Jorida Tabaku

jorida-tabaku-1280x731.jpg
nev ila22:02 | 11/07/2019

Ish nënkryetarja e komisionit të ekonomisë Jorida Tabaku shkruan në rrjetet sociale se arsyet e paraqitura në raportin e fundit të DASH, se Shqipëria është vendi më i korruptuar në Ballkanin perëndimor, janë prekur vazhdimisht nga opozita, por qeveria ka këmbëngulur që të paraqesë një realitet tjetër, duke këmbëngulur në rrugën e gabuar ekonomike.

“Raporti është një kambanë alarmi drejtuar një qeverie dhe mazhorance që ka vendosur t’i shkojë deri në fund rrugës së verbër të koncesioneve klienteliste, tenderave për oligarkët dhe thatësirës së investimeve të huaja”, shkruan Tabaku.

Sado ligje gjoja pro-investitorë të votojë kjo mazhorancë, fryma anti-biznes e kësaj qeverie do të jetë përherë pengesë dhe barrierë për investitorët e huaj në Shqipëri, vijon ish deputetja demokrate, sipas të cilës, prej shtatorit 2013 në Shqipëri nuk ka ardhur asnjë investim i huaj direkt, dhe kryeministri Rama është krenuar me atë çfarë trashëgoi nga qeverisja demokratike.

Tabaku kujton premtimin e PD jo vetëm për ulje të taksave, por edhe krijimin e gjithë kushteve politiko-ekonomike në favor të investimeve të huaja, për ta rikthyer Shqipërinë në një konkurente të denjë në rajon./ABC News Albania 24/7

5cd28c0452274Screenshot_2.jpg
Sej rie10:14 | 08/05/2019

Ish-deputetja e PD-së Jorida Tabaku do të sjellë në jetë fëmijën e saj të tretë. Edhe pse shtatzënë ish-deputetja e Parisë Demokratike, Jorida Tabaku ka qenë mjaft aktive për kauzat opozitare. Jorida është në pritjen e fëmijës së tretë dhe lajmin e ëmbël ajo e konfirmoi në një intervistë për ABC News.

Por kurioziteti nuk është i vogël për ta parë demokraten më barkun e rrumbullakosur. Ditën e djeshme ajo u shfaq në aktivitetin për rivendosjen e shkronjave të Teatrit Kombëtar, ku në një foto duket edhe barku i saj. Tabaku tashmë është nënë e dy binjakeve Arba dhe Iris, të cilat së shpejti do bëhen me një vëlla.

Jorida Tabaku zbulon gjininë e bebes

Mirela Milori: Unë iu falënderoj shumë juve që në situatën që jeni gjetët kohët dhe ndenjët me mua. Një kuriozitet shumë të vogël, keni dy vajza prisni fëmijën e tretë, është djalë apo vajzë?

Jorida Tabaku: Është një djalë dhe unë shpresoj shumë që ky të mos jetë thelbi i lajmeve të sotme. Sepse diskutimi sot ishte dhe është tek protesta.

Mirela Milori: Po një bisedë mes zonjave sepse e vlerësoj shumë që jeni në këtë situatë dhe qëndruat kaq gjatë në studio dhe faleminderit që ishit këtu.

Jorida Tabaku: Nesër më lejon që të them edhe një fjali. Kjo është një arsye më shumë për mua për të protestuar. Jetoj në këtë vend, kam vendosur t’i rris fëmijët e mi në këtë vend dhe është arsye më shumë për të bëre këtë që po bëjmë. Më tregon që është rruga e duhur./abcnews.al

Jorida-Tabaku-1280x729.jpg
G. P.20:10 | 02/05/2019

Edhe pse nën ethet e protestë së opozitës, ish-deputetja e PD-së Jorida Tabaku ka gjetur kohën për të qenë në studion “ABC News”, ku ka konfirmuar lajmin e ëmbël. Gazetarja Mirela Milori i tha se ajo është nënë e dy vajzave dhe se pret një fëmijë të tretë. Jorida u shpreh se është pritje të një djali.

Mirela Milori: Unë iu falënderoj shumë juve që në situatën që jeni gjetët kohët dhe ndenjët me mua. Një kuriozitet shumë të vogël, keni dy vajza prisni fëmijën e tretë, është djalë apo vajzë?

Jorida Tabaku: Është një djalë dhe unë shpresoj shumë që ky të mos jetë thelbi i lajmeve të sotme. Sepse diskutimi sot ishte dhe është tek protesta.

Mirela Milori: Po një bisedë mes zonjave sepse e vlerësoj shumë që jeni në këtë situatë dhe qëndruat kaq gjatë në studio dhe faleminderit që ishit këtu.

Jorida Tabaku: Nesër më lejon që të them edhe një fjali. Kjo është një arsye më shumë për mua për të protestuar. Jetoj në këtë vend, kam vendosur t’i rris fëmijët e mi në këtë vend dhe është arsye më shumë për të bëre këtë që po bëjmë. Më tregon që është rruga e duhur./abcnews.al

tabaku-1280x853.jpg
G. P.12:07 | 17/04/2019

Përmes një deklarate për media ish-deputetja demokrate, Jorida Tabaku, ka akuzuar pushtetin vendor se po përdor të njëjtën skemë si ai qendror duke rritur taksat ndaj qytetarëve dhe bizneseve të vogla, por pa kthyer asnjë qindarkë në investim publik.

“Që prej ditës së parë që hipi në Bashkinë e Tiranës, Erion Veliaj i shpalli luftë qytetarëve, biznesit dhe të vërtetës. Që në paketën e parë fiskale, të miratuar në dhjetor 2015 në Këshillin Bashkiak, ai ndërmori hapin represiv dhe diskriminues ndaj bizneseve dhe qytetarëve.

Si rrjedhojë, sot ata që jetojnë dhe punojnë  në Tiranë paguajnë 328 milionë euro taksa shtesë, të cilat nuk janë investuar në punë publike, që nuk i shërbejnë modernizimit të qytetit dhe rritjes së cilësisë së jetës në Tiranë.

Binzeset janë më të prekurit nga rritja e taksave në kryeqytet nën drejtimin e Erion Veliajt. Sot rreth 51 mijë biznese në Tiranë paguajnë taksa 2- 3 herë më shumë se 4 vite më parë.

Në krahasim me vitin 2015, taksat për biznesin e vogël janë mbidyfishuar.

Ne kemi marrë faturat të cilat i kanë shkuar bizneseve të vogla dhe vetë biznesi ka bërë krahasimin 2015-2019.

Më konkretisht, një sipërmarrës që zotëron një market të vogël në zonën e Tiranës, paguan 410 mijë lekë më shumë taksa më vit, që prej ardhjes në krye të bashkisë të Erion Velisë. Kjo vlerë është e barabartë me gati sa dy paga minimale.

Një biznes i mesëm, për shkak të rritjes së taksave nga Veliaj, paguan 540 mijë lekë më shumë për arkën e bashkisë, e cila i heq kështu mundësinë biznesit të mesëm të punësojë një person më të kualifikuar.

Një biznes i madh paguan 1 milion e 70 mijë lekë më shumë taksa në një vit, që kur Bashkia drejtohet nga Erion Veliaj. Këto parà mund të ishin shpenzuar më mirë nga biznesi për të rritur punësimin apo eficencën e sipërmarrjes.

Rritja e taksave nga Bashkia e Veliajt dhe nga qeveria e Ramës është arsyeja se pse sot në Tiranë janë mbyllur mbi 25 mijë biznese, duke e kthyer Tiranën në qytetin më të shtrenjtë, në qytetin me taksat më të larta, në qytetin e pamundësisë.

  1. Taksa e pronës është rritur nga 2 deri në 4 herë.
  2. Taksa e pastrimit është dyfishuar për të gjitha kategoritë e bizneseve dhe shkon në projektin korruptiv të inceneratorëve e në tenderat e Fushës nga ana tjetër.
  3. Taksa e arsimit, një taksë e re e vendosur nga Veliaj, ka çuar në arkën e Bashkisë  20 milionë Euro, por sot shkollat po jepen me PPP, me fitim shumë të lartë, abuziv dhe korruptiv për ndërtuesin e shtëpisë së Erion Veliajt.

Taksat e rritura nga bashkia shkojnë në të njëjtin zë si ai i qeverisë qëndrore: është i njëjti model, është e njëjta skemë, është i njëjti sistem, shpenzohen për fasadën dhe publicitetin personal të kryebashkiakut Veliaj, ndërsa qytetarët po i mbyt betoni i korrupsionit, falimenti, varfëria dhe papunësia”, tha Tabaku.

klajda-gjosha.jpg
G. P.23:17 | 10/04/2019

Në këtë puntatë të emisionit “Byro Politike” u diskutua mbi vizitën e zv/ndihmës sekretarit amerikan të Shtetit, Matthew Palmer. Të ftuar në studio ishin ish-deputetet Jorida Tabaku, Klajda Gjosha dhe analistët Enton Abilekaj dhe Mentor Kikia.

Diplomati amerikan theksoi se SHBA e njeh qeverinë shqiptare dhe do të vazhdojë bashkëpunimin me ta. Ndërkohë që dënoi djegien e mandateve të opozitës.

Dy ish-deputetet e pranishme në studio u shprehën se e prisnin një qëndrim të tillë të ndërkombëtarëve mbi këtë vendim. Ndërkohë gjithashtu nënvizuan faktin se Palmer ishte plotësisht dakord me të gjitha çështjet që ka ngritur opozita./abcnews.al

abilekaj.jpg
G. P.20:57 | 10/04/2019

Drejtori i Dosja.al, Enton Abilekaj, ishte i ftuar këtë të mërkurë në emisionin “Byro Politike”, ku u diskutua mbi vizitën e Palmer në Shqipëri dhe qëndrimet që mbajti pas përfundimit të takimeve me liderët e shtetit dhe të opozitës.

Sipas gazetarit, ai erdhi në një kohë pas publikimit të raportit të DASH për drogat. Edhe pse raporti ndan të njëjtat shqetësime që ka opozita, sipas Abilekajt, SHBA mban anën e qeverisë për hir të stabilitetit për një vend të vogël si i yni.

“Ka një problem. Palmer vjen pak ditë pasi doli raporti i DASH për drogat. Pra DASH, ku zoti Palmer është një ndër funksionarët dhe jo shumë i rëndësishëm për atë që është atje. I rëndësishëm është për Shqipërinë, por për departamentin vetë jo shumë, është i sigurt për atë që ndodh në Shqipëri. Raporti ndan të njëjta shqetësimet që ndan jo vetëm opozita dhe media në Shqipëri. Problemi është që këta në komunikimet që mbajnë me palën shqiptare zgjedhin të mbajnë anën e qeverisë për hir të stabilitetit. Ata ndoshta mendojnë që një vend i varfër nuk e meriton demokracinë, por duhet të rrijë urtë dhe të ketë stabilitet”, tha Abilekaj.

Ndërkohë, më herët dy ish-deputetet e opozitës, Klajda Gjosha dhe Jorida Tabaku, deklaruan se nuk prisnin qënrdim ndryshe nga ana e Palmer në lidhje me djegien e mandateve.

Ky i fundit dënoi dorëzimin e mandateve të deputetëve pasi mund të krijojë precedent në vende të tjera të rajonit, por edhe në vendet me demokraci të brishtë. Ndërsa nga ana tjetër, ashtu siç pohoi dhe Gjosha, Palmer ishte plotësisht dakord me çështjet që ka ngritur opozita./abcnews.al

klajda-gjosha-dhe-jorida-tabaku-1.jpg
G. P.20:34 | 10/04/2019

“Qeveria është legjitime”. Kjo ishte deklarata ditën e martë e zv/ndihmës sekretarit të shtetit, Matthew Palmer, i cili gjithashtu dënoi djegien e mandateve nga ana e opozitës, duke qëndruar në të njëjtën linjë me Bashkimin Europian.

Ndërkohë ish-deputetja demokrate, Jorida Tabaku, e ftuar në emisionin “Byro Politike” ka deklaruar se nuk priste diçka ndryshe. Sipas saj, turi i Palmer ishte i paralajmëruar dhe nuk pritej që të vinte dhe të zgjidhte krizën.

“Jo në fakt, ndihemi bashkë me njerëzi. Shumicë kundër pakicës. Nuk prisnim diçka ndryshe. Turi i Plamer ishte i paralajmëruar. Askush nuk shpresonte që të vinte të zgjidhte krizën. Dhe ne nuk kemi pritur një njeri që të zgjidhë krizën. Ne i mirëpresim. Diçka që ranë dakord palët është që qëndrimi i tij është i njëjtë me raportin e DASH që ka dalë më parë dhe konfirmon të gjitha kauzat e opozitës”, tha Tabaku.

Në të njëjtën qëndrim ishte dhe ish-deputetja e LSI-së, Klajda Gjosha. Sipas saj, djegia e mandateve nga ana opozitës nuk do të mbështetet nga ndërkombëtarët për shkak se krijon precedent. Mirëpo për Gjoshën, Palmer ra plotësisht dakord për të gjitha çështjet që ngre opozita.

“Detajet janë bërë dhe publike dhe nga deklarimet publike të LSI-së dhe nga ana tjetër. Vizita e Palmer ishte e pritshme në kuadër të një turi ballkanik, ku nuk pritej të kishte një formulë zgjidhje. Unë nuk pres që ndonjë nga ndërkombëtarët të mbështesë djegien e mandateve. Është një precedent që mund të përsëritet nga vendet e tjera të rajonit dhe ato me demokraci të brishtë. Edhe në takimin me LSI me të vërtetë nuk mund të pranohet precedenti, por bihet dakord 100% për të gjitha çështjet që ngre opozita. Këtu kemi çdo ditë fenomene që vërtetojnë akuzat e ngritura nga opozita”, tha Gjosha./abcnews.al

jorida-tabaku-KLSH-1280x757.jpg
ent ela14:40 | 05/04/2019

Gjetjet e raportit më të fundit të Fondit Monetar Ndërkombëtar për biznesin e vogël në Shqipëri, si dhe ai i Bankës Botërore, konfirmojnë situatën shqetësuese ekonomike të shqiptarëve.

Ky është mendimi i ish-deputetes demokrate Jorida Tabaku, e cila në një intervistë për ABC News, thekson se goditja e biznesit të vogël dhe rritja e taksave thellojnë varfërinë.

“Përfshirja e bizneseve me të ardhura mbi 2 mln, në TVSH, ka sjellë uljen e të ardhurave nga TVSH. Dha një efekt të menjëhershëm në rritjen e kostove të biznesit të vogël. Me fund të 2018 janë mbyllur 78 mijë biznese të vogla, por është përshpejtuar ritmi i mbylljes pas 1 prillit 2018, kur hyri në fuqi TVSH për biznesin e vogël”.

Më i godituri sipas raportit të Fondit Monetar Ndërkombëtar, i mbështetur edhe nga ai i Bankës Botërore mbetet biznesi i vogël.

Dhënia e disa favoreve fiskale që diskriminon biznesin e vogël dhe vendas, produktin e biznesit të vogël e paguan me 20% TVSH, ndërsa tek bizneset e mëdha me 6%. Kjo është shkatërruese për biznesin. Qeveria duhet të heqë dorë nga kjo praktikë që dëmton më të voglin”.

Kjo skemë ka dështuar edhe në gjenerimin e më shumë të ardhurave sa i përket administratës tatimore, thekson Tabaku.

“Futja e biznesit të vogël nuk ka ndikuar, përkundrazi  ka rezultuar në të ardhura më të ulta dhe konsumi në përgjithësi ka rënë. Të njëjtat shifra vijojnë të jenë edhe për dy muajt e parë të vitit”.

Një element tjetër i përmendur në raportin është ai i rimbursimit të TVSH-së ndaj bizneseve, që sipas Fondit Monetar Ndërkombëtar arrin shifrën 120 milionë euro.

Në raportin e KLSH detyrimet e prapambetura arrijnë në 190 milion dollarë”, thotë Tabaku.

“Kjo ul besueshmërinë dhe integritetin në sistemin tatimor” sipas vlerësimit të FMN-së. Njëkohësisht është Banka Botërore ajo që vëren se biznesi i madh në Shqipëri mbulon vetëm 42% të tregut.

Kur në rajon është mbi 55%, rritja e taksave, ngushtimi i hapësirave, mungesa e konkurencës, tenderët në një dorë njerëzish kanë bërë që biznesi të mos jetë punëdhënësi më i madh”.

Janë këto shifra ato që tregojnë realitetin e shqiptarëve, thekson Tabaku.

“Raporti thotë se 35% e shqiptarëve jetojnë me më pak se 5 dollarë në ditë. Tatohet puna më shumë se në gjithë rajonin. Në Shqipëri janë 52% e forcës së punës që janë të papunë afatgjatë”.

Arsye që sipas Jorida Tabakut kanë sjellë edhe rishikimin e rritjes ekonomike nga Banka Botërore, e cila parashikoi uljen nga 4.2% në 2018-ën, në 3.7 në 2020-ën.

“…dhe energjia eletrike s’do ketë ndikimin që ka në rritjen ekonomike”.

Për këtë thekson propozimin e demokratëve me vendosjen e pragut të TVSH-së për bizneset në 14 milion si mundësi reale për rritje ekonomike, punësimi dhe një rritje të të ardhurave si pjesë e Prodhimit të Brendshëm Bruto i cili sot, sipas Tabakut ka pësuar rritje vetëm për shkak të taksave shtesë që kanë paguar shqiptarët në këto 5 vjet, vlerë që kap shifrën 1.9 miliard euro./abcnews.al

Jorida_Tabaku23janar-1280x853.jpg
G. P.16:45 | 09/03/2019

Ish-deputetja e Partisë Demokratike, Jorida Tabaku, ka reaguar pas vizitës së kryeministrit  Edi Rama në Fier, ku foli edhe për inceneratorin. Tabaku e cilëson si projekt fantazmë, që deri tani ka marrë 16 milionë euro dhe nuk është bërë asgjë.

“Inceneratorët janë një nga aferat korruptive më të mëdha të kësaj qeverie, 178 milionë euro pa tender, me procedura antiligjore dhe tërësisht korruptive, të falura një kompanie pa eksperiencë, me aksionerë offshore, pa punonjës e lidhur me pushtetin”, nënvizon demokratja Tabaku.

Në fund të reagimit, ish-ligjvënësja Tabaku u shpreh se kur PD-ja të vijë në pushtet, kontratat e inceneratorëve do të jenë nga të parat që do i përfshijë ligji antimafia./abcnews.al

byro1-2-1280x718.jpg
G. P.23:59 | 27/02/2019

Në këtë puntatë të emisionit “Byro Politike” u diskutua rreth protestës së të martës që u zhvillua në të njëjtën kohë që mbahej seanca plenare nga ana e opozitës. Protesta u organizua në pak orë, pak pasi u lajmërua se do të kishte seancë plenare. Tubimi u shoqërua me tensione, ku pati edhe hedhje të gazit lotsjellës nga ana e policisë. Disa persona kanë mbetur të lënduar për shkak të efekteve të forta.

Për të folur rreth asaj që ndodhi, por edhe rreth asaj që pritet të ndodhë ishin të ftuar në studio: Jorida Tabaku, deputete e tërhequr e PD-së; Dashamir Shehi, kreu i LZHK-së; Edmond Panariti, deputet i tërhequr i LSI-së dhe Vangjel Dule, kreu i PBDNJ-së./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono