kampion

558-1280x780.jpg
Sej rie13:10 | 14/06/2019

Kanadezët e Torontos shpallen kampion të basketbollit amerikan për sezonin 2018 – 2019. Toronto mposht në finalen e gjashtë të play-off skuadrën e Golden State me rezultatin 114-110.
Toronto shkruan historinë e basketbollit amerikan. Skuadra kanadeze u shpall kampione e NBA për sezonin 2018 – 2019 pas fitores 4-2 ndaj Golden State. Toronto fitoi me rezultatin 114 110 në finalen e gjashtë play-of duke mbyllur pozitivisht sezonin e mrekullueshëm. Ky ishte titulli i parë në historinë e skuadrës kanadeze. Basketbollisti Leonard u zgjodh si me i miri i finaleve të play-of ku mesatarja e realizimit ishte 28.5 pikesh për ndeshje. Mijëra njerëz marshuan në rrugët e Torontos për të festuar titullin historik. Toronto i fitoi të tria takimet në fushën rivale.

Në pjesën e parë Toronto arriti të krijojë vetëm një pikë diferencë. Edhe në pjesën e dytë, diferenca mes skuadrave ishte e vogël dhe të dyja ekipet arritën të përmbysnin disa herë disavantazhin por në fund rezultati i buzëqeshi kanadezeve të cilët fituan me 4 pikë diferencë. Kevin Durant ishte mungesa e madhe për Golden State pasi u dëmtua tre dite me parë në fushën e Torontos. Toronto ia doli të ulë nga froni skuadrën e Golden State që mbante kurorën e kampionit për dy vite me radhë./ABC News Albania 24/7

KLUBET-PROPOZIMET-E-LIGES.mpg_snapshot_00.13-1280x720.jpg
ent ela22:15 | 06/06/2019

Klubet e kategorisë superiore me anë të përfaqësuesve në Komisionin e Garave në FSHF i kërkojnë Ligës Profesioniste të bëjë propozimet përkatëse në komitetin ekzekutiv të FSHF-së. Skuadrat kërkojnë premio më të madhe për skuadrën kampione si dhe premio për 8 skuadra.

Një shifër më e madhe për skuadrën kampione të Shqipërisë, por edhe premio deri në vendin e tetë të Superiores për edicionin e ardhshëm. Kështu mendojnë klubet që me anë të përfaqësuesve në Komisionin e Garave në FSHF I kërkojnë Ligës Profesioniste të bëjë propozimet përkatëse në Komitetin Ekzekutiv të FSHF-së. Ky komision, i kryesuar nga presidenti i Ligës, Edvin Libohova, shefi i Sektorit të Garave, Lysien Nurishmi, si dhe përfaqësues të dy klubeve të kryeqytetit, Partizanit dhe Tiranës, kërkon që të bëhen disa ndryshime të rëndësishme në sezonin e ri, duke filluar nga rritja e shpërblimeve, si dhe deri te licencimet. Kërkesa e parë është që shpërblimi për fituesin e kampionatit të rritet, duke u miratuar brenda këtij viti nga Komiteti. Aktualisht kampioni merr 100 milionë, por kërkohet rritje. Po kështu, edhe Suprkupa kërkohet nga klubet që si trofe të shoqërohet me një premio financiare duke mos qenë thjesht një finale simbolike vetëm për statistikë.

Eshtë propozuar që Superkupa të zhvillohet me dy takime, me sistem vajtje-ardhje, teksa emri i trofeut të sponsorizohet dhe në fund një vlerë e caktuar t’i kalojë klubit që shpallet fitues. Në një mënyrë ose tjetër Liga ka nisur të jetë më active dhe të përfaqësojë interesët e klubeve, paçka se hallka kryesore është dhe do të mbetet arbitrimi. Por, ajo që vlen është qasja për një hapësirë më shumë për klubet të kërkojnë më shumë në aspektin financiar, gjithmonë brenda një limiti logjik. /ABC news Albania 24/7

 

gol.jpg
G. P.22:57 | 02/06/2019

Kukësi fitoi për herë të dytë në histori Kupën e Shqipërisë në futboll. Skuadra e trajnerit Ernest Gjoka mundi Tiranën 2-1, në finalen e luajtur në “Elbasan Arena”.

Ishte i fiksuar për të fituar një trofe, dhe ia doli. Kukësi i dha një kënaqësi të rëndësishme presidentit Safet Gjici, duke marrë Kupën e Shqipërisë në finalen e luajtur ndaj një rivali historik si Tirana.

Përfundoi 2-1 për veriorët në “Elbasan Arena”, sukses që i shton një tjetër titull klubit kuksian, dhe që besohet i garanton postin trajnerit Ernest Gjoka. Në një klub që ka kaq pak durim si Kukësi, vetëm trofetë mund ta shpëtojnë një trajner nga shkarkimi.

Skuadra e Gjokës luajti më mirë në pjesën e parë, duke gjetur edhe rrugën e rrjetës me anë të sulmuesit Vasil Shkurtaj, madje që në minutën e 4-ët. Veriorët, madje i patën mundësitë që të shkonin në pushimin e ndeshjes me avantazh edhe më të thellë.

Tirana reagoi në pjesën e dytë, besohet edhe pas motivimit dhe ndërhyrjeve të trajnerit Ardian Mema. Arriti edhe të barazonte me anë të sulmuesit anglez, Majkëll Ngo, por nuk mundi të fitonte, as ta dërgonte ndeshjen në shtesë.

Në të kundërt, pësoi golin e dytë kur duheshin edhe 11 minuta deri në përfundim, gol që vulosi edhe rezultatin final. A mund të quhet ky një sezon i mirë për Kukësin, dhe i dështuar për Tiranën?

Padyshim, pasi kuksianët morën një trofe dhe dolën në vend të dytë në Superligë, duke mos luajtur asnjë ndeshje në stadiumin e tyre, që ndodhet në rikonstruksion.  Tiranasit, ndërkohë, ishin një dështim në kampionat, por arritja në finalen e Kupës ishte e rëndësishme, duke pasur parasysh problemet që kishte skuadra.

Nuk dihet nëse kjo do të mjaftojë që trajneri Mema të vazhdojë detyrën, apo do të zëvendësohet. Sa për Kukësin, tashmë ka 4 tituj në traditën e tij të shkurtër, dhe do të përgatitet për pjesëmarrje në Ligën e Europës./ABC News Albania 24/7

chelsea-1.jpg
G. P.23:06 | 29/05/2019

Chelsea shkatërron rivalët e përbetuar të Arsenal dhe fiton trofeun prestigjioz të Europa League. Blutë e Londrës mundën “Topçinjtë” me rezultatin e thellë 4-1 në finalen e madhe që u mbajt në Baku të Azerbajxhanit.

Një disfatë tepër e rëndë për të besuarit e trajnerit Unai Emery pasi do të luajnë sërish në Europa League edicionin e ardhshëm. Pjesa e parë u zhvillua me ritme të ngadalta ndërkohë që në fraksionin e dytë u shënuan plot 5 gola.

Chelsea ishte dominues dhe shënoi plot tre herë në harkun kohor të 16 minutave.  Giroud hapi serinë e golave ndërkohë që Pedro dhe Hazard e dërguan sfidën ne 3-0 përpara se Iwobi të shënonte golin e nderit për Arsenal.

Për të vulosur fatet e kësaj finaleje mendon belgu Hazard, i cili realizoi golin e qetësisë për blutë e Londrës. Chelsea e mbylli në mënyrën më të mirë sezonin që ka patur jo pak ulje ngritje ndërkohë që Arsenal është në një krizë totale./abcnews.al

lorenc-trashi-1.jpg
G. P.19:41 | 14/05/2019

Futbollisti veteran i Partizanit, Lorenc Trashi e konsideron trajnerin Skënder Gega si çelësin e suksesit në sezonin aktual. Gjithashtu Trashi tha se nuk e besonte që Partizani do të shpallej kampion.

Një ndër pikat më të forta të Partizanit dhe njëkohësisht edhe veteran i kësaj skuadre, Lorenc Trashi, i ftuar në emisionin “Pressing” në ABC News tha se çelësi i suksesit në sezonin aktual ishte afrimiteti i trajnerit Skënder Gega me grupin e lojtarëve. Sipas Trashit diçka e tillë ka munguar në sezonet e mëparshme.

I pyetur rreth besimit që kishte në skuadrën e Partizanit në fillimin e sezonit për t’u shpallur kampion, Trashi konfirmoi fjalët e drejtorit të skuadrës Olsi Rama./ABC News Albania 24/7

EDMOND-DOSTI-FLET-PER-TITULLIN-E-PARTIZANIT.mpg_snapshot_00.49-1280x720.jpg
nev ila16:40 | 13/05/2019

Edmond Dosti ishte një nga njerëzit më të entuziazmuar pas fitores së titullit nga Partizani. Ish-sulmuesi ishte pjesë e skuadrës kryeqytetase në kampionatin e fundit të fituar në 1993.

Thuhet se kënaqësinë e ndjen më të madhe kur e ke provuar një herë. Edmond Dosti padyshim ishte ndër njerëzit më të entuziazmuar, kur Partizani fitoi matematikisht titullin kampion.

Ish-sulmuesi ishte pjesë e skuadrës së vitit 1993, që kishte fituar kampionatin e fundit kombëtar, ndërsa nuk mungoi në “Selman Stërmasi” për të ndjekur derbin, dhe për të shijuar momentin që e priste prej kohësh.

“Është kënaqësi e jashtëzakonshme, që vjen pas 26 vjetësh kur e kam fituar vetë si futbollist.  Partizani e meritonte prej kohësh. Përshëndes gjithë çunat dhe tifozët e Partizanit që nuk e kanë lënë në vetmi edhe në ditët më të këqija”.

I mbiquajtur “Mokja”, ish-golshëuesi më i mirë i kampionatit në 1992-1993 bën një krahasim të emocioneve në të dy rastet.

“Pritja ka qenë shumë e gjatë. Partizani është një nga legjendat e futbollit shqiptar. Në këtë ekip me këtë trajner e Presidentin shpresoj që vitin e ardhshëm do bëj një ekip edhe më të fortë dhe konkurent për në kupat e Europës”. /ABC News Albania 24/7

tirana-partizani-1.jpg
G. P.09:06 | 12/05/2019

Sot do të zhvillohet derbi i kryeqytetit mes Partizanit dhe Tiranës. Një duel nga i cili Partizani mund të shpallet matematikisht kampion i Shqipërisë për sezonin 2018-19.

Luhet derbi numër 153 në histori mes Partizanit dhe Tiranës. Përgatitjet po shkojnë drejt fundit dhe atmosfera është pozitive në të dyja kampet.

Ndryshe nga derbet e tjera, të dielën ka shumë faktorë tek të dyja klubet emblemë të futbollit shqiptar për të dalë fitues.

Në “Selman Stermasi”, Partizani ka mundësinë për t’u shpallur kampion pikërisht në derbi ndaj skuadrës më të urryer të kampionatit shqiptar.

Ndërkohë Tirana që lufton për mbijetesë ka 3 motive për të fituar takimin. Të hedhë një hap të sigurtë drejt qëndrimit në mesin e më të mirave në superiore, të shtyje festën e Partizanit për t’u shpallur kampion dhe të rikthehet tek fitorja në derbi, e cila mungon prej disa sezonesh me radhë.

Partizani po zhvillon sezonin më të mirë gjatë viteve të fundit dhe titulli është vetëm çështje kohe. Të kuqtë do të shpallen kampion për herë të parë pas sezonit 1992-1993. Një moment historik në shtëpinë e të kuqve të kryeqytetit që e meritojnë më shumë se kurrë titullin kampion.

Tirana, ekipi më i titulluar në Shqipëri, shumë larg asaj Tirane që presin të gjithë. Bardheblutë prej disa sezonesh me radhë janë jashtë garës për titull e si të mos mjaftonte kjo, u rrëzuan një kategori më poshtë vetëm dy sezone më parë.

Përtej problematikave të Tiranës, kryeqytetasit janë të karikuar më shumë se kurrë në derbi. Kualifikimi në finalen e Kupës pas fitores 5-3 ndaj luftëtarit dhe fitorja ndaj Skënderbeut ka rritur vetëbesimin dhe moralin në grup.

Në kampin tjetër Partizani fitoi bindshëm në transfertën e Vlorës. Derbi pritet të dhurojë spektakël dhe emocione të forta në fushën e lojës ashtu siç ka ndodhur edhe në të kaluarën./ABC News Albania 24/7

partizanii.jpg
G. P.21:15 | 04/05/2019

Skuadra  e Partizanit shkatërroi Flamurtarin në Vlorë me rezultatin 3-0. Asani, Çinari dhe Mensah mbajnë firmën e golave. Të kuqtë ruajnë distancën në 10 pikë nga Kukësi.

Asani, Mensah dhe Çinari hedhin hapin më të rëndësishëm drejt titullit kampion në këtë transfertë shumë të vështirë në Vlorë, ku godasin tre herë. Tashmë skuadra e Gegës, Partizani është një hap larg titullit kampion, që do të mundohet ta festojë që javën e ardhshme në derbin e madh kundër Tiranës, ku edhe kjo e fundit ka marrë atë që duhej.

Për Partizanin me mungesa ishte një sfidë shumë e vështirë, por në fushë ishte krejtësisht ndryshe. Flamurtari duket se tashmë nuk ka më forcë, mbi të gjitha mendore, për të vijuar garën, kjo e ndikuar jo pak edhe nga situate e pagave.

Në minutën e 27-të Jasir Asani arriti të thyente Koliçin me tentativën e dytë rresht. Partizani nuk vuajti më, duke gjetur edhe golin e dytë me Mensah në minutën e 52-të, para golit të Çinarit në minutën e 90-të.

Të kuqtë administruan gjithçka me shumë zgjuarsi, duke marrë 3 pikë të arta, sepse distanca nga Kukësi mbetet 10 pikë dhe në derbi mund të nisë festa e madhe, në rast suksesi, ose nëse nuk fiton Kukësi në Gjirokastër. Ajo që dëmtoi deri diku skuadrën e Partizanit ishin kartonët e verdhë të Mensah e Asani të cilët  do të mungojnë në derbi për pezullim.

Vlonjatët ndërkaq mbeten po aty në vendin e tretë në renditje por me pikë të barabarta me Teutën dhe javën e ardhshme në Fushë-Krujë misioni duket sërish i pamundur sepse Kastrioti luan sezonin dhe garën e nxehtë./ABC News Albania 24/7

juve-649x433.png
Sej rie23:15 | 20/04/2019

Juventus është zyrtarisht kampion në serie A për të 8 vit radhazi. Bardhezinjtë mbyllen çështjen e titullit 5 java para fundit te kampionatit. “Zonja e Vjetër” numëron plot 35 kampionate të fituara në Itali, me shumë se ç’ka skuadër tjetër.

Juventus shpallet zyrtarisht kampion i serisë A për sezonin 2018 19. Ky ishte titulli i tetë radhazi në kampionatin Italian për “Zonjën e Vjetër” dhe e 35 në historinë e klubit ndërkohe që pretendojnë 37 për shkak të dy trofeve të hequra në skandalin Kalcopoli. Juventusit i mjaftonte një pikë për ta siguruar matematikisht kampionatin dhe nuk zhgënjeu ndaj Fiorentinës duke fituar me rezultatin 2-1.  Milinkoviç surprizoi vendasit në minutën e 6 të takimit. Juventusi nuk krijon shumë pasi mungesat si Bybala, Mandzukiç, Khedira apo Kelini ndikojnë shumë. Gjithsesi barazimi erdhi në fundin e pjesës se parë. Sandro realizon me kokë duke vendosur baraspeshën.

Në pjesën e dytë skuadrat luajnë në sulm dhe kërkojnë golin e avantazhit. Portugezi kërkon golin numër 600 me klubet por nuk ia del edhe pse rastet nuk munguan. Edhe pse çështja e titullit kampion ka përfunduar, Juventus ka je objektiv, barazimin e rekordit me 102 pikë të fituara në sezonin 2013 14 në drejtimin e Antonio Konte.

Olsi-Rama-1280x711.jpg
Sej rie23:54 | 15/04/2019

Partizani nuk do të festojë përpara kohe për titullin kampion. Drejtori Sportiv, Olsi Rama, flet për ecurinë e skuadrës dhe tregon batutat me presidentin e Kukësit, Safet Gjici.

Nuk dëshiron ta pranojë realitetin, edhe pse është shumë i bukur. Partizani mund të quhet praktikisht kampion i Shqipërisë, i shkëputur ndjeshëm nga rivalët, por drejtori sportiv i tij, Olsi Rama, bën çmos që të mos ndihet i tillë.

Rama: “Jo mos ma merrni për ters. Është si puna e asaj që nuk urohet ditëlindja para se të vijë dita. Ne e dimë që kemi edhe 7 javë të tjera dhe janë akoma 21 pikë dhe është akoma goxha punë. Dhe më pëlqeu  një deklaratë e një trajneri që tha “klubi kërkon rezultatet nuk kërkon gjithmonë 3 pikëshin”. Por për Partizanin e rëndësishme është që të performojmë në çdo ndeshje”.

Gjithsesi, batuta e Ramës me presidentin kuksian, Gjici, tregon tjetër gjë.

Rama: “Zoti Gjici tha se “kam radhën, nuk kam mbaruar”. Unë i thash ki kujdes vendin e dytë”.   

Çfarë ka ndryshuar këtë vit për Partizanin, që po del kampion pas 26 vitesh?

Rama: “Rregulli i vënë në skuadër. Dëshira e djemve që bëjnë një grup të mrekullueshëm për të punuar. Dhe qetësia që kanë pasur ata në vetëdijen e tyre që janë një grup i fortë dhe se do e arrijnë rezultatin për të cilin kanë punuar”.

A i ka menduar Partizani përgatitjet për festën?

Rama: “Jo, jo asnjë lloj përgatitje”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono