Jeff Bezos

jeff.jpg
G. P.18:41 | 09/01/2019

Drejtori Ekzekutiv i “Amazon”, Jeff Bezos është ndarë nga gruaja e tij MacKenzie pas 25 viteve martesë. Ai lajmëroi divorcin me një status në Twitter.

“Pas një kohe të gjatë sëbashku ne vendosëm të divorcohemi dhe të vazhdojmë jetët tona si miq”, deklaroi Bezos.

54-vjeçari që shpiku rrjetin “Amazon” është personi më i pasur në botë me një pasuri që kap shifrat e 137 miliardë dollarëve duke lënë pas Drejtorin Ekzekutiv të “Microsoft”, Bill Gates. Gruaja e tij 48-vjeçarja MacKenzie Bezos është noveliste, autore e “The Testing of Luther Albright” dhe “Traps”.

“Ne ndihemi me fat që gjetëm njëri-tjetrin dhe jemi mirënjohës për çdo vit që kemi qenë të martuar sëbashkuNëse do kishimi dijeni që do ndaheshim pas 25 viteve, ne do të bënim sërish të njëjtën gjë. Ne kaluam një jetë të mirë së bashku si çift dhe gjithashtu kemi një të ardhme të bukur përpara, si prindër, shokë, partnerë në sipërmarrje dhe projekte dhe si individë që ndjekim sipërmarrjen dhe aventurat. Statusi mund të jetë ndryshe, por ne mbetemin familje dhe miq të dashur”, shkruhej në deklaratën e çiftit Bezos.

Jeff dhe MacKenzie Bezos kanë 4 fëmijë, njërin prej të cilëve e kanë adoptuar./abcnews.al

vlcsnap-error912-1280x720.jpg
G. P.17:13 | 12/01/2018

Jeff Bezos, pronar i Amazon dhe Uashington Post, ka dhuruar 33 milionë dollarë fondit që i ofron bursa studimi emigrantëve të rinj që kanë mbërritur në Shtetet e Bashkuara të Amerikës si fëmijë të prindërve emigrantë të paligjshëm.

Donacioni vjen në një moment të tensionuar përsa i përket temës së emigracionit dhe pas deklaratave të ashpra të Donald Trump. Ndërsa aktualisht në kongresin amerikan po mbahen negociata për të gjetur një zgjidhje për planin që duhet të tutelojë këtë kategori emigrantësh./abcnews.al

vlcsnap-error481-2-1280x720.jpg
us er10:31 | 28/12/2017

Jeff Bezos, themeluesi i Amazon renditet si njeriu më i pasur në botë në 2017, duke lënë pas edhe Bill Gates. Sipas renditjes së miliarderëve për këtë vit, të hartuar nga Bloomberg, i pari është Presidenti i Amazon, me një pasuri totale 99,6 miliardë dollarë. Vetëm këtë vit pasuria e Bezos u shtua me 34,2 miliardë dollarë. Pas tij vjen bosi i Microsoft, Bill Gates me 8 miliardë dollarë pasuri më pak se Bezos.

Mark Zuckerberg, themeluesi i Facebook renditet i pesti këtë vit në listën e miliarderëve më të pasur të botës, sipas klasifikimit të Bloomberg. Pasuria e tij shënon një shifër 72,6 miliardë dollarë.

500 njerëzit më të pasur në botë kanë një pasuri prej 5300 miliardë dollarë, ose 1000 miliardë dollarë më shumë se në 2016./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono