Kamëz

MBULIM-KAMEZ..mpg_snapshot_00.14.jpg
G. P.13:06 | 28/10/2018

Arrestohet në Tiranë 32 vjeçari Elis Ademi, i dyshuar si personi që pak ditë më parë në Kamëz, pas një përplasje me makinë, u konfliktua fizikisht edhe me armë me shtetasin I.XH. Policia bën të ditur se Elis Ademi më 25 tetor, para se të konfliktohej me I.XH., përlasi qëllimisht me mjetin e tij Ford, mjetin Volksvagen të shtetasit tjetër. Policia bën të ditur se ka identifikuar e
shpallur në kërkim bashkëpunëtorin dhe porositësin e kësaj ngjarjeje, shtetasin me iniciualet S.C., I cili I kishte premtuar Ademit një shumë monetare.Në kërkim është shpallur edhe një tjetër shtetas me inicialet F.M. i dyshuar si bashkëpunëtor i 32 vjeçarit Ademi.

Në cilësinë e provës materiale është sekuestruar edhe arma e zjarrit, të cilën shtetasi Elis Ademi pas ngjarjes e kishte hedhur në Qerek, në zonën e Fushë Krujës.
Materialet iu referuan prokurorisë për veprat penale “Vrasja e mbetur në tentativë”, “Prodhimi dhe mbajtja pa leje e armëve luftarake dhe e municionit”, “Shkatërrimi i pronës” dhe ”Prishja e qetësisë publike”..abcnews.al

policia-tiranes6-933x445.jpg
ent ela11:01 | 26/10/2018

Identifikohet dhe shpallet në kërkim autori i plagosjes së 50 vjeçarit Elez Bodisha në Kamëz. Policia njofton se ai është 47 vjeçari me iniciale B. B., banues në Tiranë. Ngjarja mbrëmjen e djeshme në rrugën “Nato” në Laknas

Njoftimi i Policisë Tiranë

Zbardhet ngjarja e ndodhur mbrëmjen e djeshme ku në Kamëz mbeti i plagosur me armë zjarri shtetasi E. B.

Policia identifikon dhe shpall në kërkim autorin për veprat penale  “Vrasje me paramendim e mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”.

Specialistët për Hetimin e Krimeve ndaj Jetës dhe Pronës pas një pune intensive hetimore bën identifikimin dhe shpalljen në kërkim të shtetasit :

– B. B., 47 vjeç, banues në Tiranë.

Ky shtetas mbrëmjen e djeshme në rrugën “Nato” në Laknas, Kamëz ka qëlluar me armë zjarri në drejtim të shtetasit E. B., 50 vjeç, i cili ndodhet në spital jashtë rrezikut për jetën.

Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale “Vrasje me paramendim e mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”, parashikuar nga nenet 78/25 dhe 278 të Kodit Penal.

3647e95e-91b8-45cb-839a-131fbf56a37a.jpg
ent ela13:49 | 24/10/2018

Një i ri ka rënë në prangat e policisë së Kamzës , pasi iu  gjenden në oborrin e banesës 14 kallëpe të dyshuara si lëndë plasëse e llojit tritol. Ai është 22 vjeçari Fatjon Leka banues në “Fushë Arrëz”.

Njoftimi i Policisë

Shërbimet e Policisë të Komisariatit Nr.5, në sajë të informacioneve të marra në rrugë operative bënë arrestimin në flagrancë të shtetasit :

– Fatjon Leka, 22 vjeç, banues në “Fushë Arrëz”, Kamëz.

Gjatë kontrollit të ushtruar në banesën e këtij shtetasi, në oborr i është gjetur e fshehur një qese plasmasi brenda së cilës kishte 14 kallëpe të dyshuara si lëndë plasëse e llojit tritol të cilat u sekuestruan në cilësinë e provës materiale.

Materialet iu referuan Prokurorisë së Rrethit Gjyqësor në ngarkim të shtetasit të lartpërmendur për veprën penale  “Prodhim dhe mbajtje pa leje të armëve dhe municionit luftarak”, parashikuar nga neni 278 i Kodit Penal. /abcnews.al

edi-ramaaa1.png
G. P.19:11 | 20/10/2018

Kryeministri Edi Rama përballë të rinjve që antarësohen në Partinë Socialiste në zonën e Kamzës, deklaroi se po shqyrtohet mundësia për ndalimin e basteve online që organizohen nga kompani që punojnë jashtë kufijve shqiptarë.

Në aktivitetin e organizuar rreth antarësimeve të reja në Partinë Socialiste për zonën e Kamzës, kryeministri Edi Rama foli lidhur me ligjin për bastet, duke përsëritur qëllimin sipas tij për ndalimin e basteve online, përfshi ato me qendër jashtë kufijve të vendit tonë.

“E vërteta është që do mbyllen të gjitha dhe ne tani kemi ngritur një grup ekspertësh për të bllokuar edhe bastet online që janë jashtë. Janë mërzitur më shumë se të gjithë tani tifozat e Interit se mendojnë se ka ardhur dita të fitojnë, por në fakt ata do jenë më të kënaqurit sepse ata s’do fitojnë dot edhe do e kuptojnë që më mirë të mbyllen të gjithë sesa të rrinin duke humbur”, tha Rama.

Përballë të rinjve u frymëzua për më shumë batuta.

“Sot më thanë që paskan organizuar dhe protestë. Në këtë rast këtë e mbështet dhe opozita duke hedhur baltë. Që kjo bëhet sepse vëllai im do mbajë një… të paktën në këtë rast nuk kanë përmendur Taulantin dhe kjo është gjë e madhe sepse çuditërissht në këtë rast Taulanti nuk del gjëkundi”, u shpreh kreu i qeverisë.

Përmes tyre vijoi shpërndarjen e kartave të antarësimit. Diku edhe një këshillë mode.

“Fute këmishën brenda se më shkatërrove, o nxirre jashtë”.

Për batuta përdor edhe më pak fatlumët, për të targetuar kundërshtarin politik të zonës .

“Çfarë është kjo sirena? Xhelali”?

I shoqëruar nga deputetët e zonës, kreu i socialistëve Rama i uroi mirëseardhjen 327 të rinjve që iu bashkuan kësaj partie./abcnews.al

ARRESTIME-KAMEZ-1280x720.jpg
ent ela10:12 | 01/10/2018

Forcat e Policisë së komisariatit 5 në Tiranë vunë në pranga babë e bir, në banesën e të cilëve u gjetën dhe u sekuestruan armë dhe municione.

Sipas policisë ata janë Azis Xhini, 70 vjeç dhe djali i tij Faris Xhini, 19 vjeç.

Gjatë kontrollit në banesën e tyre, në kuader të operacionit të koduar “Paskuqan 2”, u gjetën një pistoletë dhe një automatik, fishekë për disa lloje armësh, 3 krehëra automatiku, 7 krehëra pistolete, vula të ndryshme dhe bojë për vula. /abcnews.al

makina-familja-halili.jpg
G. P.14:45 | 15/08/2018

Automjeti i cili u gjet i djegur në Fushë-Krujë mëngjesin e së martës, ishte vjedhur në Vlorë në korrik të 2016-s. Fouristrada luksoze u përdor për të larguar atentatorët nga Kamza, që më herët kishin terrorizuar familjen Halili, duke qëlluar me armë zjarri e vendosur tritol.

Zbardhen të tjera detaje nga atentati me eksploziv dhe plumba në drejtim të familjes Halili të ndodhur mëngjesin e së martës në Kamëz. ABC News ka mësuar nga grupi hetimor se, automjeti që u përdor për të larguar atentatorët nga vendi i ngjarjes e më pas u gjet i djegur në zonën e Fushë-Krujës, rezulton i vjedhur në Vlorë.

Sipas policisë së Tiranës, fuoristrada “Mercedes-Bezn, ML” ishte denoncuar si e grabitur në qytetin bregdetar nga pronari i saj në gusht të 2016. Hetuesit dyshojnë se automjeti i vjedhur në Vlorë, i prodhuar në 2013-n, mund të jetë përdorur edhe për disa ngjarje të rënda kriminale që kanë mbetur ende të pazbardhura në zonën e Fushë-Krujës. Kjo ka qenë një nga arsyet që atentatorët shkrumbuan mjetin luksoz bashkë me dy automatikë tip kallashnikov që ishin përdorur në biznesin e familjes Halili.

Për ngjarjen, u shoqëruan 7 persona në Komisariatin nr.5, të Kamzës dhe pas marrjes në pyetje u lanë të lirë. Vëllezërit Shkëlqim dhe Klevis Halili, të cilët janë edhe pronarët e kompleksit ku ndodhi shpërthimi me lëndë palsëse, nuk e kanë ndihmuar grupin hetomor, duke mos dhënë shumë hollësira për konfliktet e tyre në të kaluarën. Ata janë mjaftuar me faktin se, gëzojnë respekt dhe në ambientin e lokalit të tyre nuk ka pasur sherre. Pistat që po hetohen janë dy. E para lidhet me të kaluarën e vëllezërve Halili jashtë vendit, ndërsa tjetra është konkurenca në biznesin në zonën e Kamzës./abcnews.al

SHPERTHIM-NE-KAMEZ.mpg_snapshot_00.23-1280x720.jpg
G. P.15:18 | 14/08/2018

Tmerr për një familje në Kamëz, ku pas mesnate një sasi titoli ka shpërthyer në oborrin e banesës, ndërkohë që ndaj saj është qëlluar edhe me breshëri automatike. Policia thekson se ngjarja ka ndodhur në rrugën “Bulevardi Blu”, në oborrin e banesës së vëllezërve, Shkëlqim dhe Klevis Halili.


Kamza trondit sërish nga shpërthimi i tritolit. Këtë herë shënjestër ka qenë godina e familjes Halili, që ndodhet pranë Bashkisë së Kamzës.
Fillimisht autorët kanë qëlluar disa me armë zjarri, duke shkaktuar panik e frikë te anëtarët e familjes.
Pasi mbaruan të shtënat, pak çaste më vonë, rreth ores dy të mëngjesit të së martës, u dëgjua një shpërthim i fuqishëm, në pjesën e poshtme të kompleksit.

Ngjarja është regjistruar nga kamerat e sigurisë së lokalit ku duken personat që qëllojne me armë. Plumbat kanë mundur të deportojnë edhe në dhomën e gjumit dhe fatmirësisht asnjë prej familjarëve nuk është lënduar. Në oborrin e ndërtesës janë djegur edhe dy makina të familjes Halili. Deri më tani policia nuk ka asnjë autor të dyshuar, por nuk përjashtohet mundësia që sulmi të ketë qënë një paralajmërim për vëllezërit Halili. Shkëlqim dhe Klevis Halili, u morën në pyetje, por kanë mohuar të kenë konflikte me ndonjë person.

Pas terrorit të shkaktuar në kompleksin e familjes Halili, autorët u larguan në drejtim të Fushë-Krujës, thotë policia. Aty u gjet një automjet të djegur plotësisht dhe dy automatikë, që dyshohet se u përdorën mëngjesin e së martës në Kamëz.
Vetëm pak ditë më parë, pre e një shpërthimi me lëndë eksplozive ishte benesa e Xhelal Dacit, ndërsa për ngjarjen u pragon një 23-vjeçar me origjinë nga qyteti i Kukësit./abcnews.al

eksploziv-c1200x600-770x470.jpg
G. P.08:38 | 14/08/2018

Një shpërthim me eksploziv ka ndodhur gjatë natës në një banesë në zonën e Kamzës. Autorët më pas qëlluan dhe me armë zjarri. Shpërthimi ndodhi në banesën e shtetasit SH.H, në rrugën “Bulevardi Blu”. Policia po punon për identifikimin e autorëve./abcnews.al

NJE-DITE-PAS-AKSIDENTIT-NE-KAMEZ-1280x720.jpg
ent ela15:17 | 09/08/2018

Mungesa e semaforëve dhe vijave të bardha janë të parat që bien në sy në vendin ku një ditë më parë ndodhi një aksident tragjik në Kodër Kamëz me 2 viktima dhe 2 të plagosur. Banorët e zonës kërkojnë ndërtimin e një mbikalimi, për të shmangur aksidentet në rrugë.

Me këtë kaos përballen çdo ditë qytetarët e Kamzës. Automjetet e tonazhit të rëndë, por edhe autoveturat, janë kthyer në një makth të vërtetë për kata banor.

Banore e Kamzës: “Tani nuk e dimë pse e kanë heq, nuk e dimë arsyen. këtu s’ka semafor, këtu s’ka vija të bardha, këtu s’ka siguri, janë 4 kryqëzime, janë 4 rrugë që kalojnë njerëzit në shkollë, çerdhe kopësht, pleq, plaka, hallexhinj. Sado që ishte në trotuar, dje e përplasi makina”.

Për një zgjidhje të përhershme dhe të mos përsëritet aksidenti me dy viktma, qytetarët apelojnë për ndërtimin e një mbikalimi, pasi i frikësohen më të keqes

Banore e Kamzës: “Unë do rri gjysmë ore, të pastrohet rruga të kaloj, se nuk kalohet nuk është faji i shoferëve, se do kalojnë shoferat, është faji se mbikalim jo, semafor jo, viza të bardha jo”.

Fëmijë i Kamzës: “Këtu makinat kalojnë me shpejtësi dhe nuk janë shumë të kujdesshëm”.

“Frika e ruan vreshtin”. Kjo fjalë e urtë popullore është e vlefshme në këtë rast. Tre automjete të Policisë Rrugore janë stacionuar vetëm 1 km larg vendit ku ndodhi aksidenti i së mërkurës.

Kontrolle rutinë kanë nisur nga mesnata dhe vijonë edhe në zona të tjera, si në hyrje ashtu edhe në dalje të kryeqytetit.

Ndërkohë policia rrugore thekson se shkaktarja e aksidentit me dy të vdekur në Kamëz, Rozina Koleci, nuk ka qenë nën efektin e alkoolit dhe të lëndëve narkotike në drejtimin e automjetit të saj, tip Mercedes-Benz. Sipas disa dëshmitarëve, 38-vjeçarja ishte duke përdorur telefonin celular dhe për pasojë ka humbur drejtimin e mjetit. Të vdekur mbetën një vajzë 7 vjeçe dhe një djalë 29-vjeçar. Nga ana tjetër ekspertiza, thekson se, Koleci ishte duke udhëtuar me shpejtësi 67 km/h.

Kjo shpejtësi është e lartë, sidomos në kryqëzime dhe në zona të banuara. Për rastin konktret, lëvizja e automjeteve në lejohet deri në 40 km/h. Gjatë dy ditëve në kryeqytet janë shënuar 3 viktima dhe 4 persona kanë mbetur të plagosur. /abcnews.al

 

AKSIDENTI-ne-kamez1-1280x720.jpg
ent ela15:38 | 08/08/2018

Dy persona kanë humbur jetën në një aksident rrugor që ndodhi mëngjesin e sotëm në Kodër Kamëz në Tiranë. Viktimat janë një vajzë 7 vjeçe dhe një 29 vjeçar. Sipas policisë, drejtuesja e mjetit Rozina Koleci,e cila u prangos, fillimisht ka humbur kontrollin e makinës, duke u përplasur një biçikletë dhe më pas tre këmbësorë.

Aksidentet me vdekje vijonë të përgjakin kryeqytetin. Dy persona humbën jetën mëngjesin e së mëkurës në Kodër-Kamëz.
Për ngjarjen e rëndë u prangos drejtuesja e automjetit tip, Mercedes-Benz, Rozina Koleci. Kjo e fundit humbi kontrollin e mjetit duke aksidentuar për vdekje fillimish, Ramazan Isha, i cili po udhëtonte me një bicikikletë. Më dëshmitarët në vendngjarje pohojnë se autmjeti u ndaj në trotuarë, duke lënë të vdekur në një vajzë të vogël vetëm 7 vjeçe. Viktima ishte me nënën e saj dhe motrën, që mbetën gjithashtu të plagosura rëndë. Mjekët e spitalit të Traumës theksojnë se Valbona Ndreu ndodhet në Reanimacion, ndërsa vajza tjetër e ka kaluar fazën kritike për jetën.
Ekspertët e policisë rrugore, dyshojnë se drejtuesja e automjetit, u fut në këtë kthesë me shpejtësi, e për pasojë humbi kontrollin dhe përfundoi në trotuar. Në momenin e aksidentit, ka pasur edhe shumë persona të tjerë që ishin të pranishëm, pasi ngjarja ndodhi pranë një stacioni autobusi urban. 38-vjeçarja u ndalua pas ngjarjes, teksa ka pësuar edhe ajo lëndime të lehta në trup.
Ndërkohë një ditë më parë një tjetër aksident me vdekje u regjistrua në rrethrrotullimin e Saukut në Tiranë, ku përsëri viktima ishte një kalimtar. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono