kadastra

lameeeeeeeeeeee.jpg
ger ta15:40 | 07/02/2020

Ditën e sotme ka nisur aplikimi online i rivlerësimit të pasurive. Lajmi u konfirmua nga kreu i Kadastës Shqiptare, Artan Lame përmes një konference për shtyp.

Ndërkohë, njoftimi i rëndësishëm u është vënë në dispozicion qytetarëve edhe në faqen zyrtare të Kadastrës, në Facebook.

Të shumtë janë qytetarët që kanë komentuar, të cilët kanë shprehur interesin e tyre, shkruan abcnews.al

Mirëpo, teksa u hedh një vështrim komenteve, vëmendjen të tërheq përgjigjia që ka dhënë Kadastra për një nga qytetarët që ka komentuar.

Komentuesi shprehet se procesi ka zvarritje, ndërsa Kadastra i përgjigjet qytetarit, “mos mer kot si pushka e jevgut!”.

Në fund, komenti ka një shënim “A.L”, ç’ka tregon se komenti është bërë nga vetë kreu i këtij institucioni, Artan Lame.

Replika:

Komentuesi: Ore zotëri kata s’po pranojnë as tek Hipoteka jo ne on line si ka mundësi ligji ka hyrë në fuqi në janar dhe këta tek Hipoteka thonë s’ka ardhur fleta zyrtare si talleni me njerëzit nuk e kuptoj. Kur ligji hyn në fuqi do të thotë zbatim i menjehershem ca janë këto zvarritje nuk ka kuptim? Mjer populli?

Kadastra Shqiptare: Mos mer kot si pushka e jevgut! Ligji vertet ka hyrë në fuqi ne 14 janar. Por aty në fund ai ka një nen ( që ti natyrusht se ke lexuar) qe thote që Ministria e Financave dhe Kadastra, brenda 30 ditësh duhet te miratojnë Udhezimin e përbashket zbatues…pra ne kishin afat deri 14 shkurt për miratimin e Udhëzimit, i cili në fakt u muratua ne 4 shkurt, pra 10 dite para afatit. Dhe dje, pra menjehere pas miratimit te tij, une lajmerova fillimin e zbatimit.

 

/abcnews.al

 

 

KADASTRA-NE-VLORE-MBULIM_ABC-M2-T1.mpg_snapshot_00.01-1280x720.jpg
nev ila18:00 | 04/02/2020

Pas konflikteve dhe largimeve të një pas njëshme për shkak të problemeve me pronat, Duke filluar nga kjo e martë Kadastra e Vlorës do të drejtohet nga Bilbil Aliaj.

Ky i fundit zëvendëson në këtë post drejtuesin e komanduar katër muaj më parë Taulant Canameti.

Drejtoresha e këtij institucioni, Elona Hodaj dhe zv/drejtorit, Krenar Xhemali dhanë dorëheqjen më 8 tetor dhe shkak është bërë një vendim i Gjykatës së Lartë për një pronë në bregdet në Jalë që nuk u zbatua.

Në  dorëheqjen e tyre drejtuesit kanë deklaruar se janë larguar për motive personale./abcnews.al

kadastra.png
R D10:00 | 23/12/2019

Flakët e zjarrit kanë përfshirë kabinën elektrike të godinës së zyrës së Kadastrës në Fier. Shkak i zjarrit mendohet të ketë qënë një defekt në kabinë.

Zjarri nisi në orët e para të mëngjesit duke lënë pa energji elektrike të gjithë zonën përreth. Zjarrëfikësit kanë shkuar menjeherë në vendngjarje duke shuar flakët dhe shmangur rrezikun e përhapjes së tyre në të gjithë godinën.

Burime nga zyra e Kadastrës konfirmuan se përveç dëmëve në kabinë nuk ka asnjë dëmtim në pjesën tjetër të godinës. /abcnews.al

 

 

/abcnews.al

OK-KADASTRA-MASA-MBULIM.mpg_snapshot_00.15-1280x720.jpg
ent ela14:04 | 27/10/2019

Nga 17 personat e arrestuar për tjetërsimin e 68 mijë metra katrorë tokë shtetërore, nëntë prej tyre  u lanë në burg, kurse tetë të tjerë u lanë të lirë me masë sigurie, arrest shtëpie dhe detyrim paraqitje.

Gjykata e Durrësit nisi sëancën për rivlerësimin e masës së sigurisë në orën 9 të mëngjesit të kësaj të diele dhe përfundoi pas pesë orëve. Për ish-drejtuesin e hipotekës së Durrësit,  Ardjan Iljazaj dhe ish-kryetarin e komunës në Ishëm Sulejman Ibrahimi masa e sigurisë nuk ka ndryshuar. Ata do të qëndrojnë në burg bashkë me shtatë zyrtarë të tjerë të Kadastrës. Të gjithë personat që u arrestuan akuzohen për veprat penale “Korrupsioni pasiv i personave që ushtrojnë funksione publike”, “Shpërdorimi i detyrës”, “Falsifikimi i dokumenteve”, “Mashtrimi” dhe “Grupi i strukturuar kriminal, kryer në bashkëpunim”.

Nga hetimet ka rezultuar se përgjatë 5 viteve , nga viti 2013 e në vazhdim personat nën hetim kanë bashkëpunuar për të tjetërsuar tokën shtet përkundrejt përfitimit të vlerave të ndryshme monetare.

MBESIN NE BURG

1-            Ardian Iljazaj

2-            Bledar Zerba

3-            Renaldo Pastërma

4-            Delis Kapxhiu

5-            Mikel Zaho

6-            Luigj Bushaj,

7-            Gjon Proja

8-            Albert Doda

9-            Sulejman Ibrahimi

ARREST SHTEPIE

1-            Adrian Kona

2-            Rovin Zeqja

3-            Enver Shima

4-            Latif Mullahi

5-            Lekë Ndoj

DETYRIM PARAQITJE

1-            Malvina Deçka

2-            Edlira Nova

3-            Gjergj Bushaj

/abcnews.al

KADASTRA-E-VLORES-MBULIM.mpg_snapshot_00.40-1280x720.jpg
ent ela10:12 | 15/10/2019

Zv/kryeministri Erjon Braçe zhvilloi nje inspektim ‘blic’ në Agjencinë Rajonal të Kadastrës së Vlorës, aty ku prej disa javësh vijojnë dorëheqjet e drejtorëve. Braçe ndodhej në ambientet orën 08:00 të mëngjesit të sotëm, në orarin zyrtar kur nis punën administrata.

Zv. kryeministri ka qëndruar rreth 30 minuta në këtë institucion dhe ka kërkuar përpikmëri nga ana e punonjësve, ku disa prej tyre nuk kanë respektuar orarin zyrtar.

Braçe u takua edhe me disa qytetarë që iu ankuan për problemet në Kadastër. /abcnews.al

kadastra.jpeg
Autor E16:59 | 10/10/2019

Prokuroria e Apelit Durrës ka rrëzuar kërkesën e Prokurisë së rrethit për zv drejtoreshën e Agjencisë Shtetërore të Kadastrës Durrës.

Apeli u shpreh se pretendimet e ngritura nga organi I akuzës mbi çështjen në fjalë, janë të pabazuara në ligje e prova.

Në seancën e zhvilluar kete te enjte  janë rrëzuar prentendimet e dërguara nga Prokurori i çështjes Arjan Ndoji, në ngarkim të zv drejtoreshës, Lusiana Kola nga prokuroria e apelit.

Këta të fundit kanë hedhur poshtë pretendimet e ngritura për shpërdorim detyre dhe pajisjen më çerftifikatë për subjektin “Lura shpk” duke dhënë vendimin për rikthim në detyrë të Kolës. /abcnews.al/

SINKRON-LAME.mpg_snapshot_00.01-1280x720.jpg
ent ela16:45 | 09/10/2019

Artan Lame paralajmëron nga Elbasani, se probleme si me Kadastrën e Vlorës do të dëgjoni në shumë qytete. Drejtori i Përgjithshëm i Agjencisë Shtetërore tha nga Elbasani se probleme largime apo dorëheqje do të ketë edhe në Elbasan, Durrës, Shkodër, Sarandë, Lezhë etj.

Për kreun e Agjencisë Shtetërore të Kadastrës Artan Lame largimet ne Vlorë nuk përbëjnë ndonjë shqetësim. Nga Elbasani, ai deklaroi se dorëheqjet e njëpasnjëshme Kadastrën në Vlorë, janë tregues i qartë se paligjshmërinë nuk e mbron askush.

“Probleme si ky i Vlorës do të dëgjoni në shumë qytete të tjera”, tha Lame.

“Mund të dëgjoni probleme si ky i Vlorës edhe në Elbasan. Po dëgjoni në Durrës, do dëgjoni në shkodër. Për fat të keq do dëgjoni edhe në Sarandë. I vetmi ndryshim i Vlorës me qytetet e tjera është ajo që thotë kryeministri Rama që nuk gjen në Vlorë një njeri që quhet Durim. Janë më të padurueshëm se të tjerët”, tha Lame.

Brenda një muaji janë dorëhequr tre drejtorë. Taulant Canameti u komandua këtë të mërkurë si drejtor i përkohshëm në Kadastrën e Vlorës. Ai mbante postin e zv.drejtorit të dytë dhe ishte i vetmi zyrtar i lartë i mbetur në Kadastër.

Në datën 9 Shtator 2019, Florian Alimadhi u largua nga drejtimi bashkë me zv/drejtorin Klodian Troci. Në drejtim të Kadastrës u komandua Alteo Nazëraj. Vetëm tre ditë pas largimit të dy të parëve erdhi  edhe dorëheqja e zv/drejtorit tjetër të Kadastrës Ardian Musta.

Por më 19 Shtator u largua edhe Alteo Nazeraj dhe në drejtim erdhi Elona Hodaj. Kjo e fundit dha dorëheqjen të martën. Një situatë e tillë në Vlorë u krijua për shkak të një dosjeje të “nxehtë” për prona në bregdetin e Jalës./ABC News Albania 24/7

DOREHEQJET-HIPOTEKA-VLORE-1280x720.jpg
ent ela15:47 | 08/10/2019

Pas gati një muaj në detyrë ka dhënë dorëheqjen drejtoresha e Hipotekës së Vlorës Elona Hodaj, bashkë me të edhe zv. drejtori Krenar Xhemali. Largimet janë motivuar prej tyre për arsye personale, por ABC News ka mësuar se shkaku është dosja e një prone në Jalë.

Elona Hodaj është titullari i tretë i Agjensisë Rajonale të Kadastrës së Vlorës që jep dorëheqjen brenda  një muaji.

Për të njëjtën arsye, dosjen e një prone në Jalë. Së bashku me Hodaj dorëheqjen e ka dhënë këtë të martë edhe zv/drejtori i këtij institucioni Krenar Xhemali.

Pronësia e truallit ne fjale është fituar me vendim të formës së prerë të gjykatës se Apelit në Vlorë më dt. 12.2. 2019 nga katër bashkëpronar familja Gjoka, Jahaj, Xhyheri dhe Kaporaj.

Gjatë procesit është vërtetuar se personat  të cilët pretendonin të njëtin truall, në jale kishin depozituar dokumente të fallasifikuara pronësie.  Ndaj pas shpalljes së vendimit të formës së prerë, ASHK ka regjistruar pronën. Gjithsesj bëhet fjalë për një tokë rreth 1.6 hektarë.

Ngërci është krijuar kur pala tjetër e cila pretendon pronësinë e saj,  në masë mbi 70 % të pronës është ndërtuar edhe një objekt , ndërsa me një vendim të gjykatës së lartë nr 246 dt 23.04.2019  është kërkuar bllokimi provizor i pasurisë tashmë të rregjistruar.  Deri më tani janë larguar tre drejtorë nga të cilët për shkak të presioneve të situatës, janë dorëhequr me motivacionin e arsyeve personale.

Ndërkohë avokati i bashkpronarëve Geron Gunbardhi,shoqëruar edhe nga pronari i ligjshëm Kristo Gjoka  kanë bërë një kallëzim penal në prokurorin e rrethit gjyqësor Vlorë,ndaj personave ,të cilët pretendojne te marrin pronen.

Ndërkohë një padi penale është ngriture dhe ndaj zv/drejtorit të kadastrës Taulant Canameti ,i cili ëhstë deleguar nga Tirana.

Pala akuzuese kërkon zbardhjen e të vërtetës për pronën në Jale.

Gazetar i ABC News: Elton Nika

 

 

SINKRON-BRACE_ABC-M2-T1.mpg_snapshot_00.12-1280x720.jpg
ent ela12:47 | 04/10/2019

Në lidhje me masën arrest me burg për drejtorin e Kadastrës së Durrësit Liridon Pula ka reaguar dhe zëvendëskryeminsitri Erion Braçe. Ai e quajti këtë një shantazh kriminal mbi punonjësin e shtetit shqiptar dhe një masë të pabazuar në ligj. Braçe tha se Pula po akuzohet për çështje që nuk i përkasin.

“Ky është akti final i një historie njëmujore shantazhi kriminal mbi punonjësin e shtetit shqiptar që sot ishte me pranga në sallën e gjyqit, presion kriminal që nuk është bërë për çështjen në fjalë por për pallatet monstruoze që duhet të legalizohen dhe regjistrohen në këtë qytet. Është bërë  jo për atë që pretendon prokurori, por presion kriminal për ca vjedhje të tjera në kohë të ndryshme në zonën e Gjirit të Lalzit dhe duke ardhur në Durrës. Shkelja është e hetuar pas asaj shkelje ka një ngjarje shumë të rëndë dhe e dinë durrsakët çfarë ka ndodhur nga këtu e deri në Sukth ka një shkelje shumë të rëndë për të shkuar jo vetëm te ata banditë që braktisin, por te ata banditë me kollaro që i mbështesin” /abcnews.al

DURRES-KADASTRA-MBULIM_ABC-M2-T1.mpg_snapshot_00.18-1280x720.jpg
ent ela11:11 | 04/10/2019

Gjykata e Durresit la në burg  drejtorin e Agjencisë Shtetërore të Kadastrës në Durrës, Liridon Pula. Ai u arrestua nga antikrimi ekonomik pasi dyshohet se bashke me zyrtarë të tjerë, kanë tjetërsuar pronat, kryesisht në bregdet. Pula ishte emëruar pak muaj më parë në krye të zyrës së Kadastrës së Durrësit.

Zv /kryeministri Erjon Braçe, i pranishëm sot në seancë, tha  se prokurori i çështjes së ish-drejtorit të Kadastrës Shtetërore në Durrës Liridon Pula, mbështet një grup kriminal në Durrës. Braçe nuk e përmendi emrin, por prokurori i çështjes në fjalë, është Arian Ndoja. Ai ishte sot në seancë gjyqësore, ku gjykata e Durrësit vendosi masën e  sigurise “arrest ne burg”për Liridon Pulën. Brace e quajti kete një masë të pabazuar në ligj dhe tha se Pula po akuzohet për çështje që nuk i përkasin.

Pak javë më parë u arrestua n/ drejtori, Arben Isaku, i cili me pas u  la në masën detyrim paraqitje. Pas tij u prangos edhe nendrejtoresha tjetër, Lusiena Kurti, e cila gjithashtu u la në të njëjtën masë. Aktualisht të dy nendrejtorët jane pezulluar, pasi janë në hetim. Ish-drejtori i ALUIZNI-t të qytetit të Durrësit, Flamur Gjuzi, eshte në kërkim nga policia, po për këtë dosje i dyshuar për abuzime me regjistrimin e pronave. Ne bashkëpunim edhe me zyrtarë të tjerë, ata dyshohet se u kanë dhënë disa shtetasve, në kundërshtim me ligjin, dokumentet e pronësisë në zonën e bregdetit, si dhe në zona të tjera të qytetit të Durrësit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono