Jorida Tabaku

KRONIKE-DASHI-JORIDA-PER-BUXHETIN-2019.mpg_snapshot_02.03-1280x720.jpg
G. P.15:19 | 11/12/2018

Rritja e pagave jo reale, mungesa e indeksimit te tyre dhe pensioneve dhe risku i krijuar per shkak te kontratave te Partneritetit Publik Privat japin një pasqyrë aspak të mirë për financat e vendit në vitin e ardhshëm. Kjo sipas kreut të LZHK-së Dashamir Shehi dhe demokrates Jorida Tabaku të cilët në një intervistë për ABC News e shohin projekt-ligjin për buxhetin 2019 si pasqyrë të asaj që konsiderojnë si krizë të thellë ku ndodhet vendi.

Miratimi i buxhetit për vitin e ardhshëm në mungesë të debatit parlamentar për shkak të bojkotit të opozitës, nuk është produkt i mungesës së ksaj të fundit në proces, por vetëm vijim i filozofisë së mazhorancës sipas demokratëve dhe aleatëve të saj.

Jorida Tabaku, deputete e PD: “Duke filluar nga 2013 PD ka përgatitur amendamente. Të gjitha të refuzuara me votë, të gjitha pa lejuar fare diskutimin. Në qoftë se për 5 vite me rradhë kemi patur një sjellje dhe kemi qenë konstruktivë dhe kemi dhënë alternativën tonë. Mendon se do të ndryshonte ndonjë gjë po të bënim të njëjtën gjë edhe këtë vit?!…”

Dashamir Shehi, kryetar i LZHK: “Ne jemi në një situatë të jashtëzakonshme. Situata e jashtëzakonshme kërkon masa të jashtëzakonshme. Kështu që nga kjo pikëpamje, për të denoncuar këtë buxhet nuk na ka penguar mungesa e parlamentit.”

Për kreun e Lëvizjes për Zhvillim Kombëtar Dashamir Shehi situata është e thjeshtë për tu përgjithësuar.

Dashamir Shehi, kryetar i LZHK: “Ky njeri nëpërmjet koncesioneve ka marrë direkt 150 milionë ëtij buxheti që mund tu përdorte për gjëra të tjera vit për vit do të vazhdojë t’ja marri këtë punë edhe 15 vite të tjera me radhë. Ka firmosur letrat që ky do të marri paratë e shqiptarëve jo këtë vit dhe vitin që vjen por edhe 10-12 vjet të tjera.”

Jorida Tabaku, deputete e PD: “Kontratat koncesionare të partenritetit publik privat kanë pasur një rritje të jashtëzakonshme vitet e fundit. Ishin 70 milionë euro para dy vitesh, shkuan 90, këtë vit shkuan 100-160 mendohet pas 3 vitesh që janë një rrezik shumë i madh kosto vjetore. Ndërkohë që në total ato që kanë firmosur deri më sot janë 2.2 miliardë euro. Ky është një rrezik i jashtëzakonshëm fiskal për Shqipërinë sepse është 12% i PBB i cili nuk po llogaritet në borxh. Detyrime të gjitha për tu pahuar nesër”.

Detyrime kto të cilat shlyhen nga paratë e taksapaguesve, të cilët sipas Tabakut, prej vitit 2013, i paguajne shtetit 1.9 miliardë euro më shumë në formën e taksave dhe tatimeve që rriten prej 5 vitesh tashmë, pa u shoqëruar me rritje pagash.

Jorida Tabaku, deputete e PD: “Një rritje pagash me thuajse 30% do e zgjidhte situatën, duke pasur parasysh qe çdo vit nuk janë rritur”.

Por buxheti 2019 i miratuar në parlament ditën e hënë parashikon një rritje prej 7% të pagave, e pamjaftueshme kjo as për të balancuar rritjen e taksave në këto vite të qeverisjes së Rilindjes.

Jorida Tabaku, deputete e PD: “Në 5 vite kto paga nuk janë indeksuar as me normen e inflacionit. Sipas INSTAT ka pasur për here të parë në 15 vite ulje reale të pagës”.

Dashamir Shehi, kryetar i LZHK: “Këta u bënë 6 vjet dhe po rrisin pagat 7%. Këto po kompensojne inflacionin që rrotullohet në 2% në vit, as atë nuk e kanë mbërrit të kompesojnë humbjet jo më të pretendojmë se ka rritje reale page. Po marr njeë pagë 30,000 me 7% rritja është 20 mijë lekë, kaq e parëndësishme dhe pa influencë
Rrëzimin e propozimit për heqjen e tatimit mbi fitimin për pagat deri në 40,000 lekë të reja, me pretendimin se dëmtohen financat e shtetit”.

Dashamir Shehi, kryetar i LZHK: “Kjo është të nxjerrësh dhjamë prej pleshtit. Zoti Ahmetaj dhe zotërinjtë e tjerë duhet ti bledhin taksat në sektorë të tjerë. Këtu ka kompani nafte që i kanë borxh shtetit nga 60-70 milionë”.

Pretendimin e ministrit të Ekonomisë dhe Financave Arben Ahmetaj se alternativa e opozitës, për taksim të sheshtë 9%, do të rrisë taksimin e fashës 30,000 deri në 40,000 lekë, Tabaku në rastin më të mirë e quan mashtrim, e në atë më të keq, padituri në llogari.

Jorida Tabaku, deputete e PD: “Nga 30 mijë taksa ka qënë 10% sot ajo paguhet 13% …13% dhe 23% jan më të larta se 9% sepse ka një fashë të mbrojtur 0 ne 30… Kjo fashë nëse llogarisim diferencën sipas propozimit të PD tatohet 4%…duke hequr diferencën në të dyja rastet, 5.5% është më e lartë se 4%”.

Por për Dashamir Shehin edhe pse alternative e opozitës paraqet një ndryshim të madh pozitiv krahasuar me atë të praktikuar prej 5 vitesh nga mazhoranca aktuale, vendi përballet me një emergjencë kombëtare që kërkon vendime drastike.

Dashamir Shehi, kryetar i LZHK: “Ka nëvojë shëndetësia, arsimi por ka më shumë nevojë Shqipëria. Nqs do e kisha unë buxhetin do rrisja rrogat që të kontribuojmësado pak në bllokimin e fluksit migrator që po merr pjesën më të madhe të shqiptarëve të mirë profesionistë. Mjafton një elektriçist, një hidraulik një marangoz i duhet Shqipërisë dhe nuk i ka me. Këte vit 20% pastaj 3 vjet nga 15% brenda një dekade ti afrohemi nivelit, mirpo ky hall po nuk e zgjidhën dhe këto 4-5 vjet nuk ka më kthim. Të gjithë formulën për të bllokuar hemoragjinë njerëzore që nuk kthehet më pas, po u shkatërrua struktura nga ana demografike këtu s’do ketë më para për pensionet”.

Shqetësimin e djeshëm të opozitës për borxhin e pallogaritur të PPP-ve sot e ngre Fondi Monetar Ndërkombëtar, thekson Tabaku; atë të taksave të ngritura qytetarët dhe bizneset; akuzat e djeshme të opozitës për rritjen e tarifave universitare sot e brohorasin studentët në protesta, tregues se denoncimet e opozitës janë reale e jo thjesht deklarata politike, përfundon Tabaku./abcnews.al

TABAKU-TE-BREGU-I-LUMIT-SINKRON-.mpg_snapshot_00.41-1280x720.jpg
ent ela16:28 | 05/12/2018

Nga Bregu i Lumit në Tiranë, deputetja e Partisë Demkokratike Jorida Tabaku, i ka bërë thirrje qeverisë të dëmshpërblejë banorët, të cilëve u preken banesat nga zgjatimi i bulevardit të ri në Tiranë. Sipas deputetes demokrate qeveria po përdor dy standarte, në trajtimin e këtyre qytetarëve. Tabaku u shpreh se disa prej banorëve janë shoqëruar në komisariat, ndërkohë që i bëri thirrje policisë të mos përdoret politiksht.

Jorida Tabaku, deputete e Partisë Demokratike: “200 familje deri në këtë urë janë dëmshpërblyer, ndërkohë që këto banorë 40 familje i kërkojnë që të dalin nga shtëpia pa asnjë dëmshpërblim pa asnjë dokument ligjor, pa asnjë letër. Shtetit ka ardhur dhe i ka kërkuar që të dalin nga shtëpitë dhe nuk i ka sjellë asnjë vendim zyrtar. Sot disa nga këta banorë janë shoqëruar në komisariat. I bëj thirrje policisë që të distancohet nga thirrjet e paligjshme dhe antikushtetuese të Bashkisë Tiranë. I bëj thirrje policisë të mos i cënojë më banorët, i bëj thirrje policisë të vijë këtu të diskutoi me banorët dhe ti japë atë që i premtoi, dëmshpërblim me vlerën e tregut. Në qoftë se këta banorë këtu u dëmshpërblyen me 230 mijë lekë metri katror. Kryetari i bashkisë i premtoi që do ti shpërblejë me 500 mijë lekë metri katror. Ndërkohë që sot bashkia është zhdukur, qeveria është zhdukur. I bëj thirrje qeverisë që të mos përdorë dy standarte. Ti lejojë këto banorë që në pronën e tyre, që në pjesën më të madhe të rasteve është ose e legalizuar ose ne proces legalizimi të trajtohen si banorë dhe si qytetarë të Tiranës.”/abcnews.al

SINKRON-JORIDA-BREGU-I-LUMIT.mpg_snapshot_00.59-1280x720.jpg
G. P.16:37 | 04/12/2018

Një tjetër protestë u zhvillua në zonën e bregut të Lumit, ku banorët akuzuan qeverinë se nuk kanë marrë dëmshpërblimin për shembjen e banesave, për shkak të zbatimit të projektit të bulevardit të ri të Tiranës. Njëlloj si një ditë më parë, pranë tyre ishte deputetja demokrate Jorida Tabaku.

Jorida Tabaku, deputete e PD: “Kjo protestë këtu është klithmë e banorëve që kërkojnë të drejtën e tyre të pronës.ot pamë tek Unaza e Re në Laprakë që shteti shkoi pa lajmëruar dhe i hyri brneda në shtëpi dhe i nxorri nga shtëpia. Pamë që në Shkozë i nxorri fëmijët në mes të natës dhe i nxorri nga shtëpia dhe i la pa shkollë dhe i prishi shtëpinë. Nesër do të vijnë këtu, pasnesër do të jenë dikur tjetër. Ishin në jug dhe i morën pronat qytetarëve. Kjo është klithmë e këtyre banorëve pronarë në të drejtën e tyre për të mbrojtur pronën. Unë nuk besoj se ka gjë më të shtrenjtë se jeta dhe se prona. Në qoftë se këto të dyja shkelen nuk e di se çfarë i mbetet në dorë këtyre banorëve. Në 2013-n Erion Veliaj erdhi e u tha banorëve se dëmshpërblimi prej 23 mijë lekësh të reja që PD u kushte dhënë banorëve deri këtu nuk ishte i drjetë. Erion Veliaj bashë me Sadri Abazin dhe Ervin Bushatin thanë se do ti dëmshpërblejnë me 50 mijë lekë të reja metri katror. Sot atë premtim e morën dhe e shkelën me dy këmbë. Unë jam këtu për ti mbrojtur banorët bashkë me kolegët e mi të PD. Do të bëjmë një betejë ligjore deri në pikën e fundit për ti mbrojtur këto banesa, ashtu siç po luftojnë qytetarët në të gjithë Shqipërinë. I bëj thirrje qeverisë të tërhiqet sa nuk është vonë, përndrydhe që të gjithë do të jemi brenda këtyre banesave, brenda këtyre pronave të ligjshme, për ti trajtuar me të njëjtin standat që janë trajtuar 200 familjet e pjesës së parë të bulevardit. Le ta zhvillojmë qytetin duke mos shkelur pronën.”/abcnews.al

tabaku.jpg
G. P.20:23 | 03/12/2018

Jorida Tabaku shprehet që opozita nuk do shkojë në parlament nëse nuk ka reagim për vettingun në politikë. Në emisionin “Mbrëmje Ide” nga Mirela Milori, ajo i dha përgjigje edhe spekulimeve nëse opozita do hyjë në Kuvend më 22 dhjetor për të miratuar reformën zgjedhore.

Mirela Milori: “Spekulime nga PS bëjnë me dije se më 22 Dhjetor do hyni në Parlament sepse do kalojë reforma zgjedhore”.

Jorida Tabaku: “Unë nuk e di që PD të jetë kaq gati me reformën zgjedhore që të insistojë që ta fusë në datën 22 Dhjetor. Do shpresoja shumë. Në fakt është qeveria ajo që duhet të marrë hapat e parë, por nuk më duket aq gati”.

Përsa i përket djegies së mandateve nëse nuk shkojnë në Kuvend ajo tha se “i gjithë grupi parlamentar dhe opozita kanë të njëjtin qëndrim për këtë që deri në momentin që ne kemi një reagim për vettingun në politikë, për propozimin tonë të Vettingut në politikë, ne do vazhdojmë të kemi këtë marrëdhënie me parlamentin. Nuk është bojkot, është marrëdhënie e kushtëzuar”.

Deputetja e Partisë Demokratike dha një përgjigje edhe për rezolutën e Parlamentit Europian, që e cilëson bojkot largimin e opozitës nga parlamenti.

Jorida Tabaku: “Unë e kam lexuar rezolutën. Nuk është se sjell ndonjë gjë të re. Rezoluta përkthen atë që ka nxjerrë Komisioni në Maj për vendimin dhe propozimin për hapjen e negociatave. Fatkeqësisht do kisha dashur ta përshëndes, por nuk sjell asnjë ndryshim nga pikëpamja e arritjes së objektivave që qeveria duhet t’ia kishte vendosur vetes sepse rezoluta thjesht formalizon kërkesat që kishte në Komision dhe tani shkuan në parlament. Në lidhje me bojkotin e opozitës unë dua të sqaroj që nuk bëhet fjalë për bojkot, ne kemi pasur një marrëdhënie të kushtëzuar me parlamentin”.

Mirela Milori: “De fakto bojkot thonë ata sepse nuk keni vajtur në parlament që pas pushimeve të verës”.

Jorida Tabaku: “Nuk është e vërtetë. Kemi qenë në komisione, për teatrin, në këshillin e legjislacionit. Është bërë propozimi i paketës tonë për Vettingun tonë në politikë dhe kanë qenë kolegët tanë. Unë besoj që parlamenti më i mirë është me njerëzit”./abcnews.al

jorida-tabaku.jpg
G. P.19:41 | 03/12/2018

Sipas Jorida Tabakut kandidatura e PD-së për zgjedhjet e ardhshme për Bashkinë e Tiranës do të jetë më e mirë se e Erjon Veliajt. E pyetur nëse do të jetë ajo kandidatja për Tiranën, ajo tha se akoma nuk është diskutuar asnjë kandidaturë.

Mirela Milori: “Për zgjedhjet vendore ka qarkulluar emri juaj. Do të jeni kandidaturë për Tiranën apo jo”?

Jorida Tabaku: “Kjo ishte një pyetje e papritur Mirela. Unë nuk e di se kush do jetë kandidatura për Tiranën, por di të them që do të ofrojmë një kanditaturë më të mirë se Erjon Veliaj dhe Ogerta Manastirliu të dy bashkë. Më të mirë të mundshme për qytetarët. Sot kam parë njerëz që po detyroheshin, po dilnin nga shtëpitë e tyre me fëmijët para festave të Vitit të ri, pa një letër. Këtë nuk ka poër ta bërë kurrë një kryetar bashkie i djathtë. Për këto arsye them me bindje të plotë që më i mirë se Manastirliu dhe Veliaj bashkë kushdo që të dalë. Thjesht po them standardin që ka PD dhe që ka qeveria e djathë”.

Mirela Milori: “Zoti Basha ju ka kërkuar që të jeni kandidatura e djathtë”?

Jorida Tabaku: “Nuk është diskutuar asnjëherë asnjë kandidaturë. Është një proces që zoti Basha e ka lancuar që do të vazhdoj. Në fund të gjithë do ta marrin vesh, nuk fshihet dot kandidati”.

Përsa i përket marrëdhënies së opozitës me parlamentin, Tabaku tha se ajo është e kushtëzuar pasi ka marrë pjesë në komisione. Sipas saj nuk bëhet fjalë për bojkot dhe opozita do të shkojë në parlament kur të ketë reagim për vettingun në politikë./abcnews.al

KRONIKE-JORIDA-BORXHI-BUXHETI-2019.mpg_snapshot_01.26-1280x720.jpg
ent ela16:37 | 14/11/2018

Deputetja demokrate Jorida Tabaku ka akuzuar qeverinë se po legjitimon përmes buxhetit 2019 vjedhjen e arkës së shtetit përmes parashikimit në rritje të kontratave të partneritetit publik privat, pagesa për të cilat bëhet nga buxheti i shtetit dhe i kushton çdo qytetari nga 730 euro në vit.

Jorida Tabaku, opozitarizmin ndaj projektbuxhetit për vitin e ardhshëm e artikuloi, jo nga karrigia e zëvendës kryetares së komisionit të ekonomisë, por nga selia e Partisë Demokratike. Nga foltorja blu Tabaku kërkoi t’i japë përgjigje pyetjes së relatores Evis Kushi lënë jetime nga ministri Ahmetaj, gjatë diskutimit në parim të borxhit publik të projektbuxhetit 2019.

Evis Kushi, deputete PS: “PPP a janë llogaritur në borxh dhe nëse jo sa do të shkonte borxhi publik”.

Jorida Tabaku, deputete PD: “Borxhi publik nga 72 në 85% me këto kontrata. Janë 2.1 miliardë dollarë për 14 kontrata PPP – klientele e qeverise. Gjoba vjetore 105 milionë euro në 2019, te gjitha para qe do të paguhen nga xhepat e shqiptareve”.

Për Tabakun metoda që përdor qeveria, e shpikur sipas saj dhe e bekuar me emrin gjoja perëndimor të Partneritetit Publik Privat, i ka kushtuar derimë tani shqiptarëve 2.2 miliardë euro.

“Një shifër që është e barabartë me 31% të produktit të brendshëm bruto. Çdo shqiptar, që nga fëmija i sapolindur tek më i moshuari do të paguajë këtë vit 730 euro”.

Këtë kosto vjetore prej 730 eurosh e paguajnë çdo qytetar shqiptar, nga ata që për 6 vjet janë varfëruar nga taksat e larta dhe jetesa e shtrenjtë, të papunët, ata të cilët nuk mbyllin dot muajin derisa t’i bashkohen 40% që është larguar nga vendi, sipas Tabakut.

“Sipas të dhënave të vetë buxhetit të shtetit, projekti i hajdutërisë “1 mld euro” është vlerësuar me rritje në çdo PPP që qeveria ka programuar apo ia ka dhënë ndonjë prej oligarkëve. Ky buxhet i cili parashikon rritjen e kostos për 1 kilometër rrugë nga 1 mln euro në 11 milionë euro është dëshmia më e qartë e asaj vjedhje tanimë të ligjëruar me Ligjin e Buxhetit që kjo mazhorancë do të kryejë vitin e ardhshëm”.

Kush e voton ktë buxhet sipas demokratëve, faktikisht voton pro interesit të oligarkëve dhe një pakice që skllavëron shqiptarët duke vjelë xhepat e tyre dhe shpërdoruar buxhetin dhe arkën e parave publike./abcnews.al

KRONIKE-VELIAJ-TABAKU-REFORMA-TERRITORIALE.mpg_snapshot_00.39-1280x720.jpg
G. P.15:22 | 13/11/2018

Në një takim të organizuar në bashkëpunim me Bashkimin Europian lidhur me pushtetin lokal, kreu i bashkisë Tiranë Veliaj i kërkoi unionit më shumë invetime direkte për njësitë lokale të cilat performojnë në implementim. Për Jorida Tabakun, kjo duhet të nisë me fondin e zhvillimit të rajoneve, i cili sipas saj alokohet bazuar mbi ngjyrën partiake të njësive lokale dhe jo cilësisë së projekteve të propozuara.

Komiteti i Rajoneve të Bashkimit Europian zhvilloi në Tiranë takimin e 23-të me fokus Ballkanin Perëndimor dhe pjesmarrës drejtues vendorë, ekspertë dhe përfaqësues të vendeve të BE-së. Përfaqësues të mazhorancës dhe opozitës në pushtetin qendror dhe atë lokal diskutuan dhe ndanë mendime lidhur me pushtetin vendor dhe reformën territoriale. Për kreun e bashkisë Tiranë Erion Veliaj, sot vendi ka nevojë për mbështetje më direkte nga Bashkimi Europian, të kanalizuar tek njësitë vendore, bazuar mbi aftësinë e këtyre të fundit për implementimin e projekteve.

“Ka ardhur koha që edhe Komisioni Europian të mbështesë direkt bashkitë që janë të afta të implementojnë dhe që mund të çojnë këto kauza përpara”.

Në kërkesën e artikuluar refuzoi të bëjë dallime partiake.

“Si unë si Voltana që drejtojmë dy shoqatat e bashkive marrim feedback konstant për nevojën për më shumë shkolla, kopshte, çerdhe, gjelbërim dhe kjo është një nga arsyet pse ne kërkojmë që edhe Komisioni Europian t’i shikojë bashkitë si një prioritet dhe partnerë në implementim”.

Kjo sipas Jorida Tabakut duhet të niste nga vetë brenda shtetit, ku qëllim i reformës territorial të vitit 2014, ishte edhe ndryshimi i marrëdhënies mes pushteteve për fuqizimin e pushtetit lokal.

“Premtimi kryesor i Partisë Socialiste ishte premtim financiar. Të gjitha bashkitë, në 2014 shpenzonin 80 milionë euro më shumë të cilat do t’i jepenin qytetarit me shërbime më të mira, që do të kthehej tek ata për shërbime më të mira. Sot të dhënat e buxhetit tregojnë se bashkitë shpenzojnë 116 milionë euro vetëm për paga. Kjo është një vlerë dy herë më e lartë se e 2014-ës që është viti paraardhës i reformës territoriale. Sot bashkitë nuk kanë mundësi të bëjnë investime, nuk kanë aftësinë të bëjnë investime sepse buxheti i tyre është zënë nga pagat”.

Për Tabakun dallimet partiake në ndarjen e buxhetit për bashkitë janë të dukshme dhe mungesa e financimit të projekteve është pjesë e asaj që etiketoi ‘dështim të refromës’.

“Shembulli më i mirë është ndarja e fondit të zhvillimit të rajoneve, 90% e fondit të zhvillimit të rajoneve sot shkon për Bashkitë e majta.
Vetëm 10% për bashkitë e djathta. Kam parë projekte pa fund, projekte shumë të mira zbatimi që mesa duket nuk marrin fonde vetëm sepse diskriminohen”.

Për Veliajn menaxhimi i një qyteti nuk ndahet në ideologji të majta e të djathta.

“Mbledhja e plehrave, autobusët që vijnë në kohë, mbjellja e pemëve, cilësia e ajrit, janë çështje pa parti. Dhe pavarësisht bindjeve tona, në fund të ditë të gjithë duam të kemi qytete funksionale, dhe takime të tilla të cilat na mësojnë sesi qytetet mund të bëhen më funksionale janë gjithmonë të mirëpritura”.

Por kjo nuk bind zv.kryetaren e Komisionit të Ekonomisë, Jorida Tabaku, sipas së cilës sot një nga kompetencat kryesore të pushtetit lokal është propozimi i kontratave me partneritet publik privat dhe kryeqyteti ka mundësuar, sipas saj, edhe pasqyrën më të qartë të shkeljes së kompetencave të pushtetit lokal nga ai qëndror me rastin e Teatrit Kombëtar.

“Çështja e teatrit është shembulli më i mirë se si qeveria shkel me dy këmbë kompetencat lokale, shembulli më i mirë se si ka dështuar kjo reformë, shembulli më i mirë se si Këshilli Bashkiak i Tiranës është zhveshur, është cunguar nga përgjegjësitë. Sepse duhej të vendose ai këshill Bashkiak për mënyrën se si duhej të rikonceptohej qyteti i Tiranës dhe jo qeveria. Ajo që ne mendojmë dhe ajo që ne dëshirojmë janë bashki të afta për të konkurruar edhe bashkitë europiane; bashki me kapacitete, bashki me përgjegjësi, bashki me buxhete, me qytetarë që kanë më shumë shërbime, me pushtet lokal që është më afër qytetarëve”.

Për këto arsye Partia Demokratike është për ndërtimin e pushtetit vendor me dy nivele, jo nxjerrjen jashtë funksionit për nga kompetencat buxhetore të qarqeve, që sipas Tabakut duhej të ishin në zemër të reformës territoriale dhe përgjegjëse për të thither investime të BE-së. gjithashtu koncepti i ndarjes së taksave, ku ato që përdoren në një qytet të caktuar të ndahen me pushtetin lokal është pjesë e vizionit të demokratëve, përfundoi Tabaku./abcnews.al

IMG_0037-1280x853.jpg
G. P.13:50 | 05/11/2018

Sa herë ministri Arben Ahmetaj jep deklarata që tregojnë shifra në rritje, është demokratja Jorida Tabaku që i kundërvihet.

“Buxheti 2019 nuk projekton zhvillim dhe mirëqenie, por lëmoshë për qytetarët dhe taksim të rëndë për bizneset”.

Sipas deputetes së Partisë Demokratike Buxheti 2019 shoqërohet me 40 milionë USD taksa më shumë për shqiptarët dhe me rritje të borxhit publik.

“1 në çdo 3 lekë te fituara i paguhen qeverisë si taksë. Buxheti 2019 nuk parashikon më shumë të ardhura në xhepat e shqiptarëve për të përballuar çmimet, taksat dhe tarifat e rritura prej saj. Buxheti 2019 është i pamëshirshëm me më të varfrit, me më të pamundurit, duke larguar nga skema e ndihmës ekonomike rreth 40 mijë familje”.

Edhë këtë herë Partia Demokratike përsërit se do të bëjë gjithçka që ky të jetë buxheti i fundit i qeverisë së Edi Ramës./abcnews.al

IMG_9221-1280x853.jpg
G. P.12:51 | 31/10/2018

Nënkryetarja e komisionit të ekonomisë, demokratja Jorida Tabaku akuzoi kryeministrin Rama për tenderin, sipas saj korruptiv, në favor të kompanisë kroate, që u shpall fituese për menaxhimin e faturimit të bizneseve.

Tenderi i fituar nga bashkimi i operatorëve ekonomik Jehona Software, Datech dhe Neos me vlerë 15 milionë euro për kontrollin online të faturave tatimore të bizneseve, sipas Partisë Demokratike është haptazi korruptiv dhe kjo për Jorida Tabakun vërtetohet nga vetë dokumentat publike të Agjencisë Kombëtare të Shoqërisë së Informacionit.

“Tregojnë se në tenderin fasadë prej 15 milionë euro kanë marrë pjesë 3 garues. Dy prej tyre kanë qenë aty në garë për të legjitimuar  skemën korruptive”.

Një nga dy ofertat ishte ajo e BNT Electronics me çmim lehtësisht më të lartë se ajo e ofertës fituese.

“Bashkëpunëtor në këtë skemë është edhe Armando Frangu, baxhanaku i kryeministrit Edi Rama. Përmes kompanisë së tij B360, ai nuk ka dhënë asnjë ofertë, në garën fallco për të legjitimuar fitoren e kompanisë kroate të tenderit korruptiv prej 15 milionë dollarësh”.

Kjo për të mundësuar plotësimin e kriterit të çmimit më të ulët për fituesin, theksojnë demokratët. Për këtë shërbim, kompania B360 merr shpërblimin e saj, sipas Tabakut.

“Jo pak, por 15.6 milionë euro tendera i ka dhënë qeveria e Edi Ramës baxhanakut të Edi Ramës nëpërmjet ortakut të baxhanakut”.

Selia blu paralajmëron se do t’i shkojë në fund asaj që quan aferë korruptive, duke zbuluar skemën sesi kompania kroate u bë fituese e tenderit që sipas llogarive të demokratëve do t’i kushtojë çdo biznesi 600 deri në 1000 euro shpenzime./abcnews.al

jorida-tabaku.png
G. P.13:18 | 30/10/2018

Deputetja demokrate Jorida Tabaku, nënkryetare e komisionit të ekonomisë, nga selia blu doli të konfirmonte, atë çka 5 javë më parë e paralajmëroi nga e njëjta sallë.

 “Qeveria e Edi Ramës e kishte paracaktuar fituesin kroat të tenderit korruptiv që vendos monopolin e kontrollit të faturimit mbi biznesin. Sot, paralajmërimi ynë është bërë realitet. Kompania kroate u shpall fituese e tenderit prej 15 milionë eurosh në një garë fasadë me një kompani që nuk i plotësonte kriteret”, u shpreh Tabaku.

Tender korruptiv me garë fasadë sipas demokratëve sepse për ta, ishin kriteret e tenderit që iu  përshtatën kompanisë kroate dhe jo anasjelltas si e do rregulli.

“Kjo qeveri jo vetëm ka pafytyrësinë t’i shkojë deri në fund një tenderi të denoncuar si korruptiv, por po e shet Shqipërinë me copa tek klientë që kanë mbajtur në këmbë pushtetin e inkriminuar dhe të korruptuar të Edi Ramës”, tha deputetja e PD-së.  

Kostoja prej 15 milionë eurosh nuk është fatura e vetme që do të paguajnë shqiptarët për këtë tender korruptiv, thekson deputeti demokrat Endri Hasa.

“Monopoli që vulosi qeveria, me një faturë skandaloze për bzineset, 80-100 milionë euro, detyron çdo biznes që të heqë kasat dhe sistemet elektronike që ka sot, për të blerë pajisje te reja fiskale, që do të punojnë sipas kërkesave që do të përcaktojnë kroatëve, kur të ndërtojnë sistemin e ri”, tha Hasa.

Kjo do të thotë se bizneset do të duhet të hedhin në kosh 140 mijë kasat fiskale ekzustuese, për t’i zëvendësuar ato kundrejt një pagese që kap shifrat 600 deri në 1000 euro me sistemin e kroatëve, sipas Hasës.

“Ftoj çdo ekspert të IT apo Ekonomisë të përllogarisë vetë kostot. Do të zbulojë fare lehtë që ky shpenzim do të jetë realisht më i lartë, po të llogariten kostot e tjera që kanë të bëjnë me stafin dhe infrastrukturën e nevojshme për të transmetuar në kohë reale në sistem çdo shitje”, tha deputeti.

Ky sistem cënon konkurencën e ndershme në treg, thekson selia blu, pasi i jep mundësi individëve të pakontroluar të kenë akses në informacione komerciale, industruale, produktet apo xhepin e çdo tatimpaguesi. Partia Demokratike njoftoi se po merr informacionin e nevojshëm për të zbuluar kush qëndron prapa kësaj kompanie./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono