julian morina

tirana.jpg
ad min14:15 | 30/04/2019

Bashkia e kryeqytetit kryen vlerësimin e aksioneve që zotëron në klubin e futbollit të Tiranës. Biznesmenët e interesuar mund të jenë të detyruar të paguajnë rreth 1 miliardë lekë të vjetër.

Historia ngjan me dramën “Duke pritur Godonë”.

Shitja e pritshme e aksioneve të bashkisë në klubin e futbollit të Tiranës, të kujton fare lehtë dramën tragji-komike të Samuel Beketit, por më në fund diçka po lëviz.

Pas të paktën tre vitesh që flitet shitja e tyre nga pushteti vendor, ky i fundit përfundoi vlerësimin financiare të tyre, të realizuar nga kompania e specializuar “Deloit Albania”.

Vlera e nxjerrë nga “Deloiti” shkon deri në 920 milionë lekë të vjetër për 34 përqindëshin e zotëruar nga Bashkia, ndërsa për krejt klubin shifra është diçka më pak se 2.5 miliardë lekë, gjithnjë të vjetër.

Vullnetin e institucionit për t’u çliruar nga këto aksione u pohua pak ditë më parë nga vetë kryebashkiaku Veliaj, në një bisedë në studion e Abc News.

Vlen të theksohet se vlerësimi i “Deloit Albanis” ka të bëjë vetëm me aksionet e klubit, dhe nuk përfshin infrastrukturën, pra kompleksin sportiv “Skënder Halili” dhe stadiumin “Selman Stërmasi”, të cilin presidenti i Tiranës, Refik Halili, e ka marrë në përdorim për një periudhë të gjatë kohore.

Për 34 përqindëshin e bashkisë, ka shprehur interesimin e tij, ish-aksioneri bardheblu, Julian Morina, siç e deklaroi në intervistën për Abc News.

Morina ka pohuar ndërkaq se e ka bërë kërkesën zyrtare në bashki për të realizuar blerjen, dhe aktualisht është duke vlerësuar shifrën e nxjerrë nga “Deloiti”. Vetë presidenti Halili zgjoi interesim të madh dhjetorin e kaluar, kur bëri me dijë për “Supersportin” se ishte i gatshëm të shitje aksione që ka në zotërim.

Tirana ndodhet në gjendje të vështirë sportive dhe financiare, duke rrezikuar të bjerë nga Superliga, ndërsa nuk dihet nëse do ta marrë licencimin për sezonin e ardhshëm, për shkak të detyrimeve në tatime apo ndaj palëve të tjera./abcnews.al

pressin-14-janar.jpg
ad min11:05 | 15/01/2019

E hëna është koha të ndalesh te “Pressing”. Në puntatën e kësaj jave nën drejtimin e Gerti Çarçanit dhe Joana Grabollit u diskutua për futbollin shqiptar veçanërisht për skuadrën e Tiranës.

Të ftuar ishin Julian Morina, biznesmen, ish-donator te Tirana; Bledar Kuka, gazetar sportiv në ABC News; Eno Skarço, gazetar sportiv dhe Ervin Baku, gazetar sportiv./abcnews.al

julian-morina.jpg
ad min18:20 | 10/01/2019

Biznesmeni Julian Morina është gati të blejë aksionet e klubit të Tiranës, që zotërohen nga Bashkia e kryeqytetit. Ish-donatori i bardhebluve flet për planet e tij, në intervistën dhënë për ABC News.

Dëshiron të kthehet sërish. Aksionet e Tiranës, të paktën ato të bashkisë, janë në shitje dhe kandidat i vendosur për t’i marrë është biznesmeni Julian Morina, i cili pohon për ABC News se çfarë plani ka për të marrë 34 përqindëshin.

“Si ish-donator i Futboll Klub Tiranës kam vendosur që të bëj një kërkesë Bashkisë Tiranë, për aksionet që ka Bashkia për FK Tiranë. Duke kuptuar që nuk është në një situatë të mirë, ku edhe gjatë kohës kur unë nuk kam qenë ka provuar edhe rënien nga kategoria, duke qenë si ish-donator kam të drejtën për ta bërë këtë kërkesë. Tirana vetëm me një suport të një personi besoj që është pak e vështirë për të mbijetuar apo për ta lartësuar atje ku e meriton”, tha Morina.

Morina ka qenë donator i Tiranës në vitet 2013-2014, por më pas u largua. Cila ishte arsyeja?

“Me drejtuesit e asaj, kohe, të Bashkisë së Tiranës dhe mes donatorit tjetër, Refik Halilit, ka qenë një dakordësi për të patur 20%. Rrodhën disa ngjarje ku unë nuk i mora ato 20%, por besoj që nuk ëhstë vendi apo momenti për t’iu kthyer prapa në kohë kësaj situate. Do të shikojmë përpara”, tha ai.

Është folur shumë se tek Tirana do të ketë jo vetëm ndryshime të aksioneve, por edhe privatizim të stadiumit “Selman Stërmasi’, diçka që mund t’u interesojë aksionerëve.

“Unë nuk hyj në një ekip apo në një financim, apo në një mbështetje që të përfitoj nga kjo. Tjetër gjë nëse aktorët dhe faktorët shkojnë drejt një investimi të tillë sepse shumë njerëz e kanë privatizuar. Edhe këto privatizimet prapë kanë dështuar. Unë nuk jam nga njerëzit që hyn për të përfituar, por jam nga njerëzit që hyn për të përfituar”, u shpreh Morina.

Gjithsesi, Tirana nuk ka qenë e vetmja mundësi për biznesmenin.

“Në fakt kam pasur dia raste që janë diskutuar kur ndër to ka qenë dhe Shkodra, Elbasani. Duke qenë edhe me impenjime të tjera preferoj të qëndroj te Tirana edhe për shkak të qytetit që unë jetoj, por edhe distanca dhe dashuria ndaj këtij klubi”, theksoi ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono