Jamal Khashoggi

pamje-3d.jpg
ger ta20:15 | 25/12/2019

Pesë persona janë dënuar me vdekje në Arabinë Saudite, pasi akuzohen për vrasjen e gazetarit Jamal Khashoggi.

Përveç tyre janë dënuar edhe tre persona tjerë me 24 vite burg të total.  Khashoggi, një kritik i shquar i qeverisë Saudite, u vra brenda konsullatës së mbretërisë në qytetin turk të Stambollit nga një ekip agjentësh saudit.

Ndërkaq është prezantuar rekonstruktimi 3D i krimit, në konsullatën saudite në Stamboll.

Në video mund të shihet gjithçka që ka ndodhur brenda konsullatës gjatë 2 tetorit të vitit të kaluar./abcnews.al

vrasja-1.jpg
in a08:21 | 25/12/2019

Arabia Saudite dënoi me vdekje pesë persona për vrasjen e gazetarit saudit Jamal Khashoggi.

Khashoggi, një kritik i qeverisë Saudite, u vra brenda konsullatës së mbretërisë në qytetin turk të Stambollit nga një ekip agjentësh saudit.

Prokurori tha se Saud al-Qahtani, një ish-këshilltar mbretëror saudit ishte hetuar, por nuk u akuzua dhe u la i lirë.

Vrasja e Khashoggi shkaktoi krizën më të madhe diplomatike të Arabisë Saudite që nga sulmet e 11 shtatorit, pasi udhëheqësit botërorë dhe drejtuesit e biznesit kërkuan të distancohen nga Rijadi.

Ndërkohë Bashkimi Evropian ka kundërshtuar dënimin me vdekje, të shpallur nga gjykata saudite, ndaj të akuzuarve për vrasjen e gazetarit saudit, Jamal Khashoggi. Prokurori publik i Arabisë Saudite tha më 23 dhjetor, se pesë persona u dënuan me vdekje për vrasjen e Khashoggit.

“Bashkimi Evropian është pa mëdyshje kundër dënimit me vdekje gjithnjë dhe pa përjashtim”, tha zëdhënësi për politikën e Jashtme të BE-së, Peter Stano, përmes një deklarate.

Dënimi i njerëzve me vdekje është një “dënim mizor dhe çnjerëzor, i cili nuk arrin të veprojë si një parandalues dhe përfaqëson një mohim të papranueshëm të dinjitetit dhe integritetit njerëzor”, thuhet në deklaratë.

Shërbimet e inteligjencës amerikane arritën në përfundimin se Princi i Kurorës Saudite, Mohammed bin Salman, sundimtari de fakto i mbretërisë, urdhëroi vrasjen e gazetarit Khashoggi.

Gjithashtu BE-ja theksoi nevojën e ndjekjes penale për të gjithë ata që ishin të përfshirë në vrasje.

“Kjo duhet të bazohet në parimet e transparencës, respektimit të procedurave ligjore dhe procesit të duhur”, tha zëdhënësi Stano./abcnews.al

jamal.jpg
ger ta13:52 | 17/12/2019

Në 2 tetor të 2018-ës, gazetari saudit i Uashington Post, Jamal Khashoggi, u vra në konsulatën e Arabisë Saudite në Stamboll. Ai ndodhej atje për të marrë dokumentet që i duheshin për t’u martuar me të fejuarën Hatixhe Xhengiz. Kjo e fundit në një intervistë për mediat italiane rrëfen detaje të jetës me ‘të dhe ëndrrat që kishte ai për vendin e tij.

Çfarë kujtoni nga dita kur ju shoqëruar të fejuarin tuaj Khashoggi në konsulatën saudite në Stamboll? Ajo ishte dhe hera e fundit që e patë…

Kështu nis intervista e të fejuarës së gazetarit saudit Jamal Kashogi, i ciliu vra para një viti, në një ngjarje e cila mbart ende shumë mister…

Për herë të parë në një media italiane Hatixhe Xhengiz flet dhe për fushatën e nisur prej saj “Drejtësi për Jamal”…..

“Në të vërtetë ajo është një ditë të cilën unë nuk do doja ta kujtoja. Dhe pse e di që për të gjithë është shumë e rëndësishme që të mësohet ajo që ka ndodhur vërtet…tani e dimë që ai u vra në atë ambasadë. Dhe është e rëndësishme të dihen të gjitha detajet. Por e përsëris, pavarësisht se është kaq e rëndësishme për mua personalisht është një dhimbje shumë e madhe. Përjetimi i asaj dite për mua është një dhimbje e jashtëzakonshme”.

Për sa i përket hetimeve dhe qasjes së Arabisë Saudite ndaj kësaj ngjarjeje, Hatixhe u shpreh se aktualisht janë dy hetimet që vijojnë. Hetimi i parë është ai ; I Arabisë Saudite, një hetim i brendshëm në kuadër të të cilit janë arrestuar rreth 15 persona. Ndërsa pesë persona të tjerë janë dënuar me vdekje. Por nuk ka asnjë informacion public për sa i përket akuzave ndaj këtyre personave.

Ndërsa për sa I përket hetimit tjetër, i cili është ndërkombëtar, është një prokuror i cili ka dalë në përfundimin se përvec personave që kanë kryer vrasjen, ka sigurisht një nivel më të lartë i cili duhet goditur. Është e qartë se ka më shumë se një fajtor që duhen arrestuar, por duhet të kuptojmë se kush janë urdhëruesit e kësaj vrasjeje.

Por cilat ishin ëndrrat e Jamal Khashogit.. a e donte ai vendin e tij? Cfarë shpresonte…

E fejuara e tij tregon se Jamal e adhuronte vendin e tij dhe ishte një patriot i vërtetë. Ai e donte shumë demokracinë dhe pushtetin për popullin theksoi ajo. Ai dëshironte të njihte njerëz, të takohej dhe të fliste me ‘ta pasi ishte shumë social dhe diellor…ai fdonte demokraci për Arabinë Saudite. Dhe për  këtë ka punuar shumë vjet.

Hatixhe më pas kritikoi qeverinë italiane e cila sipas saj mund të kishte bërë një deklaratë politike për të thënë se ajo që kishte ndodhur nuk ishte e pranueshme. Pasi nëse nuk respektohen vlerat njerëzore cfarë garancie mund të ketë se një gjë e tillë nuk do të përsëritet prapë. Dikush duhet të thotë vërtet mjaft!

Ajo shtoi se në 22 dhjetor do të ketë një ndeshje futbolli mes dy ekipeve italiane në Riad, gjë që sipas saj nuk përcjell aspak një mesazh të mirë në rrethana të tilla.

Në fund gazetari I kërkon të përshkruajë me pak fjalë për të rinjtë që nuk e njohin, të fejuarin e saj Jamal

“Jamal e ka shijuar plotësisht jetën e tij dhe ishte një person që vazhdonte të mësonte. U tregua shumë guximtar duke folur deri në ditën e fundit të jetës së tij. Mbrojti vlerat në të cilat besonte, e përsëris e ka shijuar jetën në mënyrën më të plotë. Por pavarësisht kësaj ai mbeti gjithnjë modest, I ëmbël, pra një njeri i madh. /abcnews.al

 

saudit.jpg
in a17:13 | 06/12/2019

Ministri saudit i shtetit dhe të çështjeve të jashtme, Adel bin Ahmed  al-Jubeir, foli për vrasjen e gazetarit saudit Jamal Khashoggi, në 9 tetor të një viti më parë Brenda konsullatës së Riadit në Stamboll.

Gjatë qëndrimit të tij në Romë në kuadër të Forumit MED, ministri saudit theksoi se qeveria e vendit të tij nuk i vret qytetarët e saj. Ai shtoi se autorët e vrasjes së gazetarit, janë identifikuar dhe tashmë rrezikojnë dënimin me vdekje. Sipas tij Arabia Saudite ka marrë masat e duhura në mënyrë që mos të përsëriten situata të tilla.

Ndërsa në lidhje me rolin e autoriteteve saudite në vrasjen e Kashogit, ai kërkoi që para se të akuzohej Arabia Saudite, duheshin pritur rezultatet e procesit: “Deri sa të vërtetohet fajësia, askush nuk mund të konsiderohet fajtor”, përfundoi ai./abcnews.al

Jamal-Khashoggi.jpg
ad min14:30 | 11/09/2019

Mediat turke kanë publikuar audiot me momentet e fundit të gazetarit disident Jamal Kashoggi në konsullatën e Riadit në Stamboll të datës 2 Tetor në vitin 2018. Gazetari u vra në mënyrë brutale.

“Mos më mbuloni gojën, kështu do më mbysni”. Kanë qenë këto fjalët e fundit të gazetarit saudit disident Jamal Khashoggi, i cili u vra në mënyrë brutale në konsullatën e Riadit në Statmboll në 2 Tetor të viti 2018. Momentet e fundit të jetës së tij janë publikuar nga gazeta turke Sabah, e cila mbështet nga qeveria e Ankarasë. Në gazetë citohen burime të administratës. Khashoggi i është lutur rrëmbyesve të tij që të mos i mbulonin gojën pasi vuante nga astma. Gjithnjë sipas gazetës turke, kreu i skuadrës së vrasësve sauditë, u përpoq të detyronte Khashoggin t’i dërgonte një mesazh të birit ku i thoshte të mos shqetësohej nëse nuk lidhej dot me të, por viktima nuk pranoi ta bënte.

Shumë detaje për vdekjen e gazetarit, i cili u torturua dhe u copëtua para se të nxirrej nga konsullata, ndodheshin brenda një raporti të Organizatës së Kombeve të Bashkuara dhe u publikuan në Qershor të këtij viti. Sipas këtij raporti përgjegjëse për vrasjen e tij është Arabia Saudite dhe në mënyrë të veçantë princi i kurorëzuar Mohammed bin Salman i cili ka mohuar çdo përfshirje. Riad fillimisht dha shpjegime të pamjaftueshme për zhdukjen e Khashoggi dhe më pas pranoi se ai ishte vrarë nga shërbime sekrete që devijuan nga urdhrat. Për vrasjen, Arabia Saudite ka hapur gjyq për 11 persona. Mbetjet e Khashoggi-t nuk janë gjetur asnjëherë./ABC News albania 24/7

khashoggi.jpg
ad min23:12 | 11/02/2019

Uashingtoni nuk i ka mbyllur hetimet mbi vrasjen e gazetarit saudit Jamal Khashoggi. Administrata amerikane ka bërë me dije se të hënën do të marrë masa ndaj personave përgjegjës për ekzekutimin e tij.

Sekretari amerikan i Shtetit, Mike Pompeo ka deklaruar se Shtetet e Bashkuara do të vazhdojnë hetimet mbi vrasjen e gazetarit saudit Jamal Khashoggi.

“Amerika nuk mund ta mbulojë këtë vrasje”, tha të hënën Pompeo, duke shtuar se Uashingtoni do të ndërveprojë për të mbajtur përgjegjës të gjithë personat e përfshirë në vdekjen e gazetarit.

Analisti saudit që jetonte në Shtetet e Bashkuara u vra tetorin e kaluar brenda konsullatës saudite në Stamboll. Pasi fillimisht hodhi poshtë çdo përgjegjësi, Arabia Saudite konfirmoi se agjentë të shërbimeve sekrete të saj kishin kryer vrasjen, por mohoi përfshirjen e familjes mbretërore në të.

Më 8 Shkurt administrata e presidentit Donald Trump u ndodh përballë skadimit të afatit kur duhet të dorëzonte në Kongres një raport lidhur me personat përgjegjës për vrasjen e Kashogit dhe sanksionet e mundshme ndaj tyre.

Të premten e kaluar, një zëdhënës i Departamentit të Shtetit deklaroi se sekretari Pompeo i kishte njoftuar ligjvënësit mbi hetimet por pa dhënë detaje të tjera. Por senatori Tim Kane, anëtar i komisionit për forcat e armatosura dhe marrëdhëniet me jashtë, tha të dielën që kaloi se raporti i kërkuar nuk ishte dorëzuar.

“Kjo do të thotë se administrata Trump po mbulon një vrasje. Amerika nuk duhet të bjerë kurrë në këtë nivel imoraliteti”, deklaroi Kane./abcnews.al

khashoggi.png
ad min12:01 | 10/12/2018

Rrjeti informativ amerikan CNN ka publikuar fjalët e fundit të gazetarit Jamal Khashoggi, teksa ekzekutohet në konsullatën saudite në Stamboll. Duke cituar burime të afërta me hetimin, CNN përsërit se reporteri ka qenë viktimë e një plani të mirëorganizuar.

“Nuk marr dot frymë”. Kanë qenë këto fjalët e fundit të shqiptuara nga gazetari saudit Jamal Khashoggi, i vrarë në konsullatën e vendit të tij në Stamboll. Lajmin e bën të ditur CNN, që citon një burim të informuar mbi hetimet për vrasjen e gazetarit, e që ka lexuar transkriptimin e materialit audio që tregon momentet e fundit të jetës së tij.

Sipas burimit, është e qartë se vrasja nuk ishte pasojë e një rrëmbimi të papritur, por ekzekutim i një plani të paramenduar në dëm të reporterit të “Washington Post”. Gjatë agresionit, tregon burimi, Khashoggi lufton kundër një grupi personash të vendosur për ta vrarë.

Transkriptimi tregon gjithashtu zhurmën e copëtimit të trupit të tij me një sharrë elektrike dhe kryerjen e disa telefonatave për të informuar dikë mbi rezultatin e operacionit. Hetuesit turq janë të mendimit se telefonatat kishin si destinacion zyrat e krerëve të shërbimeve sekrete në Riad. Ndërkohë, Arabia Saudite ka refuzuar kërkesën e Turqisë për ekstradimin e dy të dyshuarve për vrasjen e Khashoggit.

“Nuk i ekstradojmë qytetarët tanë”, ka deklaruar ministri i Jashtëm saudit Adel al Jubeir.

Javën e kaluar Prokuroria e Stambollit lëshoi dy urdhër-arreste për dy funksionarë të lartë të afërt me princin e kurorës Mohamed bin Salman, të akuzuar se kanë organizuar vrasjen e gazetarit. Ata janë Saud al Katani, këshilltar për komunikimin i princit Salman dhe tjetri gjenerali Ahmed al Asiri, ish-numri dy i shërbimeve sekrete./abcnews.al

 

 

KASHOGI-MBRET-1280x611.jpg
ent ela21:48 | 19/11/2018

Mbreti i Arabisë Saudite ka thyer heshtjen në lidhje me vrasjen e Xhamal Kashogit, duke deklaruar se përgjegjësit nuk do t’i shpëtojnë ligjit të Zotit. Megjithatë, gjatë fjalimit të mbajtur përpara asamblesë parlamentare, monarku nuk i ka komentuar zërat se pas vrasjes së gazetarit qëndron i biri.

Mbreti Salman i Arabisë Saudite ka folur të hënën për herë të parë në lidhje me vrasjen e gazetarit Xhamal Kashogi. Fjalimi i tij, i mbajtur në një seancë të asamblesë parlamentare të mbretërisë, erdhi pak ditë pasi kryeprokurori saudit rekomandoi dënimin me vdekje për 5 të dyshuar për vrasjen. Megjithatë, gjatë ligjërimit monarku nuk i komentoi dyshimet e ngritura nga CIA se djali i tij, princi i kurorës Mohamed bin Salman, urdhëroi ekzekutimin. Në vend të komenteve, mbreti e vuri theksin tek organet e drejtësisë që në Arabinë Saudite po menaxhojnë hetimet mbi vrasjen e 2 tetorit në konsullatën saudite në Stamboll. “Mbretëria jonë u themelua mbi Islamin e bazuar tek drejtësia. Ne duhet të ndihemi krenarë për përpjekjet që po bëjnë gjyqësori dhe prokuroria në përmbushjen e detyrave që u janë besuar dhe duhet të ritheksojmë se vendi ynë nuk do t’i shmanget zbatimit të ligjit të Zotit”, tha Salman përpara strukturës parlamentare të pazgjedhur nga populli, por që ka rol këshillues për familjen mbretërore. Pasi e mohuan disa herë me radhë përgjegjësinë për vrasjen e Xhamal Kashogit, autoritetet saudite deklaruan më vonë se ai ishte ekzekutuar nga agjentë rebelë të shërbimeve sekrete. Ndërkohë, një seri informacionesh të publikuara në mediat ndërkombëtare e kanë lidhur vrasjen me princin e kurorës; por deri tani Mohamed bin Salman nuk është përfshirë në hetimet e autoriteteve saudite. Në vijim të fjalimit, mbreti Salman përsëriti mbështetjen për nismën qeverisëse të të birit për të ndryshuar ekonominë saudite të varur nga nafta dhe për të ulur papunësinë. /abcnews.al

 

 

 

ARABIA-KHASHOGGI-ABC-M1-T2.mpg_snapshot_00.25.jpg
ad min23:45 | 15/11/2018

Kryeprokurori i Arabisë Saudite ka njoftuar se gazetari Jamal Khashoggi është vrarë fillimisht me mbidozë drogë e më pas është copëtuar. Al Moxheb tha se i ka dorëzuar autoriteteve të Ankarasë, idenditetin e një agjenti turk që është marrë me zhdukjen e trupit.

Jamal Khashoggi është helmuar me një dozë vdekjeprurëse droge dhe trupi i tij është copëtuar duke e nxjerrë jashtë konsullatës saudite në Stamboll të Turqisë. Kjo është konfirmuar nga kryeprokurori i Arabisë Saudite, Saud al Mojeb në një deklaratë për televizionin shtetëror. Trupi i gazetarit të vrarë, shkruan Al Arabiya, “I është dorëzuar një agjenti të sigurisë turke jashtë selisë konsullore”. Mësohet se Rijadi i ka dorëzuar Anklarasë “një skicë sinjalizuese të agjentit turk që ka marrë jashtë konsullatës kutinë me trupin e shpërfytyruar. Sipas asaj që ka deklaruar prokurori, ai që ka dhënë urdhërin për vrasjen e Khashoggi-t ishte shefi i ekipit të Rijadit të dërguar në Stamboll për ta riatdhesuar gazetarin në Arabinë Saudite.

Megjithatë ky version nuk është u besueshëm dhe i pranueshëm nga qeveria e Ankarasë. Turqia pretendon dhe është e bindur që urdhëri për vrasjen brutale është dhënë nga princi trashëgimtar i kurorës, Mohammed Bin Salman. Një gjë e tillë është konfirmuar edhe nga vetë presidenti Rexhep Tajip Erdogan, i cili tha se për këto akuza bazohet në regjistrimet audio të kryera gjatë ekzekutimit. Mediat ndërkombëtare kanë raportuar më herët se në audio-regjistrimin e dëgjuar nga drejtuesja e CIA-d, Gina Haspel, dëgjohet një nga vrasësit teksa kërkon që të njoftohet shefi se misioni u përmbush me sukses. Shefi në fjalë besohet të jetë Mohammed bin Salman./abcnews.al

gazetarii12.jpg
ad min22:12 | 11/11/2018

Mediat turke kanë raportuar fjalët e fundit të gazetarit Jamal Khashoggi të vrarë në konsullatën e Arabisë Saudite në Stamboll. Sipas asaj që raportohet, 59-vjeçari ka kërkuar që t’i hiqet një qese nga koka, e cila po e mbyste.

Një gazetar i kronikës së zezë në gazetën turke “Daily Sabah”, ka rrëfyer për televizionin “Al Jazeera” fjalët e fundit të Jamal Khashoggi-t, që u vra në Konsullatën e Arabisë Saudite në Stamboll.

“Po mbytem…ma hiqni qesen nga koka, jam klaustrofobik“.

Këto ishin fjalët e fundit të gazetarit saudit Khashoggi, sipas një regjistrimi audio brenda konsullatës së Arabisë në Stamboll. 59-vjeçari u mbyt me një qese plastike, kurse trupi i tij u copëtua më pas. Gazetari turk Nazif Karaman, që ka bërë të ditura këto detaje, tha se vrasja zgjati rreth 7 minuta, sipas regjistrimeve.

Presidenti i Turqisë njoftoi të shtunën se regjistrimi audio nga brenda konsullatës lidhur me vrasjen e gazetarit saudit, iu dërgua edhe Arabisë Saudite, SHBA-së, Gjermanisë, Francës dhe Britanisë së Madhe. Erdogan shtoi gjithashtu se mediat turke do të publikojnë disa momente nga regjistrimet që dokumentojnë çastet e fundit të gazetarit Khashoggi, që punonte si analist për prestigjiozen amerikane “Washington Post”.

Arabia Saudite, e cila pas zhdukjes së gazetarit mohonte të kishte gisht në ngjarje, deri tani ka arrestuar 18 persona për vrasjen e gazetarit, dhe ka shkarkuar 5 zyrtarë të lartë të qeverisë. Ndërkohë, Ankaraja zyrtare kërkon ekstradimin në Turqi të të dyshuarve, pasi krimi ka ndodhur në territorin turk./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono