Johanes Hahn

bashkimi-europian-1280x698.jpg
nev ila14:09 | 07/11/2019

Komisioneri për politikën e fqinjësisë dhe negociatave të zgjerimit, Johannes Hahn tha të enjten para komisionit të punëve te jashtme te Parlamentit Europian se reformimi i Bashkimit Europian mund të bëhet paralelisht me zgjerimin e kësaj organizate.

Hahn nënvizoi se ndryshimi i metodologjisë së negociatave të anëtarësimit nuk duhet tê pengojë hapjen e negociatave te anëtarësimit me Shqipërinë dhe Maqedoninë e Veriut dhe avancimin e të gjithë rajonit të Ballkanit.

Reformimi i BE-së mund të bëhet paralelisht me zgjerimin e kësaj organizate. Kjo është deklarata e komisionerit për politikën e fqinjësisë dhe negociatave të zgjerimit, Johannes Hahn para komisionit të punëve te jashtme te Parlamentit Europian.

Hahn theksoi se ndryshimi i metodologjisë së negociatave të anëtarësimit nuk duhet tê pengojë hapjen e negociatave te anëtarësimit me Shqipërinë dhe Maqedoninë e Veriut.

Johannes Hahn, komisioner për zgjerimin: “Ata që mendojnë se duhet të reformohet Bashkimi Europian, kanë të drejtë, por procesi i reformimit  mund të bëhet paralelisht me zgjerimin e kësaj organizate. Nëse këto dy procese nuk bëhet paralelisht, vende si Maqedonia e Veriut, Shqipëria apo gjithë rajoni i Ballkanit do të bëjnë hapa mbrapsht në reforma

Eurodeputetët mbështesin ndryshimin e metodologjisë së zgjerimit në kuadrin e reformimit dhe thellimit të Bashkimit Europian. Shumë kanë pyetur komisionerin Hahn, se si mund të ndryshohet metodologjia që të evitohet një skenar katastrofë në samitin e Zagrebit në maj të 2020. Thënë ndryshe, topi është tashmë në kampin e Komisionit Europian:

Sandra Kalniete, eurodeputete: “Cënimi i kredibilitetit të Bashkimin Europian është shumë i madh. Tani më e rëndësishmja është se çfarë mund të bëjmë për të ecur përpara, se nëse ndodhemi edhe një herë në një situate në maj të vitit tê ardhshëm, ku të gjitha shpresat e Shqipërisë dhe Maqedonisë  do të shuhen, kjo do jetë katastrofë

Nathalie Loiseau, eurodeputete: “Ju deklaruat gjithashtu që duhet rishikuar procesi i anëtarësimit dhe e mbështes këtë pikëpamje. Por shtroj pyetjen, se kur do prezantojë Komisioni Europian propozimet për rishikimin e metodologjisë së zgjerimit kur shihet se ka konsensus, që kjo gjë duhet bërë?”

Ilhan Kyuychyuk, eurodeputet: “ Sigurisht që mungesa e vendimit për Maqedoninë e Veriut dhe Shqipërinë cênon kredibilitetin e BE-së dhe liderët europianë duhet të rikonsiderojnë vendimin e tyre. Por nga ana tjetër, ne duhet të marrim konsideratë thirrjet që Bashkimi Europian duhet tê reformohet dhe gjithashtu edhe procesi i negociatave të anëtarësimit. Çfarë duhet ndryshuar?

Andrius Kubilius, eurodeputet: “Kjo mund të quhet ndryshe kriza e zgjerimit. Mund të jemi nervozë për këtë, por pa harruar nga an tjetër se në historinë e Bashkimit Europian, se edhe krizat sjellin përfitime. Pra, çfarë hapash të rinj duhet tê hedhim nê mënyrê që ta bëjmë zgjerimin të suksesshëm”

Eurodeputet farncez: “Ne jemi krejtësisht të vetëdijshëmshëm që situata e brendshme në Maqedoninë e Veriut dhe Shqipëri  pas mosmarrjes së vendimit mund të sjellë vështirësi. Por a jemi të vetëdishëm për problemet politike në disa nga kryeqytetet tona, ku mund të citoj Romën, Berlinin dhe Parisin?

Johannes Hahn, komisioner për zgjerimin: E gjithë domethënia e reformave të integrimit është ndryshimi i standarteve të jetesës për qytetarët e këtyre vendeve. Problemi kryesor me të cilin përballen ato është ikja e trurit. Ne nuk mund të tolerojmë një situatë vakumi, ku një popullate e tërë të braktisë vendin, sepse kjo mund të shkaktojë problem sigurisë për ne. Lidhur me ndryshimet, ne mund të bëjmë presion për ngrirjen e fondeve gjatë negociatave të anëtarësimit. Për shembull, për Malin e Zi, kur folëm për ngrirjen e fondeve para dy vjetësh, vendi dyfishoi përpjekjet për reformat. Besoj se pasardhësi im do jetë mendjehapur për këtë. Ka vend për përmirësim”.

Komisioneri i ri për politikën e fqinjësisë dhe zgjerimin pritet të marrë detyrën në 1 dhjetor me fillimin e mandatit të komisionit tê presidentes së zgjedhur Ursula Von der Leyen. Ky ishte shkëmbim i fundit i ideve për komisionerin Johannes Hahn në detyrën aktuale me  komisionin e punëve të jashtme të Parlamentit Europian./abcnews.al

 

 

GettyImages-695142488-714x480.jpg
ad min12:31 | 22/09/2019

Komisioneri i BE për Zgjerimin, Johanes Hahn ka deklaruar se Unioni është gati të vërë në punë mekanizmat përkatës për t’i ardhur në ndihmë Shqipërisë pas tërmeteve të ditës së shtunë.

Përmes një reagimi në rrjetin social Twitter, Hahn ka shprehur hidhërimin e tij për personat e lënduar dhe dëmet e shkaktuara nga lëkundjet e fuqishme sizmike.

“Me keqardhje dhe shqetësim mësova për serinë e tërmeteve shkatërruese në Shqipëri, që shkaktuan lëndimin e mbi 100 personave dhe dëme serioze në infrastrukturë. BE ofroi menjëherë ndihmë duke propozuar aktivizimin e Mekanizmit Europian të Mbrojtjes Civile”, ka deklaruar Hahn në profilin e tij./ABC News Albania 24/7

Johanes-Han-Reuters-Francois-Lenoir.jpg
nev ila13:18 | 15/04/2019

Komisioneri për Politikat Evropiane të Fqinjësisë dhe Negociatat e Zgjerimit, Johannes Hahn ka folur rreth një marrëveshje të mundshme ndërmjet Kosovës dhe Serbisë.

Komisioneri për Politikat Evropiane të Fqinjësisë dhe Negociatat e Zgjerimit, Johannes Hahn, ishte në Washington javën e kaluar për të diskutuar për Lindjen e Mesme, Ukrainën dhe Ballkanin Perëndimor me homologët e tij të SHBA.

Në këtë kontekst, siç shkruan “The Washington Post”, ai ka folur edhe rreth marrëveshjes ndërmjet Greqisë dhe asaj që quhet sot Maqedonia Veriore, duke thënë se bashkë, SHBA dhe BE-ja u treguan të suksesshme.

Sipas tij, në luftërat e viteve 1990 dhe pasojat e tyre, në “vendin e shoferit” në rajon, ishte Washingtoni dhe jo Brukseli.

“Ndersa sote kundërta është e vërtetë. Shtetet e Bashkuara janë shumë mbështetëse për Bashkimin Evropian dhe në rajon“, tha Hahn.

Shpresa  e Hahn është që zgjidhja e mosmarrëveshjes të emrit të Maqedonisë do të shërbejë si pararendës për zgjidhjen e konflikteve të tjera, duke përfshirë edhe dialogun midis Kosovës dhe Serbisë.

Megjithatë, duke folur rreth një marrëveshje të mundshme ndërmjet Kosovës dhe Serbisë, përkatësisht rreth mundësisë së “korrigjimit të kufijve”, Hahn theksoi se një marrëveshje ligjërisht detyruese midis dy vendeve do të mbulonte fushat përtej kufijve. Sipas komisionerit evropian:

Një element themelor në një marrëveshje të ardhshme duhet të jetë respektimi i të drejtave të pakicave, tani për tani askush nuk mund të parashikojë se çfarë do të ishte një rezultat final. Një shkëmbim i mundshëm i territorit mund të jetë pjesë e saj, nëse palët dëshirojnë”, citohet të ketë thënë ai, duke shtuar se edhe:

“Parakushti i vetëm që kemi ngritur është se çdo lloj marrëveshje dypalëshe duhet të kontribuojë për më shumë paqe dhe stabilitet në rajon”, shprehet Johanes Hahn për Washington Post./abcnews.al

SHQIPERIA-BE-HAHN.mpg_snapshot_00.00.jpg
ad min23:01 | 30/11/2018

Komisioneri europian për Zgjerimin dhe Fqinjësinë e Mirë, Johanes Hahn do të vizitojë të hënën e ardhshme Kosovën për të biseduar me autoritetet vendase mbi marrëdhëniet me Serbinë. Lajmin e bëjnë të ditur mediat kosovare dhe ato serbe, sipas të cilave në fokus të vizitës së Hahn do të jetë taksa e vendosur nga Prishtina për produktet serbe.

Burimet nënvizojnë se pritet që komisioneri të përsërisë qëndrimin e Bashkimit Europian që taksa të hiqet dhe për këtë qëllim ai do të takohet edhe me zyrtarët e doganave. Pak ditë më parë, kryeministri Haradinaj deklaroi se Kosova nuk do të përkulet përpara presioneve ndërkombëtare dhe se taksa do të hiqet vetëm kur Serbia të njohë pavarësinë./abcnews.al

federica_mogherini_credit_eu_commission-1280x853.jpeg
ad min14:08 | 01/10/2018

Me anë të një deklarate të përbashkët për shtyp Federika Mogerini dhe Johanes Hahn kanë përshëndetur rezultatin e referendumit të së dielës në Maqedoni për çështje e emrit. Ata thanë se tashmë është rradha e parlamentit të vendit për të vazhduar me zbatimin e marrëveshjes së arritur mes Shkupit dhe Athinës.

Përfaqësuesja e lartë për Politikë të Jashtme e BE-së Federika Mogerini dhe eurokomisioneri për zgjerim Johanes Han, me anë të një deklarate të përbashkët për shtyp u shprehën se e mbështesin marrëveshjen e arritur mes Greqisë dhe Maqedonisë. Ndërsa për referendumin e të dielës ata u shprehën se në mënyrë të qetë dhe demokratike pjesa më e madhe e atyre që shfrytëzuan të drejtën e votës, i thanë “po” Marrëveshjes së Prespës për emrin dhe për rrugën evropiane. Më tej ata theksojnë se tashëm është rradha e parlamentit të maqedonisë për të vazhduar me hapat e ardhshëm për implementimin e marrëveshjes për emrin përmes vendimit për miratimin e ndryshimeve kushtetuese”.

Ata theksuan se ky është një rast historik për vendin. Jo vetëm për stabilitetin në rajon, por edhe për progresin e vendosur në rrugën drejt Bashkimit Europian. Më pas Mogerini dhe Hahn bënë që të gjithë aktorët politik dhe institucional të veprojnë në kuadër të përgjegjësisë së tyre kushtetuese jashtë linjave partiake. BE do të vazhdojë ta mbështesë vendin dhe qytetarët e saj, përfundon deklarata e përbashkët e tyre./abcnews.al

MBULIM-HAHN-VIZAT.mpg_snapshot_00.00-1280x720.jpg
ad min10:00 | 26/09/2018

Komisioneri për Zgjerim i Bashkimit Evropian Johanes Hahn gjatë bisedës me ministrin e Jashtëm të Kosovës Begjet Pacolli, është angazhuar për përparimin në dialogun me Serbinë. Ai nënvizon se një zgjidhje gjithëpërfshirëse dhe e detyrueshme do të ishte në të mirë të rajonit. Hahn ka shtuar se Kosova është afër liberalizimit të vizave me vendet e Shengenit pasi Komisioni Evropian miratoi propozimin e raportueses Tanja Fajon. Takimi midis eurokomisionerit Hahn dhe ministrit Pacolli është zhvilluar gjatë punimeve të Asamblesë së Përgjithshme të OKB-së./abcnews.al

HAHN-SHKUP-MBULIM.mpg_snapshot_00.18-1280x700.jpg
ad min14:30 | 17/09/2018

Po sot në Shkup ndodhet edhe një tjeter zyrtar i rëndësishëm i Brukselit, Johanes Hahn. Komisioneri Europian për Fqinjësi dhe Zgjerim, ka folur në hapje të konferencës. “Ditët e medias Bashkim Europian – Ballkan Perëdimor”. Ai deklaroi se asnjë vend i Ballkanit Perëndimor nuk do të anëtarësohet në Bashkimin Europian për sa kohë nuk garanton liri të plotë të mediave dhe pavarësi në punën e gazetarëve.

“Nëse nuk përmbushen reformat për mediat të parashikuara në kapitujt 23 dhe 24, ekziston mundësia që të stopohet procesi i anëtarësimit në BE”, deklaroi komisioneri evropian. Hahn tha se dhuna ndaj gazetarëve në vendet e Ballkanit Perëndimor nuk është evituar, përkundrazi, sipas tij, ajo është rritur.

Më tej, gjatë fjalimit të tij ai bëri thirrje për mekanizmat e drejtësisë të bëjnë më shumë për këtë gjë.
“Liria e medias nuk mund të ekzistojë pa një gjyqësor të pavarur”, ka theksuar Hahn, duke bërë apel për reformim të sistemit të drejtësisë./abcnews.al

vlcsnap-error997-1280x720.jpg
ent ela14:34 | 23/02/2018

Presidenti i Komisionit Europian Jean Claude Juncker dhe Eurokomisioneri për Fqinjësinë e Mirë Johanes Hahn do të mbërrijnë në Tiranë më datë 25 shkurt.

Në kuadër të vizitës së tyre në 6 vendet e Ballkanit Perëndimor, si deklaroi edhe zëdhënësi i KE-së, qëllimi është diskutimi i strategjisë së zgjerimit të këtij komisioni. Në Tiranë presidenti Juncker dhe komisioneri Hahn do të zhvillojne takime me kryeministrin Edi Rama dhe presidentin Ilir Meta.

Turi i takimeve, përpara atij në Sofje në 17 Maj do të përmbyllet në këtë qytet, i cili mban edhe Presidencën e Bashkimit Europian në këtë mandat./abcnews.al

vlcsnap-error425.jpg
ad min21:27 | 09/11/2017

Kryeministri Edi Rama shoqëroi në qytetin bregdetar të Vlorës komisionerin Hahn, në një ceremoni për përfundimin e projektit të Lungomares, të bashkëfinancuar nga BE. Rama tha se investimet europiane do të vazhdojnë.

2 vite dhe 15 milionë euro më vonë…

“Unë jam shumë krenar, edhe në emër të ekipit tim, që jam këtu me ju sot, që të ndaj me ju pikërisht këtë arritje, që të kuptojmë se cili është ndikimi që u japim në qytetarëve për të përdorur këtë pjesë të bregdetit dita-ditës. Punimet janë mbaruar tashmë, të paktën për fazën e parë”.

Komisioneri për fqinjësinë e mirë Johannes Hahn dhe shefja e delegacionit europian në shqipëri Romana Vlahutin ishin të ftuar në ceremoninë e ndarjes së çmimeve për atë që do të jetë edhe vepra e artit që do të zbukurojë projektin e financuar nga BE, Lungomare.

Kryeministri Edi Rama foli për investimet europiane dhe Rilindjen urbane.

“Një vepër që do të kishte qenë e pamundur pa mbështetjen e Komisionit Europian dhe që është vetëm pjesa e parë e një zhvillimi të mëtejshëm. Kjo është vetëm një pjesë e vogël e transfromimeve që ka sjellë Rilindja Urbane në të gjitha qytetet e Shqiperisë, me afro 500 projekte që do të vazhdojnë edhe gjatë këtij 4-vjeçari, duke u shtrirë më thellë në zonat periferike dhe në zonat rurale. Nuk vjen për të zbukuruar, në kuptimin sipërfaqësor të fjalës, po vjen për të nxitur ekonominë, për të nxitur turizmin, për të nxitur punësimin”.

Më pas ishte vetë komisioneri Johannes Hahn i cili i dorëzoi fituesit çmimin e Komisionit për konkursin e artit për Lungomare.

Më duket vetja sikur jam në ceremoninë e çmimeve Oscar, atehëre, fituesi është Gentjan Tabaku, urime”./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono