jurgen kurti

klodian-bane.jpg
ad min15:05 | 01/04/2019

Shpallet në kërkim ndërkombëtar Klodjan Bane, autori i dyshuar i atentatit ndaj 26-vjeçarit Jurgen Kurti në kryeqytet. Grupi hetimor po negocion edhe me familjarët, për të mundësuar dorëzimin e 38-vjeçarit.

Klodjan Bane, autor i dyshuar për ekzekutimin e Jurgen Kurtit mbrëmjen e 18 Marsit në Tiranë, është shpallur në kërkim ndërkombëtar nga Policia e Shtetit. Për prangosjen e 38 vjeçarit me orgjinë nga Patosi, uniformat blu kanë kërkuar bashkëpunim edhe të homologëve të tyre të pikave të kalimit kufitar.

Nga sistemi TIMS, autori i dyshuar i krimit, Klodjan Bane nuk rezulton të ketë kaluar kufirin. Por nuk përjashtohet mundësia që 38-vjeçari të jetë larguar nëpërmjet kufirit të gjelbër nëpërmjet një identiteti të rremë.

Gjithashtu, ABC News ka mësuar nga grupi hetimor se po negociohet me familjarët e Klodjan Banes për të bërë të mundur dorëzimin e tij vullnetar. Emri i Klodjan Banes u zbulua për herë të parë gjatë dhënies së dëshmisë në polici, nga Olsi Qalliaj, në pronësi të të cilit ishte automjeti tip “Benz”, që u përdor nga autorët e dyshuar të vrasjes së 26-vjeçarit Jurgen Kurti.

I pari që ra në gjurmë e grupit hetimor ishte Elsi Levendi. 21-vjeçari ruante lëvizjet e viktimës Jurgen Kurti, duke njoftuar edhe anëtarët e tjerë të grupit. Sipas provave të siguruara nga grupi hetimor, Leventi, Qalliaj dhe Berberi dyshohet ta kenë ndihmuar Klodjan Banen me makinë, me gjetjen e armës dhe me gjurmimin e Jurgen Kurtit prej dy javësh. Për tre të arrestuarit, gjykata ka caktuar masën e sigurisë “arrest në burg”, ndërsa për Banen u vendos në “arrest në burg në mungesë”./abcnews.al

KRONIKE-FOTOJA-E-KLODIAN-BANES-ABC-M4-T2.mpg_snapshot_00.01-1280x720.jpg
ent ela18:59 | 29/03/2019

Ky që po shihni në foto është Klodjan Bane, personi i cili dyshohet se ka ekzekutuar me armë zjarri Jurgen Kurtin, mbrëmjen e 18 marsit në Tiranë. Fotoja e 38-vjeçarit nga Patosi është e shpërndarë në të gjitha pikat e kalimit kufitar, për të bërë të mundur ndalimin e tij, nëse Klodian Bane do të përpiqet që të kalojë kufirin.

Duke iu referuar të dhënave të sistemit TIMS rezulton se 38-vjeçari Bane nuk ka dalë jashtë vendit, të paktën jo në mënyrë të ligjshme, pasi nuk përjashtohet mundësia që ai të jetë larguar nga Shqipëria me identitet të rremë.

Emri i Klodian Banes u zbulua për herë të parë gjatë dhënies së dëshmisë në polici, nga njëri prej të arrestuarve, Olsi Qalliaj. Ndërsa në pronësi të tij doli automjeti tip Benz, i cili është përdorur nga të dyshuarit e vrasjes së 26-vjeçarit Jurgen Kurti. Çdo lëvizje e Olsi Qalliajt, Elsi Leventin dhe Alesio Berberit është fiksuar nga kamerat e sigurisë, ndërsa janë zbardhur edhe mesazhet telefonike ku një person i kërkonte Leventit të ruante Kurtin.

Gjykata e Penale e Tiranës la këtë të enjte në burg tre të dyshuarit, por asnjë prej tyre nuk ka pranuar përfshirjen në ekzekutimin e Jurgen Kurtit, biznesmen, dhe menaxher i VIP-ave.

Në baze të hetimeve të deritanishme, dyshohet se ata kanë ndihmuar ekzekutorin në realizimin e krimit. Sipas provave, Leventi, Qalliaj djhe Berberi dyshohet ta kenë ndihmuar Klodian Banen me makinë, me gjetjen e armës, dhe me ndjekjen e Jurgen Kurtit prej dy javësh.

Klodian Bane dyshohet të jetë personi që e qëlloi për vdekje 26-vjeçarin Jurgen Kurti poshtë pallatit të tij në rrugën “Zef Jubani” në zonën e ish-bllokut teksa po shkonte në banesën ku jetonte me nënën e tij. /abcnews.al

kurti-1280x787.jpg
ent ela22:03 | 28/03/2019

Grupi hetimor zbardh dinamikën e vrasjes së Jurgen Kurtit 10 ditë më parë në kryeqytet. Kamerat e sigurisë kanë fiksuar të gjitha lëvizjet e autorëve të dyshuar, si dhe mesazhet telefonike, ku Elsi Levendit i kërkohet të mbikëqyrë menaxherin 26-vjeçar të VIP-ave.

 Zbulohen detaje të reja lidhur me ekzekutimin e 26-vjeçarit Jurgen Kurti, mbrëmjen e 18 marsit në Tiranë. Sipas burimeve pranë grupit hetimor, kamerat e sigurisë kanë fiksuar çdo lëvizje që kanë kryer autorët e dyshuar të vrasjes, duke filluar nga ora 20.00. Automjeti tip benz, me targa të vjedhura e që më pas rezultoi në pronësi të të riut Klodian Bane, është pikasur rreth 2 orë para se të ndodhte ngjarja, teksa hynte kundravajtje pikërisht në vendin ku më pas do të ekzekutohej Kurti. Pasi bën tri xhiro, Benzi del tek posta nr.8 dhe më pas kalon në rrugën Sulejman Delvina.

Burime nga grupi hetimor i thanë ABC neës se referuar pamjeve të këqyrura nga kamerat e sigurisë, automjeti shkon tek vendi i ngjarjes dhe ndalon për rreth një orë. Drejtuesi del disa herë dhe shfaqet teksa fotogron shkallën e pallatit të Jurgen Kurtit. I dyshuari Elsi Levendi ndërkohë dallohet që vjen nga posta dhe ulet tek kafja ngjitur me hyrjen e një palestre. “Para se të ndodhte vrasja –  pohon grupi hetimor- Levendi kishte marrë një mesazh ku ishte porositur që të mbante nën vëzhgim Jurgen Kurtin. Ai kishte fotografuar shkallën e pallatit ku jetonte Kurti, por i kishte pohuar personit që i dërgonte mesazhin se nuk e njihte 26-vjeçarin.

Më pas Levendit i vjen një informacion që e përshkruan shënjestrën e atentatit, si një djalë të gjatë e të bëshëm. Të njëjtat burime saktësojnë se kamera kanë fiksuar një person që del nga Benzi, merr diçka në dorë dhe bën veprime të njëjta me ato të qitjes më arme. Më pas, Benzi largohet drejt Kopshtit Zoologjik. I dyshuari Levendi merr taksi shkon te Liqeni i thatë e më pas hipën në Benz.

Pranë tij mbërrin dhe një automjet tip Audi, në pronësi të Olsi Qalliajt, që shfaqej edhe pranë vendit të ngjarjes. Pasi bëhen bashkë, njëri prej të dyshuarve merr një qese në dorë dhe shkon drejt liqenit të thatë, ndërsa dy të tjerët hyjnë mes pallateve.

Që të tre, dalin 25 minuta më vonë. Të nesërmen vijojnë me lëvizje normale. Që të gjitha këto veprime janë fiksuar nga kamerat e sigurisë, përmes së cilave u indetifikua mjeti tip Benz në pronësi të Klodian Banes, tashmë në kërkim dhe të gjitha lëvizjet e autorëve të dyshuar./abcnews.al

jurgeni-vendngjarje-.jpg
ent ela15:21 | 28/03/2019

Gjykata e Tiranës ka vendosur të lërë në burg tre të arrestuarit për vrasjen e Jurgen Kurtit. Elsi Levendi, Olsi Qalliaj dhe Alesio Berberiu akuzohen për vrasje të kryer në bashkëpunim. Policia ka shpallur në kërkim Klodjan Banen.

Gjykata e Tiranës ka caktuar masën e sigurisë arrest me burg për tre personat e arrestuar për vrasjen e Jurgen Kurtit. Elsi Levendi, Olsi Qalliaj dhe Alesio Berberi dyshohet se sëbashku më Klodjan Banen, kanë planifikuar dhe  ekzekutuar 26 vjeçarin Kurti. Klodjan Banen është shpallur në kërkim nga policia. Për të ruajtur sekretin hetimor, gjyqtari Gerd Hoxha ka zhvilluar seancën me dyer të mbyllura.

Tre të rinjtë akuzohen për vrasje të kryer në bashkëpunim, ndërkohë që hetimet për zbardhjen e plotë të ngjarjes vazhdojnë. Gjatë zhvillimit të seancës, të rinjtë nuk kanë dhënë asnjë sqarim për ngjarjen dhe kanë mohuar akuzat. Sipas burimeve në relatimin e organit të akuzës thuhej se ata e kanë ndjekur prej ditësh menaxherin e VIP-ave.

Automjeti tip “Benz”, me të cilin kanë lëvizur personat e dyshuar kishte targa false natën e ngjarjes. Këto detaje janë të fiksuara nga kamerat e sigurisë se zonës përreth. Të rinjtë ranë në rrjetën e prokurorisë me anë të përgjimeve telefonike. Ku po flisnin për një punë që kishin përfunduar dhe se kur do i merrnin paratë.

Gjatë kontrollit fizik dhe në banesat e të arrestuarve, policia ka sekuestruar automjetin tip “Benz” që u ka shërbyer autorëve për tu larguar nga vendi i ngjarjes, një armë zjarri “Pistoletë TT”, fishekë luftarak, një sasi e vogël lënde narkotike, 2470 Euro dhe lekë shqiptare si dhe dy makina luksoze./abcnews.al

MBULIM-DETAJET-PER-VRASJE-E-JURGEN-KURTIT.mpg_snapshot_00.02-1280x720.jpg
ent ela14:00 | 27/03/2019

Zbulohet emri i personit që vijon të jetë në kërkim nga policia si i dyshuar në ekzekutimin e tipit mafioz të Jurgen Kurtit, ngjarje kjo e ndodhur mbrëmjen e 18 marsit në Tiranë. Ai është Klodjan Bane, 38-vjeç nga Patosi dhe nuk ka njohje personale me viktimën, por dyshohet se janë paguar për të kryer vrasjen 26-vjeçarit.

Zbardhet identiteti i personit të shpallur në kërkim si një nga autorët e dyshuar të vrasjes së Jurgen Kurtit. Pas arrestimit të tre të rinjve si bashkëpunëtorë në krim, unifromat blu kanë mësuar se, në ekzekutimin e tipit mafioz të 26-vjeçarit Kurti në automjet ishte edhe Klodjan Bane.

38-vjeçari është banues në Patos dhe vijon të jetë kërkim për më shumë se një javë nga policia e Tiranës. Të martën u arrestuan Elsi Levendi, 21 vjeç, Alesio Berberi, 33 vjeç dhe Olsi Qalliu, 22 vjeç.

Emri i Klodjan Banes doli nga përgjimi i të rinjve, të cilët u takuan pas krimit me njëri-tjetrin në zonën e “Kumunës së Parisit”, teksa i arrestuari Berberi ka një banesë tek “Liqeni i Thatë” në Tiranë. Kështu i pari që ra në gjurmët e grupit hetimor ishte Elsi Levendi. 21-vjeçari ruante lëvizjet e viktimës Jurgen Kurti, duke njoftuar edhe anëtarët e tjerë të grupit. Kjo gjë sipas uniformave blu ishte fiksuar nga kamerat e sigurisë në rrugën “Zef Jubani”. Pas ndjekjes së Levendit u zbuluan edhe pjesëtarët e tjerë të grupit kriminal të dyshuar si ekzekutorë me pagesë. Automjeti tip Mercedes Benz E Class, ishte fiksuar gjithashtu nga kamerat e sigurisë që ndodhen pranë banesës së Jurgen Kurtit, ndërsa targat ishin të falsifikuara. Pas kontrolleve në banesën e Alesio Berberit, u gjetën mjetet luksoze dhe një pistoletë model TT. Gjithashtu janë dërguar edhe për ekspertim 5 telefonat e koduar të autorëve të dyshuar të krimit, ku deri më tani nuk është bërë e mundur zhbllokimi i tyre nga specialistët e “IT” të Prokurorisë së Tiranës. Asnjë nga të ndaluarit si, Levendi, Berberi dhe Qalliu nuk kanë marrë përsipër autorësinë e krimit. Prokurori i çështjes, Zeqir Hoda pritet të kërkojë arrest me burg për të rinjtë, të cilët akuzohen për vrasje me paramendim e kryer në bashkëpunim dhe armëmbajtje pa leje.

/abcnews.al

Vrasesit-e-jurgen-kurtit-1280x707.jpg
ent ela11:27 | 26/03/2019

Tre të rinjtë e arrestuar nga policia e Tiranës, të akuzuar për vrasjen e 26-vjeçarit Jurgen Kurtit, mbrëmjen e 18 marsit, dyshohet se janë vrasës me pagesë.

Nga hetimet e kryera, dyshohet se ata e kanë kryer krimin për llogari të një personi tjetër, përkundër pagesës.

Policia e Tiranës ka zbardhur ekzekutimin e tipit mafioz të Jurgen Kurtit, duke prangosur 3 persona dhe shpallur në kërkim një tjetër.

Ngjarja e rëndë ndodhi mbrëmjen e 18 marsit, ndërsa u arrestuan, Elsi Levendi, 21 vjeç, lindur në Athinë-Greqi dhe banues në Tiranë, Alesio Berberi, 33 vjeç, banues në Patos, dhe Olsi Qalliu, 22 vjeç, banues në Fier. Ndërsa një shtetas tjetër është shpallur në kërkim.

Uniformat blu sekuestruan, një armë zjarri tip pistoletë, TT, një sasi prej 2470 euro, lëndë narkotike si edhe dy automjete luksoze.

Ndalimi i tre të rinjve, u bë mesditën e së hënës, ndërsa ata nuk kanë pranuar akuzuat e ngritura nga prokuroria, siç është, “vrasje me paramendim” apo “armëmbajtje pa leje”.

Gjatë marrjes në pyetje Levendi, Berberi dhe Qalliu u shprehën se, nuk e njihnin dhe as nuk kishin pasur ndonjëherë konflikt me viktimën Kurti, teksa shtuan se, ata  nuk ishin në Tiranë ditën kur ndodhi vrasja.

Autorët e dyshuar të krimit, sipas uniformave blu janë vrasës me pagesë.

Nga kqyrja e pamjeve të kamerave të sigurisë, grupi hetimor pohon se, tre të ndaluarit e kanë ndjekur Kurtin për disa kohë, duke studiuar shumë mirë lëvizjet e tij.

Ndërkohë nuk përjashtohet mundësia që të arrestuarit të kenë pasur informacione për lëvizjet e viktimës, pasi 26-vjeçari u ekzekutua në momentin që kishte mbaruar palestrën, fare pranë shtëpisë së tij në rrugën “Zef Jubani”.

ABC News, ka zbardhur edhe ekspertizën e mjekësisë ligjore, ku Jurgen Kurti u qëllua me 17 plumba dhe arma e krimit ishte një automatik tip “Scorpions”,  9 mm model 56.

Edhe pse të rinj në moshë, Levendi, Berberi dhe Qalliu ekspozonin në rrjete sociale mjete luksoze dhe udhëtime të shtrenjta./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono