Juventus

pog-3.jpg
Klejdi Kaimi16:15 | 20/01/2020

Sulmuesi i Juventus, Paulo Dybala, rikujton kohën kur Paul Pogba ishte pjesë e bardhezinjve dhe shpreson se një ditë ai do të rikthehet në Torino. Argjentinasi tregon për ‘Otro’ se ai dhe Paul mendonin së bashku mënyra për të festuar golat, gjatë sezonit 2015-16 kur ata luajtën së bashku.

“Unë dhe Paul kemi një miqësi shumë të mirë. Mbaj mend kur ai ishte këtu, mendonim se si do të festonim pas golave. Ne shënonim shumë dhe festimet ndryshonin shpesh. Shpresoj që një ditë ai të rikthehet këtu dhe të festojmë sërish së bashku si dikur”, tregon Dybala.

26-vjeçari ka punuar me trajnerin aktual të Napolit, Gennaro Gattuso, në kohën kur Dybala ishte pjesë e Palermos dhe ai e pranon se ka mësuar shumë nga ish-mesfushori i Milanit. ‘’Në Argjentinë, Rinon e quajnë ‘të çmendur’ për mirë. Kur ai erdhi te Palermo,  më ndihmoi shumë edhe pse nuk zgjati për shumë kohë. Gatusso nuk ishte shumë i dashur gjatë seancave stërvitore, por ai kështu është”, rikujton argjentinasi.

“Juventus? Mendoj se çdo lojtar ëndërron të luajë për një klub si Juventus. Unë kam vite që po e jetoj këtë ëndërr dhe jam mirënjohës që mundem të luaj për këto ngjyra. Një tjetër objektiv që kam, është të fitoj diçka të rëndësishme në aspektin personal me këtë klub,’’ mbyll numri 10 i Juventusit. /abcnews.al

Gattuso dhe Dyabla, gjatë një seance stërvitore tek Palermo
De-Ligt-1.jpg
Igli Nikolli11:34 | 20/01/2020

Matthijs De Ligt po përshtatet me Juventusin, po luan dhe po rritet. 20-vjeçari holandez ka dhënë një prononcim për Sky Sports, aty ku flet për aventurën e re dhe Cristiano Ronaldon. Portugezin po e studion për t’i mësuar sekretet, teksa zbulon edhe pozicionin e preferuar në fushën e blertë.

Jam i kënaqur me muajt e parë te Juventusi. Besoj se jam rritur shumë që prej momentit që erdha këtu. Dua të luaj dhe të përmirësohem edhe më shumë. Jam i lumtur që fituam me Parmën.

CR7? Është fantastike të luash me të. Përgatitet gjithmonë mirë për t’u gjendur në vendin e duhur. Cristiano është më i forti në botë dhe tentoj t’i rrëmbej ndonjë sekret për t’u përmirësuar.

Pozicioni i preferuar? Ndihem më mirë si qendërmbrojtës i djathtë, është roli im natyral. Gjithsesi, mund ta bëj pa problem edhe qendërmbrojtësin e majtë“, deklaron Matthijs De Ligt. /abcnews.al

Sarri.gif
Igli Nikolli09:18 | 20/01/2020

Juventus nuk e pati të thjeshtë për të fituar kundër Parmës. Ekipi i Sarrit fitoi 2-1 dhe kryeson Serie A me 51 pikë, ndjekur nga Interi me 47 dhe Lazio me 45 (ekipi i Inzaghit ka luajtur një ndeshje më pak).

Trajneri i “Zonjës së Vjetër” analizon fitoren dhe shpreson që Lazio të frenohet. Rabiot dhe Ramsey u aktivizuan si titullarë kundër Parmës dhe Sarri vlerëson rritjen e tyre. Në fund qarkullimi i topit dhe CR7. Trajneri tregon se çfarë nuk i pëlqen, teksa nuk e kursen batutën në lidhje me yllin e ekipit.

NDESHJA – “Kemi gabuar vetëm në Superkupës, ndërkohë që kishim luajtur mirë në ndeshjet para finales. Nuk e di motivin e vërtetë, gabuam vetëm ndaj Lazios, një rival shumë i fortë. Kundër Parmës luajtëm mirë. Duhet ta kishim mbyllur ndeshjen, do të evitonim vuajtjet në minutat e fundit ndaj një ekipi që po vjen në rritje. Edhe ne po rritemi”.

RABIOT-RAMSEY – “I vetmi problem është fakti që po luan në të djathtë, por ai po përmirësohet. Adrien ka shumë cilësi dhe mund të luajë qetësisht në mesfushën me romb, njësoj si Ramsey, i cili bënte edhe sulmuesin e dytë tek Arsenali. Të dy janë lojtarë të mirë dhe po rriten”.

RIVALËT – “Lazio apo Inter? Shumë gjëra i kam frikë, por nuk kanë lidhje me futbollin. Mund të them që janë sy skuadra fantastike, njëra prej të cilave ndodhet në një moment të mahnitshëm. Shpresoj t’i zgjasë sa më pak”.

KËRKESA – “Duhet të rritemi në menaxhimin e ndeshjeve dhe intensitet. Shpeshherë mbajmë topin dhe bëjmë pasime në gjysmëfushën tonë, nuk më pëlqen kjo gjë. Do të preferoj të ndëshkoheshim me kundërsulm, mjafton të qarkullojmë topin përpara. CR7? Është një fenomen. Mund të të krijojë ndonjë problem të vogël, por të zgjidh 100 probleme të tjera”. /abcnews.al

Ronaldo-Juve.jpg
Igli Nikolli08:04 | 20/01/2020

Ndeshjet në Serie A po fillojnë e vështirësohen dhe Juventusi vuajti për të siguruar fitoren shtëpiake kundër Parmës. Dygolëshi i CR7 i dhuroi bardhezinjve suksesin 2-1 dhe diferenca me Interin ka shkuar në katër pikë.

Ylli portugez e ka nisur në formë vitin 2020, u ngjit në kuotën e 16 golave në kampionat dhe në shtatë ndeshjet e fundit ka shënuar 11 gola. CR7 e pranon forcën e Parmës dhe ndihet i lumtur që ekipi i tij ia doli të merrte tre pikët e radhës.

Kishte rëndësi të fitonim me Parmën. Lazio e fitoi ndeshjen e vet, ndërsa Interi barazoi dhe nuk mund të mos e shfrytëzonim mundësinë për t’u shkëputur pak. Ndeshja ishte e komplikuar, sepse Parma ka një ekip shumë të mirë dhe na vuri në vështirësi.

Golat? Jam i lumtur që ndihmova skuadrën me dy golat e mi, por rëndësi kishte marrja e tre pikëve. Ata na rrezikuan në pjesën e dytë dhe në minutat e fundit u nervozuam. Parma po sulmonte me lojtarë të fortë, por ia dolëm të siguronim një rezultat të rëndësishëm“, deklaroi CR7. /abcnews.al

Ronaldo-duke-festuar.jpg
Veronik Istrefaj22:42 | 19/01/2020

Juventusi ka triumfuar me rezultatin 2-1 kundër Parmës dhe të dy golat, janë shënuar nga ylli portugez, Cristiano Ronaldo. 34 vjeçari shënoi golin e parë të sfidës në minutën e 43-të, duke shtangur miqtë. Pasi driblon dy futbollistë, Ronaldo gjuan fort me të djathtën dhe topi shkon në rrjetë, pas një devijimi nga Darmian.

Në pjesën e dytë, Cornelius arriti të barazojë për Parmën, me një goditje shumë të bukur me kokë (53′). Megjithatë, Cristiano Ronaldo theu sërish mbrojtjen mike dy minuta më vonë, për të rikthyer Juventusin në avantazh.

Pasi merr një pasim nga Dybala brenda zonës, ylli portugez gjuan fort me të djathtën, duke mos i dhënë asnjë mundësi portierit kundërshtar. Juventusi me këtë fitore ngjitet në kuotën e 51 pikëve në vend të parë, tashmë plot 4 pikë më shumë se Interi ndjekës./abcnews.al

Serie A, java 20

Juventus – Parma  2-1
Ronaldo 43′ 55′ / Cornelius 53′

 

Ronaldo-Juventus-1.jpg
Veronik Istrefaj22:10 | 19/01/2020

Parma ka arritur të barazojë shifrat në takimin kundër Juventusit. Cristiano Ronaldo i dha avantazhin “Zonjës së Vjetër” në fundin e pjesës së parë, ndërsa në fillimin e së dytës, Cornelius ka barazuar gjithçka.

Në minutën e 53-të, bomberi i Parmës kërcen më lart se të gjithë dhe shënon një gol shumë të bukur me kokë. Megjithatë, festa e Parmës nuk do të zgjaste shumë, pasi 2 minuta më vonë, Cristiano Ronaldo do të shënonte sërish./.abcnews.al

Serie A, java 20

Juventus – Parma  2-1
Ronaldo 43′ 55′ / Cornelius 53′

Ronaldo-v-Parma.jpg
Veronik Istrefaj21:36 | 19/01/2020

Ylli portugez, Cristiano Ronaldo, po kalon një formë të shkëlqyer. Edhe në takimin e sotëm kundër Parmës, CR7 arriti të gjejë golin. Juventusit i duhej të priste plot 43 minuta që të çante mbrojtjen e Parmës dhe kush tjetër veç Cristiano Ronaldos.

Ylli portugez merr një top nga Matuidi në krahun e majtë dhe pasi driblon dy futbollistë brenda zonës, gjuan fort me të djathtën. Goditja e tij devijohet nga një mbrojtës dhe shkon në rrjetë. Ky është goli i 15-të i Ronaldos në Serie A, që ngjitet i dyti./abcnews.al

Serie A, java 20

Juventus – Parma  1-0
Ronaldo 43′

Ancelotti.jpg
Igli Nikolli12:23 | 19/01/2020

Emre Can kërkon minuta, por Juventusi nuk ia premton dot. Konkurrenca te bardhezinjtë është e madhe dhe Sarri nuk e sheh mesfushorin si titullar. 26-vjeçari nuk dëshiron të rrezikojë grumbullimin me Gjermaninë në Euro 2020 dhe është gati të nisë një aventurë të re.

Klube të ndryshme po e monitorojnë situatën e tij, teksa Everton ka hedhur hapin e parë. Anglezja Mirror raporton se Carlo Ancelotti po tenton ta rikthejë lojtarin në Premier League, aty ku luajti për katër sezone me Liverpool.

Everton ka gati 35 milion euro për kartonin e tij, një shumë që plotëson kërkesat e kampionëve të Italisë. Së shpejti pritet të vijë akordi mes palëve dhe gjermani mund të rikthehet sërish në Liverpool, por tashmë në pjesën blu të qytetit të njohur. /abcnews.al

 

Emre Can
Sarri-1280x853.jpg
Vladimir Prenga14:37 | 18/01/2020

Maurizio Sarri, trajneri i Juventusit, para ndeshjes me Parmën ka dalë në konferencë për shtyp dhe i është përgjigjur gazetarëve. Ai ka analizuar kundërshtarin e radhës, ka folu për modulin e lojës me tre sulmues, si dhe për rivalitetin me Interin, që Sarri thekson se nuk e ka frikë dhe se kjo fjalë nuk është e duhura të përdoret në futboll.

KUNDËRSHTARI – “Parma është një ekip i mirë, me lojtarë të përgatitur fizikisht dhe me sulmues të fortë. Pozicioni i tyre në tabelë është befasi jo krejtësisht. Nuk duhet harruar se janë shumë të rrezikshëm në kundërsulm dhe rezultatet më të mira i kanë marrë në ndeshjet jashtë. Duhet të mos ua lejojmë ato situata që ata presin gjatë ndeshjes”, shprehet Sarri.

SKEMA ME TRE SULMUES – Nëse do të luajnë se bashku Cristiano Ronalo, Higuain dhe Dybala, trajneri italian shton: “Do të shohim si do të shkojnë të gjithë dhe pastaj do të vendosim. Nuk është për shkak se jemi në Serie A, shumë herë nuk do ta përdorja edhe në Premier League atë sistem. Varet nga ekuilibri i ekipit dhe nga lloji i ndeshjes që doni të bëni në një ndeshje të caktuar.

Vetëm Higuain ka një pozicion fiks, kurse dy të tjerët janë instiktivë dhe sjellin shumë kualitet në çdo pozicion që marrin. Dybala është paraqitur mirë, sikurse të gjithë të tjerët. Të jem i qartë, kur Ronaldo dhe Dybala janë të dy në lojë njëkohësisht, duhet të marrim masa për sektorët e tjerë në fushë”.

FRIKË PREJ INTERIT – Sarri është pyetur nëse i trembet Interit, që së fundmi afroi Ashley Young dhe po tenton të marrë edhe Giroud dhe Eriksen. “Frika është fjalë e madhe. Është thjesht sport. Unë nuk ndjek se çfarë ne po bëjmë në merkato, e jo më se çfarë bën Interi.

Jemi të vetëdijshëm që mund të jemi zot të udhëtimit tonë dhe kjo është ajo çfarë ka rëndësi. Gjëja më e keqe në futboll është të përpiqesh të bësh llogari ku mund të marrësh pikë ose ku mund të lësh. T’i marrim ndeshjet një e nga një”, u shpreh trajneri i Juventusit para mediave. /abcnews.al

Ancelotti.jpg
Klejdi Kaimi10:31 | 18/01/2020

Mesfushori i Juventus, Emre Can, nuk do të jetë më pjesë e bardhezinjve pas merkatos së janarit. Turko-gjermani po kalon një periudhë të vështirë në Torino, pasi Maurizio Sarri nuk e ka në planet e tij. Madje ai u la dhe jashtë listës së Championsit në fillim të sezonit.

Sipas ‘La Gazzetta dello Sport’, trjaneri i Everton, Carlo Ancelotti, është i interesuar për shërbimet e Can. Me shumë mundësi në ditët në vijim do të vijë dhe oferta zyrtare në drejtim të mesfushorit, për të projektuar kështu rikthimin e tij në Premier League. Për Emren u fol dje në mediat italiane dhe për një interesim nga ana e Milan, por ende nuk ka asgjë konkrete.

Trajneri italian u përpoq ta transferonte 26-vjeçarin tek Napoli në merkaton e verës, por nuk ia arriti dot. Kontrata e lojtarit të kombëtares gjermane me Juven përfundon në qershor të vitit 2022, por dhe ai vetë ka kërkua largimin pasi kërkon të luajë më shumë minuta. Kjo për shkak se ai kërkon të jetë pjesë e Euro 2020 dhe nëse vazhdon të qëndrojë në Torino vendi i tij mund të jetë në rrezik. /abcnews.al

Emre Can


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono