kalim

shish.png
G. P.16:33 | 10/11/2018

Shërbimi Informativ Shtetëror njoftoi Policinë e Shtetit se do të kishte shfaqje antishqiptare nga ekstremistët grekë gjatë ceremonies së varrimit të Kostandinos Kaçifa. Për atë situatë, SHISH kishte evidentuar se kush ishin drejtuesit dhe se kush nga ata nuk duhet të hynte në territorin shqiptare mëngjesin e 8 Nëntorit. 

Policia Shqiptare kërkon ndihmën e homologëve të saj grekë, për të identifikuar disa ekstremistë të shtetit fqinj, të cilët ishin pjesmarrës në varrimin e Kostandinos Kaçifa në Bularat të Gjirokastrës, duke bërë thirrje antishiptare. 52 grekët u shpallën të padëshirueshëm gjatë një komunikimi për mediat të enjtën nga zv/ministri i Brendshëm, Sandër Lleshi, ndërsa pritet që kjo shifër të rritet edhe më shumë. Si provë materiale janë siguruar pamjet filmike të publikuara nga mediat, nga vetë agjentët e Antiterrorit si edhe nga punonjësit e Shërbimit Informativ Shtetëror.

Edhe pse më herët SHISH kishte skeduar disa nga anëtarët e “Agimit të Artë” si edhe të “Rinjtë e Vorio-Epirit” që do të merrnin pjesë në ceremoninë e varrimit të Kaçifas, përsëri policia shqiptare konkretisht ajo e kufirit nuk mundi t’i pengojë të hynin në territorin tonë. Të  shpallurit “non grata” erdhën në mënyrë të organizuar në Shqipëri nga Athina, Livadhjaja, Patra dhe Igumenica, por disa prej tyre arritën të kalojnë edhe nëpërmjet kufirit të gjelbër edhe pse urdhri ishte të mos lejoheshin të hynin në pikat e kalimit kufitar.

Ky është numri më i lartë i shtetasve të huaj të shpallur persona “non grata” në Republikën e Shqipërisë. 44 grekë nuk do të lejohen të hyjnë në vendin tonë për 10 vjet, ndësa 8 të tjerë për 15 vjet. Për 11 u regjistrua procedim penal dhe hetim në gjendje të lirë për kalim të paligjshëm kufiri, nxitje të urrejtjes e grindjes dhe shpërndarje të parrullave që synojnë cënimin e tërësisë territoriale të Shqipërisë. Nga hetimet e deritanishme ka rezultuar se Babis Karathano dhe Anestis Kacis janë dy ekstremistët grekë ndër më kryesorët që organizuan ceremoninë mortore të Kostandinos Kacifa, e më pas hodhën parrulla fyese kundër vendit tonë./abcnews.al

vlcsnap-error865-1280x720.jpg
us er12:35 | 14/01/2018

Verilindja e vendit u zgjua sot nën praninë e reshjeve të dendura të dëborës. Temperaturat ishin relativisht të larta e duke mos i dhënë mundësi për të vënë shtresa, e megjithatë për 2018 këto reshje janë të parat në këtë dimër të pazakontë. Megjithë intensitetin e lartë, reshjet e borës nuk krijuan probleme. Rruga e Kombit, por edhe të gjitha akset e tjera rrugore janë të lira në qarkullim e pa patur nevojë përdorim të paisjeve dimërore. Mjetet borëpastruese janë vënë në gadishmëri për të ndërhyrë nëse do të ketë situata problematike. Gjatë mesditës reshjet e borës e ulën intensitetit ndërsa temperaturat vijojnë të ruajnë vlerat pozitive.E nëjta situatë pritet të jetë edhe gjatë ditës së nesërme, madje me një përmirësim të dukshëm të motit në orët e vona të pasdites. Edhe në fshatrat e thella malore të rajonit verilindor nuk ka probleme. Energjia elektrike nuk ka munguar dhe furnizimi me ujë të pijshëm është i rregullt./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono