Jeruzalem

70853Bashkimi.jpg
G. P.14:43 | 25/03/2019

Bashkimi Europian gjithnjë ka mbështetur zgjidhjen e dy shteteve me Jeruzalemin si kryeqytet i Izraelit dhe Palestinës, dhe ky qëndrum nuk ka ndryshuar.

Është ky reagimi i Brukselit pas vendimit të kryeministres rumune Dansila për të transferuar ambasadën e vendit të saj nga Tel Aviv në Jeruzalem . Rumania aktualisht mban presidencën e radhës së Bashkimit Europian./abcnews.al

rumania.jpg
G. P.12:35 | 25/03/2019

Kryeministrja rumune Viorika Dansila deklaroi transferimin e ambasadës rumune nga Tel Aviv në Jeruzalem. Lajmi është konfirmuar nga mediat rumune. Rumania bëhet vendi i parë i Bashkimit Europian që transferon selinë diplomatike pas vendimit të administratës Trump.

Kryeministrja rumune u shpreh se ishte e lumtur të konfirmonte transferimin e ambasadës së vendit në Jeruzalem, kryeqytet të shtetit të Izraelit./abcnews.al

Donald-Trump-e1526640469549.jpg
G. P.23:30 | 21/03/2019

Rreth dy vjet pas njohjes së Jeruzalemit si kryeqytet të Izraelit, Donald Trump po shqyrton një tjetër lëvizje që pritet të trazojë ujërat në Lindjen e Mesme; njohjen e Lartësive Golan si territor të shtetit hebre.

Presidenti Donald Trump ka deklaruar se është koha që Shtetet e Bashkuara të njohin sovranitetin e Izraelit në Lartëistë Golan, të cilat iu morën Sirisë në vitin 1967. Përmes një postimi në rrjetin social Twitter, Trump ka thënë se lëvizja është e një rëndësie strategjike për sigurinë e shtetit të Izraelit dhe stabilitetin rajonal.

Izraeli i aneksoi Lartësitë Golan në vitin 1981, një manovër kjo e shtetit hebre që nuk është njohur në nivel ndërkombëtar. Sidoqoftë, kryeministri izraelit Beniamin Netanjahu nuk ka vonuar ta falenderojë presidentin Trump për vendimin e tij.

“Në një kohë kur Irani po përpiqet të përdorë Sirinë si një platformë për të shkatërruar Izraelin, presidenti Donald Trump me guxim njeh sovranitetin e Izraelit në Lartësitë Golan”, ka deklaruar Netanjahu, edhe ai në Twitter.

Lëvizja e presidentit të Shteteve të Bashkuara vjen në një kohë kur Netanjahu po përpiqet të riafirmohet në zgjedhjet e 9 prillit dhe kur po përballet me akuza të forta për korrupsion. Në vitin 2017, Trump njoftoi njohjen nga Amerika të Jeruzalemit si kryeqytet të Izraelit dhe zhvendosi atje ambasadën e Shteteve të Bashkuara, një lëvizje kjo që shkaktoi irritimin e palestinezëve.

Palestinezët pretendojnë Jeruzalemin lindor si kryeqytet të shtetit të tyre të ardhshëm dhe sipas marrëveshjes së paqes të vitit 1993 me Izraelin, statusi final i tij do të diskutohet në fazat e mëvonshme të bisedimeve të paqes, të ndërprera prej vitesh./abcnews.al

SHBA-JERUZALEM_ABC-M1-T1.mpg_snapshot_00.00-1280x720.jpg
ent ela17:01 | 04/03/2019

Është mbyllur konsullata amerikane në Jeruzalem e cila shërbente për të mbajtur lidhjet me autoritetin kombëtar palestinez. Tashmë ajo do i bashkohet amabsadës së re amerikane në Jeruzalem.

Shtetet e Bashkuara të Amerikës mbyllën zyrtarisht konsullatën e përgjithshme të Jeruzalemit, e cila deri tani shërbente si ambasadë për palestinezët. Misioni do i bashkohet ambasadës së re për të krijuar një mission të vetëm diplomatik.

Lajmi është konfirmuar nga Departamenti Amerikan i Shtetit, duke theksuar se kjo ishte paralajmëruar dhe nga Sekretari Amerikan i Shtetit Majk Pompeo në tetor të një viti më parë.

Ambasadori amerikan në Jeruzalem, Dejvid Fridmen, do të merret tashmë me marrëdhëniet jo vetëm me Izraelin por dhe me autoritetin kombëtar palestinez, i cili që në muajin maj protestoi ashpër për tramsferimin e ambasadës nga Tel Aviv në Jeruzalem. Në ndërtesën historike të konsullatës në perëndim të Jeruzalemit, shumë pranë qytetit të Vjetër, do të vendoset një njësi për çështjet palestineze, e cila gjithësesi do të jetë në varësi të ambasadës. Palestina e komenton këtë si një vendim politik dhe jo administrativ; një vendim që mohon statusin dhe funksionin historic të konsulatës, që prej më shumë se dy shekujsh, ka mbajtur lidhjet e drejtpërdrejta me popullsinë palestineze. /abcnews.al

AMBASADA-KOSOVE-IZRAEL-ABCM3T1.mpg_snapshot_00.07-1280x796.jpg
G. P.12:44 | 22/09/2018

Propozimi i presidentit të Kosovës Hashim Thaçi për vendosjen e ambasadës në Jeruzalem në këmbim të njohjes së pavarësisë nga Izraeli, ka bërë jehonë në mediat ruse dhe izraelite.

Mediat ruse dhe ato izraelite i kanë bërë jehonë deklaratës së presidentit të Kosovës Hashim Thaçi, i cili propozi vendosjen e ambasadës së Kosovës në Jeruzalem në këmbim të njohjes së pavarësisë nga ana e Izraelit. Media ruse Ruptly Tv në versionin e saj online risjell historinë sipas së cilës Kosova ishte një provincë autonome në Serbi, e cila në shkurt të 2008-s shpalli në mënyrë të njëanshme pavarësinë e saj. Ndërsa Jerusalem post shkruan se pavarësia e Kosovës është njohur nga Shtetet e Bashkuara të Amerikës dhe aleatët e saj, ndërsa pesë vende të Bashkimit Europian dhe katër anëtare të NATO-s refuzojnë të njohin pavarësinë e saj.

Izraeli është një nga vendet anëtare të OKB që refuzon të njohë pavarësinë. Në një kohë që kryeministri izraelit po përpiqet të bindë sa më shumë vende që të zhvendosin ambasadat e tyre nga Tel Aviv në Jeruzalem, presidenti i Kosovës Thaçi shpreson që të marrë një njohje më shumë me anë të këtij propozimi. Vendosja e ambasadave në Jeruzalem mbështesin pretendimin e Izraelit për ta cilësuar atë si kryeqytet të vendit, një pretendim që e mbron me forcë dhe Palestina e cila e konsideron si kryeqytetin e saj./abcnews.al

palestina-1.jpg
G. P.15:59 | 16/05/2018

Palestina ka tërhequr ambasadorët e saj në Rumani, Republikën Çeke, Austri dhe Hungari. Ky vendim është marrë pasi këto katër shtete të Bashkimit Europian morën pjesë në ceremoninë e inagurimit të Selisë së re diplomatike të SHBA-ve në Jeruzalem. NJoftimi ka ardhur nga ministria e jashtëme palestineze. Autoritetet shpjegojnë se prezenca e tyre në ceremoni është “një shkelje e rëndë e ligjit ndërkombëtar dhe e disa rezolutave të OKB-së”./abcnews.al

turqiaa.jpg
G. P.13:55 | 16/05/2018

Ka filluar përsëri kriza diplomatike mes Turqisë dhe Izraelit, pas dëbimit të ambasadorëve nga të dy vendet. Kurse në Rripin e Gazës është regjistruar kolaps në sistemin shëndetësor. Për këtë Izraeli ka dërguar 8 kamionë me ndihma.

Është një balet diplomatik i pashembullt që shkaktohet nga lëvizja e ambasadës amerikane në Jeruzalem dhe represioni i përgjakshëm izraelit i protestave palestineze. Pas vendimit të Donald Trump, duket se ka filluar një garë imitimi: e para është Guatemala, që inaguroi selinë diplomatike, të larguar me ngut nga Tel Avivi. Mund të jetë një vendim lidhur me vështirësitë e brendshme të presidenti Morales, të akuzuar në Guatemala për parregullsi në financimin e fushatës së tij zgjedhore. Por në fakt, veprimi i Uashingtonit lëviz balancën e konsoliduar.

Pasoja më e rëndësishme është kthesa prej 180 gradësh e politikës së Rexhep Tajip Erdoganit: pas ngrirjes diplomatike që pasoi sulmin izraelit në 2010 ndaj anijes që po udhëtonte për në Gaza, me vrasjen e nëntë aktivistëve turq, presidenti po afrohej me Izraelin, gjithashtu për të kapërcyer izolimin që lidhet me rrëzimin e avionit rus. Në vitin 2016, të dy qeveritë nënshkruan një marrëveshje pajtimi me të cilën, ndër të tjera, Turqia hoqi dorë nga të gjitha veprimet kundër ushtrisë izraelite.

Por tani marrëdhëniet janë rikthyer në minimumin historik: evolucioni i luftës në Siri ka shtyrë Ankaranë të riafrohet me Moskën dhe tani Erdogan duket i vendosur që të marrë drejtimin e botës muslimane për të kritikuar zhvendosjen e ambasadave dhe vrasjet në Gaza. Presidenti turk e ka përkufizuar si genocid atë të palestinezëve dhe e ka cilësuar Izraelin si “shtet terrorist” duke dekretuar 3 ditë zie kombëtare për të rënët në Rripin e Gazës. Ankaraja ka dëbuar ambasadorin izraelit dhe ka ftuar konsullin e saj të kthehet në Stamboll për pak kohë. Gjithashtu ka thirrur për të premten një mbledhje urgjente të Organizatës për Bashkëpunimin e Vendve Islamike.

Ndërkohë, në Gaza është regjistruar kolaps në sistemin e shëndetësisë. Pasi ushtria izraelite hapi zjarr duke vrarë mbi 60 palestinezë dhe duke plagosur 2700 të tjerë, situata sanitare në Rripin e Gazës është kritike, saqë Izraeli ka dërguar atje ndihma humanitare, 8 kmaionë me materiale mjekësore./abcnews.al

AMBASADA-PERURIMI-1280x720.jpg
ent ela21:29 | 14/05/2018

Shtetet e Bashkuara përuruan të hënën ambasadën e re në Jeruzalem. Ivanka Trump dhe bashkëshorti Jared Kushner përfaqësuan presidentin Trump në këtë ceremoni, që është kritikuar nga Palestina dhe Liga Arabe.

Shtetet e Bashkuara kanë përmbushur të hënën premtimin e bërë Izraelit për zhvendosjen e ambasadës nga Tel Avivi në Jeruzalem, disa muaj pasi Donald Trump e njohu atë si kryeqytetin e shtetit hebre. Vetë Trump nuk ishte i pranishëm në ceremoninë e përurimit, por ai përfaqësohej nga e bija Ivanka dhe dhëndri Jared Kushner, njëkohësisht i dërguari i Shteteve të Bashkuara për Lindjen e Mesme. Ishte Ivanka Trump ajo që zbuloi pllakën e identifikimit të ambasadës, në ceremoninë që ishte përgatitur të përkonte me 70-vjetorin e shtetit izraelit. Në fjalën e tij, kryeministri Benjamin Netanyahu falenderoi presidentin Trump per kurajën e treguar me mbajtjen e premtimit. “Kjo është një ditë e lavdishme për Izraelin. Ne jemi në Jeruzalem dhe jemi këtu për të qëndruar”, tha Netanyahu. Ndërsa Kushner në fjalën e tij tha se, ekzistojnë kushtet që dy palët e përfshira në konfliktin izraelito-palestinez të korrin përfitimet nga procesi i paqes. “Jeruzalemi duhet të mbetet qyteti që bashkon njerëzit e të gjitha besimeve”, u shpreh Kushner. Ndërkohë, lideri i Autoritetit Palestinez, Mahmoud Abbas dënoi zhvendosjen e ambasadës duke e cilësuar si një pushtim të Jeruzalemit lindor dhe duke thënë se Shtetet e Bashkuara nuk janë më negociatori për paqen në Lindjen e Mesme. Po ashtu, shefi i Ligës Arabe, Ahmed Abul Gheit e cilësoi të turpshme pjesëmarrjen e përfaqësuesve të shteteve të ndryshme në ceremoninë e përurimit të ambasadës. “Është e turpshme të shohësh krerët e vendeve të ndryshme të marrin pjesë në ceremoninë për zhvendosjen e ambasadës, që është një shkelje e rëndë të ligjit ndërkombëtar”, tha Gheit./abcnews.al

AMBASADA-VRASJET-1280x720.jpg
ent ela18:29 | 14/05/2018

Të paktën 43 palestinezë janë vrarë dhe mbi 2.200 të tjerë janë plagosur nga forcat izraelite të sigurisë, në atë që njihet si dita më e zezë e dhunës që prej luftës së vitit 2014 në Gaza. Aktet e dhunës erdhën pasi Shtetet e Bashkuara përuruan ambasadën e tyre në Jeruzalem, një lëvizje që ka acaruar palestinezët.

Ata e shohin këtë akt si mbështetje të pastër që Amerika po i ofron sundimit izraelit në të gjithë qytetin, pjesën lindore të të cilit palestinezët e konsiderojnë të tyren. Por presidenti Donald Trump e përshëndeti ceremoninë e përurimit përmes një video-mesazhi. “Izraeli është një vend sovran që gëzon të drejtën të përcaktojë kryeqytetin e tij, por për shumë vite ne dështuam të tregonim atë që ishte mëse e qartë”, deklaroi Trump.

Shtetet e Bashkuara, vijoi presidenti, mbeten të angazhuara të lehtësojnë procesin e paqes mes palëve. Por në vijën kufitare palestinezët gjuajtën gurë dhe bomba molotov, ndërsa ushtria izraelite përdori snajpera dhe u vuri zjarrin gomave të makinave për të penguar avancimin e tyre.

Ministria e Shëndetësisë, e drejtuar nga lëvizja islamike e Hamasit, ka deklaruar se mes viktimave ka edhe fëmijë.

Nga ana e tij, Izraeli ka deklaruar se protestuesit synonin të kalonin kufirin dhe të sulmonin komunitetin izraelit. Autoritetet e shtetit hebre kanë nënvizuar se rreth 40 mijë palestinezë morën pjesë në protestat e dhunshme, në 13 lokalitete përgjatë kufirit në Rripin e Gazës. /abcnews.al

AMBASADA-JERUZALEM-1280x720.jpg
ent ela16:53 | 14/05/2018

Në pritje të ceremonisë së inaugurimit të ambasadës amerikane në Jeruzalem, palestinezët janë grumbulluar në rripin e Gazës gati për protesta. Ky event përkon me 70 vjetorin e themelimit të shtetit izraelit.

Shtetet e Bashkuara të Amerikës zhvendosin sot ambasadën e tyre nga Tel Aviv në Jeruzalem. Një vendim Ii cili që në momenin kur u bë publik gjashtë muaj më parë, provokoi tensione të forta dhe u dënua nga ana e palestinezëve të cilët kanë paralajmëruar protesta.

Ceremonia e inaugurimit koincidon me 70 vjetorin e themelimit të Izraelit. Presidenti amerikan Donald Trump nuk do të marrë pjesë por do të përshëndesë të pranishmit me anë të një video conference. Të pranishëm do të jenë diplomat amerikanë, Ivanka Trump dhe bashkëshorti I saj Xherëd Kushner.

Ambasada ndodhet në brendësi të konsullatës në zonën rezidenciale të Arnonës e cila është blinduar, ndërkohë që parashikohet ët gjendet një hapësirë më e madhe ku të vendoset përfundimisht.

Me mijëra palestinezë janë mbledhur përgjatë perimetrit që ndan Izraelin nga Rripi I Gazës, nga fundi I muajit mars protestat dhe manifestimet nga ana e palestinezëve kanë shkaktuar 40 viktima. Të gjitha civilë palestinezë që janë vrarë nga ushtarët izraelitë.

Por inaugurimi do të bëhet sot pavarësisht kundërshtimit të fortë të botës arabe, palestinezëve, organizatës së kombeve të bashkuara dhe pjesës më të madhe të komunitetit ndërkombëtar, përfshirë Bashkimin Europian. Të gjithë janë të shqetësuar se ky vendim do të jetë fundi i zgjidhjes për bashkëekzistencën e dy shteteve.

Në frontin europian do të jenë katër nga 28 shtete anëtare të BE-së që do të jenë të pranishme në Jeruzalem: Austria, Hungaria, Rumania dhe Republika Ceke. Por mediat izraelite shkrujanë se nuk do të jenë të pranishme Rusia dhe as Egjipti.

E gjithë zona përreth ambasadës dhe kufirit është blinduar nga forca special të sigurisë. Shteti hebre thotë se nuk do një përshkallëzim të situatës por në të njëjtën kohë premton se asnjë palestinez nuk do të mund të kalojë kufirin. Ushtarët izraelitë paralajmërojnë se ata që duan të mos vriten nuk duhet të afrohen.

Por paralajmërimet dhe kërcënimet nuk kanë funksionuar pasi që në orët e para të mëngjesit të së hënës, në Rripin e Gazës, kamionë dhe autobusë janë dërguar në pika të ndryshme të qytetit për të transportuar manifestues në kufi me Izraelin ku janë organizuar protesta nën moton Dita e Zemërimit. Nga altoparlantët e xhamive muezinët i bëjnë thirrje popullsisë q ëtë bashkohen masivisht në protesta për të arritur shifrën e një million protestuesve.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono