Kamzë

tirane.jpg
G. P.14:26 | 20/06/2019

34 persona janë proceduar në lidhje me ngjarjet ara KZAZ-ve në Kamzë. Mes tyre mësohet se tre persona janë arrestuar. Uniformat blu kanë njoftuar se, “Në lidhje me ngjarjet e ndodhura dje, datë 19.06.2019 në Kamzë, ku ka pasur grumbullime personash, të cilët kanë protestuar në mënyrë të paligjshme dhe të dhunshme, duke hedhur kapsolla, kundërshtuar punonjësit e Policisë, të cilët kanë qenë të planëzuar me shërbim për ruajtjen e KZAZ-ve, duke kërkuar lirimin e ambienteve kanë tentuar në hynë me dhunë në to, me qëllim pengimin e administrimit të dokumenteve të procesit zgjedhor”.

Midis atyre që kanë tentuar të hyjnë me forcë në ambientet e shkollës që përdorej si KZAZ, kanë qenë dhe punonjës të bashkisë Kamëz, punonjës të Policisë Bashkiake, punonjës të Ujësjellës- Kanalizimeve dhe punonjës të tjerë të administratës së Bashkisë Kamëz.

Gjithashtu në Vorë është zhvilluar një tubim i paligjshëm, gjatë së cilit, persona të ndryshëm, pjesa më e madhe e të cilëve, punonjës të Bashkisë Vorë, por edhe të tjerë ende te pa identifikuar, janë përpjekur të futen në ambientet e KZAZ nr. 26, në shkollën 9 – vjeçare Marqinet, ku dhe janë përplasur fizikisht me forcat e Policisë, të vendosura para hyrjes së shkollës në ruajtje të KZAZ-së nr. 26, me qëllim të hynin në ambientet e shkollës.

Tre prej këtyre personave kanë kaluar hekurat e rrethimit të shkollës nga ana e pasme e saj dhe janë futur forcërisht brenda ambienteve ku ndodhet KZAZ-ja nr. 26, dhe në bashkëpunim me njëri-tjetrin, kanë djegur tek shkallet e palestrës një kuti kartoni të dhomës së fshehtë të votimit.

Procedimi i tyre u bë në përfundim të veprimeve të para procedurale, këqyrjes së vendit të ngjarjes, ku u sekuestruan në cilësinë e provës disa mbetje te kapsollave plasëse, shpërthyese si dhe flakadanë, te cilët u dërguan për ekzaminime të mëtejshme në kushte laboratorike, si dhe nga pamjeve filmike të administruara nga ana e Policisë.

Vijon puna për identifikimin e personave të tjerë të dyshuar për kryerjen e veprimeve të kundërligjshme dhe të akteve të dhunës pranë KZAZ-ve të qarkut Tiranë./abcnews.al

OK-MBULIM-UBT-BASHKI.mpg_snapshot_00.15-1280x720.jpg
ent ela11:29 | 13/04/2019

Bashkia e Tiranës, Universiteti i Bujqësor dhe Ministria e Arsimit Sportit dhe Rinisë kanë arritur marrëveshjen për ndërtimin e shkollës së re në Kodër Kamzë. Universiteti Bujqësor ka rënë dakord  që shkolla e integruar “Nënë Tereza” të ndërtohet në të njëjtin vend të përcaktuar nga Bashkia dhe sipas projektit të hartuar prej saj. Bashkia e Tiranës e ka mirëpritur këtë vendim, i cili i hap dritën jeshile ndërtimit të shkollës “Nënë Tereza”.

Në një deklaratë për mediat, përfaqësuesi i Senatit të Universitetit Bujqësor të Tiranës, Gentian Mehmeti, shprehet se komuniteti ka nevojë për një shkollë dhe se interesi i lartë publik nuk mund të mohohet, pavarësisht disa kundërshtive ditët e fundit. /abcnews.al

arbitri-1280x838.jpg
ent ela16:44 | 05/03/2019

Një arbitër shqiptar poston video me stërvitje boksi në rrjetet sociale, pak ditë pas dhunës ndaj një kolegu të tij, në një ndeshje të Superligës. Komentet dhe ngacmimet për të, ishin të shumta.

Shumëçkaje që ndodh këto ditë në futbollin shqiptar, i bëhet një lidhje me ngjarjen e Kamzës. Tepër e kohës u duk dy video të postuar në FB nga arbitri Emirjon Sino, në të cilat ai shikohej duke bërë stërvitje boksi.

Videot ishin të shkurtëra, vetëm nga disa sekonda, por tepër kuptimplote, dhe miqtë e tij në rrjetet sociale nuk munguan ta bënin lidhjen.

“Po stërvitesh se mos të japin ndeshje në Kamëz”, ishte njëri nga ngacmimet. “Trajnim për raste rreziku në fushë, Sino”, – erdhi komenti i tjetrit. “Mjerë ai president që të prek ty, tani”, – vijonin fjalët e një tjetër komenti.

Sino është një nga gjyqtarët më të njohur në futbollin shqiptar, ndonëse ashtu si thuajse të gjithë, nuk ka mundur t’i shpëtojë polemikave, diçka normale në këtë sport.

Videot e tij janë tepër aktuale, pas dhunës që pësoi arbitri Eldorian Hamiti në ndeshjen Kamza-Laçi, që u sulmua nga disa tifozë, por edhe nga presidenti kamzali, Qari, dhe nga zyrtarë të klubit./abcnews.al

duka-933x445.jpg
ent ela16:07 | 05/03/2019

Presidenti i Federatës Shqiptare të Futbollit, Armand Duka, foli për dhunën në Kamzë, ndërsa u ndodh në një përurim të infrastrukturës në Elbasan. Duka akuzoi policinë dhe politikën se po veprojnë me dy standarde.

Presidenti i Federatës Shqiptare të Futbollit, Armand Duka, u ndodh në Elbasan, në krah të ish-kapitenit kuqezi Lorik Cana, për një festë futbolli, jo për të mbajtur zi.

Përurohej fusha e vogël e futbollit për fëmijët e kopshtit numër 9 në Elbasan, dhe Duka, ndonëse u përpoq të përqendrohej te kënaqësia e të vegjëlve, u vendos përpara pyetjeve për dhunën ndaj arbitrit në Kamzë.

Duka tregoi sesi i vlerëson ngjarje të tilla, ndërsa deklaroi se këto shmangen me masa, ndonëse komisionet e Federatës, shpesh e kanë shkelur rregulloren.

Presidenti i Federatës së Futbollit nuk e humbi mundësinë për të shigjetuar Policinë e Shtetit dhe politikën, duke bërë një paralelizëm.

Fusha në kopshtin numër 9 në Elbasan ishte investim me nismë të fondacionit të ish-kapitenit të kombëtares, Lorik Cana.

Ai tregoi se për çfarë synimi është krijuar fondacioni i tij.

Në ceremoninë e përurimit të fushës së vogël, përshëndetën edhe kryetari I Bashkisë së Elbasanit, Qazim Sejdini, që gjithashtu ndihmoi në ndërtimin e saj, si dhe deputeti I PS-së për Elbasanin, Taulant Balla./abcnews.al

dhuan-1280x711.jpg
ent ela20:00 | 03/03/2019

Federata Shqiptare e Futbollit kërkon vendim të skajshëm nga Komisioni i Disiplinës pas dhunës ndaj arbitrit, në stadiumin e Kamzës. Federata akuzoi edhe Policinë e Shtetit se nuk po bën detyrën e saj

Tashmë pritet të ketë ndëshkim shembullor.

Federata Shqiptare e Futbollit ka kërkuar dënim të ashpër të dhunës ndaj arbitrit në ndeshjen Kamza-Laçi në Superligë.

Pas një mbledhjeje urgjente pas takimit, institucioni drejtues i futbollit në Shqipëri i ka bërë thirrje komisioneve përkatëse që të jenë ekstremist të ashpër për atë që ndodhi.

Po ashtu, Federata ka akuzuar Policinë e Shtetit se nuk po bën detyrën, pasi ajo është përgjegjëse për ruajtjen e sigurisë në mjediset sportive.

Federata i bën edhe një herë thirrje policisë që të rishikojë qëndrimin e saj dhe të rikthehet në stadiume, duke e quajtur vendimin e mëparshëm si të nxituar.

Reagimi nga institucioni i drejtuar nga presidenti Duka të lë të nënkuptosh se Komisioni i Disiplinës do të mbajë qëndrim tepër të ashpër, në mbledhjen e parashikuar ditën e martë.

Rreziku për Kamzën është i madh, pasi në nenin 65, pika 2, parashikohet deri edhe përjashtimi nga aktiviteti për klubin organizator të ndeshjes.

Kujtojmë se një rast dhune, po aq i rëndë, ndodhi në dhjetor 2011, kur gjyqtari Lorenc Jemini u dhunua në Laç, madje edhe nga drejtues, por Disiplina nuk e përjashtoi klubin kurbinas, duke I hequr 6 pikë në renditje, duke i dënuar stadiumin deri në fund të sezonit, dhe duke përjashtuar 2 vjet presidentin Laska.

Këtë sezon, Disiplina nuk ka dhënë dënimet e parashikuara nga Kodi i Disiplinës, në rastet e dhunës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono