juli xhokaxhi

sali-berisha-ne-byro-politike-12-shkurt-per-klan.mpg_snapshot_00.03-1280x725.jpg
ent ela14:41 | 13/02/2019

Ish-kryeministri Sali Berisha në Byro Politike. Protesta e 16 shkurtit, synimi për rrëzimin e Edi Ramës, qeveria kalimtare dhe zgjedhjet. Deri ku do shkojë mosbindja civile?

Koalicioni opozitar dhe përgatitja për të ardhur në pushtet. Qeverisja e Ramës dhe reagimet ndaj opozitës, Situata politike dhe institucionale e vendit. Apeli ndërkombëtar për debat parlamentar dhe çështjet që shqetësojnë sot botën shqiptare. Sali Berisha sot në orën 20:00 në ABC News. /abcnews.al

BISEDE.mpg_snapshot_10.52-1280x720.jpg
ent ela18:22 | 01/02/2019

“Morina së shpejti do të shndërrohet në një park dhe vendpushim me drurë dekorativë dhe hapësirë relaksuese”. Këtë premtim bëri Ministri për Mjedisin dhe planifikimin Mjedisor në Kosovë Fatmir Matoshi në studion e ABC News, i pyeur rreth marrëveshjeve me Shqipërinë dhe implementimin e tyre.

“Ne jemi dakord me ministrin Klosi të fillojmë nga gjërat e vogla praktike, përshembull Morinën ta shndërrojmë në një park. Shpresojmë që së shpejti nuk do ketë kufi aty. Do të mbetet një vendpushim shumë i mirë, do mbjellim drurë dekorativë hapësirë relaksuese”.

Sipas tij kjo bëhet për të treguar përkushtimin ndaj mjedisit duke nisur nga pikat dhe për të vijuar më tej me malet e Pashtrikut dhe ide të tjera.

“Për të treguar përkushtimin tonë që nga pikat kufitarë për mjedisin, malet e Pashtrikut dhe ide të tjera që do i zhvillojmë sëbashku”.

Ai informoi se këtë vit organizohet pastrimit të tokës, e cila do të jetë një reklamë shumë e mirë nga Kosova dhe Shqipëria.

“Ne organziojmë këtë vit fushatën e pastrimit të tokës dhe këtu dakorduam që bashkë me organizatorët një vend të veçantë të japinm edhe ministria e mjedisit të Shqipërisë. Do jetë një reklamë shumë e mirë nga Kosova e Shqipëria”.

Gjatë fjalës së tij në studion e  ABC News me Juli Xhokaxhi, Matoshi foli edhe për asgjësimin e mbetjeve kimike, ndërtimin e impianteve inceneratorë dhe shndërrimine tyre në përfitime për qytetarët, ndërsa shtoi se problem kryesor mbeten shishet plastike.

“Ne kemi mbëshettur dy impiante me 7 mln euro me ndërtimin e tyre. Këtë vit marrim vendimin e madh, duhet bashkëpunim edhe me aktorët e tjerë dhe kryeministrin dhe këto mbeturina ti shndërrojmë në pëprfitime për qytetartë, për t’u hapur rrugë dhe investitorëbve të rinj.

Ka ndotje kimike, ujra që dalin nga miniera, deponi ilegale të krijuara më shumë se 20 vite kanë mbetur dhe 350 të tjera dhe po punojmë t’i eleminojmë edhe ato dhe të hyjmë në procesin e riciklimit. Problemi kryesor mbeten shishet plastike” ./abcnews.al

 

erlis-cela.jpg
G. P.22:55 | 30/01/2019

Bota rrezikohet gjithnjë e më shumë nga fenomeni i Fake News, apo lajmit të rremë në shqip. Në puntatën e kësaj të mërkure në emisionin “Byro Politike” nga Juli Xhokaxhi u diskutua pikërisht rreth këtij fenomeni ku të ftuar ishin: Erlis Çela, pedagog; Mentor Kika, analist; Arian Çuri, analist dhe Ralf Gjoni, analist.

Mentor Kikia u shpreh se duhet kuptuar diferenca mes Fake News dhe shpifjes.

Mentor Kikia: Fake News nuk është një gazetari joprofesioniste. Është një profesionizëm shumë më profesional se lajmet e tjera se është një produkt që hidhet në treg me një qëllim të paracaktuar. Kërkon të çorientojë opinionin publik, imazhe të paqena për persona dhe institucione. Duhet të bëjmë diferencën mes Fake News dhe shpifjes. Shpifja është një gjë që targeton personin qëllimisht për ta dëmtuar. Unë do shpif sikur Erlisi ka bërë një shkelje të rëndë ligjore. Kurse Fake News unë them që Erlisi ishte në Durrës. Fake News është për ta çorientuar publikun drejt një qëllimi që dua unë. Me Fake News përballemi çdo ditë kur shikojmë lajmet më së shumti në mediat online kur kontrolli është më i paktë, produkti që hidhet është më i lartë dhe cilësia e dobët.

Për Arian Çurin Fake News është një industri, e cilën sipas tij është goxhafitimrurëse dhe pjesë e saj janë ata që i quajti trafikantë.

Arian Çuri: Fake News është një industri e tërë. Disa e kanë zanat. Kemi të bëjmë me një lloj trafiku, të cilët pranojnë hapur që është një biznes goxha fitimprurëse.Ka njerëz që paguajnë ushtarë të tillë, mercenarë për të baltosur, apo lobuar për axhenda të caktuara. Njerëzit tentojnë t’i lexojnë këto lajme. Nga industri përfituese po përdoret dhe industri shantazhuese. Këta njerëz që për mua janë trafikantë dhe e pranojnë një gjë të tillë, veprojnë për të rrëzuar pushtete të tëra. Nëse me një ushtri kompjuterash arrin të rrëzosh pushtete është goxha e re në këtë sistem.

Për Gjonin, Trump ka meritën që hodhi në treg terminologjinë e re, Fake News, të cilën ai e përktheu edhe si propagandë.

Ralf Gjoni: Duhet të përkthejmë pak fjalën Fake News, përveç fjalë e rreme përkthehet edhe propagandë. Trump nuk bëri ndonjë gjë të re veçse hodhi në treg Fake News për një terminologji të re për të zëvendësuar fjalën propagandë. Sot është bërë një sport i rëndomtë i disa kalamajve. Twitter, Facebook dhe rrjete presitogjoze çdo ditë dhe çdo muaj mbyllin me miliona profile të rreme.

Erlis Çela: Fenomeni edhe për shkak të popullariteti që mori ka ngjallur kureshtjen e studiuesve. Fake News ka dhe qëllime biznesi. Ka Fake News të formës pak më të zbutur. Ne kemi media të mëdha që serviret me pikëpyetje në fund që le mister te publiku. Mediat e mëdha ndërkomëbtare siç është BBC dhe CNN kanë tashmë struktura të mirëorganizuara për të vërtetuar info që vijnë në kuptimin e lajmit të rremë. Sot ajo që e bën fenomenin më të rrezikshëm është fuqia që kanë marrë rrjetet sociale./abcnews.al

ballkani-ne-byro-politike.jpg
G. P.23:11 | 28/01/2019

Në Ballkan po fryn erë ndryshimesh. Marrëveshja e Prespës është traktati që i jep zgjidhje problemeve mes Greqisë dhe Maqedonisë. Pas kësaj lindin një sërë tezash se çfarë po ndodh në rajoni tonë.

Për të diskutuar për këtë temë në emisionin “Byro Politike” ishin të ftuar: Agim Nesho, diplomat; Lisen Bashkurti, studiues; Arben Çejku, ish-ambasador i Shqipërisë në Maqedoni dhe Ilir Kalemaj, profesor dhe politolog. Ndërkohë në lidhje të drejtpërdrejtë nga Maqedonia ishte Seladin Xhezairi, drejtor i Klan Maqedonisë, ndërsa nga Greqia Rober Goroi, gazetar i ABC News në Athinë.

Marrëveshja e Prespës tashmë e ratifikuar nga të dyja vendet, Greqi dhe Maqedonia mund të quhet historike. Për drejtorin e Klan Maqedonisë, Seladin Xhezairi, ky traktat prish imazhin e keq të Ballkanit e konsideruar si fuçi baruti. Ai ishte në një lidhje të drejtpërdrejtë në “Byro Politike” nga Tetova ku theksoi se merita për këtë marrëveshje historike ka edhe faktori shqiptar.

Seladin Xhezairi: Kam përshtypjen se pikërisht Marrëveshja e Prespës sikur e prish atë imazhin e keq për rajonin si fuçi baruti dhe gjithnjë duke marrë parasysh se mosmarrëveshjet prej gati 3 dekadash për emrin kushtetues të Maqedonisë bënë që vendi të jetë rob i mohimit dhe i kundërshtimit të Athinës për integrimin e vendit. Do thosha këtu është pritur si marrëveshje historike traktati mes dy vendeve, pikërisht për arsyet e sipër thëna. Marrëveshja e Prespës sikur i vë pikë dilemave sikur që kanë qenë të pranishme në qarqet e këtushme sidomos ato maqedonase. Opozita e sotme VMRO-DPMNE e ka vënë vendin në këtë klub të tradhëtarëve sepse sipas saj me këtë marrëveshje preket identiteti i maqedonase, historia dhe kultura e ngritur mbase edhe teleshikuesit tuaj janë në dijeni e ngritur kryesisht pas LIIB. Zaev e gëzon mbështetjen e shumicës së qytetarëve për këtë hap tepër të guxishmësh, pse jo dhe historik dhe në këtë rrafsh merita ka edhe elementi shqiptar këtu në Maqedoni.

Ndërkohë për të folur se ç’po ndodh në Greqi ishte në një lidhje të drejtpërdrejtë nga atje gazetari Robert Goro. Ai u shpreh se kjo marrëveshje ka qenë risk për Tsipras, i cili mund të humbasë zgjedhjet për shkak të saj.

Robert Goro: Duhet thënë që ka qenë një risk shumë i madh për Tsipras. Ai mund të humbasë edhe zgjedhjet kurdo që bëhen. Duket se nga njëra anë Tsipras është i vendosur t’i shkojë deri në fund impementimin e marrëveshjes. Ky është një investim i madh për karrierën e tij politike. Edhe në planin ndërkombëtar fytyra e tij ka marrë një shkëlqim tjetër. Këto tre ditë që kanë kaluar pas miratimit të marrëveshjes është fashitur disi reagimi. Kemi sulme ndaj deputetëve që votuan në favor të marrëveshjes. Ka qenë një atmosferë jashtëzakonisht e elektrizuar. Edhe këtu ka qenë atmosfera politkke reagimet kanë qenë të njëjta me ato në Maqedoni. Aq sa Tsipras përdori si argumente faktin që opozita greke akuzonte qeverinë e këtushme me të njëjta akuza që akuzonte VMRO qeverinë e Maqedonisë. Misotaqis ka deklaruar se Greqia mund ta bllokojë integrimin e Maqedonisë në BE. Por kjo s’ka lidhje me emrin. Ajo mund të përdorë të drejtën e vetos kur të shqyrtojë kapitujt”.

Agim Nesho: Ishte një çështje e vonuar që mund të ishte zgjidhur. Kemi një moment të ri në Europë dhe interesat gjeopolitiike të fuqive që kërkojnë të futen në Ballkan, në vendin e fundit që nuk është bërë pjesë e BE. Tsipras tregoii që është një lider i dimensioneve europiane. Mund të humbi zgjedhjet, por ka thyer nacionalizmin tradicional grek, që në Ballkan është prezent. Ka dalë mbi vetveten.

Ilir Kalemaj: Në Ballkanin Perëndimor, kemi liderë të cilët kanë zgjatur në pushtet prej dy dekadash, Gjukanoviç në Mal të zi, Vuçic në Serbi. Kemi raste të tjera si Gruevski që qëndroi në pushtet prej 10 vjetësh. Politika e jashtme shihet në funksion të zgjidhjeve të brendshme. Zaev erdhi si në mënyrë të natyrshme, por ka pasur peripeci të ndryshme. Zaev ishte bast i Perëndimit dhe një bast i madh edhe për të ridimensionuar edhe marrëdhëniet me faktorin shqiptar. Kemi të bëjmë me diçka që e tejkalon dhe vetë Zaevin si njeri. Anëtarësimi i plotë i Maqedonisë në NATO jep një sinjal për gjithë rajonin. Tsipras mori një farë basti jo të vogël të cilin e mendoi si një borxh ndaj Gjermanisë dhe BE-së. Greqia ka sot borxhin më të madh në BE. Greqia sot është e varur ndaj Gjermanisë njësoj si 10 vjet më parë.

Agim Nesho: Problemi është që influencat po vijnë dhe po forcohen. Pas mbarimit të Luftës së Ftohtë dhe krijimi të rendit një polar në botë, me SHBA-në në krye, Rusia, Turqia dhe Kina ishin shumë larg. Tani ka ardhur një rend tjetër me shumë pole. Secila influencon sipas interesave të veta në Ballakan. Kina nëpërmjet tregtisë, një plani afatgjatë për të patur një marrëdhënie të veçnatë brenda interesave. Rusia është e fokusuar në Europën Lindore dhe në Ballkan. Po të shikosh edhe në analiza, nga ato që nuk ka realizuar Europa e Bashkuar, ne duhet të jemi koshientë që Europa duke qenë e sigurt që këto gjëra nuk do ndodhin, Ballkanin e la pas. Edhe lufta që po bëhet në Maqedoni. Lavrovi ka katër herë që gjithonë insiton që kemi interesa në Maqedoni. Është një vend më tepër në Aleancën e Atlantikut. Vendet ballkanike që mund të kenë influenca të jashtme jashtë BE-së sot mbetet Bosnja, për të cilën lufta do jetë shumë e afërt. Kosova dihet. Ballkani duhet të ketë kujdes nga interesa të tjera siç është Turqia.

Lisen Bashkurti: Qasja ndaj vizionit gjerman është dhe një nga arsyet kryesore që Maqedonia dhe Greqia zgjidhën problemet mes tyre. Ballkani zgjidhi një problem, por është larg zgjidhjes së shumë prej tyre.

Arben Çejku: Nuk janë vetëm amerikanët që kanë paralajmëruar Prishtinën që mos të bëjnë hapa të nxituar. Kush është në presion këtu për të nxituar. Është Beogradi që duhet të hapë bisedimet me BE- apo është Kosova. Serbia e ka humbur kosovën prej kohësh, diskutimi për statusin është kurthi që i bëhet Kosovës. Mendoj se implikimi i Shqipërisë në këtë lloj dialogu është një iniciativë e rrezikshme ku duhet të flasin shumica e faktorëve. Ne duhet ta kemi të qartë që do të mbajmë përgjegjësinë tonë institucionale. Me anë të emisionit tuaj i kërkoj ministrit të deleguar që të qartësojë pozitën e vet në raport me deklaratën që ka bërë, këtë duhet ta bëjë për shtetin shqiptar./abcnews.al

byr.jpg
G. P.00:15 | 22/01/2019

Në puntatën e kësaj të hëne në emisionin “Byro Politike”, u diskutua rreth aksionit të ri politik të opozitës, e cila ka paralajmëruar protesta për të rrëzuar qeverinë. Të ftuar në studio ishin kryetari i Partisë Republikane, Fatmir Mediu; drejtori i Klan Plus, Mentor Kikia dhe drejtori i Fax News, Enton Abilekaj.

Përsa i përket protestave që pritet të zhvillohen, kreu i PR-së tha se bëhet fjalë për një lëvizje shumë dimensionale, por për të e rëndësishme është që opozita të kuptojë njerëzit.

Fatmir Mediu: Besoj që kësaj radhe flitet për një lëvizje shumë dimensionale, në një kontakt të vazhdueshëm me qytetarët për të kuptuar ne qytetarët dhe qytetarët opozitën për ato shqetësime që kemi ngritur në mungesë të funksionimit të shtetit, mungesë së ekzistencës së parlamentit, cënimit të lirive të drejtave, probleme me krimin, mungesa e alternativave ekonomike, largimi pafund i shqiptarëve. Pra të gjithë atë gamë problemesh që ka sot shoqëria për t’i bashkëbiseduar dhe për t’i kërkuar që të bëhemi të gjithë sëbashku pjesë e zgjidhjes. Demokracia i takon qytetarëve dhe të përpiqemi që opozita të dëgjojë më mirë dhe të jetë më e drejtë.  Ajo që unë mendoj që duhet të jetë ndryshe opozita është për të dhënë të kuptojë që nuk ka çështje interesi për të ndërtuar një qeveri, por për të ndërtuar një shtet funksional për të ardhmen.

Ndërkohë për gazetarin Mentor Kikia, revolta më shumë është dëshirë e Lulzim Bashës se sa ekziston në të vërtetë. Sipas tij, protesta e studentëve tregoi që shoqëria shqiptare po pret një zhvillim të ri.

Mentor Kikia: Që t’i prish një gjëje duhet të jetë ajo protestë. Më shumë se sa realitet, revolta është një dëshirë e kreut të opozitës që të ekzistojë, por mendoj që faktori politik opozitar duhet të kuptojë një gjë. Nuk bëhet fjalë për një realitet, i cili është përsëritur në mënyrë të vazhdueshme. Nuk kemi të bëjmë më me një shoqëri të lodhur nga qeveria e korruptuar dhe për pasojë do i japë qeverinë opozitës. Protesta e studentëve tregoi ndryshe. Nuk mendoj që jemi përpara faktit që qeveria është e korruptuar do mbushi kupën dhe për pasojë do vijë partia tjetër. Shoqëria është duke pritur një zhvillim të ri. Ka dy alternativa ose Rama do mbajë pushtetin ose do duhet të gjenerohet një gjë e re, për fat të keq të pritshmërive opozitare nuk mund të jenë ato e reja që shoqëria pret.

I të njëjtit mendim është edhe Abilekaj. Megjithatë sipas tij sfida e PD-së dhe aleatëve të saj është të fitojë vëmendjen e qytetarëve.

Enton Abilekaj: Nuk është se e gjithë kjo pakënaqësi do shndërrohet në një dhuratë për opozitën. Sfida e PD-së dhe aleatëve të saj është si do i bëjë qytetarët të kthejë vëmendjen nga alternativa e opozitës. Unë nuk jam përjashtues si Mentori që thotë opozita nuk duhet të jetë aty. Jemi në një vend ku pakënaqësia është e madhe. Pjesa tjetër e popullsisë është kundër kësaj qeverie, por jo ende gati të sjellë opozitën në pushtet. Të gjitha këto janë sfida të opozitës. A mundet kjo opozitë të sjellë shpresën tek njerëzit? Mjetet që do përdorë Basha janë për t’u diskutuar. Çfarë do na sjellë të re kjo opozië që të vijë në pushtet dhe të fillojnë të dëgjojnë mos t’i kenë veshët mbyllur ndaj saj?

Ndërkohë gjatë emisionit, kreu i PR-së foli dhe rreth protestës së studentëve, për të cilën tha se opozita ka bërë gjënë më të mirë që nuk është përfshirë direkt.

Fatmir Mediu: Duhet të shikojë opozita veprimin e saj politik. Për protestën e studentëve unë mendoj që opozita ka bërë gjënë më të mirë që nuk është involvuar drejtpërdrejtë. Nuk ka një moment të vetëm në diskutimin tonë opozitar për të marrë drejtimin e protestës. Për të reflektuar shpresë, si do ta ngrejë shpresën opozita? Opozita duhet të dalë nga lloji i politikës parazitare. Nëse duam shoqëri pjesëmarrëse në politikë ne duam që njerëzit të jenë pjesëmarrës. Sot shikojmë një politikë tërësisht të emëruar. Është përfaqësues i emërave të kryetarit. Njerëzit nuk përfaqësohen në kuvend. Këtu vjen edhe roli i opozitës. Nëse ke një Kuvend funksional padyshim që e bën qeverisjen dhe më funksionale. Kandidatët i përcaktojnë këto interesa të lidhur me kryetarët e partive. Në parlament nuk bëjnë më debatin e qytetarëve, nuk i njohin votuesit, edhe votuesit nuk e njohin deputetin. Kjo trupë parlamentare e shikon marrëdhënien me qeverinë për shkak të interesave. Kemi filluar të veprojmë dhe gjykojmë pa ditur se kush është roli ynë. Nëse nuk i japim forcë Kuvendit nëpërmjet zgjdhjeve konkurruese ne nuk kemi për të pasur ndonjëherë demokraci funksionale në Shqipëri.

Por për Mentor Kikinë, misioni i opozitës sot është më i vështirë, pasi qytetarët janë të zhgënjyer.

Mentor Kikia: Shqiptarët janë të zhgënjyer titalisht nga politika. Misioni i opozitës sot është më e vështirë. Nuk është tjejsht të dalë në terren dhe të shpjegojë programin politik. Në 2013 shikonin Ramën si shpresë, sot nuk shikojnë asnjë. Pjesa dërrmuese e shqitarëve nuk kanë më në axhendë politikën, por kanë në axhendë si të ikin nga vendi./abcnews.al

 

BYRO-DT-7-JANAR-00001.mpg_snapshot_05.27-1280x720.jpg
ent ela10:46 | 08/01/2019

Byro Politike çeli sezonin e ri televiziv këtë të hënë me mosdekretetimin e ministrit të jashtëm Ditmir Bushati, ndryshimet në kabinetin qeveritar dhe rikthimin e protestave studentore. Të ftuar në studion e  Juli Xhokaxhi ishin Mimoza Koçiu, Preç Zogaj, Alfred Peza dhe Arian Curri.

Zogaj i konsideron drastike ndryshimet në qeveri dhe befasues propozimin e ministrave të rinj. Sipas tij Rama e ka bërë për të tërhequr vëmnedjen, duke u gjendur përballë një lëvizje të paparashikueshme që ishte ajo studentore.

Sipas Pezës është në të drejtën e kryetarit për të bërë ndryshime sa herë e shikon të nevojshme.

Gazetarja Koçiu tha se Kryeministri u shfaq si një lider i dobët përballë studentëve dhe vetmja gjë që bëri ishte të tregonte forcën me ndryshimet në qeveri.

Në këndvështrimin e Arian Currit, Meta ka gjithë të drejtën e tij si President për mosdekretimin e ministrit të ri të jashtëm të propozuar nga Rama, por edhe Rama duhet të ketë një arsye që e ka vënë aty. /abcnews.al

enton-abilekaj123-1280x717.jpg
G. P.20:44 | 24/12/2018

I ftuar në studion e ABC News me gazetaren Juli Xhokaxhi, ishte analisti dhe drejtori i FAX News Enton Abilekaj. Një diskutim mbi mbledhjen maratonë të Partisë Socialiste dhe çështjet më të rëndësishme politike në vend.


Fillimisht Abilekaj tregoi mendimin e tij për mbledhjen maratonë të PS dhe çfarë po ndodh me mazhorancën.

“Rama është një kryeministër që vendos vetë për gjithçka, ministrat janë vetëm noterë që firmosin. E gjithë qeverisja vendoset tjetër kund. Prekja e Ramës është e pashmangshme. Ai mundohet që të gjithë kostot t’ua shkarkojë atyre.”

I pyetur nga gazetarja Xhokaxhi për “kokat e prera” në qeverinë e Ramës, Abilekaj u shpreh se kryeministri po mundohet që t’i zëvendësojë me një imazh të ri.

“Lindita Nikolla ka qenë sekretarja e Ramës për arsimin. Imazhin e keq Rama do të mundohet ta zëvendësojë me një imazh të ri. Rama mundohet të shkarkojë tensionin dhe inatin tek të vetët, por ata janë të pafajshëm. Ai e pa mbledhjen si një refleksion të protestës për gabimet që ka bërë partia.”

Gjithashtu analisti i njohur tregoi dhe mendimin e tij nëse ishte apo jo serioz Rama për paralajmërimin:

“Rama e bën shpesh këtë kur është i pa kënaqur me rezultatin. Ai komunikon shumë me publikun dhe pakënaqësinë e merr drejtpërdrejtë. Poblemi qëndron se Rama është vonë që ta ndryshojë qeverinë e vertetë. Ai erdhi me premtimin që do tu jepte fuqinë njerëzve, por bëri të kundërtën duke u dhënë fuqinë oligarkëve.”

Ai u shpreh edhe rreth protestës së opozitës. Shumë njerëz menduan se është një revolucion, por për Abilekajn nuk është. Sipas tij përpjekja e opozitës për të drejtuar protestën e dëmtoi atë.

“Studentët nisën një protestë që nuk kishte lidhje me revolucionin. Nisi si top dëbore, por që rrugës u bë ortek. Kur u tentua të orientohej politikisht u ça. Partitë e opozitës nuk janë të ndaluara t’i bashkohen protestës, por tendenca për ta drejtuar e dëmtoi protestën”, u shpreh ai.

Më tej, i pyetur nëse pas protestës së studentëve fshihet diçka tjetër, analisti tha në ABC News se nuk e besonte diçka të tillë.

“Nuk besoj se studentët janë ngritur që të mbulojnë diçka tjetër. Ata kishin dhe skandalin për firmën që doli për Unazën. Nëse atë arritën ta menaxhonin, me këtë të studentëve nuk arritën ta menaxhonin. Të gjitha diskutimet e Ramës me studentët kanë dështuar”, u shpreh ai.

Abilekaj u ndal u ndal edhe te rikthimi i opozitës në Kuvend.

“Mendoj që opozita do e bënte atë. Ata gjithnjë zgjedhin rrugën m,ë komode për të gjetur zgjidhjen e problemeve të tyre. Ndonjëherë bëjnë një protestë, ndonjëherë shuajnë një protestë si në rastin e Kukësit. Është si një pakt i heshtur mes politikanëve. Ne e dimë që në 28 vjet nuk kanë bërë ndonjë marrëveshje, por kanë një pakt të mos ndëshkimit”, tha ai./abcnews.al

studentet-byro-1.jpg
ent ela21:09 | 19/12/2018

Studentët protestues të ftuar në studion e Byro Politike, përballë gazetarëve Mentor Kikia dhe Fatos Hakorja kanë hedhur dritë mbi vijimësinë e protestës. Ata thanë se nesër kanë bërë thirrje publike që të jenë para parlamentit dhe shumë shpejt do të marrin masa radikale. Studenti Klajdi Bello theksoi se tashmë ka nevojë për një kokë dhe për këtë ka hedhur idenë e shtabit të studentëve.

“Ka nevojë për një kokë, unë e kam quajtur shtabi i stduentëve, me koordinim, vetëfinancim dhe asnjë dialog me kryeministrin. Këtu po lind ndryshimi. Do mbushet bulevardi dëshmorët e kombit, kemi plane”.

Ishte kjo përgjigjia e studentëve të pyetur nëse protesta e tyre tashmë është shndërruar në një lëvizje pa qëllim dhe me reduktim të numrave.

Sipas Kikisë, pavarësisht kësaj, protesta ka një sërë arritjesh, pasi ngjalli shpresën te shqiptarët dhe  vrau frikën.

“Protesta juaj është bazuar mbi kërkesa ekonomike, por jashtë kësaj rrezeje ka një pritshmëri të jashtëzakonshme në publik, ju jeni të rrëmbyer nga adrenalina për ta çuar përpara, po jashtë kësaj shqiptarët kanë pritshmëri të mëdha se kjo protestë ngjalli shpresë. E ka bërë protestën të na duket normale, është arritje numër 1, vratë frikën, nuk do guxonte askush dhe ajo që ka ndodhur sot është që studentët dhe shqiptarët kanë marrë kurajo, por ka një dileme të madhe ku po shkohet? Protesta është reduktuar, ka humbur numër dhe u shndërrua në lëvizjë pa qëllim dhe të nervozuarish”. /abcnews.al

albana-vokshi.jpg
G. P.20:45 | 15/12/2018

Deputetja e Partisë Demokratike, Albana Vokshi, ishte e ftuar në ABC News ku u shpreh se opozita është në mbështetje të protestës së studentëve. Në Këshillin Kombëtar të PD-së që u zhvillua këtë të shtunë, Lulzim Basha ftoi qytetarët që të hënën të bëhen pjesë e saj. Vokshi sqaroi se opozita nuk kërkon të marrë protagonizëm në këtë protestë. Sipas saj, kauza e studentëve është e drejtë dhe ajo që duhet të bëhet është shfuqizimi i ligjit për arsimin e lartë.

“Të gjithë kemi fëmijë. Të gjithë kemi qenë të emocionuar për mënyrën e protestimit të studentëve. Të gjithë kemi qenë aty. Kemi respektuar dëshirën e studentëve për të mos qenë të pranishëm politikisht. Por a është një protestë me kërkesa politike? Basha e ka sqaruar sot. Nuk marrim protagonizëm. Kjo është protestë e studentëve. Por kërkesat e tyre janë të çdo familjeje. Unë kam qenë që ditën e parë me studentët. Të gjithë deputetët e PD-së janë me ta. Dy minuta i mjaftojnë Edi Ramës për plotësimin e kërkesave. Edi Rama nuk do t’i bëjë se do të tallet me ta. Ai do të shtypë shpresën, ndaj kudo në Shqipëri ke protesta. Ajo ç’ka unë kam këshilluar është që tetë kërkesat e tyre janë pasoja. Ligji i arsimit të lartë është e keqja. Nuk ka nevojë për amendime. I tëri duhet shfuqizuar.

Zoti Basha ka ftuar çdo demokrat, çdo qytetar që të hënën t’i bashkohet protestës së studentëve. Kauza e tyre është e drejtë. Edi Rama sot e kësaj dite nuk iu ka kërkuar falje studentëve për fyerjen që iu bëri”, u shpreh ajo.

Ndërkohë Vokshi ripërsëriti atë që kreu i opozitës Lulzim Basha tha në Këshillin Kombëtar se PD asnjëherë nuk do të vijë në pushtet me anë të dhunës.

“Asnjëherë PD nuk ka bërë një protestë të dhunshme. Përkundrazi ka pasur protesta në të cilat, pjesëmarrës kanë tentuar që të ushtrojnë dhunë, por kryetari Basha i ka tërhequr sepse kjo ishte mënyra që Edi Rama tentoi dhe erdhi në pushtet, mbi kufoma. Protestat nuk bëhen që të merret pushteti me dhunë, por për të protestuar kundër keqqeverisjes. Ne nuk e duam pushtetin me dhunë. PD do vijë në pushtet vetëm me anë të zgjedhjeve. Kjo është ajo që do tentojmë të bëjmë.

Ajo ç’ka unë dua të theksoj është që Edi Rama duhet larguar. Është e keqja më e madhe, është penguesi i zhvillimit, është penguesi i të ardhmes. Largimin nuk do ta bëjmë me dhunë. Largimin do ta bëjmë në bazë të protestave të përditshme”, tha ajo./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono