Kanabis

droga-2.jpg
R D22:04 | 30/12/2019

SPAK-u mbylli hetimet dhe dorëzoi dosjen e parë hetimore në Gjykatën Kundër Korrupsionit dhe Krimit të Organizuar (GJKKO). Bëhet fjalë për një dosje ku akuzohen 8 persona për trafik ndërkombëtar droge. Të akuzuarit janë Aranit Bida, Arben Cristea, Erando Mehmeti, Eduart Haxhi, Leonard Demiras, Gentian Rrapollari, Elvis Gjona dhe Andi Qiraxhi. Brenda 10 ditësh do të mbahet seanca paraprake në gjykatë, thanë burimet për Abc Neës.

Prokurori i çështjes, Eneid Nakuçi, shprehet në dosjen hetimore të dërguar në gjykatë, se 8 të akuzuarit kishin role të ndara në trafikimin e hashashit dhe konkretisht shtetasi Aranit Bita, siguronte lëndën narkotike në Tepelenë dhë më pas organizonte transportin në aksin Tepelenë-Fier, Rrogozhinë-Elbasan, me destinacion Pogradecin.

Në dosjen hetimore thuhet se lënda narkotike merrej në dorëzim nga shtetasi Elvis Gjonaj, i quajtur Gjoni. Pikërisht ky shtetas bënte të mundur dërgimin e hashashit drejt Greqisë në rrugë tokësore, dhe në Maqedoni me mjete lundruese nëpërmjet liqenit të Ohrit.
Më tej prokuroria thotë se, sipas të dhënave, shtetasi Aranit Bita dhe bashkëpuntorët e tij po grumbullonin sasi kanabis sativa, e cila po planifikohej të trafikohej në Turqi në shkëmbim të heroinës që do të sillej më tej në vendin tonë për t’u trafikuar e shpërndarë tek përdoruesit.

Në dosjen hetimore referohen edhe përgjime, mes tyre tyre edhe biseda për një shtetas turk që thirrej “Abi” dhe për të ciln thuhet se po e prisnin në Rinas.

Prokuroria thotë se nga përgjimet dhe vëzhgimet rezulton se Araniti ka biseduar me Lonard Demirasin ku shtojnë se do takoheshin në një pikë karburanti, ku ishte lënë peng një mjet Audi, që do shkëmbehej me një sasi droge të gjetur në Tepelenë.

Në total këtij grupi i janë kapur 39 copë me 547 paketime që pas peshimit rezultojnë 578 kg kanabis sativa. /abcnews.al

kana.jpg
nev ila17:10 | 19/12/2019

Dhjetë punonjës të policisë së Elbasanit dhe të Librazhdit u pezulluan nga detyra për shpërdorim detyre. Mes të pezulluarve është edhe Bedri Hysenaj me detyrë shef Komisariati, i cili bashkë me 9 vartësit e tij akuzohet se lejoi kultivimin e kanabisit në disa zona të Librazhdit.

10 efektivët e policisë u pezulluan nga detyra me vendim gjykate njofton Ministria e Brendshme, pasi kanë “shpërdëruar detyrën”, ku në territorin që ishte në monitorim të Bedri Hysenaj.

“ABC News” publikoi gjatë muajti shtator materiale konfindencile të siguruara nga Komisariati i Elbasanit se në  njësinë Administrative Orenjë, policia asgjesoi më shumë se 3000 bimë kanabis sativa.

Shefi i Komisariatit Bedri Hasanaj, shefi i Rendit në Librazhd Leonidh Zaimi dhe Adriatik Huti, shef i Qarkullimit rrugore në Drejtorinë e Elbasanit, si drejtues nuk kanë zbatuar planin e masave për të parandaluar kultivimin e lëndëve narkotike në qarkun e Elbasanit. Mësohet se pjesa tjetër e efektivëve të pezulluar janë isnpektor zone.

Në verën e 2019 ka pasur një rritje të lehtë të kultivimit të lëndëve narkotike krahasuar me të njëjtën përiudhë të një viti më parë.

Librazhdi ka kryesur në mbelljen e kanabisit. Pas tij, vijnë Erseka, Kukësi, Malësia e Krujës dhe rrethi i Gjirokastrës.

Lidhur me aksionet antikanabis, Shërbimi për Çështjet e Brendshme dhe Ankesave ka nisur hetimet edhe për punonjësit e pyjeve dhe administratorët dhe kryetarët e fshatrave përreth. Ndërkohë problem mbetet identifikimi i autorëve kur bimët narkotike mbillen në pronat publike./abcnews.al

dqq.jpg
So Nila14:37 | 16/12/2019

CNN ka publikuar rezultatet e disa studimeve të Departamentit Kërkimor të Shëndetësisë në SHBA, lidhur me efektet e kanabisit mjekësor në trajtimin e disa sëmundjeve.

Studimet janë bërë nga një grup mjekësh i specializuar në disa fusha të ndryshme. Më poshtë janë 10 sëmundjet që mund të kurohen me efektivitet nga medikamentet me bazë kanabisi.

1.HIV/AIDS

Në një studim ku u përfshin 10 persona që mbartin HIV-in u vu re se ata që tymosnin marijuanë ushqeheshin rregullisht, flinin mirë dhe nuk kishin dobësi. Një tjetër studim me 50 vetë tregoi se pacientët që konsumin kanabis kishin më pak dhimbje neuropatike.

2.Alzheimer

Kanabisi mjekësor dhe disa derivatë të tij janë përdorur me sukses te pacientët me sindromën Alzheimer. Këta të fundit, kanë mundur që të shtojnë peshë gjatë konsumit të kanabisit. Konsumi i kanabisit te këta persona ndikonte në uljen e nivelit të depozitimit të proteinave në tru. Shkencëtarët mendojnë se janë pikërisht depozitimet e shumta të proteinave në tru që e shkaktojnë këtë sindromë.

3.Artriti

Një studim me 58 paciantë që trajtoheshin me kanabis mjekësor, doli në përfundimin se këta pacientë kishin më pakë dhimbje artriti në kyçe dhe mund të flinin edhe gjumë. Një tjetër studim tregon se kanabisi mjekësor lufton dhimbjet inflamatore.

4.Astma

Edhe te ata që vuajnë nga astma kanabisi mjekësor ndihmoi që të përmirësoheshin. Nga ky studim doli se një pjesë e mirë e pacientëve mund të merrte frymë lirisht pas konsumit të kanabisit. E njëjta gjë mund të thuhet edhe për pjesën tjetër, por që shpeshherë shfaqte edhe komplikacione, si dhimbje gjoksi dhe fyti.

5.Kanceri

Studimet mbi kafshët kanë treguar se ekstrakte të kanabisit luftojnë qelizat kancerogjene. Një tjetër studim tregon se kanabisi mjekësor ndalon zhvillimin e tyre. THC-ja, ingredienti psikoaktiv që gjendet te kanabisi, përmirësonte rigjenerimin e qelizave të humbura. Kanabisi, gjithashtu ndihmon që pacientët të kenë oreks pas kimioterapisë.

6.Dhimbjet kronike

Disa studime mbi kafshët dhe njerëzit kanë treguar se kanabinoidët reduktojnë dhimbjet kronike. Gjithmonë njerëzit e kanë përdorur kanabisin më herët, që në vitet 1800, për qetësimin e dhimbjeve. Ndërkohë që shumë medikamente që derivojnë nga kanabisi, si Savitex, po përdoren për kurimin e sklerozës multiple.

7.Sëmundjet e zorrëve

Në një studim pilot me 13 pacientë është provuar se kanabisi ndihmon pacientët e sëmurë me infeksione të zorrëve si edhe ata që vuajnë nga koliti. Kanabisi parandalon diarrenë dhe kjo ndihmon që pacientët të bëjnë një jetë më të mirë.

8.Epilepsia

Kanabisi mjekësor ndihmon në reduktimin deri me 50 % të krizave të epilepsisë. Kjo tashmë është e provuar botërisht dhe në SHBA, pacientët që vuajnë nga epilepsia trajtohen me vaj kanabisi. Rezultatet kanë qenë të shkëlqyera deri më tani në të paktën 213 fëmijë.

9.Glaukoma

Glaukoma është një prej sëmundjeve që çon drejt verbërisë totale. Shkencëtarët po shohin se THC-ja ka një ndikim mjaft pozitiv në nervin optik, duke ulur presionin e syrit. Por problemi është se THC-ja ul edhe presionin e gjakut, çka mund të jetë i dëmshëm. Prandaj, nëse kanabisi përdoret me doza të kontrolluara, ai çon në shërimin e glaukomës.

10.Skleroza multiple

Përdorimi i kanabisit ndihmon së tepërmi në parandalimin e spazmave të muskujve, dhimbjes, dridhjeve apo ngërçeve. Kanabisi, në këtë mënyrë i liron të gjitha nervat dhe kanalet e gjakut që mund të shkaktojnë bllokime në tru, që sjellin më pas sklerozë./abcnews.al

0a3ee412-01ab-44ea-9c34-c8558217b975.jpg
ent ela14:42 | 12/11/2019

Dy të rinj u arrestuan nga policia e Matit dhe një tjetër u shpall në kërkim për kultivim të lëndëve narkotike. Në momentin e ndalimit autorët ishin duke shkëmbyer një sasi parash, të cilat dyshohen se janë përfituar nga trafiku i drogës.

Këta persona në bashkëpunim me njëri – tjetrin, dyshohet se janë autorë të disa rasteve të kultivimi të drogës në zonat malore të njësive administrative Ulëz dhe Baz, të cilat janë asgjësuar më parë nga Policia.

Në operacion u sekuestruan  6 400 euro dhe një sasi e vogël lekësh. /abcnews.al

kanabis.jpg
ger ta09:03 | 08/11/2019

Policia ka shpallur në kërkim një 18-vjeçar në Përmet. Mësohet se janë referuaar materialet në Prokurorinë pranë Gjykatës së Shkallës së Parë Përmet, si dhe u bë shpallja në kërkim për shtetasin Spiro Çelnik Sakollari, i datëlindjes 20.10.2001, banues në fshatin Fratar, Përmet.

Shpallja në kërkim e tij është bërë pasi ditën e djeshme në orën 20:20, në vendin e quajtur aksi rrugor Zyrat e Kuqarit – Seniçan, Përmet, afër një motoçiklete të markës “Honda”, pa targa që ishte parkuar në anë të rrugës, që përdorej nga ky shtetas, në një qese plasmasi u gjetën 3.4 kg boçe bimore në gjendje të thatë e dyshuar narkotike e llojit Canabis Sattiva.

Në cilësin e provës materiale u bë sekuestimi i lëndës narkotike dhe i motoçikletes. Po punohet për kapjen e autorit./abcnews.al

policia-tirane_1_3_14_03.jpg
ad min09:47 | 19/10/2019

Policia e Krujës ka vënë në pranga një person dhe ka shpallur në kërkim një tjetër pasi në banesat e tyre kishin lëndë narkotike. 45-vjeçari A.D, kishte në shtëpi rreth 1.5 kilogramë kanabis sipas policisë. Ndërsa një i ri tjetër 20 vjeç kishte 3.5 kilogramë kanabis sativa.

“Si rezultat i kontrolleve nga Policia e Krujës është kapur dhe arrestuar në flagrancë shtetasi A. D., 45 vjeç, banues në fshatin Verjon, Krujë, pasi  gjatë kontrollit të ushtruar në banesën e tij, Policia gjeti dhe sekuestroi rreth 1.5 kg lëndë narkotike kanabis sativa.

Gjithashtu u shpall në kërkim shtetasi L. D., 20 vjeç, banues në fshatin Verjon, Krujë dhe vijon puna për kapjen e tij, pasi gjatë kontrollit në banesën e tij Policia gjeti dhe sekuestroi rreth 3.5 kg lëndë narkotike kanabis sativa”, thuhet në njoftimin e policisë.

Po gjatë kontrolleve, Policia e Krujës  bëri të mundur kapjen dhe ndalimin e një shtetasi të shpallur në kërkim për veprën penale “Kultivimi i bimëve narkotike”.

Specialistët për Hetimin e Krimit në Komisariatin e Policisë Krujë bënë  ekzekutimin e vendimit penal të vitit 2019  për shtetasin K. H., 48 vjeç, banues në Krujë, pasi Gjykata e Shkallës së Parë Krujë ka caktuar masën e sigurisë “Arrest në burg”, në mungesë.

Gjithashtu Specialistët për Hetimin e  Krimit Ekonomik e Financiar në Drejtorinë Vendore të Policisë  Durrës, bënë të mundur kapjen e Xh.Ç., 37 vjeç, banues në lagjen Nr 17 Durrës. Ai ishte i shpallur në kërkim për veprat penale “Ndërtimi i paligjshëm” “Falsifikim formularësh” e ” Kallëzim i rremë”.

Këto ndalime u kryen në vijim të punës për parandalimin, evidentimin dhe goditjen e veprimtarisë kriminale në fushën e narkotikëve si për kapjen e personave të shpallur në kërkim, thuhet në njoftimin e Policisë.

Ndërkohë në Përmet është arrestuar një person tjetër. Abcnews.al mëson se ai quhet Donald Demçellari, banues në një fshat të Përmetit. Ai u prangos në flagrancë pasi i sekuestruan 3.5 kilogramë lëndë narkotike./abcnews.al

ekskluzive-kultivimi-i-kabnabisit.mp4_snapshot_00.06-1280x720.jpg
Autor E15:50 | 08/10/2019

Zbulohet një tjetër zonë e kultivimit të kanabisit në vend.

ABC News ka mësuar se, të premten rreth orës 19:00 u raportua në sallën operative të Krujës për gjetjen e bimëve narkotike në Malin e Krujës. Efektivët e Forcave të Ndërhyrjes së Shpejtë, kanë asgjësuar të shtunën me qidra rrënjë të mbjella në një territor të thepisur dhe pa pronar.

Parcelat me kanabis ishin në lartësinë 2.5 metra të cilat pas tharjes ishte i gatshëm për t’u hedhur në treg.

Në malësinë e Krujës janë konstatuar edhe më herët sasi të konsderueshme të kultivimit të lëndëve narkotike, por, autorër kanë mundur t’i shpëtojnë ndëshkimit të ligjit.

Drejtoria e Policisë Vendore Durrës dyshon se, parcelat me kanabis sativa i përkasin një grupi kriminal që operon në zonën e Fushë Krujës.

Një nga arsyet që u kërkua prezencë e shtuar policore lidhet me faktin mbi rrezikshmërinë dhe influencën që kanë në zonë këto gupe. Tetori cilësohet si muaji ku është edhe piku për vjeljen e kanabisit në Shqipëri.

Nga ana tjetër, Policia e Shtetit nuk ka publikuar asgjë në raportet ditore të faqës zyrtare të ËEB-t.

Uniformat blu kanë ruajtuar të njëtin standard me atë të fundshtatorit ku u asgjësuan rreth 4000 bimë kanabis sativa në tre zona të ndryshme të vendit.

Gazetari i ABC News Andi Qosja raporton se rrethi që ka përhapje më të madhe të kultivimit të kanabis sativa, është Librazhdi. Edhe zona të tjera, si Gjirokastra, Vlora, Fieri si edhe në Malsinë e Shkodrës e të Kukësit policia ka gjetur lëndë narkotike, duke prangosur kryetar fshtrash dhe punonjës pyjesh.

Ndërkohë arrestimit nuk i kanë shpëtuar as specialistët e policisë së zonave të cilët, kanë shkelur ligjin për monitorimin e territorit. /abcnews.al/

 

 

gomonja-e-droges-greqi.jpg
nev ila19:49 | 30/09/2019

Media greke “Protothema”, ka zbuluar foton dhe skenarin se si u kap gomonia e dytë, e cila ishte nisur nga Shqipëria për në Turqi.

Të dielën peshkatarët e zonës kanë parë një gomone me dy motor 350 kuaj fuqi secili dhe pranë tij një person që notonte në tentativë për të dalë në breg. Menjëherë peshkatarët kanë njoftuar policinë e cila mbërriti në vendngjarje dhe shoqëroi personin, që rezultoi shtetas shqiptar”, shkruajnë mediat greke.

Gjatë marrjes në pyetje shqiptari nuk ka pranuar të flasë, por hetuesit kanë kuptuar se bëhej fjalë për gomonen e dytë që i iku ndjekjes policore katër ditë më parë.

Nga hetimi arritën në përfundimin se droga mund të ishte fshehur diku në afërsi të Sporadhes.

Policia bregdetare greke ka sekuestruar më shumë se një ton drogë, në afërsi të ishullit Alonisos, në detin Egje.

Droga, e paketuar në 103 kuti të mëdha, ishte fshehur në një shpellë, në një ujdhesë shkëmbore dhe për gjetjen e saj u përdorën qentë e zbulimit si dhe polumbarë.

Ajo që po hetohet ende, është fakti nëse kjo sasi është sasia e plotë që do të shkëmbehej me heroinë në Turqi apo vetëm një pjesë e sasisë./abcnews.al

kanabis.jpg
ent ela11:00 | 29/09/2019

Policia e Sarandës ka arrestuar 4 persona për kultivim të bimëve narkotike. mësohet s enë pranga kanë rënë shtetasit me iniciale: R.B., 31 vjeç, banues në Çlirim, L.R., 46 vjeç, banues në Bistricë, F.P., 30 vjeç, banues në Çlirim dhe B.H., 30 vjeç, banues në Shijan.

Nga hetimet e kryera ka rezultuar se këta shtetas në bashkëpunim me njëri-tjetrin dyshohet se kanë kultivuar bimë narkotike kanabis sativa pranë Bistricës, në afërsi të Syrit të Kaltër. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono