jim mattis

50378880_303.jpg
ad min09:53 | 12/09/2019

Ishte një tërheqje e pazakonshme e këshilltarit të sigurisë kombëtare John Bolton, pas një viti e gjysmë në detyrë. I njohur si Skifteri, një politikan i ashpër i politikës së jashtme, i cili gjithmonë kërkonte hapur sulme ushtarake dhe, mbi të gjitha, kundërshtar i çdo forme diplomatike me kundërshtarët politikë.

Sado të ashpra që ishin pozicionet e tij, John Bolton ishte ai që qëndronte në rrugën e Presidentit Trump. Me largimin e tij, nga afërsia e Trumpit largohet tani edhe një tjetër zë kritik, i cili të zëvendësohet mbase, si shpesh më parë, me një besnik.

Ministri zëvendësohet në kohë rekorde

Ka qenë ministri i Drejtësisë Jeff Sessions, për shembull, i cili refuzoi të pushojë hetuesin e pakëndshëm special Robert Mueller dhe publikoi hetimet për përzierjen e Rusisë në fushatë parazgjedhore. Presidenti Trump e zëvendësoi atë me personin shumë më të pranueshëm për të William Barr, i cili shkaktoi tmerr tek demokratët, me interpretimin e tij aventuresk të raportit Mueller.

Sekretari i Mbrojtjes, veterani Jim Mattis, hodhi peshqirin, kur Trump publikoi vendimin për tërheqjen e forcave amerikane nga Siria. Mattis konsiredohej si një nga zërat e fundit të arsyes në mesin e ministrave të Trumpit.

John Bolton nuk mund të quhet vërtet si zë i arsyes. Si një nga arkitektët e luftës në Irak në kohën e George Bushit, ai akuzohej si një nga personat që destabilizoi Lindjen e Mesme, me qëndrimet e tij. Kohët e fundit, ai vazhdimisht kërkonte një sulm ushtarak kundër Iranit. Edhe pse Bolton, ashtu si edhe Presidenti Trump, është një kundërshtar i multilateralizmit, ai konsiderohej si një kundërshtar i premtimit qendror të parazgjedhor të Donald Trumpit, se do ta mbajë SHBA-në jashtë krizave dhe konflikteve ndërkombëtare.

Bisedimet me talibanët

Por Bolton ishte një kritik i zëshëm i përkjekjeve të ngathta të Trumpit, i cili kërkonte negociata në nivel të barabartë me despotët ndërkombëtarë. Takimet pa rezultate të Trumpit me Kim Jong Un, kanë qenë për shembull, një storje suksesi për diktatorin koreanoverior. Edhe talibanët kanë qenë të gëzuar me ftesën për bisedime në Camp David, sepse atje do të kishin mundësinë të takohen me presidentë dhe kryeministra të nivelit të lartë.

John Bolton ishte halë në sy, i cili nuk mbështeste mjetet diplomatike për zgjidhjen e problemeve, në veçanti jo ato me talibanët radikalë. Largimi i John Boltonit mund të jetë një lajm i mirë ndoshta për diplomacinë amerikane dhe një shpresë për politikën ndaj Iranit. Por vendimi dëshmon se si sillet Donald Trump ndaj kritikëve, që i dalin në rrugë. Ai që nuk mbështet qëndrimet e Presidentit Trump – duhet të largohet./DW

pat-shanahan.jpg
ad min10:05 | 02/01/2019

Sekretari në detyrë i Mbrojtjes, Pat Shanahan deklaroi të martën se siguria kombëtare e Shteteve të Bashkuara do të jetë prioriteti i tij. Në ceremoninë e marrjes së detyrës, Shanahan u shpreh i gatshëm të bashkëpunojë me presidentin Trump dhe zyrtarët e tjerë të Departamentit të Mbrojtjes për të vënë në jetë vizionin e tij.

Shanahan zëvendëson në këtë detyrë gjeneralin Jim Mattis, i cili dha dorëheqjen më 20 Dhjetor pas përplasjes me presidentin Trump lidhur me vendimin për tërheqjen e trupave amerikane nga Siria. Ndryshe nga Mattis, Shanahan nuk ka një karrierë ushtarake. Ai filloi punë si funksionar i Pentagonit në vitin 2017, pas një eksperience 30-vjecare në drejtimin e kompanisë së aviacionit “Boeing”, e angazhuar si në operacione civile ashtu edhe ushtarake./abcnews.al

vlcsnap-error597-1-1280x720.jpg
ad min20:40 | 24/01/2018

Sekretarit amerikan të Mbrojtjes, Jim Mattis i është rezervuar një pritje e veçantë në Indonezi. Në nder të tij është mbajtur një demonstrim i forcave speciale ushtarake, të cilat kanë pirë gjak gjarpri dhe kanë thyer tulla me kokë.

Sekretari amerikan i Mbrojtjes, Jim Mattis, është pritur në Indonezi me një demonstrim të rrallë të forcave speciale ushtarake të këtij vendi. Mattis, i cili ndodhet në vendin aziatik në kuadër të një vizite zyrtare, ka parë shfaqjen e ushtarëve të cilët kanë pirë gjak gjarpri, kanë ngrënë mishin e gjallë, kanë ecur mbi qymyr të djegur dhe kanë thyer tulla me kokë. Teksa trupat po bëheshin gati të kapnin gjarpërinjtë, të llojit kobra, një prej tyre u iku duarsh dhe thuhet se po shkonte drejt shefit të Pentagonit.
Sidoqoftë ai u kap dhe u fut në një thes. Ngrënia e mishit të gjarprit dhe pirja e gjakut të tij është në fakt një rit ushtarak tradicional për forcat indoneziane, të cilat në këtë mënyrë përgatiten për të luftuar në xhungël.
Ndërkohë, qëllimi i vizitës së Mattis ka qenë ripërtëritja e marrëdhënieve me ushtrinë vendase, e cila u sanksionua kur ish-diktatori i vendit përdori forcat speciale si një organizatë kriminale për të aplikuar politikat e tij. Sanksionet ndalojnë edhe stërvitjen e përbashkët të trupave amerikane me ato indoneziane, por Mattis do të punojë për zbutjen e tyre sapo të kthehet në Shtetet e Bashkuara. Shumë druhen se Indonezia, vendi me popullsinë myslimane më të madhe në botë, mund të kthehet në strehën e re të grupeve ekstremiste si ISIS, që aktualisht është në kërkim të territoreve të reja krahas Sirisë dhe Irakut. Por vendi ka edhe një rëndësi tjetër, pasi ka luajtur një rol kyç në sprapsjen e ekspansionit kinez në Detin e Kinës së Jugut. Në këtë aspekt, Shtetet e Bashkuara mund ta fusin Indonezinë në një koalicion vendesh që t’i bëjë ballë militarizimit të njëanshëm të zonës detare./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono