Japoni

109203773_057240724.jpg
ent ela08:47 | 13/10/2019

18 persona të vdekur dhe 13 rezultojnë të zhdukur si pasojë e tajfunit “Hagibis” që goditi Japoninë duke paralizuar Tokion. Agjensia e lajmeve “Reuters” njofton se janë anuluar mbi 800 fluturimet dhe janë ndaluar udhëtimet me trena në zonat e prekura. Gjysmë milionë shtëpi kanë mbetur pa energji elektrike, ndërsa mijëra trupa po punojnë për të shpëtuar banorët e bllokuar.

 

Miliona vetë në Japoni janë këshilluar të lënë shtëpitë e tyre me afrimin e tajfunit të fuqishëm Hagibis.

Tajfuni është parashikuar të godasë pjesën qendrore dhe lindore të vendit me erëra që pritet të arrijnë deri në 225 kilometra në orë, njoftoi Agjencia japoneze për Meteorologji. Sipas ekspertëve, është jashtëzakonisht e lartë mundësia e katastrofave nga rrëshqitjet e tokës dhe përmbytjet, ndaj banorët janë këshilluar të marrin masa për të shpëtuar veten.

Hagibis thuhet të jetë është stuhia e parë “shumë e fuqishme” që pritet të godasë ishullin Honshu, që prej vitit 1991. Kompanitë e mëdha japoneze për prodhimin e makinave, si Toyota dhe Honda, nuk i kanë hapur fabrikat e tyre dhe shumë dyqane të tjera ushqimore në Tokjo po ashtu janë mbyllur, për shkak të stuhisë. /abcnews.al

cropped_image_l.png
ent ela22:45 | 28/08/2019

Qindra mijëra persona në jug-perëndim të Japonisë janë urdhëruar të braktisin shtëpitë e tyre për shkak të shirave të rrëmbyeshme që kanë përfshirë rajonin. Sipas mediave ndërkombëtare, autoritetet kanë dhënë alarmin nga rreziku për rrëshqitje toke, vërshim të ujërave dhe dalje të lumenjve nga shtrati në prefekturat Fukuoka, Saga dhe Nagasaki. Në total janë rreth 870 mijë personat që jetojnë në zonat në fjalë, të cilëve u është bërë thirrje të largohen. Ndërkohë, një i moshuar është gjetur i vdekur pasi makina me të cilën po udhëtonte është përfshirë nga përmbytjet në qytetin Takeo, ku dy persona të tjerë kanë mbetur të plagosur. /ABC News Albania 24/7

fire.jpg
G. P.13:30 | 18/07/2019

Një zjarr i shpërthyer në një studio animimi në Japoni shkaktoi 23 viktima dhe dhjetëra të plagosur. Policia japoneze arrestoi një 41-vjeçar përgjegjës të zjarrvënies i cili gjithashtu mbeti i plagosur.

Të paktën 23 persona kanë humbur jetën si pasojë e një zjarri të shpërthyer brenda një studio animimi në Kioto, Japoni. Lajmi është konfirmuar nga zjarrfikësit të cilët konfirmojnë dhe 36 të plagosur, njëri prej të cilëve në gjendje kritike për jetën. Policia arrestoi një 41-vjeçar i cili kishte hyrë në ndërtesë duke vënë zjarrin me anë të një lëngu të djegshëm.

Policia japoneze konfirmoi se shumë trupa të pajetë u gjetën në katin e dytë të ndërtesës së Kioto Animation, një shoqëri e themeluar në vitin 1981. Ndërsa dëshmitarët okularë u shprehën se kishin dëgjuar një seri shpërthimesh të ndjekura nga flakë të mëdha. Një 41-vjeçar i konsideruar si përgjegjës i zjarrvënies ka mbetur i plagosur gjithashtu dhe u transferua në spital./ABC News Albania 24/7

136164-1280x720.jpg
nev ila14:59 | 03/07/2019

Austria dhe Japonia janë goditur nga përmbytjet si pasojë e reshjeve të dendura në vend. Ndërsa në Austri po punohet për pasgrimin e baltës që ka mbuluar një fshat, një qytet në Japoni prej 600 mijë banorësh është evakuar.

Banorët në Uttendorf, jo shumë larg Salisburg-ut, po pastrojnë masën e madhe të baltës që ka përfshirë fshatin e tyre si pasojë e reshjeve të dendura. Fshati austriak u godit nga moti i keq ku si për oasohë u shemb dhe një urë duke dëmtuar të paktën 70 shtëpi. Por dëmet do të kishin qenë dhe më serioze nëse nuk do të ishte për digën.

Lumi Manlitzbach, ka dalë nga shtrati duke përmbytur ndërtesa dhe nënkalime. Provincë e Salisburg ka ndarë një fond prej 250 mijë eurosh për komunitetin dhe pse vlerësohet se shifra nuk është e mjaftueshme për të mbuluar të gjitha dëmet. Në ndihmë të banorëve janë vënë dhe zjarrfikës si dhe 50 ushtarë të forcave të armatosura që janë transferuar në fshat. Prej kohësh në zonë po punohej për ndërtimin e një dige të dytë

Ndërkohë dhe Japonia është prekur nga përmbytjet. Qyteti japonez Kagoshima, me 600 mijë banorë është evakuuar totalisht si pasojë e stuhive me reshje të dendura shiu të ditëve të fundit. Autoritetet vendore kanë paralajmëruar se sasisa e reshjeve mund të shkaktojë lëvizje të terrenit. Britanikia Deili Meil raporton se që nga fundi I muajit qershor në zonën jugperëndimore të vendit kanë rënë më shumë se 900 milimetra shi./ABC News Albania 24/7

samiti.jpg
ent ela12:50 | 29/06/2019

Shtetet e Bashkuara të Amerikës dhe Kina kanë nënshkruar një marrëveshje për rifillimin e negociatave dhe për mos rritjen e mëtejshme të tarifave. Në pritje të dokumentit përfundimtar të samitit të G20-ës, në Osaka Kreu i Shtëpisë së Bardhë deklaroi se nuk ndryshon mendje për sa i përket marrëveshjes së Parisit për Klimën.

Dita kryesore e samitit G20 në Osaka. Pas zhbllokimit të nyjeve për tregtinë dhe emigracionin, Shtetet e Bashkuara të Amerikës kanë përsëritur kundërshtimin për një marrëveshje të mundshme për klimën, e cila u firmos vetëm nga 19 vende. Presidenti kinez Xi Jinping dhe homologun e tij amerikan Donald Trump arritën një marrëveshje për rifillimin e negociatave për tregtinë, me Uashingtonin që pranoi të mos rrisë tarifat. Në dokumentin përfundimtar shkruhet se tensionet tregtare dhe gjeopolitike janë shtuar.

Objektivi mbetet mbyllja e samitit të G20-ës në Osakë me një dokument të ngjashëm me atë të Buenos Aires, i cili përmbante një paragraf “ad hoc” për Shtetet e Bashkuara të Amerikës. Këta të fundit këmbëngulën në refuzimin e tyre ndaj marrëveshjes së Parisit.

Trump, në fillim  të fjalës së tij u shpreh se Shtetet e Bashkuara të Amerikës dhe Kina mund të arrinin një marrëveshje historike. Xi nga ana e tij përmendi diplomacinë e ping pong-ut, duke theksuar se bashkëpunimi dhe dialogu janë më mirë se përplasjet dhe përçarjet. Bashkëpunimi sipas tij është e vetmja mënyrë frytdhënëse për të dyja palët.

Kreu i Shtëpisë së Bardhë u shpreh se traktati për sigurinë mes Shteteve të Bashkuara të Amerikës dhe Japonisë është i padrejtë dhe duhet modifikuar duke iu referuar mungesës së reciprocitetit. Duke thënë këtë Tramp përjashtoi daljen nga marrëveshja e 1960-ës. /ABC News Albania 24/7

trump-and-putin.jpg
G. P.16:19 | 28/06/2019

Presidenti amerikan Donald Trump është takuar në Osaka me presidentin rus Vladimir Putin. Kreu i shtëpisë së Bardhë i kërkoi Putin para gazetarëve që të mos ndërhynte në zgjejdhjet presidenciale amerikane të 2020-s.

I shumëpritur takimi në Osaka mes presidentit amerikan Donald Trump dhe atij rus Vladimir Putin. Që nga konferenca për shtyp për prezantimin, Trump u shfaq në formë, duke mos i kursyer homologut të tij një battue, e cila shkaktoi të qeshura mes gazetarëve të pranishëm.

Pyetjes nëse në takimin e tyre do të flisnin për “Russiagate” dhe ndikimin e Moskës në zgjedhjen e presidentit amerikan, Trump u përgjigj: Sigurisht që do të flasim.

Më pas ai i drejtoi gishtin Putin duke e paralajmëruar që të mos ndërhynte në zgjedhjet amerikane. Kreu i Shtëpisë së Bardhë shtoi se kishin shumë gjëra për të biseduar, tregtia dhe çarmatimi. Ai premtoi se në bazë të marrëdhënieve shumë të mira mes të dyve, nga takimi do të dilnin gjëra shumë të mira.

Por pyetjes nëse dhe Irani do të ishte ndër temat e bisedimeve presidenti amerikan preferoi që të mos përgjigje duke ndërruar bisedë.

Ndërsa për takimin e së shtunës me presidentin kinez, kreu i Shtëpisë së Bardhë u shpreh se nuk kishte premtuar heqjen e tarifave por githësesi takimi do të ishte shumë frytdhënës./ABC News Albania 24/7

trump-putin-1-1280x926.jpg
nev ila23:10 | 26/06/2019

Pas shumë spekulimeve, Kremlini ka konfirmuar të mërkurën se presidenti Putin do të takohet me homologun amerikan Donald Trump. Dy liderët do të qëndrojnë kokë më kokë për rreth 1 orë, në një takim që do të ketë në fokus konfliktet nëpër botë dhe traktatet e armatimeve.

Presidentët Donald Trump dhe Vladimir Putin do të takohen në samitin e G20-s që mbahet më 28 qershor në Osaka të Japonisë.

Lajmi është konfirmuar nga burime zyrtare pranë Kremlinit, sipas të cilave dy liderët do të qëndrojnë kokë më kokë përreth 1 orë për të diskutuar mbi një sërë çështjesh, që nga ato të Lindjes së Mesme e deri tek ato të traktateve të armatimeve, nga të cilat kanë kërcënuar se do të tërhiqen.

Takimi do të zhvillohet gjithashtu në një kohë tensionesh të rritura mes Shteteve të Bashkuara dhe Iranit, çështje që natyrisht do të jetë në tryezën e bisedimeve. Zyrtari i Kremlinit, Juri Ushakov deklaroi se palët do të diskutojnë edhe për çështje të stabilitetit strategjik, si lufta në Siri, kriza në Venezuelë dhe ajo në Ukrainë, për të cilat dihet se Shtetet e Bashkuara dhe Rusia kanë qëndrime diametralisht të kundërta.

Nga ana tjetër, Uashingtoni nuk e ka konfirmuar zyrtarisht mbajtjen e takimit, por një burim pranë administratës tha në kushte anonimati se ai do të zhvillohet.

“Nuk është një samit zyrtar, por pritet të jetë një bashkëbisedim që do të fokusohet së pari tek çështjet e sigurisë, përfshirë Ukrainën, Iranin, Sirinë dhe Lindjen e Mesme në tërësi”, deklaroi zyrtari në kushte anonimati.

Për herë të fundit dy presidentët janë takuar shkurtimisht në dy evente ndërkombëtare të mbajtura dhjetorin dhe nëntorin e kaluar, pas samitit të Helsinkit të mbajtur një vit më parë, kur Trump refuzoi të fajësonte liderin rus për ndërhyrjen në zgjedhjet amerikane të vitit 2016./ABC News Albania 24/7

images-1.jpg
Sej rie21:00 | 23/06/2019

Një kërmill është shpallur fajtor nga autoritetet në Japoni, pasi shkaktoi një incident që pati efekt tek 12 mijë persona. Zyrtarët vendas thanë se bëhet fjalë për një incident të rrallë, që nuk ka ndodhur kurrë më parë.

Një kërmill u shpall fajtor nga një operator hekurudhor japonez për një ndërprerje energjie që ndodhi muajin e kaluar e që bllokoi dhjetëra trenë, duke shkaktuar vonesa për 12 mijë pasagjerë. Energjia elektrike u ndërpre më 30 maj në disa linja në jug të arqipelagut, ku operon në sistemin hekurudhor kompania Kyushu.

Grupi në fjalë u detyrua të anulonte lëvizjen e 26 trenëve, ndërkohë që dhjetëra të tjerë patën vonesa që shkaktuan kaos në rrjetin hekurudhor japonez, i famshëm për efikasitetin dhe përpikërinë e tij. Të dielën kompania Kyushu deklaroi se se kishte gjetur fajtorin, një kërmill që kishte hyrë në një kabinë të vogël elektrike pranë binarëve. “Ne fillimisht menduam se ishte një gabim njerëzor ose teknologjik, por në fakt ishte një incident i lidhur me një kërmill të ngordhur”, tha një zëdhënës i kompanisë, që e cilësoi episodin një incident “të rrallë”.

Zyrtari i kompanisë hekurudhore pohoi se ata kanë shpesh probleme të përplasjes midis trenëve dhe drerëve, por kurrë nuk ka patur incidente të lidhura me kërmij. Incidenti, që preku 12 mijë persona, bëri që kompania me këtë rast të kontrollonte për prani kërmijsh në të gjitha kutitë elektrike të linjave hekurudhore./ABC News Albania 24/7

15642870_303.jpg
Sej rie23:55 | 18/06/2019

Autoritetet në Japoni kanë dhënë alarmin për cunami pasi një tërmet 6.8 ballësh tronditi vendin. Nga lëkundja sizmike nuk pati të lënduar, por agjencia meteorologjike japoneze dha alarmin për zonën përgjatë bregut veri-perëndimor, që përfshin dhe ishullin Honshu.

Tërmeti ra rreth 30 milje në jug-perëndim të qytetit Sakata, duke përfshirë edhe zonat bregdetare të prefekturave Jamagata dhe Nigata. Agjencia meteorologjike deklaroi se epiqendra e tërmetit u lokalizua në rreth 6 milje nën sipërfaqen e detit.

Tërmete të tilla kanë gjasa të shkaktojnë më shumë dëme në sipërfaqen e Tokës, por autoritetet thanë se këtë herë luhatjet nuk kishin shkaktuar probleme. Sidoqoftë, ndërtesat në prefekturat Nigata dhe Jamagata u tronditën gjatë lëkundjes dhe në disa zona pati evakuime të banorëve dhe ndërprerje të energjisë elektrike.

Ndërkohë, të shtatë reaktorët e impiantit bërthamor në Nigata u fikën për arsye sigurie, edhe pse nuk u verifikua asnjë anomali./ABC News Albania 24/7

chile.jpg
nev ila12:06 | 18/06/2019

Kili e nis me fitore të thellë Kupën e Amerikës. Kampionët në fuqi mundën Japoninë me katër gola.

Nuk kanë pasur brez më të mirë se ky. Tifozët e Kilit janë prej 4 vjetësh më të lumturit e Amerikës së Jugut, pasi kombëtarja e tyre po dominon kontinentin, dhe shpresojnë që kjo të vazhdojë edhe këtë edicion.

Skuadra e trajnerit Reinaldo Rueda iu përgjigj Uruguajit duke fituar me të njëjtin rezultat, 4-0, ndaj Japonisë, madje pa pasur nevojë për karton të kuq për kundërshtarët. Kampionët e dy sezoneve të fundit të Kupës së Amerikës u treguan në nivelin më të lartë të mundshëm, dhe i dhanë të kuptonin rivalëve si brazilianëve, argjentinasve apo uruguajanëve, se ata nuk do ta dorëzojnë kupën pa luftuar deri në fund.

Japonezët, që janë të ftuar në këtë turne, rezistuan fort deri pranë fundit të pjesës së parë, por pastaj u dorëzuan pasi pësuan gol në minutën e 41-të. Autorë të rrjetave ishin Erik Pulgas, Eduardo Vargas, pastaj Aleksis Sançez 8 minuta para fundit, dhe sërish Vargas.

Nën drejtimin e trajnerit kolumbian Rueda, Kili fitoi Kupën e Amerikës në 2015 e 2016, dhe këta janë trofetë e vetëm të këtij ekipi në gjithë historinë e tij. Shumë më pak sesa Uruguaji që ka 15, Argjentina 14 dhe Brazili me 8, por gjithsesi pretendon fort.

Jo më kot ka në përbërje lojtarë si Vargas, Sançez, Vidal, Medel apo Arangiz. Kili dhe Uruguaj kryesojnë grupin C, dhe besohet se do të jenë të kualifikuar për në çerekfinale./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono