junker

Junker-Johnson-1280x720.jpg
nev ila22:12 | 02/10/2019

Qeveria britanike ka zbardhur detajet e planit për Breksit, që përfshin edhe zgjidhjen e çështjes së kufirit irlandez.

Pasi është njohur me të, presidenti i Komisionit Europian, Zhan Klod Junker ka deklaruar se dokumenti përmban ende problematika që duhen zgjidhur.

Qeveria britanike i dorëzoi të mërkurën Bashkimit Europian propozimet për Breksit, mes të cilave edhe plani për zëvendësimin e kufirit irlandez.

Plani, i parashtruar në një dokument me 7 faqe, parashikon që Irlanda e Veriut të vijojë qëndrimin në tregun e përbashkët europian, por jo në unionin doganor.

Gjithashtu, në dokument saktësohet se kontrollet doganore duhet të jenë të decentralizuara në të dyja anët e kufirit irlandez, përmes një numri të vogël zyrash të vendosura pranë depozitave të mallrave ose pikave të ngarkim-shkarkimit, por pa barriera fizike.

Në reagimin e tij ndaj propozimeve, presidenti i Komisionit Europian, Zhan Klod Junker deklaroi se plani ka ende pika të kontestuara sa i takon çështjes së kufirit irlandez.

Megjithatë, gjatë një bisede të zhvilluar me kryeministrin britanik, Junker vlerësoi gatishmërinë e Boris Xhonson për të vijuar bisedimet me qëllim progresin drejt një marrëveshjeje përfundimtare.

Ndërkohë, që të jetë aktiv plani duhet të miratohet edhe nga Parlamenti i Irlandës së Veriut, fillimisht për një aprovim paraprak dhe më pas çdo 4 vjet që ai të mbetet në fuqi.

Kryeministri Leo Varadkar tha se propozimi i ri nuk i përmbush tërësisht objektivat që kanë të bëjnë me: vijimin e qëndrimit në tregun e përbashkët europian; ruajtjen e paqes në Irlandën e Veriut; dhe bashkëpunimin ekonomik me Republikën e Irlandës./ABC News Albania 24/7

JUNCKER-BREXIT.mpg_snapshot_00.05-1280x720.jpg
ent ela11:14 | 18/09/2019

Presidenti i Komisionit Europian, Zhan Klod Junker u shpreh se rreziku që Britania e Madhe të dalë nga Bashkimi Europian pa një marrëveshje është gjithnjë e më real. Junker theksoi se nëse të dyja palët e duan vërtet, marrëveshja mund të gjendet.

Po afrohet 31 tetori dhe rreziku i një Brexit pa marrëveshje është real. Deklarata është bërë nga Presidenti i Komisionit Europian Zhan Klod Junker, gjatë fjalës së tij në parlamentin europian kur po raportonte për takimin e itj me kryeministrin britanik Boris Xhonson. Por ai theksoi se marrëvehsja ishte ende e mundshme, dhe nëse nuk do të gjendej atëherë do të ishte për faj të qevrisë britanike dhe jot ë bashkimit europian.

Junker u shpreh se i kishte kërkuar Xhonson që t’i tregonte marrëveshjet alternative dhe propozime konkrete të shkruara. Si dhe kishte porositur Mishel Barnier që të intensifikojë negociatat në planin politik dhe jo vetëm teknik.

Barnier nga ana e tij shpjegoi se pikat e ndalimit, rrjeta e sigurisë, është shumë e rëndësishme pasi në Irlandë, Brexit do të shkaktojë numrin më të madh të problemeve dhe më shumë rreziqe. Sipas tij në Irlandë është një situatë politike delicate e lidhur me një histori tragjike. Kryenegociatori i Bashkimit Europian për BREXIT theksoi se Mbretëria e Bashkuar dhe Irlanda janë garantuesit e marrëveshjes. Ai shtoi se bashkimi europian nuk dëshiron rikthimin e një kufiri fizik por kërkon ruajtjen e marrëveshjeve të së Premtes së Shenjtgë, duke mbrojtur integritetin e tregit të përbashkët dhe ekonominë e të gjithë ishullit. Në fund ai tha se askush nuk duhet të nënvlerësojë pasojat e një dalje pa marrëveshje të Britanisë së Madhe nga Bashkimi Evropian. /ABC News Albania 24/7

RAMA-NE-BRUKSEL-MBULIM.mpg_snapshot_00.18-1280x720.jpg
ent ela10:55 | 11/06/2019

Kryeministri Rama ka nisur sot një vizitë zyrtare në Bruksel, në krye të një delegacioni qeveritar. Gjatë kësaj vizite priten takime të rëndësishme me zyrtarë të Bashkimit Europian.

Sipas axhendës së kësaj vizite të planifikuar dhe parashikuar më herët, pritet që kryeministri Rama të takohet sot në orën 17:00 me shefen e diplomacisë në BE, Federica Mogherini. Më pas në orën 18:50 kreu i qeverisë do të ketë një takim me kreun e Këshillit Europian, Donald Tusk. Kurse në orën 19.00 vijon takimi me presidentin e Komisionit Europian Jean Klod Juncker dhe më pas të dy të dalin në një konferencë shtypi.

Në qendër të diskutimeve pritet të jetë situata politike në Shqipëri për shkak të thellimit të krizës, vendimit të Presidentit për të anuluar datën e zgjedhjeve dhe qendrimit të maxhorancës për shkarkimin e Kreut të Shtetit, që sipas saj ka shkelur Kushtetutën.

Po ashtu këto takime zhvillohen në prag të vendimit të pritshëm të Këshillit Europian lidhur me hapjen e negociatave të anëtarësimit Shqipëri-BE. /ABC News Albania 24/7

resize_VpabFnPWcSds4jEiJ0ykKzvoAIqx3ltr_980x590.jpg
ent ela11:20 | 22/05/2019

Në prag të zgjedhjeve parlamentare europiane mediat italiane publikojnë pagat marramendëse të Presidentit të Komisionit Europian Junker dhe drejtuesve të tjerë. 6 për qind e buxhetit total europian shkon për pagat e 60 mijë nëpunësve.

Bashkimi Europian ka ndarë për vitin 2019 një shifër prej 9.943 miliardë eurosh, thënë ndryshe 6% të buxhetit total europian për të paguar rreth 60 mijë nëpunës. Paga mujore bruto e Zhan Klod Junker, President i Komisionit Europian është 138% më e lartë se paga e drejtorëve të përgjithshëm: 28 mijë euro në muaj, dhe pse duhet thënë se 45 për qind e kësaj shifre rikthehet menjëherë në arkat e buxhetit europian.

E përditshmja italiane “Fatto quotidiano” raporton se pagës së Junker i shtohen dhe 4 mijë euro të tjera për të paguar rezidencën si dhe 1500 euro të tjera për shpenzime përfaqësimi. Pra në total paga e tij bruto llogaritet më shumë se 33 mijë euro në muaj.

Nuk merr më pak Federika Mogerini, përfaqësuesja e lartë e Bashkimit Europian për çështjet e jashtme dhe politikat e sigurisë. Ajo paguhet rreth 32 mijë euro në muaj. Zëvendës presidentët e Komisionit marrin rreth 30 mijë euro në muaj, ndërsa francezi Pier Moskoviç 27 mijë euro. /ABC News Albania 24/7

Donald-Tusk-EU-Council-president-elections-second-term-support-opposition-771304.jpg
nev ila13:29 | 16/04/2019

Presidenti i Këshillit Evropian Donald Tusk, në një apel nga Strasburgu, u kërkon 28 vendeve anëtare të BE, të kontribuojnë për rindërtimin e katedrales Notre Dame në Paris.

Gjatë një sesioni plenar para zgjedhjeve të majit për Parlamentin Evropian, Tusk deklaroi se solidariteti i gjithë vendeve anëtare me kombin francez është shumë i rëndësishëm.

Dje ishte një dite e tmerrshme për të gjithë, ndaj Franca ka nevojë për solidaritet”, u shpreh Presidenti i Këshillit Evropian nga kryeqendra franceze e Bashkimit Evropian.

Edhe Presidenti i Komisionit, Jean Claude Juncker u shpreh se Komisioni Evropian do të mbështesë përpjekjet e Francës për rindërtimin e katedrales në zemër të Parisit./abcnews.al

juncker-2.jpg
ent ela11:04 | 12/04/2019

Vetëm për pak sekonda fytyra e zonjës së parë të Ruandës do të kishte marrë flakë. Incidenti kishte protagonist pikërisht Presidentin e Komisionit Europian Zhan Klod Junker i cili po merrte pjesë në ceremoninë përkujtimore të luftës civile në vend.

Zhan Klod Junker, presidenti i Komisionit Europian, ka bërë gafën e radhës.

Pak kohë më parë quajti diktator kryeministrin hungarez Viktor Orban, u prezantua në konferencë për shtyp me dy këpucë të ndryshme dhe nuk mohoi se kishte shoqëruar mëngjesin me konjak, ish kryeministri i Luksemburgut tashmë ka thyer dhe njëherë protokollin: duke rrezikuar t’i vërë zjarrin një zonje të parë.

Ngjarja ndodhi në Ruandë ku Junker ishte ftuar për të marrë pjesë në 25 vjetorin e luftës civile në vend, ku mbetën të vrarë më shumë se 1 milion persona. Lufta u zhvillua mes dy etnive dominuese në vend Tutsi dhe Hutu. Ceremonia parashikonte që presidenti i Komisionit Europian të ndizte dhe ai “Dritën e Kujtimit” me anë të një pishtari. Gjithçka shkoi mirë deri kur Junker u përpoq ta ulte poshtë duke e zhvendosur në mënyrë të rrezikshme drejt fytyrës së Zhanet Kagame, bashkëshortes së Presidentit të Ruandës Paul Kagame. Një agjente e sigurisë ndërhyri menjëherë duke ia hequr pishtarin nga duart para se të ndodhte diçka më e rëndë. /abcnews.al

 

BE-REFUZIMI-ABCM5T2.mpg_snapshot_00.03-1280x752.jpg
ent ela21:24 | 30/01/2019

Brukseli i ka prerë hovin përpjekjeve të Londrës që kërkon shtigje alternative në marrëveshjen e Breksit. Presidenti i Komisionit Europian, Zhan Klod Junker ka deklaruar se akordi i arritur është i panegociueshëm, ndërsa ka paralajmëruar se BE duhet të përgatitet për skenarin më të keq.

Bashkimi Europian i ka refuzuar thirrjet e Britanisë së Madhe për të rinegociuar marrëveshjen e Breksit. Presidenti i Komisionit Europian, Zhan Klod Junker ka deklaruar se, votimi pro modifikimeve të martën në Dhomën e Përfaqësuesve të Parlamentit britanik nuk i ndryshon gjërat. “Akordi i divorcit nuk do të rinegociohet. Në fuqi mbetet marrëveshja aktuale, që është dhe më e mira. E kemi thënë këtë që në nëntor, ritheksuar në dhjetor dhe përsëritur në janar”, ka deklaruar Junker gjatë një raportimi mbi Breksit në Parlamentin Europian. Presidenti i Komisionit ka shtuar se votimi i një dite më parë në Londër i ka hapur rrugë rrezikut për një dalje të çorganizuar të Britanisë nga BE-ja, ndaj dhe Brukseli duhet të përgatitet për çdo lloj skenari, përfshirë më negativët. Edhe kryenegociatori europian për Breksit, Mishel Barnier ka deklaruar se çështja e kufirit irlandez është përcaktuar në marrëveshjen aktuale dhe nuk do të rinegociohet. Barnier ka theksuar se pakti aktual përbën “zgjidhjen më realiste” për të shmangur një përplasje të ashpër në lidhje me Irlandën e Veriut. Ligjvënësit britanikë votuan më herët gjatë muajit kundër marrëveshjes së arritur mes kryeministres Thereza Mej dhe Brukselit. Ndërsa të martën ata votuan pro kërkesës së Mej për të kërkuar marrëveshje alternative. /abcnews.al

May-and-Junker-to-discuss-Brexit-talks-in-December-1280x800.jpg
ent ela11:23 | 31/12/2018

Pas përfundimit të mandatit të tij si president i Komisionit Europian në nëntor të 2019-ës, Zhan Klod Junker premtoi se do i përkushtohet jetës private. Në një intervistë për mediat gjermane ai foli për shumë tema të rëndësishme madje dhe për pasardhësin e tij.

Bashkimi europian nuk do të rrëzohet në përfundim të mandatit tim. Është i bindur për këtë Zhan KLod Junker Presidenti i Komisionit Europian i cili që nga 1 nëntori 2019 nuk do të mbajë këtë post. Ai theksoi se nuk duhet të ketë dëshpërim dhe pse shqetësimi është më se me vend. Ndërsa për zgjedhjet europiane ai u shpreh se partitë tradicionale nuk duhet të bëhen hije e populistëve.

Në një intervistë për gjermanen “Velt am Sontag” Junker bëri apel që të munden populistët pasi ata nuk kanë asnjë zgjidhje reale për problemet kombëtare.

Numri një i ekzekutivit europian ndër të tjera tha se ishte i shqetësuar për përpjekjet e paligjishme për të ndikuar në zgjedhjet europianee. Ai u bëri apel të gjitha vendeve të Bashkimit Europian që të jenë të bashkuar në një front dhe të përballen me hakerat e Rusisë dhe Kinës.

Duke e cilësuar si të parakohshëm një bilanc të presidencës së tij, Junker nuk përmendi asnjë emër për atë që mund të jetë pasardhësi i tij dhe as nuk pranoi se mbështeste kandidatin e partisë popullore europiane, gjermanin Manfred Ueber. Junker u shpreh se në përfundim të manatit do i përkushtohej jetës private.

Ai theksoi se do të ishte shumë e pavend nëse çështja e emigrantëve do të kthehej në një temë kryesore për fushatën elektorale në zgjedhjet europiane. Kjo sepse sipas tij, ky problem është i rëndësishëm, por shumë larg të qënit problem më i madh i Bashkimit Europian.

Junker foli dhe për Brexit duke thënë se do të ndodhë pasi populli britanik vendosi kështu. Ai i bëri apel Londrës që të gjejë një marrëveshje dhe të tregohen të qartë për atë që duan në të ardhmen. Kjo sepse marrëdhëniet me Mbretërinë e Bashkuar duhet të jenë të qarta dhe në respekt të rezultatit të referendumit popullor. /abcnews.al

JUNCKER-QEJFLI-1280x642.jpg
ent ela14:08 | 15/12/2018

Presidenti i Komisionit Europian Zhan Klod Junker luajti me flokët e një zyrtareje femër në hyrjen e selisë së Komisionit Europian në Bruksel. Ku liderët e shteteve anëtare të Bashkimit Europian si dhe krerët e qeverisë janë mbledhur në ditën e dytë të samitit të Këshillit Europian. Junker gjithashtu bllokoi me dorë një kamera si dhe hodhi letrat nga podium i tij – të gjitha këto brenda një dite. /abcnews.al

BALLKANI-SIPAS-JUNCKER-1280x720.jpg
ent ela12:09 | 06/10/2018

Në fjalën e tij para parlamentit austriak Zhan Klod Junker bëri apel që të ndihmohen sa më shumë gjashtë vendet e Ballkanit që synojnë anëtarësimin në Bashkimin Europian. Edhe pse sipas tij asnjë nga vendet nuk është ende gati.

Zhan Klod Junker, shefi i Komisionit të Bashkimit Europian, paralajmëron mbi mundësinë e një lufte të re në Ballkan, nëse Shqipëria, Kosova, Maqedonia, Serbia, Mali i Zi dhe Bosnja nuk ndiejnë se Bashkimi Europian është serioz në ofrimin e perspektivës për anëtarësim ndaj tyre.

Gjatë njëfjalimi të mbajtur në parlamentin austriak ai theksoi se nëse një gjë e tillë nuk ndodh atëherë shumë shpejt ajo që ka ndodhur në vitet ’90.

Gjashtë shtetet e Ballkanit, të cilat gjatë viteve ’90 krijuan fushëbetejën e konflikteve më të përgjakshme të Europës që prej Luftës së Dytë Botërore, që çoi deri në shpërbërjen e ish-Jugosllavisë, tashmë gjenden në faza të ndryshme të bisedimeve të anëtarësimit në Bashkimin Europian.

Ndërsa negociatat për anëtarësim kanë nisur zyrtarisht me Serbinë dhe Malin e Zi, Shqipëria dhe Maqedonia janë ende në pritje të çeljes së tyre dhe klasifikohen si “vende kandidate”. Bosnja dhe Kosova, nga ana tjetër, janë listuar për momentin si “kandidatë potencialë”.

E ndërkohë që disa nga këto vende kanë shënuar progres, “ky progres – sipas tij, – ende nuk është i mjaftueshëm”. Ai sugjeroi se BE-ja duhet t’iu ofrojë këtyre shteteve një lloj “zone ekonomike, ku ato të mund të sillen pjesërisht si të ishin vende anëtare të bllokut”.

Por, Juncker përsëriti sërish faktin se ai nuk sheh ende asnjë prej tyre gati për të arritur anëtarësimin e plotë “përpara vitit 2025, e madje edhe atëherë nuk ka për të qenë diçka e shpejtë”. Sipas tij, BE-ja duhet “të kujdeset për Ballkanin Perëndimor intensivisht dhe të ndihmojë ku të jetë e nevojshme”.

Juncker theksoi se, blloku “duhet të sigurohet që të jetë e kuptueshme për këdo, se konfliktet territoriale mes shteteve të Ballkanit Perëndimor duhet të zgjidhen përpara se të ofrohet, apo të merret anëtarësimi”. Mes çështjeve më të nxehta në këtë aspekt është statusi i Kosovës, e cila deklaroi pavarësinë nga Serbia në vitin 2008, por që Beogradi refuzon ende ta njohë.

Juncker ndodhej në Vjenë për të marrë pjesë në festimet për 100-vjetorin e themelimit të Republikës së Austrisë. Ish-kryeministri i Luksemburgut e nisi mandatin e tij si shef i Komisionit Europian, duke bërë të qartë se nuk do të kishte asnjë zgjerim të mëtejshëm të bllokut nën drejtimin e tij. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono