Juventus

Ronaldo-1.png
Vladimir Prenga23:14 | 22/11/2019

Cristiano Ronaldo mund të largohet nga Juventusi. Portugezi kohët e fundit ka pasur pakënaqësi, ndërkohë që nga Spanja një ditë më parë raportohej se nëse bardhezinjtë nuk fitojnë Champions League, atëherë sulmuesi mund të shitet. Nisur zërat e ditëve të fundit, që flasin edhe për një raport jo të mirë me trajnerin Mauricio Sarri, së fundmi po qarkullojnë të tjera thashetheme.

“Don Balon” vijon me lajmet e bujshme, teksa raporton se për Cristiano Ronaldon interesohet PSG. Francezët po bëjnë gati një ofertë dhe thuhet se do të japin për kartonin 35-vjeçarit shumën e 100 milionë eurove. Kjo shifër normalisht që do ta kënaqte klubin italian.

Nga ana tjetër ata kanë menduar të bindin edhe sulmuesin portugez, teksa i ofrojnë shumë e 45 milionë eurove. Ronaldo do të ishte lojtari më i paguar në planet dhe normalisht kjo e stimulon atë. Mbetet për t’u parë nëse kjo lëvizje do të konkretizohet, pasi në këtë periudhë zërat e merkatos janë të shpeshtë dhe përgjithësisht më së shumti bëhet zhurmë. /abcnews.al

Juventus-1.png
Igli Nikolli19:58 | 22/11/2019

Mauricio Sarri dhe tifozët e Juventusit mund të qëndrojnë të qetë. Giorgio Chiellini ka lënë pas krahëve dëmtimin e pësuar në javën e parë kundër Parmës.

Kapiteni mbetet shpirti dhe “luftëtari” numër një i skuadrës, rikuperimi i tij ka shkuar mbarë dhe rikthimi në fushat e blerta është afër. 35-vjeçari ka dhënë lajmin e mirë me anë të një postimi në rrjetet sociale.

Më në fund rikthimi në fushë“, shkruan mbrojtësi i bardhezinjve, teksa poston edhe një video ku dallohet duke vrapuar dhe kryer disa ushtrime aerobike. Kontakti me topin nuk ka ndodhur akoma, por gjithçka është në rrugën e duhur dhe rikthimi i tij i forcon akoma edhe më shumë kampionët e Italisë. /abcnews.al

Sarri-1280x853.jpg
Veronik Istrefaj10:55 | 22/11/2019

Mauricio Sarri ka qenë i pranishëm në konferencë për shtyp para sfidës së fundjavës kundër Atalantës. Trajneri i Juventusit foli për kundërshtarin, duke iu thurur elozhe. Gjithashtu, strategu italian u ndal edhe te “krisja” e tij me Cristiano Ronaldon.

SQARIMI ME RONALDON – “Nuk ka pasur nevojë për sqarim. Unë kam stërvitur lojtarë që në vitet ’90 dhe kam parë shpeshherë reagimë të tilla. Nuk ka asnjë problem. Problemi është se Ronaldo ka një dëmtim dhe ka kryer stërvitje të veçantë. Nesër, me 99% nuk luan”.

ATALANTA – “Është një skuadër me një nivel të lartë agresiviteti, me kualitet shumë të mira teknike dhe janë ndër ekipet me të forta në Serie A. Një skuadër e fortë, e vështirë për t’u thyer, por ne i kemi mundësitë. Është e rëndësishme që të marrim tre pikët, por nuk do të jetë aspak e lehtë”, tha mes të tjerash Sarri./abcnews.al

Juventus-2.png
Igli Nikolli20:14 | 21/11/2019

Tani është gjithçka zyrtare dhe dashuria mes Juventusit dhe Juan Cuadrados vazhdon. Akordi ishte përmendur prej ditësh, ndërsa ka ardhur edhe zyrtarizimi i kampionëve të Italisë.

Lojtari kolumbian ka nënshkruar rinovimin e kontratës me bardhezinjtë. Aktualja i përfundonte në fund të këtij sezoni, teksa e reja zgjat deri në verën e vitit 2022.

Cuadrado është pjesë e “Zonjës së Vjetër” prej vitit 2015. 31-vjeçari ofensiv po aktivizohet në rolin e mbrojtësit të djathtë nga trajneri Sarri dhe i ka bindur të gjithë me paraqitjet e tij për të vazhduar sërish si juventin. /abcnews.al

De-Ligt-2.png
Igli Nikolli17:51 | 21/11/2019

Barcelona dhe Juventus rivalizuan gjatë në merkaton e verës për shërbimet e Matthijs De Ligt. Mbrojtësi holandez zgjodhi bardhezinjtë italianë në fund, por aventura e tij në Serie A nuk ka nisur mbarë.

Disa performanca nën nivelin që pritej, ndonjë gabim dhe shumë kritika. Potenciali i 20-vjeçarit nuk vihet në dyshim dhe përshtatja me ekipin e ri kërkon kohën e duhur. Patrick Kluivert, shefi i i sektorit të të rinjve të Barcelonës, u shpreh disa ditë më parë se De Ligt është penduar që zgjodhi Juventusin.

Vetë lojtari ka reaguar në lidhje me fjalët e patriotit të tij në një prononcim për Voetbal Primeur. Qendërmbrojtësi i jep fund dilemave dhe është totalisht i përqendruar për të bërë mirë me “Zonjën e Vjetër”.

Nuk pendohem që zgjodha Juventusin. Shumë gjëra thuhen dhe shkruhen në lidhje me zgjedhjen time. Nëse flet një person si Kluivert, mund të duket sikur është e vërtetë, por janë vetëm hamendësime të tij“, thekson mbrojtësi i kampionëve të Italisë. /abcnews.al

Juventus-2.png
Klejdi Kaimi12:27 | 21/11/2019

Rinovimi i mesfushorit Juan Cuadrado me Juventusin është vetëm çështje kohe. Mediat italiane raportojnë se kontrata do të firmoset deri në vitin 2022 dhe kolumbiani do të fitojë 4 milionë € në sezon.

Agjenti i lojtarit ka shkuar sot në zyrat e klubit torinez për të mbyllur marrëveshjen. ‘Zonja e Vjetër’ është e kënaqur me paraqitjet e Cuadrados që nga mbërritja e tij në vitin 2015 dhe kërkon ta mbajë dhe për 2 vite të tjera në ‘Allianz Stadium’, mesfushorin me tipare sulmuese.

Gjithashtu në kampin juventin po punohet për rinovimin e 2 kontratave të tjera. Bëhet fjalë për portierin Wojciech Szczesny si dhe mbrojtësin Leonardo Bonnuci. Të dy lojtarët pritet të firmosin shumë shpejt kontratat e reja. /abcnews.al

Marchisio.jpg
Veronik Istrefaj22:51 | 20/11/2019

Ish-mesfushori i Juventusit, Claudio Marchisio, ishte prezent gjatë një grabitje që ndodhi në shtëpinë e tij disa javë më parë. 33-vjeçari u grabit nga disa burra të armatosur.

Mesfushori u tërhoq nga futbolli i luajtur këtë verë pas një aventure një vjeçare me klubin rus, Zenit. Marchisio luajti për shumicën e karrierës së tij me ekipin e Juventusit, ku fitoi trofe të shumtë dhe zemrat e të gjithë tifozëve.

Në një intervistë, ai ka folur për grabitjen dhe ndikimin që ka pasur tek ai, si dhe gruan e tij. Për më tepër, ai deklaroi se ishte i lumtur që fëmijët e tij nuk ishin në shtëpi në kohën e incidentit.

“Ata më bënë shumë pyetje, nëse kisha frikë apo gjëra të tilla. Unë nuk mund të përshkruaja frikën që kisha, e vetmja gjë për të cilën unë mendova ishin fëmijët e mi dhe isha shumë i lumtur që ata nuk ishin në shtëpi.

Ishte e vështirë për mua dhe gruan time. Kur jeni në atë moment, ju kaloni orë të tëra duke menduar për çdo skenar të mundshëm, çfarë ndodhi, si ndodhi, është e vërtetë apo fantazi? Policia ende po heton për këtë çështje, por për mua personalisht, jam i lumtur që gjithçka është lënë pas pa dëmtime”, përfundoi mesfushori./abcnews.al

Ronaldo.jpeg
Veronik Istrefaj22:00 | 20/11/2019

Pas seancës së sotme stërvitore te skuadra e Juventusit, disa lojtarë janë duke luftuar me kohën që të rikthehen në 100% e tyre para sfidës së fundjavës, përballë Atalantas në transfertë.

Shumica e futbollistëve të “Zonjës” janë në formë optimale për këtë sfidë, por ka pasur edhe disa stërvitje individuale. Pjanic, i cili u largua më herët nga grumbullimi me Bosnjën, u stërvit veçmas grupit. Rabiot nuk u stërvit fare, pasi vazhdon të ketë probleme në këmbën e tij të majtë.

Ndërkohë, Ronaldo bëri disa seanca individuale pas rikthimit nga grumbullimi me Portugalinë. Alex Sandro vazhdon të kryejë stërvitje me dyer të mbyllura në ambientet e “J Medical” dhe me shumë gjasa, nuk do të jetë i gatshëm në fundjavë./abcnews.al

cr7.jpg
Klejdi Kaimi14:54 | 20/11/2019

Ylli i Juventusit, Cristiano Ronaldo dhe e dashura e tij, Georgina Rodriguez, janë zyrtarisht burrë dhe grua. Siç raporton ‘Novelle 2000’, çifti është martuar në Marok në një ceremoni sekrete.

Ceremonia ka ndodhur në fund të këtij gushti dhe gjithçka është mbajtur e fshehtë. Portugezi para martesës ka kërkuar një ndryshim në testament, duke mbledhur të gjithë avokatët e tij.

Në 29 gusht, CR7 ka përditësuar testamentin e tij duke e futur dhe gruan e tij aty. Deri në atë kohë testamenti i tij menaxhohej plotësisht nga nëna e tij, por 34-vjeçari vendosi të vendoste dhe emrin e Georginës në të. /abcnews.al

Juventus-2.png
Igli Nikolli14:38 | 20/11/2019

Pasi rinovoi me Leonardo Bonuccin deri në vitin 2024, Juventusi është pranë zyrtarizimit të një tjetër rinovimi. Drejtuesit e “Zonjës së Vjetër” kanë punuar shumë gjatë këtyre ditëve dhe kanë arritur akordin me Juan Cuadradon.

Kontrata e kolumbianit përfundon në fund të këtij sezoni, por bashkëpunimi do të vijojë. Sportmediaset raporton se lojtari latin do të firmosë rinovimin deri në verën e vitit 2022, me opsionin edhe për një vit tjetër, pra deri në 2023.

31-vjeçari po kalon një formë të mirë. Sarri e ka vendosur në rolin e mbrojtësit të djathtë si pasojë e mungesave dhe Cuadrado i ka bindur të gjithë në kampin bardhezi për t’i ofruar kontratën e re. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono