Juventus

Ramsey-1280x612.jpg
Vladimir Prenga14:40 | 05/12/2019

Juventusi nuk do të ketë një titullar në ndeshjen e së shtunës me Lacion. Nga Italia raportohet se është dëmtuar Aaron Ramsey, uellsiani që është përballur shpesh me probleme.  Mesfushori ka një mbingarkesë të muskujve dhe është i detyruar të pushojë dhe Sarri do t’i bëjë llogaritë pa të.

Ramsey ishte programuar të luante pas dy sulmuesve, me modulin 4-3-1-2. Tashmë pritet që në vend të tij të aktivizohet Berbardeschi. Futbollisti 28-vjeçar ka luajtur në 7 ndeshje të kampionatit deri më tani dhe ka shënuar një gol. Ai u mor vjet nga Arsenali me parametra zero.

Mungesa e tij është e rëndësishme, por Juventusi ka një organikë të zgjeruar me futbollistë dhe ndaj Lazios sërish do të jetë një skuadër kompetivive në fushë. Bardhezinjtë duhet të fitojnë, për të tentuar rikthimin në vendin e parë nëse Interi ngec nesër me Romën. /abcnews.al

 

Mihajlovic-Sarri.png
Igli Nikolli12:07 | 04/12/2019

Fabio Paratici ka zbuluar një detaj rreth së kaluarës. Juventusi ishte shumë pranë arritjes së një akordi me Sinisa Mihajlovic dhe serbi mund të ishte sot trajneri i bardhezinjve.

Drejtori sportiv rrëfen këtë “sekret” në prononcimin për Tuttosport, aty ku tregon edhe pse u vendos të zgjidhej Maurizio Sarri si pasardhës i Max Allegrit.

Mihajlovic ishte afër, shumë afër stolit të Juventusit, edhe pse nuk do e tregoj saktësisht se kur. Sarri? Vendosëm të zgjidhnim Maurizion, sepse në vitet e fundit na kishte surprizuar me punën e bërë të Napoli. E provuam në lëkurën tona sesa i aftë ishte si trajner“, tregon Fabio Paratici. /abcnews.al

Dybala-1.png
Vladimir Prenga10:08 | 04/12/2019

“Do flasim me të kur të jetë momenti”, ishte mesazhi i Fabio Paratici, kur u pyet dy ditë më parë për të ardhmen e Paolo Dybala. Te Juventusi duket se momenti është tani dhe bisedimet për nënshkrimin e një kontrate të re me argjentinasin kanë nisur. Kështu të paktën raportojnë mediat në Itali.

Dybala ka marrë një propozim për të nënshkruar deri në vitin 2024 dhe përfitimet e tij në vit do të shkonin në 9 milionë euro neto. Sigurisht do të ketë edhe bonuse, të varura nga paraqitjet e lojtarit dhe arritjet e Juventusit.

Lajmi raportohet nga Sky Italia dhe Gazzetta dello Sport dhe palët nuk janë larg arritjes së një marrëveshjeje. Dybala pretendon diçka më tepër se sa i ofrohet: 10 milionë euro në sezon. Argjentinasit po bën një sezon të mirë, teksa ka shënuar 7 gola dhe ka asistuar 4 herë në 17 ndeshje. /abcnews.al

Zoff.png
Veronik Istrefaj23:41 | 03/12/2019

Portieri legjendar italian, Dino Zoff, ka folur për garën e titullit kampion të Serisë A, midis ish-klubit të tij Juventus dhe Interit. Në fjalën e tij, Zoff i thuri elozhe Contes, si dhe tha se Interi mund ta fitojë titullin e Serie A këtë sezon.

“Unë e respektoj shumë Conten si njeri dhe tani, edhe si trajner. Interi do të fitojë titullin kampion nëse ata mund të kompletojnë skuadrën e tyre në merkaton e janarit. Konkurrenca midis klubeve është e shëndoshë për futbollin italian”.

Inter aktualisht mban vendin e parë në tabelën e Serie A pas 14 ndeshjeve të luajtura, me 37 pikë. Zikaltërit janë një pikë para rivalëve të Juventusit, me bardhezinjtë që janë skuadra e vetme që nuk ka pësuar humbje në Serinë A këtë sezon./abcnews.al

Mendes-CR7.png
Igli Nikolli13:18 | 03/12/2019

Jorge Mendes ka folur rreth së ardhmes së Cristiano Ronaldos. Problemet e krijuara me Maurizio Sarrin kanë sjellë shqetësim të popullit juventin dhe nuk përjashtohet një largim i sulmuesit nga Juventusi, por agjenti i tij sqaron gjithçka në një prononcim për Sportmediaset.

Fjalët e Mendes qetësojnë tifozët e “Zonjës së Vjetër” dhe agjenti luzitan konfirmon se CR7 do të vazhdojë të jetë pjesë e kampionëve të Italisë, teksa eviton të komentojë raportin trajner-lojtar.

Cristiano Ronaldo do të jetë edhe sezonin e ardhshëm pjesë e Juventusit. Ai është futbollisti më i mirë në botë dhe do të vazhdojë të jetë një lojtar i bardhezinjve. Cristiano ndihet mirë dhe është më i miri në botë, e përsëris që nuk ka më të mirë se ai. Raporti me Sarrin? Cristiano është i lumtur, shumë i lumtur… “, përfundon agjenti i 34-vjeçarit portugez. /abcnews.al

Paratici.png
Klejdi Kaimi10:19 | 03/12/2019

Tifozët e Juventusit duhet të qetësohen, pasi Cristiano Ronaldo nuk e mendon largimin nga Torino. Këtë e ka shprehur drejtori sportiv i Juves, Fabio Paratici, i cili vendos ‘duart në zjarr’ se portugesi do ta vazhdojë karrierën e tij me bardhezinjtë.

“Ronaldo nuk është një problem. Ai donte çmimin e lojtarit më të mirë në Serie A. Për mendimin tonë duhet të ishte ai fituesi i ‘Topit të Artë’. Synimi i tij është që ta fitojë një tjetër ‘Top të Artë’ me fanellën e Juventus. Ne do ta mbështesim në maksimum. Një gjë është e sigurt, Ronaldo do të luajë për Juventusin sezonin tjetër”, deklaron Paratici për ‘Sky Sport Italia’, pas çmimeve të dhëna në ‘Gran Gala’ në Milano.

Drejtori foli edhe për merkaton e janarit, ku ‘Zonja e Vjetër’ nuk do të jetë aktive. “Nuk do të blejmë asnjë lojtarë në janar, madje as nuk do të shesim, me përjashtim të Mandzukic. Për sa i përket Paulo Dybala, ende nuk po e bisedojmë rinovimin e kontratës. Do e bëjmë kur të jetë koha e duhur”, mbylli Fabio Paratici. /abcnews.al

De-Ligt.png
Veronik Istrefaj20:50 | 02/12/2019

Mathiijs De Ligt ka fituar trofeun “Kopa”, që i jepet futbollistit më të mirë U-21. Mbrojtësi holandez bëri një sezon të shkëlqyer me Ajaxin dhe si kapiten, fitoi tre trofe në Holandë dhe arriti deri në gjysmëfinalet e Ligës së Kampionëve.

De Ligt u transferua te Juventusi në verë, për 75 milionë euro, por te “Zonja e Vjetër” nuk ka qenë në lartësinë e duhur. Megjithatë, sezoni i shkuar i ka mjaftuar që De Ligt të marrë çmimin presitigjioz, duke mposhtur shumë emra të njohur, përfshirë këtu dhe Joao Felix./abcnews.al

VAn-Dijk.jpg
Igli Nikolli08:42 | 02/12/2019

Virgil Van Dijk është një nga pikat më të forta të Liverpool. Jurgen Klopp ka fatin të ketë lojtarë plot cilësi në çdo repart, por në mbrojtje holandezi komandon gjithçka. Sonte në mbrëmje mund t’ia dalë të fitojë “Topin e Artë”, edhe pse pritet që të jetë Leo Messi fituesi.

Kontrata e tij me “The Reds” përfundon në vitin 2023, ndërsa çështja e rinovimit ka mbetur pezull. Diçka e tillë pret, nuk është shumë e nevojshme për të zgjatur menjëherë bashkëpunimin, por klubet e tjera janë gati për të përfituar.

El Desmarque raporton se tre klube po monitorojnë situatën e Van Dijk. Juventus, Real Madrid dhe PSG e adhurojnë dhe janë gati të bëjnë çmenduri për shërbimet e tij. Liverpool ka gjithçka nën kontroll dhe vështirë të heqë dorë nga lojtari, por rinovimi duhet të vijë sa më shpejt për t’i qetësuar të gjithë fansat e klubit anglez. /abcnews.al

Juve-1280x854.jpg
Veronik Istrefaj22:20 | 01/12/2019

Mesfushori i Juventusit, Miralem Pjanic, ka qenë një ndër lojtarët më të rëndësishëm te “Zonja” vitet e fundit dhe ka marrë rolin e një lideri.

Edhe nën urdhrat e Sarrit, Pjanic është një lojtar shumë i rëndësishëm, por sot nuk arriti të ndihmojë skuadrën e tij të marrë më shumë se një barazim 2-2 përballë Sassuolos.

Pas ndeshjes, boshnjaku shkroi në Instagramin e tij zyrtar se skuadra nuk do të fshihet pas justifikimeve dhe do të rikthehet te fitoret.

“Nga ne pritet që të fitojmë gjithmonë dhe është e drejtë që të jetë kështu. Është e kotë të fshihemi pas justikimeve. Hapat fals mund të ndodhin, jemi të vetëdijshëm se nuk mund t’i lejojmë vetes shumë të tillë, por nuk e humbim entuziazmin. Nisemi sërish të bëjmë atë që dimë të bëjmë më mirë, të fitojmë”./abcnews.al

Sarri.png
Igli Nikolli15:31 | 01/12/2019

Në futboll pranohet çdo rezultat, por Maurizio Sarrit nuk i ka pëlqyer aspak ndeshja e ekipit të tij përballë Sassuolos. Juventusi ngeci në një barazim 2-2 në shtëpi, në një ndeshje ku bardhezinjtë nuk ishin të qartë dhe kryen gabime. Trajneri ka folur për DAZN pas ndeshjes, aty ku analizon paraqitjen e djemve të tij dhe nuk i kursen kritikat për ta.

Nuk zhvilluam një ndeshje në nivel të mirë, mjafton të shohim mënyrën se si i pësuam të dy golat. Ditëm të reagonim, por na mungoi koka dhe shpirti i duhur. Manovra jonë sulmuese nuk kishte shpejtësi.

Mund të ndikojë fakti që vinim prej dy ndeshjeve ku kemi harxhuar shumë në aspektin e nervozitetit. Duhet të ishim treguar më të kujdesshëm, sidomos në pjesën e parë. Ronaldo po e merr veten në aspektin e rezistencës, por nuk po tregohet brilant“, përfundon trajneri i Juventusit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono