kandidatët

klp-1-1.jpeg
ger ta16:43 | 15/11/2019

Këshilli i Lartë i Prokurorisë ka publikuar listën e prokurorëve për t’u përfshirë në shortin për zgjedhjen e anëtarëve të Këshillit të Emërimeve në Drejtësi.

Në njoftimin e KLP, bëhet me dije se janë kualifikuar 27 kandidatë dhe janë përjashtuar 6 të tjerë të cilët nuk plotësojnë kushtet dhe kriteret.

Njoftimi i plotë nga KLP:

Këshilli i Lartë i Prokurorisë, në zbatim të ligjit nr. 115/2016“Për organet e qeverisjes së sistemit të drejtësisë” i ndryshuar, publikon më poshtë listën e kandidatëve të cilët plotësojnë kushtet dhe kriteret ligjore për t’u përfshirë në shortin për zgjedhjen e anëtarëve të Këshillit të Emërimeve në Drejtësi.

  1. I) Prokuroria e Përgjithshme
  2. Arta Marku
  3. Adnan Xholi,
  4. Adnand Kosova,
  5. Alfred Progonati,
  6. Alma Muça,
  7. Anila Leka,
  8. Arben Kraja,
  9. Bilbil Mete,
  10. Kujtim Luli,
  11. Sokol Stojani,
  12. Thoma Jano
  13. II) Prokuroritë e Apeleve
  14. Dritan Peka,
  15. Altin Dumani,
  16. Arben Qosja,
  17. Edmond Hyka,
  18. Fatjona Memcaj,
  19. Genti Xholi,
  20. Nezir Gjoka,
  21. Moisi Duda,
  22. Ludovik Dodaj,
  23. Altin Binaj,
  24. Henrik Haxhiraj,
  25. Pelivan Malaj,
  26. Kleanthi Zeka,
  27. Brahim Dragjoshi,
  28. Rozeta Qirjaqi.
  29. Gjon Fusha.

Këshilli i Lartë i Prokurorisë, në zbatim të ligjit nr. 115/2016 “Për organet e qeverisjes së sistemit të drejtësisë” i ndryshuar, publikon më poshtë listën e kandidatëve të cilët nuk plotësojnë kushtet dhe kriteret ligjore për t’u përfshirë në shortin për zgjedhjen e anëtarëve të Këshillit të Emërimeve në Drejtësi

  1. I) Prokuroria e Përgjithshme
  2. Arqilea Koça
  3. II) Prokuroritë e Apeleve
  4. Ferdinand Elezi,
  5. Alfred Agolli,
  6. Artan Bajrami,
  7. Irma Balli
  8. Elvin Gokaj

Këta prokurorë nuk plotësojnë kushtin e vendosur në nenin 221/1 gërma “b” të ligjit nr.115/2016. Lista me kandidatët që plotësojnë kushtet dhe kriteret ligjore për t’u përfshirë në shortin për zgjedhjen e anëtarëve të Këshillit të Emërimeve në Drejtësi si dhe lista me kandidatet që nuk i plotësojnë kushtet dhe kriteret ligjore, i dërgohet Presidentit të Republikës dhe Kuvendit të Shqipërisë./abcnews.al

ilir-meta-konference-1280x696.jpg
nev ila20:49 | 13/11/2019

Presidenti Ilir Meta gjatë mbrëmjes së sotme, në konferencën e tij për shtyp, iu përgjigj edhe pyetjeve të gazetareve.

I pyetur se, nëse ishte e rëndësishme data apo afati i përcaktuar në kushtetutë, prej 30 ditësh, pas vendimit të vetë Metës që të “ngrijë” procesi i përzgjedhjes së kandidatëve për në gjykatën kushtetuese,  Meta theksoi se në Kushtetutë nuk ka një afat të caktuar për Presidentin e Republikës, aq më tepër tha ai kur bëhet fjalë për krijimin e gjykatës kushtetuese.

“Duhet të kemi të qartë të gjithë që nuk ka një afat të caktuar për Presidentin e Republikës. Nuk kemi një afat të përcaktuar në Kushtetutë për Presidentin. Kushtetuta është mbi çdo gjë, aq më tepër kur bëhet fjalë për krijimin e Gjykatës Kushtetuese. Për herë të parë krijohet gjykata kushtetuese sipas kushteve të reformës në drejtësi. Çdo akt në këtë proces i Presidentit, Parlamentit,  dhe i gjithë institucioneve, është historik sepse do të ngelet një referencë në të ardhmen. Çdo veprim i Presidentit aktual do të mbetet si referencë për presidentët e ardhshëm. Duhet të kemi të qartë që Komisioni i Emërimeve në Drejtësi është një institucion që merret vetëm me menaxhimin administrativ, për të garantuar zbatimin e Kushtetutës dhe të ligjit për krijimin e gjykatës kushtetuese, asgjë tjetër. Kushtetuta tregon qartë se si krijohet gjykata kushtetuese. Kushtetuta e thotë qartë që presidenti ka të drejtën të zgjedhë i pari vakancën e parë, pastaj është parlamenti dhe në këtë mënyrë përsëritet e njëjta renditje. Është detyra e KED që të rregullojë listat e kritereve dhe të afateve në respekt të ligjit. KED është institucion kolegjial dhe merr vendime kolegjiale, dhe jo që Kryetari i KED të bëj lojëra të karakterit administrativ, duke vendosur vetë kohën se si i dërgon listat në mënyrë të atillë, tepër të dyshimtë, për të mos thënë mafioze, që të vendosë Presidentin në pozitën që, o të shkeli detyrimisht kushtetutën e Shqipërisë, o të bëhen interpretime qesharake, si ai që Presidentit i ka mbaruar afati. Kjo është e turpshme, skandaloze dhe mafioze“, tha Meta./abcnews.al

komisioni-ulsi-manja-1280x677.jpg
nev ila13:45 | 05/11/2019

Komisioni i Ligjeve ka miratuar listën me tre kandidatë për vendin vacant në Gjykatën Kushtetuese të miratuar nga Këshilli i Emërimeve në Drejtësi. Votimi për përzgjedhjen e kandidatit fitues do i kalojë seancës plenare, ku do votohet edhe dekreti i presidentit për Besnik Muçin, si anëtar i gjykatës Kushtetuese.

“Këshilli i emërimeve në drejtësi ka bërë listimin e kandidatëve si më poshtë: Arta Vorpsi, Elsa toska dhe Besnik Muçi. Për kandidatin Besnik Muci që tashmë është anëtar i gjykatës kushtetuese i dekreteuar nga presidneti i republikës, raportit që ne do të votojmë tani dhe që do ja dërgojmë seancës plenare do tiu bashkangjitet edhe dekreti i presidentit. Këshilli i emërimeve në drejtësi me vendimin nr 134 datë 21.09. 2019 ka përcjellë kuvendit të shqipërisë 3 kandidatë sipas kësaj renditje: Arta Vorpsi, Fiona Papajorgji, dhe Elsa Toska. Miratohet raporti mbi vlerësiumin e kandidaturave për anëtar të gjykatës kushtetuese”, tha Manja./abcnews.al

 

elisa-spiropali-11-1280x614.jpg
ent ela19:40 | 31/10/2019

Në një kohë kur është thelluar përçarja në degën e PS në Shkodër dhe ndërsa nesër pritet që KQZ të vendosë për fatin e mandatit të kryebashkiakut të Vorës, Agim Kajmaku, Ministrja e Shtetit në Elisa Spiropali shprehet në Mbrëmje ABC News se Partia Socialiste është në proces tërësor riorganizimi.

“Ka debat, jemi në proces tërësor rioganizmi në gjithë territorin dhe deri në janar këtë punë kemi. Jemi në çdo lagje, fshat, qytet dhe jemi krenarë që kemi përfshirë dhe bashkëdrejtimin si një nismë inovative, ku të gjitha do bashkëdrejtohen me nga një burrë e grua. Struktura është e gjitha duke u ribërë dhe kjo është krejt normale dhe për më mirë. Aty ku ka probleme nuk i fshehim”.

E pyetur për kryebashkiakun e Vorës Agim Kajmaku i cili u përball me një situatë penale në të shkuarën, Spiropali tha se është në pritje të vendimit të prokurorisë dhe pastaj të KQZ-së, dhe se tashmë nuk është më çështje brenda PS.

“Njerëz kemi plot pafund dhe në rastin e zoti Kajmaku presim vendimin e Prokurorisë dhe pastaj KQZ. Nuk është më çështje jona, ne kemi bërë verifikimet për secilin kandidat. Kemi hyrë në të shkuarën e tyre. A janë të pastër? Por është përtej mundësive tona . Ne kemi gjithë vullnetin për të pasur kandidatë sa më të pastër.

Vetëm ne kemi kandidatë që i paraqesim se PD nuk doli fare në zgjedhje. Ne mundohemi që problemet t’i zgjidhim duke punuar”. /abcnews.al

aef2d8bf-9006-4ea5-8a4b-1f7130702b8e-1280x853.jpg
ent ela12:55 | 04/10/2019

Asambleja e prokurorëve zgjodhi Esmeralda Cami Keshin si anëtaren më të re të Këshillit të Lartë të Prokurorisë. Ish-drejtuesja e Prokurorisë së Dibrës mori 24 vota më shumë së Vladimir Mara. Esmeralda Cami Keshi do të zvëndësojë Gentian Osmanin që u shkakua nga KPA-ja.

Ish-drejtuesa e prokurorisë së Dibrës Prokurorja Esmeralda Cami (Keshi)  është zgjedhur anëtare e Këshillit të Lartë të Prokurorisë me 133 vota. Cami sfidoni prokurorin e Prokurorisë për krime të rënda Vladimir Mara duke kryesuar me 24 vota. Prokurori i çështjes Tahiri mori 109 vota. Procesi është mbikëqyrur nga kryeprokurorja e përgjithshme të përkohshme, Arta Marku. Pas përfundimit të asamblesë dhe shpalljes së fitueses Esmeralda Cami Këshi deklaroi se vota e saj për kandidatët për Prokuror të Përgjithshëm do të jetë për kandidatin që plotëson kriteret.

Prokurorja Keshi zëvendëson në këtë post Gentian Osmanin, i cili u shkarkua më 31 korrit të këtij viti nga Komisioni i Posaçëm i Apelimit pas ankimimit të Komisionerit Publik për shkak të kriterit pasuror. Në asamblenë e përgjithshme të prokurorëve kishte gjithësej  253vota,  nga të cilat 242 ishin vota të vlefshme dhe 11 u shpallën të pavlefshme. Ndërsa Drejtuesja e Prokurorisë për Krime të Rënda Donika Prela nuk u lejua që të votonte, pasi  mbërrit me vonesë./ABC News Albania 24/7

KANDIDATET-DIALOGU.mpg_snapshot_00.11-1280x720.jpg
ent ela15:21 | 17/09/2019

Dialogu Kosovë-Serbi dhe qasja ndaj këtij dialogu, është një temat në të cilat janë përqendruar pjesa më e madhe e kandidatëve për kyeministër që garojnë në zgjedhjet e 6 tetorit në Kosovë.

Dialogu Kosovë Serbi është ndër temat kryesore të partive politike në prag të zgjedhjeve të parakohshshme në Kosovë.

Kandidati për kryeministër nga Lëvizja Vetëvendosje Albin Kurti dhe kandidatja tjetër për këtë post nga LDK-ja Vjosa Osmani kanë përjashtuar mundësinë që dialogu të udhëhiqet nga presidenti.

Të dyja këto parti edhe në kohën kur ishin në opozitë kanë insistuar që dialogu të udhëhiqet nga kryeministri. Madje këtë premtim po e japin edhe si kandidat të mundshëm për të udhëhequr qeverinë.

Por sot Albin Kurti ka thënë se Vjosa Osmani nuk mund të udhëheq dialogun pasi që pas zgjedhjeve ajo do të jetë kryetare e parlamentit e ky kryeministër.

Por ai ka thënë se fillimisht do të nis dialogun me qytetarët serbë të Kosovës.

Dje Vjosa Osmani ka thënë se në këtë proces nëse ajo do të bëhet kryeministre presidenti do të ketë rol vetëm në nënshkrimin e marrëveshjes finale Kosovë Serbi.

Këto dy parti pas shpalljes së zgjedhjeve të jashtëzakonshme kanë negociuar deri ditën e fundit për arritjen e një kaolicioni parazgjedhor por që nuk arritën marrëveshje pikërisht për shkak të  nominimit të kandidatit për postin e kryeministrit. LDK-ja institonte që Vjosa Osmane të jetë kandidate e këtij koalicioni parazgjedhor e LVV-ja për Albin Kurtin. Megjithatë në rast se ndonjëra nga këto dy parti fiton zgjedhjet kanë kanë lënë të hapur mundësinë e një bashkëpunimi për krijimin e qeverisë. /ABC News Albania 24/7

premtimet-elektorale.jpg
nev ila19:59 | 16/09/2019

Ndonëse ende zyrtarisht nuk ka nisur fushata zgjedhore, partitë politikanë Kosovë  po vazhdojnë me premtime elektorale. Kandidatët për kryeministër janë çdo ditë aktiv në media e në takime të ndryshme me qytetarë.

Kandidatët për kryeministra po vazhdojnë me premtime para fushatës zgjedhore për zgjedhjet e 6 tetorit që do ta mbahen në Kosovë.

Kandidatja e LDK-së për kryeministre Vjosa Osmani ka premtuar se nëse ajo do të udhëheqë qeverinë atëherë vetë do të udhëheq edhe procesin e dialogut me Serbinë ndërsa presidenti do të ketë rol vetëm në nënshkrimin e marrëveshjes finale.

Osmani tha se nëse ajo e udhëheq qeverinë do të kërkoj hetim të secilit politikan për pasurinë që kanë. Ajo gjithashtu ka thënë se që që mbledhjen e parë të Qeverisë do rekomandoj shkarkimin e bordeve me performancë negative.

Derisa kandidati tjetër për kryeministër nga radhët e PDK-së Kadri Veseli  premtim në këtë fushatë e ka luftën kundër korrupsionit dhe nepotizmin.

Kandidati i Lëvizjes Vetëvendosje për kryeministër, Albin Kurti iu është përgjigjur pyetjeve të qytetarëve nëpërmjet Facebookut në një lidhje të drejtpërdrejtë në Institutin Demokratik të Kosovës. Ai ka thënë se qysh në javën e parë si kryeministër do të fillojë dialogun me serbët e Kosovës.

Ndërsa kandidati për kryeministër nga koalicioni AAK-PSD Ramush Haradinaj gjatë ditës ka qëndruar në qytetin e Podujevës ku ka nderuar heronjtë e luftës.

Kandidati për kryeministër nga koalicioni Nisma-AKR-PD Fatmir Limaj sot ka qëndruar më i heshtur ndërsa ditë më parë ai  u ka bërë thirrje kandidatëve për kryeministër nga partitë e tjera që të përballen në një debat, për të treguar se cilat janë programet e tyre./ABC News Albania 24/7

KED-1280x823.jpg
nev ila12:13 | 31/07/2019

Këshilli i Emërimeve në Drejtësi ka përfunduar verifikimet për një pjese të kandidatëve për vendet vakante për Gjykatën Kushtetuese dhe Inspektorin e Lartë të Drejtësi.

Kështu KED ka miratuar lejimin e kandidimit për gjyqtar në Kushtetuese të Elsa Toskës, e cila ka aplikuar për vendet vakante që ka shpallur Presidenti dhe Kuvendi.

KED njofton se ka vendosur të ndalojë kandidimin e kandidatëve për gjyqtarë në Gjykatën Kushtetuese të 7 kandidatëve, të cilët kishin paraqitur interesin pas shpalljes së vakancave nga Institucioni i Presidentit të Republikës e Kuvendi.

Bëhet fjalë për:

1. Valbona Bala,

2. Klodian Rado,

3. Rexhep Bekteshi,

4. Sinan Tafaj,

5. Petrit Kaja,

6. Gëzim Allaraj,

7. Fiona Papajorgji.

Ndërsa për vendin vakant të Inspektorit të Lartë të Drejtësisë, KED ka vendosur të lejojë kandidimin e Artur Metanit e të ndalojë atë të Genci Gjonçajt.

Në njoftimin e KED thuhet se në mbledhjen e radhës do shqyrtohen kandidaturat e Eris Hysit, Klodian Rados, Zhaklina Petos dhe Marsida Xhaferllarit.

Procedura e vlerësimit të kandidatëve nga KED përfshin kontrollin e pasurisë, figurën dhe integritetin si dhe kushtet ligjore që mundësojnë kandidimin./ABC News Albania 24/7

klp-1280x720.jpg
nev ila21:35 | 10/07/2019

Pas këtyre dyerve po zhvillohet procesi me i rëndësishëm për përzgjedhjen e më të mirëve për në SPAK thënë ndryshe të prokurorisë së re që do hetojë krimin e organizuar dhe korrupsionin e zyrtareve të lartë. Në një proces që ka nisur që prej të hënës të gjitha ata që mendojnë se janë njerëzit e duhur për të hetuar korrupsionin janë ulur përballë Këshillit të Lartë të Prokurorisë.

Kandidatët kanë dhënë shpjegime jo vetëm karrierën, por edhe si do të hetojnë atë që pret i gjithë publiku. Këtë të mërkurë përpara anëtarëve të Këshillit të Lartë të Prokurorisë kanë qëndruar Edvin Kondili,  Elida Kaçkini, Dorina Bejko Behar Dibra, dhe kryeprokurorja e Prokurorisë së Tiranës, Elisabeta Imeraj.

Kjo e fundit është pyetur për çështjen e ish-drejtorit të burgjeve, Artur Zoto, i cili ka marrë pafajësinë në Apel. Lidhur me të, Imeraj është shprehur se ka respektuar ligjin dhe do të vepronte po njëlloj edhe tani.

E pyetur se çfarë do bënte më shumë në SPAK, prokurorja Imeraj ka deklaruar se rezultatet do të jenë më të mira, pasi do kenë edhe Byronë e Hetimit dhe kushte më të mira për të luftuar korrupsionin.

Pyetjet me të cilat janë përballur kandidatët e SPAK lidhen me anën profesionale, shkollimin, mënyrën si janë hetuar emra të njohur të botës së krimit etj. Ky proces pritet që të mbarojë të premten, ndërsa hapi i radhës për KLP-në është renditja ose pikëzimi i kandidatëve.

Por që SPAK të ngrihet, duhet pritur përfundimi i procesit të vettingut. Prokurorët Arben Kraja dhe Dritan Prenci janë të vetmit, që e kanë kaluar zyrtarisht vettingun, pa u përballur me një ankimim./ABC News Albania 24/7

klp-1-1280x720.jpg
nev ila13:49 | 07/07/2019

Duke nisur nga kjo e hënë, Këshilli i Lartë i Prokurorisë do të nisë intervistat me audio e video të kandidatëve për prokurorë në Prokurorinë e Posaçme Anti-Korrupsion. Ato do të zhvillohen me dyer të mbyllura, pavarësisht se rregullorja nuk e parashikon një gjë të tillë. 11 nga 22 kandidatë, nuk kanë dalë ende para vetingut.

Këshilli i Lartë i Prokurorisë, nis me 8 korrik intervistat në vijim të procesit të vlerësimit të kandidatëve për prokuror në Prokurorinë e Posaçme Anti-Korrupsion. Intervistat me kandidatët do të regjistrohen me audio dhe video, nga vetë këshilli, një pjesë e të cilave do të publikohen në faqen zyrtare të KLP.

Por sipas burimeve zyrtare nga ky institucion, mediat nuk do të jenë të pranishme gjatë dhënies së intervistës nga kandidatët, me argumentin se një gjë të tillë e ndalon rregullorja për arsye konfidencialiteti. Por neni 14 pika 3 dhe 4 e rregullores nuk e përcakton faktin se intervistat do të zhvillohen pa praninë e medias.

Gjatë 5 ditëve Këshilli i Lartë i Prokurorisë do të zhvillojë intervistat me 22 kandidatët e SPAK, për 15 vende. KLP do të përzgjedhë prokurorët me aftësitë më të mira profesionale dhe morale.

Duke iu referuar rregullores, që një prokuror të jetë pjesë e SPAK duhet që më para të ketë kaluar të gjitha instancat e vetingut, Komisionin e Pavarur të Kualifikimit dhe Kolegjin e Posaçëm të Apelimit. Deri më tani para vetingut nga 22 kandidatët që kanë kaluar me sukses KPK dhe nuk janë ankimuar nga Komisioneri publik janë Arben Kraja dhe Dritan Prençi.

Prokurorët që kanë kaluar KPK dhe janë ankimuar deri me tani janë Besnik Muçi dhe Donika Prela.

Ndërsa Edvin Kondili, Eneid Nakuçi, Vladimir Mara, Enkelejda Millonai dhe Manjola Kajana kanë kaluar në shkallë të parë por nuk dihet nëse do të ankimohen nga komisioneri. Nga ana tjetër, 11 kandidatët e mbetur nuk i janë nënshtruar ende procesit të vetingut./ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono