kadri veseli

pdk.jpg
in a18:52 | 10/02/2020

Partia Demokratike e Kosovës deklaroi se nuk e ka bojkotuar dhe as nuk do ta bojkotojë parlamentin. PDK e Kadri Veselit tha në një deklaratë se deputetët e PDK-së nuk patën mundësi të marrin pjesë në seancën për zgjedhjen e kryetarit të Kuvendit, sepse ajo ishte siç tha PDK, seancë klandestine dhe ishin njoftuar vetëm 5 minuta para se të mbahej.

PDK tha se shkarkimi i një kryetari Parlamenti dhe zgjedhja e një kryetari të ri si zonja Osmani, u bë në rrethana të paqarta politike dhe flirtim të rrezikshëm politik me Beogradin, përkatësisht Listën Serbe. Partia më e madhe opozitare tha gjithashtu se atë natë ndodhi një precedent i rrezikshëm, “koalicioni me Beogradin dhe Listën Serbe i padeklaruar,” që do të mbajë gjallë, sipas saj, qeverinë Kurti.

PDK i kërkoi përsëri Kryetares se Kuvendit që të kthejë fotot e presidentit Thaçi dhe Adem Jasharit në vendin e vet, të mbajë foton e ish-presidentit Rugova në kabinet dhe të luajë rolin e vet kushtetues si kryetare e Kuvendit. Gjithashtu PDK theksoi se kryetarja e Kuvendit do të bojkotohet derisa të ndalojë ato që partia opozitare i quan shkelje ligjore në institucionin e Kuvendit.

Ndërkohë, partia tjetër, opozitare, Aleanca për Ardhmërinë e Kosovës e Ramush Haradinajt, vendos të martën për veprimet që do të ndërmarrë si grup parlamentar sa i përket idesë së kryeministrit të Kosovës, Albin Kurti për heqjen e taksës 100 përqind ndaj mallrave të Serbisë dhe Bosnje e Hercegovinës dhe zëvendësimin e saj me masën e reciprocitetit. Ndërkohë deputeti i AAK-së, Rasim Selmanaj tha se AAK do të mbajë të martën një mbledhje të jashtëzakonshme për këtë çështje.

Ai theksoi se AAK nuk e kundërshton masën e reciprocitetit, por heqjen e taksës dhe kërkoi sqarime se si do veprojë qeveria Kurti me vendosjen e masës së reciprocitetit ndaj Serbisë./abcnews.al

kadri-veseli.jpg
ger ta15:16 | 10/12/2019

Kreu i Partisë Demokratike të Kosovës, Kadri Veseli ka reaguar pas intervistimit nga Gjykata Speciale në Hagë.

Veseli ka folur për mediat duke mos dhënë shumë detaje, ndërsa është shprehur se vetëm është paraqitur për intervistim.

Siç kam premtuar publikisht, sot jam paraqitur për intervistim. E kam përfunduar intervistën. Vitet ‘90 kanë qenë vite të rënda për popullin tonë, një nënshtrim para Serbisë për spastrim etnik, dmth për gjenocid kundër popullit tonë. Ne iu kemi kundërvënë, Lëvizja jonë çlirimtare ka qenë Ushtria Çlirimtare e Kosovës, përballje me gjenocidin serb. Lufta e UÇK’së ka qenë përballje me spatrimin etnik, të cilën ka synuar Serbia ta bëjë në Kosovë”, ka thënë Veseli.

Kadri Veseli një nga udhëheqësit e ish- Ushtrisë Çlirimtare të Kosovës dhe ish- shefi i Shërbimit Informativ të Kosovës, është një nga zyrtarët më të lartë të thirrur për t’u paraqitur në Hagë, ku deri tani janë paraqitur mbi 200 ish pjesëtarë të Ushtrisë Çlirimtare të Kosovës.

Më 19 korrik u thirr në Hagë edhe kryeministri në detyrë i Kosovës, Ramush Haradinaj, i cili dha dorëheqje duke bërë që vendi të shkojë në zgjedhje të parakohshme parlamentare të cilat u mbajtën më 6 tetor./abcnews.al

 

veseli-hage.jpg
in a12:44 | 10/12/2019

Kryetari i Partisë Demokratike të Kosovës, Kadri Veseli, ndodhet në Hagë, ku edhe po merret në pyetje nga Prokuroria e Posaçme që trajton pretendimet për krime lufte dhe të pasluftës në Kosovë. Veseli një ditë më parë deklaroi se Gjykata e Posaçme, është sfidë, por edhe mundësi për të dëshmuar pastërtinë e luftës së Ushtrisë Çlirimtare të Kosovës.

Intervistimi i kreut të PDK’së, Kadri Veselit, po vazhdon brenda objektit të Gjykatës Speciale në Hagë për më shumë se 2 orë e gjysmë.

“Çdo luftëtar i lirisë është krenar që ka pasur fatin t’i shërbejë atdheut të vet. Po ashtu edhe unë jam shumë krenar, e falënderoj Zotin për këtë. Historia e ushtrisë Çlirimtare e Kosovës është historia e së drejtës së popullit të Kosovës për liri dhe pavarësi. Çdo luftëtar i lirisë është krenar që ka pasur fatin t’i shërbejë atdheut të vet. Po ashtu edhe unë jam shumë krenar, e falënderoj Zotin për këtë dhe dua ta them, ta konfirmoj edhe njëherë, me asnjë gjë nuk e ndërroj asnjë pjesë të asaj jete time krenare. Historia e ushtrisë Çlirimtare e Kosovës është historia e së drejtës së popullit të Kosovës për liri dhe pavarësi”.

Kadri Veseli një nga udhëheqësit e ish- Ushtrisë Çlirimtare të Kosovës dhe ish- shefi i Shërbimit Informativ të Kosovës, është një nga zyrtarët më të lartë të thirrur për t’u paraqitur në Hagë, ku deri tani janë paraqitur mbi 200 ish pjesëtarë të Ushtrisë Çlirimtare të Kosovës. Më 19 korrik u thirr në Hagë edhe kryeministri në detyrë i Kosovës, Ramush Haradinaj, i cili dha dorëheqje duke bërë që vendi të shkojë në zgjedhje të parakohshme parlamentare të cilat u mbajtën më 6 tetor.

Intervistimet filluan më 14 janar të vitit 2019 me Rrustem Mustafën, i njohur me emrin e luftës si komandant Remi, i cili gjatë luftës në Kosovë, drejtonte Zonën Operative të Llapit, një rajon në veri të Prishtinës. Gjykata e Posaçme e cila me emrin dhomat e specializuara vepron në Hagë, u miratua në fillim të muajit gusht të vitit 2015 nga parlamenti i Kosovës. Ideja për themelimin e saj pasoi hetimet e pretendimeve të të dërguarit të Këshillit të Evropës, Dick Martty, për përfshirjen e disa prej ish-drejtuesve të Ushtrisë Çlirimtare të Kosovës, në krime të luftës dhe të pasluftës në Kosovë./abcnews.al

kadrija.jpg
Autor E12:55 | 09/12/2019

Kryetari i Partisë Demokratike të Kosovës, Kadri Veseli ka udhëtuar për në Hagë ku do të intervistohet Prokuroria e Specializuar për krime të luftës në Kosovë, me seli në Hagë.

Para nisjes, Veseli u ka thënë mediave në Prishtinë se “Gjykata Speciale është sfidë përballë krimeve makabre serbe”.

“Por, të njëjtën kohë është edhe një moment ndërkombëtar për të rikonfirmuar pastërtinë e luftës e të popullit tonë, luftës së ushtrisë tonë”, tha Veseli.

Ngjashëm me ish-komandantët dhe ish-pjesëtarët e Ushtrisë Çlirimtare të Kosovës, edhe Veseli tha se ndihet krenar për luftën e UÇK-së.

“Dua ta them se me asnjë gjë nuk e ndërroj atë pjesë të jetës sime krenare. Historia e UÇK-së është historia e popullit tonë për liri dhe pavarësi”, tha Veseli.

Veseli ishte paraparë të intervistohej më 4 dhjetor, mirëpo siç kishin thënë nga zyra e Veselit, intervistimi ishte shtyrë për 10 dhjetor për shkaqe teknike.

Deri më tani, Dhomat Speciale kanë ftuar për intervistim rreth 100 persona, ndër ta edhe disa nga ish-figurat e larta të Ushtrisë Çlirimtare të Kosovës, që pas luftës ishin dhe janë pjesë e skenës politike të Kosovës.

Dhomat e Specializuara dhe Zyra e Prokurorisë Speciale janë përgjegjëse për hetimin e krimeve kundër njerëzimit, krimeve të luftës dhe krimeve tjera penale, që lidhen me akuzat e ngritura në një raport të Këshillit të Evropës, më 2011.

Në këtë raport flitet për krime të pretenduara të ish-pjesëtarëve të Ushtrisë Çlirimtare të Kosovës, në periudhën prej vitit 1998 e deri më 2000./abcnews.al

ladrovsi-1.jpg
in a14:08 | 08/11/2019

Ramiz Lladrovci ,who is currently the mayor of Drenas, received an invitation from the Special Court.

He has announced that he will be interviewed as a witness on 19 December.

The news that he has been invited by the Special Court has been announced by himself through a Facebook post.

“I joined the wave of invitations from the Specialist Chambers as witnesses. I have no information or knowledge more than is written in the invitation. The testimony date is December 19, 2019 ”:wrote Lladrovci.

Meanwhile, also PDK leader Kadri Veseli received an invitation yesterday from the Special Court /abcnews.al

basha.jpeg
in a22:50 | 07/11/2019

Politikani kosovar, Kadri Veseli është thirrur nga Gjykata e Hagës për t’u marrë në pyetje. Pas këtij lajmi një reagim në rrjetin social “Twitter” ka ardhur edhe nga lideri i PD-së, Lulzim Basha. “Askush nuk mund ta përdhosë luftën çlirimtare dhe sakrificën e popullit të Kosovës për liri e pavarësi. Sipas kreut të PD, Veseli dhe të gjithë bashkëluftëtarët e tij të thirrur nga Gjykata Speciale do t’i dëshmojnë sërish botës drejtësinë e kauzës së lirisë”, shprehet  Basha.

“Askush nuk e përdhos dot luftën çlirimtare dhe sakrificën sublime të popullit të Kosovës për liri dhe pavarësi. Kadri Veseli dhe të gjithë bashkëluftëtarët e tij të thirrur në Hagë do ti dëshmojnë sërish botës drejtësinë e kauzës së lirisë nga pushtimi dhe shtypja çnjerëzore”,  shkruan Basha./abcnews.al

OK-KADRI-VESELI-HAGE-_ABC-M4-T2.mpg_snapshot_01.04-1280x720.jpg
ent ela18:17 | 07/11/2019

Kryetari i kuvendit të Kosovës Kadri Veseli është ftuar për t’u intervistuar në Hagë. Veseli tha se ka qenë i bekuar që ishte një ndër ideatorët dhe themeluesit e UÇK-së. Ai  shtoi se që nga prilli i vitit 1999, deri në qershor të vitit 2008, ka drejtuar Shërbimin Informativ të Kosovës.

Kryetari i Kuvendit të Republikës së Kosovës, njëherësh lider i PDK-së, Kadri Veseli, konfirmoi të enjten se është ftuar për t’u intervistuar nga Dhomat e Specializuara në Hagë më 4 dhjetor. Ai tha se do t’i përgjigjet pozitivisht kësaj ftese. Veseli tha se ka qenë gjithë jetën i angazhuar për të mirën e Kosovës dhe këtë e ka bërë tërësisht në baza vullnetare dhe me përkushtimin më të lartë. Kryetari i PDK-së theksoi se e ka nisur që fëmijë, si nxënës i shkollës fillore në Mitrovicë, me demonstratat e prillit të vitit 1981, si pjesëmarrës, e pastaj në shumicën prej tyre edhe si organizator dhe drejtues. Nga mesi i viteve ’80, ka hyrë në organizatat patriotike, anti-jugosllave, për të kundërshtuar robërinë dhe për të punuar për lirinë.

“Kam qenë i bekuar që isha një ndër ideatorët dhe themeluesit e saj, luftëtar i lirisë deri në çlirimin e vendit…Nga prilli i vitit 1999, deri në qershor të vitit 2008, kam udhëhequr Shërbimin Informativ të Kosovës…Të gjithë së bashku arritëm lirinë dhe Ushtria Çlirimtare e Kosovës është simboli i saj. Por, duhet pranuar një fakt, lufta e drejtë e popullit tonë për liri ka qenë e sulmuar vazhdimisht. Që nga paslufta, ky është procesi i pestë i drejtësisë – të cilës i nënshtrohet kjo luftë. Duke filluar nga UNMIK-u, e për të vazhduar me Gjykatën e Hagës, EULEX-in, drejtësinë vendore, dhe tani me Gjykatën Speciale.”

Veseli tha se nuk beson se ka pasur në historinë e lëvizjeve çlirimtare një shembull të tillë.

“Edhe ky proces duhet të ketë epilog, duke u bazuar në të vërtetën, faktet e drejtësinë, dhe që nuk e dëmton shtetin e Kosovës në pafundësi. Jam i bindur se edhe kjo Gjykatë do ta vërtetojë luftën e drejtë të Ushtrisë Çlirimtare të Kosovës, por edhe që do t’i ndalë goditjet ndaj të vërtetës së popullit tonë dhe Ushtrisë Çlirimtare të Kosovës. Unë do t’i përgjigjem kësaj ftese, më 4 dhjetor.” /abcnews.al

kadri-veseli-1280x857.jpg
nev ila15:35 | 07/11/2019

Kryetari i PDK-së, Kadri Veseli, është ftuar për intervistim nga Gjykata Speciale.

Ai e ka bërë të ditur vet përmes një konference për media, ku ka thënë se do të paraqitet pranë kësaj Gjykate më 4 dhjetor.

“Si një nga udhëheqësit e Ushtrisë Çlirimtare të Kosovës, unë sot kam pranuar ftesë nga Dhomat e Specializuara për t’u intervistuar më 4 dhjetor në Hagë. Ashtu siç jam zotuar, se në momentin që do ta kisha një ftesë të tillë, unë do ta bëja publike”.

Më parë për të dëshmuar pranë gjykatësve në Hagë, ishte edhe Kryeministri në largim i Kosovës, Ramush Haradinaj./abcnews.al

lideret.jpg
ad min12:46 | 06/10/2019

Liderët e partive kryesore në Kosovë si dhe kandidatët për kryeministër menjëherë pas votimit kanë bërë apel që të gjithë qytetarët të bëhen pjesë e kësaj dite historike.

Nuk kanë munguar apelet dhe mesazhet as në ditën e sotme ku menjëherë pas votimit liderët politikë në Kosovë kanë dhënë mesazhet e tyre për qytetarët e vendit. Hashim Thaçi kreu i shtetit të Kosovës dhe njëherë më shumë, pas votimit, ka kërkuar që ai i së dielës të jetë një proces elektoral i lirë dhe i drejtë.

Ramush Haradinaj kandidati për kryeministër i Aleancës për Ardhmërinë e Kosovës bëri apel që të gjithë qytetarët me të drejtë vote të dalin në zgjedhje ndryshe do të ishin të tjerët që do të votonin për ta.

Kandidati i Lëvizjes Vetëvendosje për kryeministër Albin Kurti pas votimit në Prishtinë u shpreh se kjo pjesëmarrje masive në votime do të shndërrohet në një festë masive.

Kadri Veseli kandidati i Partisë Demokratike të Kosovës për kryeministër pasi ka hedhur votën e tij, e ka cilësuar të sotmen si një ditë të jashtëzakonshme për demokracinë e vendit.

Vjosa Osmani nga radhët e Lidhjes Demokratike të Kosovës është e para grua që garon për postin e kryeministrit. Pas votimit, ajo i ftoi të gjithë qytetarët të jenë pjesë e kësaj dite historike.

Kryetari i NISMA, Fatmir Limaj u shpreh se votimi i sotëm do t’i japë mundësi vendit që të bëjë hapat e duhur. Njëzëri liderët politikë theksuan se procesi i votimit duhet të ishte i lirë dhe demokratik në mënyrë që të gjithë të shprehin vullnetin e tyre./ABC News Albania 24/7

kosove-votime.jpg
ad min09:27 | 06/10/2019

Kryetari i Partisë Demokratike të Kosovës njëkohësisht dhe kandidat për kryeministër, Kadri Veseli, votoi në qendrën e tij të votimit në shkollën “Faik Konica”. Në një prononcim të shkurtër për mediat, Veseli tha se kjo është një ditë e jashtëzakonshme për Kosovën si dhe uroi qytetarët që t’i japin perspektivë perëndimore vendit.

“Sot është një ditë e mirë, një ditë e jashtëzakonshme për Kosovën tonë të shenjtë. I uroj të gjithë qytetarët e vendit tim t’i japin perspektivë vetvetes t’i japin perspektivë Kosovës, të ardhmes sonë. Për hajër na qoftë të gjithëve. Faleminderit të gjithëve”, tha Veseli.

Më shumë se 1.9 milionë qytetarë me të drejtë vote do t’i drejtohen sot kutive të votimit për legjislaturën e shtatë të Kuvendit të Kosovës. Procesi zgjedhor ka nisur në orën 07:00 dhe pritet të përfundojë në orën 19:00.

Në konferencën e parë për mediat, KQZ bëri të ditur se procesi ka nisur i rregullt në përjashtim të disa vendvotime. Bëhet fjalë për disa qendra votimi në Leposaviç dhe Zveçan ku ka pasur përplasje mes komisionerëve serbë për mënyrën e votimit.

Ndërkohë burime për ABC News kanë mësuar se vëzhguesit e OSBE-së në veri të Kosovës shoqërohen nga forca sigurie./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono