Kanabis

e0c62881-f32e-41b1-9030-9198153384a4-1280x960.jpg
ent ela12:47 | 21/08/2019

Polica ka vënë në pranga 2 persona të cilët dyshohen si kultivues kanabisi dhe posedues te armeve pa leje. Të arrestuar janë Petrit Nazeri dhe Lutfi Basha, ndërsa policia po punon për zbulimin e personave të tjerë që mund të jenë të përfshirë. Uniformat blu, në zonën e Zall bastarit gjetën dhe u asgjësuan 60 bimë, të dyshuara si bimë narkotike të llojit Cannabis Sativa. Gjithashtu, gjatë kontrollit policia gjeti dhe sekuestroi një armë zjarri pistoletë, dy armë gjahu çifte, një armë të ftohtë thikë, një palë dylbi dhe një sasi municioni. Të arrestuarit akuzohen për veprat penale “Kultivimi i bimëve narkotike “, “Prodhimi dhe mbajtja pa leje e armëve luftarake e municionit” dhe “Prodhimi dhe mbajtja pa leje e armëve të ftohta”.

Njoftimi i Policisë

Në kuadër të operacionit masiv për kontrollin e territorit, me qëllim parandalimin, evidentimin dhe goditjen e rasteve të kultivimit të bimëve narkotike, nga shërbimet e Komisariatit të Policisë Nr. 4, është finalizuar operacioni policor “Bulceshi”, si rezultat i të cilit u arrestuan në flagrancë shtetasit:

  1. B., 33 vjeç, banues në Zall-Bastar, Tiranë;
  2. N., 58 vjeç, banues në Tiranë, i dënuar më parë;

Gjatë kontrollit të territorit dhe mbi bazën e informacioneve të grumbulluara më parë, shërbimet e Policisë, në vendin e quajtur Bulcesh, Njësia Administrative Zall-Bastar, në një zonë malore dhe me bimësi të dendur, u gjetën të kultivuara dhe u asgjësuan 60 bimë, të dyshuara si bimë narkotike të llojit Cannabis Sativa.

Gjithashtu, gjatë kontrollit policia gjeti dhe sekuestroi një armë zjarri pistoletë, dy armë gjahu çifte, një armë të ftohtë thikë, një palë dylbi dhe një sasi municioni.

Vijon puna per identifikimin dhe kapjen e personave të tjerë të përfshirë në këtë aktivitet kriminal.

Materialet iu referuan Prokurorisë Pranë Gjykatës së Shkallës së Parë Tiranë, për veprat penale “Kultivimi i bimëve narkotike “, “Prodhimi dhe mbajtja pa leje e armëve luftarake e municionit” dhe “Prodhimi dhe mbajtja pa leje e armëve të ftohta”. /abcnews.al,

 

1540196440_arrestimpolicie.jpg
ad min12:15 | 07/08/2019

Tenton të fusë lëndë narkotike në burgun e Rrogozhinës, arrestohet në flagrancë 29-vjeçari. Burimet zyrtare raportojnë se në pranga ka rënë shtetasi E. B.,29 vjeç, banues në Durrës.

Shërbimet e policisë së burgut të IEVP Rrogozhinë, gjatë kontrollit të sendeve që E.B.,kishte sjellë për të vëllanë, i cili vuante dënimin pranë ambienteve të IEVP Rrogozhinë, kanë konstatuar që në rrobat e tij, mbante të fshehur 26 gram lëndë narkotike.

Është njoftuar menjëherë grupi hetimor dhe specialistët për Narkotikët të cilët në përfundim të hetimeve kanë bërë arrestimin në flagrancë të 29-vjeçarit.

Materialet do t’i kalojnë për hetime të mëtejshme Prokurorisë Kavajë për veprën penale “Prodhimi dhe shitje të narkotikeve” .

kanabis.jpg
ad min14:16 | 02/08/2019

Maqedonia e Veriut është një ndër vendet e paketa të Europës që ka legalizuar prej disa vitesh industrinë e kanabisit për qëllime mjekësore. Kjo industri, për vendet që po e zhvillojnë atë, po sjell përfitime marramendëse.

Maqedonia e Veriut i bëri ndryshimet e duhura ligjore në vitin 2016, çka u mundësoi dhjetëra kompanive private të fitojnë licenca për prodhimin e  kanabisit.

Aktualisht, 27 kompani janë licencuar për prodhimin e vajit mjekësor të kanabisit, kurse në pritje të licencave, siç thonë nga Qeveria e Maqedonisë së Veriut janë 17 kompani.

Interesi duket i lartë dhe shifrat jozyrtare flasin për 70-80 kompani. Vetë kultivuesit thonë se industria e kultivimit të kanabisit për qëllime mjekësore duhet të zgjerohet edhe më shumë, pasi i sjell Maqedonisë së Veriut përfitime të mëdha.

Slave Ivanovski – pronar i kompanisë “Oaza alkaloidi”: Është një degë interesante, ku Maqedonia e Veriut mund dhe ka kuadro për këtë biznes dhe për të vazhduar më tej për t’u zhvilluar. Të mos shesim vetëm lulet dhe vajin, por edhe prodhime të gatshme. Statistika jonë tregon se profiti nga eksporti i kanabisit mund të jetë më i madh nga eksporti i mishit të qengjit, verës, pjeshkëve dhe prodhimeve bujqësore në Maqedoni. Është një shans i mirë për vendin.

Kompania “5 Letters” në Krushevë të Maqedonisë prodhon kanabis për qëllime mjekësore dhe gjithnjë e më shumë po futet në tregjet botërore. Për një litër vaji të kanabisit ata përfitojnë thuajse 95 mijë euro. Kjo kompani ka të punësuar njerëz të rinj e të arsimuar dhe u ofron paga dyfish më të larta se mesatarja në Maqedoni.

Në farmacitë e vendit shiten dy lloje të vajit të kanabisit.

Qeveria e Maqedonisë së Veriut nuk ka bërë publike të dhënat për sipërfaqet e mbjellura me kanabis, por jozyrtarisht flitet për një sipërfaqe prej rreth 140 mijë metër katrorë. Ndërkohë, thuajse çdo ditë hapen kompani të kësaj veprimtarie e që përmbajnë fjalën kanabis që do të thotë se interesimi për këtë biznes është tejet i madh.

Kryeministri Zoran Zaev thotë se kjo industri ka hapur vende të shumta pune dhe parashikohet të sjellë përfitime deri në 100 milionë Euro në vit në arkën e shtetit.

Veç Maqedonisë se Veriut, në Europë kjo industri po lulëzon edhe në Greqi dhe Portugali, dy vende në vështirësi ekonomike që e kanë përdorur kanabisin për të ulur papunësinë dhe për të shtuar të ardhurat e buxhetit. Studimet tregojnë se tregu europian i kanabisit mjekësor mund të arrijë 55 miliardë Euro përfitime deri në vitin 2028.

Që nga viti 2018, sektori i prodhimit të kanabisit për qëllime mjekësore po sheh zhvillime me ritme te shpejta edhe në Amerikën e Veriut, pasi vlerësohet se përfitimet tregtare janë shumë të mëdha për t’u injoruar./ABC News Albania 24/7

policia-kanabis-1280x702.jpg
ent ela12:01 | 28/07/2019

11 persona janë arrestuar natën gjatë dy operacioneve policore antikanabis të koduar  “Ndëshkimi 3 “ dhe  “Ndëshkimi 4”. Këto operacione janë në vijim të dy operacioneve të tjera të koduara “Ndëshkimi 1 dhe 2”, ku si rezultat i  këtyre operacioneve u ndaluan 16 shtetas. Në ndihme të policise vendore kanë qenë dhe forcat e Ndërhyrjes së Shpejtë të Tiranes. Nga tërësia e veprimeve hetimore e proceduriale, ka rezultuar se këta shtetas, në bashkëpunim me njëri- tjetrin kanë kultivuar bimë narkotike Canabis Sativa në zonën e pyllëzuar të fshatit Borizane, Brret, Mal Brret dhe Picrrage të rrethit  Krujë, e cila është asgjësuar në periudha të ndryshme. Në cilësinë e provës materiale u sekuestruan dhe  14 aparatë celularë dhe 1 automjet.

Njoftimi i policisë

Në vijim të punës për parandalimin, evidentimin dhe goditjen e kultivimit të bimëve narkotike, pas një hetimi 2 mujor me Metoda Speciale të Hetimit,  Komisariati i Policisë Krujë nën drejtimin e Prokurorisë së Rrethit Gjyqësor Krujë si dhe në bashkëpunim me Shërbimet e Drejtorisë së Policisë Durrës  dhe Forcat e Ndërhyrjes së Shpejtë  Tiranë,  finalizuan me sukses Operacionin Policor të Koduar “Ndëshkimi 3”.

Në funksion të procedimit penal të vitit 2019,  u bë ekzekutimi i masave të sigurisë “Arrest me burg” për veprën penale “Kultivim i bimëve narkotike”, kryer në bashkëpunim, për  shtetasit ;

A.K., 56 vjeç, banues në fshatin Picrrage, Krujë.

  1. K., 52 vjeç, banues në fshatin Brret, Krujë.
  2. K., 49 vjeç, banues në fshatin Picrrage, Kruje.
  3. K., 24 vjeç, banues në Krujë,
  4. K., 30 vjeç, banues në Krujë.

Gjithashtu u bë ndalimi me iniciativë për veprën penale “Kultivim i bimëve narkotike”, i shtetasit   A. K., 45 vjeç,  banues në Mafsheq, Krujë.

Nga tërësia e veprimeve hetimore e proceduriale, ka rezultuar se këta shtetas, në bashkëpunim me njeri- tjetrin kanë kultivuar bimë narkotike Canabis Sativa në zonën e pyllëzuar të fshatit Brret, Mal Brret dhe Picrrage të rrethit  Krujë, e cila është asgjësuar në periudha të ndryshme.

Po gjatë orëve të fundit është finalizuar një tjetër operacion i koduar “Ndëshkimi 4”, ku pas nje hetimi 3 mujor me Metoda Speciale Hetimi, ne funksion te procedimit penal te vitit 2019 u bë ekzekutimi i masave te sigurisë “Arrest me burg” për veprën penale të “Kultivimi i bimëve narkotike”, kryer në bashkëpunim, për shtetasit;

  1. D., 23 vjeç, banues në Fshatin Borizane, Krujë
  2. D. 20 vjeç, banues në Borizane, Krujë.
  3. T, 22 vjeç , banues në Lac te rrethit Kurbin.

Dhe u bë  shpallja në kërkim e shtetasit A. D. 27 vjeç, banues në fshatin Borizanë, Krujë.

Nga tërësia e veprimeve hetimore e proceduriale, ka rezultuar se këta shtetas në bashkëpunim me njeri-tjetrin kanë kultivuar bimë narkotike në zonën e pyllëzuar të fshatit Borizanë, Krujë, në periudha të ndryshme, të cilat janë asgjesuar nga Policia.

Gjithashtu  po në vijim të operacionit “Ndëshkimi 4”,  u bë  arrestimi në flagrancë  i shtetasve B.U., 50 vjeç, dhe  S.U., 20 vjeç, banues në Nikël, Krujë, pasi nga kontrolli i ushtruar në banesën e tyre, u janë gjetur fidanë të dyshuar narkotikë canabis sattiva, si dhe një sasi lënde narkotike  e cila u sekuestrua në cilësinë e provës materiale.

Në cilësinë e provës materiale u  sekuestruan dhe  14 aparatë celularë dhe 1 automjet.

Vazhdon puna për dokumentimin ligjor të kesaj veprimtarie kriminale.

Materialet do t’i kalojnë Prokurorisë së Rrethit Gjyqesor Krujë për veprën penale të “Kultivimit te bimëve narkotike”, kryer në bashkëpunim .

policia-kanabis-1280x702.jpg
ent ela10:40 | 24/07/2019

Afro dy mijë rrënjë kanabis janë zbuluar në thellësi të një pylli në fshatin Fllomo të Dropullit. Policia e Gjirokastrës pasi kishte marrë informacion në rrugë operative organizoi dhe operacionin për parcelat me drogë. Bimët e kanabisit u shkatërruan, ndërkohë që nuk është kapur akoma autori i kultivimit, i cili është shpallur në kërkim. Një javë më parë Policia e Gjirokastrës zbuloi në Dropull, në fshatin Sopil 120 rrënjë kanabis për të cilat hetohet në gjendje të lirë kryeplaku i fshatit së bashku me një punonjës të Bashkisë së Dropullit. /ABC News Albania 24/7

kanabis-1.jpg
ad min15:35 | 15/07/2019

9 persona kanë përfunduar në pranga dhe një tjetër është shpallur në kërkim për kultivim droge. Këta shtetas në bashkëpunim me njëri-tjetrin kanë kultivuar bimë narkotike në një zonë të pyllëzuar të fshatit Shqezë në Krujë. Mes të ndaluarve është edhe një 52-vjeçar me detyrë oficer i patrullës së përgjithshme në komisariatin e Krujës.

Gjatë operacionit u ushtruan kontrolle edhe në banesat e të arrestuarve ku policia sekuestroi 3 armë zjarri, 5 armë gjahu dhe municion luftarak. Pjesëtarët e këtij grupi kriminal po hetoheshin prej dy muajsh. Operacioni “Ndëshkimi” u finalizua nga Policia e Krujës në bashkëpunim me Policinë e Durrësit dhe SHÇBA-në./ABC News Albania 24/7

KRONIKE-KANABIS-NE-KAPSHTICE_ABC-M2-T1.mpg_snapshot_00.18-1280x720.jpg
ent ela09:25 | 11/07/2019

Tre të arrestuar dhe 1324 kubikë kanabis dhe armë zjarri dhe municione luftarake të sekuestruara është bilanci i operacionit “Ballenjë-2019”, të Policisë së Bulqizës.

Të arrestuarit akuzohen për kultivim të lëndëvë narkotike dhe armëmbajtje pa leje

Policia sekuestroi gjithashtu edhe vegla pune, tuba plastike që do shërbenin për kultivimin në tokë të fidanëve të kanabisit. /abcnews.al

de8955ca-bea4-482c-bda5-0dcc6bffa949-933x445.jpg
ent ela10:00 | 08/07/2019

Policia e Tepelenës ka sekuestruar 46 kilogramë kanabis në fshatin Nivicë, ndërsa në pranga ka rënë poseduesi i lëndës narkotike. Operacioni i koduar “Kanionet” sekuestroi lëndën narkotike, ndërsa arrestoi 42-vjeçarin me iniciale A.Z. nga Vlora.

lënda narkotike u gjet në banesën e tij në fshatin Nivicë, ndërsa në oborri u gjetën disa kubikë ku ishin kultivuar fara kanabisi.

Materialet i kaluan Prokurorisë së Shkallës së Parë Gjirokastër për veprat penale “Kultivim i bimëve narkotike” dhe “Prodhim dhe shitje e lëndëve narkotike”. /abcnews.al

kavaje.jpg
ad min15:39 | 03/07/2019

Tre persona u arrestuan nga Policia e Kavajës pasi u kapën me 11.7 kilogramë kanabis. Të prangosurit u ndaluan në kuadër të operacionit ‘Porosia e Fundit’ . Si fillim u kap në flagrancë një 23-vjeçar, të cilit iu gjetën në mjetin e tij rreth 1 kilogram kanabis, si dhe një sasi lekësh që dyshohet se janë përfituar nga shitja e drogës në doza të vogla.

Pas marrjes në pyetje nga policia e Kavajës, i riu tregoi edhe vendin se ku e kishte siguruar lëndën narkotike. Në bashkëpunim me kolegët e tyre të Divjakës, uniformat blu prangosën edhe dy persona të tjerë, përkatësisht një 40-vjeçar dhe një 25-vjeçar.

Në magazinën e këtij të fundit në Zharnec-Divjakë polici gjeti edhe 10.7 kilogramë të tjera kanabisi e paketuar dhe e gatshme për t’u hedhur në treg./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono