jordan daci

juli-jordani-1280x671.jpg
nev ila18:02 | 25/11/2019

“Zhgarravinë Juridike”, e ka quajtur juristi Jordan Daci, ligjin special kundër “KÇK”, e bërë publik sot nga Kryeministri Rama.

Ky Ligj, sipas Dacit, bie ndesh me një sërë ligjesh të tjera, për më tepër me Konventën Europiane të të Drejtave të Njeriut, e cila një pjesë e mirë e saj, është e implementuar në Kushtetutën e Republikës së Shqipërisë.

“Ky ligj ka problematika të ndryshme. Ata që e kanë bërë, nuk kanë patur minimumin e idesë së legjislacionit. Këtu i jepet e drejta Policisë së Shtetit të përgjojë sipas qejfit, ndërkohë ligji thotë se përgjimet kryhen me vendim gjykate. Nëse dikush do të tentonte të bënte këtë ligj diku tjetër do të tërhiqej zvarrë, ky ligj është në kundërshtim me Konventat Ndërkombëtare. Me miratimin e këtij ligji duke i çuar gjithë të drejtat Policisë së Shtetit, kthehemi në një shtet policor.

Unë dua ti drejtoj një pyetje zotërinjve që e kanë bërë këtë ligj, Si do të veprohet për këtë, do të zbatojmë këtë ligj apo Kodin e Procedurës Penale?

Ligji prek në masë të gjerë  çdo qytetar të republikës së Shqipërisë. Është katastrofike të mendosh që ndërkohë që gjithë shtet e tjera rrisin standardet, ne e ulim.

Ky është fundi i fundit!                                          

Këto janë çmenduria. Ne kemi ligje shumë të mira për të luftuar korrupsionin, por ne nuk kemi vullnetin për ti zbatuar ato, nuk kemi nevojë për ligje të posaçme sepse i kemi.

Me këtë ligj praktikisht ne i themi prokurorisë dhe gjykatës “hapni krahun” se këto kompetenca i takojnë policisë. Gjithashtu ky ligj mundohet të dublojë SPAK-un. Njerëzit që e kanë këshilluar zotin Rama për këtë ligj ose janë të paaftë ose e kanë keq-informuar.

Për mendimin tim ky ligj nuk do të hyjë kurrë në fuqi, sepse për ta bërë këtë duhet fillimisht njoftuar Këshilli i Europës për derogimin e ligjit, dhe derogimi i ligjit, bëhet në kushtet e gjendjes së jashtëzakonshme të vendit.

Nuk ka nevojë të jesh jurist i zoti për të kuptuar se mospërputhjet janë të dukshme. Më tragjike se kaq nuk mund të ketë. Bie ndesh masivisht komplet Kreu i të Drejtëve të Njeriut” tha Daci./abcnews.al

daci.jpg
ger ta21:48 | 13/11/2019

Në studion e “Byro politike” në Abc News avokati Jordan Daci u shpreh se Meta nuk e ka shkelur Kushtetutën për çështjen e Gjykatës Kushtetuese.

Sipas Dacit, KED duhet të bënte dy palë lista një për vakancat e Presidentit dhe një për Kuvendin. Daci shtoi se sipas informacioneve të tij, dekreti i presidentit për Marsida Xhaferllarin nuk do botohet në fletoren zyrtare.

KED duhet të bënte dy palë lista një për vakancët e Presidetit dhe një për Kuvendit.

Kjo është një situatë e cila, ishalla nuk  e cojnë te KQZ. Me sa mora vesh unë  nuk do e botojnë dekretin e Presidentit. Mua më vjen keq për një gjë se Arta Vorpsi është një ndër kandidaturat më të përgatitura dhe është fat i keq që ky vend godet më të mirët gjithmonnë’, tha ai./abcnews.al

klgj-1280x714.jpg
ad min13:17 | 11/09/2019

Këshilli i Lartë Gjyqësor ka miratuar 8 kandidatë për gjyqtarë, që garojnë për tre vende në Gjykatën e Lartë. 14 kandidatë të tjerë u skualifikuan për mosplotësim të kritereve për atë detyrë.

Këshilli i Lartë Gjyqësor vendosi skualifikimin nga gara për 14 nga 22 kandidatët për Gjykatën e Lartë. Kandidatët garonin për 3 vendet vakante në Gjykatën supreme dhe ishin nga radhët e anëtarëve jo gjyqtarë. Relatorët miratuan 8 kandidatë dhe përjashtuan 14 të tjerë për mosplotësim të kriterëve të kandidimit.  8 kandidatët e kualifikuar janë Jetmira Rragami, Ervin Pupe, Theodhori Sollaku, Kestrin Katro, Sokol Sadushaj, Ilir Panda, Rezarta Melo, dhe Ardita Buna Alsula. Ata tashmë do i nënshkrohen fazës së dytë të verifimimit, mbi pasurinë, aftësitë profesionale dhe do intervistohen nga KLGJ.

Me shumicë votash u miratua skualifikimi i 10 kandidatëve të nga vijimi i garës, ndërsa 4 të tjerë kishin dhënë dorëheqjen. Skualifikimi për kandidatët u bë kryesisht për mospërmbushje të kritereve, që janë mos pasja e një grade shkencorë në fushën e drejtësisë, mos plotësimi i 15 viteve karrierë në drejtësi dhe mbajtja e posteve politike brënda 10 viteve të fundit.

Sidoqoftë sipas ligjit kandidatët e skualifikuar mund ta ankimojnë këtë vendim në Gjykatën Administrative. Nëse Gjykata vendos në favor të kandidatit të përjashtuar, KLGJ do duhet t’i rikthejë në garë, për të vijuar me fazën e dytë të verifikimeve.

Aktualisht Gjykata e Lartë është jashtë funksionit pasi ka mbetur vetëm me një anetar, gjyqtarin Ardian Dvorani. Numri i dosjeve në pritje për shqyrtim ka shkuar në rreth 33 mijë. Plotësimi me tre anëtarë i Gjykatës së Lartë, do t’i hapë rrugën, shqyrtimit të masave të sigurisë. Pas kësaj faze, KLGJ duhet të hartojë projektrregulloren me kriteret për të plotësuar Gjykatën e Lartë me 15 gjyqtarë nga 19 anëtarë që kjo gjykatë ka në total. /ABC News Albania 24/7

jordan-daci.jpg
ad min21:23 | 24/06/2019

Juristi Jordan Daci deklaroi këtë të hënë se vendimi i Kolegjit Zgjedhor për të konfirmuar datën 30 Qershor i ka shërbyer vetëm anëtarëve të KQZ-së. Gjatë emisionit “Byro Politike” me Juli Xhokaxhi, Daci theksoi se vendimi i sotëm i duhej anëtarëve të KQZ-së që të mbroheshin nga përgjegjësitë penale, kur shpallën si antikushtetuese dekretin e Presidentit për anulimin e zgjedhjeve.

“Kolegji sot për mendimin tim kishte një shans të jashtëzakonshëm për të dhënë një leksion kushtetutshmërie. Unë mendoj se ishte një kronikë e paralajmëruar. Unë mendoj se ishte një kërkesë tërësisht fiktive. Nuk vlen si precedent. Ky vendim kurrsesi nuk i cenon vlefshmërinë dhe detyrueshmërinë dekretit të Presidentit. Nuk ka asnjë lloj vlere. Do duhet të mos i paragjykojmë gjyqtarët se nuk dimë shkaqet. Ndoshta do dalin shkaqe që nuk kanë të bëjnë fare me dekretin e presidentit dhe për rrjedhojë nuk do kishte asnjë ndikim të tërthortë. Unë mendoj që më shumë ky vendim i duhej anëtarëve të KQZ-së që të mbroheshin nga një përgjegjësi penale e mundshme sepse të bësh atë që kanë bërë ata është gjëja më e papranueshme. Dhe një student nuk mund ta bëjë jo më një jurist i KQZ-së”, tha Daci.

Gjithashtu Daci theksoi se Kolegji Zgjedhor duhet të vendoste shpalljen e moskompetencës.

“Në kuadër të detyrimit procedural që ka Kolegji Zgjedhor si gjykatë, përtej faktit se ka lëndë të posaçme, i takonte që të bënte hetim të plotë dhe të gjithanshëm dhe të merrte parasysh faktet të njohura botërisht sikurse ishte dhe dekreti i presidentit. Këta gjyqtarë nuk mund të ishin shurdhë apo qorra që të mos dinin që për datën 30 ka një dekret i cili nuk ka zgjedhje dhe kjo nënkupton që ky Kolegj, kur nuk ka periudhë zgjedhore nuk mund të veprojë se nuk ka asnjë kompetencë lëndore dhe nuk mund të shqyrtonte fare. Pra apriori ky kolegj do duhet të vendoste në kushte normale shpalljen e moskompetencës dhe të thoshte që duhet të shkoni aty ku duhet të duartrokisni”, u shpreh ai.

Kolegji Zgjedhor konfirmoi datën 30 qershor për mbajtjen e zgjedhjeve lokale. Trupa e gjyqtarëve rrëzoi këtë të hënë kërkesën e partisë Uniteti Kombëtar për ta çregjistruar nga zgjedhjet, duke i dhënë të drejtë KQZ-së, e cila e konsideron anulimin e zgjedhjeve nga Meta si një akt i pavlefshëm./abcnews.al

byro-10-qershor.jpg
nev ila21:49 | 10/06/2019

Byro Politike në ABC News, i ka kushtuar vëmendje situatës aktuale politike në vend mbrëmjen e sotme, ku presidenti i Republikës Ilir Meta, ditën e shtunë gjatë mbajtjes së protestës së opozitës, me anë të një dekreti, shtyu zgjedhjet vendore me një afat të pacaktuar. Gazetarja Juli Xhokaxhi, për të diskutuar në lidhje me këtë çështje por edhe për diskutimin e vendimit të marrë sot nga KQZ, ku shpalli dekretin e presidentit si absolutisht të pavlefshëm, pati të ftuar në studio: Jordan Dacin jurist, Preç Zogajn gazetar e analist, Petro Kocin politikan dhe Alket Hysenin deputet të Partisë Socialiste.

Të pyetur nga gazetarja Juli Xhokaxhi se si e komentonin vendimin e KQZ sot në lidhje me dekretin e presidentit, të ftuarit patën qëndrimet e tyre në lidhje me këtë.

Për Juristin Jordan Daci vendimi i KQZ ditën e sotme, për shpalljen si absolutisht të pavlefshëm të dekretit të presidentit, ishte qesharak pasi KQZ, nuk ka asnjë tagër dhe asnjë të drejtë të komentojë apo gjykojë dekretin e presidentit.

Rasti i vendimit të KQZ nuk ka lidhje fare dhe nuk i jep asnjë lloj të drejte të komentoj dekretin. KQZ zbaton dhe nuk gjykon”,  tha Daci.

Edhe për analistin Preç Zogaj vendimi i KQZ është i gabuar. Ndërsa për politikanin Petro Koci, KQZ nuk zbaton çdo lloj dekreti apo vendimi që i serviret. Sipas Kocit presidenti cakton vetëm datën e zgjedhjeve dhe ai nuk mund ta zhbëjë atë. Alket Hyseni deputeti i PS shkon edhe më tej duke thënë se më këtë shkelje të rëndë të kushtetutës, presidenti duhet të shkojë në burg. Prandaj dhe KQZ mori vendimin që dekreti i presidentit është absolutisht i pavlefshëm. Sipas Hysenit edhe kryetari i KQZ ka gabuar që ka lënë detyrën e tij dhe është larguar.

Alket Hyseni: KQZ tha se është akt absolutisht i pavlefshëm. Më vjen keq për veprimin e kryetarit të KQZ që la detyrën. Presidenti ka shkelur hapur kushtetutën dhe duhet të shkoj në burg, nuk mund të bëj lodra në këtë vend. Më këto precedentë që po krijohen po lëmë nam.

Ndërsa për sa i përket shkarkimit të presidentit ata u shprehën:

Preç Zogaj: Për sa i përket shkarkimit, parlamenti mund të marrë nismë por nuk mund ta shkarkojë “de facto” sepse është kompetencë e gjykatës kushtetuese. Jemi në një situatë të panjohur dhe dekreti, rivendos gjendjen, qetëson disi situatën. Partia Socialiste nuk e shkarkon dot presidentin.

Alket Hysenaj: PS ka ndërmarrë dy nisma: Organizimi i një seancë me debat, me të gjithë organet përfshirë edhe presidentin, të enjten në parlament, dhe nisja e organizimit të procedurave, mbi 94 deputetë, për shkarkimin e presidentit, pasi presidenti ka bërë shkelje flagrante të kushtetutës. Pra presidenti ka bërë shkelje të kushtetutës dhe tradhti të vendit. Procedura e shkarkimit kalon në 2 etapa, pas votimit në kuvend për shkarkimin e tij, procedura vazhdon me kalimin e vendimit në gjykatën kushtetuese. Ngritja e gjykatës kushtetuese do të jetë proces shumë i shpejtë. Ilir Meta me këtë vendim nuk i dha të drejtën vetes për të qëndruar më në atë detyrë.

Jordan Daci: Presidenti ushtron kompetencat e tij deri sa të shprehet kushtetuesja dhe nuk ka asnjë institucion tjetër që mund të shprehet për këtë çështje.

Ditë e shtunë ndërsa mbahej protesta e opozitës, presidenti i republikës Ilir Meta vendosi të ç’dekretojë datën e zgjedhjeve vendore të 30 qershorit duke i shtyrë ato në një afat të pacaktuar, ndërsa paraditen e sotme KQZ, vendosi të mos e zbatojë ç’dekretimin e datës së zgjedhjeve vendore, duke e nxjerrë vendimin e presidentit si absolutisht të pavlefshëm./abcnews.al

 

debatiii-1280x720.jpg
ad min21:30 | 10/06/2019

Dekreti i firmosur sot nga Presidenti Ilir Meta ishte tema që u diskutua në televizionin ABC News gjatë emisionit “Byro Politike” të Juli Xhokaxhi. Të ftuar ishin deputeti i Partisë Socialiste Alket Hyseni dhe juristi Jordan Daci, të cilët patën një debat rreth kushtetueshmërisë së vendimit të Presidentit Meta.

Sipas Dacit, vendimi i sotëm i Presidentit është i bazuar në Kushtetutë. Por të kundërtën mendon deputeti Hyseni pasi sipas tij, Meta ka të drejtën për të caktuar datën e zgjedhjeve dhe jo për ta zhbërë atë.

Jordan Daci: Rasti konkret sigurisht që neni 92 e përcakton shprehimisht që vetëm ai ka të drejtë ta bëjë dhe kjo është një e drejtë ekskluzive që nuk e ndan me asnjë institucion tjetër. Vijmë tek kjo tjetra nëse E drejta për të caktuar, a kalon te e drejta për të ç’caktuar. Normalisht e drejta e Presidentit në rastin konkret është absolute, esenciale dhe materiale.  Nuk ka logjikë të njohësh të drejtën për ta caktuar dhe të mos i njohësh të drejtën për ta revokuar ndërkohë që kjo është një praktikë e bërë dy-tre herë më përpara. Elementi tjetër për sa i përket kushtetueshmërisë, duhet të kemi parasysh që presidenti e kshite gjithë komoditetin që ta caktonte periudhën e dytë zgjedhore. Mendoj se Presidenti ishte i qartë për sa i përket arsyetimit. Ai e lidhi me parimin e balancimit dhe ndarjes së pushteteve. Është fakt që Kushtetuta e Shqipërisë nuk ka më as pushtete dhe as balancim dhe ndarje pushtetesh. E ka humbur këtë. Është fakt që Republika e Shqipërisë është tashmë republikë moniste, ndërkohë që Kushtetuta jonë nuk parashikon një gjë të tillë. Është fakt që padyshim që mund të hajë diskutim fakti që ishin të lejuar ose jo për zgjedhje. Presidenti nuk u mor me faktorët. Ndoshta und të ishte marrë edhe me opozitën sa i përket vlerësimit të qëndrimeve të tij. Ne e shikojmë çështjen nga pikëpamja juridike. Të jem i sinqertë këto ditë po dëgjoj disa argumente të cilat janë fyese për një njeri të zakonshëm dhe jo më për një avokat që pretendon të njohë Kushtetutën. Rasti konkret ka bazë të pastër, por duhet të kuptjmë siç duhet Kushtetutën dhe mënyrën si funksionon shteti i së drejtës. Neni 92 thekson që presidenti cakton datën e zgjedhjeve.

Alket Hyseni: Cakton në gjuhën shqipe është cakton nuk është zhbën.

Jordan Daci: Çdo të thotë ta caktosh nuk ke të drejtë ta zhbësh? Dy herët e tjera pse nuk e bëri?

Alket Hyseni: Me që se ndihesh i fyer nga argumente, po ta shpjegoj unë.

Jordan Daci: Nuk e kisha për juve personalisht. Si mos të jesh i fyer kur KQZ shfuqizon dekretin e Presidentit.

Alket Hyseni: Caktimi është kompetencë e përcaktuar dhe ka një parim bazë të Kushtetutës.

Jordan Daci: E keni lexuar debatin kushtetuese se kur është hartuar. Zoti Majko ka qenë bashkëhartues.

Alket Hyseni: Dëgjova një argumentim tuajin që s’është organ administrativ, por do ftoj të lexoni vendimin e Gjykatës Kushtetuese.

Jordan Daci: Ai është vendim i Kolegjit.

Alket Hyseni: Mos bëni autogola se ju të djathtët bëni autogol. Kolegji është i Gjykatës Kushtetuese.

Jordan Daci: Nuk mund të abuzojmë me shkencën.

Alket Hyseni: Fjala caktim është e përcaktuar qartë. Do të thotë që vetëm e përcakton dhe nëntë muaj para. Rastet e precedentëve janë krejt të ndryshme. Mos iu referoni precedentëve krejt të ndryshme për të argumentuar paligjshmërinë dhe anti-kushtetueshmërinë e tij. Më gjej një rast që ka pasur anulim të zgjedhjeve. Ka pasur shtyrje të zgjedhjeve. Në gjykimin tim ka interpretim, por aty ka pasur vullnetin e të gjithë aktorëve politik, të shprehur me shkrim.

Jordan Daci: Presidenti nuk është honorifik. Ajo që thatë ju është krejtësisht e pabazë. Të thuash ka rol honorifik është gjëja më e pasens. Ne kemi të njëjtë me presidentin italian dhe kroat.

Juli Xhokaxhi: Mund t’ju lexoj një paragraf.

Jordan Daci: E mbaj mend përmendësh. Është vendimi 150 i vitit 2017. I partisë Forca Rinia.

Juli Xhokaxhi: Është akt administrativ individual, e konsideron akt administrativ individual dhe nuk ka kompetencë gjykata Kushtetuese për ta shqyrtuar, por Gjykata Administrative.

Jordan Daci: Ka tre probleme. Nuk flitet për pajtueshmërinë e dekretit me Kushtetuetën siç pretendohet sot.

Alket Hyseni: Ke shkruajtur dhjetë faqe sot që nuk është akt administrativ,

Jordan Daci: do shkruaj dhe 15 të tjera sepse nuk është gjykatë, është Kolegji. Është vendim i Kolegjit, i cili nuk ka vendosur kalimin.

Alket Hyseni: Gjykata Kushtetuese ka deklaruar moskompetencë.

Jordan Daci: Pse ikën nga Vettingu ata tre anëtarët e Gjykatës Kushtetuese?

Alket Hyseni: Kjo nuk ka lidhje fare, kjo ka lidhje me ju. Kjo ka lidhje siç ikën ata duhet të ikin dhe liderët tuaj.

Jordan Daci: Unë nuk kam lider, ti je politik.

Alket Hyseni: Më politik se edhe vetë Lul Basha, por s’ka gjë është e drejta jote, demokraci është dhe të respektoj.

Jordan Daci: Nuk është e vërtetë.

Juli Xhokaxhi: Në këtë studio ka mbrojtur edhe akte që kanë të bëjnë me të majtën.

Jordan Daci: Unë kam mbrojtur edhe Ramën, edhe ju kur keni pasur të drejtë./abcnews.al

daci-1280x728.jpg
ad min22:30 | 22/05/2019

Jordan Daci si shkak të dështimit të reformës në drejtësi shikon klasën politike në vend. Juristi në emisionin “Byro Politike”, është shprehur se klasa politike është në konflikt të pastër interesi me reformën në drejtësi. Më tej ai ka shtuar se nga të dy palët e politikës ka kandidatë të mjaftueshëm që i pret burgu dhe kanë frikë nga reforma.

“Unë e shikoj ndryshe situatën. Në radhë të parë Presidenti i Republikës është kreu i shtetit dhe ka të drejtë të ngrejë shqetësime qoftë edhe të atij karakteri, aq më pak që  është edhe kreu i politikës së jashtme. Tek e fundit raportet tona me BE përveçse raporte partneriteti janë edhe raporte diplomatike të politikës së jashtme që e ka për detyrë ta udhëheqë. Normalisht që shqetësimi mund të lexohet në këndvështrime të ndryshme dhe unë nuk e shoh aspak me çështjen e të përfolurit të vetë Presidentit.  Ai po sillet si President në raport me pozitën. Por unë kam një mendim krejt ndryshe, për një arsyen se unë e shikoj shkakun numër një të gjithë dështimit gjithë klasën politike papërjashtim sot. Klasa politike është ajo që e ka çuar Shqipërinë në këtë situatë. Jo po mos t’i ndajmë blu dhe të kuq kur është fjalë për reformën në drejtësi. E para klasa politike është në konflikt të pastër interesi në raport me reformën në drejtësi, e gjithë klasa. Sepse nga të dy palët pa përjashtim ka kandidatë të mjaftueshëm për burg, që madje duhet të ishin në burg. Mendoj që një nga problemet kryesore të luftës ndaj reformës në drejtësi është edhe frika se do përfundojnë në burg një pjesë”, tha Daci./abcnews.al

BYRO-POLITIKE-15-TETOR-2018-1280x720.jpg
ent ela21:50 | 15/10/2018

Paketa antishpifje e propozuar nga kryeministrit Rama është diskutuar në studion e “Byro Politike” nga juristi Jordan Daci, kryeredaktori i Klan Plus Mentor Kikia, gazetari, Mark Marku dhe deputeti Klevi Balliu.

Deputeti demokrat Balliu, nga ana ligjore është e pamundur pasi duhet të ndryshohet kodi penal. Sipas tij kryeministri Rama do të krijojë këtë ligj për t’u mbrojtur nga denoncimet.

“Rama krijon ligj për t’u mbrojtur nga denoncimet, nga ana ligjore është e pamundur se që të bëhet duhet të ndryshohet kodi penal. Rama ka hall politik që sot është në ditët e fundit, se këta njerëz të cilët kanë bërë krime e kanë grabitur qytetarët duhet të mbajnë përgjegjësi dhe ky është halli i tij”.

Nga ana e tij juristi Daci, duke fajësuar politikën ëpr këtë situatë që jemi sot, tha se shpifja dhe fyerja janë dy fenomene negative që cënojnë integritein e një personi dhe duhet ndëshkuar.

“Shpifja dhe fyerja janë dy fenomene negative që cënojnë integritein e një personi, që duhet ndëshkuar është pa asnjë lloj dileme. Është problematike, nëse politika jonë do ishte largpamëse dhe e zgjuar të gjithë janë fajtorë për këtë situatë që jemi sot”.

Në këndvështrimine tij Kikia e sheh si një nevojë urgjente rregullimin e sistemit të informimit, pasi shkatërron të drejtën e njeriut dhe gazetarinë.

“Sistemi ynë i informimit ka nevojë urgjente për t’u rregulluar dhe shqetësimi i Kryeminsitrit lidhet me shpifjet që adresohen ndaj qeverisë, por unë interesohem për shpifjet ndaj qyteraëve. Ky mekanizëm dueht rregulluar urgjent. Se[pse ka shkatërruar të drejtën e njeriut dhe gazetarinë”.

Ndërkaq sipas Markut një ligj i tillë që do të ishte vetëvrasje nga pikëmpja e Ramës , që tregon se rama ose është në pikë të hallit, ose do të heqë vëmendjen nga ndonjë skandal i radhës.

“Edhe mund të tentojë. Një ligj i tillë për mendimin tim do të ishte vetëvrasje nga pikëpamja e Ramës, ose do të terheqë vemendjen, ose është në pikë të hallit nga ndonjë skandal i ardhshëm. Është gjobë shumë e ashpër, nuk ka nevojë të ashpërsohet se 30 mln është 10 vjet punë me rrogën mesatare”. /abcnews.al

 

BYRO-DT-10-1280x720.jpg
ent ela21:17 | 10/10/2018

Video-përgjimi i Alizotit i publikuar nga deputeti demokrat Ervin Salianji një ditë më parë në studion e Opinion, është diskutuar në studion e Byro Politike në një panel juristësh dhe gazetarësh. I pyetur nga gazetari Spartak Koka  se sa i besueshëm është ky përgjim, juristi Jordan Daci u shpreh se juridikisht nuk është provë.

“Juridikisht video përgjimi që nuk është i autorizuar nga gjykata nuk ka vlerë, por edhe nëse është i autorizuar, është indicie, por nuk është provë”.

Sipas juristit Daci përveç përgjimit parandalues nga gjykata dhe prokuroria, të gjitha përgjimet e tjera janë të dënueshme.

“Kemi dy lloj përgjime që është parandalues dhe nuk përbën prove dhe përgjime nga gjykata e Prokuroria. Të gjitha përgjimet e tjera janë të dënueshme, por nuk mund të merret provë”.

Ndërkaq juristi Shefqet Muçi theksoi se tani që çështja u lëkund, masa e sigurisë ndaj Alizotit mund të ndryshojë.

“Tani që çështja u lëkund masa e sigurisë së tij mund të ndryshojë. Video-përgjimi i djeshëm ka të njëjtën vlerë, sikurse audio përgjimi parë, por rëndësi ka ajo se çfarë përmban”.

Ndërsa gazetari Armand Bajrami shpjegoi se  video-regjistrimi i mbrëmshëm as nuk e pohon dhe as nuk e rrëzon akuzën, por angazhon prokurorinë, që pas sekuestrimit do jetë marrja në pyetje e Alizotit për sqarimin e situatës.

“Pas sekuestrimit do jetë marrja në pyetje e Alizotit për sqarimin e situatës.  Kemi një video të titruar më dëgjim jo të saktë dhe  me zë të fshirë, që më krijon bindjen se ndërsa video e mëparshme është e dyshimtë s’mund ta zhvlerësojmë më një tjetër të dyshimtë.  Është një bisedë e nxjerrë nga konteksti. Nuk e dimë kush është personi tjetër që flet. Nuk e dimë në ç’ kushte është bërë”./abcnews.al

BYRO-DT-10.mpg_snapshot_16.08-1280x720.jpg
ad min20:56 | 10/10/2018

Në puntatën e radhës të emisionit “Byro Politike” nga gazetarja Juli Xhokaxhi u diskutua për ngjarjet më të rëndësishme politike në vend. Përpjekje për të hedhur dritë për ato personazhe që me dashje apo pa dashje janë bërë pjesë e realitetit politik në vend. Të ftuarit e sotëm ishin: Shefqet Muçi jurist, Jordan Daci jurist, Spartak Koka gazetar, Armand Bajrami gazetar.

Diskutim mbi dosjen “Babale” dhe audiopërgjimin e famshëm të kësaj çështjeje të lançuar që në maj të këtij viti. Fillimisht u bë një përmendje kronologjike e situatës. Ku u tregua se Alfred Alizoti ka pranuar se ishte ai që fliste ne audiopërgjim, kjo gjë e pasqyruar dhe në tabulatet telefonike. Alizoti në deklarimet para prokurorëve tha se i kishte premtuar një shumë prej 200.000 mijë eurosh dhe fakti që nuk kishte marrë këto para kishte bërë që të vetëdeklarohej.

Sipas Kokës, nga publikimi i videos mbrëmjen e kaluar situata ka marrë nje tjetër rrjedhë, prokuroria sqaroi se Alizoti është shoqëruar nga punonjës të policisë Fier më 1 qershor pas kërkesës së porkurorisë. Sipas të ftuarve, gjatë përgjimit të bisedave telefonike të shtetasit Albert Veliu ka rezultuar si person që ka komunikuar me të disa herë i shqetësuar duke bërë biseda për të cilat ka patur të dhëna gjatë përgjimit për përfshirjen e tij bashkë me shtetasin Albert Veliu në realizimin e audiopërgjimit.

Muçi shprehet se ajo që e ngatërron problemin është vetë politika. Kemi të bëjmë më ndërhyrjen në pushtetin gjyqësor. Duke u marrë me provat organet e shtetit deformojnë provat dhe disinformojnë publikut dhe çorjentojnë organet e drejtësisë. Sipas Dacit duhet të rezervohemi me daljen e konkluzioneve të prerave pasi mund të dalin surpriza nga ekspertiza. Përderisa nuk ka një provë të qartë nuk mund të shërbejnë.

Muçi: Me sistemin e drejtësisë në përballje të çështjeve Xhisiela-Babale çorientojne prokurorinë, nuk u interesojnë popullit por vetëm atyre që kërkojnë të shmangin vëmendjen e popullit nga hallet e përditshme.

Daci: “Gjykata e Krimeve të Rënda Gestapo moderne me zero pafajësi, njerëzit po masakrohen nga ky sistem dhe kjo lloj qasje, jo vetëm dëmton drejtësinë por edhe interesat e qytetarëve.”/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono