kallezim penal

balliuuu.jpg
ger ta10:17 | 20/11/2019

Ish-deputeti i PD, Klevis Balliu ka dorëzuar në Prokurorinë e Tiranës kallëzim penal për projektin e Unazës së Re.

Në një prononcim për mediat, Balliu kërkoi që organi i akuzës të nisë menjëherë hetimet dhe të anulohen punimet, deri në përfundimin e hetimeve.

Sipas Balliut, kompania Sallillari është nën hetim te Loti 2  dhe ka fituar tenderin te Loti 1.

Ky është kallëzim penal i drejtuar Prokurorisë. Ky është mali me dokumente që tregojnë faktet që ky projekt ka qëllim vjedhjen. Si ka mundësi që kompania Salillari që është nën hetim te loti 2  ka fituar tenderin te loti 1. Unë ju ftoj ju të nxirrni të gjithë dokumentet që ka nxjerrë edhe PD, për shkeljet te Unaza. Që nga fakti që nuk është bërë konsulti mjedisor me qytetarët. Të gjitha aferat korruptive, dokumentet e falsifikuara dhe shkeljet e kësaj qeverie sot janë faktuar dhe kjo Prokurori duhet të nisë menjëherë hetimet. Këtu po bëhet fjalë për jetë njerëzish. Ata po shkatërrohen për shkak të një projekti korruptiv. Menjëherë Prokuroria duhet të pezullojë punimet dhe tenderin Salillari. Të pezullohen urgjentisht punimet tek Unaza . Është esenciale nisja e hetimeve tani urgjentisht. Nëse nuk nisin atëherë këtë prokurorë po presin të marrin hyrje falas”, tha Balliu.

Në të njëjtën linjë u shpreh edhe konsulenti ligjor i demokratëve, Çlirim Gjata, i cili theksoi se këtë aferë mund ta ndalojë vetëm qeveria.

Shkeljet janë aq të rënda, ka shumë duar që janë futur. Të bësh gjithë këtë projekt krroputiv. Çështja është aty për të fituar troje që shkojnë deri në 900 milion euro pastrim parsh ku janë përzierë edhe qeveritarë. Është një megaoperacion. Vetëm qeveria mund të jetë ajo që ta durojë këtë prokurori që të mos fillojë hetimet”, tha Gjata./abcnews.al

1548753555_ArdianDvorani.jpeg
ger ta17:07 | 15/11/2019

Kreu i KED, Ardian Dvorani ka reaguar pas deklaratës së Metës i cili u shpreh se do e kallëzonte penalisht të hënën.

Dvorani në një qendrim për mediat bën me dije se ka mësuar që kreu i Shtetit ka vendosur ta kallëzojë penalisht. Sipas tij Presidenti po ushtron një të drejtë që gjithësesi Kushtetuta dhe ligji ia njeh kujtdo.

“Në media po mësoj se zoti President, ka vendosur apo po mendohet në fundjavë e deri të hënën, që të bëjë kallzim penal ndaj meje.

Së paku, vërej se, si çdo shtetas a funksionar tjetër, më në fund e në këtë rast, Presidenti po e ushtron një të drejtë që, gjithsesi, Kushtetuta dhe ligji ia njeh kujtdo.

Ndërsa unë, si çdo shtetas dhe funksionar tjetër, i nënshtrohem Kushtetutës dhe ligjeve penale të vendit tim.

Edhe këtë detyrim duhet ta pranoj si kushdo tjetër, pa u justifikuar dhe pa u shmangur me lojra mediatike dhe procedurale përballjes me ligjin, një fenomen ky që jo pak herë ka ndodhur me njerëz të pushtetshëm në çdo kuptim të fjalës.

Respektimi i barazisë para ligjit dhe zbatimi i tij i barabartë për të gjithë ishte nevoja dhe një nga sfidat më të mëdha për të cilën u miratua dhe po fillon të zbatohet hap pas hapi Reforma në Drejtësi”, ka deklaruar Dvorani.

Presidenti Ilir Meta njoftoi përmes një konference të jashtëzakonshme për shtyp pasditen e sotme se do të kallëzonte penalisht kreun e KED për shpërdorim detyre./abcnews.al

 

 

meta-2-1280x575.jpg
ent ela15:32 | 15/11/2019

Presidenti Ilir Meta njoftoi përmes një konference të jashtëzakonshme për shtyp se do të kallëzojë penalisht ditën e hënë kreun e Këshillit të Emerimëve në Drejtësi, Ardian Dvorani.

Meta tha se kreu i KED ka kryer një akt mafioz përmes shpërdorimit të detyrës duke shkelur ligjin me emërimet në Gjykatën Kushtetuese.

“Dëshiroj t’u bëj të ditur vendimin tim si President për të paraqitur të hënën kallëzim penal si president i Republikës kundër Ardian Dvoranit me detyrë kreu i KED”.

Meta e akuzon kreun KED për shpërdorim detyre.

“E akuzoj për këto vepra penale: shpërdorim detyre neni 248 kodit penal dhe -përvetësimi i titullit apo detyrës shtetërore, 246 kodi penal.

Kreu i KED Dvorani, ka bërë shkelje ligjore që cënojnë legjitimitetin e përzgjedhjes së anëtarëve  të GJykatws Kushtetuese. Të fillohet hetimi ndaj Dvoranit për “Përvetëisimi i detyrës shtetërore” dhe “Shpërdorim detyre”

Veprimet dhe mosveprimet e tij kanë pasojë të rëndë siç është legjitimiteti i Gjykatës Kushtetuese dhe debat publik me pasoja të pariparueshme që provokon uljen e besimit të publikut të Gjykatës Kushtetuese dhe implementimi i reformës në drejtësi. Përbëjnë jo vetëm shkelje disiplinore por edhe vepra të qarta penale”.

Sipas Metës, kreu i KED ka vepruar në mënyrë të qëllimshme për të krijuar një gjendje antikushtetueshmërie, në mënyrë individuale dhe jo kolegjiale siç ia kërkon funksioni. Presidenti thekson se këto veprime administrative, individuale nuk respektojnë as kohën, as radhën dhe as rendin kronologjik të detyrueshëm për plotësimin e çdo vendi vakant.

“KED është një organ kolegjial, askush nuk merr dot vendime personale, Në mbledhjen e 21 shtatorit nuk ka marrë asnjë vendim mbi kohën e listave për kuvendin dhe Presidentin. Ka përcjellë listën përfundimtare. Nuk shpjegohet arsyeja dhe shkaqeve, vonesës dhe dërgimit të dy listave me një javë kuvendit.

Kur ky organ kolegjial i ka renditur vakancat në të njëjtën ditë, përse ky ia çon presidentit përpara dhe Kuvendit mbrapa dhe ia çon atë ditë, që e pyet Presidenti. Se unë nuk dua të përplasem me Kuvendin.

Këto veprime administrative, individuale nuk respektojnë as kohën, as radhën dhe rendin kronologjik të detyrueshëm për plotësimin e  çdo vendi vakant.  Kjo radhë ndiqet për të gjitha emërimet pas hyrjes në fuqi të këtij ligji, duke saktësuar deri në krijimin e gjyqësorit. Vendimi i qëllimshëm për të krijuar një gjendje antikushtetueshmërie”.

Reagimi i kreut të shtetit  vjen pas debateve të forta gjatë ditëve të fundit për emërimin e anëtarëve të Gjykatës Kushtetuese, ku Presidenca dhe maxhoranca akuzojnë njëra-tjetrën për tentativës për të kapur Sistemin e Drejtësisë. /abcnews.al

 

rira-dhe-belba.jpg
ad min13:44 | 13/09/2019

Kryetari aktual i Bashkisë së Prrenjasit, Nuri Belba, ka kallëzuar penalisht ish-kryetaren e bashkisë, Miranda Rira, e cila ishte nga radhët e LSI-së.  Akuza që rëndon mbi ish-kryebashkiaken është shpërdorimi i detyrës.

“Unë, Nuri Belba në cilësine e kryetarit të Bashkisë Prrenjas parashtroj ketë kallëzim penal për ish-kryetaren e Bashkisë Prrenjas znj. Miranda Rira, për veprën penale ‘Shpërdorimi i detyrës’”, shkruhet ne denoncim.

Në arsyetimin e kallëzimit, Belba thotë se Rira ka shkelur ligjin në procedurën e ndjekur për prokurorimin e objektit “Ndërtimit të fushës se re të sportit, qytetit Prrenjas”./ABC News Albania 24/7

sakja-dhe-basha-1280x853.jpg
ad min11:40 | 16/04/2019

Kryetari i Partisë Demokratike, Lulzim Bsha, reagoi në lidhje me kallëzimin penal ndaj kryetarit të bashkisë së Kavajës, Isa Sakja. Në një postim në rrjetet sociale, kryeopozitari shprehet se kallëzimi ndaj Sakjes është sulm politik i orkestruar nga kryeministri Rama.

Mirëpo sipas Bashës, kjo nuk e ndihmon Ramën sepse shumë shpejt ka për të jhumbr gjithë Shqipërinë.

 “Kallëzimi penal kundër Kryetarit të Bashkisë së Kavajës, Isa Sakja, është sulm politik kundër kundërshtarit politik, i parathënë nga Edi Rama disa javë më parë. Ky sulm politik është i orkestruar nga një kryeministër hakmarrës, që nuk e pranon dot se qytetarët në Kavajë nuk drejtohen më nga një përdhunues dhe trafikant droge apo grabitës pronash në bregdet.

Kallëzimi politik penal kundër Isa Sakjas vjen nga i njëjti kryeministër i korruptuar dhe i lidhur me krimin që vazhdon të mbrojë Vangjush Dakon, i cili betonizoi Durrësin dhe plazhin e tij, duke u dhënë pasuri publike kriminelëve me të cilët bleu votat. Kallëzimi është urdhëruar nga kryeministri i Qazim Sejdinit, që komandon trafikun e drogës në Elbasan dhe e ka bërë qytetin plaçkë betoni të bandave. Sulmi politik ndaj kryebashkiakut të Kavajës vjen nga i njëjti kryeministër që, bashkë me shërbëtorin e tij, Erion Veliaj, kanë betonizuar Tiranën, duke e shndërruar në lavatriçen më të madhe të pastrimit të parave në Ballkan.

As kallëzimet politike, as gazi lotsjellës, as propaganda nuk e ndihmojnë dot më Edi Ramën. Kryeministri më i korruptuar sot në Europë e ka humbur Kavajën dhe, shumë shpejt, ka për të humbur gjithë Shqipërinë”, shkruan Basha.

Inspektoriati Kombëtar për Mbrojtjen e Territorit kallëzoi penalisht kryetarin e Bashkisë së Kavajës, Isa Sakja të martën. Kryebashkiaku akuzohet për shpërdorim detyre në dhënien e lejeve të ndërtimit për 7 objekte. Kallëzim është çuar edhe për drejtoreshën e Drejtorisë së Kontrollit, Zhvillimit Urbanistik dhe Pronave, Dëshira Qato si dhe Kryeinpektorin e IMT së Bashkisë Kavajë, Dritan Kazazi.

Vetë Sakja, i cili është zgjedhur në drejtimin e Kavajës nga opozita e ka cilësuar kallëzimin si konkretizim të sulmit verbal të ndërmarrë ndaj tij pak javë më parë nga kryeministri Rama./abcnews.al

sakja.jpg
ad min15:14 | 15/04/2019

Në një reagim, kryetari i Bashkisë së Kavajës Isa Sakja e cilëson këtë kallëzim si konkretizim të sulmit verbal të ndërmarrë ndaj tij pak javë më parë nga kryeministri Rama.

“Në hall, pasi nga sondazhet që bëri në Kavajë, me disa kandidatë të tij, i dalin që të gjithë humbës përballë meje, zgjodhi rrugën e përdhosjes së emrit tim dhe kërcënimin për burg”, shkruan Sakja në një mesazh në Facebook.

“Unë besoj se në këtë vend ka ende gra e burra që nuk janë vegla qorre të tij edhe pse që të gjithë jemi nën presion dhe kërcënim”, shprehet Sakja.

“Unë do të vazhdoj të përmbush misionin tim të drejtimit të Bashkisë Kavajë me të njëjtën dashuri, pasion e përkushtim, siç kam bërë deri tani”, përfundon kryebashkiaku./abcnews.al

isaksakja-848x445.jpg
ad min12:02 | 15/04/2019

Inspektoriati Kombëtar për Mbrojtjen e Territorit ka kallëzuar penalisht kryetarin e Bashkisë së Kavajës, Isa Sakja. Kryebashkiaku akuzohet për shpërdorim detyre në dhënien e lejeve të ndërtimit për 7 objekte.

E paralajmëroi kryeministri Edi Rama rreth dy javë më parë se Prokuroria do t’i trokiste së shpejti në zyrë. E vetë kryebashkiaku i Kavajës vendosi t’ia hapë derën me një reagim të tij në rrjetet sociale.

“Sa për prokurorinë, ti dhe kushdo tjetër e ka derën e Bashkisë Kavajë të hapur”!

Koha për të trokitur erdhi. Është Inspektoriati Kombëtar për Mbrojtjen e Territorit që ka dorëzuar kallëzimin penal jo vetëm për kryebashkiakun Isa Sakja, por edhe për drejtoreshën e Drejtorisë së Kontrollit, Zhvillimit Urbanistik dhe Pronave, Dëshira Qato si dhe Kryeinpektorin e IMT së Bashkisë Kavajë, Dritan Kazazi.

Akuzohen për shpërdorim detyre.

“Këta zyrtarë me veprimet dhe mosveprimet e tyre në dhënien e lejeve të ndërtimit dhe në ushtrimin e funksionit të kontrollit të ligjshmërisë në të paktën shtatë objekte shumëkatëshe, kanë cënuar territorin dhe interesin publik”.

Isa Sakja është zgjedhur me votat e opozitës për të drejtuar Bashkinë e Kavajës./abcnews.al

KALLEZIM-PER-ARTA-MARKUN-1280x720.jpg
ent ela22:13 | 29/01/2019

Partia Demokratike dhe Levizja Socialiste për Integrim kallëzuan penalisht Prokuroren e Përgjithshme të Përkohshme, Arta Marku. Sipas kallëzimit, Marku ka “shpërdoruar detyrën” kur lejoi Bujar Sheshin të kandidojë për në KLP pa pritur përgjigjen e Autoritetit të Dosjeve për të.

Partia Demokratike dhe Levizja Socialiste për Integrim kanë kallëzuar penalisht në Prokurorinë e Tiranës Prokuroren e Përgjithshme të Përkohshme, Arta Marku për rastin e prokurorit Bujar Sheshi. Sipas Autoritetit të Dosjeve, Sheshi, aktualisht anëtar i KLP-së, ka qenë bashkëpunëtor i Sigurimit të Shtetit.

Përmes kallëzimit të firmosur nga krerët e dy grupeve përkatëse parlamentare, Emdond Spaho dhe Petrit Vasili, kërkohet hetimi i Markut për veprën penale të “shpërdorimit të detyrës”. Kryeprokurorja e Përkohshme akuzohet nga opozitarët për konsumimin e kësaj vepre penale në rastin e lejimit të kandidimit për në Këshillin e Lartë të Prokurorisë të prokurorit Sheshi.

Përfaqësuesit e PD dhe LSI shprehen në kallëzim se Arta Marku thirri Mbledhjen e Përgjithshme të Prokurorëve në 11 dhjetor 2018, pa pritur përgjigjen e Autoritetit të Dosjeve për Emrin e prokurorit Sheshi, nëse ai kishte qënë ndonjëherë bashkëpunëtor i Sigurimit të Shtetit. “Arta Marku nuk ka përmbushur përgjegjësinë ligjore për verifikimin paraprak të kushteve ligjore të kësaj kandidature (qenia ose jo bashkëpunëtor i sigurimit te shtetit)”, thuhej në kallëzim. Në të njëjtin material kallëzues të depozituar në Prokurorinë e Tiranës, kërkohet marrja e një mase ndaluese pezullim nga detyra ose ndalim i përkohshëm i ushtrimit të saj për Markun me pretendimin se nëse vijon punën ajo mund të  prishë provat apo pengojë hetimin. /abcnews.al

 

klement-zguri.jpg
ad min13:18 | 17/01/2019

Komisioni Qendror i Zgjedhjeve do të kallëzojë penalisht kryetarët e bashkive dhe përgjegjësit e zyrave të gjendjes civile, që lejojnë ndryshimin artificial të  vendbanimeve  të votuesve të tyre. Deklarata u bë nga  kryetari i këtij komisioni Klement Zguri, i cili paralajmëroi se do t’i drejtohen prokurorisë, sapo që ato të konstatohen dhe pa pritur përfundimin e procesit zgjedhor.

Ndryshimi i vendbanimit artificial me qëllim mbështetjen me vota të kandidatëve për kryetarë të bashkive jo vetëm që nuk do të tolerohet, por edhe do të ndëshkohet. Paralajmërimin e ka bërë kryetari i Komisionit Qendror të Zgjedhjeve, Klement Zguri.

“Ndryshimi artificial i vendbanimit përbën shpërdorim të pastër detyre, por ka pasoja të rënda edhe mbi sistemin demokratik, sepse cënon rëndë raportin e zgjedhësve me pushtetin e zgjedhur, si atje ku votojnë zgjedhësit e zhvendosur artificialisht, ashtu dhe atje ku ata fshihen padrejtësisht nga lista”.

Ky fenomen i kundraligjshëm lë gjurmë, ndaj është i verifikueshëm dhe i provueshem lehtësisht njoftoi kryetari i Komisionit Qendror të Zgjedhjeve. Zgjedhësit e zhvendosur artificialisht regjistrohen masivisht në adresa artificiale. Është e lehtë të konstatohet se kur në një apartament figurojnë 10, 20 apo 30 familje, atëherë në këtë bashki, kryetari i bashkisë dhe përgjegjësi i zyrës së Gjendjes Civile kanë organizuar në bashkëpunim, zhvendosjen artificial të vendbanimit të zgjedhësve, duke kryer shpërdorim detyre.

“Auditët e emëruar nga KQZ që mbikëqyrin listat e zgjedhësve do të merren posaçërisht me investigimin e këtij fenomeni. KQZ-ja do të kallëzojë penalisht kryetarët e bashkive dhe përgjegjësit e zyrave të gjendjes civile, kurdoherë që të vihet përballë këtyre fakteve, sapo që ato të konstatohen dhe pa pritur përfundimin e procesit zgjedhor”.

Ky paralajmërim publik bëhet me qëllim që të mos ketë kryetarë bashkish që tentojnë për të bërë këtë formë manipulimi. Thirrja i drejtohet edhe Kryeministrit Edi Rama dhe kryetarit të opozitës, Lulzim Basha, që të deklarohen kundër kësaj skeme manipulimi.

“Ndaj unë ftoj dhe lidershipin e mazhorancës dhe atë të opozitës të deklarohen publiksht kundër, me qëllim që t’I heqin çdo mbështetje politike fenomenit”.

Ata që do të votojnë në zgjedhjet  e 30 Qershorit kanë kohë deri në 21 Maj të verifikojnë emrin e tyre në listën elekronike të zgjedhësve e publikuar në faqen zyrtare të internetit të Komisionit Qendror të Zgjedhjeve. Pas kësaj date listat bëhen përfundimtare.  Zgjedhësit që nuk e kanë emrin në listë mund të votojnë vetëm me vendim gjykate./abcnews.al

kallezim.jpg
ad min14:59 | 27/09/2018

Kreu i grupit parlamentar socialist, Taulant Balla, ka depozituar në Prokurorinë e Tiranës kallëzimin penal ndaj kreut të opozitës Lulzim Basha me akuzën e “shpërdorimit të detyrës” , “kallëzimit të rremë” dhe “fyerjes” së qëllimshme.

Në kallëzim, Balla kërkon gjithashtu procedim penal për shtetasin Emiljano Nuhu , ish-oficerin e Krujës pas denoncimit që ky i fundit ka bërë në drejtim të numrit dy të socialistëve.

Balla ka kallëzuar penalisht edhe gazetarin Basir Çollaku i cili ka realizuar intervistën gjatë të cilit Nuhu ka artikuluar akuzat e rënda ndaj Taulant Ballës.

Sa për kryedemokratin Basha, Balla shpjegon në kallëzim se ai sipas tij, pa kryer asnjë verifikim, me dashje direkte, ka përsëritur të njëjtat akuza duke cënuar kështu interesat e ligjshme të miat dhe të shtetit njëkohësisht, që në rastin konkret kanë të bëjnë me hetimin e plotë dhe transparent të një vepre penale nga prokuroria e Krujës, shkruan Balla./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono