kandidate

maxresdefault-1280x720.jpg
ent ela14:21 | 01/11/2019

Shqiptarja Buta Biberaj është kandidate për prokurore në qarkun Loudon, Virginia, të Shteteve të Bashkuara të Amerikës.

Lajmi është konfirmuar nga gazeta prestigjioze amerikane “The Washington Post”, e cila  i ka dedikuar një artikull të veçantë shqiptares së suksesshme në SHBA.

Gazeta e vlerëson shqiptaren si një prokurore të  aftë që u ka shërbyer qytetarëve. Biberaj ka më shumë se 25 vite përvojë në fushën juridike, ka punuar si avokate dhe për 11 vjet radhazi ishte angazhuar edhe si zëvendësgjykatëse në këtë qark.

“Avokati i Commonwealth Loudoun, Jim Plowman është duke u larguar nga detyra që ka mbajtur që nga viti 2003. Në vend të tij emërohet avokatja Buta Biberaj. Zonja Biberaj, e cila është marrë me praktikimin e ligjit në Loudoun për më shumë se 25 vite dhe ka shërbyer si gjyqtare zëvendësuese në gjykatën e qarkut, e njeh mirë Virxhinian.

Axhenda e saj e fuqishme përfshin përfundimin e lirimit me kusht, sigurimin e më shumë mbështjeje për viktimat dhe kontributin që ka dhënë për shkollimin në burgje përmes partneriteteve me shkollat, zyrtarët e komunitete dhe drejtuesit e bizneseve”– shkruan gazeta.

Gjatë vitit 2014-2015, ajo u zgjodh presidente e Shoqatës së Avokatëve të qarkut Loudoun “LCBA”, ku së bashku me një grup avokatësh vendas dhe nxënës të shkollës “Douglas” përpiloi programin “Ligji rrugës” (Street Laë) që synonte këshillimin e nxënësve për të drejtat e tyre për sa i përket punësimit, si dhe për t’i njohur ata me ligjin penal dhe civil të Amerikës.

Zgjedhjet për këtë post do të zhvillohen javën e ardhshme më 5 nëntor.

Buta Biberaj ka lindur në Mal të Zi dhe është me prindër shqiptarë. Ajo u rrit në Bronx të New  York City që nga moshat 2-vjeçare deri në 20 vjeç, kohë kur u transferua në Fairfax County, Virginia. Buta u transferua nga Fairfax në Qarkun Loudoun në 1996 dhe aktualisht banon në rrethin Blue Ridge. Ajo është një nga tetë fëmijët në një familje të madhe që ka 19 nipër dhe mbesa.

Shumica e familjes Biberaj banojnë në Qarqet Loudoun dhe Fairfax. /abcnews.al

 

KLP-INTERVISTA-MBULIM.mpg_snapshot_00.00-1280x720.jpg
ad min13:01 | 29/10/2019

Këshilli i Lartë i Prokurorisë ka miratuar sot në mbledhjen e radhës e zhvilluar në sallën e mbledhjeve në Prokurorinë e Përgjithshme listën me emrat e kandidatëve për Prokuror të Përgjithshëm të cilët plotësojnë kushtet ligjore pas vlerësimit paraprak. Mbledhja është mbajtur në praninë e 9 anëtarëve dhe në mungesë të anëtarëve Besnik Cani dhe Nurihan Seiti.

“Në bazë të nenit 148/a të Kushtetutës, të nenit 22 të ligjit nr.97/2016 “Për organizimin dhe funksionimin e Prokurorisë në Republikën e Shqipërisë”, si dhe nenit 17/pika 4 të rregullores “Për kriteret dhe procedurën e përzgjedhjes së kandidatëve për Prokuror të Përgjithshëm”, Këshilli i Lartë i Prokurorisë vendosi miratimin e listës me emrat e kandidatëve për Prokuror të Përgjithshëm të cilët plotësojnë kushtet ligjore sipas rendin alfabetik si më poshtë:

  1. Arta Marku
  2. Fatjona Memçaj
  3. Olsian Çela”, thuhet në një njoftim të KLP-së.

Kandidatët të listuar në këtë vendim do të vazhdojnë garën e mëtejshme për pozicionin e Prokurorit të Përgjithshëm. Ky vendim është miratuar me shumicë votash. Gjithashtu, Këshilli i Lartë i Prokurorisë, në vijim të procesit të vlerësimit të kandidatëve për Prokuror të Përgjithshëm, njofton se në datën 13 nëntor 2019 duke filluar nga ora 9:30 do të zhvillohen intervistat me të tre kandidatët në garë sipas rendit alfabetik. /abcnews.al

kosovaaa.jpg
ad min15:59 | 09/09/2019

Në prag të zgjedhjeve të parakohshme në Kosovë, jo të gjitha partitë i kanë shkuar deri në fund premtimit se nuk do të fusin në lista për deputetë kandidatët, të cilët kanë probleme me ligjin.

Përkundër thirrjeve që u janë bërë partive politike që në zgjedhjet e 6 Tetorit të mos kandidojnë individë me aktakuza, kjo nuk është respektuar nga disa parti politike. Sipas Institutit të Kosovës për Drejtësi koalicioni AAK-PSD i prin listës me 13 kandidat me aktakuza, prej tyre pesë të dyshuar për vepra korruptive.

Me aktakuza apo dënime, por jo për vepra korruptive LVV- ja ka 6 kandidatë në listën e saj zgjedhore, PDK-ja 4 dhe koalicioni Nisma-AKR-PD, 2.  Ndërsa Lidhja Demokratike e Kosovës kishte futur një kandidat me aktakuzë për vepra korruptive, por që ka thënë se do ta heqë menjëherë pas raportimit në media.

Ndërkohë Instituti Demokratik i Kosovës ka lançuar fushatën ku kërkohet nga qytetarët që të mos i votojnë kandidatët me aktakuza. Instituti i Kosovës për Drejtësi ka prezantuar një raport krahasues me kandidatët me aktakuza në tri palë zgjedhjet e fundit nacionale.

Sipas raportit, në listat e kandidatëve për deputetë, në zgjedhjet e vitit 2014 ka pasur 15 persona me aktakuza, 12 prej të cilëve ishin zgjedhur deputetë. Ndërsa në zgjedhjet e 2017-s, në listat e partive kanë qenë 27 kandidatë me aktakuza, prej të cilëve 21 ishin bërë deputetë.

Edhe shtetet anëtare të Quint-it ditë më parë u kanë bërë thirrje qytetarëve të Kosovës që të mos i votojnë personat e lidhur me krimin dhe për të cilët ka dyshime për afera korrupsioni.

Lista e PDK-se me asnjë kandidat me aktakuzë apo të dënuar për korrupsion.

Përjashtimisht, lista ka një të dënuar për krime lufte, një të dënuar për vepra penale kundër sigurisë në trafik dhe dy të akuzuar për vepra penale që nuk hyjnë në kuadër të veprave penale korruptive./ABC News Albania 24/7

universiteti.jpg
ad min15:09 | 27/08/2019

Katër nga gjashtë fakultete të Universitetit të Tiranës i kanë dhënë fund ankthit të të rinjve. Ekonomiku, drejtësia, shkencat sociale dhe gjuhët e huaja kanë publikuar fituesit e këtij viti akademik.

Të pakënaqurit kanë të drejtën e ankimimit deri në fund të Gushtit ndërsa raundi i parë i regjistrimeve nis më 2 Shtator. Ajo që bie në sy dhe këtë vit është mesatarja e lartë e kandidatëve për studentë që kanë zgjedhur ekonominë dhe drejtësinë.

Këtë vit për herë të parë në ekonomi një cikël leksionesh do të zhvillohet në gjuhën angleze. Ndërsa tek drejtësia nis aplikimi i sistemit pesëvjeçar. Përgjysmimi i tarifës së shkollimit sipas dekanëve këtë vit mbetet në dore të qeverisë.

Nëse në ekonomi dhe drejtësi kandidatët për studentë i afrohen 10, tek gjuhët e huaja dhe shkencat sociale ata janë me mesatare mbi 7.5./ABC News Albania 24/7

VJOSA-OSMANI-MBULIM.mpg_snapshot_00.02-1280x720.jpg
ent ela17:40 | 26/08/2019

Partia Lidhja Demokratike e Kosovës ka zgjedhur Vjosa Osmanin si kandidate për kryeministre e ardhshme e Kosovës, në zgjedhjet e 6 tetorit. Ka qenë vetë kryetari i partisë, Isa Mustafa që ka komunikuar lajmin për mediat vendase. Mustafa ka deklaruar se vendimi për të zgjedhur Osmanin është marrë pas një mbledhjeje të zhvilluar në kryesinë e LDK-së, në fund të së cilës është arritur një marrëveshje për figurën e saj. Sipas Mustafës, kandidat tjetër për postin e kryeministrit që do të dalë nga zgjedhjet e parakohshme ishte Lutfi Haziri. /ABC News Albania 24/7

hashimthaci.jpg
ent ela16:26 | 26/08/2019

Për herë të parë që nga përfundimi i luftës, një parti politike në Kosovë ka propozuar një grua për postin e kryeministrit. Bëhet fjalë për LDK-në, që ka mandatuar për këtë detyrë Vjosa Osmanin. Vetë Osmani ka lënë pas në këtë garë kandidatin tjetër Lutfi Haziri, një figurë kyçe e LDK-së.

Vjosa Osmani edhe zyrtarisht është nominuar nga Lidhja Demokratike e Kosovës si kandidate e kësaj partie për kryeministre të Kosovës. Kjo është hera e parë në historinë e Kosovës së pasluftës që një parti nominon një femër kandidate për kryeministri. Ndonëse ishte e 83, Vjosa Osmani ka qenë deputetja më e votuar në mandatin e kaluar. Ndërsa Lutfi Haziri, i cili pretentonte këtë kandidim do të jetë bartës i listës.

Mustafa: “Arritëm marrëveshje me konsensus të plotë. Për kandidat e kemi pas z.Lutfi Haziri dhe zonja Vjosa Osmani. Edhe mbi bazën e vullnetit, edhe propozimit të z.Haziri, jemi përcaktuar për zonjën Vjosa Osmani”.

Osmani: “Do të punojmë për të nxjerrë vendin nga humnera ku e kanë vendosur njerëz të pandërgjegjshëm, të korruptuar, që asnjëherë interesin e qytetarit s’e kanë pasur prioritet. I garantoj qytetarit se asnjëherë nga sot nuk do të ndihen se s’kanë zë. Në veçanti, nënat, gratë, vajzat”.

Haziri:Gjithmonë ka pasur tolerancë, bashkëpunim e vlerësim me racionalitet që kanë sunduar si vlera politike të partisë”.

Kjo parti ende nuk ka vendosur nëse në këto zgjedhje do të garojë si parti e vetme apo do të bëj koalicion me Lëvizjen Vetëvendosje. Derisa PDK-ja ka paralajmëruar befasi rreth koalicioneve parazgjedhore, AAK-ja tashmë ka zyrtarizuar koalicionin parazgjedhor me PSD-në, ndërsa AKR-ja me Nismën SocialDemokrate. Ndëkrohë presidenti Hashim Thaçi ka marrё vendim për shpalljen e zgjedhjeve tё parakohshme më 6 tetor. Presidenti ka udhëzuar KQZ-në t’i ndërmarrë tё gjitha veprimet e nevojshme për organizimin dhe mbajtjen e këtyre zgjedhjeve.

/ABC News Albania 24/7

biden.jpg
ad min18:15 | 01/08/2019

Ish-zëvendës presidenti amerikan Joe Biden, që kryeson garën e nominimeve demokrate për zgjedhjet presidenciale të vitit 2020, është sulmuar nga të gjithë kandidatët e tjerë në debatin televiziv të radhës. Por ndryshe nga më parë, këtë herë Biden ka qenë në gjendje t’u kthejë përgjigje rivalëve.

Ish-zëvendës presidenti amerikan Joe Biden është ndodhur nën sulme të shumëfishta nga kandidatët e tjerë për zgjedhjet presidenciale në debatin televiziv të radhës.

Në skenën e ngritur në Detroit, Biden ka replikuar fillimisht me senatoren Kamala Herris në lidhje me sistemin shëndetësor dhe situatën në kufirin jugor të Shteteve të Bashkuara.

I kritikuar shpesh herë se në debatet e mëparshme është paraqitur i papërgatitur, këtë herë Biden ka qenë në gjendje t’u përgjigjet akuzave të rivalëve, ndonëse në mënyrë të moderuar.

Kur doli në skenë përballë Harris, ish-numri dy i Shtëpisë së Bardhë i tha asaj: “Avash me mua, vajzë”. Sa i takon reformës në shëndetësi, Biden tha se zgjerimi i reformës së ndërmarrë nga presidenti Barack Obama është mënyra më e mirë për të zgjidhur me shpejtësi problemet në sistemin shëndetësor.

Nga ana e saj, senatorja Harris u përgjigj duke thënë se plani i saj “Mjekësi për të gjithë” do t’u lejojë njerëzve të regjistrohen, ndërsa shtoi se plani i Biden lë jashtë skemës 10 milionë amerikanë.

Por ish-zëvendës presidenti reagoi duke thënë se, politika e zonjës Harris do të kishte një kosto të lartë dhe do të ngrinte taksat për klasën e mesme. Një tjetër debat Biden pati me kandidatin Julian Kastro në lidhje me politikat mbi emigracionin, konkretisht në lidhje me dekriminalizimin e kalimit ilegal të kufirit.

Biden kritikoi zotin Kastro se ka heshtur lidhur me çështjen në kohën kur ajo arriti kulmin dhe shtoi se dekriminalizimi do të ishte i padrejtë për njerëzit në mbarë botën, të cilët duan gjithashtu të vijnë në Shtetet e Bashkuara, por u duhet të presin në radhë.

Replikat e radhës ishin me kandidatin Kori Buker, këtë herë për reformën në drejtësi. Buker deklaroi se çdo projektligj në drejtësi mban firmën e Biden që prej viteve ‘70 dhe tani ai nuk mund të dalë me një plan të ri për të mbuluar të tjerët.

Nga ana e tij, Biden kritikoi punën e zotit Buker kur ishte kryetar i Bashkisë së Njuarkut dhe për çështje të lidhura me korrupsionin në polici. Kjo ishte pjesa e dytë e dy netëve debat mes demokratëve që synojnë të fitojnë nominimin presidencial, që do të shpallet korrikun e ardhshëm në konventën e partisë. Ndërkohë, zgjedhjet presidenciale do të mbahen në nëntor të 2020-s./ABC News Albania 24/7

votimet.jpg
ad min15:31 | 19/07/2019

Pas bashkisë së Durrësit, procesi i konfirmimit të fituesve të 30 Qershorit ka vijuar edhe në disa rrethe të tjera. Gjykata e Elbasanit ka njohur si kryebashkiak të Prrenjasit Nuri Belbën si dhe ka konfirmuar si fitues në Belsh Arif Tafanin.

Në Vlorë, gjykata ka njohur si kryebashkiak të Selenicës kandidatitn socialist, Pëllumb Binaj, ndërsa gjykata e Shkodrës ka konfirmuar Fran Tucin në krye të bashkisë së Fushë Arrëzit. Edhe Gjykata e Krujës ka njohur si fitues Artur Bushin.

Deri më tani, më shumë se gjysma e fituesve janë certifikuar nga gjykatat, ndërsa të tjerat janë ende në proces. Për 5 bashki pritet si fillim të shprehet Kolegji zgjedhor, pasi ka pasur ankimim nga Bindja Demokratike./ABC News Albania 24/7

parlamenti-europian.jpg
ad min15:54 | 16/07/2019

Sot në orën 18:30 do të zhvillohet votimi për kandidaten për presidente të Komisionit Europian. Për t’u konfirmuar në krye të këtij Komisioni, kandidatja Ursula von der Leyen duhet të marrë shumicën e votave të Parlamentit Europian. Në debatin që është zhvilluar eurodeputetët duken të ndarë në qëndrimin e tyre.

Parlamenti Europian është treguar tërësisht i përçarë para kandidates të përzgjedhur nga liderët europianë për presidente të Komisionit Europian, Ursula von der Leyen. Fjalimi në seancë plenare i Von der Leyen ishte më i mirë se javën e shkuar, por jo mjaftueshëm bindës për përballjen e sfidave që Bashkimi Europian ka përpara për 5 vitet e ardhshme. Masat e propozuara nga Von der Leyen për ndryshimet klimaterike janë thjesht objektiva, por jo aksione, ndërkohë që për Europën sociale dhe një ekonomi të qëndrueshme  ajo është treguar e vagët. E ndërgjegjshme, se rrezikon të mos marrë votën e shumicës së eurodeputetëve, Von der Leyen është munduar të nxjerrë në pah aspektin human.

Ursula von der Leyen, kandidate për presidente të Komisionit Europian: Ne duhet të përpiqemi më shumë për ndryshimet klimaterike. Një qasje me dy etapa nevojitet për reduktimit me 50% në mos 55% të ndotjeve të dioksidit të karbonit në vitin 2030. Ne jemi krenarë për ekonomikë tonë, duam ta forcojmë atë, por ka gjithashtu një logjikë të thjeshtë në këtë. Nuk janë qytetarët që i shërbejnë ekonomisë tonë, por ekonomia që i shërben qytetarëve tanë. Për modelin tonë të ekonomisë sociale, ne duhet të gërshetojmë aspektin e tregut me aspektin social. Jam në favor të një rroge minimale në Europë dhe për një taksim të drejtë. Do të propozoj një pakt të ri për migracionin dhe azilin, duke përfshirë edhe rilançimin e reformës së Dublinit. Kjo do të na mundësojë rikthimin në një zonë Shengen tërësisht funksionale të lëvizjes së lirë që përbën çelësin për prosperitetin, sigurinë dhe lirinë tonë. 4 vjet më parë unë prita një refugjat nga Siria në shtëpinë time. Ai nuk fliste gjermanisht dhe ishte tërësisht i brengosur nga situata e luftës civile në Siri. Sot, 4 vjet më pas, ai flet shumë mirë gjermanisht. Është një lider i komunitetit të tij për arsimin gjatë ditës  dhe një student i shkollës së lartë në mbrëmje.

Edhe pse Urusla von der Leyen intrigon si një kandidature femër për herë të parë në krye të Komisionit Europian, nuk bind ende të zgjedhurit e popullit. Ata i kanë rezervuar asaj një breshëri kritikash. Përveç grupimit të Partive Popullore Europiane dhe të pesë yjeve, grupimet e tjera jo vetëm që kanë vendosur pikëpyetjen për votën pro, por disa prej tyre kanë shprehur hapur votën e tyre kundër. Grupimi i gjelbër, i të majtës radikale kanë deklaruar se nuk do të votojnë Ursula von der Leyen, ndërkohë që socialdemokratët janë në mëdyshje.

Manfred Weber, kryetar i PPE-së: Liderët europianë kanë dëmtuar procesin demokratik të përzgjedhjes së kandidatëve ditët e fundit, por nuk besoj, se mund t’i rregullojmë gjërat, duke shkaktuar një dëm edhe më të madh. Europa duhet të jetë e zonja të veprojë tani. Europa duhet të jetë stabile. Ndaj, siç grupimi im mbështeti presidentin e ri të Parlamentit Europian, David Sassoli, ashtu pres nga grupimet e tjera, që të mbështesin si ne Ursula Von der Leyen në krye të Komisionit Europian.

Iratxe García Pérez, kryetare e S&D: Ne jemi këtu për t’ju dëgjuar dhe nuk synojmë ta çojmë Europën drejt një krize institucionale aq më pak kur Europa ka nevojë për ndryshime të mëdha. Por ne duam të sigurohemi, se Europa do të jetë e zonja që të ndërmarrë masat që nevojiten të merren. Ndaj, grupimi ynë do të marrë një vendim këtë pasdite duke menduar se cila është zgjidhja më e mirë për Europën.

Dacian Ciolos, kryetar i Reniew (liberalët): Nëse ju do konfirmoheni në krye të Komisionit Europian dhe shpresoj që kjo të ndodhë, ju shpesh do dëgjoni, që shumë ndryshime nuk mund të bëhen. Por ne kemi nevojë për këto ndryshime, për një Europë më të drejtë, më të qëndrueshme dhe në respekt të klimës.

Philipe Lamberts, kryetar i Greens: Ju folët për paktin për emigracionin. Ky pakt ekziston dhe është votuar nga shumica e Parlamentit Europian. Mos të bëjmë sikur po shpikim gjëra të reja. Merr propozimin tonë dhe lufto për të në Këshillin e Ministrave. Për shtetin ligjor, gjuha juaj është e fortë, por propozimet mbeten shumë të vagëta. Ne duhet të respektojmë shtetin ligjor kudo dhe jo të tolerojmë dhunimin e lirive europiane dhe të ndarjes së pushteteve në disa shtete anëtare siç është rasti i Hungarisë dhe Polonisë. Ne na duhet një ndryshim total për klimën, Europën sociale dhe ambientin, ndërkohë që ajo që propozoni juaj është një ndryshim në sipërfaqe me ide të vagëta. Ju e kuptoni që grupimi i gjelbër tani nuk mund t’ju mbështesë.

Jörg Meuthen: Kam respekt për ju si person, por ne e kemi shqyrtuar me kujdes letrën tuaj dhe konsiderojmë, se ju nuk përmbushni kriteret për këtë post. Së pari, ne gjermanët, kemi parë eksperiencën tuaj si ministre e Punës për Çështjet Sociale, apo ministre e Mbrojtjes. Në asnjë prej këtyre posteve nuk i keni shërbyer interesit të qytetarëve gjermanë dhe as keni qenë në lartësinë e punës. Nuk dua të bëj një listë të të gjitha dështimeve tuaja, por ju jeni një politikane tipike që bën premtime boshe me qëllimin e vetëm për të arritur shumicën e votave në Parlamentin Europian. Ne nuk shohim asnjë tregues që ju mund ta bëni më mirë detyrën e presidentes së Komisionit Europian, se detyrat tuaja të mëparshme. Ndaj vota jonë është kundër.

Rafaelle Fitto, bashkëkryetar i grupimit ECR: Ka sërish disa çështje, ku ne presim të kemi përgjigje të qarta nga ju. Kjo do të na ndihmonte që të marrim një vendim në fund të pasdites.

Martin Schirdewan (GUE): Mendoj, se vizioni ynë për Bashkimin Europian, si një Europë sociale, e bazuar në drejtësi, paqe dhe respekt për klimën nuk përputhet me vizionin që parashtruat para nesh. Ndaj, fatkeqësisht, vota jonë do jetë kundër.

Nigel Farage: Ajo që keni parë sot është një tentativë për Bashkimin Europian për të kontrolluar çdo aspekt të jetës tonë. Von der Leyen do që të ndërtojë një Bashkim Europian të centralizuar, jodemokratike, të vjetërsuar të komunizmit. Me këta njerëz, brenda 5 vjetësh, Europa e mbrojtjes do të plotësohet. Do të shërbejë për mbrojtje, por edhe mund të përdoret për sulm. Dhe ju nuk do të mund ta kontrolloni këtë si Parlament Europian. Votoni kundër kësaj kandidature.

Votimi për kandidaten për presidente të Komisionit Europian do të kryhet në orën 18:00 dhe pritet të bëhet publik në 19:30. Për t’u konfirmuar në krye të Komisionit Europian, Ursula von der Leyen duhet të marrë shumicën e votave të Parlamentit Europian. Në rast të kundërt, vendimi kthehet mbrapsht në tryezën e liderëvë europianë për një tjetër kandidaturë./ABC News Albania 24/7

klp-2.jpg
ad min12:50 | 16/07/2019

Këshilli i Lartë i Prokurorisë ka prezantuar 15 kandidaturat për njësinë antikorrupsion e njohur ndryshe si SPAK. Renditja e tyre është bërë sipas pikëzimit që ata kanë marrë gjatë prezantimit të tyre në KLP.

I pari që kryeson listën është Aldin Dumani, menjëherë pas tij Anton Martini dhe Elisabeta Imeraj. Donika Prela, kreu i Prokurorisë së Krimeve të Rënda nuk ia ka dalë të renditet brenda 15 kandidatëve të tjerë për SPAK.

Po kështu jashtë listës janë edhe Besim Hajdarmataj, Vladimir Mara, Dritan Prençi, të tre prokurorë të Krimeve të Rënda, si edhe Enkeleda Xhengo, Maksim Sota dhe Dorina Bejko.

Kryetari i KLP-së, Gent Ibrahimaj tha se SPAK do të ngrihet menjëherë sapo një numër i konsiderueshëm nga kandidatët për Prokurorinë e Posaçme, të kalojnë të dyja shkallët e Vettingut, Komisionin e Pavarur të Kualifikimit, dhe atë të Apelimit.

I vetmi prokuror në listën e të përzgjedhurve që ka kaluar të dyja hallkat e Vettingut, është prokurori Arben Kraja./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono