jonida maliqi

Madona.jpg
nev ila11:14 | 17/05/2019

Është fakt tashmë se Madonna ka mbërritur në Tel Aviv dhe po përgatitet për paraqitjen e saj në Eurovision 2019.

Në një njoftim zyrtar të medias së Eurovizionit, u njoftua zyrtarisht se në finalen e madhe të së shtunës do të performojë superylli botëror Madonna.

O zot i madh Madonna, superstari botëror, do të performojë në natën finale të Eurovisionit”, është njoftuar nga mediat zyrtare të Eurovision në Twitter.

Në këngën e Eurovisionit këtë vit merr pjesë edhe këngëtarja shqiptare Jonida Maliqi, me këngën “Ktheju tokës”. Jonida Maliqi ka elektrizuar skenën e “Eurovizion 2019” në Tel Aviv të Izraelit.

Këngëtarja shqiptare me “Ktheju tokës”, ka mundur që të kualifikohet duke çuar Shqipërinë në finalen e Eurovison.

Kënga e përfaqësueses së Shqipërisë është një himn dhe thirrje drejtuar emigrantëve për të dashur vendet e tyre.

Bashkë me Shqipërinë u kualifikuan edhe  Maqedonia e Veriut, Holanda, Suedia, Rusia, Azerbajxhani, Danimarka, Norvegjia, Zvicra, si edhe Malta.

Faqja zyrtare e Eurosong e cilësoi zërin e Jonida  Maliqit mahnitës dhe interpretimin e saj te shkëlqyer./abcnews.al

jonida6.jpg
G. P.23:30 | 16/05/2019

Këngëtarja Jonida Maliqi u kualifikua në finalen e Festivalit Europian të Këngës në Tel Aviv. Me këngën “Ktheju Tokës”, ajo përfaqësoi këtë të enjte Shqipërinë në këtë ngjarje të rëndësishme të muzikës.

Jonida këndoi e 14-a në radhë në gjysmëfinalen e dytë të Eurosong. Në një performancë drithëruese kënga përfaqësuese e Shqipërisë u prit me emocione të veçanta. Më herët, në një postim në Instagram, këngëtarja shkruante se kjo ishte mbrëmja për të treguar të gjithë punën e bërë që nga muaji Dhjetor.

“Sot është mbrëmja për të cilën kam, kemi punuar me shumë dashuri! Që nga emocionet e para të Dhjetorit e deri në këto çaste, jam rrethuar si kurrë më parë me energjinë e një publiku të jashtëzakonshëm që përkrahu, mbështeti dhe këndoi me muaj të tërë shqip Ktheju Tokës”, shkruante ajo.

Shtetet e tjera që u kualifikuan mbrëmjen e sotme në përfundim të votimit janë Maqedonia e Veriut, Holanda, Suedia, Rusia, Azerbajxhani, Danimarka, Norvegjia, Zvicra, si edhe Malta./abcnews.al

jonida-maliqi-1280x720.jpg
ent ela19:02 | 09/02/2019

Fituesja e Festivalit të RTSH Jonida Maliqi ka qenë e ftuara e fundit në barin e emisionit “Thumb” këtë të shtunë.  Ajo do të përfaqësojë Shqipërinë në Eurovizion në maj të këtij viti me këngën “Ktheju Tokës”. Ajo ka rrëfyer se festivali Europian nuk ka qenë ambicia e saj, madje e ka pasur ankth.

“Kur më tha autorja e këngës që me këtë mund të shkojmë edhe në Eurovizion i thashë: Ej po shkojmë shumë larg, sepse për mua Eurovizoni nuk ka qenë kurrsesi ambicie, përkundrazi ka qenë një lloj ankthi duke paramenduar të gjithë kolegët ndër vite, duke menduar nëse ata nuk kualifikoheshin, këtu vendoseshin në tabelë qitjeje dhe thoja mjerë ata që po kthehen në aeroport tani dhe do dëgjojmë komente nga më të çuditshmet”.

Por do ta shijojë, e kanë pëlqyer dhe jam shumë e lumtur, të jap maksimumin”– ka përfunduar Jonida. /abcnews.al

Një tjetër personazh i ftuar në emisionin “Thumb” në ABC Neës ka qenë dhe këngëtari i njohur Lorenc Hasrama. Duke qenë se është prag Shën Valentini ai ka ngrënë një darkë romantike me gazetaren e “Thumb” ku dhe ka folur për shumë gjëra dhe karrierën.

“Olsi ka thënë bukur një gjë: Shqiptarët janë aq interesant sa ka arritur puna e thonë, kur u bë ky unë këtë e kam patur në klasë. ç’lidhje ka kjo!”– iu përgjigj ai njerëzve që flaisn negativisht.

Duke qenë se Lorenci po ngjit shumë shpejt shkallët e karrierës është pyetur nëse përveç njerëzve që e komplimentojnë ka dhe nga ata që flasin negativisht ose e shohin me inat.

I pyetur nëse e besdiste kjo gjë, Lorenci ka thënë: “Janë ata tipat që në atë kohë që ne punonim për këtë ditë, ata hanin fara, dëgjonin këto këngët me makina me naçu dhe kujtonin se ishte jeta reale!” /abcnews.al

thumb-jonida-dhe-armina.jpg
ent ela17:59 | 12/01/2019

Jonida Maliqi dhe Armina Mevlani, dy personazhe mjaft të dashura për publikun tashmë nuk i bashkon vetëm miqësia disavjeçare, por edhe biznesi. Ato kanë hapur një biznes të përbashkët dhe bëhet fjalë për një dyqan veshjesh i quajtur “Delirium”. Për mikrofonin e emisionit “Thumb” vajzat shprehen se janë shumë të lumtura për këtë bashkëpunim.

“Jemi shumë të lumtura sepse të dyja bashkë do ndikojmë me influencën që kemi. Vendosën që t’i bashkonim brand-et tona për diçka më të madhe. Sepse duke u reklamuar nga ne mendoj se do i japim një shtysë akoma edhe më të madhe. Kjo ishte një ide super dhe faktikisht ishte ideja e Jonidës, unë e mirëprita dhe ja ku jemi”, tha Armina.

Ndërsa Jonida u shpreh se: “Mund të them se me Arminën kemi qenë mikesha në moshë fare të vogël. Ne duhej që të shfrytëzonim në mënyrën më të mirë të mundshme imazhin tonë dhe ta konvertojmë në para, biznes dhe fryte pune”.

Por gjatë inagurimit të biznesit të tyre kanë qenë të ftuar një sërë figurash të njohura të ekranit por jo vetëm. E për pasojë ky moment patjetër që nuk mund t’i humbiste gazetarit të “Thumb”, i cili me pyetjet e tij i ka vënë jo pak në siklet të pranishmit. Ai u është drejtuar me pyetje provokative të ftuarve në event, duke i pyetur se si e shikojnë bashkëpunimin mes Jonidës dhe Arminës dhe nëse të varfërit kanë mundësi t’i blejnë këto veshje. Ai gjithashtu i ngacmoi personazhet publikë duke u thënë se nuk do të merrnin rroba falas edhe pse ishin të ftuar në event.

Sara Kolami: “Nuk erdhëm për atë gjë në fakt, por është kënaqësi të takosh Jonidën e cila mezi kapet, gjithashtu edhe Arminën”.

Për mikrofonin e “Thumb” Odeta Banushaj tha: “Kjo është një gënjeshtër. Shoqëria e vërtetë mes dy vajzave ekziston dhe mund ta shikojmë shumë mirë edhe me këtë event. Dy femra, dy shoqe shumë të mira mund të bëjnë një biznes shumë të mirë”. Ndërsa Senera Hoxha tha: “Kur kanë lek për kirurgji plastike, kanë lek edhe për të blerë këtu”.

Gazetari i “Thumb” gjithashtu i pyeti të ftuarit se cila është veshja më e shtrejtë që kanë blerë ndonjëherë. Niko Komani ka harxhuar jo pak.

“Këtë vit kam blerë një veshje goxha të shtrenjtë e cila ka kushtuar 1700 euro”, tha ai. Ndërsa Olti Curri me shaka iu përgjigj: “Hë more, budalla je ti?! Mua mi bën këto pyetje”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono