shumë më i famshëm. Por njëkohësisht bën gafa të panumërta, dhe si një burrë i bardhë i moshës së mesme mund të humbasë disa vota në një parti demokrate gjithnjë e më shumë liberale. /abcnews.al

sanders.jpg
G. P.13:59 | 18/02/2019

Senatori i Shteteve të Bashkuara të Amerikës, Bernie Sanders, regjistroi një video në të cilën zyrtarizoi kandidaturën e tij në zgjedhjet presidenciale të 2020-s. Lajmi është raportuar nga Politiko.

Mediat amerikane kishin raportuar dhe më parë se Sanders, i cili humbi zgjedhjet paraprake të 2016-s përballë ish-sekretares amerikane të Shtetit Hilari Klinton, po përgatiste fushatën e re.

Senatori demokrat 77-vjeçar i Vermontit, i cili vetëquhet një demokrat socialist, premton sigurime shëndetësore universale, universitet publik falas dhe një pagë minimale prej 15 dollarësh në ditë./abcnews.al

zv-merkel.jpg
G. P.21:59 | 31/10/2018

Me zotimin se është një pro-europian i palëkundur dhe mbështetës i politikës së dyerve të hapura, pretendenti për të pasuar Angela Merkel në krye të CDU-së, Fridrih Merc ka shpallur zyrtarisht kandidaturën.

“Emri im është Fridrich Merc”. Me këto fjalë është prezantuar përara shtypit ish-kreu i grupit parlamentar të CDU-së gjermane, i cili nga Berlini ka konfirmuar kandidaturën për drejtimin e partisë. “CDU ka nevojë për një fillim të ri dhe për një rinovim. Duhet të sqarojmë nëse kjo parti e madhe është një parti popullore, liberale, konservatore, apo socialiste”, ka thënë Merc. Pretendenti për të pasuar Angela Merkel është shprehur se dëshiron një parti që të ketë prioritet shoqërinë, që të luftojë për një ambjent të shëndetshëm dhe për një të ardhme të sigurtë për fëmijët dhe brezat e ardhshëm.

“Jam një pro-europian dhe një pro-atlantik i palëkundur dhe jam për një Gjermani që i hap dyert botës”, ka thënë më tej Merz. Duke pranuar se jo gjithmonë ka qenë dakord me Merkel, ai ka nënvizuar se kancelarja mori një vendim të vështirë që duhet të respektohet. “Mes nesh nuk ka asgjë për të cilën duhet të pajtohemi. Besoj se me Merkel mund të merrem vesh”, ka vijuar Merc. Të hënën, me një lëvizje surprizë Merkel njoftoi tërheqjen nga kandidimi për kryetare në kongresin e ardhshëm të CDU-së që mbahet më 7 dhjetor. Gjithashtu, Merkel tha se mandati aktual do të jetë i fundit për të si kancelare dhe më pas nuk do të pranojë më poste politike./abcnews.al

taulant-balla1234.jpg
G. P.20:52 | 10/05/2018

Taulant Balla ishte i ftuar në Mbrëmje në ABC News ku foli rreth zhvillimeve më të fundit të politikës në vend.

Ndër të tjera, kryetari i grupit parlamentar u shpreh edhe për pikësynimet e PS-së në zgjedhjet e ardhshme vendore.

“Ne jemi Partia Socialiste e Shqipërisë dhe biem dakord që jemi e vetmja parti që futemi për të fituar 61 Bashkitë”, tha ai.

I pyetur nëse kanë vendosur kritere për kandidatët e ardhshëm bashkiak, Balla u shpreh se PS është duke bërë një analizë në lidhje me këtë çështje.

“Jemi duke bërë analizën e atyre që mund të jenë kandidatë. Mund të kesh edhe 5 mandate mund të jesh një kandiaturë e shkëlqyer, mund të kesh një mandat edhe s’mund të kandidoësh në zgjedhjet e ardhshme”, u shpreh Balla./abcnews.al

sajimir-dhe-sokoli.jpg
G. P.14:35 | 18/03/2018

Shpallja e vakancave nga Presidenti dhe Kuvendi për vakancat e Gjykatës Kushtetuese në një kohë kur procesi i vettingut nuk ka përfunduar ende për asnjë nga gjyqtarët, ka ndarë opinionin publik sa i përket vijimit të procesit. Duhet apo nuk duhet Këshilli i Emërimeve në Drejtësi të vlerësojë kandidaturat e depozituara nga Presidenti dhe Kuvendi në një kohë që trupa e saj nuk ka kaluar procesin e Vettingut? Avokatët Sokol Hazizaj dhe Sajmir Vishaj komentojnë për ABC News.

15 Marsi ishte afati i fundit për dorëzimin e kandidaturave pranë Kuvendit të Shqipërisë për vakancën e dytë të Gjykatës Kushtetuese. Edhe pse në Republikën e Shqipërisë, ende asnjë gjyqtar nuk ka kaluar procesin e Vettingut, kriter kushtetues ky për t’u zgjedhur në Gjykatën Kushtetuese, Presidenti dhe Kuvendi shpallën vakancat. Bazuar në Kushtetutë, listat me kandidatura i përcillen Këshillit të Emërimeve në Drejtësi, i cili i bën vlerësimin professional dhe etiko-moral, si dhe renditjen e kandidatëve. Mazhoranca arsyetoi se s’mund të lejonte më mosfunksionimin e Kushtetueses për shkak të tkurrjes së trupës të saj në 6 nga 9 anëtarë, që kërkon Kushtetuta. Emergjencën e situatës e thekson edhe avokat Sajmir Vishaj.

Por përkundër këtij qëllimi zhbllokues shkon deklarata e kreut të komisionit të ligjeve, Ulsi Manja, sipas të cilit, KED do duhet të presë përfundimin e Vettingut për trupën e saj, përpara se të vlerësojë dhe rendisë kandidaturat.
Këshilli i Emërimeve në Drejtësi, pas përzgjedhjes me short në Dhjetor 2016, ka paralajmëruar 19 Marsin si ditën për mbledhjen e saj të parë.
Kjo nuk do të thotë, sipas avokatëve, se KED duhet të ndjekë këshillën e zotit Ulsi Manja dhe të mos punojë mbi kandidaturat që dy institucionet, Presidenca dhe Kuvendi, pritet t’i depozitojnë pas konstituimit të Këshillit më 19 Mars.

Renditja nga Këshilli i Kandidaturave, bazuar mbi kriteret profesionale, është edhe mekanizmi zhbllokues i parashikuar në Kushtetutë për ato raste, kur kandidatët nuk emërohen por zgjidhen, siç është rasti i kandidaturave nga Kuvendi.
Si precedent vlen rasti i Prokurores së Përgjithshme të Përkohshme. E zgjedhur pa kaluar Vettingun, me fuqinë e përpilimit të dosjeve të Vettingut për vartësit e saj.

Ajo çfarë ligjvënësi mund të bëj në këtë pikë sipas avokatit Hazizaj, është të identifikojë problemin dhe ta zgjidhë atë.
Kushtatuta e parespektuar në kohë dhe hapësirë është fillimisht dhe kryesisht në dëm të qytetarëve, të cilët nuk duhet të harrojnë çfarë ndodh në rastet kur vullneti politik nuk respekton vetë produktin e tij, kushtetutën dhe ligjet, thekson Hazizaj.

Edhe pse ankimimi i kohës nga demokratët për përcaktimin e një afati për përfundimin e procesit të Vettingut u arsyetua si i panevojshëm nga vendimi i Gjykatës Kushtetuese Nr.2 i vitit 2017, i cili në paragrafin 72 argumentoi se “Mungesa e afatit në këtë process derivon nga natyra sui generis e procesit dhe nuk lidhet aspak me mungesën e llogaridhënies”, duke përcaktuar se çdo rast do të vendoset sa më shpejt të jetë e mundur.

Ligjvënësi u nxitua me miratimin e ndryshimeve kushtetuese dhe ky nxitim duhet riparuar, sipas avokatit Sokol Hazizaj. Nëse kjo nuk ndodh, avokat Vishaj thekson se Këshilli i Emërimeve në Drejtësi ka të drejtë të vlerësojë dhe rendisë kandidaturat bazuar në precedentin e krijuar me procesin e përdorur për Arta Markun./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono