kandidatët

KED-1280x823.jpg
nev ila12:13 | 31/07/2019

Këshilli i Emërimeve në Drejtësi ka përfunduar verifikimet për një pjese të kandidatëve për vendet vakante për Gjykatën Kushtetuese dhe Inspektorin e Lartë të Drejtësi.

Kështu KED ka miratuar lejimin e kandidimit për gjyqtar në Kushtetuese të Elsa Toskës, e cila ka aplikuar për vendet vakante që ka shpallur Presidenti dhe Kuvendi.

KED njofton se ka vendosur të ndalojë kandidimin e kandidatëve për gjyqtarë në Gjykatën Kushtetuese të 7 kandidatëve, të cilët kishin paraqitur interesin pas shpalljes së vakancave nga Institucioni i Presidentit të Republikës e Kuvendi.

Bëhet fjalë për:

1. Valbona Bala,

2. Klodian Rado,

3. Rexhep Bekteshi,

4. Sinan Tafaj,

5. Petrit Kaja,

6. Gëzim Allaraj,

7. Fiona Papajorgji.

Ndërsa për vendin vakant të Inspektorit të Lartë të Drejtësisë, KED ka vendosur të lejojë kandidimin e Artur Metanit e të ndalojë atë të Genci Gjonçajt.

Në njoftimin e KED thuhet se në mbledhjen e radhës do shqyrtohen kandidaturat e Eris Hysit, Klodian Rados, Zhaklina Petos dhe Marsida Xhaferllarit.

Procedura e vlerësimit të kandidatëve nga KED përfshin kontrollin e pasurisë, figurën dhe integritetin si dhe kushtet ligjore që mundësojnë kandidimin./ABC News Albania 24/7

klp-1280x720.jpg
nev ila21:35 | 10/07/2019

Pas këtyre dyerve po zhvillohet procesi me i rëndësishëm për përzgjedhjen e më të mirëve për në SPAK thënë ndryshe të prokurorisë së re që do hetojë krimin e organizuar dhe korrupsionin e zyrtareve të lartë. Në një proces që ka nisur që prej të hënës të gjitha ata që mendojnë se janë njerëzit e duhur për të hetuar korrupsionin janë ulur përballë Këshillit të Lartë të Prokurorisë.

Kandidatët kanë dhënë shpjegime jo vetëm karrierën, por edhe si do të hetojnë atë që pret i gjithë publiku. Këtë të mërkurë përpara anëtarëve të Këshillit të Lartë të Prokurorisë kanë qëndruar Edvin Kondili,  Elida Kaçkini, Dorina Bejko Behar Dibra, dhe kryeprokurorja e Prokurorisë së Tiranës, Elisabeta Imeraj.

Kjo e fundit është pyetur për çështjen e ish-drejtorit të burgjeve, Artur Zoto, i cili ka marrë pafajësinë në Apel. Lidhur me të, Imeraj është shprehur se ka respektuar ligjin dhe do të vepronte po njëlloj edhe tani.

E pyetur se çfarë do bënte më shumë në SPAK, prokurorja Imeraj ka deklaruar se rezultatet do të jenë më të mira, pasi do kenë edhe Byronë e Hetimit dhe kushte më të mira për të luftuar korrupsionin.

Pyetjet me të cilat janë përballur kandidatët e SPAK lidhen me anën profesionale, shkollimin, mënyrën si janë hetuar emra të njohur të botës së krimit etj. Ky proces pritet që të mbarojë të premten, ndërsa hapi i radhës për KLP-në është renditja ose pikëzimi i kandidatëve.

Por që SPAK të ngrihet, duhet pritur përfundimi i procesit të vettingut. Prokurorët Arben Kraja dhe Dritan Prenci janë të vetmit, që e kanë kaluar zyrtarisht vettingun, pa u përballur me një ankimim./ABC News Albania 24/7

klp-1-1280x720.jpg
nev ila13:49 | 07/07/2019

Duke nisur nga kjo e hënë, Këshilli i Lartë i Prokurorisë do të nisë intervistat me audio e video të kandidatëve për prokurorë në Prokurorinë e Posaçme Anti-Korrupsion. Ato do të zhvillohen me dyer të mbyllura, pavarësisht se rregullorja nuk e parashikon një gjë të tillë. 11 nga 22 kandidatë, nuk kanë dalë ende para vetingut.

Këshilli i Lartë i Prokurorisë, nis me 8 korrik intervistat në vijim të procesit të vlerësimit të kandidatëve për prokuror në Prokurorinë e Posaçme Anti-Korrupsion. Intervistat me kandidatët do të regjistrohen me audio dhe video, nga vetë këshilli, një pjesë e të cilave do të publikohen në faqen zyrtare të KLP.

Por sipas burimeve zyrtare nga ky institucion, mediat nuk do të jenë të pranishme gjatë dhënies së intervistës nga kandidatët, me argumentin se një gjë të tillë e ndalon rregullorja për arsye konfidencialiteti. Por neni 14 pika 3 dhe 4 e rregullores nuk e përcakton faktin se intervistat do të zhvillohen pa praninë e medias.

Gjatë 5 ditëve Këshilli i Lartë i Prokurorisë do të zhvillojë intervistat me 22 kandidatët e SPAK, për 15 vende. KLP do të përzgjedhë prokurorët me aftësitë më të mira profesionale dhe morale.

Duke iu referuar rregullores, që një prokuror të jetë pjesë e SPAK duhet që më para të ketë kaluar të gjitha instancat e vetingut, Komisionin e Pavarur të Kualifikimit dhe Kolegjin e Posaçëm të Apelimit. Deri më tani para vetingut nga 22 kandidatët që kanë kaluar me sukses KPK dhe nuk janë ankimuar nga Komisioneri publik janë Arben Kraja dhe Dritan Prençi.

Prokurorët që kanë kaluar KPK dhe janë ankimuar deri me tani janë Besnik Muçi dhe Donika Prela.

Ndërsa Edvin Kondili, Eneid Nakuçi, Vladimir Mara, Enkelejda Millonai dhe Manjola Kajana kanë kaluar në shkallë të parë por nuk dihet nëse do të ankimohen nga komisioneri. Nga ana tjetër, 11 kandidatët e mbetur nuk i janë nënshtruar ende procesit të vetingut./ABC News Albania 24/7

 

bindjaa-1280x725.jpg
Sej rie17:00 | 02/07/2019

Partia Bindja Demokratike nuk fitoi asnjë bashki, edhe pse garoi në 22 të tilla. Por partia e krijuar pak javë përpara zgjedhjeve, arriti të grumbullojë rreth 28 mijë vota me kandidatët e saj.

Të dielën e 30 Qershorit, partia që pati më shumë kandidatë përballë koalicionit të mazhorancës, ishte Bindja Demokratike e Astrit Patozit. Bindja garoi në 22 bashki, por nuk mundi të dilte fituese në asnjë zonë zgjedhore.

Megjithëkëtë, kandidatët e saj në mbarë vendin morën gjithësej 27 947 vota, sipas të dhënave të transmetuara nga Komisionit Qendror i Zgjedhjeve.

Kandidati më i votuar i Bindjes Demokratike rezulton Shkëëlzen Qoka në Dibër. Ai ka grumbulluar 2,566 vota, që përbëjnë 16.5% të totalit. I dyti, më i mbështetur është kandidati i Kukësit Abedin Oruci, i cili ka marrë 16%  të votave, plot 1,905 të tilla. Kandidati i tretë më i mbështetur është ai i Kurbinit, Edmond Piroli, me 966 vota, ose 12.73% e totalit.

Lista vijon me Këlcyrën, ku kandidati Shkelqim Muhaj ka marrë 11.02% të votave.

Në Durrës Valbona Sakollari ka siguruar 9.33%  të votave ndërsa në Korçë Leonard Olli ka arritur të grumbullojë 7.78% të kartonëve.

Në kutitë e votimit të Shijakut u gjetën 449 vota për  Arben Pohumin, që përbëjnë 7.69%. Në Mallakastër, kandidatin e Bindjes Demokratike e kanë mbështetur 7.64%  e pjesëmarrjes në zgjedhje. Në Bulqizë Ilir Balla ka marrë 6.73% vota, ndërsa Sabri Ibrahimi që kandidoi në Gramsh ka marrë 6.67% të votave.

Kolonjë kandidati Fatjon Feka  mori vetëm 304, në Selenicë Marildo Hodaj 401 të tilla, ndërsa në Malësi të Madhe Pjerin Spathari mori 493 vota.

Dy themeluesit e Bindjes Demokratike, Arben Skënderi dhe Valbona Mezini kanë marrë rezultat të njëjtë në përqindje: 5.79, por në Tiranë Skënderaj ka fituar 9,364 vota përballë Erion Veliajt, ndërsa në Vlorë Valbona Mezini  ka marrë 1,827 përballë Dritan Lelit.

Lista vijon me kandidatët e cërrikut, Beratit, Tropojës e Tepelenës. Ndërsa kandidati me rezultatin më të dobët i Bindjes Demokratike është në Kavajë.  Bledar Sinella mori vetëm 122 vota, ose 1.62% të totalit.

Bindja Demokratike ka kandiduar edhe për disa këshilla bashkiakë, por llogaritjet për to vijojnë, dhe ende nuk dihet nëse ka fituar apo jo mandate këshilltarësh./ABC News Albania 24/7

MBULIM-MOMENTE-VOTIMI-30-QERSHOR.mpg_snapshot_01.04-1280x720.jpg
ent ela11:20 | 01/07/2019

97 kandidatë garuan për 61 bashki. Në listat e zgjedhësve kishte 3.4 milionë votues.

5 417 ishte numri i qendrave të votimit në mbarë vendin.

36 parti morën pjesë në zgjedhje të ndara në dy koalicione: Aleanca për Shqipërinë Evropiane drejtuar nga PS, me 19 parti aleate; Koalicioni Shpresa për Ndryshim (6 parti të udhëhequra nga Aleanca Kuq e Zi); si dhe 9 parti garuan jashtë koalicioneve.

Për herë të parë në garë, Bindja Demokratike e Astrit Patozit me kandidatë në 22 bashki të vendit.

Partitë e koalicionit opozitar nuk morën pjesë në këto zgjedhje, pasi i konsiderojnë farsë, duke krijuar një precedent në 30 vjet pluralizëm. /ABC News Albania 24/7

Capture-15-1280x857.jpg
ent ela15:09 | 30/06/2019

Procesi i votimit për 30 qershorin ka nisur në orën 07 të mëngjesit dhe do të mbyllet në orën 19.00.

97 kandidatë janë në garë për 61 bashki, ndërsa në listat e zgjedhësve figurojnë 3.4 milionë votues. 5 417 është numri i qendrave të votimit në mbarë vendin. Në zgjedhje marrin pjesë gjithsej 36 parti. Ato janë të ndara në dy koalicione: Aleanca për Shqipërinë Evropiane drejtuar nga PS dhe që përmban dhe 19 parti të tjera, Koalicioni Shpresa për Ndryshim me 6 parti, e udhëhequr nga Aleanca Kuq e Zi, ndërsa 9 parti garojnë jashtë koalicioneve.

Partia opozitare që garon për herë të parë është Bindja Demokratike e Astrit Patozit që garon me kandidatë në 22 bashki të vendit. Partitë e koalicionit opozitar nuk marrin pjesë në këto zgjedhje, pasi i konsiderojnë farsë. Të parët që kanë votuar mëngjesin e kësaj të diele kanë qenë eksponentët e lartë të Partisë Socialiste. /ABC News Albania 24/7

SHBA-DEBATI-ABC-1280x720.jpg
ent ela12:40 | 27/06/2019

Kandidatët demokratë për në shtëpinë e Bardhë kanë zhvilluar debatin e parë televiziv, duke u përplasur për tema si ekonomia, emigracioni dhe shëndetësia. Sipas analistëve fituesi i këtij debate të parë mund të konsiderohet Julian Kastro.

Ka përfunduar pas dy orësh debati i parë televiziv mes kandidatëve demokratë për zgjedhjet presidenciale amerikane të 2020-ës. Një debat i cili preku tema të aktualitetit dhe gjatë të cilit kandidatët për në Shtëpinë e Bardhë iu prezantuan Amerikës. Pas një fillimi të mirë Elizabet Uoren humbi terren, duke i lënë hapësirë Julian Kastros i cili së bashku me Kori Bruker dhe Bill De Blasio përforcuan pozitat e tyre.

Gara e demokratëve për në shtëpinë e bardhë u hap me një surprizë: Julian Kastro, ish kryebashkiak i San Antonios dhe ish anëtar i administratës Obama. I sigurtë në vetvete, i përgatitur dhe me ide të qarta, Kastro arriti të imponohej në dy orët e debatiti ku u sfiduan 10 nga 20 emrat e dmokratëve për presidencialet 2020.

Senatorja Eliazebt Uoren, e favorizuara e mbrëmjes, e nisi mirë me tema që përfshinin shëndetësinë dhe ekonominë por më pas u la në hije. Zhgënjim për Beto O’Rurke i cili nuk arrin të dalë në dritë duke konfirmuar sondazhet të cilat shohin Pete Buttigeg, kryebashkiakun e Sauth Bend si emrin më të mundshëm për të fituar garën mes demokratëve. Beto mundohet dhe në temën e emigracionit, që e sheh në linjë të parë në shtetin e tij Teksas. Një performancë e mirë ishte ajo e senatorit të Nju Xhersit, Kori Buker, por që gjithësesi analistët presin më shumë nga ai që krahasohet dhe me Barak Obamën për sa i përket oratorisë. Por formati i debatit me 30 apo 45 sekonda në dispozicion të kandiatëve për t’iu përgjigjur pyetjeve, nuk le shumë hapësirë për asnjë dhe kjo penalizon të gjithë kandidatët të cilët për herë të parë dolën para publikut amerikan.

Tema e parë ishte ajo e ekonomisë por debati u bë më I nxehtë tek tema e shëndetësisë ku secili prej tyre u përpoq të japë recetën e tij. Ajo që bashkon frontin demokrat është refuzimi ndaj politikave të emigracionit të presidentit Donald Tramp dhe për situatën e ndryshimeve klimatike.

Klima së bashku me Kinën dhe Rusinë janë kërcënimet kryesore për Shtetet e Bashkuara të Amerikës, por mbi të gjithë qëndron Trump, sipas demokratëve. Presidenti amerikan nuk reagoi ndaj debatit dhe përmbajtjes së tij dhe pse kritikat e tij iu drejtuan rrjetit televiziv që transmetoi debatin për shkak të disa problemeve teksnike: duhet të keni turp!.

Deklaratat përfundimtare janë rasti më i mirë që kandidatët të japin mesazhin e tyre. Dhe këtu fiton Kastro duke folur anglisht dhe spanjoll dhe duke përfunduar me frazën: në janar të 2021-shit do i themi lamtumirë Trumpit. /ABC News Albania 24/7

bb.jpg
Sej rie22:40 | 01/06/2019

Kjo është mënyra që ka zgjedhur të prezantojë Partia Bindja demokratike kandidatët e saj. Nëpërmjet një spoti 5 kandidatë për kryebashkiakë në 5 bashki të rëndësishme të vendit tregojnë ofertën e tyre për zgjedhësit në 30 Qershor.

Arben Skënderi për Bashkinë e Tiranës.

Valbona Sakollari në Bashkinë Durrës.

Leonard Olli në Bashkinë e Korçës.

Shkëlzen Qoka kandidat për Bashkinë Shkodër.

Valbona Mezini për Bashkinë Vlorë.

Për të gjithë kandidatët e Partisë Bindja Demokratike Shqipëria është e para thotë koordinatori i kësaj partie Astrit Patozi icili i kërkon shqiptarëve të bëjnë dallimin mes atyre që kanë qeverisur deri më sot dhe kësaj force të re politike. Nuk do të ketë mitingje acaruese thotë Astrit patozi, por takime me njerëzit për ti dëgjuar e për ti dhënë mundësinë që të votojnë bindjen e tyre të vërtetë./ABC News Albania 24/7

kqz.jpg
Sej rie09:00 | 28/05/2019

Opozita thotë se nuk do të zhvillohen zgjedhje në 30 Qershor, por Komisioni Qendror i Zgjedhjeve, duke zbatuar Kodin zgjedhor, në mbledhjen e djeshme miratoi fletën e votimit, që do të përdoret në këto zgjedhje. Në  pjesën më të madhe të bashkive garojnë vetëm kandidatë të Aleancës për Shqipërinë Evropiane dhe në një pjesë të vogël të tyre kandidatë nga Bindja Demokratike.

Në fletën e votimit për bashkinë e Tiranës i pari do të renditet Arben Skënderi i Bindjes Demokratike, ndërsa numrin 2 do ta mbajë kryebashkiaku aktual, Erion Veliaj.

Në Bashkinë e Durrësit, Valbona Sakollari e BD do të jetë e para dhe Valbona Sako e Aleancës për Shqipërinë Evropiane do të jetë nr. 2.

Kurse në bashkinë e Vlorës, kreu aktual i bashkisë që kërkon një mandat të dytë Dritan Leli do të ketë numrin 1, ndërsa Valbona Mezini e Bindjes do të ketë numrin 2.

Një tjetër Bashki me dy kandidatë ne gare është ajo e Korçës, ku i pari në fletën e votimit është kandidati i Bindjes Demokratike, Leonard Olli, kurse Sotiraq Filo i koalicionit të majtë renditet i dyti.

Ndërkaq, në Bashkitë Fier, Lushnje, Shkodër, Elbasan, kandidatët e PS do të jenë kandidatë të vetëm, pa pasur kundërshtarë përballë në zgjedhjet e 30 Qershorit./ABC News Albania 24/7

107092930_may.jpg
ent ela12:40 | 26/05/2019

Janë 8 politikanët britanikë që kanë shprehur ambicjen për të zëvendësuar kryeministren në ikje Theresa Mej. Gara më e fortë parashikohet mes atyre që njihen si promovuesit e Breksit, ish-ministri i Jashtëm Boris Xhonson dhe ministri i Mjedisit, Majkëll Gov.

Ministri britanik i Mjedisit, Majkëll Gov është politikani i fundit që i është bashkuar garës për postin e kryetarit të konservatorëve, duke sfiduar kështu ish-aleatin e tij pro-Breksit, Boris Xhonson. Kjo do të thotë se dy figurat kyçe të fushatës për daljen nga BE-ja do të luftojnë për të çuar në fund procesin e Breksit.

Më parë, ata u përplasën në garën për lidership të vitit 2016, e cila u fitua nga kryeministrja në ikje Theresa Mej. Deri tani janë 8 kandidatët që kanë njoftuar ambicjet e tyre për postin e kryetarit, që kur Mej njoftoi se do të largohet nga detyra më 7 qershor. Ish-sekretari i Breksit, Dominik Reb dhe ish-kryetarja e Dhomës së Përfaqësuesve Andrea Lidsom publikuan vendimin e tyre për t’iu bashkuar garës në gazetat e së dielës.

Ata iu bashkuan kështu ministrit të Jashtëm Xheremi Hant, ministrit për Zhvillim Ndërkombëtar Rori Stjuart, ministrit të Shëndetësisë Met Henkok dhe ish-ministres së Punës dhe Pensioneve, Ester Mek Vej. Të gjithë kandidatët janë përpjekur të vënë në dukje qëndrimin e tyre në lidhje me Breksit përpara zgjedhësve. Një vijë ndarëse është verifikuar mes Boris Xhonson, që ka deklaruar se Mbretëria e Bashkuar duhet të përgatitet të dalë nga BE më 31 tetor pa një marrëveshje dhe kandidatëve që kundërshtojnë opsionin në fjalë. Sidoqoftë, pikëpamja e fituesit të mundshëm do t’i japë formën Britanisë së Madhe në vitet e ardhshme, shkruan BBC në edicionin online. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono