kafe

jetmir-maliqi.jpg
G. P.19:00 | 14/09/2019

Baristi nga Kosova, Jetmir Maliqi, krijon vepra të mirëfillta arti në filxhanët e kafesë, të cilat i shërben për klientët e tij prej 22 vitesh tashmë. Vepra e tij më e fundit janë portrete me kokrrat e kafes.

Ka 22 vjet që merret më këtë zanat. Kafja e përgatitur nga baristi Jetmir Maliqi është një art në vete. Ai njihet ndryshe edhe si “piktori i kafes”, pasi që me shumë mjeshtri përgatit kafe me figura të ndryshme. Ndonëse konsiderohet si më i miri në Ballkan, Maliqi e ka të pamundur t’i ndjek të gjitha festivalet e artit të kafesë.

Thotë se nuk ka përkrahje nga sponsorët e kafesë siç ndodh në gjithë botën dhe për më tepër shpesh ka munguar në këto festivale edhe për shkak të pamundësisë për tu pajisur me vizë.

“Ku të shkosh, si në Gjermani, në Itali, gjithkund e ke që të mbështet kafja baristin. Këtu nuk e mban, vetëm e shfrytëzon, i nxjerr gjërat e bukura, por ai barist nuk hyn për punë hiç. Festivali i fundit që ka qenë në Berlin, nuk kam mundur të isha se s’kam pasur edhe vizë”, tha Jetmiri.

Konsideron se profesioni i tij nuk vlerësohet shumë në Kosovë, andaj është edhe duke shqyrtuar ofertat e fundit që i kanë ardhur nga vende të ndryshme të botës.

“Oferta e fundit më ka ardhur nga Amerika. Edhe pse kjo pjesë ku jam është shumë praktike, i kam të gjitha, por depërtimet nëpër Evropë nuk i kemi sepse unë  e dua garën”, tha ai.

Së fundmi Maliqi ka kaluar në një tjetër nivel. Ai ka filluar të bëjë portrete me kokrra kafeje. Maliqi e ka mahnitur edhe futbollistin shqiptar nga Gjilani, Xherdan Shaqirin, i cili portretin e tij të punuar nga Maliqi e ka postuar në Instagram./ABC News Albania 24/7

kafe-1280x679.jpg
ent ela09:50 | 06/09/2019

Shkencëtarët kanë identifikuar një gjen që ndikon në dëshirën tonë për të pirë një sasi të caktuar kafeje.

Rezultatet e hulumtimit të publikuara kohët e fundit në revistën “Scientific Reports”, zbuluan se njerëzit me variacione gjenesh në ADN të njohura si PDSS2 kanë tendencë të pinë më pak kafe sesa ata pa një variant të këtij gjeni.

Ky gjen mund të zvogëlojë aftësinë e qelizave për të absorbuar kafeinën, duke e mbajtur atë më gjatë në trup, duke zvogëluar kështu sasinë e kafesë të nevojshme nga trupi (varësia e kafeinës).

Hulumtimi u krye nga një ekip nga Edinburgh, Itali dhe Holandë. Ata analizuan gjenet e 370 personave që jetonin në një fshat të vogël në jug të Italisë dhe 843 njerëz nga 6 fshatra në veri të Italisë. Pjesëmarrësit plotësuan një pyetësor që përshkruante zakonet e tyre të pirjes së kafesë.

Klan Plus

denaj-4-1280x709.jpg
Sej rie12:30 | 17/08/2019

Ministrja e Financave ka ushtruar kontroll në një magazinë fiskale të një subjekti që tregon kafe në Vorë. Ku është konstatuar një mungesë gjendjeje në magazinë prej rreth 76 ton. Ministrja e Financave dhe Ekonomisë,  Anila Denaj tha se dhe në ato subjekte ku paligjshmëria është evidentonte. Gjithashtu u beri thirrje subjekteve që të zbatojnë ligjin.

Aksioni anti- informalitet ka goditur një tjetër rast të fshehjes së produkteve të akcizës.  Ministria e financave gjatë inspektim të një subjekti  ka zbuluar  një depozitë me kafe ku kishte mungesa të një sasie  prej 76 ton për të cilën nuk ishin shlyer detyrimet ligjore.  Ministrja e Financave dhe Ekonomisë, Anila Denaj u shpreh se nga analiza që bëhet çdo javë në kuadër të zbatimit të Planit Operacional kundër informalitetit  ku tregtohen produkte te akcizës rezulton se ka shkelje.

“Synon të evidentojë paligjshmërinë dhe në ato subjekte ku paligjshmëria është evidentonte, kuptohet që gjobat janë shumëfish dhe kjo gjobë nuk vlen për asnjë biznes, i cili vendos të punojë brenda rregullave të caktuara brenda Kodit Doganor. Është shumë e rëndësishme që biznesi të kuptojë që ky nuk është një aksion. Ky është një Plan, i cili do të vijojë përgjatë gjithë kohës dhe gjatë gjithë muajve, dhe nuk do të kufizohet vetëm në një analizë të disa muajve”.

Drejtori i Përgjithshëm i Doganave, Arlind Gjokuta, informoi se Plani Operacional po zbatohet nga të gjitha degët doganore në vend.

“Fokusi kryesor ka qenë te produktet e karburantit, por nuk janë lënë pas dore edhe produktet e tjera siç janë pijet alkoolike, kafja apo duhani. Plani është i ndarë sipas produkteve dhe përsa i përket pijeve alkoolike, fokusi kryesor gjatë këtij muaji ka qenë te produkti i birrës dhe do të vazhdojë të jetë aty. Të gjithë strukturat tona janë fokusuar si në fabrikat e prodhimit të birrës, ashtu edhe te magazinat fiskale të stokimit”. 

Aksioni anti-informalitete ka goditur një serë rastesh kur bizneset që tregtojnë produktet e akcizës nuk kanë shlyer detyrimet ligjore duke i shmangur.

Ministrja pohoi se Ligji i Akcizës i vitit 2012 ofron lehtësi për bizneset që tregtojnë produkte të akcizës, pasi nuk detyron më subjektet për pagesë para kohe, por iu jep atyre mundësinë e vetëdeklarimit, çka është në ndihmë të tyre./ABC News Albania 24/7

mimi-kodheli-1.jpg
G. P.20:49 | 25/06/2019

Mimi Kodheli ishte e ftuar këtë të martë në emisioni “Provokacija”. Ish-ministrja e Mbrojtjes u pyet në lidhje me përgjimet e publikuar nga Bild. Ajo theksoi se kjo mënyrë e abuzimit me votat është përdorur në këto 30 vite nga të gjitha palët. Kodheli rrëfeu gjithashtu se nuk ka dhënë asnjëherë as edhe një kafe për të marrë vota.

“Unë kam bërë një diskutim disa kohë më parë, kur opozita ishte akoma në parlament lidhur me votat, blerjen e tyre, abuzimin me to dhe kam thënë që nuk mundet asnjë të çohet këtu dhe të thotë se unë jam ai jo mëkatari se të tillë nuk ka në përgjithësi ndaj në qoftë se dikush në këto 30 vjet zgjat gishtin te tjetri dhe thotë shiko se unë këtë mënyrë të të bërit vota nuk e kam përdorur kurrë dhe vetëm ti e përdor ky është abuzim me naivitetin e njerëzve e dëgjojnë. Këtë gjë e thotë një grua që keni këtu përballë dhe që nuk ka dhënë asnjëherë një kafe për të marrë një votë.

E kam dhënë kafe me dashamirësinë për t’i dhënë kafe një miku, një votuesi, por nuk kam abuzuar asnjëherë me këtë gjë. Kur e them unë dhe e kam thënë kohë më përpara duke bërë një diskurs shumë të rëndësishëm në parlament ndaj askush nuk mund të thotë pse u përgjuan këta 3 individët ca muaj më përpara janë vetëm këta që bëjnë këtë punë. Kjo është një punë e keqe që daton herët. Nuk e kanë filluar socialistët. PS është parti e madhe nuk ka nevojë të blejë vota”, tha Kodheli./abcnews.al

edi-rama-kafe.jpg
G. P.13:20 | 05/06/2019

Kryeministri Edi Rama dhe kryetari i Bashkisë Erion Veliaj zhvilluan një bashkëbisedim me disa banorë të njësisë nr. 3 duke konsumuar kafen e mëngjesit. Duke folur për zhvillimin e qytetit, nënvizuan se me rëndësi janë investimet në infrastrukturë, një prej të cilëve është edhe përfundimi i projektit të Unazës së Madhe.

Një kafe me disa banorë të Njësisë 3 në Tiranës . Kështu e ka nisur ditën Kryeministri Edi Rama dhe jo rastësisht. Në këtë periudhë fushate elektorale shoqërohet nga kryebashkiaku Erion Veliaj që kandidon për një mandat të dytë. Folën për investimet në zonë, por edhe për lejet e ndërtimit në projektin e Unazës së madhe.

“Situata te Unaza e Re është tjetër gjë që tregon se është avantazh. Nuk ka një rrugë tjetër, i duhet hapur rrugë zhvillimit”, tha Rama.

E rëndësishme është që askush nuk do të mbetet pa shtëpi nënvizoi kryebashkiaku Veliaj që solli si shembull edhe shpërnguljen e familjeve nga ura e pallatit me shigjeta apo atë te parku i Liqenit.

“Lamë njeri jashtë? Sot edhe ata që janë komuniteti më i përbuzur edhe prej racizmit që ekziston, sot të gjithë romët i ke ose në Shkozë, ose në Lanabregas ose në banesat sociale. Nuk kemi lënë njëri jashtë. E gjithë puna është bërë”, tha Veliaj.

Si në një bisedë me kafe përpara nuk mungoi edhe kurioziteti i banorëve për jetën private të kryeministrit e në veçanti për emrin e djalit të tij. Fillimisht sqaroi se Zaho është emër i përdorur edhe nga myslimanët edhe nga të krishterët. Sa për angazhimin e tij në politikë, i biri nuk e di që është kryeministër.

“Ai nuk e di se ça punoj unë”, tha Rama.

Të tilla bashkëbisedime mëngjesi kryeministri Rama i ka bërë edhe në prag zgjedhjesh të tjera elektorale./ABC News Albania 24/7

47430008_288554218465338_8979961744675831808_n-1280x720.jpg
ent ela11:08 | 06/12/2018

Dita e punës sot ka nisur ndryshe për kryebashkiakun e Tiranës, Erion Veliaj. Ai zgjodhi që kafen e mëngjesit ta pijë me banorë të zonës së Astirit, të cilët kanë filluar tashmë që të lirojnë vetë ndertesat e tyre pa leje dhe t’i hapin rrugë projektit të zhvillimit të Unazës së Madhe. “Ishte një kënaqësi e veçantë që takoja të gjithë miqtë këtu në “Astir” e ta filloja ditën me një kafe dhe një raki të mirë “Skrapari”. Siç u takuam me miqtë nga Tropoja, sot me miqtë nga Tepelena, Korça, Skrapari, sepse besoj që është shumë e rëndësishme të gjejmë një gjuhë të përbashkët dhe ajo që kemi një konsensus sot, siç patëm me miqtë nga Tropoja, Kukësi e Dibra, ashtu edhe me tepelenasit, skraparllinjtë  e korçarët është që ky projekt duhet të vijojë dhe ne duhet të ecim përpara me zhvillimin e Tiranës”, tha Veliaj.

Teksa falenderoi banorët që janë distancuar nga politika dhe kanë filluar që të zbrazin vullnetarisht objektet që janë në gjurmën e Unazës së Madhe, Veliaj theksoi se ky projekt nuk do të ndalet.  “Dua t’i falenderoj për bashkëpunimin. Shumica prej tyre kanë zbrazur vetë vullnetarisht të gjithë asetet  që kanë, dyqanet apo shtëpitë që do preken nga projekti. Dua të falenderoj masivisht banorët e “Astirit” që janë distancuar nga politika. Secili po shikon hallin e vet, të familjes së vet, që të zgjidhë punët e veta. Politika i ka zgjidhur punët e veta, ndaj jam shumë i kënaqur sot për këtë bashkëpunim. Unë besoj që para Vitit të Ri kjo punë do të ketë marrë fund dhe për të gjithë ata që besojnë që mund ta pengojnë qytetin ose mund t’i përdorin protestat si “mish për top“ për interesat e tyre politike e kanë davanë e humbur”, u shpreh Veliaj.

sander-llesh-1280x556.png
ent ela17:24 | 07/11/2018

Zv.ministri i Brendshëm gjeneral Sandër Lleshi, i cili u komandua nga qeveria Rama në krye të ministrisë së Brendshme, ka nxjerrë një urdhër të ri që ndalon frekuentimin e kafeneve përgjatë orarit të punës për të gjithë punonjësit e Ministrisë që ai drejton.

Por, ky urdhër do të thyhet vetëm me leje të eprorit dhe në raste festatash kur punonjësit mund të jenë me orar të reduktuar.

Javën e kaluar Presidenti Meta refuzoi t’a dekretojë Lleshin, duke kthyer ministrinë e Brendshme në pesë zvministra dhe pasi asnjë titullar zyratare të ministrisë së brendshme. Kjo është hera e parë që një ndër  ministritë më të rëndësishme në qeverinë Rama të drejtohet pa një titullar të dekretuar. /abcnews.al

magazina.jpg
ent ela17:29 | 02/09/2018

Një zjarr ka rënë sot pasdite rreth orës 15:30 në një magazinë, ku piqej dhe ambalazhohej kafe ne lagjen “16 Prilli” në Fier. Pas marrjes së informacionit, në vendngjarje u dërguan shërbimet e policisë dhe shërbimi zjarrfikës, të cilat bënë të mundur fikjen e zjarrit.

Policia bën të ditur se nga hetimet paraprake dyshohet se zjarri ka rënë për shkak të një shkëndije elektrike në magazinë.

Sipas burimeve, mësohet se në magazinë kanë qenë rreth 70 tonë kafe, ndërsa dëmi ekonomik mendohet të jetë rreth 400 mijë euro.

Zjarrfikësit kanë mundur të nxjerrin jashtë magazinës 6 bombola gazi që përdoreshin për pjekjen e kafesë. Përfshirja e tyre nga flakët do të kishte shkaktuar dëme edhe më të rënda./abcnews.al

droga.jpg
G. P.09:45 | 07/07/2018

 

Policia italiane ka sekuestruar një ton marijuanë të ndarë në 49 pako dhe ka vënë në pranga tre skafistë, dy prej të cilëve shtetas shqiptarë. Operacioni u zhvillua në zonën e Leukas në Leçe. Vlera e drogës në treg shkon deri në 10 milion euro.

Një skaf që transportonte më shumë se një ton marijuanë është sekuestruar nga Guardia di Finanza në bregun e Salentos. Gomonia u sinjalizua nga një njësi e “Fiamme gialle” në Santa Maria të Leukas teksa lundronte drejt tokës. Agjentët kanë dyshuar për shkak të peshës së rëndë të gomones dhe ka urdhëruar tre personat në bord të ndalonin. Por këta të fundit i kanë dhënë më shumë gaz në përpjekje për t’u arratisur.

Por pas një ndjekjeje të shkurtër në det, tre skafistët janë vënë në pranga. Në bordin e skafit, në kabinën e tij, karabinierët kanë gjetur 49 pako me marijuanë, ndërsa mjeti lundrues i gjatë 10 metra është sekuestruar. Skafistët janë A.M 34 vjeç dhe E.A 30 vjeç, të dy nga Vlora si dhe M.G, 65 vjeç nga La Specia, Itali.

Sipas të dhënave të policisë, nëse do të ishte hedhur në treg, marijuana do të kishte sjellë një fitim prej 10 milion eurosh  Që nga fillimi i këtij viti janë sekuestruar 9 mjete lundruese, rreth 13 ton marijuanë si dhe janë arrestuar 28 skafistë vetëm në zonën e Pulias./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono